Ilmiy darajalar beruvchi ilmiy kengash toʻgʻrisidagi nizomga oʻzgartirish va qoʻshimchalar kiritish haqida (2893-2-son)

16.07.2018

Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi rayosatining

Qarori

[Oʻzbekiston Respublikasi Adliya vazirligi tomonidan 2018-yil 16-iyulda roʻyxatdan oʻtkazildi, roʻyxat raqami 2893-2]

Oʻzbekiston Respublikasi Prezidentining 2018-yil 3-apreldagi PF-5395-son “Amalga oshirilayotgan islohotlarni huquqiy taʼminlash faoliyatini tubdan takomillashtirish chora-tadbirlari toʻgʻrisida”gi Farmoniga muvofiq Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi Rayosati qaror qiladi:

1. Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi Rayosatining 2017-yil 31-maydagi 239/3-son qarori (roʻyxat raqami 2893, 2017-yil 23-iyun) (Oʻzbekiston Respublikasi qonun hujjatlari toʻplami, 2017-y., 25-son, 568-modda) bilan tasdiqlangan Ilmiy darajalar beruvchi ilmiy kengash toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Oliy attestatsiya komissiyasi raisi A. YUSUPOV

Toshkent sh.,

2018-yil 28-iyun,

254/10-son

Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi Rayosatining 2018-yil 28-iyundagi 254/10-son qaroriga ILOVA

Ilmiy darajalar beruvchi ilmiy kengash toʻgʻrisidagi nizomga kiritilayotgan oʻzgartirish va qoʻshimchalar

1. 6-bandning beshinchi xatboshisi “Yuridik fanlar” degan soʻzlardan keyin “va islomshunoslik fanlari” degan soʻzlar bilan toʻldirilsin.

2. 7-bandning uchinchi xatboshisi “yuridik fanlar” degan soʻzlardan keyin “va islomshunoslik fanlari” degan soʻzlar bilan toʻldirilsin.

3. 5-ilovaning 10-bandi oʻz kuchini yoʻqotgan deb hisoblansin.

4. Mazkur oʻzgartirish va qoʻshimchalar Oʻzbekiston Respublikasi Oliy va oʻrta maxsus taʼlim vazirligi, Innovatsion rivojlanish vazirligi, Xalq taʼlimi vazirligi, Sogʻliqni saqlash vazirligi, Madaniyat vazirligi, Tashqi ishlar vazirligi, Qishloq xoʻjaligi vazirligi, Fanlar akademiyasi hamda Jismoniy tarbiya va sport vazirligi bilan kelishilgan.

Ilmiy darajalar beruvchi ilmiy kengash toʻgʻrisidagi nizomga kiritilayotgan oʻzgartirish va qoʻshimchalar boʻyicha KELIShISh VARAQASI

Jismoniy tarbiya va sport vaziri Sh. ISRAILOV

2018-yil 27-iyun

Innovatsion rivojlanish vaziri I. ABDURAXMONOV

2018-yil 27-iyun

Madaniyat vaziri B. SAYFULLAYEV

2018-yil 27-iyun

Oliy va oʻrta maxsus taʼlim vaziri I. MADJIDOV

2018-yil 27-iyun

Sogʻliqni saqlash vaziri A. ShADMANOV

2018-yil 27-iyun

Tashqi ishlar vaziri A. KAMILOV

2018-yil 27-iyun

Fanlar akademiyasi direktori B. YULDASHEV

2018-yil 27-iyun

Xalq taʼlimi vaziri Sh. ShERMATOV

2018-yil 27-iyun

Qishloq xoʻjaligi vaziri B. YUSUPOV

2018-yil 27-iyun