2018/2019 oʻquv yilida Oʻzbekiston Respublikasi Bank-moliya akademiyasi magistraturasiga qabul toʻgʻrisida (550-son)

18.07.2018

Oʻzbekiston Respublikasi Vazirlar Mahkamasining

qarori

Oʻzbekiston Respublikasining moliya, bank va soliq tizimlari hamda iqtisodiyotning real sektori ayrim tarmoqlari va korxonalarida investitsiya faoliyati uchun yuqori malakali magistrlar tayyorlash maqsadida Vazirlar Mahkamasi qaror qiladi:

1. Quyidagilar:

Oʻzbekiston Respublikasi Bank-moliya akademiyasi magistraturasi boʻyicha 2018/2019 oʻquv yiliga qabul kvotalari 1-ilovaga muvofiq;

“Investitsiyalarni boshqarish (real sektor uchun)” mutaxassisligi boʻyicha qabul kvotalarining iqtisodiyot real sektorining ayrim tarmoqlari va korxonalari boʻyicha taqsimlanishi 2-ilovaga muvofiq tasdiqlansin.

2. Oʻzbekiston Respublikasi Oliy va oʻrta maxsus taʼlim vazirligi Oʻzbekiston Respublikasi Bank-moliya akademiyasi magistraturasida boshqaruv kadrlari tayyorlanishini eʼtiborga olgan holda mazkur qarorning 1-ilovasida keltirilgan magistratura bosqichida boshqaruv kadrlari tayyorlash mutaxassisliklari nomlarini bir oy muddatda Oliy taʼlim yoʻnalishlari va mutaxassisliklari klassifikatoriga kiritsin.

3. Oʻzbekiston Respublikasi Bank-moliya akademiyasi magistraturasi qabul komissiyasiga Akademiyaga kirish jarayonida magistratura mutaxassisliklari boʻyicha abituriyentlar toʻplagan ballarning reyting baholanishini hisobga olgan holda Akademiyaning qabul koʻrsatkichlariga belgilangan umumiy kvotalar doirasida oʻzgartirishlar kiritish huquqi berilsin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2018-yil 18-iyul,

550-son

Vazirlar Mahkamasining 2018-yil 18-iyuldagi 550-son qaroriga 1-ILOVA

Oʻzbekiston Respublikasi Bank-moliya akademiyasi magistraturasi boʻyicha 2018/2019 oʻquv yiliga qabul kvotalari

T/r Mutaxassisliklar nomi Jami Shu jumladan: davlat granti toʻlov-kontrakt 1. Iqtisodiyotni monetar tartibga solish 10 7 3 2. Tijorat banklarini boshqarish 45 11 34 3. Bank hisobi, auditi va nazorati 15 5 10 4. Investitsiyalarni boshqarish (bank sektori) 30 6 24 5. Investitsiyalarni boshqarish (real sektor) 15 4 11 6. Davlat moliyasini boshqarish 35 15 20 7. Davlat moliyaviy nazorati va auditi 10 3 7 8. Sugʻurta kompaniyalarini boshqarish 10 - 10 9. Pensiya fondlarini boshqarish 15 10 5 10. Korporativ moliyani boshqarish 15 4 11 Jami 200 65 135

Izoh. “Davlat moliyasini boshqarish” mutaxassisligi boʻyicha davlat granti asosida 2 (ikkita) oʻrin Oʻzbekiston Respublikasi Mudofaa vazirligi uchun, 1 (bitta) oʻrin Oʻzbekiston Respublikasi Favqulodda vaziyatlar vazirligi uchun maqsadli ravishda ajratilgan.

Vazirlar Mahkamasining 2018-yil 18-iyuldagi 550-son qaroriga 2-ILOVA

“Investitsiyalarni boshqarish (real sektor uchun)” mutaxassisligi boʻyicha qabul kvotalarining iqtisodiyot real sektorining ayrim tarmoqlari va korxonalari boʻyicha taqsimlanishi

T/r Vazirlik, idora va korxonalarning nomlari Jami Shu jumladan: davlat granti toʻlov-kontrakt 1. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi 1 1 - 2. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi 3 2 1 3. Oʻzbekiston Respublikasi Investitsiyalar boʻyicha davlat qoʻmitasi 1 1 - 4. “Oʻzbekneftegaz” AJ 3 - 3 5. “Oʻzbekiston temir yoʻllari” AJ 1 - 1 6. “Navoiy KMK” DK 2 - 2 7. “Olmaliq KMK” AJ 1 - 1 8. “Oʻzagrotexsanoatxolding” AJ 1 - 1 9. “Qishloq qurilish bank” ATB 2 - 2 Jami 15 4 11