Oʻzbekiston Respublikasining Iqtisodiy protsessual kodeksi qabul qilinganligi munosabati bilan Oʻzbekiston Respublikasi Oliy sudi Plenumi va Oliy xoʻjalik sudi Plenumining ayrim qarorlariga oʻzgartish va qoʻshimchalar kiritish, shuningdek ayrimlarini oʻz kuchini yoʻqotgan deb topish toʻgʻrisida (17-son)

19.05.2018

Oʻzbekiston Respublikasi Oliy sudi Plenumining

Qarori

Oʻzbekiston Respublikasining Iqtisodiy protsessual kodeksi qabul qilinganligi va uni sud amaliyotida qoʻllash borasida baʼzi muammoli masalalar kelib chiqayotganligi munosabati bilan, “Sudlar toʻgʻrisida”gi Qonunning 17-moddasiga asosan Oʻzbekiston Respublikasi Oliy sudi Plenumi qaror qiladi:

I. Oʻzbekiston Respublikasi Oliy sudi Plenumi va Oʻzbekiston Respublikasi Oliy xoʻjalik sudi Plenumining quyidagi qarorlariga oʻzgartish va qoʻshimchalar kiritilsin:

1. Oʻzbekiston Respublikasi Oliy sudi Plenumi va Oʻzbekiston Respublikasi Oliy xoʻjalik sudi Plenumining “Sud hokimiyati toʻgʻrisida” 1996-yil 20-dekabrdagi 1/60-sonli qarori:

1-bandining birinchi xatboshisidagi “xoʻjalik” degan soʻz “iqtisodiy, maʼmuriy” degan soʻzlar bilan almashtirilsin;

3-bandining ikkinchi xatboshisi “yoxud Oʻzbekiston Respublikasi Prezidenti bilan kelishilgan holda Sudyalar oliy kengashi tomonidan tayinlanadi” degan soʻzlar bilan toʻldirilsin;

9-bandi:

birinchi va ikkinchi xatboshilari quyidagi tahrirda bayon etilsin:

“Tushuntirilsinki, Qoraqalpogʻiston Respublikasi, viloyatlar va Toshkent shahar sudlari, tumanlararo, tuman (shahar), harbiy sudlar yuqori turuvchi sudlarga faqat protsessual jihatdan boʻysunadi.

Barcha darajadagi sudlar sudyalari tegishli sud raislari va rais oʻrinbosarlariga faqat ishni tashkil etish masalalari boʻyicha boʻysunadilar”;

beshinchi xatboshisidagi “Umumiy sudlar sudyalari” degan soʻzlar “Sudyalar” degan soʻz bilan almashtirilsin;

10-bandi quyidagi tahrirda bayon etilsin:

“10. “Sudlar toʻgʻrisida”gi Oʻzbekiston Respublikasi Qonunining 11-moddasiga muvofiq sudlarning faoliyatini moddiy-texnika jihatidan va moliyaviy taʼminlash Oʻzbekiston Respublikasi Oliy sudi huzuridagi Sudlar faoliyatini taʼminlash departamenti tomonidan amalga oshiriladi”;

12-bandining ikkinchi xatboshisidagi “yoki Oʻzbekiston Respublikasi Oliy xoʻjalik sudi Plenumining” degan soʻzlar chiqarib tashlansin.

2. Oʻzbekiston Respublikasi Oliy xoʻjalik sudi Plenumining “Oʻzbekiston Respublikasining “Xoʻjalik yurituvchi subyektlar faoliyatining shartnomaviy-huquqiy bazasi toʻgʻrisida”gi Qonunini xoʻjalik sudlari amaliyotida qoʻllashning ayrim masalalari haqida” 2002-yil 4-martdagi 103-sonli qarori:

nomidagi, muqaddimasining ikkinchi xatboshisidagi, 1-bandidagi, 15-bandining birinchi xatboshisidagi tegishli son va kelishikdagi “xoʻjalik sudi” degan soʻzlar tegishli son va kelishikdagi “iqtisodiy sud” degan soʻzlar bilan almashtirilsin;

7-bandi quyidagi tahrirda bayon etilsin:

“7. Shartnomada majburiyatni bajarish muddati koʻrsatilmagan yoki muddat talab qilib olish payti bilan belgilangan boʻlsa, u holda FK 242-moddasiga muvofiq, majburiyatni darhol bajarish vazifasi qonun, shartnoma yoki majburiyatning mohiyatidan anglashilmasa, qarzdor bunday majburiyatni kreditor talab qilgan kundan boshlab yetti kunlik muddat ichida bajarishi shart”;

oʻzbek tilidagi matni 16-bandidagi “va Oliy sud Plenumi va Oliy xoʻjalik sudi Plenumining 2000-yil 28-apreldagi “Tadbirkorlik faoliyati bilan bogʻliq qonunchilikni qoʻllash sud amaliyoti toʻgʻrisida”gi 2/84-sonli qarorlari” degan soʻzlar “qarori” degan soʻz bilan almashtirilsin.

3. Oʻzbekiston Respublikasi Oliy xoʻjalik sudi Plenumining “Xoʻjalik sudining qonuniy kuchga kirgan hujjatlarini yangi ochilgan holatlar boʻyicha qayta koʻrishda Oʻzbekiston Respublikasi Xoʻjalik protsessual kodeksining qoʻllanishi haqida” 2003-yil 25-iyuldagi 111-sonli qarori:

nomi quyidagi tahrirda bayon etilsin:

“Qonuniy kuchga kirgan sud hujjatlarini yangi ochilgan holatlar boʻyicha qayta koʻrishda iqtisodiy protsessual qonun hujjatlarini qoʻllash boʻyicha sud amaliyoti toʻgʻrisida”;

muqaddimasidagi “Xoʻjalik sudlarining” degan soʻzlar “Iqtisodiy sudlarning” degan soʻzlar bilan almashtirilsin;

3-bandidagi, 4-bandining uchinchi xatboshisidagi, 5-bandining birinchi xatboshisidagi, 16-bandidagi tegishli son va kelishikdagi “xoʻjalik sudi” degan soʻzlar tegishli son va kelishikdagi “iqtisodiy sud” degan soʻzlar bilan almashtirilsin;

1-bandi quyidagi tahrirda bayon etilsin:

“1. Oʻzbekiston Respublikasi Iqtisodiy protsessual kodeksi (bundan buyon matnda IPK deb yuritiladi) 328-moddasining birinchi qismiga binoan sud hujjatlarini yangi ochilgan holatlar boʻyicha qayta koʻrish toʻgʻrisida ariza faqat ishda ishtirok etuvchi shaxslar yoki prokuror tomonidan berilishi mumkin. Ishda ishtirok etuvchi shaxslarning huquqiy vorislari (IPK 46-moddasi), shuningdek sud jarimasi solingan shaxslar (IPK 58, 69 va 98-moddalari) ham shunday huquqqa egadirlar.

Ishda ishtirok etishga jalb qilinmagan shaxslar, ularning qonuniy huquq va majburiyatlariga daxldor sud hujjatlari qabul qilingan taqdirda, shu asosda yangi ochilgan holatlar boʻyicha ariza berishga haqli emas, bunday holatda ular faqat shu sud hujjatlariga nisbatan apellatsiya, kassatsiya va nazorat tartibida shikoyat berishlari mumkin. Bunday shaxslar yangi ochilgan holatlar boʻyicha ariza bilan murojaat etganida arizani qabul qilish IPK 291-moddasi birinchi qismining 1-bandiga mos holda rad etiladi, agar ariza ish yuritishga qabul qilingan boʻlsa, ariza boʻyicha ish yuritish IPK 296-moddasi birinchi qismining 3-bandiga mos holda tugatiladi.

Iqtisodiy sudlar oʻzlari qabul qilgan sud hujjatlarini oʻz tashabbuslari bilan yangi ochilgan holatlar boʻyicha qayta koʻrishi mumkin emas”;

2-bandi quyidagi tahrirda bayon etilsin:

“2. IPKning 324-moddasida koʻrsatilganidek, sudning hujjati yangi ochilgan holatlar boʻyicha faqat u qonuniy kuchga kirganidan keyingina qayta koʻrilishi mumkin. Bu qoida darhol ijro etiladigan sud hujjatlariga ham taalluqlidir.

Qonuniy kuchga kirmagan sud hujjatini yangi ochilgan holatlar boʻyicha qayta koʻrish haqida ariza bilan murojaat etilganda, arizani qabul qilish IPK 154-moddasi birinchi qismining 1-bandiga mos holda rad etiladi, agar ariza ish yuritishga qabul qilingan boʻlsa, ariza boʻyicha ish yuritish IPK 110-moddasining 1-bandiga mos holda tugatiladi.

Sudlarning eʼtibori shunga qaratilsinki, sud hujjati qonuniy kuchga kirgandan soʻng shunday ariza bilan qaytadan murojaat etish, arizani umumiy tartibda koʻrib chiqishga toʻsqinlik qilmaydi”;

3-bandidagi “XPKning 204-moddasi 2-qismida” degan soʻzlar “IPKning 327-moddasida” degan soʻzlar bilan almashtirilsin;

4-bandi ikkinchi xatboshisidagi “XPKning 204-moddasi 2-qismi” degan soʻzlar “IPK 327-moddasining” degan soʻzlar bilan almashtirilsin;

5-bandi ikkinchi xatboshisidagi “XPKning 55-moddasiga” degan soʻzlar “IPKning 68-moddasiga” degan soʻzlar bilan almashtirilsin;

6-bandi quyidagi tahrirda bayon etilsin:

“6. IPK 327-moddasining 2 va 3-bandlariga binoan ishda ishtirok etuvchi shaxsning yoxud uning vakilining yoki sudyaning jinoiy harakatlari, shuningdek guvohning bila turib yolgʻon guvohlik berganligi, ekspertning bila turib yolgʻon xulosa berganligi va tarjimonning bila turib notoʻgʻri tarjima qilganligi, ular ishtirokida koʻrilgan boshqa ishlarda emas, balki aynan ushbu ishni koʻrishda sodir etilgan boʻlsa, yangi ochilgan holatlar boʻyicha ishni qayta koʻrish uchun asos boʻlishi mumkin. Ushbu bandlarda koʻrsatilgan holatlar sudning qonuniy kuchga kirgan hukmi bilan tasdiqlangan boʻlishi lozim. Oʻzbekiston Respublikasi Jinoyat-protsessual kodeksining 84-moddasida belgilangan asoslar boʻyicha shaxsning jinoyat sodir etilishida ayblilik toʻgʻrisidagi masalani hal qilmay turib jinoyat ishini qoʻzgʻatish rad etilgan yoki jinoyat ishi tugatilgan taqdirda, iqtisodiy sudning hujjati IPK 327-moddasining 1-bandida nazarda tutilgan asos boʻyicha qayta koʻrib chiqilishi mumkin”;

7-bandi quyidagi tahrirda bayon etilsin:

“7. Boshqa ish boʻyicha iqtisodiy sudning, fuqarolik ishlari boʻyicha sudning, jinoyat ishlari boʻyicha sudning yoki maʼmuriy sudning yoxud boshqa organning hujjati bekor qilinganligi iqtisodiy sud hujjatini yangi ochilgan holat boʻyicha qayta koʻrish uchun asos boʻlishi mumkin (IPK 327-moddasining 4-bandi), basharti, agar bekor qilingan hujjat iqtisodiy sudning qayta koʻrib chiqilayotgan hujjatiga haqiqatan ham asos qilib olingan boʻlsa”;

8-bandi quyidagi tahrirda bayon etilsin:

“8. Qonuniy kuchga kirgan sud hujjatini yangi ochilgan holatlar boʻyicha qayta koʻrish haqidagi ariza ushbu sud hujjatini qabul qilgan iqtisodiy sudga, agar sud hujjati apellatsiya, kassatsiya yoki nazorat instansiyasi sudi tomonidan oʻzgartirilgan yoki bekor qilingan hamda yangi sud hujjati qabul qilingan boʻlsa, ariza iqtisodiy sudning sud hujjati oʻzgartirilgan yoki yangi sud hujjati qabul qilingan instansiyasiga beriladi. Ushbu tartib buzilgan holda berilgan ariza IPK 331-moddasi birinchi qismining 1-bandiga mos holda qaytariladi. Agar koʻrsatilgan holat ariza ish yuritishga qabul qilinganidan soʻng aniqlansa, ariza boʻyicha ish yuritish IPK 110-moddasining 1-bandiga mos holda tugatiladi.

IPK 328-moddasining birinchi — uchinchi qismlari, shuningdek 329-moddasi talablariga rioya etilgan holda berilgan qonuniy kuchga kirgan sud hujjatini yangi ochilgan holatlar boʻyicha qayta koʻrish haqidagi ariza ishni koʻrish joyi va vaqti koʻrsatilgan ajrim chiqarish yoʻli bilan ish yuritishga qabul qilinadi. IPK 328-moddasining birinchi qismida belgilangan ariza berishning bir oylik muddati protsessual muddat boʻlib, agar ariza qayta koʻrish uchun asos boʻladigan holatlar ochilgan kundan eʼtiboran olti oydan kechiktirmay berilgan boʻlsa va sud muddatni oʻtkazib yuborish sabablarini uzrli deb topsa, ushbu muddat tiklanishi mumkin.

Oʻtkazib yuborilgan muddatni tiklashni rad etish haqida arizani qaytarish toʻgʻrisidagi ajrimda koʻrsatilishi lozim. Iltimosnoma qanoatlantirilgan va oʻtkazib yuborilgan muddat tiklanganda bu haqida qonuniy kuchga kirgan sud hujjatini yangi ochilgan holatlar boʻyicha qayta koʻrish toʻgʻrisidagi arizani ish yuritishga qabul qilish toʻgʻrisidagi ajrimda koʻrsatiladi.

IPK 328-moddasining toʻrtinchi qismiga muvofiq sud hujjati qonuniy kuchga kirgan paytdan eʼtiboran uch yil oʻtgach berilgan arizalar koʻrib chiqilmaydi. Sud hujjati qonuniy kuchga kirgan paytdan eʼtiboran uch yil oʻtgandan keyin berilgan arizani qabul qilish IPK 314-moddasining 2-bandiga asosan rad etiladi. Agar koʻrsatilgan holat ariza ish yuritishga qabul qilinganidan keyin aniqlansa, IPK110-moddasining 1-bandiga mos holda ariza boʻyicha ish yuritish tugatiladi”;

9-bandi chiqarib tashlansin;

11-bandi quyidagi tahrirda bayon etilsin:

“11. Sudlar shuni alohida eʼtiborga olishi lozimki, IPK 326-moddasining birinchi qismiga koʻra, sud hujjati yangi ochilgan holat boʻyicha shu hujjatni qabul qilgan iqtisodiy sud tomonidan qayta koʻriladi.

Birinchi instansiya sudining sud hujjatini, agar u apellatsiya, kassatsiya va nazorat instansiyalarida oʻzgartirilmagan yoki yangi qaror qabul qilinmagan boʻlsa, faqat shu sud instansiyasi qayta koʻrib chiqishga haqli. Basharti birinchi instansiya sudining sud hujjatlari oʻzgartirilgan yoki bekor qilingan boʻlsa, yangi ochilgan holatlar boʻyicha apellatsiya, kassatsiya va nazorat instansiyalarining qarorlari, ajrimlari IPK 326-moddasining ikkinchi qismiga binoan sud hujjatini oʻzgartirgan yoki bekor qilgan instansiya tomonidan qayta koʻrib chiqiladi”;

12-bandi:

birinchi xatboshisi chiqarib tashlansin;

ikkinchi xatboshisidagi “XPK” degan soʻz “IPK” degan soʻz bilan almashtirilsin;

13-bandi quyidagi tahrirda bayon etilsin:

“13. IPKning 332-moddasiga koʻra, qonuniy kuchga kirgan sud hujjatini yangi ochilgan holatlar boʻyicha qayta koʻrish toʻgʻrisidagi arizani iqtisodiy sud ariza tushgan kundan boshlab bir oylik muddatda sud majlisida koʻrib chiqadi. Arizachi va ishda ishtirok etuvchi boshqa shaxslar sud muhokamasining vaqti va joyi toʻgʻrisida IPKning 127-moddasida nazarda tutilgan tartibda xabardor qilinadi.

Sudlarning eʼtibori sud hujjatini yangi ochilgan holatlar boʻyicha qayta koʻrish haqidagi ariza bilan murojaat etgan shaxs arizasidan voz kechishi mumkinligiga qaratilsin.

Arizadan voz kechish qabul qilingan taqdirda sud IPK 110-moddasining 6-bandiga mos holda ariza boʻyicha ish yuritishni tugatadi”;

14-bandi quyidagi tahrirda bayon etilsin:

“14. IPKning 333-moddasiga binoan iqtisodiy sud sud hujjatini yangi ochilgan holatlar boʻyicha qayta koʻrish haqidagi arizani koʻrib chiqib, uni qanoatlantiradi va sud hujjatini bekor qiladi yoki arizani qanoatlantirishni rad etadi va bu haqda ajrim chiqaradi.

Qonuniy kuchga kirgan sud hujjatini yangi ochilgan holatlar boʻyicha qayta koʻrish toʻgʻrisidagi arizani koʻrib chiqish natijalari boʻyicha chiqarilgan ajrim ustidan umumiy tartibda shikoyat (protest) berilishi mumkin. Qonuniy kuchga kirgan sud hujjatini yangi ochilgan holatlar boʻyicha qayta koʻrish toʻgʻrisidagi arizani koʻrib chiqish natijalari boʻyicha apellatsiya yoki kassatsiya instansiyasi sudi tomonidan chiqarilgan ajrim ustidan nazorat shikoyati berilishi mumkin. Qonuniy kuchga kirgan sud hujjatini yangi ochilgan holatlar boʻyicha qayta koʻrish toʻgʻrisidagi arizani koʻrib chiqish natijalari boʻyicha nazorat instansiyasi sudi tomonidan chiqarilgan ajrim ustidan nazorat tartibidagi shikoyat (protest) umumiy tartibda berilishi mumkin, Oʻzbekiston Respublikasi Oliy sudi Rayosatining ajrimlari bundan mustasno”;

15-bandi quyidagi tahrirda bayon etilsin:

“15. Shuni nazarda tutish lozimki, IPK 333-moddasining toʻrtinchi qismiga muvofiq sud hujjati yangi ochilgan holatlar boʻyicha bekor qilingan taqdirda, ilgari oʻzi qabul qilgan sud hujjatini bekor qilgan sudning oʻzi ishni IPKda belgilangan umumiy tartibda koʻradi. Bunday holatda ishni koʻrishda IPKning tegishlicha birinchi, apellatsiya, kassatsiya va nazorat instansiyalari sudida ish yuritishni tartibga soladigan qoidalari qoʻllaniladi.

Yangi ochilgan holat boʻyicha sud hujjati bekor qilingan taqdirda, iqtisodiy sud, imkoniyat mavjud boʻlganda hamda ishda ishtirok etuvchi shaxslarning protsessual huquqlarini qatʼiy taʼminlagan, yaʼni ularni sud majlisi vaqti va joyi haqida tegishli tartibda xabardor qilgan holda, dastlabki sud qarorini bekor qilish haqida ajrim chiqarilgandan soʻng bevosita shu sud majlisida ishni mazmunan koʻrib chiqishga haqlidir”.

4. Oʻzbekiston Respublikasi Oliy xoʻjalik sudi Plenumining “Qishloq xoʻjaligida qonuniylikni taʼminlash va yerdan foydalanishdagi suiisteʼmolchiliklarning oldini olishda xoʻjalik sudlarining rolini oshirish toʻgʻrisida” 2004-yil 12-martdagi 115-sonli qarori:

nomidagi, muqaddimasining beshinchi — yettinchi xatboshilaridagi, 1, 2, 3, 4, 5, 6, 7, 8, 9 va 10-bandlaridagi, 11-bandining birinchi, uchinchi xatboshilaridagi, 12, 13 va 15-bandlaridagi tegishli son va kelishikdagi “xoʻjalik sudi” degan soʻzlar tegishli son va kelishikdagi “iqtisodiy sud” degan soʻzlar bilan almashtirilsin;

3-bandi:

ikkinchi xatboshisidagi “Xoʻjalik protsessual kodeksi 24-moddasining 11-bandiga muvofiq, xoʻjalik sudiga” degan soʻzlar “Maʼmuriy sud ishlarini yuritish toʻgʻrisidagi kodeksning 25-moddasiga muvofiq maʼmuriy sudga” degan soʻzlar bilan almashtirilsin;

toʻrtinchi xatboshisi chiqarib tashlansin;

10-bandidagi “4-qismida” degan soʻzlar “toʻrtinchi qismida” degan soʻzlar bilan almashtirilsin;

11-bandining uchinchi xatboshisidagi “3-qismiga” degan soʻzlar “uchinchi qismiga” degan soʻzlar bilan almashtirilsin;

14-bandi quyidagi tahrirda bayon qilinsin:

“14. Iqtisodiy sudlar shuni eʼtiborga olsinlarki, Oʻzbekiston Respublikasi Soliq kodeksi 330-moddasining 2-bandiga muvofiq qishloq xoʻjaligi mahsulotlarini ishlab chiqaruvchilar tayyorlov va xizmat koʻrsatish tashkilotlariga nisbatan shartnoma majburiyatlarining bajarilmasligi yuzasidan beriladigan daʼvo arizalari boʻyicha, 16-bandiga muvofiq tuman qishloq va suv xoʻjaligi boʻlimlari qishloq xoʻjalik mahsulotlarini yetishtiruvchilar manfaatlarini koʻzlab kiritiladigan daʼvo arizalari boʻyicha, 29-bandiga muvofiq Oʻzbekiston fermer, dehqon xoʻjaliklari va tomorqa yer egalari kengashi, Qoraqalpogʻiston Respublikasi, viloyatlar va tumanlar fermer, dehqon xoʻjaliklari va tomorqa yer egalari kengashlari fermer xoʻjaliklarining fermer, dehqon xoʻjaliklari va tomorqa yer egalari manfaatlarini koʻzlab qilingan daʼvolar yuzasidan davlat bojini toʻlashdan ozod etilganlar”.

5. Oʻzbekiston Respublikasi Oliy xoʻjalik sudi Plenumining “Bankrotlik toʻgʻrisida”gi Oʻzbekiston Respublikasi Qonunini xoʻjalik sudlari tomonidan qoʻllashning ayrim masalalari haqida” 2006-yil 27-yanvardagi 142-sonli qarori:

nomi quyidagi tahrirda bayon etilsin:

“Bankrotlik toʻgʻrisidagi qonun hujjatlarini iqtisodiy sudlar tomonidan qoʻllashning ayrim masalalari haqida”;

1-bandi quyidagi tahrirda bayon etilsin:

“1. “Bankrotlik toʻgʻrisida”gi Qonun barcha yuridik shaxslarga (budjet tashkilotlari bundan mustasno) va yakka tartibdagi tadbirkorlarga, shuningdek, agar pul majburiyatlari va majburiy toʻlovlar boʻyicha qarzdorlik avvalgi tadbirkorlik faoliyatidan kelib chiqqan boʻlsa, tadbirkor maqomini yoʻqotgan jismoniy shaxslarga nisbatan tatbiq etiladi”;

2-bandi quyidagi tahrirda bayon etilsin:

“2. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, shuningdek uning hududiy organlarining (bundan buyon matnda bankrotlik toʻgʻrisidagi ishlar boʻyicha davlat organi deb yuritiladi) bankrotlik ishlari yuzasidan bergan arizalari va iltimosnomalari Qonunda belgilangan eng qisqa muddatlarda koʻrib chiqilishi lozim.

Bankrotlik toʻgʻrisidagi ishlar boʻyicha davlat organi, shuningdek davlat soliq xizmati organi va prokurorning qarzdorni bankrot deb topish haqidagi arizalari iqtisodiy sudlar tomonidan davlat boji toʻlovisiz ish yuritishga qabul qilinadi. Iqtisodiy sud tomonidan ariza qanoatlantirilgan taqdirda davlat boji qarzdordan undiriladi.

Belgilangan tartibda va miqdorda pochta xarajatlari toʻlanganligini tasdiqlovchi hujjatlar taqdim etilmagan boʻlsa, ariza va unga ilova qilingan hujjatlar Oʻzbekiston Respublikasi Iqtisodiy protsessual kodeksi (bundan buyon matnda IPK deb yuritiladi) 155-moddasi birinchi qismining 5-bandiga asosan qaytariladi”;

3-bandidagi, 4-bandining uchinchi xatboshisidagi, 5-bandidagi, 8-bandining birinchi va ikkinchi xatboshilaridagi, 10-bandidagi, 11-bandining uchinchi xatboshisidagi, 12-bandining ikkinchi va uchinchi xatboshilaridagi, 13-bandining ikkinchi xatboshisidagi, 13.3-bandining birinchi, ikkinchi, oltinchi va yettinchi xatboshilaridagi, 15-bandining birinchi xatboshisidagi, 17-bandining birinchi va ikkinchi xatboshilaridagi, 19-bandining birinchi, ikkinchi, beshinchi, yettinchi va sakkizinchi xatboshilaridagi, 20-bandining ikkinchi xatboshisidagi, 21-bandining ikkinchi va beshinchi xatboshilaridagi, 22 — 25 va 27-bandlaridagi, 28-bandining birinchi va toʻrtinchi xatboshilaridagi, 30 va 32-bandlaridagi, 35-bandining ikkinchi va uchinchi xatboshilaridagi, 36, 40 — 43-bandlaridagi tegishli son va kelishikdagi “xoʻjalik sudi” degan soʻzlar tegishli son va kelishikdagi “iqtisodiy sud” degan soʻzlar bilan almashtirilsin;

4-bandining uchinchi xatboshisidagi “boqimandani” degan soʻz “soliq qarzini” degan soʻzlar bilan almashtirilsin;

5-bandidagi “umumiy yurisdiksiya” degan soʻzlar “fuqarolik ishlari boʻyicha” degan soʻzlar bilan almashtirilsin;

6-bandi quyidagi tahrirda bayon etilsin:

“6. Qonunning 10-moddasiga koʻra iqtisodiy sud qarzdorni bankrot deb topish toʻgʻrisidagi arizani ish yuritish uchun qabul qilib olgan paytdan eʼtiboran kreditorlar qarzdorga oʻz talablarini qondirish maqsadida yakka tartibda murojaat etishga haqli emas.

Agar bankrotlik toʻgʻrisidagi ish qoʻzgʻatilgandan keyin qarzdorni bankrot deb topish toʻgʻrisidagi ariza berilgunga qadar paydo boʻlgan qarzni undirish haqida kreditordan iqtisodiy sudga daʼvo arizasi kelib tushgan boʻlsa, daʼvo arizasini qabul qilish IPK 154-moddasi birinchi qismining 1-bandiga muvofiq rad etiladi.

Agar koʻrsatilgan holatlar daʼvo arizasi (ariza) ish yurituvga qabul qilingandan keyin aniqlansa, u holda daʼvo arizasi IPK 107-moddasining 9-bandiga asosan koʻrmasdan qoldiriladi”;

7-bandi quyidagi tahrirda bayon etilsin:

“7. Qonunda boshqacha qoida nazarda tutilgan boʻlmasa, qarzdorni bankrot deb topish toʻgʻrisidagi arizani qabul qilishda sudya qarzdor yuridik shaxsning eng kam oylik ish haqining besh yuz baravaridan, qarzdor — yakka tartibdagi tadbirkorning yoki yakka tartibdagi tadbirkor maqomini yoʻqotgan jismoniy shaxsning esa eng kam oylik ish haqining oʻttiz baravaridan kam boʻlmagan miqdorda jami qarzi mavjudligini va bu majburiyatlar yuzaga kelgan kundan eʼtiboran uch oy davomida bajarilmaganligini tasdiqlovchi hujjatlarni tekshirishi zarur. Agar bunday hujjatlar taqdim etilmagan boʻlsa, arizani qabul qilish Qonun 45-moddasining beshinchi qismi va IPK 154-moddasi birinchi qismining 1-bandiga asosan rad etiladi”;

8-bandining toʻrtinchi xatboshisi “yakka tartibdagi tadbirkorning” degan soʻzlardan keyin “yoki yakka tartibdagi tadbirkor maqomini yoʻqotgan jismoniy shaxsning” degan soʻzlar bilan toʻldirilsin;

9-bandidagi “XPK” degan soʻz “IPK” degan soʻz bilan almashtirilsin;

11-bandining ikkinchi xatboshisidagi “Oliy xoʻjalik sudiga” degan soʻzlar “Oliy sudiga” degan soʻzlar bilan almashtirilsin;

12-bandining birinchi xatboshisi “yakka tartibdagi tadbirkorlar” degan soʻzlardan keyin “va yakka tartibdagi tadbirkor maqomini yoʻqotgan jismoniy shaxslar” degan soʻzlar bilan toʻldirilsin;

13-bandining ikkinchi xatboshisidagi “XPKning 152-moddasi” degan soʻzlar “IPKning 200-moddasi” degan soʻzlar bilan almashtirilsin;

oʻzbek tilidagi matnning 16-bandi quyidagi tahrirda bayon etilsin:

“16. Qonun 19-moddasining birinchi qismiga asosan bankrotlik taomilini amalga oshirishda sud boshqaruvchisi tomonidan iqtisodiy sudga beriladigan daʼvo arizalari va arizalar oldindan davlat boji hamda pochta xarajatlari toʻlanmasdan qabul qilinadi”;

20-bandining birinchi xatboshisidagi “XPKning 82 va 83-moddalarida” degan soʻzlar “IPKning 101 va 102-moddalarida” degan soʻzlar bilan almashtirilsin;

21-bandining birinchi va ikkinchi xatboshilaridagi, 22 va 26-bandlaridagi “XPK” degan soʻz “IPK” degan soʻz bilan almashtirilsin;

21-bandi uchinchi xatboshisining uchinchi jumlasi chiqarib tashlansin;

23-bandi “soxta bankrotlik aniqlanganda” degan soʻzlardan keyin “va Qonunda nazarda tutilgan boshqa hollarda” degan soʻzlar bilan toʻldirilsin;

24-bandining uchinchi xatboshisidagi “XPK 86-moddasining” degan soʻzlar “IPK 110-moddasining” degan soʻzlar bilan almashtirilsin;

29-bandining birinchi xatboshisi “qarzdorga nisbatan kuzatuv va (yoki) sud sanatsiyasi joriy qilinganidan keyin vujudga kelgan pul majburiyatlari va (yoki) majburiy toʻlovlar bundan mustasno”degan soʻzlar bilan toʻldirilsin;

34-bandi quyidagi tahrirda bayon etilsin:

“34. Shaharni tashkil etuvchi va ularga tenglashtirilgan korxonalarni bankrot deb topish toʻgʻrisidagi ishlarni koʻrishda iqtisodiy sudlar Oʻzbekiston Respublikasi Vazirlar Mahkamasining 2015-yil 30-apreldagi 107-sonli qarori bilan tasdiqlangan “Korxonalarni shaharni tashkil etuvchi korxonalar va ularga tenglashtirilgan korxonalar jumlasiga kiritish tartibi toʻgʻrisida”gi nizomga rioya qilishlari lozim”;

35-bandi:

uchinchi xatboshisi “yakka tartibdagi tadbirkorning yoki” degan soʻzlardan keyin “yakka tartibdagi tadbirkor maqomini yoʻqotgan jismoniy shaxsning yoxud” degan soʻzlar bilan toʻldirilsin;

toʻrtinchi xatboshisidagi “sud ijrochisining” degan soʻzlar “davlat ijrochisining” degan soʻzlar bilan almashtirilsin;

37-bandi quyidagi tahrirda bayon etilsin:

“37. Qarzdor — yakka tartibdagi tadbirkor yoki yakka tartibdagi tadbirkor maqomini yoʻqotgan jismoniy shaxs kreditorlarining barcha talablari toʻliq qanoatlantirilgandan va hisob-kitoblar tugagandan keyin iqtisodiy sud tugatishga doir ish yuritish tamomlanganligi haqida ajrim chiqaradi.

Qarzdor — yakka tartibdagi tadbirkorning yoki yakka tartibdagi tadbirkor maqomini yoʻqotgan jismoniy shaxsning barcha kreditorlar talablarini qanoatlantirish uchun mol-mulki yetarli boʻlmagan hollarda, davlat ijrochisi “Sud hujjatlari va boshqa organlar hujjatlarini ijro etish toʻgʻrisida”gi Oʻzbekiston Respublikasi Qonunining 37 va 39-moddalarida belgilangan qoidalarga muvofiq undiruvni qarzdorning mol-mulkiga qaratish haqidagi ijro varaqasini iqtisodiy sudga qaytaradi. Iqtisodiy sud ijro varaqasini qaytarish haqidagi hujjatlarni koʻrib chiqqandan keyin tugatishga doir ish yuritish tamomlanganligi toʻgʻrisida ajrim chiqaradi.

Agar Qonun 181-moddasining ikkinchi qismiga muvofiq tugatish boshqaruvchisi tayinlangan boʻlsa, u holda tugatishga doir ish yuritish Qonunning 142 va 144-moddalarida belgilangan qoidalar boʻyicha tamomlanadi”;

38-bandining toʻrtinchi xatboshisi quyidagi jumla bilan toʻldirilsin:

“Aks holda qarzdorning mol-mulkini bankka oʻtkazish haqidagi bankning arizasini qanoatlantirish rad etiladi”;

39-bandi “yakka tartibdagi tadbirkorning” degan soʻzlardan keyin “yakka tartibdagi tadbirkor maqomini yoʻqotgan jismoniy shaxsning” degan soʻzlar bilan toʻldirilsin;

41-bandidagi “XPK 128-moddasining” degan soʻzlar “IPK 168-moddasining” degan soʻzlar bilan almashtirilsin.

6. Oʻzbekiston Respublikasi Oliy xoʻjalik sudi Plenumining “Sudning hal qiluv qarori toʻgʻrisida” 2007-yil 15-iyundagi 161-sonli qarori:

nomi quyidagi tahrirda bayon etilsin:

“Iqtisodiy sudning hal qiluv qarori toʻgʻrisida”;

oʻzbek tilidagi matni muqaddimasidagi “Xoʻjalik sudlari”, “xoʻjalik protsessual” degan soʻzlar tegishincha “Iqtisodiy sudlar”, “iqtisodiy protsessual” degan soʻzlar bilan almashtirilsin;

1-bandi quyidagi tahrirda bayon etilsin:

“1. Iqtisodiy sudlarning (bundan buyon matnda sudlar deb yuritiladi) eʼtibori qarorning odil sudlovning konstitutsiyaviy asoslarini amalga oshiradigan va Oʻzbekiston Respublikasi nomidan qabul qilinadigan hujjat sifatida qonuniy va asoslantirilgan boʻlishi haqidagi Oʻzbekiston Respublikasi Iqtisodiy protsessual kodeksining (bundan buyon matnda IPK deb yuritiladi) 18-bobi talablariga soʻzsiz va qatʼiy rioya etilishi shart ekanligiga qaratilsin.

Sud tomonidan qabul qilingan qaror moddiy va protsessual huquq normalari bilan toʻliq mos kelishi, ish hujjatlari va sud aniqlagan holatlarga muvofiq boʻlishi kerak. Qayd etilgan talablarga rioya etmaslik IPKning 279, 302 va 322-moddalariga muvofiq qarorning bekor qilinishi yoki oʻzgartirilishi uchun asos boʻlishi mumkin.

Sud tomonidan IPKning 177-moddasida nazarda tutilgan barcha masalalarni hal etmaydigan, yuzaki, asoslantirilmagan qarorlarning qabul qilinishi mumkin emas”;

2-bandining ikkinchi xatboshisidagi “XPKning 12-moddasi” degan soʻzlar “IPKning 13-moddasi” degan soʻzlar bilan almashtirilsin;

3-bandi:

ikkinchi xatboshisidagi “XPKning 56 — 62-moddalari” degan soʻzlar “IPKning 69 — 75-moddalari” degan soʻzlar bilan almashtirilsin;

uchinchi xatboshisi “ekspertlarning xulosalari,” degan soʻzlardan keyin “mutaxassislarning maslahati (tushuntirishi),” degan soʻzlar bilan toʻldirilsin;

5-bandi:

birinchi xatboshisidagi “XPKning 138-moddasida” degan soʻzlar “IPKning 179-moddasida” degan soʻzlar bilan almashtirilsin;

oltinchi xatboshisidagi “shuningdek Oʻzbekiston Respublikasi Oliy xoʻjalik sudi Plenumi qarorlari” degan soʻzlar chiqarib tashlansin;

6-bandidagi “XPKning 41 va 42-moddalariga” degan soʻzlar “IPKning 47 va 48-moddalariga” degan soʻzlar bilan almashtirilsin;

8-bandi:

ikkinchi xatboshisidagi “XPK” degan soʻz “IPK” degan soʻz bilan almashtirilsin;

yettinchi xatboshisidagi “XPKning 140-moddasida” degan soʻzlar “IPKning 182-moddasida” degan soʻzlar bilan almashtirilsin;

9-bandi quyidagi tahrirda bayon etilsin:

“Qaror u qonuniy kuchga kirgandan keyin ijro qilinadi”;

10-bandidagi “XPKning 217-moddasida” degan soʻzlar “IPKning 342-moddasida” degan soʻzlar bilan almashtirilsin;

11-bandi quyidagi tahrirda bayon etilsin:

“11. Sud tomonidan qabul qilingan qaror sudya tomonidan yozma ravishda bayon qilinishi hamda qoʻlda yozilishi yoki mashinkada, kompyuterda yoxud boshqa elektron uskunada terilgan boʻlishi mumkinligi inobatga olinishi lozim. Qaror sudya tomonidan imzolanadi va shundan keyin ish muhokamasi tugagan mazkur majlisda ishda ishtirok etuvchi shaxslarga eʼlon qilinadi. Ushbu tartibga rioya qilish qarorning faqat xulosa qismi eʼlon qilingan holatda ham majburiydir. Ayni vaqtda raislik qiluvchi ishda ishtirok etuvchi shaxslar asoslantirilgan qaror bilan qachon tanishishlari mumkinligini eʼlon qiladi. Qonun hujjatlarida yozma shaklda tuzilishi belgilangan boʻlib, ogʻzaki eʼlon qilingan xulosa yoki yozma shaklda tuzilgan boʻlib, sudyaning imzosi mavjud boʻlmagan xulosa qaror hisoblanmaydi.

Ishda ishtirok etuvchi shaxslar va iqtisodiy sudlov ish yurituvi boshqa ishtirokchilarining tushuntirishlari qarorda uchinchi shaxs nomidan keltiriladi.

Qarorning qabul qilingan sanasi u sud majlisida eʼlon qilingan kun hisoblanadi”;

12-bandi quyidagi tahrirda bayon etilsin:

“12. Qaror sud tarkibi oʻzgarmagan holda, iqtisodiy sud ish yurituvi va sud muhokamasi tamoyillariga qatʼiy rioya etilgan shartlarda qabul qilinadi.

Qaror faqat sud muhokamasida qatnashgan sudya tomonidan qabul qilinishi mumkin. Ishni koʻrish jarayonida sudyani almashtirish zarurati tugʻilganda sud muhokamasi boshidan boshlanadi.

Ishni koʻrishda qatnashgan sudya tomonidan imzolanmagan yoki ishni koʻrishda qatnashmagan sudya tomonidan imzolangan qaror bekor qilinishi lozim”;

13-bandi:

birinchi xatboshisidagi “XPK 149-moddasining” degan soʻzlar “IPK 189-moddasining” degan soʻzlar bilan almashtirilsin;

beshinchi xatboshisidagi “XPK” degan soʻz “IPK” degan soʻz bilan almashtirilsin;

14-bandining birinchi xatboshisidagi “XPKning 150-moddasiga” degan soʻzlar “IPKning 190-moddasiga” degan soʻzlar bilan almashtirilsin;

16-bandi quyidagi tahrirda bayon etilsin:

“16. Ushbu Plenum qarorining tushuntirishlari nafaqat birinchi instansiya sudi tomonidan qaror qabul qilishda, balki IPKning 34, 35 va 36-boblarida nazarda tutilgan xususiyatlarni hisobga olgan holda apellatsiya, kassatsiya yoki nazorat shikoyati (protesti)ni koʻrish natijalari boʻyicha qaror qabul qilishda ham majburiy hisoblanadi. Bunda faqat muayyan sud instansiyasi uchun belgilangan talab aynan shu instansiyada qoʻllaniladi”.

7. Oʻzbekiston Respublikasi Oliy xoʻjalik sudi Plenumining “Majburiyatlarni bajarmaganlik yoki lozim darajada bajarmaganlik uchun mulkiy javobgarlik toʻgʻrisidagi fuqarolik qonun hujjatlarini qoʻllashning ayrim masalalari haqida” 2007-yil 15-iyundagi 163-sonli qarori muqaddimasidagi, 1-bandidagi va 6-bandining birinchi xatboshisidagi tegishli son va kelishikdagi “xoʻjalik sudi” degan soʻzlar tegishli son va kelishikdagi “iqtisodiy sud” degan soʻzlar bilan almashtirilsin.

8. Oʻzbekiston Respublikasi Oliy xoʻjalik sudi Plenumining “Xoʻjalik sudining xususiy ajrimi toʻgʻrisida” 2007-yil 28-dekabrdagi 172-sonli qarori:

nomidagi, 1-bandining birinchi xatboshisidagi, 2-bandining ikkinchi xatboshisidagi, 4-bandining birinchi va ikkinchi xatboshilaridagi, 6-bandining uchinchi xatboshisidagi, 6.2-bandining birinchi xatboshisidagi, oʻzbek tilidagi matnining 7-bandidagi, 8-8.1-bandlaridagi, 8.2-bandining ikkinchi va oltinchi xatboshilaridagi, 8.3-bandidagi, 8.4-bandining uchinchi xatboshisidagi, 8.5-bandining ikkinchi xatboshisidagi, 8.6-bandining birinchi xatboshisidagi, 8.10-bandining birinchi va ikkinchi xatboshilaridagi, 8.11, 8.12, 8.13, 8.14 va 9-bandlaridagi, 10-bandining birinchi xatboshisidagi tegishli son va kelishikdagi “xoʻjalik sudi” degan soʻzlar tegishli son va kelishikdagi “iqtisodiy sud” degan soʻzlar bilan almashtirilsin;

muqaddimasidagi “Xoʻjalik sudlari” degan soʻzlar “Iqtisodiy sudlar” degan soʻzlar bilan almashtirilsin;

1-bandining birinchi xatboshisidagi “Oʻzbekiston Respublikasi Xoʻjalik protsessual kodeksining (bundan buyon matnda XPK deb yuritiladi) 3-moddasiga” degan soʻzlar “Oʻzbekiston Respublikasi Iqtisodiy protsessual kodeksining (bundan buyon matnda IPK deb yuritiladi) 2-moddasiga” degan soʻzlar bilan almashtirilsin;

2-bandining birinchi xatboshisi quyidagi tahrirda bayon etilsin:

“IPK 200-moddasining birinchi qismiga muvofiq iqtisodiy sud nizoni koʻrish vaqtida davlat organining yoki boshqa organning, yuridik shaxsning, mansabdor shaxsning yoki fuqaroning faoliyatida qonun hujjatlari buzilganligini aniqlagan taqdirda, xususiy ajrim chiqarishga haqlidir”;

4-bandi birinchi xatboshisining birinchi kichik xatboshisi quyidagi tahrirda bayon etilsin:

“— iqtisodiy nizolarni koʻrish jarayonida jinoyat alomatlari aniqlangan holatlarda xoʻjalik yurituvchi subyektlarning mansabdor shaxslariga nisbatan jinoyat ishi qoʻzgʻatish toʻgʻrisidagi masalani hal etish uchun prokurorga xabar berish”;

5-bandining birinchi xatboshisi quyidagi tahrirda bayon etilsin:

“IPK 15-moddasining birinchi qismiga muvofiq iqtisodiy sud hal qiluv qarori, ajrim, qaror, sud buyrugʻi shaklidagi sud hujjatlarini qabul qiladi. Sudlar xususiy ajrim ajrimlarning turlaridan biri hisoblanishi hamda unga ushbu modda birinchi qismining sud hujjatlari barcha davlat organlari, fuqarolarning oʻzini oʻzi boshqarish organlari, boshqa organlar, jamoat birlashmalari, korxonalar, muassasalar, tashkilotlar, mansabdor shaxslar va fuqarolar uchun majburiyligi haqidagi qoida tatbiq etilishini inobatga olishlari lozim”;

8.6-bandining birinchi xatboshisidagi, 8.10-bandining birinchi xatboshisidagi, 8.11-bandidagi, 10-bandining birinchi xatboshisidagi va 10.1-bandidagi “XPK” degan soʻz “IPK” degan soʻz bilan almashtirilsin;

9-bandidagi “XPK 152-moddasining toʻrtinchi qismiga” degan soʻzlar “IPK 200-moddasining beshinchi qismiga” degan soʻzlar bilan almashtirilsin;

10.2-bandidagi “XPKning 152-moddasi” degan soʻzlar “IPKning 200-moddasi” degan soʻzlar bilan almashtirilsin;

10.3-bandidagi “XPKning 151-moddasi” degan soʻzlar “IPKning 195 va 196-moddalari” degan soʻzlar bilan almashtirilsin.

9. Oʻzbekiston Respublikasi Oliy xoʻjalik sudi Plenumining “Tegishli darajada sifatli boʻlmagan mahsulot (tovar)larni yetkazib berish bilan bogʻliq boʻlgan nizolarni hal qilish tartibi toʻgʻrisida” 2007-yil 28-dekabrdagi 174-sonli qarori:

nomi quyidagi tahrirda bayon etilsin:

“Sifati tegishli darajada boʻlmagan mahsulot (tovar)larni yetkazib berish bilan bogʻliq nizolarni hal etish boʻyicha sud amaliyoti toʻgʻrisida”;

1-bandi quyidagi tahrirda bayon etilsin:

“1. Sifati tegishli darajada boʻlmagan mahsulot (tovar)larni yetkazib berish bilan bogʻliq boʻlgan nizolarni hal qilishda iqtisodiy sudlar Oʻzbekiston Respublikasining Fuqarolik kodeksi (bundan buyon matnda FK deb yuritiladi), Oʻzbekiston Respublikasining Iqtisodiy protsessual kodeksi (bundan buyon matnda IPK deb yuritiladi), “Xoʻjalik yurituvchi subyektlar faoliyatining shartnomaviy-huquqiy bazasi toʻgʻrisida”gi Oʻzbekiston Respublikasi Qonuni (bundan buyon matnda Qonun deb yuritiladi) va boshqa qonun hujjatlarini qoʻllashi lozim”;

9-bandi:

birinchi xatboshisining birinchi kichik xatboshisidagi “XPKning 114-moddasida” degan soʻzlar “IPKning 151-moddasida” degan soʻzlar bilan almashtirilsin;

birinchi xatboshisining oʻninchi kichik xatboshisi quyidagi tahrirda bayon etilsin:

“— oluvchi — korxona jamoatchilik vakiliga yoki boshqa korxona vakiliga berilgan guvohnoma Ishlab chiqarish-texnik maqsadlarga moʻljallangan mahsulotlar va xalq isteʼmoli tovarlarini sifati boʻyicha qabul qilish tartibi toʻgʻrisidagi Yoʻriqnomaga mos holda berilgan boʻlib, agar u mahsulot (tovar)larni qabul qilib olishda qatnashgan va shartnoma shartlariga koʻra mahsulot (tovar)ni qabul qilib olish ham mazkur Yoʻriqnomaga muvofiq amalga oshirilishi lozim boʻlsa”;

oʻzbek tilidagi matni 11-bandining ikkinchi xatboshisidagi, 17-bandidagi “xoʻjalik sudi”, “xoʻjalik sudining” degan soʻzlar tegishincha “iqtisodiy sud”, “iqtisodiy sudning” degan soʻzlar bilan almashtirilsin.

10. Oʻzbekiston Respublikasi Oliy xoʻjalik sudi Plenumining “Tovarlarni tanlab olmaslik bilan bogʻliq nizolarni hal qilishning ayrim masalalari toʻgʻrisida” 2007-yil 28-dekabrdagi 175-sonli qarori 1-bandidagi va 6-bandining birinchi xatboshisidagi “xoʻjalik sudlari” degan soʻzlar “iqtisodiy sudlar” degan soʻzlar bilan almashtirilsin.

11. Oʻzbekiston Respublikasi Oliy xoʻjalik sudi Plenumining “Xoʻjalik sudlari tomonidan davlat boji toʻgʻrisidagi qonun hujjatlarini qoʻllashning ayrim masalalari haqida” 2008-yil 18-apreldagi 180-sonli qarori:

nomidagi, 1-bandining birinchi xatboshisidagi, 2-3, 4.2-bandlaridagi, 4.3-bandining ikkinchi xatboshisidagi, 5-bandning birinchi xatboshisidagi, 6, 7.4, 7.5-bandlaridagi, 8-bandining uchinchi xatboshisidagi, 11-bandining uchinchi xatboshisidagi, 12.3-bandidagi, 21.2-bandining ikkinchi xatboshisidagi, 21.4-bandidagi, 22-bandining ikkinchi va uchinchi xatboshilaridagi, 24-bandining birinchi va ikkinchi xatboshilaridagi, 25-bandidagi, 26.1-bandining birinchi xatboshisidagi, 26.6-bandining birinchi xatboshisidagi, 28-bandidagi tegishli son va kelishikdagi “xoʻjalik sudi” degan soʻzlar tegishli son va kelishikdagi “iqtisodiy sud” degan soʻzlar bilan almashtirilsin;

muqaddimasidagi “xoʻjalik sudlari” degan soʻzlar “iqtisodiy sudlar” degan soʻzlar bilan almashtirilsin;

1-bandining ikkinchi xatboshisidagi “Oʻzbekiston Respublikasi Xoʻjalik protsessual kodeksi (bundan buyon matnda XPK deb yuritiladi)” degan soʻzlar “Oʻzbekiston Respublikasining Iqtisodiy protsessual kodeksi (bundan buyon matnda IPK deb yuritiladi)” degan soʻzlar bilan almashtirilsin;

2-bandi:

quyidagi mazmundagi ikkinchi xatboshi bilan toʻldirilsin:

“IPK 311-moddasining beshinchi qismiga koʻra, nazorat shikoyatiga belgilangan tartibda va miqdorda davlat boji hamda pochta xarajatlari toʻlanganligini tasdiqlovchi hujjatlar ham ilova qilinishi kerak”;

ikkinchi xatboshisi tegishincha uchinchi xatboshi deb hisoblansin;

uchinchi xatboshisi quyidagi tahrirda bayon etilsin:

“Shuningdek, davlat boji daʼvo miqdorini koʻpaytirish, sud buyrugʻini berish toʻgʻrisidagi arizalardan va iqtisodiy sudlar tomonidan hujjatlarning nusxalarini berganlik uchun ham undiriladi”;

4-bandi quyidagi tahrirda bayon etilsin:

“4. IPK 149-moddasi ikkinchi qismining 3-bandiga muvofiq, agar daʼvo baholanishi lozim boʻlsa, daʼvo arizasida daʼvoning bahosi koʻrsatilishi kerak. Daʼvo bahosining koʻrsatilishi davlat boji toʻgʻri toʻlanganligini tekshirish uchun zarur, chunki belgilangan tartibda va miqdorda davlat boji toʻlanmaganda, iqtisodiy sud IPK 155-moddasi birinchi qismining 6-bandiga muvofiq daʼvo arizasini qaytaradi, davlat bojini toʻlashni kechiktirish, boʻlib-boʻlib toʻlash uchun ruxsat berish toʻgʻrisidagi iltimosnoma qanoatlantirilgan hollar bundan mustasno”;

4.3-bandi:

birinchi xatboshisidagi “XPK 115-moddasining birinchi qismiga” degan soʻzlar “IPK 149-moddasining beshinchi qismiga” degan soʻzlar bilan almashtirilsin;

ikkinchi xatboshisidagi “XPKning 33-moddasiga” degan soʻzlar “IPKning 39-moddasiga” degan soʻzlar bilan almashtirilsin;

4.4-bandidagi “XPK 92-moddasining” degan soʻzlar “IPK 114-moddasining” degan soʻzlar bilan almashtirilsin;

4.5-bandidagi “XPK 37-moddasining” degan soʻzlar “IPK 44-moddasining” degan soʻzlar bilan almashtirilsin;

4.6-bandi quyidagi tahrirda bayon etilsin:

“4.6. Agar apellatsiya, kassatsiya va nazorat shikoyatlari berilganda sud hujjatining faqat undirish yoki undirishni rad etish qismi shikoyat qilinayotgan boʻlsa, davlat boji nizolashilayotgan summadan kelib chiqib hisoblanadi.

Sud hujjatining faqatgina davlat bojiga oid qismi shikoyat qilingan taqdirda, davlat boji toʻlanmaydi. Bunda sudlarning eʼtibori apellatsiya, kassatsiya yoki nazorat shikoyatini koʻrib chiqish natijalari boʻyicha nizolashilayotgan sud hujjatining davlat bojidan tashqari qismi oʻzgartirilgan yoki bekor qilinganda, davlat bojini undirish masalasi IPKda nazarda tutilgan umumiy tartibda hal qilinishiga qaratilsin”;

4.7-bandining birinchi xatboshisidagi “XPK 106-moddasiga” degan soʻzlar “IPKning 139-moddasiga” degan soʻzlar bilan almashtirilsin;

6-bandidagi “(XPK 120-moddasining ikkinchi qismi)” degan soʻzlar “(IPKning 160-moddasi)” degan soʻzlar bilan almashtirilsin;

7-bandi quyidagi tahrirda bayon etilsin:

“7. Qonunda belgilangan hollarda va asoslarda iqtisodiy sud daʼvogarning arizasiga koʻra, uning mulkiy ahvoliga qarab, davlat bojini toʻlashni kechiktirishga yoki boʻlib-boʻlib toʻlash uchun ruxsat berishga haqli. Jumladan, SK 337-moddasining yigirma oltinchi qismiga koʻra, pul mablagʻlari mavjud boʻlmagan, bu xizmat koʻrsatuvchi bank tomonidan tasdiqlangan taqdirda, tadbirkorlik faoliyati bilan shugʻullanuvchi yuridik va jismoniy shaxslarga sudning ajrimiga koʻra, davlat bojini kechiktirib toʻlashga ruxsat berilishi mumkin. Shuni nazarda tutish kerakki, iqtisodiy sud ushbu shaxslar apellatsiya, kassatsiya yoki nazorat shikoyati bilan murojaat qilganda ham davlat bojini toʻlashni kechiktirish yoki boʻlib-boʻlib toʻlash uchun ruxsat berishga haqli”;

7.1-bandi quyidagi tahrirda bayon etilsin:

“7.1. Davlat boji toʻlashni kechiktirish yoki boʻlib-boʻlib toʻlash uchun ruxsat berish manfaatdor tarafning yozma iltimosnomasi boʻyicha amalga oshiriladi. Iltimosnoma daʼvo arizasida (arizada), apellatsiya, kassatsiya yoki nazorat shikoyatida yoxud alohida arizada bayon etilishi mumkin.

Daʼvo arizasi (ariza), apellatsiya, kassatsiya yoki nazorat shikoyati bilan murojaat qilingunga qadar davlat boji toʻlashni kechiktirish yoki boʻlib-boʻlib toʻlash toʻgʻrisidagi iltimosnoma iqtisodiy sud tomonidan qabul qilinmaydi.

Iltimosnomada daʼvo arizasi (ariza), apellatsiya, kassatsiya yoki nazorat shikoyatini berishda manfaatdor tarafning mulkiy ahvoli davlat bojini belgilangan tartibda toʻlash imkoniyatini bermasligini tasdiqlovchi hujjatlar ilova qilingan holda davlat boji toʻlashni kechiktirish yoki boʻlib-boʻlib toʻlash asoslari keltirilishi lozim”;

7.3-bandi quyidagi tahrirda bayon etilsin:

“7.3. Iltimosnomani qanoatlantirish haqida daʼvo arizasi (ariza), apellatsiya, kassatsiya yoki nazorat shikoyatini qabul qilish toʻgʻrisidagi ajrimda, iltimosnomani qanoatlantirishni rad etish haqida daʼvo arizasi (ariza), apellatsiya, kassatsiya yoki nazorat shikoyatini qaytarish toʻgʻrisidagi ajrimda koʻrsatiladi. Ajrimda iltimosnomani qanoatlantirish yoxud uni qanoatlantirishni rad etish asoslari koʻrsatilishi kerak.

Iltimosnomani qanoatlantirish rad etilishi munosabati bilan daʼvo arizasi (ariza), apellatsiya yoki kassatsiya shikoyatini qaytarish toʻgʻrisidagi ajrim ustidan umumiy asoslarda shikoyat qilinishi mumkin. Bunday shikoyatlar uchun davlat boji toʻlanmaydi”;

8-bandining ikkinchi xatboshisidagi “apellatsiya va kassatsiya” degan soʻzlar “apellatsiya, kassatsiya va nazorat” degan soʻzlar bilan almashtirilsin;

9-bandi quyidagi tahrirda bayon etilsin:

“9. SKning 327-moddasiga muvofiq yuridik ahamiyatga molik harakatlar amalga oshirilishi va (yoki) hujjatlar berilishi xususida vakolatli muassasalar va (yoki) mansabdor shaxslarga murojaat qilayotgan yuridik va jismoniy shaxslar davlat bojini toʻlovchilardir. Shundan kelib chiqib, sudlar shuni nazarda tutishlari lozimki, davlat boji ishda ishtirok etmayotgan shaxs tomonidan toʻlanishi mumkin emas. Agar davlat boji daʼvogar (arizachi), apellatsiya, kassatsiya yoki nazorat shikoyati beruvchi shaxs oʻrniga boshqa shaxs tomonidan toʻlangan boʻlsa (korxona uchun uning rahbari yoki taʼsischisi tomonidan davlat boji toʻlangan hollar bundan mustasno), davlat boji haqiqatda toʻlanmaganligidan kelib chiqqan holda, daʼvo arizasi (ariza), apellatsiya, kassatsiya yoki nazorat shikoyati tegishincha IPK 155-moddasi birinchi qismining 6-bandi, 269-moddasi birinchi qismining 3-bandi, 292-moddasi birinchi qismining 4-bandi va 313-moddasi birinchi qismining 2-bandiga asosan qaytarilishi lozim”;

11-bandining ikkinchi xatboshisidagi “apellatsiya yoki kassatsiya” degan soʻzlar “apellatsiya, kassatsiya yoki nazorat” degan soʻzlar bilan almashtirilsin;

12.2-bandining birinchi xatboshisidagi “apellatsiya va kassatsiya” degan soʻzlar “apellatsiya, kassatsiya va nazorat” degan soʻzlar bilan almashtirilsin;

13-bandidagi “XPKning 93-moddasida” degan soʻzlar “IPKning 115-moddasida” degan soʻzlar bilan almashtirilsin;

14-bandi quyidagi tahrirda bayon etilsin:

“14. Shuni inobatga olish kerakki, umumiy qoida boʻyicha ishni koʻrish ish yuritishni tugatish toʻgʻrisidagi ajrim chiqarish bilan yakunlanganida davlat boji qaytarilmaydi, toʻlanmagan davlat boji esa daʼvogardan undiriladi, agar u davlat boji toʻlashdan ozod qilinmagan boʻlsa. Shu bilan birga, SK 342-moddasi birinchi qismining 4, 6, 7 va 9-bandlariga muvofiq davlat boji quyidagi hollarda qaytarilishi kerak:

ish sudga taalluqli boʻlmaganligi munosabati bilan ish yuritish tugatilganda;

ishda qatnashgan shaxs vafot etganida, agar nizoli huquqiy munosabat huquqiy vorislikka yoʻl qoʻymasa;

daʼvogar nizoni sudga qadar hal etish (pretenziya bildirish) tartibiga rioya etmaganida, agar bu hol qonunda ushbu toifadagi nizolar uchun yoki taraflarning shartnomasida nazarda tutilgan hamda bunday hal etish imkoniyati boy berilganda;

ishda ishtirok etuvchi shaxs boʻlmish tashkilot tugatilgan hollarda”;

15-bandi quyidagi tahrirda bayon etilsin:

“15. Iqtisodiy sudlar shuni nazarda tutishlari kerakki, ishni koʻrish daʼvoni (arizani) koʻrmasdan qoldirish toʻgʻrisidagi ajrimni chiqarish bilan yakunlanganida davlat boji qaytarilmaydi, toʻlanmagan davlat boji esa daʼvogardan undiriladi, agar u davlat boji toʻlashdan ozod qilinmagan boʻlsa.

Dastlabki daʼvo (ariza) koʻrmasdan qoldirilgandan keyin daʼvo arizasi (ariza) bilan iqtisodiy sudga qaytadan murojaat qilinganda davlat boji umumiy asoslarda yangidan toʻlanadi”;

16-bandi quyidagi tahrirda bayon etilsin:

“16. Apellatsiya, kassatsiya yoki nazorat shikoyatlari qaytarilganda hamda ularni qabul qilish rad etilganda toʻlangan davlat boji qaytariladi. Apellatsiya, kassatsiya yoki nazorat shikoyatidan voz kechilgan va shikoyatdan voz kechish sud tomonidan qabul qilingan holda, tegishli sud instansiyasi shikoyat boʻyicha ish yuritishni tugatadi va toʻlangan davlat boji qaytarilmaydi, toʻlanmagan davlat boji esa shikoyat bergan shaxsdan undiriladi”;

17-bandining ikkinchi xatboshisi quyidagi tahrirda bayon etilsin:

“Neustoyka miqdori iqtisodiy sud tomonidan Oʻzbekiston Respublikasi Fuqarolik kodeksining 326-moddasiga asosan kamaytirilganda, daʼvogarning davlat boji boʻyicha xarajatlari, neustoykani kamaytirmasdan undirilishi lozim boʻlgan summadan kelib chiqqan holda javobgar tomonidan qoplanadi, agar daʼvogar davlat bojini toʻlashdan ozod etilgan boʻlsa, davlat boji javobgardan (agar u davlat bojini toʻlashdan ozod etilmagan boʻlsa) davlat daromadiga undiriladi”;

18-bandi quyidagi tahrirda bayon etilsin:

“18. SK 337-moddasining toʻqqizinchi qismiga koʻra, daʼvo summasi koʻpaytirilgan taqdirda, davlat bojining yetishmayotgan summasi daʼvoning koʻpaytirilgan summasiga muvofiq undiriladi. Shu bois, daʼvo summasini koʻpaytirish toʻgʻrisidagi arizaga belgilangan tartibda va miqdorda davlat boji toʻlanganligini tasdiqlovchi hujjat ilova qilinadi. Ushbu qoida davlat boji toʻlashdan ozod qilingan davlat organi hamda boshqa tashkilotlar tomonidan manfaatida taqdim etilgan daʼvogar tomonidan daʼvo talabining miqdori koʻpaytirilganda ham qoʻllaniladi”;

20-bandi quyidagi tahrirda bayon etilsin:

“20. IPK 115-moddasining uchinchi qismiga koʻra, davlat boji toʻlangan, lekin iqtisodiy sudga kelib tushmagan yoki u qaytargan yoxud qabul qilish rad etilgan arizalar, apellatsiya, kassatsiya yoki nazorat shikoyatlari boʻyicha hamda bojini toʻliq yoki qisman qaytarishni nazarda tutuvchi sud hujjatlari boʻyicha uni qaytarish sud tomonidan berilgan maʼlumotnoma asosida amalga oshiriladi”;

21-bandidagi “XPK 95-moddasining” degan soʻzlar “IPK 118-moddasining” degan soʻzlar bilan almashtirilsin;

21.3-bandi quyidagi tahrirda bayon etilsin:

“21.3. IPK 118-moddasining toʻrtinchi qismida, agar ish ishda ishtirok etuvchi shaxs tomonidan shu toifadagi nizolar uchun qonunda yoki shartnomada nazarda tutilgan javobgar bilan nizoni sudgacha hal qilish (talabnoma yuborish) tartibini buzish (talabnomani javobsiz qoldirish, talab qilingan hujjatlarni joʻnatmaslik) oqibatida kelib chiqqan boʻlsa, iqtisodiy sud ishning natijasidan qatʼi nazar, davlat boji boʻyicha sud xarajatlarini shu shaxsga yuklashga haqliligi nazarda tutilgan”;

oʻzbek tilidagi matni 22-bandining birinchi xatboshisidagi “XPK 138-moddasining toʻqqizinchi qismiga” degan soʻzlar “IPK 179-moddasining sakkizinchi qismiga” degan soʻzlar bilan almashtirilsin;

24-bandining ikkinchi xatboshisidagi “XPK” degan soʻz “IPK” degan soʻz bilan almashtirilsin;

25-bandining ikkinchi xatboshisidagi “apellatsiya va kassatsiya” degan soʻzlar “apellatsiya, kassatsiya va nazorat” degan soʻzlar bilan almashtirilsin;

26-bandi quyidagi tahrirda bayon etilsin:

“26. Davlat bojini toʻlashdan ozod qilish asoslari SKning 330-moddasi va boshqa qonun hujjatlari bilan belgilangan. Bunda shuni nazarda tutish kerakki, davlat bojini toʻlashdan ozod qilish deganda toʻliq ozod qilish yoxud iqtisodiy sudga daʼvo arizasi (ariza) berganda davlat bojini toʻlashdan ozod qilish tushuniladi.

Kichik biznes va xususiy tadbirkorlik subyektlari tadbirkorlik faoliyati doirasida sudga murojaat qilishda, Oʻzbekiston Respublikasi Vazirlar Mahkamasining 1994-yil 3-noyabrdagi 533-sonli qarori bilan tasdiqlangan Davlat boji stavkalari 2-bandining “a” — “g” va “e” kichik bandlarida belgilangan stavkaning 50 foizi miqdorida davlat boji toʻlaydi. Bunda kichik biznes subyektlarining maqomi daʼvo arizasiga ilova qilinadigan iqtisodiy sudga murojaat qilingan sanadan koʻpi bilan oʻttiz kun oldingi sana qayd etilgan statistika organining yoki davlat soliq xizmati organining maʼlumotnomasi bilan tasdiqlanishi lozim, yakka tartibdagi tadbirkorlar bundan mustasno.

Agar iqtisodiy sudga murojaat qilishda kichik biznes va xususiy tadbirkorlik subyekti tomonidan belgilangan stavkaning 50 foizi miqdorida davlat boji toʻlangan boʻlib, daʼvo talablari qanoatlantirilganda ishni koʻrish natijasi boʻyicha javobgardan undiriladigan davlat bojining miqdori daʼvogar tomonidan toʻlab chiqilgan summa bilan chegaralanadi. Daʼvo rad etilgan taqdirda, davlat boji daʼvogardan qoʻshimcha ravishda undirilmaydi.

Agar iqtisodiy sud murojaat qilishda kichik biznes va xususiy tadbirkorlik subyektiga davlat boji toʻlashni kechiktirish yoki boʻlib-boʻlib toʻlash huquqi berilgan boʻlsa, davlat boji ishni koʻrish natijasi boʻyicha tegishli tarafdan belgilangan stavkaning 50 foizi miqdorida IPK 118-moddasining birinchi qismida belgilangan tartibda undiriladi.

Ushbu ishlar boʻyicha apellatsiya, kassatsiya va nazorat shikoyatlari uchun birinchi instansiya sudiga toʻlangan (undirilgan) davlat bojining 50 foizi miqdorida boj toʻlanadi”;

26.1-bandining ikkinchi xatboshisidagi “XPK 91-moddasining” degan soʻzlar “IPK 91-moddasining” degan soʻzlar bilan almashtirilsin;

26.2 va 26.3-bandlar chiqarib tashlansin;

26.4-bandidagi “apellatsiya va kassatsiya” degan soʻzlar “apellatsiya, kassatsiya va nazorat” degan soʻzlar bilan almashtirilsin;

26.5-bandi chiqarib tashlansin;

29-bandining:

birinchi xatboshisi quyidagi tahrirda bayon etilsin:

“Davlat boji toʻlashdan ozod qilingan davlat organlari hamda boshqa shaxslar tomonidan yuridik shaxslar va fuqarolarning manfaatlarini koʻzlab taqdim etilgan daʼvo talablarini qanoatlantirish rad etilgan yoki ular qisman qanoatlantirilgan taqdirda, agar ushbu shaxs davlat boji toʻlovidan ozod etilmagan boʻlsa, davlat boji manfaatlari koʻzlanib daʼvo taqdim etilgan shaxslardan daʼvo talablarining qanoatlantirish rad etilgan qismiga mutanosib ravishda undiriladi”;

uchinchi xatboshisidagi “apellatsiya yoki kassatsiya” degan soʻzlar “apellatsiya, kassatsiya yoki nazorat” degan soʻzlar bilan almashtirilsin.

12. Oʻzbekiston Respublikasi Oliy sudi Plenumi va Oliy xoʻjalik sudi Plenumining “Sud hujjatlari va boshqa organlar hujjatlarini ijro etish toʻgʻrisida”gi Oʻzbekiston Respublikasi Qonunini qoʻllashda sud amaliyotida vujudga keladigan ayrim masalalar haqida” 2009-yil 10-apreldagi 06/196-sonli qarori:

nomi quyidagi tahrirda bayon etilsin:

“Sud hujjatlarini ijro etishga oid qonun hujjatlarini qoʻllash boʻyicha sud amaliyotining ayrim masalalari toʻgʻrisida”;

2-bandi quyidagi tahrirda bayon etilsin:

“2. Oʻzbekiston Respublikasi Konstitutsiyasining 114-moddasi, Fuqarolik protsessual kodeksining (bundan buyon matnda FPK deb yuritiladi) 16-moddasi, Iqtisodiy protsessual kodeksining (bundan buyon matnda IPK deb yuritiladi) 15-moddasi, Oʻzbekiston Respublikasi Maʼmuriy sud ishlarini yuritish toʻgʻrisidagi kodeksining (bundan buyon matnda MSIYutK deb yuritiladi) 16-moddasiga muvofiq sud hokimiyatining hujjatlari barcha davlat organlari, jamoat birlashmalari, korxonalar, muassasalar, tashkilotlar, mansabdor shaxslar va fuqarolar uchun majburiydir.

Sud hujjati ijroga qaratilishining muhim sharti uning qonuniy kuchga kirishi hisoblanadi.

Binobarin, sud hujjati qonuniy kuchga kirgan va shu asosda ijro varaqasi berilgandan soʻng kelib tushgan apellatsiya shikoyati (protesti)ning shikoyat berish muddati tiklanib, u ish yurituvga qabul qilinsa, sudning muddatni tiklash va apellatsiya shikoyat (protest)ini qabul qilish haqidagi ajrimida sud hujjatining ijrosini toʻxtatish masalasi ham FPK 409-moddasining 3-bandi, IPKning 271-moddasi, MSIYutKning 212-moddasi qoidalariga mos holda hal qilinishi lozim”;

4-bandi quyidagi tahrirda bayon etilsin:

“4. “Sud hujjatlari va boshqa organlar hujjatlarini ijro etish toʻgʻrisida”gi Oʻzbekiston Respublikasi Qonunida (bundan buyon matnda Qonun deb yuritiladi) sud hujjatini ijroga qaratishning umumiy tartibi belgilangan boʻlib, unga koʻra ijro varaqasi, odatda, undiruvchiga berilishi lozim.

FPKning 448-moddasiga muvofiq ijro varaqasi sud hujjati qonuniy kuchga kirgandan soʻng undiruvchiga beriladi.

Sud ayrim fuqarolik ishlari yuzasidan chiqarilgan hal qiluv qarori boʻyicha ijro varaqasini undiruvchining iltimosiga asosan ijro qilish uchun bevosita ijro organiga yuborishi mumkin.

IPK 336-moddasining beshinchi qismiga va MSIYutK 278-moddasining toʻrtinchi qismiga muvofiq ijro varaqasi undiruvchiga beriladi yoki uning iltimosnomasiga koʻra, davlat ijrochisiga ijro etish uchun yuboriladi.

FPK 449-moddasining ikkinchi qismiga, IPK 336-moddasining oltinchi qismiga va MSIYutK 278-moddasining beshinchi qismiga muvofiq sud qarorlarining davlat daromadiga (budjetga) mablagʻlar undiriladigan toʻlovlar yuzasidan berilgan ijro hujjatlari sud tomonidan bevosita Oʻzbekiston Respublikasi Bosh prokuraturasi huzuridagi Majburiy ijro byurosi boʻlimlariga yuboriladi.

Ijro varaqasi (sud buyrugʻi) sudyaning elektron raqamli imzosi bilan tasdiqlangan elektron hujjat tarzida axborot tizimi orqali undiruvchiga va davlat ijrochisiga yuborilishi mumkin”;

5-bandining birinchi xatboshisidagi “FPK 374-moddasi va XPK 216-moddasi” degan soʻzlar “FPKning 450-moddasi va IPKning 341-moddasi” degan soʻzlar bilan almashtirilsin;

5.1-bandi quyidagi tahrirda bayon etilsin:

“5.1. Sudlarga tushuntirilsinki, yoʻqotilgan ijro ishi yuritilishi sud tomonidan ishda ishtirok etuvchi shaxslarning, ijro ishi yuritilishi taraflarining, davlat ijrochisining, prokurorning, shuningdek ijro hujjati bergan sud yoki boshqa organning tashabbusiga binoan tiklanishi mumkin. Sudlar bu haqdagi arizani Qonunning 43-moddasi, FPKning 462-moddasi va IPKning 30-bobida belgilangan qoidalari asosida koʻrib chiqadilar”;

6-bandi:

birinchi xatboshisidagi “(FPK 375-moddasi, XPK 212-moddasi)” degan soʻzlar “(IPKning 337-moddasi)” degan soʻzlar bilan almashtirilsin;

ikkinchi xatboshisidagi “Javobgarni” degan soʻz “Fuqarolik ishlari boʻyicha sud tomonidan javobgarni” degan soʻzlar bilan almashtirilsin;

7-bandining birinchi xatboshisidagi “FPKning 379-moddasi va XPKning 215-moddasida” degan soʻzlar “FPKning 453-moddasi va IPKning 340-moddasida” degan soʻzlar bilan almashtirilsin;

7-bandining uchinchi xatboshisidagi, 8-bandining uchinchi xatboshisidagi, 12-bandining uchinchi xatboshisidagi, 19-bandining birinchi va ikkinchi xatboshilaridagi tegishli son va kelishikdagi “xoʻjalik sudi” degan soʻzlar tegishli son va kelishikdagi “iqtisodiy sud” degan soʻzlar bilan almashtirilsin;

8-bandining birinchi xatboshisidagi, 9-bandining birinchi xatboshisidagi, 10-bandidagi, 11-bandining oltinchi xatboshisidagi, 12-bandining birinchi xatboshisidagi, 14-bandining birinchi xatboshisidagi, 18-bandining ikkinchi xatboshisidagi, 19-bandidagi, 21-bandining ikkinchi xatboshisidagi va 23-bandidagi tegishli son va kelishikdagi “sud ijrochisi” degan soʻzlar tegishli son va kelishikdagi “davlat ijrochisi” degan soʻzlar bilan almashtirilsin;

8-bandining ikkinchi xatboshisidagi “FPK 215-moddasi hamda XPK 150-moddasida” degan soʻzlar “FPKning 263-moddasi hamda IPKning 190-moddasida” degan soʻzlar bilan almashtirilsin;

9-bandining birinchi xatboshisidagi “FPK 216-moddasi, IPK 217-moddasiga” degan soʻzlar “FPKning 454-moddasi, IPKning 342-moddasiga” degan soʻzlar bilan almashtirilsin;

10-bandining uchinchi xatboshisi quyidagi tahrirda bayon etilsin:

“Davlat ijrochisining har qanday ijro hujjatini qaytarib yuborish haqidagi qarori ustidan MSIYutKda belgilangan tartibda maʼmuriy sudga shikoyat berilishi mumkin”;

11-bandi:

toʻrtinchi xatboshisi quyidagi tahrirda bayon etilsin:

“Ijro ishi yuritishni toʻxtatib turish haqidagi ariza, u kelib tushgan kundan boshlab fuqarolik ishlari boʻyicha sud tomonidan oʻn kunlik, iqtisodiy sud tomonidan esa yigirma kunlik muddat ichida taraflar chaqirtirilmasdan va sud muhokamasi oʻtkazilmasdan koʻrib chiqiladi”;

beshinchi xatboshisidagi “XPKda” degan soʻz “IPKda” degan soʻz bilan almashtirilsin;

13-bandi quyidagi tahrirda bayon etilsin:

“13. FPKning 432-moddasi, MSIYutKning 258-moddasi hamda IPKning 316-moddasiga koʻra, Oliy sud sudyasi nazorat shikoyatini ish yuritishga qabul qilish va uni koʻrib chiqish uchun Oʻzbekiston Respublikasi Oliy sudining sudlov hayʼatiga oʻtkazish haqidagi masala toʻgʻrisida qaror qabul qilish bilan bir vaqtda nizolashilayotgan sud hujjatining ijrosini shikoyatni bergan shaxsning iltimosnomasiga koʻra nazorat tartibida ish yuritish tamomlanguniga qadar toʻxtatib qoʻyishga haqli. Bu huquqdan foydalanilgan taqdirda, sudya sud hujjati ijrosini toʻxtatib turish haqida nazorat shikoyatini ish yuritishga qabul qilish va uni koʻrib chiqish uchun sudlov hayʼatiga oʻtkazish toʻgʻrisidagi ajrimda koʻrsatadi. Agar sud hujjati ijrosini toʻxtatib turish haqidagi iltimosnoma nazorat shikoyatini ish yuritishga qabul qilish va uni koʻrib chiqish uchun sudlov hayʼatiga oʻtkazish toʻgʻrisidagi ajrim chiqarilganidan keyin taqdim qilinganda va bunday iltimosnoma qanoatlantirilganda, bu haqida alohida ajrim chiqariladi”;

17-bandi quyidagi tahrirda bayon etilsin:

“17. Qonunning 88-moddasiga koʻra, davlat ijrochisining xatti- harakatlari (harakatsizligi) ustidan sudga shikoyat qilinishi mumkin. Davlat ijrochisining qonuniy kuchga kirgan sud hujjatining ijrosi boʻyicha chora koʻrmaganligi yoki boshqa gʻayriqonuniy harakatlarni sodir etganligi sudga beriladigan shikoyatning obyekti boʻlishi mumkin.

Davlat ijrochisining xatti-harakatlari (harakatsizligi) ustidan shikoyat qilish MSIYutKda nazarda tutilgan talablarga rioya qilingan holda ariza (shikoyat) berish yoʻli bilan amalga oshiriladi. Ushbu arizalar (shikoyatlar) MSIYutKda belgilangan tartibda, ushbu Kodeksning 23-bobida nazarda tutilgan xususiyatlar inobatga olingan holda maʼmuriy sudlar tomonidan koʻrib chiqiladi”;

18-bandi:

birinchi xatboshisidagi “FPK va XPKning 40-moddalari” degan soʻzlar “FPKning 166-moddasi va IPKning 131-moddasi” degan soʻzlar bilan almashtirilsin;

ikkinchi xatboshisidagi “umumiy yurisdiksiya sudlari” degan soʻzlar “fuqarolik ishlari boʻyicha sud” degan soʻzlar bilan almashtirilsin;

22-bandi quyidagi tahrirda bayon etilsin:

“22. Qonunning 81-moddasiga muvofiq ijro hujjati topshirilgan bank yoki boshqa kredit tashkiloti pul mablagʻlarini undirish toʻgʻrisidagi ijro hujjatini ijro etmaganligi uchun ularga iqtisodiy sud tomonidan undirilishi lozim boʻlgan summaning ellik foizigacha miqdorda jarima solinadi.

Bank yoki boshqa kredit tashkilotlariga nisbatan jarima qoʻllash haqida iqtisodiy sudga berilgan ariza sud tomonidan IPKda belgilangan umumiy qoidalar boʻyicha, ushbu Kodeksning 27-bobida belgilangan xususiyatlar inobatga olingan holda koʻrilishi lozim. Bunday ariza davlat ijrochisi tomonidan ham, undiruvchi (tadbirkorlik subyekti) tomonidan ham berilishi mumkin”;

23-bandining ikkinchi xatboshisidagi “umumiy yurisdiksiya sudlari” degan soʻzlar “fuqarolik ishlari boʻyicha sudlar” degan soʻzlar bilan almashtirilsin;

24-bandidagi “Umumiy yurisdiksiya va xoʻjalik sudlariga” degan soʻzlar “Sudlarga” degan soʻz bilan almashtirilsin.

13. Oʻzbekiston Respublikasi Oliy xoʻjalik sudi Plenumining “Xoʻjalik shartnomalarini tuzish, oʻzgartirish va bekor qilishni tartibga soluvchi fuqarolik qonun hujjatlari normalarini qoʻllashning ayrim masalalari toʻgʻrisida” 2009-yil 18-dekabrdagi 203-sonli qarori:

muqaddimasidagi “Xoʻjalik sudlari” degan soʻzlar “Iqtisodiy sudlar” degan soʻzlar bilan almashtirilsin;

1 va 11-bandlaridagi tegishli son va kelishikdagi “xoʻjalik sudi” degan soʻzlar tegishli son va kelishikdagi “iqtisodiy sud” degan soʻzlar bilan almashtirilsin;

1-bandidagi “Xoʻjalik protsessual kodeksi (bundan buyon matnda XPK deb yuritiladi)” degan soʻzlar “Iqtisodiy protsessual kodeksi (bundan buyon matnda IPK deb yuritiladi)” degan soʻzlar bilan almashtirilsin;

11-bandining birinchi xatboshisidagi “XPK 24-moddasining” degan soʻzlar “IPK 26-moddasining” degan soʻzlar bilan almashtirilsin;

14-bandining ikkinchi xatboshisi quyidagi tahrirda bayon etilsin:

“Sudlarga tushuntirilsinki, shartnoma tuzishga majbur etish toʻgʻrisida daʼvo arizasi taqdim qilingan holda, agar shartnoma tuzish taraflar uchun majburiy boʻlmasa, sud bunday talabni qanoatlantirishni rad etadi”;

19-bandi quyidagi tahrirda bayon etilsin:

“19. Mazkur toifadagi nizolarni hal etishda sudlar shuni nazarda tutishlari lozimki, IPK 148-moddasining ikkinchi qismiga muvofiq, agar qonunda ayrim toifadagi nizolar uchun ularni sudgacha hal qilish tartibi belgilangan yoxud bu tartib shartnomada nazarda tutilgan boʻlsa, nizo mazkur tartibga rioya etilganidan soʻnggina sudga koʻrib chiqish uchun topshirilishi mumkin. Shu sababli bunday toifadagi nizoni sudgacha hal qilish tartibiga rioya etilmaganligi IPK 107-moddasining 5-bandiga muvofiq daʼvoni koʻrmasdan qoldirish uchun asos hisoblanadi”.

14. Oʻzbekiston Respublikasi Oliy xoʻjalik sudi Plenumining “Kelishuv bitimini tasdiqlashda Oʻzbekiston Respublikasi Xoʻjalik protsessual kodeksi normalarining qoʻllanilishi haqida” 2009-yil 18-dekabrdagi 204-sonli qarori:

nomi quyidagi tahrirda bayon etilsin:

“Iqtisodiy sudlar tomonidan kelishuv bitimini tasdiqlashda protsessual qonun normalarining qoʻllanilishiga oid ayrim masalalar toʻgʻrisida”;

muqaddimasidagi “Xoʻjalik sudlari”, “Oʻzbekiston Respublikasi Xoʻjalik protsessual kodeksi” degan soʻzlar tegishincha “Iqtisodiy sudlar”, “Oʻzbekiston Respublikasi Iqtisodiy protsessual kodeksi” degan soʻzlar bilan almashtirilsin;

1-bandi quyidagi tahrirda bayon etilsin:

“1. Iqtisodiy sudlarning (bundan buyon matnda sudlar deb yuritiladi) eʼtibori iqtisodiy sud ish yurituvi ishtirokchilari tomonidan kelishuv bitimini tuzish masalalari Oʻzbekiston Respublikasi Iqtisodiy protsessual kodeksi (bundan buyon matnda IPK deb yuritiladi) va “Sud hujjatlari va boshqa organlar hujjatlarini ijro etish toʻgʻrisida”gi Oʻzbekiston Respublikasi Qonuni bilan tartibga solinishiga qaratilsin”;

4-bandi:

birinchi xatboshisidagi “XPK 122-moddasi birinchi qismining 9-bandiga” degan soʻzlar “IPK 163-moddasi birinchi qismining 8-bandiga” degan soʻzlar bilan almashtirilsin;

ikkinchi xatboshisidagi “XPK 40, 41 va 122-moddalarining” degan soʻzlar “IPKning 16-bobi” degan soʻzlar bilan almashtirilsin;

6-bandidagi “XPK” degan soʻz “IPK” degan soʻz bilan almashtirilsin;

8-bandining birinchi xatboshisidagi “XPK 44-moddasining” degan soʻzlar “IPK 50-moddasining” degan soʻzlar bilan almashtirilsin;

9-bandi quyidagi tahrirda bayon etilsin:

“9. IPK 132-moddasining birinchi qismiga muvofiq kelishuv bitimi yozma shaklda rasmiylashtiriladi va taraflar yoki kelishuv bitimini tuzish vakolati maxsus nazarda tutilgan IPK 63-moddasining talablariga muvofiq berilgan ishonchnoma mavjud boʻlgan holda, ularning vakillari tomonidan imzolanadi. Bunday ishonchnoma kelishuv bitimiga ilova qilinishi va ish hujjatlariga qoʻshib qoʻyilishi lozim”;

11-bandi quyidagi tahrirda bayon etilsin:

“11. Sudlar inobatga olishlari lozimki, kelishuv bitimining mazmuni IPKning 132-moddasi talablariga muvofiq boʻlishi va uning shartlari aniq, ravshan bayon qilinishi va uning ijro etilishida kelishuv bitimining mazmuni boʻyicha har xil talqin qilinishiga va kelgusida nizolarning kelib chiqishiga yoʻl qoʻymaydigan boʻlishi kerak.

Kelishuv bitimi taraflarning bir-biri oldidagi oʻzaro majburiyatlarining shartlari, miqdori va bajarish muddatlari toʻgʻrisidagi maʼlumotlarni oʻz ichiga olishi lozim”;

13-bandidagi “XPK 40-moddasining” degan soʻzlar “IPK 134-moddasining” degan soʻzlar bilan almashtirilsin;

15-bandidagi “(XPK 86-moddasining 7-bandi va 132-moddasi)” degan soʻzlar “(IPK 110-moddasining 7-bandi va 133-moddasi)” degan soʻzlar bilan almashtirilsin;

17-bandidagi “XPK 95-moddasining” degan soʻzlar “IPK 118-moddasining” degan soʻzlar bilan almashtirilsin;

18-bandidagi “XPKda” degan soʻz “IPKda” degan soʻz bilan almashtirilsin;

19-bandining birinchi xatboshisidagi “XPK 60-moddasining” degan soʻzlar “IPK 173-moddasining” degan soʻzlar bilan almashtirilsin;

21-bandi quyidagi tahrirda bayon etilsin:

“21. Ijro varaqasini berish masalasi sud tomonidan taraflar chaqirilmasdan IPKning V boʻlimi qoidalari boʻyicha koʻriladi. Zarurat tugʻilganda sud ijro varaqasi berish masalasini sud majlisida koʻrib chiqishga haqli.

Ijro varaqasining mazmuni IPKning 337-moddasi talablariga javob berishi kerak va u IPK 338-moddasining birinchi qismida belgilangan muddat ichida ijroga taqdim etilishi lozim”;

23-bandining ikkinchi xatboshisidagi “sud ijrochisi” degan soʻzlar “davlat ijrochisi” degan soʻzlar bilan almashtirilsin.

15. Oʻzbekiston Respublikasi Oliy xoʻjalik sudi Plenumining “Xoʻjalik sudlari tomonidan Oʻzbekiston Respublikasi Soliq kodeksi umumiy qismini qoʻllashning ayrim masalalari haqida” 2010-yil 18-iyundagi 210-sonli qarori:

nomidagi, 1-bandining birinchi xatboshisidagi, 1.2 va 3-bandlaridagi, rus tilidagi matni 5-bandining birinchi, toʻrtinchi va oltinchi xatboshilaridagi, oʻzbek tilidagi matni 5-bandining birinchi, beshinchi, yettinchi xatboshilaridagi, 6-bandining ikkinchi xatboshisidagi, 9, 9.1 va 9.2-bandlaridagi, 11-bandining birinchi xatboshisidagi, 15 va 18-bandlaridagi, 21-bandining ikkinchi xatboshisidagi, 24-bandining ikkinchi xatboshisidagi, 33, 36, 37.1 va 37.3-bandlaridagi, 38.1-bandining birinchi xatboshisidagi, 40.3 va 41-bandlaridagi, 42-bandining birinchi xatboshisidagi, 42.1, 43 va 44-bandlaridagi tegishli son va kelishikdagi “xoʻjalik sudi” degan soʻzlar tegishli son va kelishikdagi “iqtisodiy sud” degan soʻzlar bilan almashtirilsin;

muqaddimasidagi “xoʻjalik sudlari” degan soʻzlar “iqtisodiy sudlar” degan soʻzlar bilan almashtirilsin;

1.1-bandi quyidagi tahrirda bayon etilsin:

“1.1. Yuridik shaxslar, yuridik shaxs tuzmagan holda tadbirkorlik faoliyatini amalga oshirayotgan va yakka tartibdagi tadbirkor maqomini qonunda belgilangan tarzda olgan fuqarolarning va yakka tartibdagi tadbirkor maqomini yoʻqotgan jismoniy shaxslarning (bundan buyon matnda soliq toʻlovchilar deb yuritiladi) soliq majburiyatlarini bajarmaganligi bilan bogʻliq, shu jumladan, soliqqa oid huquqbuzarliklari uchun ularga nisbatan javobgarlik choralarini qoʻllashga oid ishlarni koʻrishda soliq toʻgʻrisidagi normativ-huquqiy hujjatlar Soliq kodeksida belgilangan qoidalarga muvofiq boʻlmagan taqdirda, Soliq kodeksi 2-moddasining uchinchi qismi va “Normativ-huquqiy hujjatlar toʻgʻrisida”gi Oʻzbekiston Respublikasi Qonuni 16-moddasining uchinchi qismiga muvofiq Soliq kodeksida belgilangan qoidalar qoʻllaniladi”;

3-bandining ikkinchi xatboshisidagi “xoʻjalik sudi Oʻzbekiston Respublikasi Xoʻjalik protsessual kodeksi (bundan buyon matnda XPK deb yuritiladi) 40-moddasining toʻrtinchi qismiga” degan soʻzlar “iqtisodiy sud Oʻzbekiston Respublikasi Iqtisodiy protsessual kodeksi (bundan buyon matnda IPK deb yuritiladi) 157-moddasining uchinchi qismiga” degan soʻzlar bilan almashtirilsin;

6-bandining birinchi xatboshisidagi “hamda obodonlashtirish va ijtimoiy infratuzilmani rivojlantirish soligʻi” degan soʻzlar chiqarib tashlansin;

8-bandi quyidagi tahrirda bayon etilsin:

“8. Soliq qarzini soliq toʻlovchining mol-mulkiga qaratish haqidagi ishlarni koʻrishda iqtisodiy sudlar inobatga olishlari lozimki, Soliq kodeksi 54-moddasining uchinchi va toʻrtinchi qismlariga muvofiq insofli soliq toʻlovchilarga soliq taʼtillarini berish shuningdek, soliq qarzini toʻlashni kechiktirish va (yoki) boʻlib-boʻlib toʻlash qonun hujjatlarida belgilangan tartibda Oʻzbekiston Respublikasi Vazirlar Mahkamasi tomonidan belgilangan tartibda Oʻzbekiston Respublikasi Vazirlar Mahkamasi yoki u vakolat bergan organ tomonidan bir oydan yigirma toʻrt oygacha muddatga berilishi mumkin. Bunda soliq qarzini toʻlashni kechiktirish va (yoki) boʻlib-boʻlib toʻlash soliq qarzining jamiga yoki uning bir qismiga nisbatan amalga oshirilishi mumkin”;

oʻzbek tilidagi matni 10-bandi quyidagi tahrirda bayon etilsin:

“10. Soliq kodeksi 69-moddasining birinchi qismiga muvofiq davlat soliq xizmati organlari, bojxona organlari hamda zimmasiga soliqlar va boshqa majburiy toʻlovlarni undirish vazifasi yuklatilgan boshqa davlat organlari hamda tashkilotlari budjetga va davlat maqsadli jamgʻarmalariga tushumlar hisobini yuritishi kerak. Shu munosabat bilan soliq toʻlovchilar tomonidan ortiqcha toʻlangan yoki asossiz undirilgan pul mablagʻlarini (soliqlar, majburiy toʻlovlar, jarimalar, penyalar) vakolatli organlardan undirish toʻgʻrisida daʼvolar berilganda iqtisodiy sudlar Oʻzbekiston Respublikasi Moliya vazirligi, uning huzuridagi budjetdan tashqari jamgʻarmalar va (yoki) ularning hududiy organlarini hamda boshqa vakolatli tashkilotlarni IPKning 48-moddasiga muvofiq nizoning predmetiga nisbatan mustaqil talablar bilan arz qilmaydigan uchinchi shaxslar sifatida javobgar tarafidan ishda ishtirok etishga jalb qilishi kerak”;

12-bandi quyidagi tahrirda bayon etilsin:

“12. Undiruvni soliq toʻlovchining mol-mulkiga qaratish haqidagi ishlarni koʻrishda iqtisodiy sudlar davlat soliq xizmati organi nizoni sudgacha hal qilish (talabnoma yuborish) tartibiga rioya etganligiga eʼtibor qaratishlari lozim. Qayd etilgan tartibga rioya etilmagan holda berilgan daʼvo arizasi IPK 155-moddasi birinchi qismining 7-bandiga muvofiq qaytarilishi, ushbu holat daʼvo arizasi ish yuritishga qabul qilinganidan keyin aniqlansa, IPK 107-moddasining 5-bandiga muvofiq daʼvo koʻrmasdan qoldirilishi lozim”;

12.1-bandi quyidagi tahrirda bayon etilsin:

“12.1. Soliq kodeksi 60-moddasining ikkinchi va uchinchi qismlariga muvofiq soliq qarzini uzish toʻgʻrisidagi talabnoma soliq toʻlovchiga yoki uning vakiliga bu talabnomani soliq toʻlovchi olganligini va talabnoma olingan sanani tasdiqlovchi usulda topshirilishi lozim. Soliq toʻlovchida soliq toʻlovchining shaxsiy kabineti mavjud boʻlgan taqdirda, soliq qarzini uzish toʻgʻrisidagi talabnoma unga soliq toʻlovchining shaxsiy kabineti orqali yuborilishi mumkin. Soliq qarzini uzish toʻgʻrisidagi talabnoma pochta orqali buyurtma xat bilan yuborilgan taqdirda, u buyurtma xat pochta joʻnatmasi topshirilganligi toʻgʻrisidagi bildirish blankasida koʻrsatilgan sanada olingan deb hisoblanadi.

Agar soliq toʻlovchi yuridik shaxsning filiali yoki vakolatxonasi boʻlsa, talabnoma filial yoki vakolatxonaga yuborilishi mumkin”;

13-bandining ikkinchi xatboshisi quyidagi tahrirda bayon etilsin:

“Davlat soliq xizmati organining soliq qarzini soliq toʻlovchining bankdagi hisobvaraqlaridan soʻzsiz undirish choralarini koʻrmasdan, undiruvni soliq toʻlovchining mol-mulkiga qaratish haqida berilgan daʼvo arizasi IPK 155-moddasi birinchi qismining 9-bandiga muvofiq qaytariladi, ushbu holat daʼvo arizasi ish yuritishga qabul qilinganidan keyin aniqlansa, IPK 107-moddasining 4-bandiga muvofiq daʼvo koʻrmasdan qoldiriladi, soliq toʻlovchining bank hisobvaraqlari boʻlmagan yoki soliq toʻlovchi soliq qarzini toʻlash uchun oʻzining bank hisobvaragʻiga toʻlov topshiriqnomasini qoʻygan hollar bundan mustasno”;

13.1-bandi quyidagi tahrirda bayon etilsin:

“13.1. Davlat soliq xizmati organi undiruvni soliq toʻlovchining mol-mulkiga qaratish toʻgʻrisida daʼvo arizasi bilan murojaat qilganda, soliq qarzdorligining miqdori qonun hujjatlarida belgilangandan kam boʻlmasligi lozim.

Agar qarzdorlik summasi belgilangan miqdordan kam boʻlsa, daʼvo arizasini qabul qilish IPK 154-moddasi birinchi qismining 1-bandiga mos ravishda rad etiladi, ushbu holat ariza ish yuritishga qabul qilinganidan keyin aniqlansa, ish yuritish IPK 110-moddasining 1-bandiga muvofiq tugatiladi.

Sudlarga tushuntirilsinki, mazkur bandning ikkinchi xatboshisida belgilangan qoida, soliq qarzining summasi undiruvni mol-mulkka qaratish uchun qonun hujjatlarida belgilangan miqdordan kam boʻlgan, biroq ushbu qarz toʻlash muddati tugaganidan keyin bir yil ichida toʻlanmagan hollarda tatbiq etilmaydi”;

14-bandining ikkinchi xatboshisi quyidagi tahrirda bayon etilsin:

“Soliq kodeksining 63-moddasi davlat soliq xizmati organi tomonidan soliq toʻlovchining soliq qarzini soʻzsiz undirish tartibini belgilaydi. Shu munosabat bilan iqtisodiy sudlar eʼtiborga olishlari kerakki, soliq qarzini soliq toʻlovchining bankdagi hisobvaraqlaridan undirish haqidagi daʼvo arizalari (arizalar) iqtisodiy sudlarga taalluqli emas, Soliq kodeksi 70-moddasining yettinchi qismida nazarda tutilgan hollar bundan mustasno”;

17-bandi quyidagi tahrirda bayon etilsin:

“17. Iqtisodiy sudlar undiruvni soliq toʻlovchining mol-mulkiga qaratish toʻgʻrisidagi daʼvo arizasini ish yuritish uchun qabul qilishda Soliq kodeksi 65-moddasining ikkinchi qismiga muvofiq daʼvo arizasiga quyidagi hujjatlar ilova qilinganligini tekshirishi shart:

soliq qarzi borligi toʻgʻrisida soliq toʻlovchining mavjud shaxsiy kartochkalaridan koʻchirma;

toʻlov topshiriqnomalari, toʻlov talabnomalari va inkasso topshiriqnomalari mavjudligi toʻgʻrisidagi maʼlumotnoma.

IPK 149-moddasi ikkinchi qismining 8-bandi hamda Soliq kodeksining 59 va 60-moddalari talabidan kelib chiqib, undiruvni soliq toʻlovchining mol-mulkiga qaratish toʻgʻrisidagi daʼvo arizasiga soliq qarzini uzish toʻgʻrisidagi talabnoma soliq toʻlovchiga yuborilganligini tasdiqlovchi hujjat ham ilova qilinishi kerak.

Davlat soliq xizmati organining undiruvni soliq toʻlovchining mol-mulkiga qaratish toʻgʻrisidagi daʼvo arizasiga qayd etilgan hujjatlar ilova qilinmaganligi IPK 155-moddasi birinchi qismining 1-bandiga muvofiq daʼvo arizasini qaytarish uchun asos boʻladi”;

20-bandi quyidagi tahrirda bayon etilsin:

“20. Undiruvni soliq toʻlovchining mol-mulkiga qaratish, soliq toʻlovchiga moliyaviy sanksiyani qoʻllash, uning banklardagi hisobvaraqlari boʻyicha operatsiyalarni toʻxtatib turish, inkasso topshiriqnomasini ijro etilishi mumkin emas deb topish haqidagi ishlarni koʻrishda isbotlash majburiyati IPK 68-moddasining birinchi qismiga mos holda vakolatli organ zimmasiga yuklatiladi.

IPK 73-moddasi toʻrtinchi qismining mazmuniga koʻra, soliq toʻlovchining rahbari yoki xodimiga nisbatan jinoyat ishi boʻyicha hukm muayyan harakatlar sodir etilgan yoki sodir etilmaganligi va ular kimlar tomonidan sodir etilganligi masalalari boʻyicha iqtisodiy sud uchun majburiydir. Bunda vakolatli organ tekshirish tartibi va qoidalari buzilmagan holda oʻtkazilganligini hamda soliq toʻlovchining soliqqa oid huquqbuzarlik sodir etganligini isbotlashdan ozod etiladi, Oʻzbekiston Respublikasi Jinoyat-protsessual kodeksining 83-moddasida nazarda tutilgan reabilitatsiya asoslariga muvofiq chiqarilgan hukm bundan mustasno.

Sudlar inobatga olishlari lozimki, ayblilik toʻgʻrisidagi masalani hal qilmay turib, jinoyat ishini tugatish haqidagi ajrim (qaror) yoki shaxsni maʼmuriy javobgarlikka tortish haqidagi qaror bilan aniqlangan holatlarga huquqiy baho berishda, ushbu holatlar sud tomonidan dalil sifatida qabul qilinishi mumkin”;

20.1-bandi quyidagi tahrirda bayon etilsin:

“20.1. IPK 66-moddasi ikkinchi qismining mazmuniga koʻra va Soliq kodeksi 67-moddasining toʻrtinchi qismiga muvofiq qonun hujjatlarining talablarini buzgan holda olingan dalillar (soliq toʻlovchi toʻgʻrisidagi hujjatlar yoki boshqa axborot) soliq toʻlovchini soliq toʻgʻrisidagi qonun hujjatlarini buzganlik uchun javobgarlikka tortishga asos boʻla olmaydi”;

22-bandidagi “XPK 118-moddasi birinchi qismining 5-bandiga” degan soʻzlar “IPK 155-moddasi birinchi qismining 6-bandiga” degan soʻzlar bilan almashtirilsin;

28-bandining beshinchi xatboshisi chiqarib tashlansin;

28.1-bandidagi “ushbu qarorni haqiqiy emas deb topish yoki” degan soʻzlar chiqarib tashlansin;

quyidagi mazmundagi 28.2-band bilan toʻldirilsin:

“28.2. Oʻzbekiston Respublikasi Prezidentining “2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha harakatlar strategiyasini “Faol tadbirkorlik, innovatsion gʻoyalar va texnologiyalarni qoʻllab-quvvatlash yili”da amalga oshirishga oid Davlat dasturi toʻgʻrisida” 2018-yil 22-yanvardagi PF-5308-sonli Farmonining 2-bandida tadbirkorlik subyektlarining moliya-xoʻjalik faoliyatini tekshirishga ikki yil muddatga moratoriy eʼlon qilinib, jinoyat ishi doirasida va yuridik shaxs tugatilishi munosabati bilan oʻtkaziladigan tekshirishlar bundan mustasno ekanligi belgilangan.

Sudlarning eʼtibori, mazkur bandning birinchi xatboshisida koʻrsatilgan moratoriy 2020-yil 22-yanvargacha boʻlgan muddatda amal qilishiga qaratilsin. Shu munosabat bilan, agar davlat soliq xizmati organi qayd etilgan muddatda tadbirkorlik subyektlarining moliya-xoʻjalik faoliyati boʻyicha oʻtkazilgan soliq tekshiruvi natijasida aniqlangan soliqqa oid huquqbuzarlik uchun tadbirkorlik subyektiga huquqiy taʼsir chorasini qoʻllash toʻgʻrisidagi ariza bilan murojaat qilsa, mazkur holat arizadagi talabni qanoatlantirishni rad etish uchun asos boʻladi, jinoyat ishi doirasida va yuridik shaxs tugatilishi munosabati bilan oʻtkazilgan tekshirishlar, shuningdek qisqa muddatli tekshirishlar bundan mustasno”;

29, 30 va 34-bandlari chiqarib tashlansin;

35.2-bandi quyidagi tahrirda bayon etilsin:

“35.2. Sudlarga tushuntirilsinki, Soliq kodeksi 108-moddasining sakkizinchi va toʻqqizinchi qismlari, 112-moddasining toʻrtinchi qismida nazarda tutilgan qoidalar faqatgina Soliq kodeksining 17-bobida nazarda tutilgan soliqqa oid huquqbuzarliklar va moliyaviy sanksiyalarga qoʻllaniladi.

Sudlar Soliq kodeksi 108-moddasining toʻqqizinchi qismi va 112-moddasining toʻrtinchi qismida belgilangan qoidalar faqat sudlar tomonidan qoʻllanishini inobatga olishlari lozim.

Oʻzbekiston Respublikasi Prezidentining “Alkogolli mahsulotlar bilan chakana savdo qilishni yanada tartibga solish chora-tadbirlari toʻgʻrisida” 2007-yil 16-martdagi PQ-605-sonli Qarorining 3-bandi, Oʻzbekiston Respublikasi Vazirlar Mahkamasining “Birjadan tashqari valyuta bozorini yanada rivojlantirish va mustahkamlash chora-tadbirlari toʻgʻrisida” 2000-yil 29-iyundagi 245-sonli qarorining 4-bandi, Oʻzbekiston Respublikasi Vazirlar Mahkamasining 2010-yil 28-oktabrdagi qarori bilan tasdiqlangan “Tovarlar (ishlar, xizmatlar)ga tartibga solinadigan narxlar (tariflar)ni shakllantirish, deklaratsiya qilish (tasdiqlash) va belgilash hamda ularning qoʻllanilishini davlat tomonidan nazorat qilish tartibi toʻgʻrisida”gi Nizomning 49-bandi, Soliq kodeksi 53-moddasining oltinchi qismi va boshqa qonun hujjatlarida belgilangan moliyaviy sanksiyalarni qoʻllash bilan bogʻliq ishlarni koʻrishda ushbu qoidalar tatbiq etilmaydi”;

37.3-bandidagi “XPKning 38-moddasiga” degan soʻzlar “IPKning 45-moddasiga” degan soʻzlar bilan almashtirilsin;

38-bandining uchinchi xatboshisi quyidagi tahrirda bayon etilsin:

“Agar sudning hukmi, ajrimi, qarori yoki hal qiluv qarori yoxud davlat organining (mansabdor shaxsning) qaroriga asosan kirim qilinmagan tovarlar yoʻq qilingan boʻlsa, Soliq kodeksi 114-moddasining birinchi qismida nazarda tutilgan sanksiya qoʻllanilishi lozim”;

42.2-bandi quyidagi tahrirda bayon etilsin:

“42.2. Sud buyrugʻi berilganidan keyin davlat soliq xizmati organi tomonidan ayni bir predmet va ayni bir asoslar boʻyicha daʼvo taqdim etilsa, daʼvo arizasini qabul qilish IPK 154-moddasi birinchi qismining 2-bandiga asosan rad etiladi, agar daʼvo arizasi ish yuritishga qabul qilingan boʻlsa, ish yuritish IPK 110-moddasining 2-bandiga asosan tugatiladi”.

16. Oʻzbekiston Respublikasi Oliy xoʻjalik sudi Plenumining “Mulk huquqini tan olish toʻgʻrisidagi ishlarni koʻrishda qonun hujjatlarini qoʻllashning ayrim masalalari haqida” 2010-yil 19-noyabrdagi 220-sonli qarori:

nomi quyidagi tahrirda bayon etilsin:

“Mulk huquqini tan olishga oid ishlarni koʻrishda iqtisodiy sudlar tomonidan qonun hujjatlari qoʻllanilishining ayrim masalalari toʻgʻrisida”;

muqaddimasidagi “Xoʻjalik sudlari” degan soʻzlar “Iqtisodiy sudlar” degan soʻzlar bilan almashtirilsin;

1-bandidagi, 6-bandining birinchi xatboshisidagi, 9 va 12-bandlaridagi, 13-bandining birinchi xatboshisidagi, 15-bandidagi tegishli son va kelishikdagi “xoʻjalik sudi” degan soʻzlar tegishli son va kelishikdagi “iqtisodiy sud” degan soʻzlar bilan almashtirilsin;

1-bandidagi “Oʻzbekiston Respublikasi Xoʻjalik protsessual kodeksi (bundan buyon matnda XPK deb yuritiladi)” degan soʻzlar “Oʻzbekiston Respublikasi Iqtisodiy protsessual kodeksi (bundan buyon matnda IPK deb yuritiladi)” degan soʻzlar bilan almashtirilsin;

4-bandidagi “XPK 24-moddasi birinchi qismining 3-bandiga koʻra xoʻjalik sudi” degan soʻzlar “IPK 26-moddasi birinchi qismining 6-bandiga koʻra iqtisodiy sud” degan soʻzlar bilan almashtirilsin;

5-bandi quyidagi tahrirda bayon etilsin:

“5. Agar mulk huquqini tan olish toʻgʻrisidagi daʼvo arizasini ish yuritishga qabul qilish jarayonida mulk huquqini tan olish jismoniy shaxsning huquqi va qonun bilan qoʻriqlanadigan manfaatiga taʼsir etishi mumkinligi aniqlansa, ushbu daʼvo arizasini qabul qilish IPK 154-moddasining 1-bandiga mos holda rad etiladi, bu holat daʼvo arizasi ish yuritishga qabul qilingandan soʻng aniqlansa, sud ish yuritishni IPK 110-moddasining 1-bandiga muvofiq tugatadi”;

7-bandi quyidagi mazmundagi ikkinchi xatboshi bilan toʻldirilsin:

“Sudlarning eʼtibori yuridik ahamiyatga ega boʻlgan faktni aniqlash bilan bogʻliq ishlarni koʻrishda arizachida mulkka egalik huquqini tasdiqlovchi hujjatning ilgari mavjud boʻlganligi, biroq u yoʻqolgan va tiklash mumkin boʻlmaganligi tegishli dalillar bilan isbotlangan taqdirda mulkka egalik huquqini emas, balki mulkni arizachiga egalik huquqi asosida tegishli ekanligini tasdiqlovchi hujjatlar boʻlganlik fakti tasdiqlanishiga qaratilsin”;

9-bandidagi “XPK 112-moddasining” degan soʻzlar “IPK 149-moddasining” degan soʻzlar bilan almashtirilsin;

12.4-bandining uchinchi xatboshisidagi “XPKda” degan soʻz “IPKda” degan soʻz bilan almashtirilsin.

17. Oʻzbekiston Respublikasi Oliy xoʻjalik sudi Plenumining “Xoʻjalik sudlari tomonidan moliya-xoʻjalik faoliyatini amalga oshirmayotgan va qonunchilikda belgilangan muddatlarda oʻzlarining ustav fondlarini shakllantirmagan korxonalarni tugatish toʻgʻrisidagi qonun hujjatlarini qoʻllashning ayrim masalalari haqida” 2010-yil 19-noyabrdagi 221-sonli qarori:

nomi quyidagi tahrirda bayon etilsin:

“Moliya-xoʻjalik faoliyatini amalga oshirmayotgan va qonunchilikda belgilangan muddatlarda oʻzlarining ustav fondlarini shakllantirmagan korxonalarni tugatishga oid ishlar boʻyicha sud amaliyotining ayrim masalalari toʻgʻrisida”;

muqaddimasidagi, 1 va 4-bandlaridagi, 7-bandining birinchi xatboshisidagi, 8-bandining ikkinchi va uchinchi bandlaridagi, 9, 10, 14 va 19-bandlaridagi tegishli son va kelishikdagi “xoʻjalik sudi” degan soʻzlar tegishli son va kelishikdagi “iqtisodiy sud” degan soʻzlar bilan almashtirilsin;

1-bandidagi “Oʻzbekiston Respublikasining Xoʻjalik protsessual kodeksi (bundan buyon matnda XPK deb yuritiladi)” degan soʻzlar “Oʻzbekiston Respublikasining Iqtisodiy protsessual kodeksi (bundan buyon matnda IPK deb yuritiladi)” degan soʻzlar bilan almashtirilsin;

3-bandi quyidagi tahrirda bayon etilsin:

“3. FK 53-moddasining ikkinchi qismi, Oʻzbekiston Respublikasi Vazirlar Mahkamasining 1999-yil 3-iyuldagi 327-sonli qarori bilan tasdiqlangan “Moliya-xoʻjalik faoliyatini amalga oshirmayotgan va qonunchilikda belgilangan muddatlarda oʻzlarining ustav jamgʻarmalarini shakllantirmagan korxonalarni tugatish tartibi toʻgʻrisida”gi Nizomning (bundan buyon matnda Nizom deb yuritiladi) 1.3-bandiga muvofiq korxonalarni tugatish uchun korxona muassislari (ishtirokchilari)ning qarori (ixtiyoriy tugatish) yoki iqtisodiy sudning hal qiluv qarori asos hisoblanadi, yoxud oilaviy korxonada yagona ishtirokchi qolgan boʻlsa.

FK 53-moddasi ikkinchi qismining mazmuniga koʻra, Nizomda qayd etilgan qoidalar yakka tartibdagi tadbirkorlarga, shuningdek qonunda belgilangan muddat davomida moliya-xoʻjalik faoliyatini amalga oshirmayotgan dehqon va fermer xoʻjaliklariga, nodavlat notijorat tashkilotlariga nisbatan tatbiq etilmaydi”;

4-bandidagi “bank hisobvaraqlari” degan soʻzlar “talab qilib olinguncha depozit hisobvaraqlari” degan soʻzlar bilan almashtirilsin;

5-bandi quyidagi tahrirda bayon etilsin:

“5. Nizom 3.1-bandining ikkinchi xatboshisiga muvofiq moliya-xoʻjalik faoliyatini amalga oshirmayotgan va qonunchilikda belgilangan muddatlarda oʻz ustav fondini shakllantirmagan korxonani tugatish toʻgʻrisidagi ariza bilan iqtisodiy sudga roʻyxatdan oʻtkazuvchi organ murojaat qilishga haqli”;

6-bandi quyidagi tahrirda bayon etilsin:

“6. Iqtisodiy sudlarga tushuntirilsinki, Oʻzbekiston Respublikasi Vazirlar Mahkamasining 2018-yil 31-yanvardagi 70-sonli qarori bilan tasdiqlangan Oʻzbekiston Respublikasi Adliya vazirligi huzuridagi Davlat xizmatlari agentligi toʻgʻrisidagi nizomning 9-bandiga muvofiq Oʻzbekiston Respublikasi Adliya vazirligi huzuridagi tuman (shahar) Davlat xizmatlari markazlari yuridik shaxs hisoblanmaydi.

Tuman (shahar) hokimligi huzuridagi moliya-xoʻjalik faoliyatini amalga oshirmayotgan va qonunchilikda belgilangan muddatlarda oʻzlarining ustav fondlarini shakllantirmagan korxonalarni tugatish boʻyicha maxsus komissiya (bundan buyon matnda maxsus komissiya deb yuritiladi) hokimlikning doimiy ish olib boruvchi, jamoatchilik asosida faoliyat koʻrsatuvchi organi hisoblanadi va u yuridik shaxs maqomiga ega emas. Shu munosabat bilan, sudga korxonani tugatish toʻgʻrisidagi ariza bilan tuman (shahar) Davlat xizmatlari markazi yoki maxsus komissiya murojaat qilsa, bunday arizani qabul qilish IPK 154-moddasi birinchi qismining 1-bandiga mos holda rad etiladi, agar ariza ish yuritishga qabul qilingan boʻlsa, ish yuritish IPK 110-moddasining 1-bandiga mos holda tugatiladi.

Agar korxonani tugatish toʻgʻrisidagi ariza bilan Davlat xizmatlari agentligining tegishli hududdagi boshqarmasi yoki uning nomidan tuman (shahar) Davlat xizmatlari markazi ishonchnoma asosida murojaat qilsa, ariza ish yuritishga qabul qilinadi”;

7-bandi:

birinchi xatboshisidagi “XPK 114-moddasining” degan soʻzlar “IPK 151-moddasining” degan soʻzlar bilan almashtirilsin;

uchinchi xatboshisidagi “XPK 118-moddasi birinchi qismining 6-bandiga muvofiq qaytariladi, agar ariza ish yuritishga qabul qilingan boʻlsa, undagi talab XPK 88-moddasining 5-bandiga” degan soʻzlar “IPK 155-moddasi birinchi qismining 7-bandiga muvofiq qaytariladi, agar ariza ish yuritishga qabul qilingan boʻlsa, ariza IPK 107-moddasining 5-bandiga” degan soʻzlar bilan almashtirilsin;

toʻrtinchi xatboshisidagi “XPK 118-moddasi” degan soʻzlar “IPK 155-moddasi” degan soʻzlar bilan almashtirilsin;

8-bandining toʻrtinchi xatboshisi quyidagi tahrirda bayon etilsin:

“Ushbu bandning uchinchi xatboshisida belgilangan tartibga rioya qilinmaganda, ariza IPK 155-moddasi birinchi qismining 7-bandiga muvofiq qaytariladi, agar ushbu holat ishni koʻrish jarayonida aniqlansa, ariza IPK 107-moddasining 5-bandiga muvofiq koʻrmasdan qoldiriladi”;

9-bandidagi “XPKda” degan soʻz “IPKda” degan soʻz bilan almashtirilsin;

11-bandi quyidagi tahrirda bayon etilsin:

“11. Iqtisodiy sudlarga tushuntirilsinki, ishni koʻrish jarayonida korxona faoliyati tiklanganligi holatining aniqlanishi arizadagi talabni qanoatlantirishni rad qilish uchun asos boʻlmaydi. Bunday holda, agar arizachi korxona faoliyatini davom ettirishiga eʼtirozi yoʻqligini bildirib, IPKning 157-moddasiga muvofiq arizadagi talabdan voz kechish haqida iqtisodiy sudga ariza taqdim qilsa, voz kechish qabul qilinishi va ish yuritish IPK 110-moddasining 6-bandiga muvofiq tugatilishi mumkin”;

12 va 13-bandlaridagi “XPK 86-moddasining” degan soʻzlar “IPK 110-moddasining” degan soʻzlar bilan almashtirilsin;

15-bandi quyidagi tahrirda bayon etilsin:

“15. Nizom 3.1-bandining uchinchi xatboshisiga muvofiq iqtisodiy sud tomonidan korxonani tugatish toʻgʻrisida qaror qabul qilingan taqdirda, tugatish jarayoni uning topshirigʻiga koʻra, maxsus komissiya tomonidan amalga oshiriladi.

Sudlarga tushuntirilsinki, iqtisodiy sudning korxonani tugatish toʻgʻrisidagi hal qiluv qarori, qarorining ijrosi yuzasidan ijro varaqasi berilmaydi”;

17-bandi quyidagi tahrirda bayon etilsin:

“17. Agar iqtisodiy sudning hal qiluv qarori bilan tugatilgan korxona yagona davlat reyestridan chiqarilgan boʻlsa, sudning hal qiluv qarori ustidan berilgan shikoyat (protest)ni qabul qilish IPK 154-moddasi birinchi qismining 1-bandiga muvofiq rad etiladi, agar shikoyat (protest) ish yuritishga qabul qilingan boʻlsa, u boʻyicha ish yuritish IPK 110-moddasining 4-bandiga muvofiq tugatiladi”.

18. Oʻzbekiston Respublikasi Oliy xoʻjalik sudi Plenumining “Mulk ijarasi shartnomasi toʻgʻrisidagi fuqarolik qonun hujjatlarini qoʻllashning ayrim masalalari haqida” 2011-yil 1-dekabrdagi 234-sonli qarori:

nomi quyidagi tahrirda bayon etilsin:

“Mulk ijarasi shartnomasiga oid fuqarolik qonun hujjatlari normalarini iqtisodiy sudlar tomonidan qoʻllashning ayrim masalalari toʻgʻrisida”;

9-bandi:

quyidagi mazmundagi toʻrtinchi xatboshi bilan toʻldirilsin:

“FK 541-moddasi ikkinchi qismining mazmuniga koʻra, mulkni ijaraga beruvchi tomonidan ijaraga oluvchiga topshirilishi topshirish dalolatnomasi asosida amalga oshiriladi. Shu bilan birga sudlar shuni inobatga olishlari lozimki, agar taraflarning shartnomaviy huquqiy munosabatlarga kirishganligi yozma yoki boshqa dalillar bilan tasdiqlansa, topshirish dalolatnomasining mavjud emasligi ijaraga beruvchining ijara haqini undirish toʻgʻrisidagi talablarini qanoatlantirishni rad etish uchun asos boʻla olmaydi”;

toʻrtinchi xatboshisi beshinchi xatboshi deb hisoblansin;

beshinchi xatboshisi quyidagi mazmundagi jumla bilan toʻldirilsin:

“Bunday holatda, agar mulk ijaraga oluvchiga shunday shartnomaga asosan berilgan boʻlsa, ijaraga beruvchi mulkni qaytarishni va FKning 1023-moddasiga asosan mulkdan foydalanganlik haqini talab qilishga haqli”.

19. Oʻzbekiston Respublikasi Oliy xoʻjalik sudi Plenumining “Xoʻjalik sudlari tomonidan hakamlik sudining hal qiluv qarorini bekor qilish hamda hakamlik sudining hal qiluv qarorini majburiy ijro etish uchun ijro varaqasini berish toʻgʻrisidagi ishlarni koʻrishda qonun hujjatlarini qoʻllashning ayrim masalalari haqida” 2012-yil 15-iyundagi 238-sonli qarori:

nomi quyidagi tahrirda bayon etilsin:

“Iqtisodiy sudlar tomonidan hakamlik muhokamasi bilan bogʻliq ishlarni koʻrishda qonun hujjatlarini qoʻllashning ayrim masalalari toʻgʻrisida”;

muqaddimasidagi, 2-bandining toʻrtinchi xatboshisidagi, 4-bandining birinchi, toʻrtinchi xatboshilaridagi, 5-bandining ikkinchi xatboshisidagi, 8 va 10-bandlaridagi, 11-bandining birinchi xatboshisidagi, 12-bandining birinchi xatboshisidagi, 15.2 va 15.5-bandlaridagi, 15.6-bandining birinchi xatboshisidagi, 18-bandining uchinchi xatboshisidagi, 25-bandining birinchi xatboshisidagi, 26-bandining birinchi va uchinchi xatboshilaridagi tegishli son va kelishikdagi “xoʻjalik sudi” degan soʻzlar tegishli son va kelishikdagi “iqtisodiy sud” degan soʻzlar bilan almashtirilsin;

1-bandi quyidagi tahrirda bayon etilsin:

“1. Hakamlik sudining hal qiluv qarorini bekor qilish hamda hakamlik hal qiluv qarorini majburiy ijro etish uchun ijro varaqasini berish toʻgʻrisidagi ishlarni koʻrishda iqtisodiy sudlar “Hakamlik sudlari toʻgʻrisida”gi Oʻzbekiston Respublikasining Qonuni (bundan buyon matnda Qonun deb yuritiladi), Oʻzbekiston Respublikasining Iqtisodiy protsessual kodeksi (bundan buyon matnda IPK deb yuritiladi) va boshqa qonun hujjatlariga amal qilishlari lozim.

Iqtisodiy sudlarga tushuntirilsinki, hakamlik sudining hal qiluv qarorini bekor qilish hamda hakamlik sudining hal qiluv qarorini majburiy ijro etish uchun ijro varaqasini berish toʻgʻrisidagi ishlar IPKda nazarda tutilgan umumiy qoidalar asosida IPKning 28 va 29-boblarida belgilangan oʻziga xos xususiyatlar hisobga olingan holda koʻrib chiqiladi”;

3-bandining ikkinchi xatboshisi quyidagi tahrirda bayon etilsin:

“Agar nizo koʻrsatilgan organlar tomonidan tashkil qilingan hakamlik sudi tomonidan koʻrib chiqilgan boʻlsa, hakamlik sudining hal qiluv qarori IPK 226-moddasi birinchi qismining 3-bandiga mos holda iqtisodiy sud tomonidan bekor qilinadi, hakamlik sudining hal qiluv qarorini majburiy ijro etish uchun ijro varaqasini berish haqidagi arizani qanoatlantirish esa IPK 231-moddasi birinchi qismining 3-bandiga mos holda rad etiladi”;

4-bandining birinchi xatboshisidagi “XPKning 25-moddasiga” degan soʻzlar “IPKning 29-moddasiga” degan soʻzlar bilan almashtirilsin;

5-bandi:

birinchi xatboshisidagi “XPKning 201 va 202-boblari” degan soʻzlar “IPKning 28 va 29-boblari” degan soʻzlar bilan almashtirilsin;

ikkinchi xatboshisidagi “XPKning 156-moddasiga mos holda” degan soʻzlar “IPK 223-moddasining ikkinchi qismiga asosan” degan soʻzlar bilan almashtirilsin;

5.1-bandining birinchi xatboshisidagi “XPKning 202-bobida” degan soʻzlar “IPKning 29-bobida” degan soʻzlar bilan almashtirilsin;

6-bandi quyidagi tahrirda bayon etilsin:

“6. Hakamlik sudining hal qiluv qarorini bekor qilish toʻgʻrisidagi ariza hakamlik sudining hal qiluv qarori qabul qilingan joydagi iqtisodiy sudga, hakamlik sudining hal qiluv qarorini majburiy ijro etish uchun ijro varaqasini berish toʻgʻrisidagi ariza esa hakamlik sudi joylashgan erdagi yoki qarzdor davlat roʻyxatidan oʻtgan joydagi yoxud, agar qarzdor davlat roʻyxatidan oʻtgan joy nomaʼlum boʻlsa, uning mol-mulki turgan joydagi iqtisodiy sudga beriladi.

Bunday toifadagi ishlar boʻyicha IPKning 38-moddasida belgilangan shartnoma boʻyicha sudlovga tegishlilik toʻgʻrisidagi qoida qoʻllanilmaydi”;

8-bandidagi “XPKning 125-moddasida” degan soʻzlar “IPKning 164-moddasida” degan soʻzlar bilan almashtirilsin;

9-bandi quyidagi tahrirda bayon etilsin:

“9. Hakamlik sudining hal qiluv qarorini bekor qilish hamda hakamlik sudining hal qiluv qarorini majburiy ijro etish uchun ijro varaqasini berish toʻgʻrisidagi arizalar boʻyicha davlat boji Oʻzbekiston Respublikasi Vazirlar Mahkamasining 1994-yil 3-noyabrdagi 533-sonli qarori bilan tasdiqlangan Davlat boji stavkalariga muvofiq undiriladi.

Bunda iqtisodiy sudlar shuni inobatga olishlari lozimki, tadbirkorlik subyektlari — hakamlik sudining hal qiluv qarorlarini majburiy ijro etish uchun ijro varaqasi berish toʻgʻrisida ariza berganda davlat boji toʻlovidan ozod etilgan. Bunday holatda davlat boji arizani koʻrib chiqish yakuni boʻyicha ariza qanoatlantirilganda qarzdordan, qanoatlantirish rad etilganda arizachidan undiriladi”;

11-bandidagi “XPKda” degan soʻz “IPKda” degan soʻz bilan almashtirilsin;

12-bandi:

birinchi xatboshisidagi “XPK 1551-moddasining” degan soʻzlar “IPK 223-moddasining” degan soʻzlar bilan almashtirilsin;

uchinchi xatboshisi quyidagi tahrirda bayon etilsin:

“Agar ariza belgilangan muddat oʻtganidan keyin taqdim etilgan boʻlib, muddatni tiklash toʻgʻrisida iltimosnoma berilmagan yoki belgilangan muddatning oʻtkazilishi sabablari sud tomonidan uzrli deb topilmagan boʻlsa, arizani qabul qilish IPK 224-moddasining oltinchi qismiga muvofiq IPK 154-moddasining qoidalari boʻyicha rad etiladi”;

beshinchi — yettinchi xatboshilari quyidagi tahrirda bayon etilsin:

“Agar qarzdor joylashgan erdagi yoki yashaydigan joydagi yoxud, agar qarzdor joylashgan yer yoki yashaydigan joy nomaʼlum boʻlib, uning mol-mulki turgan joydagi iqtisodiy sudning ish yurituvida hakamlik sudining hal qiluv qarorini majburiy ijro etish uchun ijro varaqasini berish toʻgʻrisidagi ish mavjud boʻlsa, hakamlik sudining hal qiluv qarori qabul qilingan joydagi iqtisodiy sudga hakamlik sudining hal qiluv qarorini bekor qilish toʻgʻrisida ariza kelib tushsa, hakamlik sudining hal qiluv qarorini majburiy ijro etish uchun ijro varaqasini berish toʻgʻrisidagi ish boʻyicha ish yuritish IPK 101-moddasining 1-bandiga asosan toʻxtatib turilishi yoki ishni koʻrish IPK 230-moddasining oltinchi qismiga asosan qarzdorning iltimosnomasiga binoan keyinga qoldirilishi mumkin.

Hakamlik sudining hal qiluv qarorini bekor qilish toʻgʻrisidagi ariza ish yuritishga qabul qilinganidan keyin manfaatdor shaxs tomonidan shu ish doirasida hakamlik sudining hal qiluv qarorini majburiy ijro etish uchun ijro varaqasini berish toʻgʻrisidagi ariza IPKning 229-moddasi hamda Qonunning 51-moddasi talablariga rioya qilingan holda berilgan boʻlsa, u ish yuritishga qabul qilinadi va dastlabki ariza bilan birga koʻrib chiqiladi. Agar hakamlik sudining hal qiluv qarorini majburiy ijro etish uchun ijro varaqasini berish toʻgʻrisidagi ariza IPKning 229-moddasi hamda Qonunning 51-moddasi talablari buzilgan holda berilgan boʻlsa, u IPKning 155-moddasiga mos holda qaytariladi.

Agar iqtisodiy sudning ish yurituvida IPK 223-moddasining ikkinchi qismi va 228-moddasining uchinchi qismida koʻrsatilgan sudlovga tegishlilik qoidalariga rioya qilingan holda hakamlik sudining hal qiluv qarorini bekor qilish hamda hakamlik sudining hal qiluv qarorini majburiy ijro etish uchun ijro varaqasini berish toʻgʻrisidagi alohida qoʻzgʻatilgan ishlar mavjud boʻlsa, bu ishlar IPK 158-moddasining ikkinchi qismiga asosan bitta ish yuritishga birlashtirilishi mumkin”;

13-bandi quyidagi tahrirda bayon etilsin:

“13. Hakamlik sudining hal qiluv qarorini bekor qilish toʻgʻrisidagi arizaning shakli va mazmuni IPKning 224-moddasi talablariga mos kelishi va unga ushbu moddada nazarda tutilgan hujjatlar, shu jumladan pochta xarajatlari toʻlanganligini tasdiqlovchi hujjat ham ilova qilinishi lozim. Ushbu talablarga rioya qilinmagan taqdirda, hakamlik sudining hal qiluv qarorini bekor qilish toʻgʻrisidagi ariza IPKning 155-moddasiga mos holda qaytariladi. Arizaning qaytarilishi yoʻl qoʻyilgan kamchiliklar bartaraf etilgandan keyin iqtisodiy sudga umumiy tartibda bunday ariza bilan qaytadan murojaat qilishga toʻsqinlik qilmaydi”;

14-bandidagi “XPKning 202-bobi” degan soʻzlar “IPKning 29-bobi” degan soʻzlar bilan almashtirilsin;

15-bandi quyidagi tahrirda bayon etilsin:

“15. Sudlar shuni nazarda tutishlari kerakki, hakamlik sudining hal qiluv qarori IPK 226-moddasining birinchi qismida koʻrsatilgan asoslar mavjud boʻlsa, bekor qilinadi. Bunda isbotlash majburiyati hal qiluv qaroridan norozi boʻlib ariza bergan tarafning zimmasiga yuklatiladi. Shu bilan birga, agar IPKning 226-moddasida koʻrsatilgan asoslar iqtisodiy sud tomonidan aniqlangan taqdirda ham, hakamlik sudining hal qiluv qarori bekor qilinadi”;

15.2 — 15.5-bandlaridagi, 15.7-bandining ikkinchi va uchinchi xatboshilaridagi “XPK 1554-moddasi” degan soʻzlar “IPK 226-moddasi” degan soʻzlar bilan almashtirilsin;

15.6-bandining ikkinchi xatboshi “yuridik ahamiyatga ega boʻlgan faktlarni aniqlash toʻgʻrisidagi” degan soʻzlardan keyin “er bilan bogʻliq nizolar; mulk huquqini tan olish haqidagi nizolar” degan soʻzlar bilan toʻldirilsin;

16-bandi quyidagi tahrirda bayon etilsin:

“16. IPK 227-moddasining uchinchi qismiga koʻra, hakamlik sudi hal qiluv qarorining bekor qilinganligi hakamlik muhokamasi taraflarining, agar hakamlik sudiga murojaat etish imkoniyati yoʻqolmagan boʻlsa, hakamlik bitimiga muvofiq hakamlik sudiga yangidan murojaat etishiga yoki ushbu Kodeksda nazarda tutilgan umumiy qoidalarga binoan iqtisodiy sudga murojaat etishiga toʻsqinlik qilmaydi.

Bunda sudlar shuni nazarda tutishlari kerakki, agar hakamlik sudining hal qiluv qarori IPK 226-moddasi birinchi qismining 1-bandiga asosan bekor qilingan boʻlsa, hakamlik sudiga murojaat qilish uchun asos boʻlgan hujjat haqiqiy emas deb topilganligi sababli, hakamlik muhokamasi taraflari IPKda nazarda tutilgan umumiy qoidalarga binoan iqtisodiy sudga murojaat etishga haqli. Hakamlik sudining hal qiluv qarori IPK 226-moddasi birinchi qismining 2-bandiga (Qonun 47-moddasi ikkinchi qismining uchinchi xatboshisi) asosan hamda ushbu qarorning 3 va 15.6-bandlarida koʻrsatilgan asoslarga koʻra bekor qilingan boʻlsa ham, hakamlik muhokamasi taraflari IPKda nazarda tutilgan umumiy qoidalarga binoan iqtisodiy sudga murojaat etishga haqli.

Agar hakamlik sudining hal qiluv qarori IPK 226-moddasi birinchi qismining 3, 4, 5-bandlariga asosan bekor qilingan va hakamlik sudiga murojaat etish imkoniyati yoʻqotilmagan boʻlsa, hakamlik muhokamasi taraflari hakamlik sudiga yangidan murojaat etishga haqli.

Shu munosabat bilan, hakamlik sudining hal qiluv qarori IPK 226-moddasi birinchi qismining 3, 4 va 5-bandlariga asosan bekor qilinganidan keyin hakamlik muhokamasi taraflari mazkur nizo boʻyicha iqtisodiy sudga murojaat qilganda, daʼvo arizasini qabul qilish IPK 154-moddasi birinchi qismining 1-bandiga asosan rad etiladi. Agar daʼvo arizasi ish yuritishga qabul qilingan boʻlsa, ish yuritish IPK 110-moddasining 1-bandiga asosan tugatiladi”;

17-bandi quyidagi tahrirda bayon etilsin:

“17. Agar hakamlik sudining hal qiluv qarori u bekor qilingan paytda ijro etilgan boʻlsa, iqtisodiy sudning hakamlik sudi hal qiluv qarorini toʻliq yoki qisman bekor qilish toʻgʻrisidagi ajrimida IPK 227-moddasining ikkinchi qismida koʻrsatilgan maʼlumotlar va koʻrsatmalardan tashqari, Qonunning 54-moddasiga asosan hakamlik sudining toʻliq yoki qisman bekor qilingan hal qiluv qaroriga muvofiq javobgardan daʼvogarning foydasiga undirilgan narsalarning hammasi javobgarga qaytarib berilishi haqidagi masala hal qilinishi va ijro varaqasi berilishi lozim. Agar bu masala iqtisodiy sudning ajrimida hal etilmagan boʻlsa, hakamlik sudi hal qiluv qarorining qaytarma ijrosi toʻgʻrisidagi masala IPKning 344-moddasiga mos holda hal etiladi”;

18-bandining uchinchi xatboshisidagi “XPK 1559-moddasi” degan soʻzlar “IPK 231-moddasi” degan soʻzlar bilan almashtirilsin;

19-bandi:

birinchi xatboshisidagi “XPK 1557-moddasining” degan soʻzlar “IPK 229-moddasining” degan soʻzlar bilan almashtirilsin;

ikkinchi xatboshisidagi “XPK 1557-moddasining yettinchi qismiga muvofiq ushbu Kodeksning 118-moddasi” degan soʻzlar “IPK 229-moddasining sakkizinchi qismiga muvofiq ushbu Kodeksning 155-moddasi” degan soʻzlar bilan almashtirilsin;

20-bandi quyidagi tahrirda bayon etilsin:

“20. Hakamlik sudining hal qiluv qarorini majburiy ijro etish uchun ijro varaqasini berish toʻgʻrisidagi ariza sudlovga tegishlilik qoidalari buzilgan holda berilganda, uning shakli va mazmuniga qoʻyilgan talablarga rioya etilmaganda yoki unga qonunda nazarda tutilgan hujjatlar ilova qilinmaganda, u IPKning 155-moddasida nazarda tutilgan qoidalarga binoan qaytariladi. Ishni koʻrish vaqtida arizaning sudlovga tegishlilik qoidalari buzilgan holda ish yuritishga qabul qilinganligi aniqlansa, ish IPKning 39-moddasiga asosan tegishli iqtisodiy sudga oʻtkaziladi”;

21-bandi quyidagi tahrirda bayon etilsin:

“21. Iqtisodiy sudlar nazarda tutishlari lozimki, agar hakamlik sudida yuridik shaxs maqomiga ega boʻlmagan filial yoki vakolatxonaga nisbatan yoxud jismoniy shaxslarning huquq va majburiyatlari toʻgʻrisida nizo koʻrib chiqilgan boʻlib, bunday hal qiluv qarorini majburiy ijro etish uchun ijro varaqasini berish toʻgʻrisidagi iqtisodiy sudga ariza berilganda, IPKning 25-moddasi talablaridan kelib chiqqan holda bunday arizani qabul qilish IPK 154-moddasi birinchi qismining 1-bandiga mos holda rad etiladi. Agar ariza ish yuritishga qabul qilingan boʻlsa, ish yuritish IPK 110-moddasining 1-bandiga muvofiq tugatiladi”;

22-bandi quyidagi tahrirda bayon etilsin:

“22. Iqtisodiy sudlar IPK 230 “Hakamlik sudining hal qiluv qarorini majburiy ijro etish uchun ijro varaqasini berish toʻgʻrisidagi arizani koʻrib chiqish tartibi”, 231 “Hakamlik sudining hal qiluv qarorini majburiy ijro etish uchun ijro varaqasini berishni rad etish asoslari”, 232 “Iqtisodiy sudning hakamlik sudi hal qiluv qarorini majburiy ijro etish uchun ijro varaqasi berish toʻgʻrisidagi ish boʻyicha ajrimi” — moddalarini amaliyotda qoʻllashda mazkur qarorning 2–4, 7–11, 15 va 16-bandlarida berilgan tushuntirishlarga asoslanishi lozim”;

26-bandi:

ikkinchi xatboshisi quyidagi tahrirda bayon etilsin:

“Iqtisodiy sudlarga tushuntirilsinki, hakamlik sudida koʻrib chiqilayotgan daʼvoni taʼminlash haqidagi ariza hakamlik muhokamasi tarafi tomonidan hakamlik sudi joylashgan erdagi yoki qarzdor davlat roʻyxatidan oʻtgan joydagi yoxud agar qarzdor davlat roʻyxatidan oʻtgan joy nomaʼlum boʻlsa qarzdorning mol-mulki turgan joydagi iqtisodiy sudga beriladi va IPKning 93–100-moddalarida nazarda tutilgan tartibda koʻrib chiqiladi”;

uchinchi xatboshisidagi “XPK 80-moddasining” degan soʻzlar “IPK 99-moddasining” degan soʻzlar bilan almashtirilsin.

20. Oʻzbekiston Respublikasi Oliy sudi Plenumi va Oliy xoʻjalik sudi Plenumining “Tadbirkorlik subyektlari faoliyati bilan bogʻliq qonun hujjatlarini sud amaliyotida qoʻllashning ayrim masalalari haqida” 2012-yil 14-sentabrdagi 12/239-sonli qarori:

nomi quyidagi tahrirda bayon etilsin:

“Tadbirkorlik subyektlari faoliyatini tartibga soluvchi qonun hujjatlarini qoʻllash boʻyicha sud amaliyotining ayrim masalalari toʻgʻrisida”;

muqaddimasidagi “umumiy yurisdiksiya sudlari va xoʻjalik sudlari” degan soʻzlar “sudlar” degan soʻz bilan almashtirilsin;

3-bandi:

uchinchi xatboshisi quyidagi tahrirda bayon etilsin:

“Sudlarga tushuntirilsinki, tadbirkorlik faoliyati subyekti sifatida davlat roʻyxatidan oʻtkazishni rad etganlik, shuningdek roʻyxatdan oʻtkazish muddatini buzganlik ustidan berilgan shikoyat maʼmuriy sudlarga taalluqlidir”;

toʻrtinchi xatboshisi chiqarib tashlansin;

4-bandi quyidagi tahrirda bayon etilsin:

“4. Oʻzbekiston Respublikasining Maʼmuriy sud ishlarini yuritish toʻgʻrisidagi kodeksi (bundan buyon matnda MSIYutK deb yuritiladi) 67-moddasining ikkinchi qismiga muvofiq yuridik shaxsni davlat roʻyxatidan oʻtkazishni rad etishning qonuniyligini isbotlash majburiyati roʻyxatdan oʻtkazuvchi organ zimmasiga yuklatiladi”;

6-bandi quyidagi tahrirda bayon etilsin:

“6. Oʻzbekiston Respublikasi Fuqarolik protsessual kodeksining (bundan buyon matnda FPK deb yuritiladi) 31-moddasi va Oʻzbekiston Respublikasi Iqtisodiy protsessual kodeksining (bundan buyon matnda IPK deb yuritiladi) 23-moddasi mazmunidan kelib chiqib sudlar shuni nazarda tutishlari kerakki, yakka tartibdagi tadbirkor maqomiga ega boʻlmagan fuqaro ishtirokidagi nizolar, fuqarolik ishlari boʻyicha sudlarga taalluqli. Qonun boʻyicha bunday nizolarni hal etish maʼmuriy sudlar vakolatiga oʻtkazilgan hollar bundan mustasno.

Agar yakka tartibdagi tadbirkorning faoliyati daʼvo taqdim etilgunga qadar tugatilgan va tegishli talablar uning avvalgi tadbirkorlik faoliyatidan kelib chiqqan boʻlsa, shuningdek uning maqomi daʼvo taqdim etilgandan soʻng yoʻqotilgan taqdirda ham, ular ishtirokidagi nizolar iqtisodiy sudga taalluqlidir.

Tadbirkorlik faoliyatining toʻxtatilishi iqtisodiy sudda ish boʻyicha ish yuritishni tugatish uchun asos boʻlmaydi.

Agar fuqaro qonunda belgilangan tartibda yakka tartibdagi tadbirkor maqomini olgan boʻlib, ammo nizo uning tadbirkorlik faoliyatini amalga oshirishi bilan emas, balki uy-joy, oila-nikoh va boshqa huquqiy munosabatlardan kelib chiqqan boʻlsa, bunday nizo fuqarolik ishlari boʻyicha sudlarda koʻrib chiqiladi. Qonun boʻyicha bunday nizolarni hal etish maʼmuriy sudlar vakolatiga oʻtkazilgan hollar bundan mustasno”;

7-bandining ikkinchi xatboshisi quyidagi tahrirda bayon etilsin:

“Tekshirish qonunda belgilangan asoslar mavjud boʻlmasdan oʻtkazilgan holda, u noqonuniy hisoblanadi va FPK 71-moddasining ikkinchi qismi, IPK 66-moddasining ikkinchi qismi va MSIYutK 65-moddasining ikkinchi qismiga muvofiq tekshirish natijasida olingan maʼlumotlar dalil sifatida qabul qilinmaydi”;

8-bandi chiqarib tashlansin;

9-bandi quyidagi tahrirda bayon etilsin:

“9. Oʻzbekiston Respublikasi Prezidentining “Tadbirkorlik faoliyatining jadal rivojlanishini taʼminlashga, xususiy mulkni har tomonlama himoya qilishga va ishbilarmonlik muhitini sifat jihatidan yaxshilashga doir qoʻshimcha chora-tadbirlar toʻgʻrisida” 2016-yil 5-oktabrdagi PF-4848-sonli Farmonining 3-bandiga koʻra, yuridik shaxslarning tugatilayotganida, shuningdek jismoniy va yuridik shaxslarning qonunchilik buzilganligi holatlari boʻyicha bergan murojaatlari asosida oʻtkaziladigan qisqa muddatli tekshiruvlardan tashqari tadbirkorlik subyektlarini rejadan tashqari tekshirishlarning barcha turlari bekor qilingan.

Shuningdek, Oʻzbekiston Respublikasi Prezidentining “Pul muomalasini yanada takomillashtirish va bank plastik kartochkalaridan foydalangan holda hisob-kitoblarni rivojlantirish chora-tadbirlari toʻgʻrisida” 2017-yil 15-fevraldagi PQ-2777-sonli Qarorining 2-bandi bilan Oʻzbekiston Respublikasi Davlat soliq qoʻmitasi zimmasiga tadbirkorlik subyektlarini naqd pul mablagʻlari yoki plastik kartochkalar boʻyicha toʻlov shakliga qarab narxlarni sunʼiy ravishda oshirish yoki pasaytirish, nazorat-kassa mashinalarini, hisob-kitob terminallarini ishlatish, shuningdek oʻrnatilgan tartibda talon va cheklar berish, naqd tushumni oʻz vaqtida va toʻla hajmda inkassatsiya qilish masalalari yuzasidan, belgilangan tartibga muvofiq, birinchi navbatda savdo komplekslarida, chakana savdo va xizmatlar koʻrsatish tashkilotlarida doimiy asosda tekshiruvlarni oʻtkazib turish yuklatilgan.

Sudlar inobatga olishlari kerakki, davlat soliq xizmati organlari bunday tekshirish natijasi boʻyicha aniqlangan qonun buzilishlar yuzasidan tadbirkorlik subyektlariga nisbatan huquqiy taʼsir choralari qoʻllash haqidagi ariza bilan sudga murojaat etishga haqli”.

21. Oʻzbekiston Respublikasi Oliy xoʻjalik sudi Plenumining “Sud buyrugʻi berish toʻgʻrisidagi ishlarni koʻrishda Oʻzbekiston Respublikasi Xoʻjalik protsessual kodeksi normalarini qoʻllashning ayrim masalalari haqida” 2013-yil 5-dekabrdagi 254-sonli qarori:

nomi quyidagi tahrirda bayon etilsin:

“Sud buyrugʻi berish toʻgʻrisidagi ishlarni koʻrishda iqtisodiy sudlar tomonidan protsessual qonun normalarini qoʻllashning ayrim masalalari toʻgʻrisida”;

muqaddimasidagi “Xoʻjalik protsessual” degan soʻzlar “Iqtisodiy protsessual” degan soʻzlar bilan almashtirilsin;

1-bandi quyidagi tahrirda bayon etilsin:

“1. Iqtisodiy sudlarning eʼtibori sud buyrugʻini berish toʻgʻrisidagi ishlar Oʻzbekiston Respublikasining Iqtisodiy protsessual kodeksida (bundan buyon matnda IPK deb yuritiladi) belgilangan qoidalarga qatʼiy rioya etilgan holda Oʻzbekiston Respublikasining Fuqarolik kodeksi, Soliq kodeksi (bundan buyon matnda Soliq kodeksi deb yuritiladi), “Lizing toʻgʻrisida”gi Qonun va boshqa qonun hujjatlari asosida koʻrilishiga qaratilsin”;

2-bandidagi “XPKning 103-moddasida” degan soʻzlar “IPKning 135-moddasida” degan soʻzlar bilan almashtirilsin;

2.1-bandi quyidagi tahrirda bayon etilsin:

“2.1. Agar sud buyrugʻini berish toʻgʻrisidagi arizada IPK 135-moddasining 1-bandida koʻrsatilgan talab qoʻyilgan boʻlsa, soliq qarzining miqdori qonun hujjatlarida belgilangan eng kam miqdordan oz boʻlmasligi, shuningdek talabda qarzni undirishni qarzdorning mol-mulkiga qaratish soʻralgan boʻlishi lozim.

Agar soliq qarzining miqdori qonun hujjatlarida belgilangan miqdordan kam boʻlsa (Soliq kodeksi 61-moddasining uchinchi qismida nazarda tutilgan holat bundan mustasno), shuningdek arizada qarzni undirishni qarzdorning mol-mulkiga qaratish toʻgʻrisida talab qoʻyilmagan boʻlsa, sud buyrugʻini berish toʻgʻrisidagi arizani qabul qilish IPK 140-moddasining birinchi qismiga asosan rad etilishi lozim.

Sud buyrugʻini berish toʻgʻrisidagi talab IPK 135-moddasining 1-bandiga asosan qoʻyilgan boʻlsa, qarzdor tomonidan soliq qarzining tan olinishi talab etilmaydi”;

2.2-bandining toʻrtinchi xatboshisidagi “XPK 103-moddasining 11-bandiga” degan soʻzlar “IPK 135-moddasining 2-bandiga” degan soʻzlar bilan almashtirilsin;

2.3-bandi quyidagi tahrirda bayon etilsin:

“2.3. Sudlar shuni eʼtiborga olishlari lozimki, IPK 135-moddasining 3-bandiga asosan taqdim etilgan sud buyrugʻini berish toʻgʻrisidagi arizada debitorlik qarzini qarzdorning mol-mulkidan undirish toʻgʻrisida talab qoʻyilishi mumkin emas. Bunday talab bildirilganda, arizani qabul qilish IPK 140-moddasining birinchi qismiga asosan rad etiladi.

IPK 135-moddasining 3-bandiga asosan qarzdorlikni undirish toʻgʻrisida talab qoʻyilganda, debitorlik qarzini qarzdor tomonidan hujjatlar asosida tan olingan boʻlishi lozim”;

2.4-bandining birinchi xatboshisi quyidagi tahrirda bayon etilsin:

“IPK 135-moddasining 4-bandiga asosan berilgan arizada faqatgina lizingga berilgan mol-mulkni talab qilib olish toʻgʻrisida talab qoʻyilishi mumkin. Agar arizada lizingga berilgan mol-mulkni talab qilib olish toʻgʻrisidagi talabdan tashqari lizing toʻlovlarini undirish toʻgʻrisidagi talab ham bildirilgan boʻlsa, arizani qabul qilish IPK 140-moddasi birinchi qismiga asosan rad etiladi”;

3-bandidagi “XPKning 23, 26–28, 32-moddalarida” degan soʻzlar “IPKning 25, 32–34, 38-moddalarida” degan soʻzlar bilan almashtirilsin;

3.1-bandidagi “XPK 117-moddasi birinchi qismining 1-bandiga mos holda” degan soʻzlar “IPK 140-moddasi birinchi qismiga asosan” degan soʻzlar bilan almashtirilsin;

4-bandining birinchi xatboshisi quyidagi tahrirda bayon etilsin:

“IPK 136-moddasining birinchi qismi talablariga koʻra sud buyrugʻini berish toʻgʻrisidagi ariza iqtisodiy sudga yozma shaklda beriladi”;

5-bandining ikkinchi xatboshisi chiqarib tashlansin;

6-bandi quyidagi tahrirda bayon etilsin:

“6. Sud buyrugʻini berish toʻgʻrisidagi arizaning mazmuni IPK 136-moddasining ikkinchi qismi talablariga mos kelishi lozim, aks holda arizani qabul qilish IPK 141-moddasi birinchi qismining 1-bandiga asosan rad etiladi”;

7.1-bandi quyidagi tahrirda bayon etilsin:

“7.1. Soliqlar boʻyicha qarzdorlikni undirishni yuridik shaxslar va fuqarolarning mol-mulkiga qaratish toʻgʻrisidagi arizaga quyidagi hujjatlar ilova qilinishi lozim:

soliq qarzi borligi toʻgʻrisida soliq toʻlovchining shaxsiy kartochkasidan koʻchirma;

toʻlov topshiriqnomalari, toʻlov talabnomalari va inkasso topshiriqnomalari mavjudligi toʻgʻrisidagi maʼlumotnoma.

IPK 149-moddasi ikkinchi qismining 8-bandi hamda Soliq kodeksining 59 va 60-moddalari talabidan kelib chiqib, undiruvni soliq toʻlovchining mol-mulkiga qaratish toʻgʻrisidagi daʼvo arizasiga soliq qarzini uzish toʻgʻrisidagi talabnomani soliq toʻlovchiga yuborilganligini tasdiqlovchi hujjat ham ilova qilinishi kerak”;

7.2-bandi quyidagi tahrirda bayon etilsin:

“7.2. Kommunal xizmatlar va aloqa xizmatlari toʻlovlari boʻyicha qarzdorlikni undirish uchun sud buyrugʻini berish toʻgʻrisidagi arizaga IPKning 138-moddasida koʻrsatilgan hujjatlar ilova qilinishi lozim”;

7.5-bandining ikkinchi xatboshisidagi “uni qabul qilish XPK 107-moddasi birinchi qismining 3-bandiga asosan rad etiladi” degan soʻzlar “ariza IPK 141-moddasi birinchi qismining 3-bandiga asosan qaytariladi” degan soʻzlar bilan almashtirilsin;

7.6-bandidagi “XPK 118-moddasi birinchi qismining 6-bandiga mos holda” degan soʻzlar “IPK 141-moddasi birinchi qismining 6-bandiga asosan” degan soʻzlar bilan almashtirilsin;

8-bandidagi “XPK 109-moddasi” degan soʻzlar “IPK 144-moddasi” degan soʻzlar bilan almashtirilsin;

9-bandi quyidagi tahrirda bayon etilsin:

“9. IPKning 137-moddasiga muvofiq arizachi (kreditor) sud buyrugʻini berish toʻgʻrisida ariza berganida qarzdorga arizaning koʻchirma nusxasini topshirishi shart. Qarzdor — yuridik shaxsga sud buyrugʻini berish toʻgʻrisidagi arizaning koʻchirma nusxasi topshirilganligining dalili boʻlib, uning rahbari yoki xodimining muhr (muhr mavjud boʻlgan taqdirda) yoki shtamp bilan tasdiqlangan imzosi, qarzdor — fuqaroga esa uning shaxsiy imzosi hisoblanadi. Ushbu tartibga rioya qilinmagan taqdirda, sud buyrugʻini berish toʻgʻrisidagi ariza IPK 141-moddasi birinchi qismining 3-bandiga asosan arizachi (kreditor)ga qaytariladi”;

10-bandi:

birinchi xatboshisidagi “XPK 106-moddasining” degan soʻzlar “IPK 139-moddasining” degan soʻzlar bilan almashtirilsin;

ikkinchi xatboshisidagi “xoʻjalik sudlarida” degan soʻzlar “iqtisodiy sudlarda” degan soʻzlar bilan almashtirilsin;

10.1-bandidagi “XPK 106-moddasining” degan soʻzlar “IPK 139-moddasining” degan soʻzlar bilan almashtirilsin;

10.4-bandining birinchi xatboshisi quyidagi tahrirda bayon etilsin:

“Sud buyrugʻini berish toʻgʻrisidagi arizani qabul qilish IPK 154-moddasi birinchi qismining 1-bandiga asosan rad etilganda, ariza IPK 141-moddasi birinchi qismining 5, 6 va 7-bandlariga asosan qaytarilganda, shuningdek sud buyrugʻini berish IPK 144-moddasining birinchi qismiga asosan rad etilganda, kreditor tomonidan toʻlangan davlat boji qarzdorga nisbatan umumiy tartibda kreditor tomonidan daʼvo taqdim etilganda toʻlanishi lozim boʻlgan boj hisobiga oʻtkaziladi”;

11-bandidagi “XPK 118-moddasi” degan soʻzlar “IPK 141-moddasi” degan soʻzlar bilan almashtirilsin;

12-bandining birinchi xatboshisidagi “XPK 118-moddasining 9-bandiga mos holda” degan soʻzlar “IPK 141-moddasi birinchi qismining 7-bandiga asosan” degan soʻzlar bilan almashtirilsin;

14-bandi quyidagi tahrirda bayon etilsin:

“14. IPK 142-moddasining birinchi qismiga koʻra, qarzdor unga sud buyrugʻini berish toʻgʻrisidagi arizaning koʻchirma nusxasi topshirilgan paytdan boshlab oʻn kunlik muddatda sudga kreditor talablariga qarshi eʼtirozlarini tasdiqlovchi hujjatlarni ilova qilgan holda taqdim etishga haqli.

IPKning 142-moddasida qarzdor eʼtirozining shakli va mazmuniga nisbatan muayyan talablar belgilanmaganligi sababli u erkin shaklda bayon etilishi mumkin. Biroq eʼtirozda arizadagi talabga munosabat bildirilgan boʻlishi kerak. Eʼtiroz sudga elektron hujjat tarzida ham yuborilishi mumkin.

Sudlar inobatga olishi lozimki, IPK 142-moddasining birinchi qismida belgilangan oʻn kunlik muddat sud buyrugʻini berish toʻgʻrisidagi arizaning nusxasi qarzdorga topshirilgan kundan boshlab hisoblanadi. Agar arizaning nusxasi topshirilganligini tasdiqlovchi hujjatda bunday sana koʻrsatilmagan boʻlsa, oʻn kunlik muddat ushbu ariza sudga kelib tushgan kundan boshlab hisoblanadi.

IPK 143-moddasining ikkinchi qismiga koʻra, sud buyrugʻi kreditor tomonidan arizaning koʻchirma nusxasi qarzdorga topshirilgan kundan eʼtiboran oʻn kun oʻtgach beriladi.

Sudlarga tushuntirilsinki, agar sud buyrugʻini berish toʻgʻrisidagi ariza yozma fikrni taqdim etish uchun berilgan oʻn kunlik muddat oʻtganidan keyin sudga kelib tushgan boʻlsa, sud buyrugʻi ariza sudga kelib tushganidan keyingi kundan kechiktirmasdan beriladi.

Sudlarning eʼtibori IPK 142-moddasining ikkinchi qismi mazmuniga muvofiq sud buyrugʻi, agar qarzdor arizadagi talab bilan rozi boʻlsa, ariza nusxasi qarzdorga berilgan kundan oʻn kunlik muddat oʻtmasdan ham berilishi mumkinligiga qaratilsin. Bunday holatda sud buyrugʻi qarzdorning arizadagi talabga yozma roziligi kelib tushgan kunning ertasidan kechiktirmasdan beriladi”;

15-bandining birinchi xatboshisidagi “XPK 109-moddasining” degan soʻzlar “IPK 143-moddasining” degan soʻzlar bilan almashtirilsin;

15.1-bandi quyidagi tahrirda bayon etilsin:

“15.1. IPK 143-moddasining ikkinchi qismiga koʻra, agar qarzdor bildirilgan talabga rozi boʻlmasa, huquq toʻgʻrisidagi mavjud nizo taqdim etilgan hujjatlar asosida hal etib boʻlmaydi deb hisoblansa, sudya sud buyrugʻini berishni rad etadi. Sud buyrugʻini berishni rad etish toʻgʻrisida ajrim chiqariladi. Mazkur ajrim ustidan shikoyat qilinishi mumkin.

Sudlar sud buyrugʻi berishni rad etish toʻgʻrisidagi ajrimda kreditorning oʻsha talab boʻyicha umumiy tartibda daʼvo taqdim etish huquqi mavjudligini tushuntirishi lozim.

Sud buyrugʻini berishni rad etish toʻgʻrisidagi ajrim ustidan berilgan apellatsiya yoki kassatsiya shikoyati IPKning 281 va 305-moddalari tartibida koʻrib chiqiladi. Ajrim apellatsiya yoki kassatsiya instansiyasi sudi tomonidan bekor qilingan taqdirda, ish hal qilish uchun birinchi instansiya sudiga yuboriladi”;

16-bandi quyidagi tahrirda bayon etilsin:

“16. Sudlar shuni inobatga olishlari lozimki, sud buyrugʻining mazmuni IPK 145-moddasining birinchi qismi talablariga mos kelishi, shuningdek unda qarzdordan undiruvchi foydasiga undirilishi lozim boʻlgan sud xarajatlarining summasi ham koʻrsatilishi kerak.

IPKning 143-moddasiga muvofiq sud buyrugʻi ikkita asl nusxada imzolanadi, ulardan biri ishda qoladi, boshqasi sudning gerbli muhri bilan tasdiqlanadi va undiruvchiga beriladi (yuboriladi). Qarzdorga sud buyrugʻining koʻchirma nusxasi yuboriladi.

Qarzdor va undiruvchining elektron manzillari mavjud boʻlgan taqdirda, sud buyrugʻi elektron hujjat tarzida yuborilishi mumkin”;

17-bandi quyidagi tahrirda bayon etilsin:

“17. Sud buyrugʻi apellatsiya, kassatsiya, nazorat instansiyalarida va yangi ochilgan holatlar boʻyicha qayta koʻrilmaydi. Shu bois sud buyrugʻi ustidan berilgan apellatsiya, kassatsiya yoki nazorat shikoyatini qabul qilish IPK 268-moddasi birinchi qismining 2-bandi, 291-moddasi birinchi qismining 2-bandi va 314-moddasining 3-bandiga muvofiq yangi ochilgan holatlar boʻyicha qayta koʻrish toʻgʻrisidagi arizani qabul qilish esa IPK 154-moddasi birinchi qismining 1-bandiga mos holda rad etiladi. Agar shikoyat yoki ariza ish yuritishga qabul qilingan boʻlsa, apellatsiya yoki kassatsiya shikoyati boʻyicha ish yuritish IPK 273-moddasi birinchi qismining 1-bandi yoki 296-moddasi birinchi qismining 1-bandiga asosan nazorat shikoyati boʻyicha ish yuritish IPK 296-moddasi birinchi qismining 1-bandiga, yangi ochilgan holatlar boʻyicha qayta koʻrish toʻgʻrisidagi ariza boʻyicha ish yuritish IPK 110-moddasining 1-bandiga mos holda tugatiladi”;

18-bandidagi “XPKning 215–220-moddalariga” degan soʻzlar “IPKning 340–344-moddalariga” degan soʻzlar bilan almashtirilsin;

19-bandidagi “XPK 103-moddasining” degan soʻzlar “IPK 135-moddasining” degan soʻzlar bilan almashtirilsin;

20-bandi quyidagi tahrirda bayon etilsin:

“20. IPK 147-moddasining birinchi qismiga koʻra, agar qarzdor uzrli sabab bilan oʻz vaqtida kreditorning talabiga qarshi eʼtiroz bildirish imkoniyatiga ega boʻlmagan boʻlsa, sud buyrugʻining koʻchirma nusxasi olingan kundan eʼtiboran oʻn kunlik muddatda oʻsha sudga sud buyrugʻini bekor qilish toʻgʻrisida ariza berishga haqli. Sud bunday holda buyruqni bekor qilishga haqli, shundan keyin kreditorning talabi daʼvo ishini yuritish tartibida koʻrilishi mumkin.

Sud buyrugʻini bekor qilish toʻgʻrisidagi arizaning shakli va mazmuniga nisbatan IPKda muayyan talablar belgilanmagan. Shundan kelib chiqib, ariza erkin shaklda bayon etilishi mumkin, ammo unda sud buyrugʻini bekor qilish sabablari koʻrsatilgan, shuningdek unga ushbu sabablarni tasdiqlovchi hujjatlar ilova qilingan boʻlishi kerak.

Sud buyrugʻini bekor qilish toʻgʻrisidagi ariza sudga elektron hujjat tarzida ham yuborilishi mumkin.

Agar ariza belgilangan muddat oʻtganidan keyin taqdim etilgan boʻlib, muddatni tiklash toʻgʻrisida iltimosnoma berilmagan boʻlsa, bu holat uni qanoatlantirishni rad etish uchun asos boʻladi.

Agar ariza IPK 147-moddasining birinchi qismida nazarda tutilgan muddat oʻtkazib yuborilgan holda berilgan boʻlsa va muddat oʻtkazilishining sabablari iltimosnoma asosida uzrli deb topilsa, sudya muddatni tiklab, sud buyrugʻini bekor qilishga haqli.

IPKda oʻtkazilgan muddatni tiklashning uzrli sabablari roʻyxati koʻrsatilmaganligi bois, sudlar muddatni tiklash masalasini hal etishda iltimosnomada keltirilgan sabablarni oʻrganib, ularga oʻz ichki ishonchlari asosida baho berishi lozim.

IPK 147-moddasining uchinchi qismiga muvofiq sud buyrugʻini bekor qilish haqidagi yoki bekor qilishni rad etish toʻgʻrisidagi ajrim ariza kelib tushgan kundan eʼtiboran oʻn kundan kechiktirmay sud muhokamasisiz, kreditor va qarzdor chaqirtirilmasdan, ularning tushuntirishlarini eshitmasdan chiqariladi.

Sud buyrugʻini bekor qilishni rad etish toʻgʻrisidagi ajrimda kreditorga daʼvo ishini yuritish tartibida sudga murojaat qilish huquqi tushuntiriladi.

Sud buyrugʻini bekor qilishni rad etish toʻgʻrisidagi ajrim ustidan shikoyat qilinishi mumkin”;

21-bandi quyidagi tahrirda bayon etilsin:

“21. Sudlar eʼtiborga olishlari kerakki, IPK 140-moddasining birinchi qismida nazarda tutilgan asoslar boʻyicha sud buyrugʻini berish toʻgʻrisidagi arizani qabul qilishni rad etish, IPK 141-moddasi birinchi qismining 1–6-bandlari boʻyicha sud buyrugʻini berish toʻgʻrisidagi arizani qaytarish, shuningdek IPK 144-moddasi birinchi qismining 2-bandi boʻyicha sud buyrugʻi berishni rad etish haqidagi masala ariza sudga kelib tushgan kundan eʼtiboran besh kundan kechiktirmay koʻrib chiqiladi va natijasi boʻyicha ajrim chiqariladi.

IPK 141-moddasi birinchi qismining 7-bandiga asosan sud buyrugʻini berish toʻgʻrisidagi arizani qaytarish va IPK 144-moddasi ikkinchi qismining 1-bandiga asosan sud buyrugʻi berishni rad etish tegishincha sud buyrugʻini berish toʻgʻrisidagi arizani qaytarish va sud buyrugʻini berish toʻgʻrisidagi arizaga eʼtiroz kelib tushgandan keyingi kundan kechiktirmay koʻrib chiqiladi”.

22. Oʻzbekiston Respublikasi Oliy xoʻjalik sudi Plenumining “Xoʻjalik sudlari tomonidan ekspertizaga oid qonun hujjatlarini qoʻllash amaliyotining ayrim masalalari haqida” 2014-yil 20-iyundagi 261-sonli qarori:

nomi quyidagi tahrirda bayon etilsin:

“Iqtisodiy sudlar tomonidan ekspertizaga oid qonun hujjatlarini qoʻllashning ayrim masalalari toʻgʻrisida”;

muqaddimasidagi, 1-bandidagi, 8.1-bandining 1-kichik bandidagi tegishli son va kelishikdagi “xoʻjalik sudi” degan soʻzlar tegishli son va kelishikdagi “iqtisodiy sud” degan soʻzlar bilan almashtirilsin;

1-bandidagi “Oʻzbekiston Respublikasi Xoʻjalik protsessual kodeksi (bundan buyon matnda XPK deb yuritiladi)” degan soʻzlar “Oʻzbekiston Respublikasi Iqtisodiy protsessual kodeksi (bundan buyon matnda IPK deb yuritiladi)” degan soʻzlar bilan almashtirilsin;

3-bandining ikkinchi xatboshisi quyidagi tahrirda bayon etilsin:

“Ekspertiza ishda ishtirok etuvchi shaxsning yozma yoki ogʻzaki iltimosiga koʻra yoki roziligi bilan tayinlanishi mumkin. Agar ekspertiza tayinlash qonunda belgilab qoʻyilgan yoki shartnomada nazarda tutilgan boʻlsa yoxud taqdim etilgan dalilning qalbakilashtirilganligi toʻgʻrisidagi arizani tekshirish yoxud qoʻshimcha ekspertiza tayinlash zarur boʻlsa, sud ekspertizani oʻz tashabbusi bilan tayinlashi mumkin”;

5-bandining birinchi xatboshisidagi “XPKning 47-moddasi” degan soʻzlar “IPKning 55-moddasi” degan soʻzlar bilan almashtirilsin;

6-bandi quyidagi tahrirda bayon etilsin:

“6. IPK 163-moddasi birinchi qismining 6-bandiga koʻra, birinchi instansiya sudi nafaqat iqtisodiy ishni koʻrishda, balki ishni sudda koʻrishga tayyorlash paytida ham ishda ishtirok etuvchi shaxsning iltimosi boʻlgan taqdirda, ekspertiza tayinlash masalasini koʻrib chiqishga haqlidir. Bunday holda ekspertiza tayinlash masalasi daʼvo arizasi (ariza) sudga kelib tushgan kundan boshlab besh kundan kechiktirmay hal etilishi lozim”;

7-bandi quyidagi tahrirda bayon etilsin:

“7. Sudlarga tushuntirilsinki, apellatsiya hamda kassatsiya instansiyasi sudlari ishni mavjud va qoʻshimcha taqdim etilgan dalillar boʻyicha qayta koʻrishi sababli, ushbu instansiya sudlari ham mazkur qaror 3-bandining ikkinchi xatboshisida nazarda tutilgan hollarda ekspertiza tayinlashga haqli”;

8-bandidagi “XPKning 67, 681, 684-moddalari” degan soʻzlar “IPKning 80, 82 va 85-moddalari” degan soʻzlar bilan almashtirilsin;

8.3-bandining birinchi xatboshisi quyidagi tahrirda bayon etilsin:

“IPK 80-moddasi ikkinchi va uchinchi qismlariga koʻra ishda ishtirok etuvchi shaxslar sudga ekspert tomonidan tushuntirish berilishi lozim boʻlgan savollarni taqdim etishga va oʻzlari koʻrsatgan shaxslarni ekspert sifatida jalb etish yoki ekspertizani muayyan ekspertiza muassasasida oʻtkazish haqida iltimosnoma bilan murojaat qilishga haqli. Ekspertiza oʻtkazilishi zarur boʻlgan masalalar doirasi va mazmuni sud tomonidan belgilanadi. Ishda ishtirok etuvchi shaxslar tomonidan taqdim etilgan savollar rad etilgan taqdirda, sud rad etish sabablarini ajrimda asoslantirib berishi shart”;

9-bandi quyidagi tahrirda bayon etilsin:

“9. IPK 102-moddasining 1-bandiga muvofiq ekspertiza tayinlangan hollarda iqtisodiy sud ish yuritishni toʻxtatib turishga haqli. Bu haqda alohida chiqarilgan ajrimda yoki ekspertiza tayinlash haqidagi ajrimda koʻrsatilishi mumkin.

IPKda ekspertiza tayinlash toʻgʻrisidagi ajrim ustidan shikoyat berilishi (protest keltirilishi) nazarda tutilmaganligi bois, sudlar inobatga olishlari lozimki, ekspertiza tayinlash toʻgʻrisidagi ajrimda ish yuritishni toʻxtatib turish ham koʻrsatilgan boʻlib, ushbu ajrim ustidan shikoyat berilgan (protest keltirilgan) boʻlsa, shikoyat (protest)ning faqat ish yuritishni toʻxtatib turishga oid qismi koʻrib chiqiladi. Agar shikoyat (protest) ajrimning ekspertizani tayinlashga oid qismi ustidan berilgan boʻlsa, uni qabul qilish IPK 268-moddasi birinchi qismining 2-bandi, 291-moddasi birinchi qismining 2-bandi, 314-moddasining 3-bandiga asosan rad etiladi. Agar ariza (protest) ish yuritishga qabul qilingan boʻlsa, u boʻyicha ish yuritish IPK 273-moddasi birinchi qismining 1-bandiga, 296-moddasi birinchi qismining 1-bandiga asosan, nazorat shikoyati (protesti) boʻyicha esa 296-moddasi birinchi qismining 1-bandiga mos holda shikoyat (protest) koʻrib chiqilayotgan instansiyada tugatiladi.

Agar ekspertizaning oʻtkazilishi IPKda ishni koʻrish uchun belgilangan protsessual muddatning buzilishiga olib kelmasa, sud ish yuritishni toʻxtatmasdan ekspertiza tayinlash haqida ajrim chiqarishga haqli”;

14-bandining ikkinchi xatboshisidagi “XPKning 56-moddasiga” degan soʻzlar “IPKning 69-moddasiga” degan soʻzlar bilan almashtirilsin;

16-bandi:

birinchi va oltinchi xatboshilaridagi “XPK” degan soʻz “IPK” degan soʻz bilan almashtirilsin;

uchinchi va toʻrtinchi xatboshilaridagi “XPK 681-moddasining” degan soʻzlar “IPK 82-moddasining” degan soʻzlar bilan almashtirilsin;

17-bandining ikkinchi xatboshisidagi “XPKning 69-moddasi” degan soʻzlar “IPKning 86-moddasi” degan soʻzlar bilan almashtirilsin;

18-bandi quyidagi tahrirda bayon etilsin:

“18. Agar ekspert xulosasini baholashda shaxslarning xatti-harakatlarida jinoyat alomatlari (imzo yoki hujjatlarning qalbakilashtirilishi va h.k.) mavjudligi aniqlansa, sud IPK 200-moddasining beshinchi qismiga muvofiq jinoyat ishini qoʻzgʻatish toʻgʻrisidagi masalani hal qilish uchun tegishli materiallarni ilova qilgan holda prokurorga xususiy ajrim yuborishi kerak. Xususiy ajrimga ekspertiza xulosasining asl nusxasi ilova qilinadi, xulosaning koʻchirma nusxasi esa iqtisodiy ish hujjatlariga qoʻshib qoʻyiladi”;

19-bandi quyidagi tahrirda bayon etilsin:

“19. IPK 56-moddasining uchinchi qismiga koʻra, sud eksperti (sud ekspertlari komissiyasi vakillari) bila turib notoʻgʻri xulosa berganligi uchun jinoiy javobgar boʻladi. Shu munosabat bilan sud eksperti (sud ekspertlari komissiyasi vakillari) jinoiy javobgarlik toʻgʻrisida ogohlantiriladi va bu haqda sudning ekspertiza tayinlash toʻgʻrisidagi ajrimida koʻrsatiladi.

Ushbu modda toʻrtinchi qismining mazmuniga koʻra, ekspert xulosasi tushunarli boʻlmagan taqdirda, oʻzi oʻtkazgan ekspertiza xususida koʻrsatuvlar berishi, oʻzi bergan xulosani tushuntirishi, qoʻshimcha savollarga javob berishi uchun sud ekspertni sud majlisiga chaqirishga haqli”;

20-bandining birinchi xatboshisidagi “XPK 61-moddasining ikkinchi qismiga” degan soʻzlar “IPK 74-moddasining toʻrtinchi qismiga” degan soʻzlar bilan almashtirilsin;

23-bandi:

birinchi xatboshisidagi “XPKning 94-moddasi” degan soʻzlar “IPKning 117-moddasi” degan soʻzlar bilan almashtirilsin;

uchinchi xatboshisidagi “XPKning 95-moddasiga” degan soʻzlar “IPKning 118-moddasiga” degan soʻzlar bilan almashtirilsin.

23. Oʻzbekiston Respublikasi Oliy xoʻjalik sudi Plenumining “Ishtirokchilar oʻrtasida, ishtirokchilar bilan xoʻjalik shirkatlari va jamiyatlari oʻrtasida, aksiyadorlar oʻrtasida, aksiyador bilan aksiyadorlik jamiyati oʻrtasida xoʻjalik shirkatlari va jamiyatlari faoliyatidan kelib chiqadigan nizolarni xoʻjalik sudlari tomonidan hal qilishning ayrim masalalari haqida” 2014-yil 20-iyundagi 262-sonli qarori:

nomi quyidagi tahrirda bayon etilsin:

“Iqtisodiy sudlar tomonidan korporativ nizolarni hal etishning ayrim masalalari toʻgʻrisida”;

muqaddimasidagi, 7-bandining birinchi xatboshisidagi, 18 va 23-bandlaridagi tegishli son va kelishikdagi “xoʻjalik sudi” degan soʻzlar tegishli son va kelishikdagi “iqtisodiy sud” degan soʻzlar bilan almashtirilsin;

1-bandidagi “Oʻzbekiston Respublikasining Xoʻjalik protsessual kodeksi (bundan buyon matnda XPK deb yuritiladi)” degan soʻzlar “Oʻzbekiston Respublikasining Iqtisodiy protsessual kodeksi (bundan buyon matnda IPK deb yuritiladi)” degan soʻzlar bilan almashtirilsin;

7-bandining ikkinchi xatboshisi quyidagi tahrirda bayon etilsin:

“Agar aksiyador ayni vaqtda jamiyatning xodimi boʻlib, mehnatga oid nizo yuzasidan iqtisodiy sudga murojaat qilgan boʻlsa, bunday daʼvo arizasini qabul qilish IPK 154-moddasi birinchi qismining 1-bandiga asosan rad etilishi, agar ushbu holat ishni koʻrish jarayonida aniqlansa, IPK 110-moddasining 1-bandiga asosan ish yuritish tugatilishi lozim”;

8-bandidagi “XPKning 77-moddasida” degan soʻzlar “IPKning 94-moddasida” degan soʻzlar bilan almashtirilsin;

13.1-bandining birinchi xatboshisidagi “XPK 86-moddasining” degan soʻzlar “IPK 110-moddasining” degan soʻzlar bilan almashtirilsin;

16-bandidagi “XPK 118-moddasi” degan soʻzlar “IPK 155-moddasi” degan soʻzlar bilan almashtirilsin;

17-bandining birinchi xatboshisidagi “XPKning 38-moddasida” degan soʻzlar “IPKning 45-moddasida” degan soʻzlar bilan almashtirilsin;

18-bandidagi “XPK 23-moddasi birinchi qismining 4-bandiga” degan soʻzlar “IPK 25-moddasi birinchi qismining 5-bandiga” degan soʻzlar bilan almashtirilsin;

23-bandidagi “XPK 23-moddasi birinchi qismining 4-bandida” degan soʻzlar “IPK 25-moddasi birinchi qismining 5-bandida” degan soʻzlar bilan almashtirilsin;

24-bandi quyidagi tahrirda bayon etilsin:

“24. Sudlar shuni inobatga olishi lozimki, IPKning kelishuv bitimi institutini tartibga soluvchi normalari IPK 25-moddasi birinchi qismining 5-bandida nazarda tutilgan nizolar boʻyicha ishlarga ham tatbiq etiladi. Kelishuv bitimi qonun hujjatlariga xilof boʻlmasa, shuningdek boshqa shaxslarning huquqlari va qonun bilan qoʻriqlanadigan manfaatlarini buzmasa, u sud tomonidan tasdiqlanishi mumkin”.

24. Oʻzbekiston Respublikasi Oliy xoʻjalik sudi Plenumining “Oʻzbekiston Respublikasi Fuqarolik kodeksining bitimlarni haqiqiy emas deb topish toʻgʻrisidagi normalarini qoʻllashning ayrim masalalari haqida” 2014-yil 28-noyabrdagi 269-sonli qarori:

nomi quyidagi tahrirda bayon etilsin:

“Iqtisodiy sudlar tomonidan bitimlarni haqiqiy emas deb topish toʻgʻrisidagi fuqarolik qonun hujjatlari normalarini qoʻllashning ayrim masalalari toʻgʻrisida”;

muqaddimasidagi “Xoʻjalik sudlari” degan soʻzlar “Iqtisodiy sudlar” degan soʻzlar bilan almashtirilsin;

1-bandi quyidagi tahrirda bayon etilsin:

“1. Bitimlarni haqiqiy emas deb topish bilan bogʻliq nizolarni hal qilishda iqtisodiy sudlar (bundan buyon matnda sudlar deb yuritiladi) Oʻzbekiston Respublikasi Fuqarolik kodeksi (bundan buyon matnda FK deb yuritiladi), Oʻzbekiston Respublikasi Iqtisodiy protsessual kodeksi (bundan buyon matnda IPK deb yuritiladi), “Xoʻjalik yurituvchi subyektlar faoliyatining shartnomaviy-huquqiy bazasi toʻgʻrisida”gi Oʻzbekiston Respublikasi Qonuni (bundan buyon matnda Qonun deb yuritiladi) va boshqa qonun hujjatlari normalariga amal qilishi lozim”;

4-bandining birinchi xatboshisidagi “XPKning 24-moddasiga” degan soʻzlar “IPKning 26-moddasiga” degan soʻzlar bilan almashtirilsin;

7-bandining birinchi xatboshisidagi “, XPK 38-moddasining birinchi qismiga asosan daʼvogar almashtirilgan hollar bundan mustasno” degan soʻzlar chiqarib tashlansin;

25-bandidagi “XPK 112-moddasi” degan soʻzlar “IPK 149-moddasi” degan soʻzlar bilan almashtirilsin;

26-bandidagi “XPKning 139-moddasiga” degan soʻzlar “IPKning 180-moddasiga” degan soʻzlar bilan almashtirilsin.

25. Oʻzbekiston Respublikasi Oliy xoʻjalik sudi Plenumining “Xoʻjalik sudlari tomonidan videokonferensaloqa rejimida sud majlislarini oʻtkazishda Oʻzbekiston Respublikasi Xoʻjalik protsessual kodeksi normalarini qoʻllashning ayrim masalalari haqida” 2014-yil 28-noyabrdagi 270-sonli qarori:

nomi quyidagi tahrirda bayon etilsin:

“Iqtisodiy sudlar tomonidan videokonferensaloqa rejimida sud majlislarini oʻtkazishda protsessual qonun normalarini qoʻllashning ayrim masalalari toʻgʻrisida”;

muqaddimasidagi “Xoʻjalik sudlarining videokonferensaloqa rejimidagi majlisini oʻtkazishda sudlar tomonidan Oʻzbekiston Respublikasi Xoʻjalik protsessual kodeksi” degan soʻzlar “Iqtisodiy sudlarning videokonferensaloqa rejimidagi majlisini oʻtkazishda iqtisodiy sudlar tomonidan Oʻzbekiston Respublikasi Iqtisodiy protsessual kodeksi” degan soʻzlar bilan almashtirilsin”;

1-bandi quyidagi tahrirda bayon etilsin:

“1. Sudlarga tushuntirilsinki, ular sud majlislarini videokonferensaloqa rejimida oʻtkazishda Oʻzbekiston Respublikasi Iqtisodiy protsessual kodeksi (bundan buyon matnda IPK deb yuritiladi) normalariga, boshqa qonun hujjatlariga, shuningdek Oʻzbekiston Respublikasi Oliy xoʻjalik sudi Rayosatining 2014-yil 21-avgustdagi R№83-sonli qarori bilan tasdiqlangan “Videokonferensaloqa rejimidagi sud majlisini tashkil etish va oʻtkazish tartibi toʻgʻrisida”gi Vaqtinchalik nizomga (bundan buyon matnda Nizom deb yuritiladi) amal qilishlari lozim”;

2-bandining ikkinchi xatboshisidagi, oʻzbek tilidagi matni 5-bandining uchinchi xatboshisidagi, 6 — 6.4, 7-bandining birinchi xatboshisidagi, 7.1 — 7.4, 10 va 12-bandlaridagi tegishli son va kelishikdagi “xoʻjalik sudi” degan soʻzlar tegishli son va kelishikdagi “iqtisodiy sud” degan soʻzlar bilan almashtirilsin;

3-bandi quyidagi tahrirda bayon etilsin:

“3. Videokonferensaloqa rejimidagi sud majlisini oʻtkazishda ish IPKning umumiy qoidalariga muvofiq, IPKning 11, 112, 165, 166, 171 va 261-moddalarida nazarda tutilgan xususiyatlar inobatga olingan holda koʻriladi”;

4-bandidagi “apellatsiya va kassatsiya” degan soʻzlar “apellatsiya, kassatsiya va nazorat” degan soʻzlar bilan almashtirilsin;

5-bandi:

birinchi xatboshisidagi “XPKning” degan soʻz “IPKning” degan soʻz bilan almashtirilsin;

uchinchi xatboshisidagi “XPKning 48-moddasida” degan soʻzlar “IPKning 59-moddasida” degan soʻzlar bilan almashtirilsin;

6-bandining birinchi xatboshisidagi “XPK 1261-moddasiga” degan soʻzlar “IPK 166-moddasiga” degan soʻzlar bilan almashtirilsin;

6.1-bandi “Toshkent shahri” degan soʻzlardan keyin “, tuman” degan soʻzlar bilan toʻldirilsin;

6.2-bandidagi “XPK 1261-moddasining” degan soʻzlar “IPK 166-moddasining” degan soʻzlar bilan almashtirilsin;

6.6-bandidagi “XPK 8-moddasining” degan soʻzlar “IPK 11-moddasining” degan soʻzlar bilan almashtirilsin;

7-bandi:

birinchi xatboshisidagi “XPK 126-moddasining” degan soʻzlar “IPK 165-moddasining” degan soʻzlar bilan almashtirilsin;

ikkinchi xatboshisidagi “XPKning 126-moddasi” degan soʻzlar “IPKning 165-moddasi” degan soʻzlar bilan almashtirilsin;

7.4-bandining birinchi xatboshisidagi “XPK 128-moddasining” degan soʻzlar “IPK 168-moddasining” degan soʻzlar bilan almashtirilsin;

8-bandidagi “XPK 8-moddasining” degan soʻzlar “IPK 11-moddasining” degan soʻzlar bilan almashtirilsin;

9-bandi chiqarib tashlansin;

10-bandining birinchi xatboshisidagi “XPK 131-moddasining” degan soʻzlar “IPK 171-moddasining” degan soʻzlar bilan almashtirilsin;

12-bandidagi “XPKning 18 va 19-boblari” degan soʻzlar “IPKning 21 va 22-boblari” degan soʻzlar bilan almashtirilsin;

rus tilidagi matni 12.1-bandidagi “XPK” degan soʻz “EPK” degan soʻz bilan almashtirilsin;

13-bandining birinchi xatboshisidagi “XPKning 127-moddasida” degan soʻzlar “IPKning 167-moddasida” degan soʻzlar bilan almashtirilsin;

14-bandi quyidagi tahrirda bayon etilsin:

“14. Sud majlisi videokonferensaloqa rejimida oʻtkazilgan taqdirda, sud majlisi bayonnomasida IPK 201-moddasining ikkinchi va beshinchi qismlarida nazarda tutilgan maʼlumotlar koʻrsatiladi”;

15-bandi quyidagi tahrirda bayon etilsin:

“15. IPKning 116-moddasiga muvofiq sud majlisini videokonferensaloqa rejimida oʻtkazish bilan bogʻliq xarajatlar sud xarajatlari tarkibiga kiradi va faqat ishni koʻrish natijalari boʻyicha undirilishi lozim. Sudlar shuni inobatga olishlari lozimki, ushbu xarajatlarning toʻlanmaganligi daʼvo arizasini qaytarish uchun asos boʻlmaydi. Sud majlisini videokonferensaloqa rejimida oʻtkazish bilan bogʻliq xarajatlar taraflar oʻrtasida IPK 118-moddasining birinchi qismiga asosan taqsimlanadi”.

26. Oʻzbekiston Respublikasi Oliy xoʻjalik sudi Plenumining “Xoʻjalik sudlari tomonidan fuqarolik qonun hujjatlarining daʼvo muddatiga oid normalarini qoʻllashning ayrim masalalari haqida” 2015-yil 19-iyundagi 282-sonli qarori:

nomidagi, muqaddimasidagi va 1-bandidagi “Xoʻjalik sudlari” degan soʻzlar “Iqtisodiy sudlar” degan soʻzlar bilan almashtirilsin;

1-bandidagi “Xoʻjalik protsessual kodeksi (bundan buyon matnda XPK deb yuritiladi)” degan soʻzlar “Iqtisodiy protsessual kodeksi (bundan buyon matnda IPK deb yuritiladi)” degan soʻzlar bilan almashtirilsin;

9-bandining birinchi xatboshisidagi “apellatsiya, kassatsiya instansiyasi sudida va nazorat tartibida” degan soʻzlar “apellatsiya, kassatsiya va nazorat instansiyasi sudlarida” degan soʻzlar bilan almashtirilsin;

14-bandi quyidagi tahrirda bayon etilsin:

“14. Inobatga olish lozimki, sud tomonidan daʼvo arizasini qabul qilish rad etilganda (IPKning 154-moddasi), daʼvo arizasi qaytarilganda (IPKning 155-moddasi), sud buyrugʻini berish toʻgʻrisidagi arizani qabul qilish rad etilganda (IPKning 140-moddasi), sud buyrugʻini berish toʻgʻrisidagi ariza qaytarilganda (IPKning 141-moddasi), shuningdek sud buyrugʻini berish rad etilganda (IPKning 144-moddasi) daʼvo muddatining oʻtishi uzilmaydi. Daʼvo arizasi (ariza) qonun hujjatlarida belgilangan tartibda taqdim etilganda va u sud tomonidan qabul qilingandagina daʼvo muddatining oʻtishi uziladi.

Daʼvo arizasini qabul qilishni rad etish, daʼvo arizasini qaytarish, sud buyrugʻi berish toʻgʻrisidagi arizani qabul qilishni rad etish, sud buyrugʻini berish toʻgʻrisidagi arizani qaytarish, sud buyrugʻi berishni rad etish haqidagi ajrim yuqori instansiya sudi tomonidan bekor qilingan taqdirda, daʼvo muddatining oʻtishi daʼvo arizasi (ariza) dastlab berilgan kundan boshlab uzilgan hisoblanadi”;

15-bandi quyidagi tahrirda bayon etilsin:

“15. FK 158-moddasi birinchi qismining mazmuniga koʻra, IPKning 107-moddasiga asosan daʼvo koʻrmasdan qoldirilgan boʻlsa, daʼvo qoʻzgʻatilgunga qadar oʻta boshlagan daʼvo muddati umumiy tartibda davom etadi.

FKda daʼvoni koʻrmasdan qoldirish uchun asos boʻlgan, yaʼni IPKning 107-moddasida koʻrsatilgan birorta holatda, hatto daʼvo IPK talablariga rioya etilgan holda berilgan boʻlsa ham (IPK 107-moddasining 6–9-bandlari), daʼvo muddatining uzilishi nazarda tutilmagan. Shu munosabat bilan sudlarga tushuntirilsinki, daʼvo koʻrmasdan qoldirilganda, FKning 157-moddasi qoidalari qoʻllanilmaydi, yaʼni koʻrmasdan qoldirilgan daʼvo arizasi boʻyicha daʼvo muddatining oʻtishi u berilgan paytdan uzilmaydi.

Daʼvo arizasini koʻrmasdan qoldirish toʻgʻrisidagi ajrim yuqori instansiya sudi tomonidan bekor qilingan taqdirda, daʼvo muddatining oʻtishi daʼvo arizasi sudga dastlab berilgan kundan boshlab uzilgan hisoblanadi”;

16.1-bandining birinchi xatboshisidagi “apellatsiya, kassatsiya instansiyasi sudida hamda ish nazorat tartibida” degan soʻzlar “apellatsiya, kassatsiya hamda nazorat instansiyasi sudida” degan soʻzlar bilan almashtirilsin;

16.2-bandining ikkinchi xatboshisidagi “XPK” degan soʻz “IPK” degan soʻz bilan almashtirilsin.

27. Oʻzbekiston Respublikasi Oliy xoʻjalik sudi Plenumining “Oʻzbekiston Respublikasi Xoʻjalik protsessual kodeksining protsessual muddatlarga oid normalarini xoʻjalik sudlari tomonidan qoʻllanilishining ayrim masalalari haqida” 2015-yil 19-iyundagi 283-sonli qarori:

nomi quyidagi tahrirda bayon etilsin:

“Iqtisodiy sudlar tomonidan protsessual muddatlarga oid qonun normalarini qoʻllashning ayrim masalalari toʻgʻrisida”;

muqaddimasidagi “Xoʻjalik sudlari tomonidan ishlarni koʻrishda Oʻzbekiston Respublikasi Xoʻjalik protsessual kodeksining (bundan buyon matnda XPK deb yuritiladi)” degan soʻzlar “Iqtisodiy sudlar tomonidan ishlarni koʻrishda Oʻzbekiston Respublikasi Iqtisodiy protsessual kodeksining (bundan buyon matnda IPK deb yuritiladi)” degan soʻzlar bilan almashtirilsin”;

1-bandining birinchi xatboshisidagi “Xoʻjalik sudlarining” degan soʻzlar “Iqtisodiy sudlarning” degan soʻzlar bilan almashtirilsin;

2-bandi quyidagi tahrirda bayon etilsin:

“2. Barcha protsessual harakatlar ishni koʻrayotgan sud, ishda ishtirok etuvchi shaxslar va iqtisodiy sudlov ishlarini yuritishning boshqa ishtirokchilari tomonidan IPK va boshqa qonunlar yoki sud tomonidan belgilangan muddatlar ichida bajarilishi lozim.

IPKda yoki boshqa qonunlarda protsessual muddatlar belgilanmagan hollarda ular sud tomonidan belgilanishi va uzaytirilishi mumkin”;

3-bandi:

birinchi xatboshisidagi “XPK 96-moddasining uchinchi qismiga” degan soʻzlar “IPK 119-moddasining toʻrtinchi qismiga” degan soʻzlar bilan almashtirilsin;

ikkinchi xatboshisidagi “XPK 15518-moddasining” degan soʻzlar “IPK 222-moddasining” degan soʻzlar bilan almashtirilsin;

4-bandidagi “XPK” degan soʻz “IPK” degan soʻz bilan almashtirilsin;

5-bandining birinchi xatboshisidagi “XPKning 97-moddasiga” degan soʻzlar “IPKning 120-moddasiga” degan soʻzlar bilan almashtirilsin;

6-bandi quyidagi tahrirda bayon etilsin:

“6. Protsessual harakatlarni amalga oshirish uchun muddat belgilanganda, ular ushbu muddat oxirgi kuni soat yigirma toʻrtga qadar bajarilishi lozim. Ushbu qoida elektron shaklda berilgan hujjatlarga nisbatan ham tatbiq etiladi. Bunda, agar ariza, shikoyat va boshqa hujjatlar muddatning oxirgi kuni soat yigirma toʻrtga qadar aloqa tashkilotiga yoki vakolatli shaxsga berilgan boʻlsa, agar protsessual harakatlar iqtisodiy sudda yoki boshqa tashkilotda bajarilishi lozim boʻlib, ular sud yoki boshqa tashkilotda ish kuni tugagan yoki tegishli operatsiyalar tugatilgan soatga qadar amalga oshirilgan boʻlsa, muddat oʻtkazib yuborilgan hisoblanmaydi”;

8-bandining birinchi xatboshisidagi “XPK 99-moddasining” degan soʻzlar “IPK 123-moddasining” degan soʻzlar bilan almashtirilsin;

10-bandining birinchi xatboshisi quyidagi tahrirda bayon etilsin:

“IPK 124-moddasining birinchi qismiga koʻra sud tomonidan belgilangan protsessual muddatlarni uning oʻzi uzaytirishi mumkin. Bunda nazarda tutish kerakki, sudlar IPK yoki boshqa qonunlarda belgilangan protsessual muddatlarni uzaytirish huquqiga ega emaslar. Qonun hujjatlarida protsessual muddatlarni sud tomonidan uzaytirish nazarda tutilgan hollar (masalan, IPK 164-moddasining ikkinchi qismi) bundan mustasno”;

11-bandining birinchi xatboshisi quyidagi tahrirda bayon etilsin:

“Sud buyrugʻini berish toʻgʻrisidagi ariza (XPK 143-moddasining ikkinchi qismi), daʼvo arizasi (ariza) (IPK 164-moddasining birinchi va ikkinchi qismlari), sud qarorini tushuntirish toʻgʻrisidagi ariza (IPK 190-moddasining uchinchi qismi), yozuvdagi xatolarni, harfiy xatolarni va hisob-kitobdagi yanglishishlarni tuzatish toʻgʻrisidagi ariza (IPK 191-moddasining uchinchi qismi), apellatsiya shikoyati (protesti) (IPK 277-moddasining birinchi — uchinchi qismlari), kassatsiya shikoyati (protesti) (IPK 300-moddasining birinchi va uchinchi qismlari), nazorat tartibida protest keltirish toʻgʻrisidagi ariza (IPK 312-moddasining uchinchi qismi), qonuniy kuchga kirgan sud hujjatini yangi ochilgan holatlar boʻyicha qayta koʻrish toʻgʻrisidagi ariza (IPKning 332-moddasi), undiruvchining ijro varaqasini ijroga taqdim etish muddatini tiklash toʻgʻrisidagi arizasi (IPK 340-moddasining uchinchi qismi), ijro varaqasining (sud buyrugʻining) dublikatini berish toʻgʻrisidagi ariza (IPK 341-moddasining uchinchi qismi), sud hujjati ijrosini kechiktirish yoki uni boʻlib-boʻlib ijro etish, ijro etish usulini va tartibini oʻzgartirish toʻgʻrisidagi ariza (IPK 342-moddasining toʻrtinchi qismi), sud hujjatining qaytarma ijrosi toʻgʻrisidagi ariza (IPK 344-moddasining uchinchi qismi), ijro ishini yuritishni toʻxtatib turish yoki tugatish toʻgʻrisidagi ariza (IPK 345-moddasining uchinchi qismi), ijro ishini yuritishni tiklash toʻgʻrisidagi ariza (IPK 346-moddasining ikkinchi qismi) IPKda belgilangan muddatlarda koʻrib chiqilishi lozim”;

12-bandi:

birinchi xatboshisi quyidagi tahrirda bayon etilsin:

“Sudya ishni sudda koʻrishga tayyorlash paytida daʼvo arizasi (ariza) sudga kelib tushgan kundan boshlab besh kundan kechiktirmasdan IPKning 163-moddasida nazarda tutilgan tegishli protsessual harakatlarni amalga oshirishi lozim”;

uchinchi xatboshisidagi “XPK 122-moddasining” degan soʻzlar “IPK163-moddasining” degan soʻzlar bilan almashtirilsin;

13-bandi quyidagi tahrirda bayon etilsin:

“13. Ish ishni sudda koʻrishga tayyorlash toʻgʻrisidagi ajrim chiqarilgan kundan boshlab bir oydan ortiq boʻlmagan muddatda, huquqiy taʼsir chorasini qoʻllash toʻgʻrisidagi ish esa ishni sudda koʻrishga tayyorlash toʻgʻrisidagi ajrim chiqarilgan kundan boshlab oʻn besh kundan ortiq boʻlmagan muddatda koʻrib chiqilishi koʻrilishi va hal qiluv qarori qabul qilinishi kerak, ariza sudga kelib tushganidan keyin kamida bir oydan soʻng koʻriladigan moliyaviy jazo choralarini qoʻllash toʻgʻrisidagi ishlar bundan mustasno. Bunda ishni birinchi instansiya sudida koʻrish muddati ishni sudda koʻrishga tayyorlash toʻgʻrisidagi ajrim chiqarilgan kundan boshlab keyingi oyning tegishli kunigacha hisoblanadi.

Sudlar shuni inobatga olishi kerakki, ish IPKning 164 va 221-moddalarida belgilangan muddatlarda koʻrilishi hamda ish boʻyicha qabul qilingan sud hujjati qabul qilingan kundan eʼtiboran besh kunlik muddatda tayyorlanishi va ishda ishtirok etuvchi shaxslarga yuborilishi lozim.

Yangidan koʻrishga yuborilgan ish tegishincha IPKning 164, 221, 277 va 300-moddalarida belgilangan muddatlarda koʻrib chiqiladi”;

14-bandi quyidagi tahrirda bayon etilsin:

“14. IPK 164-moddasining ikkinchi qismiga muvofiq alohida hollarda ishni koʻrish muddati sud raisi tomonidan bir oydan oshmagan muddatga uzaytirilishi mumkin.

Sudlar shuni inobatga olishi lozimki, ishni koʻrish muddatini uzaytirish haqidagi bildirgi sudya tomonidan sud raisiga IPK 164-moddasining birinchi qismida nazarda tutilgan muddatlar tugaguniga qadar berilishi kerak.

IPKda ishni koʻrish muddatini uzaytirish uchun asoslar mavjud boʻlganda, uni bir necha marotaba uzaytirishni taqiqlovchi norma mavjud emas. Biroq bunda ishni koʻrishning umumiy muddati ikki oydan oshishi mumkin emas”;

15-bandi quyidagi tahrirda bayon etilsin:

“15. XPK 17-moddasining toʻrtinchi qismi, 24-moddasi, 45-moddasining toʻrtinchi qismi, 47 va 48-moddalari, 158-moddasining ikkinchi va uchinchi qismlari, 160-moddasining birinchi qismi, 171-moddasining yettinchi qismida nazarda tutilgan hollarda ishni koʻrish yangidan boshlanadi.

Sudlarga tushuntirilsinki, yuqorida qayd etilgan asoslarga koʻra ishni koʻrish yangidan boshlanishi IPKning 164-moddasida nazarda tutilgan ishni koʻrish muddatining yangidan boshlanishiga olib kelmaydi”;

16-bandi quyidagi tahrirda bayon etilsin:

“16. IPK 158-moddasi ikkinchi qismining mazmuniga koʻra ayni bir shaxslar ishtirok etuvchi bir turdagi bir necha ish bitta ish yuritishga birlashtirilgan taqdirda, ular boʻyicha ishni koʻrish muddati keyinroq tayinlangan ish boʻyicha belgilanadi.

IPK 159-moddasining toʻrtinchi qismiga muvofiq bir yoki bir nechta birlashtirilgan talab alohida ish yuritishga ajratilgan taqdirda, ajratilgan talab boʻyicha ishni koʻrish muddati talablarning bir qismini ajratish toʻgʻrisidagi ajrim chiqarilgan kundan boshlab hisoblanadi”;

18-bandi quyidagi tahrirda bayon etilsin:

“18. IPK 94-moddasining birinchi qismida nazarda tutilgan daʼvoni taʼminlash toʻgʻrisidagi ariza, ishni koʻrayotgan sudya tomonidan IPK 96-moddasining birinchi–uchinchi qismlarida belgilangan muddatlarda koʻrib chiqiladi.

Hakamlik sudida koʻrilayotgan daʼvoni taʼminlash toʻgʻrisidagi ariza u iqtisodiy sudga kelib tushganidan keyingi kundan kechiktirmay, ishda ishtirok etuvchi shaxslarni xabardor qilmagan holda koʻrib chiqiladi.

Daʼvoni taʼminlash chorasini almashtirish toʻgʻrisidagi masala sud majlisida hal etiladi. Ishda ishtirok etuvchi shaxslar ushbu Kodeksning 127-moddasida nazarda tutilgan tartibda sud majlisining vaqti va joyi toʻgʻrisida xabardor qilinadi. Ammo ularning kelmaganligi daʼvoni taʼminlash chorasini almashtirish toʻgʻrisidagi masalani koʻrib chiqish uchun toʻsqinlik qilmaydi”;

19-bandi quyidagi tahrirda bayon etilsin:

“19. IPK 171-moddasining birinchi qismiga muvofiq asoslar mavjud boʻlganda ishni koʻrish keyinga qoldirilishi mumkin. Sudlar shuni nazarda tutishi kerakki, sud majlisi ishni koʻrishga toʻsqinlik qilayotgan holatlarni bartaraf etish uchun zarur boʻlgan oqilona muddatga qoldirilishi lozim, biroq ishni koʻrish muddati, qoldirishlarni hisobga olgan holda IPKning 164-moddasida nazarda tutilgan muddatlardan oshmasligi kerak”;

20-bandi quyidagi tahrirda bayon etilsin:

“20. IPK 203-moddasining birinchi qismiga koʻra iqtisodiy sudlov ishlarini yuritishning ishtirokchilari bayonnoma imzolanganidan keyin besh kunlik muddatda sud majlisining yoki protsessual harakatning bayonnomasi bilan tanishish hamda uning toʻla-toʻkisligi va toʻgʻri tuzilganligi xususida oʻz fikr-mulohazalarini berish huquqiga ega.

Sudlar shuni inobatga olishi kerakki, besh kunlik muddat bayonnoma raislik qiluvchi va sud majlisi kotibi tomonidan imzolangan kundan eʼtiboran boshlanadi. Bunda, bayonnoma sud majlisi tugaganidan yoki alohida protsessual harakat bajarilganidan soʻng uch kundan kechiktirmasdan raislik qiluvchi va sud majlisi kotibi tomonidan imzolanishi kerak”;

21-bandi quyidagi tahrirda bayon etilsin:

“21. Sud majlisida eʼlon qilinadigan tanaffusning muddati XPKning 164 va 221-moddalarida nazarda tutilgan ishni koʻrish muddatiga kiradi.

Sudlar shuni hisobga olishlari kerakki, asoslantirilgan hal qiluv qarorini tuzish uchun IPK 186-moddasining ikkinchi qismida belgilangan muddat hal qiluv qarorini ishda ishtirok etuvchi shaxslarga yuborish uchun IPK 188-moddasining birinchi qismida nazarda tutilgan besh kunlik muddat hisobiga kiradi”;

21.1-bandi quyidagi tahrirda bayon etilsin:

“21.1. IPKning 17 va 128-moddalariga koʻra har bir ish boʻyicha muhokama uzluksiz davom etadi. Sud ishda ishtirok etuvchi shaxsning iltimosnomasiga yoki oʻz tashabbusiga koʻra, sud majlisida tanaffus eʼlon qilishi mumkin. Bunda sudlar shuni eʼtiborga olishlari lozimki, majlisda tanaffus bir necha marotaba eʼlon qilinishi mumkin, biroq uzluksiz tanaffuslarning umumiy davomiyligi uch kundan oshmasligi lozim, bu muddatga ish kuni boʻlmagan kunlar kirmaydi”;

21.2-bandi quyidagi tahrirda bayon etilsin:

“21.2. IPKning 188-moddasiga koʻra, sudning hal qiluv qarori qabul qilingan kundan eʼtiboran besh kunlik muddatda ishda ishtirok etuvchi shaxslarga topshirilganligi maʼlum qilinadigan buyurtma xat orqali yuboriladi yoki tilxat olib topshiriladi, ushbu shaxslarning elektron manzillari mavjud boʻlgan taqdirda esa, hal qiluv qarori axborot tizimi orqali elektron shaklda yuborilishi mumkin.

IPK 222-moddasining oltinchi qismiga muvofiq huquqiy taʼsir choralarini qoʻllash toʻgʻrisidagi ish boʻyicha sud hal qiluv qarorining koʻchirma nusxasi hal qiluv qarori qabul qilinganidan keyin uch ish kuni ichida sud tomonidan ishda ishtirok etuvchi shaxslarga yuboriladi.

Sudlar shuni nazarda tutishlari kerakki, IPKning 188-moddasida hamda 222-moddasining oltinchi qismida belgilangan muddatlarni hisoblash sud hujjati eʼlon qilingan kundan boshlanadi.

Taraflarning elektron manzillari mavjud boʻlsa, sud hujjati ularga mazkur bandning ikkinchi xatboshisida belgilangan muddatda yuboriladi”;

21.3-bandidagi “XPKning 153-moddasiga” degan soʻzlar “XPKning 197-moddasiga” degan soʻzlar bilan almashtirilsin;

22-bandining birinchi xatboshisidagi “XPK 149-moddasi” degan soʻzlar “IPK 189-moddasi” degan soʻzlar bilan almashtirilsin;

23-bandi quyidagi tahrirda bayon etilsin:

“23. Qonuniy kuchga kirmagan sudning hal qiluv qarori ustidan apellatsiya shikoyati (protesti) hal qiluv qarori qabul qilinganidan keyin bir oy ichida, huquqiy taʼsir choralarini qoʻllash toʻgʻrisidagi ish boʻyicha hal qiluv qarori ustidan esa oʻn kun ichida beriladi.

Sudlar shuni inobatga olishi kerakki, oʻn kunlik muddatga hal qiluv qarori qabul qilingan kun kirmaydi.

Hal qiluv qarorini qabul qilgan sud shikoyat (protest) kelib tushgan kundan eʼtiboran besh kunlik muddatda uni apellatsiya instansiyasi sudiga ish bilan birga yuborishi shart. Shuni inobatga olish lozimki, besh kunlik muddat apellatsiya shikoyati (protesti) hal qiluv qarori (ajrim)ni qabul qilgan birinchi instansiya sudiga topshirilgan kundan hisoblanadi”;

23.1-bandi quyidagi tahrirda bayon etilsin:

“23.1. IPK 266-moddasining birinchi qismiga muvofiq apellatsiya shikoyatini (protestini) ish yuritishga qabul qilish, qabul qilishni rad etish yoki qaytarish toʻgʻrisidagi masala shikoyat (protest)ish bilan birga sudga kelib tushgan kunidan eʼtiboran besh kundan kechiktirmay sudya tomonidan yakka tartibda hal qilinadi”;

23.2-bandi quyidagi tahrirda bayon etilsin:

“23.2. IPKning 277-moddasiga asosan apellatsiya instansiyasi sudi birinchi instansiya sudining hal qiluv qarori ustidan berilgan apellatsiya shikoyatini (protestini) apellatsiya shikoyati (protesti) ish yuritishga qabul qilingan kundan eʼtiboran bir oydan ortiq boʻlmagan muddatda, sudning huquqiy taʼsir chorasini qoʻllash toʻgʻrisidagi ish boʻyicha hal qiluv qarori ustidan berilgan apellatsiya shikoyati (protesti) esa u sudga kelib tushgan kundan eʼtiboran oʻn besh kun ichida koʻrib chiqiladi”;

24-bandi quyidagi tahrirda bayon etilsin:

“24. Birinchi instansiya sudining hal qiluv qarori (ajrimi) ustidan kassatsiya shikoyati (protesti) birinchi instansiya sudining hal qiluv qarori (ajrimi) qonuniy kuchga kirganidan keyin bir oy davomida beriladi. Bunda kassatsiya shikoyati (protesti) berish uchun belgilangan bir oylik muddatga birinchi instansiya sudining hal qiluv qarori (ajrimi) qonuniy kuchga kirgan kun qoʻshilmaydi”;

24.1-bandidagi “Oʻzbekiston Respublikasi Oliy xoʻjalik sudiga” degan soʻzlar “kassatsiya instansiyasi sudiga” degan soʻzlar bilan almashtirilsin;

24.2-bandi quyidagi tahrirda bayon etilsin:

“24.2. Birinchi instansiya sudining hal qiluv qarori (ajrimi) ustidan berilgan kassatsiya shikoyati (protesti) u ish yuritishga qabul qilingan kundan eʼtiboran bir oydan oshmagan muddatda koʻriladi.

Ishni kassatsiya instansiyasi sudida koʻrish uchun belgilangan bir oylik muddat kassatsiya shikoyati (protesti)ni ish yuritishga qabul qilish haqidagi ajrim chiqarilgan kundan boshlanadi va keyingi oyning tegishli kunida tugaydi”;

25-bandining birinchi xatboshisi quyidagi tahrirda bayon etilsin:

“IPK 285-moddasining ikkinchi qismiga muvofiq kassatsiya shikoyati (protesti) berishning oʻtkazib yuborilgan muddati shikoyat (protest) bergan shaxsning iltimosnomasi boʻyicha kassatsiya instansiyasi sudi tomonidan, agar iltimosnoma hal qiluv qarori qonuniy kuchga kirgan kundan eʼtiboran olti oy ichida berilgan va kassatsiya shikoyatini (protestini) berish muddati oʻtkazib yuborilishining sabablari sud tomonidan uzrli deb topilgan boʻlsa, tiklanishi mumkin”;

25.1-bandi:

birinchi xatboshisidagi “XPKning 158 va 176-moddalarida” degan soʻzlar “IPKning 262 va 285-moddalarida” degan soʻzlar bilan almashtirilsin;

quyidagi mazmundagi uchinchi xatboshi bilan toʻldirilsin:

“Bunda sudlar inobatga olishlari lozimki, IPK 262-moddasining ikkinchi qismi va 285-moddasining ikkinchi qismida nazarda tutilgan apellatsiya va kassatsiya shikoyati (protesti) berishning oʻtkazib yuborilgan muddatini tiklash haqidagi arizani berish uchun belgilangan muddat qatʼiy hisoblanadi”;

25.2-bandi quyidagi tahrirda bayon etilsin:

“25.2. Sud tomonidan ishda ishtirok etuvchi shaxsga shikoyat qilinayotgan sud hujjatining yuborilmaganligi yoki oʻz vaqtida yuborilmaganligi oqibatida shikoyatni berish muddati oʻtkazib yuborilgan boʻlsa, apellatsiya yoki kassatsiya shikoyati berishning oʻtkazib yuborilgan muddati, agar apellatsiya va kassatsiya shikoyati berishning oʻtkazib yuborilgan muddatini tiklash haqidagi ariza IPK 262-moddasining ikkinchi qismi va 285-moddasining ikkinchi qismida nazarda tutilgan muddatda berilgan boʻlsa, tiklanadi”;

26-bandi quyidagi tahrirda bayon etilsin:

“26. Sudlar shuni nazarda tutishlari kerakki, nazorat shikoyati (protesti)ni taqdim etish mumkin boʻlgan, IPK 310-moddasining ikkinchi qismida nazarda tutilgan bir yillik protsessual muddat qatʼiy boʻlib, u tiklanmaydi. Belgilangan muddat oʻtkazib yuborilgan holda berilgan nazorat shikoyati (protesti)ni qabul qilish IPK 314-moddasining 2-bandiga asosan rad qilinadi”;

27-bandi quyidagi tahrirda bayon etilsin:

“27. IPK 312-moddasining toʻrtinchi qismiga muvofiq Oʻzbekiston Respublikasi Oliy sudi sudyasi nazorat shikoyatini qaytarish toʻgʻrisida va qabul qilishni rad etish haqida besh kundan kechiktirmay ajrim chiqaradi, nazorat shikoyatini Oʻzbekiston Respublikasi Oliy sudining iqtisodiy ishlar boʻyicha sudlov hayʼatida koʻrib chiqish uchun oʻtkazishni rad etish toʻgʻrisida va nazorat shikoyatini ish yuritishga qabul qilish hamda uni koʻrib chiqish uchun ish bilan birga Oʻzbekiston Respublikasi Oliy sudining iqtisodiy ishlar boʻyicha sudlov hayʼatiga oʻtkazish haqida esa shikoyat Oʻzbekiston Respublikasi Oliy sudiga kelib tushgan kundan eʼtiboran oʻttiz kundan kechiktirmay ajrim chiqaradi”;

28-bandining birinchi xatboshisi quyidagi tahrirda bayon etilsin:

“IPK 338-moddasining birinchi qismiga muvofiq ijro varaqasi sud hujjati qonuniy kuchga kirgan kundan eʼtiboran yoki sud hujjatining ijrosi kechiktirilgan yoki boʻlib-boʻlib ijro etilishi belgilangan taqdirda, muddat tugagan kundan eʼtiboran uch yil ichida ijroga taqdim etilishi mumkin”;

29-bandi quyidagi tahrirda bayon etilsin:

“29. IPK 341-moddasining ikkinchi qismiga koʻra ijro varaqasining (sud buyrugʻining) dublikatini berish toʻgʻrisidagi ariza ijro varaqasini (sud buyrugʻini) ijroga taqdim etish uchun belgilangan muddat oʻtguniga qadar berilishi mumkin, bundan ijro varaqasi (sud buyrugʻi) davlat ijrochisi yoki ijroni amalga oshiruvchi boshqa shaxs tomonidan yoʻqotilgan va bu haqda undiruvchiga ijro varaqasini (sud buyrugʻini) ijroga taqdim etish uchun belgilangan muddat oʻtganidan soʻng maʼlum boʻlgan hollar mustasno. Ushbu hollarda ijro varaqasining (sud buyrugʻining) dublikatini berish toʻgʻrisidagi ariza ijro varaqasi (sud buyrugʻi) yoʻqotilganligi undiruvchiga maʼlum boʻlgan kundan eʼtiboran bir oy ichida berilishi mumkin.

Sudlar shuni inobatga olishi kerakki, bunday ariza ijro varaqasi berilgan kundan boshlab uch yil davomida ham, agar sud tomonidan ijro varaqasini ijroga taqdim etish muddatini tiklash haqidagi ajrim chiqarilgan boʻlsa, ushbu muddat oʻtgandan keyin ham berilishi mumkin”;

30-bandidagi “XPK” degan soʻz “IPK” degan soʻz bilan almashtirilsin.

28. Oʻzbekiston Respublikasi Oliy xoʻjalik sudi Plenumining “Lizing munosabatlarini tartibga soluvchi qonun hujjatlari normalarini xoʻjalik sudlari tomonidan qoʻllanilishining ayrim masalalari haqida” 2015-yil 27-noyabrdagi 289-sonli qarori:

nomi va muqaddimasidagi “xoʻjalik sudlari” degan soʻzlar “iqtisodiy sudlar” degan soʻzlar bilan almashtirilsin;

2-bandi quyidagi mazmundagi ikkinchi xatboshi bilan toʻldirilsin:

“Muddatni hisoblashda sudlar inobatga olishlari kerakki, shartnomani amal qilish muddati joriy yil muayyan oyining tegishli sanasidan keyingi yil shu oyining shu sanasigacha belgilanganda 12 oyga tenglashtirilgan deb tan olinadi (masalan, 2017-yil 5-fevraldan 2018-yilning 4-fevralgacha)”;

6-bandining toʻrtinchi xatboshisi quyidagi mazmundagi jumla bilan toʻldirilsin:

“Bu qoida, agar lizing beruvchining daʼvo arizasida bir vaqtning oʻzida ham lizing toʻlovi boʻyicha vujudga kelgan asosiy qarz va neustoyka undirish, ham lizing obyektini qaytarib olgan tarzda shartnomani bekor qilish talabi qoʻyilgan hollarda ham qoʻllaniladi”;

6.4-bandining oltinchi xatboshisidagi “Oʻzbekiston Respublikasining Xoʻjalik protsessual kodeksida (bundan buyon matnda XPK deb yuritiladi)” degan soʻzlar “Oʻzbekiston Respublikasining Iqtisodiy protsessual kodeksida (bundan buyon matnda IPK deb yuritiladi)” degan soʻzlar bilan almashtirilsin;

7-bandi:

birinchi xatboshisidagi “XPK 103-moddasining 4-bandiga” degan soʻzlar “IPK 105-moddasining 5-bandiga” degan soʻzlar bilan almashtirilsin;

uchinchi xatboshisidagi “XPK 107-moddasi birinchi qismining 3-bandiga” degan soʻzlar “IPK 140-moddasining birinchi qismiga” degan soʻzlar bilan almashtirilsin;

quyidagi mazmundagi 8.1-band bilan toʻldirilsin:

“Sudlarga tushuntirilsinki, lizing obyektini qaytarish toʻgʻrisidagi daʼvo talabi qanoatlantirilganda, davlat boji qaytarilgan lizing obyektining bahosidan kelib chiqqan holda hisoblanadi”.

29. Oʻzbekiston Respublikasi Oliy xoʻjalik sudi Plenumining “Aksiyadorlik va boshqa xoʻjalik jamiyatlari tomonidan ular haqidagi axborotni oshkor qilishning belgilangan tartibi buzilgan holda amalga oshirilgan (qabul qilingan) bitimlarni (qarorlarni) haqiqiy emas deb topishning ayrim masalalari toʻgʻrisida” 2015-yil 27-noyabrdagi 290-sonli qarori:

8.2-bandining birinchi-ikkinchi xatboshilaridagi “birja kotirovkasi varagʻiga” degan soʻzlar “listingiga” degan soʻz bilan almashtirilsin;

9-bandining ikkinchi xatboshisidagi “xoʻjalik sudiga” degan soʻzlar “iqtisodiy sudga” degan soʻzlar bilan almashtirilsin.

30. Oʻzbekiston Respublikasi Oliy xoʻjalik sudi Plenumining “Qurilish pudrati shartnomasidan kelib chiqadigan nizolarni hal etishda qonun hujjatlarini qoʻllashning ayrim masalalari haqida” 2016-yil 23-dekabrdagi 306-sonli qarori:

nomi quyidagi tahrirda bayon etilsin:

“Iqtisodiy sudlar tomonidan qurilish pudrati shartnomasidan kelib chiqadigan nizolarni hal etishda qonun hujjatlarini qoʻllashning ayrim masalalari toʻgʻrisida”;

muqaddimasidagi “xoʻjalik sudlari” degan soʻzlar “iqtisodiy sudlar” degan soʻzlar bilan almashtirilsin;

1-bandining birinchi xatboshisi quyidagi tahrirda bayon etilsin:

“Qurilish pudrati shartnomasidan kelib chiqadigan nizolarni hal etishda iqtisodiy sudlar (bundan buyon matnda sudlar deb yuritiladi) Oʻzbekiston Respublikasining Fuqarolik kodeksi (bundan buyon matnda FK deb yuritiladi), Oʻzbekiston Respublikasining Yer kodeksi, Oʻzbekiston Respublikasining Shaharsozlik kodeksi, Oʻzbekiston Respublikasining Iqtisodiy protsessual kodeksi (bundan buyon matnda IPK deb yuritiladi), “Xoʻjalik yurituvchi subyektlar faoliyatining shartnomaviy-huquqiy bazasi toʻgʻrisida”gi Oʻzbekiston Respublikasining Qonuni va boshqa qonun hujjatlari, shuningdek shaharsozlik normalari va qoidalarini qoʻllashi lozim”;

2-bandining uchinchi xatboshisi quyidagi tahrirda bayon etilsin:

“Sudlar shuni eʼtiborga olishi kerakki, shartnoma tuzilmaganligi toʻgʻrisida hal qiluv qarori qabul qilinmaydi, faqat bu haqda hal qiluv qarorining asoslantiruvchi qismida koʻrsatiladi. Shunga koʻra, shartnomani tuzilmagan deb topish toʻgʻrisidagi daʼvo arizasi bilan sudga murojaat qilinsa, bunday daʼvo arizasini qabul qilish IPK 154-moddasi birinchi qismining 1-bandiga mos holda rad etiladi, agar daʼvo arizasi ish yuritishga qabul qilingan boʻlsa, ish yuritish IPK 110-moddasining 1-bandiga asosan tugatiladi”;

9-bandining uchinchi xatboshisi quyidagi tahrirda bayon etilsin:

“Sudlar shuni eʼtiborga olishi kerakki, bir tomonlama topshirish yoki ishlar natijasini qabul qilish dalolatnomasini haqiqiy emas deb topish toʻgʻrisida hal qiluv qarori qabul qilinmaydi, faqat hal qiluv qarorining asoslantiruvchi qismida bu haqda koʻrsatiladi. Shunga koʻra, pudrat shartnomasining taraflaridan biri sudga bir tomonlama dalolatnomani haqiqiy emas deb topish toʻgʻrisidagi daʼvo arizasi bilan murojaat qilsa, bunday daʼvo arizasini qabul qilish IPK 154-moddasi birinchi qismining 1-bandiga mos holda rad etiladi, agar daʼvo arizasi ish yuritishga qabul qilingan boʻlsa, ish yuritish IPK 110-moddasining 1-bandiga asosan tugatiladi”.

31. Oʻzbekiston Respublikasi Oliy sudi Plenumining “Sugʻurta sohasidagi munosabatlarni tartibga soluvchi qonun hujjatlari normalarini sudlar tomonidan qoʻllanilishining ayrim masalalari toʻgʻrisida” 2017-yil 29-noyabrdagi 45-sonli qarori:

nomi quyidagi tahrirda bayon etilsin:

“Sudlar tomonidan sugʻurta shartnomasidan kelib chiqadigan nizolarni hal etishda qonun hujjatlarini qoʻllashning ayrim masalalari toʻgʻrisida”;

1-bandidagi “Oʻzbekiston Respublikasining Xoʻjalik protsessual kodeksi” degan soʻzlar “Oʻzbekiston Respublikasining Iqtisodiy protsessual kodeksi” degan soʻzlar bilan almashtirilsin;

22-bandi:

uchinchi xatboshisidagi “5-bandiga” degan soʻzlar “3-bandiga” degan soʻzlar bilan almashtirilsin;

oʻzbek tilidagi matni toʻrtinchi xatboshisidagi “sugʻurta qildiruvchiga” degan soʻzlar “sugʻurtalovchiga” degan soʻz bilan almashtirilsin.

II. Quyidagilar oʻz kuchini yoʻqotgan deb topilsin:

1) Oʻzbekiston Respublikasi Oliy xoʻjalik sudi Plenumining “Mahsulotlar, tovarlar yetkazib berishda kamomad chiqishi bilan bogʻliq nizolarni hal etish amaliyoti toʻgʻrisida” 1993-yil 3-iyundagi 17-sonli qarori;

2) Oʻzbekiston Respublikasi Oliy xoʻjalik sudi Plenumining “Meva-sabzavot mahsulotlarini yetkazib berish va temir yoʻl orqali tashish chogʻidagi kamomadi va buzilib qolishi bilan bogʻliq nizolarni hal qilish amaliyoti toʻgʻrisida” 1994-yil 5-yanvardagi 22-sonli qarori;

3) Oʻzbekiston Respublikasi Oliy xoʻjalik sudi Plenumining “Oʻzbekiston Respublikasi Prezidentining 1998-yil 4-martdagi “Xoʻjalik yurituvchi subyektlarning iqtisodiy nochorligi va shartnoma majburiyatlarining bajarilishi uchun mansabdor shaxslarning javobgarligini kuchaytirish toʻgʻrisida”gi Farmonini tatbiq etish bilan bogʻliq masalalar toʻgʻrisida” 1998-yil 9-apreldagi 72-sonli qarori;

4) Oʻzbekiston Respublikasi Oliy xoʻjalik sudi Plenumining “Kassatsiya instansiyasida ishlarni koʻrishda Oʻzbekiston Respublikasi Xoʻjalik protsessual kodeksining qoʻllanilishi toʻgʻrisida” 2005-yil 23-dekabrdagi 136-sonli qarori;

5) Oʻzbekiston Respublikasi Oliy xoʻjalik sudi Plenumining “Birinchi instansiya sudida ishlarni koʻrishda Oʻzbekiston Respublikasi Xoʻjalik protsessual kodeksining qoʻllanilishi toʻgʻrisida” 2007-yil 15-iyundagi 162-sonli qarori;

6) Oʻzbekiston Respublikasi Oliy xoʻjalik sudi Plenumining “Apellatsiya instansiyasi sudida ishlarni koʻrishda Oʻzbekiston Respublikasi Xoʻjalik protsessual kodeksini qoʻllash haqida” 2007-yil 28-dekabrdagi 173-sonli qarori;

7) Oʻzbekiston Respublikasi Oliy xoʻjalik sudi Plenumining “Oʻzbekiston Respublikasining 2011-yil 21-apreldagi “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi Qonuni qabul qilinganligi munosabati bilan Oʻzbekiston Respublikasi Xoʻjalik protsessual kodeksini qoʻllashning ayrim masalalari haqida” 2011-yil 30-iyundagi 229-sonli qarori;

8) Oʻzbekiston Respublikasi Oliy xoʻjalik sudi Plenumining “Chet davlat sudi yoki hakamlik qarorini tan olish va ijroga qaratish hamda chet davlat sudining topshirigʻini ijro etish toʻgʻrisidagi ishlarning xoʻjalik sudlari tomonidan koʻrilishida qonun hujjatlarini qoʻllashning ayrim masalalari haqida” 2013-yil 24-maydagi 248-sonli qarori;

9) Oʻzbekiston Respublikasi Oliy sudi Plenumi va Oʻzbekiston Respublikasi Oliy xoʻjalik sudi Plenumining “Ishlarning taalluqliligi bilan bogʻliq protsessual qonun hujjatlari normalarini sudlar tomonidan qoʻllashning ayrim masalalari toʻgʻrisida” 2015-yil 13-noyabrdagi 16/287-sonli qarori;

10) Oʻzbekiston Respublikasi Oliy xoʻjalik sudi Plenumining “Davlat organlari va fuqarolarning oʻzini oʻzi boshqarish organlarining qonun hujjatlariga muvofiq boʻlmagan, tashkilotlar va fuqarolarning huquqlari va qonun bilan qoʻriqlanadigan manfaatlarini buzadigan hujjatlarini haqiqiy emas deb topish, ular mansabdor shaxslarining shunday harakatlarini (harakatsizligini) qonunga xilof deb topish toʻgʻrisidagi nizolarni hal etishda qonun hujjatlarini qoʻllashning ayrim masalalari haqida” 2016-yil 17-iyundagi 298-sonli qarori.

Oʻzbekiston Respublikasi Oliy sudi raisi K. KAMILOV

Plenum kotibi, Oliy sud sudyasi I. ALIMOV

Toshkent sh.,

2018-yil 19-may,

17-son