Jahon iqtisodiyoti va diplomatiya universiteti faoliyatini tubdan takomillashtirish chora-tadbirlari toʻgʻrisida (PQ-3795-son)

21.06.2018

Oʻzbekiston Respublikasi Prezidentining

Qarori

Xalqaro munosabatlar sohasida diplomatik, boshqaruv kadrlarini va mutaxassislarni tanlash, tayyorlash, qayta tayyorlash, ular malakasini oshirish tizimining samaradorligini tubdan oshirish, mamlakatning tashqi iqtisodiy va tashqi siyosiy faoliyatini ilmiy-metodologik va axborot-tahliliy jihatdan taʼminlash maqsadida, shuningdek, Oʻzbekiston Respublikasi Prezidentining 2018-yil 5-apreldagi “Oʻzbekiston Respublikasi Tashqi ishlar vazirligi tizimini tubdan takomillashtirish hamda tashqi siyosiy va tashqi iqtisodiy faoliyatning ustuvor yoʻnalishlarini amalga oshirishda uning masʼuliyatini kuchaytirish chora-tadbirlari toʻgʻrisida”gi PF-5400-son Farmoni ijrosi yuzasidan:

1. Belgilab qoʻyilsinki, Jahon iqtisodiyoti va diplomatiya universiteti (keyingi oʻrinlarda Universitet deb yuritiladi) Oʻzbekiston Respublikasi Tashqi ishlar vazirligi tizimiga kiradi hamda quyidagi yoʻnalishlar boʻyicha mutaxassislar va ilmiy-pedagogik kadrlar tayyorlash, qayta tayyorlash va malakasi oshirishni, yuqori darajada fundamental hamda ilmiy-amaliy tadqiqotlar olib borilishini taʼminlaydigan asosiy oliy taʼlim muassasasi hisoblanadi:

xalqaro iqtisodiyot va menejment;

xalqaro munosabatlar va siyosiy fanlar;

xalqaro ommaviy va xususiy huquq;

gid hamrohligi va tarjimonlik faoliyati.

2. Quyidagilar Universitetning asosiy vazifalari va faoliyat yoʻnalishlari etib belgilansin:

ilgʻor xorijiy tajribadan, shu jumladan zamonaviy innovatsion pedagogik texnologiyalar va ilmiy ishlanmalardan foydalanish, mamlakatdagi taʼlim muassasalari va ilmiy tashkilotlarning mazkur yoʻnalishdagi faoliyatini samarali muvofiqlashtirish asosida respublika tashqi siyosiy hamda tashqi iqtisodiy faoliyati sohasida xalqaro mutaxassislarni tayyorlashning yuqori sifatini taʼminlash;

talabalarning mustaqil tayyorgarlik koʻrishini chuqurlashtirishni, ularda tahliliy fikrlashni, mustahkam kasbiy koʻnikmalarni, yuksak maʼnaviy-axloqiy va vatanparvarlik fazilatlarini shakllantirish hamda rivojlantirishni taʼminlaydigan oʻquv rejalari va dasturlarining amaliy mazmunini kuchaytirish;

Oʻzbekiston Respublikasi Tashqi ishlar vazirligi hamda boshqa sohaviy vazirlik va idoralarning doimiy yangilanib turadigan istiqbolli kadrlar zaxirasini shakllantirish maqsadida xalqaro sohadagi kadrlarni qayta tayyorlash hamda ularning malakasini oshirishning samarali tizimini yaratish;

xalqaro munosabatlar, xorijlik sheriklar bilan hamkorlik, mamlakatimizning tashqi siyosiy hamda tashqi iqtisodiy faoliyati rivojlanishining prognoz baholarini va istiqbollarini ishlab chiqishga qaratilgan fundamental hamda ilmiy-amaliy tadqiqotlar samaradorligini tubdan oshirish;

xalqaro munosabatlarning ustuvor yoʻnalishlari boʻyicha yuqori malakali ilmiy va ilmiy-pedagogik kadrlarni tayyorlash;

xorijiy mamlakatlarning rasmiy tadbirlari va delegatsiyalariga yuksak darajada hamrohlik qilishni taʼminlashga safarbar etilgan yuqori malakali professional tarjimonlar hamda gidlarni oʻqitishning zamonaviy uslublari va vositalaridan foydalangan holda tashkil etish;

Universitetning moddiy-texnika bazasini rivojlantirish hamda mustahkamlash, xodimlarni moddiy ragʻbatlantirish va ijtimoiy himoya qilishni yaxshilash, ularning samarali ishlashi uchun munosib shart-sharoitlar yaratish boʻyicha tashkiliy-huquqiy chora-tadbirlarni ishlab chiqish hamda amalga oshirish.

5. 2018/2019 oʻquv yilidan boshlab quyidagilar belgilansin:

Universitetning bakalavriat yoʻnalishlari boʻyicha taʼlim olish muddati toʻrt yilni tashkil etadi, bunda beshinchi bosqich talabalari mazkur qaror qabul qilingan paytda amalda boʻlgan taʼlim dasturlariga muvofiq oʻqishni yakunlaydi va belgilangan tartibda diplom oladi;

Universitetning barcha bakalavriat yoʻnalishlari boʻyicha oʻqishga qabul chet tili, matematika/tarix, ona tili va adabiyot fanlari boʻyicha davlat test sinovlari yakunlari asosida amalga oshiriladi;

Universitetning magistratura yoʻnalishlari boʻyicha taʼlim olish muddati ishlab chiqarishdan ajralgan holda taʼlim oluvchilar uchun bir yilni, ishlab chiqarishdan ajralmagan holda taʼlim oluvchilar uchun ikki yilni tashkil etadi.

6. Oʻzbekiston Respublikasi Tashqi ishlar vazirligi, Iqtisodiyot vazirligi hamda Oliy va oʻrta maxsus taʼlim vazirligining 2018/2019 oʻquv yilida Universitetning bakalavriatiga talabalarni qabul qilish kvotasini 3-ilovaga muvofiq 150 kishi (shu jumladan davlat grantlari boʻyicha 30 kishi), Universitetning magistraturasiga 50 kishi (shu jumladan davlat grantlari boʻyicha 10 kishi) etib belgilash, qonun hujjatlariga muvofiq oshirilgan kontrakt stavkalari boʻyicha qoʻshimcha qabul qilish imkoniyatini nazarda tutish toʻgʻrisidagi taklifiga rozilik berilsin.

Belgilansinki, 2019/2020 oʻquv yilidan boshlab magistraturaga qabul qilinadigan talabalar soni Universitet tomonidan Oʻzbekiston Respublikasi Tashqi ishlar vazirligi va Iqtisodiyot vazirligi bilan kelishilgan holda bakalavriatga qabul kvotasining 50 foizigacha boʻlgan hisob-kitobdan (shu jumladan davlat grantlari boʻyicha magistratura uchun ajratilgan joylar sonining 20 foizi) hamda respublika tashqi siyosiy va tashqi iqtisodiy faoliyatining tegishli yoʻnalishlari boʻyicha yuqori malakali xalqaro mutaxassislar, ilmiy va ilmiy-pedagogik kadrlarning zaxirasini toʻldirish ehtiyojlaridan kelib chiqqan holda belgilanadi.

Jahon iqtisodiyoti va diplomatiya universiteti kadrlariga buyurtmachi-tashkilotlar roʻyxati va bakalavriat bitiruvchilarining ular orasidagi taqsimoti 4-ilovaga muvofiq tasdiqlansin.

7. Universitetga quyidagi huquqlar berilsin:

belgilangan tartibda taʼlim standartlarini ishlab chiqish, malakaviy talablar, oʻquv rejalari va dasturlarini, shuningdek, ilgʻor xalqaro tajribani hisobga olgan holda talabalarning bilimini baholash hamda oʻquv jarayonining amaliyot bilan integratsiyalashuvini taʼminlash tizimini ishlab chiqish va tasdiqlash;

bakalavriatda turdosh yoʻnalishlar boʻyicha oʻqishni muvaffaqiyatli tamomlagan talabalarni istisno tariqasida “Gid hamrohligi va tarjimonlik faoliyati” mutaxassisligi boʻyicha magistraturaga qabul qilish;

professor-oʻqituvchilar tarkibining faoliyat turlari boʻyicha vaqt meʼyorlarini belgilash;

Universitet taʼlim yoʻnalishlari boʻyicha pedagogik kadrlarni qayta tayyorlash va malakasini oshirish rejalari hamda dasturlarini ishlab chiqish va ularning amalga oshirilishini taʼminlash;

bakalavriat, magistratura va oliy taʼlimdan keyingi taʼlim yoʻnalishlari boʻyicha yetakchi xorijiy oliy taʼlim muassasalari bilan qoʻshma taʼlim dasturlarini joriy etish;

Universitet va Diplomatik akademiyaning moddiy-texnika bazasini mustahkamlash, mutaxassislarni shartnoma asosida jalb qilish, xodimlarni moddiy ragʻbatlantirish uchun toʻlov-kontrakt (shu jumladan, oshirilgan kontrakt stavkalardan tushumlar) va budjetdan tashqari mablagʻlarni ulardan oqilona hamda samarali foydalanish sharti bilan tasarruf etish;

Universitetning faoliyat yoʻnalishlari boʻyicha shartnoma asosida konsalting va ekspert-tahliliy xizmatlar koʻrsatish, ushbu vazifalarni amalga oshirish uchun tashkiliy-huquqiy va innovatsion-investitsiyaviy tuzilmalarni yaratish.

Universitet hamda shu sohadagi vazirlik va idoralar zimmasiga Universitetning akademik litseyi va “Dipnihol” maktabgacha taʼlim tashkiloti faoliyatini muvofiqlashtirish hamda “Ulugʻbek nomidagi Toshkent xalqaro maktabi” nodavlat taʼlim muassasasiga oʻquv-uslubiy va axborot-resurs koʻmagi berish vazifalari yuklansin.

8. Universitet tuzilmasida quyidagilar tashkil etilsin:

a) quyidagilar asosiy vazifalari etib belgilangan Xalqaro iqtisodiy va siyosiy tadqiqotlar markazi:

xalqaro iqtisodiyot va menejment, mamlakat eksport salohiyatini oshirish, investitsiyalar hamda sayyohlar oqimini jalb qilish, jahon siyosati va xalqaro xavfsizlik, zamonaviy fan hamda xalqaro munosabatlar amaliyotining boshqa ustuvor yoʻnalishlari sohasida fundamental va amaliy tadqiqotlar olib borish;

xalqaro ishlar boʻyicha mutaxassislarni kasbiy, ilmiy-tadqiqot va tahliliy tayyorlash samaradorligini oshirishga qaratilgan xalqaro iqtisodiyot hamda siyosat sohasida yangi kurslar va dasturlarni tayyorlash hamda oʻquv jarayoniga joriy etish;

oʻtkazilgan tadqiqotlar asosida mamlakatning tashqi siyosiy va tashqi iqtisodiy faoliyati samaradorligini oshirish masalalari boʻyicha axborot-tahliliy, prognoz materiallar va tavsiyalarni ishlab chiqish;

b) quyidagilar asosiy vazifalari etib belgilangan Xalqaro-huquqiy tadqiqotlar va qiyosiy ommaviy huquq markazi:

xalqaro ommaviy va xususiy huquq sohasida chuqur fundamental va amaliy tadqiqotlarni olib borish, mamlakat tashqi siyosiy hamda tashqi iqtisodiy faoliyatining huquqiy asoslarini shakllantirish;

respublikaning tashqi siyosiy hamda tashqi iqtisodiy faoliyati sohasidagi huquqiy siyosat, qonunchilik va huquqni qoʻllash amaliyoti rivojlanishini muntazam tahlil qilish, tadqiqotlar natijalarini ilgʻor xalqaro tajribani hisobga olgan holda oʻquv jarayoniga va yangi avlod oʻquv-metodik adabiyotlarini tayyorlash ishlariga joriy etish;

Oʻzbekiston Respublikasining xalqaro munosabatlarini huquqiy tartibga solish tizimini takomillashtirishga qaratilgan qiyosiy huquqshunoslik, xalqaro iqtisod va tijorat huquqi, zamonaviy yuridik fan hamda amaliyotning boshqa tarmoqlari boʻyicha istiqbolli tadqiqot loyihalariga yosh olimlarni faol jalb qilish.

9. Belgilab qoʻyilsinki:

Oʻzbekiston Respublikasi Davlat budjeti mablagʻlari, shartnoma asosida xizmatlar koʻrsatish tushumlari, ilmiy-texnik dasturlarga ajratilgan grantlar, shuningdek, qonunchilik hujjatlarida taqiqlanmagan boshqa manbalar Jahon iqtisodiyoti va diplomatiya universiteti huzuridagi Istiqbolli xalqaro tadqiqotlar instituti (keyingi oʻrinlarda — institut) faoliyatini moliyalashtirish manbalari hisoblanadi;

institutga ilmiy xodimlar sifatida, jumladan oʻrindoshlik asosida ishga jalb qilish ilmiy va amaliy koʻnikmaga ega, yuqori malakali mutaxassislar orasidan oʻtkaziladigan tanlov asosida amalga oshiriladi;

institut olib boradigan tadqiqot ishlarini muvofiqlashtirish mamlakatning tashqi siyosiy va tashqi iqtisodiy faoliyatining asosiy vazifalarini hisobga olgan holda Tashqi ishlar vazirligi tomonidan amalga oshiriladi.

10. Belgilansinki:

a) 2018-yil 1-sentabrdan boshlab Diplomatik akademiyada quyidagi xodimlar toifalari majburiy tartibda qayta tayyorlanadilar va malaka oshiradilar:

Tashqi ishlar va Tashqi iqtisodiy aloqalar va savdo vazirliklari, tashqi siyosiy hamda tashqi iqtisodiy faoliyatga jalb qilingan boshqa vazirlik va idoralar, mahalliy davlat hokimiyati organlarining maʼmuriy-boshqaruv xodimlari — uch yilda bir marta;

tashqi siyosiy hamda tashqi iqtisodiy faoliyat sohasida vazifalarni bajarish bilan bogʻliq rahbarlik lavozimiga tayinlash uchun zaxiraga olingan davlat va xoʻjalik boshqaruvi organlari, mahalliy davlat hokimiyati organlari, boshqa ixtisoslashtirilgan davlat muassasalari xodimlari;

Oʻzbekiston Respublikasining xorijdagi muassasalari hamda xalqaro tashkilotlarning Oʻzbekiston uchun ajratilgan kvotalariga diplomatik va maʼmuriy-texnik lavozimlarga tayinlanadigan xodimlar, shu jumladan, ularning turmush oʻrtoqlari;

xalqaro munosabatlar hamda siyosiy fanlar, xalqaro iqtisodiyot va menejment, xalqaro ommaviy hamda xususiy huquq, gid hamrohligi va tarjimonlik faoliyati yoʻnalishidagi oliy taʼlim muassasalarining pedagog kadrlari — uch yilda bir marta;

b) Diplomatik akademiya kurslarining ishlab chiqarishdan ajralgan holatda taʼlim olayotgan tinglovchilari uchun butun taʼlim olish davrida asosiy ish joyidagi egallab turgan lavozimi, ish haqi va unga tenglashtirilgan toʻlovlar saqlanadi;

v) Diplomatik akademiyada oʻqitish, qayta tayyorlash hamda malaka oshirish Oʻzbekiston Respublikasi tashqi ishlar vaziri tomonidan har yili tasdiqlanadigan reja va dasturlarga muvofiq shartnoma asosida amalga oshiriladi.

Oliy maktabga tijorat asosida nodavlat tashkilotlar uchun ixtisoslashtirilgan oʻquv kurslarini oʻtkazish huquqi berilsin.

11. Oʻzbekiston Respublikasi Tashqi ishlar vazirligi:

yuqori malakali kadrlar tayyorlash xarajatlari va Universitetning rivojlantirish strategiyasini hisobga olgan holda har yili toʻlov-kontrakt asosidagi bakalavriat va magistraturada taʼlim olishning qiymatini belgilasin va tasdiqlasin. Bunda, Universitetda shartnoma asosida taʼlim olishning toʻlov qiymati tegishli yoʻnalish va mutaxassislik boʻyicha respublika taʼlim muassasalari uchun belgilanganidan 3 baravar oshishi mumkin emas;

Universitet va Diplomatik akademiya kadrlarini Tashqi ishlar vazirligining markaziy apparati hamda Oʻzbekiston Respublikasining xorijdagi muassasalarida muntazam ravishda ichki idoraviy rotatsiya qilish tartibini joriy etishni;

Universitet faoliyatiga jalb qilinadigan va uning hamkorlikdagi tadbirlarida ishtirok etish uchun taklif qilinadigan chet ellik oʻqituvchilar, olimlar hamda mutaxassislarga kirish vizalarini konsullik va boshqa yigʻimlarni undirmagan holda rasmiylashtirishni taʼminlasin.

12. Tashqi iqtisodiy aloqalar va savdo vazirligi, Turizmni rivojlantirish davlat qoʻmitasi, Oʻzbekiston Respublikasi Prezidenti huzuridagi Strategik va mintaqalararo tadqiqotlar instituti, mahalliy davlat hokimiyati organlari, tashqi siyosiy hamda tashqi iqtisodiy faoliyatga jalb etilgan vazirlik va idoralar Tashqi ishlar vazirligi bilan birgalikda:

oʻquv amaliyotini oʻtash dasturlariga muvofiq sohaviy vazirlik va idoralarning tegishli boʻlinmalarida talabalar tomonidan taʼlim jarayonida olingan amaliy va nazariy bilimlarini amaliyotda qoʻllash maqsadida ularning majburiy amaliyotini tashkil etishda Universitetga har tomonlama koʻmak koʻrsatsin;

Universitet va Diplomatik akademiya professor-oʻqituvchilar tarkibi, tadqiqotchilarining idoraviy mansub boʻlinmalarning ish faoliyati bilan tanishishlari va tashqi siyosiy hamda tashqi iqtisodiy faoliyat sohasida davlat siyosatining ustuvor yoʻnalishlari haqidagi yangi bilimlarga ega boʻlishlari uchun ularda qisqa muddatli stajirovka oʻtashlarini tashkil etish amaliyotini joriy etsin;

Universitet va Diplomatik akademiyada boshqaruv tarkibi, masʼul xodimlar va amaliyotchi-mutaxassislar tomonidan xalqaro munosabatlar, mamlakatning ichki va tashqi siyosatining dolzarb masalalari boʻyicha muntazam ravishda darslar, maʼruzalar (shu jumladan, soatlik ish haqi yoki oʻrindoshlik shartlari asosida) oʻtkazilishini taʼminlasin.

13. Universitet va Diplomatik akademiya faoliyatini moliyalashtirishning asosiy manbalari etib Oʻzbekiston Respublikasi Davlat budjeti, Universitet hamda Diplomatik akademiyaning budjetdan tashqari jamgʻarmalari, jumladan taʼlimning toʻlov-shartnoma shaklidan tushadigan mablagʻlar, shartnoma asosida xizmatlarni amalga oshirishdan tushgan mablagʻlar, grantlar, shuningdek, xorijiy va qonun hujjatlari bilan taqiqlanmagan boshqa manbalar belgilansin.

Universitetda budjet muassasalari va tashkilotlari xodimlarini moddiy ragʻbatlantirish maxsus fondi bilan bir qatorda budjetdan tashqari mablagʻlar, xususan toʻlov-shartnoma (jumladan, oshirilgan shartnoma asosida taʼlim olishga kiruvchilar) mablagʻlari hisobidan maʼmuriy-boshqaruv, professor-oʻqituvchi, ilmiy, oʻquv-yordamchi, texnik va xizmat koʻrsatuvchi xodimlarni ularning mehnatiga haq toʻlash fondidan 85 foiz miqdorigacha boʻlgan moddiy ragʻbatlantirish maxsus jamgʻarmasi (keyingi oʻrinlarda — Maxsus jamgʻarma) tashkil etilsin.

14. Belgilab qoʻyilsinki:

Universitet rektori Maxsus jamgʻarma mablagʻlari hisobiga Universitet va Diplomatik akademiya xodimlariga ularning ishlari hajmi va samaradorligini hisobga olgan holda lavozim maoshining 100 foizigacha boʻlgan miqdorda oylik ustama belgilash, shuningdek, qonunchilikka muvofiq boshqa qoʻshimcha moddiy ragʻbatlantirish choralarini qoʻllash huquqiga ega;

Maxsus jamgʻarma mablagʻlarini shakllantirish va undan foydalanish tartibi, shuningdek, Universitet va Diplomatik akademiya xodimlariga oylik ustama belgilash mezonlari Universitet tomonidan Oʻzbekiston Respublikasi Tashqi ishlar vazirligi bilan kelishilgan holda belgilanadi;

2018-yil 1-iyuldan Oʻzbekiston Respublikasi Tashqi ishlar vazirligi tizimidagi xodimlarga uzoq yillik xizmati va diplomatik ranglari uchun oylik maoshlariga qoʻshimcha haq Universitet va Diplomatik akademiya xodimlariga nisbatan ham tatbiq etiladi.

15. Oʻzbekiston Respublikasi Moliya vazirligi mazkur qarorda nazarda tutilgan vazifalarni amalga oshirish uchun zarur mablagʻlarni 2018-yil uchun ajratsin, keyingi yillardan boshlab esa ularni Oʻzbekiston Respublikasi Davlat budjeti xarajatlari parametrlarida nazarda tutsin.

16. Universitet:

qonunlar, Oʻzbekiston Respublikasi Oliy Majlisi palatalari qarorlari, Oʻzbekiston Respublikasi Prezidentining farmonlari, qarorlari va farmoyishlari, Oʻzbekiston Respublikasi Vazirlar Mahkamasining qarorlari va farmoyishlari, Investitsiyalar va tashqi savdo vazirligi, Adliya vazirligi, Ichki ishlar vazirligi, Oliy sud, Bosh prokuratura, Turizmni rivojlantirish davlat qoʻmitasi, Davlat bojxona qoʻmitasi, Davlat soliq qoʻmitasi, boshqa sohaviy vazirlik va idoralar, mahalliy davlat hokimiyati organlarining normativ-huquqiy hujjatlari majburiy (bir nusxada) yuboriladigan tashkilotlar roʻyxatiga;

bosma va kitob mahsulotlari (huquqiy, ijtimoiy-siyosiy va iqtisodiy nashrlar)ning bepul nusxalari (bir nusxada) oladigan tashkilotlar roʻyxatiga;

Oʻzbekiston Respublikasi Milliy statistika qoʻmitasi, shuningdek, boshqa vazirlik va idoralarning statistik axborotlari majburiy yuboriladiganlar roʻyxatiga kiritilsin.

17. Jahon iqtisodiyoti va diplomatiya universiteti faoliyatini tubdan takomillashtirish boʻyicha kompleks chora-tadbirlar dasturi 5-ilovaga muvofiq tasdiqlansin.

1 va 2 ilovalar rus tili matnida berilgan.

18. Oʻzbekiston Respublikasi Vazirlar Mahkamasi:

bir hafta muddatda Jahon iqtisodiyoti va diplomatiya universiteti bakalavriati va magistraturasiga qabul qilish tartibi toʻgʻrisidagi Nizomni tasdiqlasin;

bir oylik muddatda 2020-yil oxiriga qadar Universitet va Oliy maktab moddiy-texnika bazasini mustahkamlash va kengaytirish, obyektlarni qurish, rekonstruksiya qilish, kapital taʼmirlash hamda jihozlash, Universitetning toʻlaqonli muhandis-texnik, axborot-kommunikatsiya infratuzilmasini yaratish masalalari boʻyicha qaror qabul qilsin;

Oliy taʼlim yoʻnalishlari va mutaxassisliklari klassifikatoriga “Xalqaro iqtisodiyot va menejment”, “Gid hamrohligi va tarjimonlik faoliyati” mutaxassisliklari kiritilishini taʼminlasin.

19. Oʻzbekiston Respublikasi Ichki ishlar vazirligi Jahon iqtisodiyoti va diplomatiya universiteti buyurtmalariga binoan Universitetda ishlash uchun jalb etiladigan chet ellik oʻqituvchilar, professorlar va mutaxassislarga davlat bojlari toʻlashdan ozod etgan holda koʻp martalik vizalar berilishi va uzaytirilishini belgilangan tartibda taʼminlasin.

20. Oʻzbekiston Respublikasi Tashqi ishlar vazirligi manfaatdor vazirlik va idoralar bilan birgalikda bir oy muddatda qonun hujjatlariga mazkur qarordan kelib chiqadigan oʻzgartish va qoʻshimchalar toʻgʻrisida taklif kiritsin.

21. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidentining Davlat maslahatchisi R.S. Qosimov, Oʻzbekiston Respublikasi Prezidenti Davlat maslahatchisining birinchi oʻrinbosari B.M. Mavlonov va Oʻzbekiston Respublikasi tashqi ishlar vaziri A.X. Kamilov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2018-yil 21-iyun,

PQ-3795-son

Oʻzbekiston Respublikasi Prezidentining 2018-yil 21-iyundagi PQ-3795-son qaroriga 3-ILOVA

2018/2019 oʻquv yilida Jahon iqtisodiyoti va diplomatiya universitetida bakalavrlar tayyorlash boʻyicha qabul kvotalari Shifr Taʼlim yoʻnalishi 2018/2019 oʻquv yiliga kvota Jami shu jumladan: grant kontrakt 150 30 120 5120700 Jahon siyosati (mintaqalar boʻyicha) 30 6 24 5231100 Xalqaro iqtisodiyot va menejment (mintaqalar va faoliyat yoʻnalishlari boʻyicha) 75 15 60 5240100 Yurisprudensiya (xalqaro-huquqiy faoliyat) 45 9 36 2018/2019 oʻquv yilida Jahon iqtisodiyoti va diplomatiya universitetida magistrlar tayyorlash boʻyicha qabul kvotalari Shifr Taʼlim yoʻnalishi 2018/2019 oʻquv yiliga kvota Jami shu jumladan: grant kontrakt 50 10 40 5A120701 Xalqaro munosabatlar va jahon siyosati 8 1 7 5A231101 Xalqaro iqtisodiyot va menejment (mintaqalar va faoliyat yoʻnalishlari boʻyicha) 9 2 7 5A231102 Tashqi iqtisodiy faoliyat (tarmoqlar va faoliyat yoʻnalishlari boʻyicha) 9 2 7 5A240105 Xalqaro huquq (sohalar boʻyicha) 6 1 5 5A240106 Diplomatik va konsullik huquqi 4 1 3 5A240111 Xalqaro biznes huquqi 5 1 4 Gid hamrohligi va tarjimonlik faoliyati 9 2 7

Oʻzbekiston Respublikasi Prezidentining 2018-yil 21-iyundagi PQ-3795-son qaroriga 4-ILOVA

JIDU kadrlariga buyurtmachi-tashkilotlar roʻyxati va bakalavriat bitiruvchilarining ular oʻrtasidagi

taqsimoti*

T/rBuyurtmachi-tashkilotlar roʻyxatiTalabalar soniBakalavriat taʼlimi yoʻnalishi1501.Oliy Majlis Qonunchilik palatasi va Senati apparatlari42.Tashqi ishlar vazirligi303.Investitsiyalar va tashqi savdo vazirligi64.Adliya vazirligi105.Ichki ishlar vazirligi56.Mudofaa vazirligi57.Davlat bojxona qoʻmitasi68.Prokuratura organlari89.Turizmni rivojlantirish davlat qoʻmitasi710.Xokimliklar711.Innovatsion rivojlanish vazirligi713.Savdo-sanoat palatasi514.Bandlik va mehnat munosabatlari vazirligi615.Iqtisodiyot vazirligi716.Milliy gvardiya517.Davlat xavfsizlik xizmati518.Milliy statistika qoʻmitasi219.Strategik va mintaqalararo tadqiqotlar instituti720Fuqarolik jamiyati shakllanishini monitoring qilish mustaqil instituti321.Inson huquqlari milliy markazi222.Siyosiy partiyalar5

* Oʻzbekiston Respublikasi Oliy va oʻrta maxsus taʼlim vazirligi hamda Tashqi ishlar vazirligi JIDU kadrlariga buyurtmachi-tashkilotlar roʻyxatiga va talabalar soniga oʻzgartirish hamda qoʻshimchalar kiritishi mumkin.

Oʻzbekiston Respublikasi Prezidentining 2018-yil 21-iyundagi PQ-3795-son qaroriga 5-ILOVA

Jahon iqtisodiyoti va diplomatiya universiteti faoliyatini tubdan takomillashtirish boʻyicha kompleks chora-tadbirlar

dasturi

T/r Rejalashtirilayotgan tadbirlar Amalga oshirish mexanizmi Ijro muddati Masʼul ijrochilar I. JIDUda kadrlar tayyorlash tizimini tubdan takomillashtirish 1. Universitetda joriy etilayotgan yangi taʼlim yoʻnalishlari: “xalqaro iqtisodiyot va menejment”, “gid hamrohligi va tarjimonlik faoliyati” kabi yoʻnalishlar oʻqitish uchun kiritilayotganligini hisobga olgan holda taʼlim standartlarini tasdiqlash. Vazirlar Mahkamasi qarori 2018-yil iyun TIV, Oliy taʼlim vazirligi 2. Jahon iqtisodiyoti va diplomatiya universiteti bakalavriati va magistraturasida oʻqish uchun talabalarni qabul qilish tartibi toʻgʻrisida quyidagilarni nazarda tutuvchi Nizomni tasdiqlash: chet tili, matematika hamda tarix, ona tili va adabiyot boʻyicha test sinovlarini oʻtkazgan holda bakalavriatda oʻqish uchun abituriyentlardan hujjatlar qabul qilish tartibini joriy etish; JIDUga kirish uchun abituriyentlarni tanlab olish boʻyicha dastlabki imtihon sinovlarini oʻtkazish tartibi; bakalavriatga qabul qilishda chet tili boʻyicha bilim darajasini aniqlashning tashkiliy-huquqiy mexanizmlari, bunda IELTS bilimlar darajasi koʻrsatkichi — kamida 5,5 ball, TOEFL IBT boʻyicha kamida 61 ball, shuningdek, Test DaF, GOETNE sertifikati, DELF imtihonlari va hokazolar boʻyicha CEFR uslubidagi B2 minimal koʻrsatkichga ega, umum tomonidan qabul qilingan, shu jumladan amaldagi xalqaro sertifikatlar asos boʻladi; magistraturaga qabul qilishda chet tili boʻyicha bilim darajasini aniqlashning tashkiliy-huquqiy mexanizmlari, bunda IELTS bilimlar darajasi koʻrsatkichi — kamida 6,5 ball, TOEFL IBT boʻyicha kamida 85 ball, shuningdek, Test DaF, GOETNE sertifikati, DALF imtihonlari va hokazolar boʻyicha CEFR uslubidagi S1 minimal koʻrsatkichga ega, umum tomonidan qabul qilingan, shu jumladan amaldagi xalqaro sertifikatlar asos boʻladi. Vazirlar Mahkamasi qarori 2018-yil iyun TIV, DTM, Oliy taʼlim vazirligi 3. Xorijiy tillarga oʻqitish va sinxron tarjimonlarni tayyorlash tizimini takomillashtirish boʻyicha kompleks dasturni qabul qilish va amalga oshirish. Qoʻshma qaror 2018-yil avgust TIV, Oliy taʼlim vazirligi, OʻzDJTU 4. Talabalar tomonidan oʻquv va ishlab chiqarish amaliyotini oʻtash hamda keyinchalik ularning ishga joylashtirilishini taʼminlash tartibini tasdiqlash, bunda talabalar amaliyotini tashkil etish va bitiruvchilarni ishga joylashtirish toʻgʻrisidagi idoralararo bitimlarni tuzish va ularning soʻzsiz bajarilishini taʼminlash, JIDU bitiruvchilarining lavozimlar boʻyicha oʻsishining taʼsirchan monitoringini amalga oshirish mexanizmlari nazarda tutiladi. Qoʻshma qaror 2018 yilnoyabr TIV,Bandlik va mehnat munosabatlari vazirligi, TSV, Adliya vazirligi, Bosh prokuratura, Investitsiyalar boʻyicha davlat qoʻmitasi, Turizmni rivojlantirish davlat qoʻmitasi 5. 2018/2019 oʻquv yilidan boshlab JIDUda “gid hamrohligi va tarjimonlik faoliyati” mutaxassisligi boʻyicha taʼlimni tashkil etish borasidagi tashkiliy-huquqiy, oʻquv-uslubiy chora-tadbirlar kompleksini amalga oshirish. Qoʻshma qaror 2018 yil avgust TIV, Oliy taʼlim vazirligi, Madaniyat vazirligi, Turizmni rivojlantirish davlat qoʻmitasi 6. Bakalavriat va magistraturada toʻlov kontrakt asosida taʼlim olish qiymatining miqdorini belgilash tartibini ishlab chiqish va tasdiqlash. Qoʻshma qaror 2018 yil iyul TIV, Moliya vazirligi 7. Chet ellardagi ixtisoslashgan sherik — oliy oʻquv yurtlarining innovatsion va ilgʻor xalqaro amaliyot tajribasini oʻquv, ilmiy-tadqiqot va maʼmuriy faoliyatga tizimli asosda joriy etishni tashkil qilish boʻyicha kompleks chora-tadbirlarni ishlab chiqish va amalga oshirish. Qoʻshma qaror 2018 yil noyabr TIV, Innovatsion rivojlanish vazirligi 8. Chet mamlakatlarning yetakchi turdosh oliy oʻquv yurtlari va ilmiy-tahliliy markazlari bilan xalqaro aloqalarni chuqurlashtirish boʻyicha 2018 — 2020 yillarga moʻljallangan chora-tadbirlar dasturini tayyorlash. Buyruq 2018 yil noyabr TIV 9. Jahon iqtisodiyoti va diplomatiya universiteti hamda mazkur Universitet huzuridagi Oliy diplomatiya maktabining Ustavlarini ishlab chiqish va tasdiqlash. JIDUning yangi tashkiliy-shtat tuzilmasini yuqori malakali mutaxassislar, oʻqituvchi kadrlar bilan toʻldirish, shuningdek, Universitetning kam samarali va bir-birini takrorlovchi boʻlinmalarini tugatish hamda ularning xodimlari bilan mehnat shartnomalarini belgilangan tartibda toʻxtatish boʻyicha chora-tadbirlarni ishlab chiqish va amalga oshirish. Buyruq 2018 yil avgust TIV, JIDU 10. Vazirliklar va idoralarning yuqori malakali mutaxassis-larini, shu jumladan sobiq diplomatlarni taʼlim faoliyatiga jalb etish amaliyotini joriy qilish va rivojlantirish boʻyicha kompleks chora-tadbirlarni amalga oshirish. Qoʻshma qaror 2018 yil sentabr TIV, manfaatdor vazirliklar va idoralar 11. Masofaviy taʼlim va mustaqil bilim olish usullarini, interaktiv mashgʻulotlar hamda boshqa zamonaviy innovatsion texnologiyalarni, mazkur sohadagi ilgʻor xorijiy tajribani oʻquv jarayoniga tatbiq etish. Chora-tadbirlar kompleksi 2018 yil sentabr TIV, manfaatdor vazirliklar va idoralar II. Tashqi-siyosiy va tashqi-iqtisodiy tuzilmalar kadrlarini, shuningdek, professor-oʻqituvchilar tarkibini qayta tayyorlash hamda malakasini oshirish tizimini takomillashtirish 12. Diplomatiya, boshqaruv kadrlari va mutaxassislarini Oliy maktabda qayta tayyorlash, malakasini oshirishni tashkillashtirish boʻyicha tashkiliy-huquqiy, oʻquv-uslubiy chora-tadbirlar kompleksini amalga oshirish. Qoʻshma qaror 2018 yil avgust TIV, TSV, DBA 13. Diplomatik xizmat xodimlarini, tashqi-siyosiy va tashqi-iqtisodiy tuzilmalarning xalqaro sohadagi mutaxassislarini Oliy maktabda qayta tayyorlash, malakasini oshirish va kadrlar zaxirasini shakllantirishni tashkil etish tartibi toʻgʻrisidagi Nizomni tasdiqlash. Vazirlar Mahkamasi qarori 2018 yil avgust TIV, TSV, Investitsiyalar boʻyicha davlat qoʻmitasi, Turizmni rivojlantirish davlat qoʻmitasi 14. JIDU va Oliy diplomatiya maktabining maʼmuriy-boshqaruv va professor-oʻqituvchilar tarkibiga diplomatik martaba berish Tartibini tasdiqlash. Buyruq 2018 yil sentabr TIV, Adliya vazirligi 15. Universitet kadrlarining TIV markaziy apparatida va Oʻzbekiston Respublikasining xorijiy muassasalarida stajirovkadan oʻtishi hamda ularni rotatsiya qilish tartibi toʻgʻrisidagi Nizomni tasdiqlash. Buyruq 2018 yiloktabr TIV, Adliya vazirligi 16. Amaliyotda talab etilgan mutaxassislarni manzilli tayyorlash, shuningdek, buning asosida Universitet mutaxassisliklari boʻyicha kadrlar tayyorlashga yillik maqsadli buyurtmalar portfelini shakllantirishni taʼminlash maqsadida davlat hokimiyati va boshqaruvi organlarining, tashqi-siyosiy va tashqi-iqtisodiy sohalardagi nodavlat tashkilotlarining kadrlarga boʻlgan joriy va istiqboldagi talab-ehtiyojlarini kompleks tahlil qilishning doimiy ishlaydigan tizimini yaratish. Qoʻshma qaror 2018 yiloktabr TIV, Adliya vazirligi, Bosh prokuratura, TSV, Investitsiyalar boʻyicha davlat qoʻmitasi, Turizmni rivojlantirish davlat qoʻmitasi, manfaatdor vazirliklar va idoralar 17. Universitet va Oliy maktab professor-oʻqituvchilari malakasini Oʻzbekistonning yetakchi taʼlim va tahliliy muassasalarida, xorijiy mamlakatlarning taʼlim va tadqiqot markazlarida bdjet hamda budjetdan tashqari mablagʻlar hisobidan majburiy ravishda oshirishning uzoq muddatli dasturlarini ishlab chiqish va amalga oshirish. Buyruq 2018 yil sentabr TIV, Oliy taʼlim vazirligi, Moliya vazirligi 18. Vazirliklar va idoralardan, yetakchi oliy taʼlim va ilmiy muassasalardan, tadqiqot markazlaridan, shu jumladan xorijiy mamlakatlardan yuqori malakali mutaxassislar va ekspertlarni kontrakt asosida Universitet va Oliy maktabga oʻqituvchilik qilishga jalb etish boʻyicha yaxlit dasturni ishlab chiqish. Qoʻshma qaror 2018 yiloktabr TIV, Moliya vazirligi, Adliya vazirligi, Bosh prokuratura, TSV, Investitsiyalar boʻyicha davlat qoʻmitasi, Turizmni rivojlantirish davlat qoʻmitasi, manfaatdor vazirliklar va idoralar III. JIDUning ilmiy-tadqiqot va axborot-tahliliy salohiyatini oshirish 19. 2019-2021-yillarda xalqaro munosabatlar, tashqi-iqtisodiy va tashqi-siyosiy faoliyat sohasidagi fundamental va ilmiy-amaliy tadqiqotlar Kompleks dasturini ishlab chiqish va amalga oshirish. Buyruq 2018 yiloktabr TIV, Innovatsion rivojlanish vazirligi 20. JIDUda innovatsion faoliyatni rivojlantirish, Universitetning tashqi-iqtisodiy, tashqi-siyosiy faoliyat sohasi, shuningdek, taʼlim sohasidagi ilmiy-amaliy ishlanmalari tatbiq etilishini taʼminlash boʻyicha chora-tadbirlar dasturini ishlab chiqish va amalga oshirish. Qoʻshma qaror 2018 yiloktabr TIV, Innovatsion rivojlanish vazirligi,Oliy taʼlim vazirligi 21. Xalqaro munosabatlar, xalqaro iqtisodiyot va menejment, xalqaro huquqning dolzarb yoʻnalishlari boʻyicha ilmiy, ilmiy-pedagogik kadrlarni tayyorlash tizimini tubdan takomillashtirish boʻyicha kompleks dasturni qabul qilish. Qoʻshma qaror 2018 yil noyabr TIV, OAK, Fanlar akademiyasi, Innovatsion rivojlanish vazirligi 22. Xalqaro iqtisodiy va siyosiy tadqiqotlar markazi hamda Xalqaro-huquqiy tadqiqotlar va qiyosiy ommaviy huquq markazining Nizomlarini ishlab chiqish va tasdiqlash. TIV buyrugʻi 2018 yil avgust TIV IV. JIDUning moddiy-texnika bazasini mustahkamlash, xodimlarini moddiy ragʻbatlantirish chora-tadbirlari 23. JIDUning moddiy-texnika bazasini mustahkamlash boʻyicha quyidagilarni nazarda tutuvchi chora-tadbirlarni amalga oshirish: binolar va inshootlarni rekonstruksiya qilish hamda mukammal taʼmirlash; mahalliy isitish tizimini yaratish; bosmaxona, poligrafiya va nashriyot bazasini modernizatsiya qilish; Universitetni zarur mebel, anjomlar, oʻquv va laboratoriya uskunalari, kompyuter va boshqa orgtexnika, kutubxona fondi bilan jihozlash; Universitet hududini obodonlashtirish; JIDU faoliyatiga zamonaviy axborot-kommunikatsiya texnologiyalarini tatbiq etish. Vazirlar Mahkamasi qarori 2018 yil avgust Vazirlar Mahkamasi, TIV, Moliya vazirligi, Iqtisodiyot vazirligi, Investitsiyalar boʻyicha davlat qoʻmitasi, Axborot texnologiyalari va kommunikatsiyalarini rivojlantirish vazirligi 24. Universitet va Oliy maktabning boshqaruv xodimlari, professor-oʻqituvchilari, ilmiy, oʻquv-yordamchi, texnik va xizmat koʻrsatuvchi xodimlarini moddiy ragʻbatlantirish uchun Maxsus jamgʻarma hamda ularning xodimlariga har oylik ustamalar belgilash mezonlari toʻgʻrisidagi nizomni ishlab chiqish va tasdiqlash. Qoʻshma qaror 2018 yiliyun TIV, Moliya vazirligi