“Oʻzbekiston Respublikasida jamoat birlashmalari toʻgʻrisida”gi Oʻzbekiston Respublikasining Qonuniga oʻzgartish va qoʻshimchalar kiritish toʻgʻrisida (664-XII-son)

03.07.1992

Oʻzbekiston Respublikasining qonuni

Oʻzbekiston Respublikasi Oliy Kengashi qaror qiladi:

1. Oʻzbekiston Respublikasining “Oʻzbekiston Respublikasida jamoat birlashmalari toʻgʻrisida” 1991-yil 15-fevralda qabul qilingan Qonuniga (Oʻzbekiston Respublikasi Oliy Kengashining Axborotnomasi, 1991-yil № 4, 76-modda) quyidagi oʻzgartishlar va qoʻshimchalar kiritilsin:

1) kirish qismidan “SSSR Konstitutsiyasiga” degan soʻzlar chiqarib tashlansin;

2) 3-moddasining ikkinchi qismidan va 23-moddasidan tegishli ravishda “SSSR” degan soʻzlar chiqarib tashlansin;

3) 6-moddasining birinchi qismi chiqarib tashlansin;

4) 9-moddasining birinchi qismidan “boshqa jumhuriyatlar fuqarolarining shuningdek” degan soʻzlar chiqarib tashlansin;

5) 10-moddaning 6-bandi quyidagi tahrirda bayon etilsin:

“6. Jamoat birlashmasi hamda uning tashkilotlarining mablagʻlari va boshqa mol-mulkini hosil qilishning pul bilan taʼminlanish manbalari”;

6) 11-moddaning birinchi va toʻqqizinchi qismlari quyidagi tahrirda bayon etilsin:

“Oʻzbekiston Respublikasida amal qiluvchi xalqaro jamoat tashkilotlarining, jumhuriyat, viloyatlararo birlashmalarining ustavlari Oʻzbekiston Respublikasi Adliya vazirligi tomonidan roʻyxatga olinadi”.

“Xalqaro jamoat birlashmalarining, ularning boʻlinmalarining filiallari, shu jumladan ommaviy harakatlari va ularning tarmoq boʻlinmalarining, shuningdek jumhuriyat va mahalliy jamoat birlashmalari (shu jumladan ommaviy harakatlarning) Oʻzbekiston Respublikasi Adliya vazirligida va uning joylaridagi idoralarida oʻz ustavlarini roʻyxatdan oʻtkazmagan boʻlsalar, Oʻzbekiston Respublikasi hududida faoliyat koʻrsatishlariga yoʻl qoʻyilmaydi”.

7) 12-moddaniig toʻrtinchi qismi quyidagi tahrirda bayon etilsin:

“Xalqaro, jumhuriyat va viloyatlararo jamoat birlashmalarining ustavini roʻyxatdan oʻtkazishning rad etilishi ustidan — Oʻzbekiston Respublikasi Oliy sudiga, mahalliy jamoat birlashmalari ustavini roʻyxatdan oʻtkazish ishi ustidan esa — tegishli viloyat, Toshkent shahar sudiga shikoyat qilish mumkin”.

8) 15-modda uchinchi qismining uchinchi xatboshisi chiqarib tashlansin;

9) 18-moddaning toʻrtinchi qismi quyidagi tahrirda bayon etilsin:

“Siyosiy maqsadlarni koʻzlovchi siyosiy partiyalar va ommaviy jamoat harakatlarining diniy tashkilotlardan, chet el davlatlari, tashkilotlari va fuqarolaridan moliyaviy va oʻzga yordam olishi man etiladi, ulardan tushgan mablagʻlarni esa Oʻzbekiston Respublikasi Moliya vazirligi davlat foydasiga oʻtkazib yuboradi”.

10) 19-moddaning quyidagi mazmunda boʻlgan ikkinchi qism bilan toʻldirilsin:

“Siyosiy maqsadlarni koʻzlovchi siyosiy partiyalar va ommaviy jamoat harakatlar diniy tashkilotlardan, shuningdek chet el davlatlari, tashkilotlari va fuqarolaridan kelib tushgan mablagʻlar evaziga noshirlik faoliyatini yuritishga va matbaa nashrlarini taʼmin etishga haqli emas”.

11) 20-moddaning birinchi qismi quyidagi tahrirda bayon etilsin:

“Moliya idoralari jamoat birlashmalarini mablagʻ bilan taʼminlash va ular daromadlarining manbalarini, ular olgan mablagʻ miqdorini va soliqlar toʻgʻrisidagi qonunlarga muvofiq soliq toʻlanishini nazorat qilib boradilar”.

12) 22-moddaning birinchi va toʻrtinchi qismlari quyidagi tahrirda bayon etilsin:

“Jamoat birlashmasi ushbu Qonun 3-moddasinnng 2, 3, 4-qismi va 18-moddasining toʻrtinchi qismida koʻzda tutilgan xatti-harakatlarni sodir etgan taqdirda sud qaroriga binoan tugatilishi mumkin”.

“Xalqaro jamoat birlashmalari, uning boʻlinmalari, filiallari, jumhuriyat va viloyatlararo jamoat birlashmalari Oʻzbekiston Respublikasi prokurorining, Oʻzbekiston Respublikasi Adliya vazirligining, Bosh Davlat soliq boshqarmasining, shuningdek Oʻzbekiston Respublikasi qonunlari bilan vakolat berilgan boshqa idoralari va mansabdor shaxslarning Oʻzbekiston Respublikasi Oliy sudi chiqargan qarorga muvofiq tugatiladi, Oʻzbekiston Respublikasi Oliy sudining jamoat birlashmasini tugatish toʻgʻrisida qarori ustidan shikoyat qilinmaydi.

2. Ushbu Qonun imzolangan daqiqadan boshlab kuchga kiradi.

Oʻzbekiston Respublikasining Prezidenti I. KARIMOV

Toshkent sh.,

1992-yil 3-iyul,

664-XII-son