Oliy taʼlim muassasalarida taʼlim sifatini oshirish va ularning mamlakatda amalga oshirilayotgan keng qamrovli islohotlarda faol ishtirokini taʼminlash boʻyicha qoʻshimcha chora-tadbirlar toʻgʻrisida (PQ-3775-son)

05.06.2018

Oʻzbekiston Respublikasi Prezidentining

Qarori

Keyingi yillarda mamlakatimizda ijtimoiy-iqtisodiy rivojlanishning ustuvor yoʻnalishlariga hamda xalqaro standartlar talablariga mos keladigan oliy taʼlim tizimini yaratish boʻyicha keng koʻlamli ishlar amalga oshirilmoqda.

Hududlarda yangi oliy taʼlim muassasalarining tashkil etilishi, kadrlar tayyorlashning zamonaviy taʼlim yoʻnalishlari va mutaxassisliklari hamda sirtqi va kechki boʻlimlarning ochilishi, oliy taʼlim muassasalariga qabul kvotalarining oshirilishi mazkur yoʻnalishdagi muhim islohotlar hisoblanadi.

Shu bilan birga oliy taʼlim muassasalarida taʼlim sifatini oshirishga, respublikada amalga oshirilayotgan keng qamrovli islohotlar, ijtimoiy va iqtisodiy sohalardagi yangilanishlarda ushbu muassasalarning faol ishtirokini taʼminlashga toʻsiq boʻlayotgan bir qator muammolar saqlanib qolmoqda, xususan:

birinchidan, oliy taʼlim tizimida oʻqitishni tashkil etish jarayoni, taʼlim olayotgan talabalar bilimini baholash tizimi bugungi kun talablariga javob bermayapti;

ikkinchidan, professor-oʻqituvchilarning faoliyatini, bilimini va pedagogik koʻnikmasini baholashning zamonaviy tizimi mavjud emasligi taʼlim sifatiga salbiy taʼsir koʻrsatmoqda;

uchinchidan, oliy taʼlim muassasalariga kirish test savollari abituriyentning mantiqiy fikrlash qobiliyatini aniqlash imkonini bermayotganligi iqtidorli yoshlarni oliy taʼlim muassasalariga qabul qilishda muammolar keltirib chiqarmoqda;

toʻrtinchidan, oliy taʼlim muassasalaridagi taʼlim jarayoni ustidan samarali jamoatchilik nazoratining oʻrnatilmaganligi ushbu sohada koʻplab muammolarning, eng avvalo, korrupsiya holatlarining saqlanib qolishiga sabab boʻlmoqda;

beshinchidan, oliy taʼlim muassasalarining mamlakatda amalga oshirilayotgan keng qamrovli va tizimli oʻzgarishlardagi ishtiroki hamda tashabbuskorligi sezilmayapti, ularning ushbu yoʻnalishdagi faoliyati hanuzgacha qoniqarsiz boʻlib qolmoqda;

oltinchidan, respublikamizda olib borilayotgan tub islohotlarning mazmuni va mohiyatini ommaviy axborot vositalari orqali xalqimizga, keng jamoatchilikka tushuntirishda oliy taʼlim muassasalarining faol ishtiroki yoʻlga qoʻyilmagan;

yettinchidan, oliy taʼlim muassasalari innovatsion va texnologik gʻoyalar bilan fikr almashadigan muloqot markazlariga aylanmagan, tegishli sohalarda mavjud muammo va kamchiliklarni tizimli oʻrganish, tahlil qilish va ularning yechimi boʻyicha taklif kiritish borasida professor-oʻqituvchilar, yosh olimlar va talabalarning tashabbus koʻrsatishlari uchun zarur shart-sharoitlar yaratilmagan.

Oliy taʼlim muassasalarida taʼlim sifatini tubdan takomillashtirish, ularning mamlakatda amalga oshirilayotgan keng qamrovli islohotlarda faol ishtirokini taʼminlash, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasida belgilangan vazifalarni izchil amalga oshirish maqsadida:

1. Oʻzbekiston Respublikasi Oliy va oʻrta maxsus taʼlim vazirligi, tasarrufida oliy taʼlim muassasalari mavjud vazirlik va idoralarning 2018/2019 oʻquv yilidan boshlab:

alohida taʼlim yoʻnalishlari boʻyicha oʻqish muddati kamida uch yil boʻlgan bakalavriat hamda kamida bir yil boʻlgan magistraturani joriy etish, bunda magistraturada mutaxassislar tayyorlashni ishlab chiqarish (amaliy) (kamida bir yil) va ilmiy-pedagogik (kamida ikki yil) yoʻnalishlarga ixtisoslashgan dasturlar asosida tashkil etish;

oliy taʼlim muassasalari bakalavriatiga qabul qilish kvotalaridan tashqari xorijiy fuqarolarni suhbat asosida test sinovlarisiz oʻqishga qabul qilish toʻgʻrisidagi takliflariga rozilik berilsin.

2. Oʻzbekiston Respublikasi Tashqi ishlar vazirligi Oliy va oʻrta maxsus taʼlim vazirligi, tasarrufida oliy taʼlim muassasalari mavjud vazirlik va idoralarning viza talabnomalariga asosan oʻqishga kirish istagini bildirgan xorijiy fuqarolarning kirish vizalarini oʻrnatilgan tartibda konsullik va boshqa toʻlovlarni undirmagan holda rasmiylashtirsin.

3. 2018/2019 oʻquv yilidan boshlab tayanch (yetakchi) oliy taʼlim muassasalari tomonidan tegishli taʼlim yoʻnalishlari va mutaxassisliklari boʻyicha oʻquv rejalari va dasturlarini kadrlar buyurtmachilarining ehtiyojlaridan kelib chiqib, mustaqil ravishda ishlab chiqish hamda Oʻzbekiston Respublikasi Oliy va oʻrta maxsus taʼlim vazirligi bilan kelishilgan holda tasdiqlash tartibi joriy etilsin.

4. Oʻzbekiston Respublikasi Oliy va oʻrta maxsus taʼlim vazirligi tasarrufida oliy taʼlim muassasalari mavjud vazirlik va idoralar bilan birgalikda:

a) ikki oy muddatda Oliy taʼlim muassasalarida talabalar bilimini nazorat qilish va baholash tizimi toʻgʻrisidagi nizomni ishlab chiqsin va belgilangan tartibda tasdiqlasin, bunda asosiy eʼtiborni:

baholash tizimi va mezonlarini uzluksiz taʼlim tizimining bosqichlariga muvofiqlashtirishga;

taʼlim yoʻnalishlarining oʻziga xos jihatlarini inobatga olgan holda talabalar bilimini baholashning zamonaviy, shaffof va adolatli (avtomatlashtirilgan, portfolio, test sinovlari, ijodiy ish, antiplagiat va h.k.) usullarini, shu jumladan muayyan fandan dars bergan pedagogning yakuniy nazorat jarayonlaridagi ishtirokini istisno etadigan tizimni joriy etishga;

semestr yakuni boʻyicha akademik qarzdor talabaning qayta topshirishi mumkin boʻlgan fanlar sonini belgilashga va ularni topshirish muddatini oʻzgartirishga qaratsin;

b) 2018-yil 1-dekabrgacha boʻlgan muddatda oliy taʼlim muassasalari bitiruvchilarini yakuniy davlat attestatsiyasidan oʻtkazish tartibini yanada takomillashtirish yuzasidan tegishli normativ-huquqiy hujjat loyihasini ishlab chiqsin va belgilangan tartibda tasdiqlasin;

v) 2019-yil 1-martgacha boʻlgan muddatda 2019/2020 oʻquv yilidan boshlab oliy taʼlim muassasalarida “talabaning oʻzlashtirish darajasi — professor-oʻqituvchilar faoliyatini baholashning asosiy mezoni” tamoyilini joriy qilishning aniq mexanizmlarini belgilash boʻyicha tegishli chora-tadbirlar koʻrsin. Bunda ushbu tamoyil talablariga javob bermaydigan professor-oʻqituvchilar bilan mehnat shartnomasini bekor qilishgacha boʻlgan choralar koʻrish belgilansin;

g) 2018/2019 oʻquv yilidan boshlab oliy taʼlim muassasalari professor-oʻqituvchilarining vaqtini oʻquv jarayoniga xos boʻlmagan ishlarga sarflashning oldini olish hamda ularni talabalar bilan koʻproq ishlashga yoʻnaltirish, shu jumladan “ustoz — shogird” tizimini joriy etish maqsadida oʻquv yuklamalarini hisobga olgan holda professor-oʻqituvchilar “vaqt meʼyorlari”ning yangi mexanizmlarini ishlab chiqsin va belgilangan tartibda tasdiqlasin.

5. Oliy taʼlim muassasalarining professor-oʻqituvchilarini ularning vazifalari va faoliyat yoʻnalishlari bilan bogʻliq boʻlmagan yigʻilishlarga va boshqa tadbirlarga jalb etish taqiqlansin.

Davlat organlari va tashkilotlari rahbarlari, barcha darajadagi hokimlar mazkur talabni buzganligi uchun egallab turgan lavozimidan ozod etishgacha boʻlgan shaxsiy javobgarligi toʻgʻrisida qatʼiy ogohlantirilsin.

6. Barcha oliy taʼlim muassasalarida samarali jamoatchilik nazoratini joriy etish maqsadida talabalar, ota-onalar, Yoshlar ittifoqining oliy taʼlim muassasalaridagi faollari, kadrlar buyurtmachilari, professor-oʻqituvchilar hamda fuqarolik jamiyati institutlari vakillaridan iborat tarkibda jamoatchilik kengashlari tashkil etilsin.

Quyidagilar jamoatchilik kengashlarining asosiy vazifalari etib belgilansin:

taʼlim sifati, professor-oʻqituvchilarning bilimi va pedagogik mahorati, talabalarga yaratilgan shart-sharoitlar ustidan tizimli ravishda monitoring oʻrnatish;

oliy taʼlim muassasalariga professor-oʻqituvchilar tarkibiga ishga qabul qilinayotgan nomzodlar boʻyicha tavsiyalar berish;

talabalarning murojaatlarini koʻrib chiqish, ularning pedagog kadrlar haqidagi fikrini toʻliq oʻrganish maqsadida ijtimoiy soʻrovlar oʻtkazish;

oliy taʼlim muassasasidagi taʼlim jarayonini takomillashtirish boʻyicha takliflar tayyorlash va muassasaning tegishli kengashi muhokamasiga kiritish.

Jamoatchilik kengashi faoliyatini tashkiliy jihatdan taʼminlash Yoshlar ittifoqining oliy taʼlim muassasasidagi yetakchisi tomonidan amalga oshirilishi belgilab qoʻyilsin.

Oʻzbekiston Respublikasi Oliy va oʻrta maxsus taʼlim vazirligi tasarrufida oliy taʼlim muassasalari mavjud vazirlik va idoralar bilan birgalikda ikki oy muddatda Oliy taʼlim muassasalari huzuridagi jamoatchilik kengashlari faoliyatini tashkil etish tartibi toʻgʻrisidagi namunaviy nizomni ishlab chiqsin va tasdiqlasin.

7. Belgilansinki, 2018-yil 1-sentabrdan boshlab:

oliy taʼlim muassasalariga professor-oʻqituvchilar tarkibiga ishga qabul qilish tegishli kafedraning kengaytirilgan ochiq majlisida pedagog kadrlar va jamoatchilik kengashining aʼzolari ishtirokida sinov darsi oʻtkazish natijalari boʻyicha ushbu majlisning tavsiyasiga koʻra amalga oshiriladi;

Oʻzbekiston va xorijiy oliy taʼlim muassasalarining oʻzaro kelishuvi hamda qoʻshma taʼlim dasturlari asosida talabalarni oʻqitishni tashkil etish va ikki tomonlama tan olinadigan diplom berish amaliyoti joriy etiladi.

8. Oʻzbekiston Respublikasi Vazirlar Mahkamasi huzuridagi Davlat test markazi Oliy va oʻrta maxsus taʼlim vazirligi, Xalq taʼlimi vazirligi bilan birgalikda 2019-yil 1-yanvargacha boʻlgan muddatda:

oliy taʼlim muassasalariga kirish imtihonlaridagi test savollarini tayyorlash uslublarini ilgʻor xorijiy tajriba asosida qayta koʻrib chiqsin hamda ularni takomillashtirish boʻyicha takliflarni belgilangan tartibda Vazirlar Mahkamasiga kiritsin;

ilgʻor xalqaro imtihon tizimlari (TOEFL, IELTS, CEFR, SAT General, SAT Subject va hokazo) sertifikatlariga ega boʻlgan abituriyentlarga tegishli fanlardan belgilangan eng yuqori ball berish va ushbu fanlar test sinovidan ozod qilish tartibini ishlab chiqsin va belgilangan tartibda Vazirlar Mahkamasiga kiritsin.

9. Oʻzbekiston Respublikasi Oliy va oʻrta maxsus taʼlim vazirligi, tasarrufida oliy taʼlim muassasalari mavjud vazirlik va idoralar zimmasiga quyidagi qoʻshimcha vazifalar yuklatilsin:

mamlakatda amalga oshirilayotgan keng qamrovli islohotlarda oliy taʼlim muassasalarining ishtiroki hamda tashabbuskorligini oshirish boʻyicha tizimli ishlarni tashkil etish;

davlat va jamiyat hayotida yuz berayotgan oʻzgarishlar hamda amalga oshirilayotgan tub islohotlarning mazmuni va mohiyati oliy taʼlim muassasalari tomonidan televideniye va boshqa ommaviy axborot vositalari orqali keng aholi eʼtiboriga yetkazilishini taʼminlash;

hududlarni, iqtisodiyot tarmoqlari va ijtimoiy sohalarni jadal rivojlantirishga qaratilgan normativ-huquqiy hujjatlar va dasturlar loyihalarining keng muhokamasida oliy taʼlim muassasalarining faol ishtirokini taʼminlash;

innovatsion va texnologik gʻoyalarni har tomonlama rivojlantirish hamda qoʻllab-quvvatlash uchun zarur shart-sharoitlar yaratish, professor-oʻqituvchilar, yosh olimlar va talabalarning innovatsion texnologiyalarni yaratish borasidagi tashabbuskorligini oshirish yuzasidan aniq choralar koʻrish;

iqtisodiyot tarmoqlari va ijtimoiy sohalar tashkilotlari rahbarlari, yetakchi mutaxassislari, faol tadbirkorlar bilan dolzarb masalalarda seminar va davra suhbatlarini doimiy ravishda oʻtkazib borish, ularning faoliyatida yuzaga kelayotgan muammolarning yechimiga qaratilgan ilmiy-amaliy izlanishlarni olib borish;

oliy taʼlim muassasalari rahbariyatining mamlakatni isloh qilish jarayonida faol ishtirok etish borasidagi masʼuliyatini oshirish yuzasidan kompleks chora-tadbirlar belgilash, har bir rektor va prorektor uchun ushbu yoʻnalishda alohida “yoʻl xaritalari” ishlab chiqilishi va tasdiqlanishini taʼminlash, ularning ijrosini nazorat qilish.

10. Belgilab qoʻyilsinki:

oliy taʼlim muassasalarining yoshlar masalalari va maʼnaviy-maʼrifiy ishlar boʻyicha prorektori faoliyatini muvofiqlashtirish vazifasi Oʻzbekiston Respublikasi Prezidenti Administratsiyasining Ijtimoiy rivojlanish departamentiga yuklanadi;

Oʻzbekiston Respublikasi oliy va oʻrta maxsus taʼlim vaziri, tasarrufida oliy taʼlim muassasalari mavjud vazirlik va idoralar rahbarlari — tegishli oliy taʼlim muassasalari rektorlari va prorektorlarining, innovatsion rivojlanish vaziri — barcha oliy taʼlim muassasalari ilmiy ishlar va innovatsiyalar boʻyicha prorektorlarining faoliyati natijalarini ularning “yoʻl xaritalari”da belgilangan vazifalarning bajarilishi yuzasidan har oyda kamida bir marta tanqidiy muhokama qilib boradi;

Oʻzbekiston Respublikasi oliy va oʻrta maxsus taʼlim vazirining, tasarrufida oliy taʼlim muassasalari mavjud vazirlik va idoralar rahbarlarining mamlakatda amalga oshirilayotgan keng qamrovli islohotlarda tegishli oliy taʼlim muassasalarining faol ishtirokini taʼminlash yuzasidan hisobotlari har yili Vazirlar Mahkamasining majlislarida muhokama etiladi;

Oʻzbekiston Respublikasi Vazirlar Mahkamasi muhokama natijalariga koʻra oliy taʼlim muassasalari rektorlarining egallab turgan lavozimiga loyiqligi yoki noloyiqligi masalasini koʻrib chiqadi;

oliy taʼlim muassasalari rektorlarining faoliyati samaradorligiga baho berishda oʻquv jarayoniga yuqori malakali xorijiy olimlar, oʻqituvchi va mutaxassislarning keng jalb qilinganligi, shuningdek, Oʻzbekiston Respublikasida yetakchi xorijiy oliy taʼlim muassasalarining filiallarini ochishda ularning tashabbuskorligi inobatga olinadi.

11. Oʻzbekiston Respublikasi Oliy va oʻrta maxsus taʼlim vazirligi manfaatdor vazirlik va idoralar bilan birgalikda ikki oy muddatda oliy taʼlim muassasalari talabalarini ilmiy faoliyatga yoʻnaltirishga va ularda innovatsion fikrlashni shakllantirishga qaratilgan chora-tadbirlar dasturi loyihasini ishlab chiqsin va belgilangan tartibda Vazirlar Mahkamasiga kiritsin, unda quyidagilar nazarda tutilsin:

yangi gʻoya va tashabbuslarni shakllantirish maqsadida har bir oliy taʼlim muassasasida “Yosh ekspertlar guruhi”ni tashkil etish;

oʻquv mashgʻulotlarini talabalarni innovatsion fikrlashga yoʻnaltiradigan oʻqitish texnologiyalari va interfaol uslublarni joriy etish asosida tashkil etish, asosiy eʼtiborni talabalarning mustaqil taʼlim olishi bilan bogʻliq mexanizmlarni amalga oshirishga qaratish;

har bir oliy taʼlim muassasasida 1-kurs davomida saralab olingan eng iqtidorli talabalar uchun alohida guruhlar tashkil etish (mazkur guruhlardagi talabalar soni oliy taʼlim muassasasi tomonidan belgilanadi), 2-kursdan ularni oʻqitishni alohida oʻquv reja va dasturlar asosida amalga oshirish, ushbu toifadagi talabalarni magistraturaga maqsadli qabul qilish va bu orqali oliy taʼlim muassasalari kafedralari uchun malakali kadrlar tayyorlash tizimini joriy etish.

12. Yosh olim va talabalarga hamda tashabbuskor fuqarolarga mamlakatda innovatsion gʻoya va texnologiyalarni rivojlantirishga qoʻshgan munosib hissasi uchun topshiriladigan “Innovatsion gʻoyalar yetakchisi” koʻkrak nishoni taʼsis etilsin.

Oʻzbekiston Respublikasi Innovatsion rivojlanish vazirligi, Oʻzbekiston yoshlar ittifoqi manfaatdor vazirlik va idoralar bilan birgalikda ikki oy muddatda “Innovatsion gʻoyalar yetakchisi” koʻkrak nishoni toʻgʻrisidagi nizomni tasdiqlash haqida Hukumat qarori loyihasini belgilangan tartibda Vazirlar Mahkamasiga kiritsin.

13. Oliy taʼlim muassasalarida taʼlim sifatini oshirish va ularning mamlakatda amalga oshirilayotgan keng qamrovli islohotlarda faol ishtirokini taʼminlash boʻyicha “yoʻl xaritasi” ilovaga muvofiq tasdiqlansin.

14. Oʻzbekiston Respublikasi Oliy va oʻrta maxsus taʼlim vazirligi, tasarrufida oliy taʼlim muassasalari mavjud vazirlik va idoralar Oʻzbekiston Milliy teleradiokompaniyasi, Oʻzbekiston Milliy axborot agentligi bilan birgalikda bir oy muddatda mamlakatda amalga oshirilayotgan keng qamrovli islohotlarning mazmuni va mohiyatini televideniye va boshqa ommaviy axborot vositalarida tushuntirish boʻyicha chiqishlarni tashkil etish yuzasidan har bir oliy taʼlim muassasasining yillik reja-grafigini ishlab chiqsin va tasdiqlasin.

15. Oʻzbekiston Respublikasi Oliy va oʻrta maxsus taʼlim vazirligi hamda Moliya vazirligining:

Oliy va oʻrta maxsus taʼlim vazirligi tuzilmasida Oʻzbekiston Respublikasi Davlat budjeti mablagʻlari hisobidan moliyalashtiriladigan qoʻshimcha 2 ta shtat birligini ajratgan holda Axborot xizmatini tashkil etish;

oliy taʼlim muassasalari tuzilmalarida ularning budjetdan tashqari mablagʻlari hisobidan moliyalashtiriladigan qoʻshimcha 1 tadan shtat birligini ajratgan holda matbuot kotibi lavozimini joriy etish toʻgʻrisidagi takliflariga rozilik berilsin.

16. Oʻzbekiston Respublikasi Vazirlar Mahkamasi bir oy muddatda:

a) oliy taʼlim muassasalarini zamonaviy oʻquv, oʻquv-metodik va ilmiy adabiyotlar, davriy jurnallar bilan taʼminlash, axborot-resurs markazlari fondlarini muntazam ravishda yangilab borishni;

ilgʻor xorijiy oʻquv hamda ilmiy adabiyotlar va jurnallarni xarid qilish ishlariga keng imkoniyatlar yaratish, eng yangi xorijiy adabiyotlarni tarjima qilish va oʻquv jarayoniga joriy etishni nazarda tutadigan Hukumat qarorini qabul qilsin;

b) Oliy taʼlim muassasalari talabalarining malaka amaliyotini oʻtash tartibi toʻgʻrisidagi nizomni tasdiqlasin.

17. Oʻzbekiston Respublikasi Oliy va oʻrta maxsus taʼlim vazirligi Axborot texnologiyalari va kommunikatsiyalarini rivojlantirish vazirligi bilan birgalikda:

a) bir oy muddatda quyidagi chora-tadbirlarni ishlab chiqsin va tasdiqlasin:

oliy taʼlim muassasalariga xalqaro ilmiy-texnik maʼlumotlar bazalaridan foydalanishga sharoitlar yaratish, professor-oʻqituvchilarning ilmiy natijalarini xalqaro miqyosda keng nashr etish, respublika yetakchi ilmiy jurnallarining bosqichma-bosqich yuqori impakt-faktorga ega boʻlishini taʼminlash;

oliy taʼlim tizimida boshqaruv jarayonlarini axborot-kommunikatsiya texnologiyalari asosida optimallashtirish, mavjud axborot tizimlarini integratsiyalash, tahliliy maʼlumotlar tayyorlashning samarali tizimlarini joriy etish;

b) abituriyentlar hujjatlarini elektron shaklda qabul qilish tizimini bosqichma-bosqich yaratish boʻyicha 2019-yil 1-yanvargacha boʻlgan muddatda chora-tadbirlar ishlab chiqsin va belgilangan tartibda Vazirlar Mahkamasiga kiritsin.

18. Oʻzbekiston Respublikasi Oliy va oʻrta maxsus taʼlim vazirligi manfaatdor vazirlik va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

19. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidentining Davlat maslahatchisi R.S. Qosimov, Oʻzbekiston Respublikasi Bosh prokurori O.B. Murodov hamda Oʻzbekiston Respublikasi oliy va oʻrta maxsus taʼlim vaziri I.U. Madjidov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2018-yil 5-iyun,

PQ-3775-son

Oʻzbekiston Respublikasi Prezidentining 2018-yil 5-iyundagi PQ-3775-son qaroriga ILOVA

Oliy taʼlim muassasalarida taʼlim sifatini oshirish va ularning mamlakatda amalga oshirilayotgan keng qamrovli islohotlarda faol ishtirokini taʼminlash boʻyicha

“YOʻL XARITASI”

T/r Tadbirlar nomi Amalga oshirish mexanizmi Muddati Masʼul ijrochilar I. Oliy taʼlim muassasalarida taʼlim sifatini oshirish boʻyicha normativ-huquqiy bazani takomillashtirish 1. Amaldagi qonun hujjatlarini inventarizatsiya qilish va ularga taʼlim sifatini oshirishga qaratilgan tegishli oʻzgartirish va qoʻshimchalar kiritish. 1. Amaldagi qonun hujjatlarini inventarizatsiya qilish boʻyicha ishchi guruh tuzish. 2. Amaldagi qonun hujjatlariga taʼlim sifatini oshirishga qaratilgan oʻzgartirish va qoʻshimchalar kiritish boʻyicha takliflar tayyorlash. 2018-yil noyabr Oliy va oʻrta maxsus taʼlim vazirligi, Taʼlim sifatini nazorat qilish davlat inspeksiyasi, Davlat test markazi, Oliy attestatsiya komissiyasi 2. Oliy taʼlim turlarini takomillashtirish choralarini koʻrish. 1. Alohida taʼlim yoʻnalishlari boʻyicha oʻqish muddati kamida uch yil boʻlgan bakalavriat hamda kamida bir yil boʻlgan magistraturani joriy etishning aniq mexanizmlarini ishlab chiqish. 2. “Taʼlim toʻgʻrisida”gi Qonunga oʻzgartish va qoʻshimchalar kiritish boʻyicha takliflar ishlab chiqish va belgilangan tartibda Vazirlar Mahkamasiga kiritish. 2018-yil sentabr Oliy va oʻrta maxsus taʼlim vazirligi, Taʼlim sifatini nazorat qilish davlat inspeksiyasi 3. Xorijiy fuqarolarni Oʻzbekiston Respublikasi taʼlim muassasalariga oʻqishga qabul qilish va oʻqitish tartibi toʻgʻrisidagi nizomga oʻzgartirish va qoʻshimchalar kiritish. 1. Oliy taʼlim muassasalari bakalavriatiga qabul qilish kvotalaridan tashqari xorijiy fuqarolarni suhbat asosida test sinovlarisiz oʻqishga qabul qilish mexanizmini joriy etish. 2. Tegishli qaror loyihasini ishlab chiqish va tasdiqlash uchun Vazirlar Mahkamasiga kiritish. 2018-yil iyul Oliy va oʻrta maxsus taʼlim vazirligi, tasarrufida oliy taʼlim muassasalari mavjud vazirlik va idoralar, TIV 4. Oliy taʼlim muassasalarida talabalar bilimini nazorat qilish va baholash tizimi toʻgʻrisidagi nizomni ishlab chiqish. Loyihada quyidagilarga asosiy eʼtiborni qaratish: 1. Baholash tizimi va mezonlarini uzluksiz taʼlim tizimining bosqichlariga muvofiqlashtirishga; 2. Taʼlim yoʻnalishlarining oʻziga xos jihatlarini inobatga olgan holda talabalar bilimini baholashning zamonaviy, shaffof va adolatli (avtomatlashtirilgan, portfolio, test sinovlari, ijodiy ish, antiplagiat va h.k.) usullarini, shu jumladan muayyan fandan dars bergan pedagogning yakuniy nazorat jarayonlaridagi ishtirokini istisno etadigan tizimni joriy etishga; 3. Semestr yakuni boʻyicha akademik qarzdor talabaning qayta topshirishi mumkin boʻlgan fanlar sonini (uchtagacha) belgilashga va ularni topshirish muddatini oʻzgartirishga. 2018-yil avgust Oliy va oʻrta maxsus taʼlim vazirligi, tasarrufida oliy taʼlim muassasalari mavjud vazirlik va idoralar 5. Oʻzbekiston Respublikasi oliy taʼlim muassasalari bitiruvchilarining yakuniy davlat attestatsiyasi toʻgʻrisidagi nizomga oʻzgartirish va qoʻshimchalar kiritish. 1. Bitiruvchilarning iqtidori va xohish-istaklarini inobatga olgan holda yakuniy davlat attestatsiyasini mutaxassislik fanlaridan (fanlararo) imtihon yoki bitiruv malakaviy ishini himoya qilish shakllarida oʻtkazishni tashkil etish. 2. Ayrim bitiruv malakaviy ishlarini ishlab chiqarish joylarida himoya qilish tizimini kuchaytirish mexanizmlarini ishlab chiqish. 3. Yakuniy davlat attestatsiyasi komissiyalarining tarkibiga mutaxassis tayyorlovchi oliy taʼlim muassasasining pedagog kadrlari bilan birga kadrlar buyurtmachilarini ham kiritish amaliyotini yaratish. 2018-yil noyabr Oliy va oʻrta maxsus taʼlim vazirligi, tasarrufida oliy taʼlim muassasalari mavjud vazirlik va idoralar 6. Magistratura toʻgʻrisidagi nizomni yangi tahrirda ishlab chiqish. 1. Loyihada asosiy eʼtiborni magistraturada mutaxassislar tayyorlashni ishlab chiqarish (amaliy) (kamida bir yil) va ilmiy-pedagogik (kamida ikki yil) yoʻnalishlarga ixtisoslashgan dasturlar asosida tashkil etishga qaratish. 2. Tegishli qaror loyihasini ishlab chiqish va tasdiqlash uchun Vazirlar Mahkamasiga kiritish. 2018-yil avgust Oliy va oʻrta maxsus taʼlim vazirligi, Iqtisodiyot vazirligi, Moliya vazirligi, tasarrufida oliy taʼlim muassasalari mavjud vazirlik va idoralar 7. Oʻquv yuklamalarini hisobga olgan holda professor-oʻqituvchilar “vaqt meʼyorlari”ning yangi mexanizmlarini ishlab chiqish va belgilangan tartibda tasdiqlash. 1. Professor-oʻqituvchilarning vaqtini oʻquv jarayoniga xos boʻlmagan ishlarga sarflashning oldini olish boʻyicha aniq mexanizmlarni yaratish. 2. Professor-oʻqituvchilarning vaqtini talabalar bilan koʻproq ishlashga yoʻnaltirish maqsadida “ustoz — shogird” tizimini joriy etish. 2018-yil avgust Oliy va oʻrta maxsus taʼlim vazirligi, tasarrufida oliy taʼlim muassasalari mavjud vazirlik va idoralar II. Oliy taʼlim muassasalarida taʼlim sifati va samaradorligini oshirish boʻyicha tashkiliy tadbirlar 8. Oliy taʼlim muassasalariga kirish imtihonlaridagi test savollarini tayyorlash uslublarini takomillashtirish. 1. Oliy taʼlim muassasalariga kirish imtihonlarini ishlab chiqish boʻyicha ilgʻor xorijiy tajribani oʻrganish. 2. Abituriyentni mantiqiy fikrlashga undaydigan test savollarini kiritish va uning ulushini koʻpaytirish. 3. Oliy taʼlim muassasalariga oʻqishga kirish uchun tayyorgarlik sifatini oshirish maqsadida abituriyentlarning foydalanishi uchun muntazam ravishda kirish imtihonlari savollari toʻplamini (axborotnomani) chop etish va hududlarga yetkazish, shu jumladan uning elektron shaklini DTMning rasmiy veb-saytiga doimiy ravishda joylashtirib borish. 2018-yil dekabr Doimiy ravishda Davlat test markazi, Oliy va oʻrta maxsus taʼlim vazirligi, Xalq taʼlimi vazirligi 9. Oliy taʼlim muassasalariga kirish imtihonlarini oʻtkazish jarayoni, shu jumladan uning ustidan nazoratni kuchaytirishning samarali usullarini joriy etish boʻyicha takliflar ishlab chiqish. 1. Xorijiy oliy taʼlim muassasalariga kirish imtihonlarini oʻtkazish jarayonini oʻrganish. 2. Oliy taʼlim muassasalariga kirish imtihonlari jarayonidagi belgilangan tartiblarni buzish amaliyotini tanqidiy tahlil qilish. 3. Oʻrganish natijalariga koʻra takliflar ishlab chiqish. 2018-yil sentabr Davlat test markazi, oliy taʼlim muassasalari 10. Oliy taʼlim muassasalari huzurida jamoatchilik kengashlari faoliyatini tashkil etish. 1. Oliy taʼlim muassasalari huzurida jamoatchilik kengashlari faoliyatini tashkil etish tartibi toʻgʻrisidagi nizomni qabul qilish. 2. Oliy taʼlim muassasalari huzurida jamoatchilik kengashlari tarkibini aniqlash va tasdiqlash. Bunda ota-onalar, Yoshlar ittifoqining oliy taʼlim muassasalaridagi faol aʼzolari, kadrlar buyurtmachilari, professor-oʻqituvchilar, hududdagi fuqarolik jamiyati institutlari, ommaviy axborot vositalari vakillarini jalb etishga eʼtibor qaratish. 2018-yil sentabr Oliy va oʻrta maxsus taʼlim vazirligi, tasarrufida oliy taʼlim muassasalari mavjud vazirlik va idoralar, oliy taʼlim muassasalari 11. Oliy taʼlim muassasalari faoliyatining sifati va raqobatbardoshligini taʼminlovchi xorijiy ilgʻor tizimlarni boshqaruv va taʼlim jarayoniga joriy etish boʻyicha takliflar ishlab chiqish. 1. “Benchmarking” (oliy taʼlim muassasalari faoliyatining komponentlari boʻyicha qiyosiy tahlil etish orqali muammolarga yechim topish), “Total quality management” (taʼlim sifatini oshirishning yalpi boshqaruvi), “blended learning” (yagona elektron tizim orqali taʼlimni amalga oshirishning talaba-pedagog muloqoti), “Tuning” (umumkasbiy va mutaxassislik kompetensiyalariga asoslangan taʼlim berish) kabi ilgʻor xorijiy taʼlim muassasalarida joriy etilgan tizimlarni oʻrganish. 2. Oʻrganish natijalariga koʻra tahliliy maʼlumot tayyorlash. 2019-yil aprel Oliy va oʻrta maxsus taʼlim vazirligi, Taʼlim sifatini nazorat qilish davlat inspeksiyasi 12. Taʼlim klassifikatsiyasining xalqaro standartini (MSKO–2011) milliy taʼlim tizimiga joriy etish masalasini oʻrganib chiqish va takliflar tayyorlash. 1. Taʼlim klassifikatsiyasining xalqaro standartini (MSKO–2011) milliy taʼlim tizimiga joriy etishni oʻrganish boʻyicha ishchi guruh tuzish. 2. Taʼlim klassifikatsiyasining xalqaro standarti (MSKO–2011) joriy etilgan xorijiy davlatlarning taʼlim tizimi sifatini oʻrganish va tahliliy maʼlumot tayyorlash. 2019-yil fevral Oliy va oʻrta maxsus taʼlim vazirligi, Bandlik va mehnat munosabatlari vazirligi, manfaatdor vazirlik va idoralar 13. Xorijiy davlatlarda taʼlim olganlik toʻgʻrisidagi hujjatlarni tan olish va nostrifikatsiyalash tartibini takomillashtirish, shu jumladan xalqaro tan olingan tashkilotlarning oliy taʼlim muassasalari reytingida yuqori koʻrsatkichga ega muassasalarning roʻyxatini kengaytirish boʻyicha takliflar tayyorlash. 1. Xorijiy davlatlarda taʼlim olganlik toʻgʻrisidagi hujjatlarni tan olish va nostrifikatsiyalash tartibini takomillashtirish boʻyicha ishchi guruh tuzish. 2. Xorijiy davlatlarda taʼlim olganlik toʻgʻrisidagi hujjatlarni tan olish va nostrifikatsiyalash tartibini takomillashtirish boʻyicha takliflarni ishlab chiqish va Vazirlar Mahkamasiga kiritish. 2018-yil sentabr Oliy va oʻrta maxsus taʼlim vazirligi, Taʼlim sifatini nazorat qilish davlat inspeksiyasi 14. Oliy va oʻrta maxsus taʼlim vazirligi tuzilmasida hamda oliy taʼlim muassasalarida tashkil etilishi belgilangan axborot xizmatining (matbuot kotibining) faoliyat nizomlarini tasdiqlash. 1. Oliy taʼlim muassasalarida matbuot kotibining toʻliq faoliyat yuritishini taʼminlash. 2. Oliy va oʻrta maxsus taʼlim vazirligi tuzilmasida hamda oliy taʼlim muassasalarida tashkil etilishi belgilangan axborot xizmatining (matbuot kotibining) nizomlarini ishlab chiqish va tasdiqlash. 2018-yil avgust Oliy va oʻrta maxsus taʼlim vazirligi, oliy taʼlim muassasalari 15. Oliy taʼlim muassasalarida stipendiyalarni tayinlashning amaldagi mexanizmlarini oʻrganish va ularni takomillashtirish yuzasidan takliflar tayyorlash. 1. Xorijiy oliy taʼlim muassasalarida stipendiyalarni tayinlash mexanizmlarini tahlil qilish. 2. Milliy amaliyot va xorijiy tajribani oʻrganish natijalari boʻyicha tahliliy maʼlumot tayyorlash. 2018-yil dekabr Oliy va oʻrta maxsus taʼlim vazirligi, Moliya vazirligi, Taʼlim sifatini nazorat qilish davlat inspeksiyasi 16. Talabalar kontrakt toʻlovlarining ish beruvchi korxonalar tomonidan amalga oshirilishining samarali mexanizmlarini ishlab chiqish. 1. Talabalar kontrakt toʻlovlarining ish beruvchi korxonalar tomonidan amalga oshirilishining amaldagi tartibini oʻrganish. 2. Ayrim toifadagi (kam taʼminlangan, iqtidorli va h.) talabalar kontrakt toʻlovlarining ish beruvchi korxonalar tomonidan amalga oshirilishini amaliyotga keng joriy qilish boʻyicha aniq takliflar ishlab chiqish. 2019-yil fevral Bandlik va mehnat munosabatlari vazirligi, Iqtisodiyot vazirligi, Oliy va oʻrta maxsus taʼlim vazirligi III. Mamlakatda amalga oshirilayotgan keng qamrovli islohotlarda oliy taʼlim muassasalarining ishtiroki hamda tashabbuskorligini oshirish 17. Mamlakatda amalga oshirilayotgan keng qamrovli islohotlarda oliy taʼlim muassasalarining ishtiroki hamda tashabbuskorligini oshirish boʻyicha tizimli ishlarni tashkil etish. 1. Mamlakatda amalga oshirilayotgan keng qamrovli islohotlarda har bir oliy taʼlim muassasasining ishtirokini oshirish boʻyicha chora-tadbirlar rejasini ishlab chiqish va tasdiqlash. 2. Islohotlarni amalga oshirishda oliy taʼlim muassasalarida tashabbuskorlikni kuchaytirishning aniq mexanizmlarini ishlab chiqish. 2018-yil iyun Oliy va oʻrta maxsus taʼlim vazirligi, tasarrufida oliy taʼlim muassasalari mavjud vazirlik va idoralar, oliy taʼlim muassasalari 18. Oliy taʼlim muassasalari tomonidan iqtisodiyot tarmoqlari va ijtimoiy sohalarni rivojlantirishga qaratilgan takliflarning kiritib borilishini yoʻlga qoʻyish. 1. Har bir oliy taʼlim muassasasi tomonidan iqtisodiyot tarmoqlari va ijtimoiy sohalar tashkilotlari bilan birgalikda tegishli soha va tarmoqlarni rivojlantirishga qaratilgan takliflarni ishlab chiqish boʻyicha tashabbuskor guruhlarni shakllantirish. 2. Tashabbuskor guruhlarning aniq vazifalarini belgilash, ish rejalarini tasdiqlash hamda ularning samarali faoliyat koʻrsatishlari uchun tegishli sharoitlar yaratish. 2018-yil iyun 2018-yil avgust Oliy taʼlim muassasalari 19. Oliy taʼlim muassasalarining hududlarni, iqtisodiyot tarmoqlari va ijtimoiy sohalarni jadal rivojlantirishga qaratilgan normativ-huquqiy hujjatlar va dasturlar loyihalarining keng muhokamasida faol ishtirok etishini taʼminlash. 1. Barcha soha va tarmoqlarni rivojlantirishga qaratilgan normativ-huquqiy hujjatlar va dasturlar loyihalarini ishlab chiqishda Oʻzbekiston Respublikasi Prezidenti Administratsiyasi, Oliy Majlisi, Vazirlar Mahkamasi, vazirlik va idoralar huzurida tashkil etilayotgan ishchi guruhlar hamda ekspert-tahliliy guruhlar tarkibiga oliy taʼlim muassasalarining professor-oʻqituvchilari va yosh olimlarini kiritish choralarini koʻrish. 2. Tegishli soha va tarmoqlarni rivojlantirishga qaratilgan normativ-huquqiy hujjatlar va dasturlar loyihalari bilan professor-oʻqituvchilar va talabalarni muntazam ravishda tanishtirib borish mexanizmlarini takomillashtirish. 3. Tegishli soha va tarmoqlarni rivojlantirishga qaratilgan normativ-huquqiy hujjatlar va dasturlar loyihalari boʻyicha professor-oʻqituvchilar va talabalar oʻrtasida muhokamalar tashkil etish hamda ishlab chiqilgan takliflarni tegishliligi boʻyicha taqdim etib borish. Doimiy ravishda Oʻzbekiston Respublikasi Prezidenti Administratsiyasi, Oliy Majlisi palatalari (kelishuv boʻyicha), Vazirlar Mahkamasi, manfaatdor vazirlik va idoralar, oliy taʼlim muassasalari 20. Oliy taʼlim muassasalari tomonidan davlat va jamiyat hayotining barcha sohalarida mavjud muammo va kamchiliklarni tizimli oʻrganish hamda tahlil qilish. 1. Oliy taʼlim muassasalari tomonidan davlat va jamiyat hayotining tegishli sohalarida mavjud muammo va kamchiliklarni tizimli oʻrganish mexanizmini ishlab chiqish. 2. Mavjud muammo va kamchiliklarni tizimli oʻrganish asosida tegishli tahliliy materiallar tayyorlab borish. 2018-yil iyul Doimiy ravishda Oliy taʼlim muassasalari IV. Davlat va jamiyat hayotida yuz berayotgan oʻzgarishlar va sohalarda amalga oshirilayotgan tub islohotlarning mazmuni va mohiyatini oliy taʼlim muassasalari tomonidan televideniye va boshqa ommaviy axborot vositalari orqali keng aholi eʼtiboriga yetkazish 21. Televideniye, radio, gazeta va jurnallar, Internetdagi ijtimoiy tarmoqlar hamda faol veb-saytlar orqali mamlakatda amalga oshirilayotgan keng qamrovli islohotlarning mazmuni va mohiyatini tushuntirish yuzasidan chiqishlar tashkil etish. 1. Har bir soha kesimida normativ-huquqiy hujjatlarning mazmuni va mohiyatini yoritib bera olish salohiyatiga ega boʻlgan olimlar va professor-oʻqituvchilar roʻyxatini shakllantirish. 2. Mamlakatda amalga oshirilayotgan keng qamrovli islohotlar yuzasidan Oʻzbekiston Respublikasi Oliy va oʻrta maxsus taʼlim vazirligi, tasarrufida oliy taʼlim muassasalari mavjud vazirlik va idoralarning ommaviy axborot vositalarida chiqishlarni tashkil etish boʻyicha yillik reja-grafigini ishlab chiqish va tasdiqlash. 3. Yillik reja-grafik asosida mamlakatda amalga oshirilayotgan keng qamrovli islohotlarning mazmuni va mohiyatini keng yoritish boʻyicha koʻrsatuvlar, eshittirishlar uyushtirish va maqolalar chop etish. 2018-yil iyun 2018-yil iyun Reja-grafik asosida Oliy va oʻrta maxsus taʼlim vazirligi, tasarrufida oliy taʼlim muassasalari mavjud vazirlik va idoralar, MTRK, MAA, oliy taʼlim muassasalari 22. “Oʻzbekiston 24” telekanalida oliy taʼlim muassasalari vakillari uchun “Professor-oʻqituvchilar va talabalar fikri” nomli koʻrsatuvni tashkil etish va unda davlat va jamiyat hayotida yuz berayotgan oʻzgarishlar va sohalarda amalga oshirilayotgan tub islohotlarning mazmuni va mohiyatini yoritib borish. 1. “Oʻzbekiston 24” telekanalida oliy taʼlim muassasalari vakillari uchun “Professor-oʻqituvchilar va talabalar fikri” nomli koʻrsatuvni tashkil etish boʻyicha tashkiliy choralar koʻrish. 2. “Professor-oʻqituvchilar va talabalar fikri” nomli koʻrsatuvda oliy taʼlim muassasalari vakillarining chiqishlarini tashkil etish rejasini ishlab chiqish va tasdiqlash. 3. “Professor-oʻqituvchilar va talabalar fikri” nomli koʻrsatuvda oliy taʼlim muassasalarida faoliyat olib borayotgan professor-oʻqituvchilar, talabalar, ekspertlar hamda tegishli soha mutaxassislari ishtirokini taʼminlash. 2018-yil avgust 2018-yil avgust Doimiy ravishda MTRK, Oliy va oʻrta maxsus taʼlim vazirligi, tasarrufida oliy taʼlim muassasalari mavjud vazirlik va idoralar, oliy taʼlim muassasalari 23. Oliy va oʻrta maxsus taʼlim vazirligi huzuridagi Maʼnaviyat va maʼrifat markazida “Press-klub” tashkil etish va unda islohotlar mazmunini yoritishga doir koʻrsatuv va ijtimoiy roliklar tayyorlab, televideniye va Internet orqali jamoatchilik eʼtiboriga havola qilib borish. 1. Oliy va oʻrta maxsus taʼlim vazirligi huzuridagi Maʼnaviyat va maʼrifat markazida “Press-klub” uchun joy ajratish va uni zarur jihozlar bilan taʼminlash. 2. Tashkil etilgan “Press-klub”ning media-rejasini ishlab chiqish va tasdiqlash. 3. “Press-klub” tomonidan tayyorlangan media mahsulotlarni Internet orqali doimiy, televideniye orqali reja asosida berib borish. 2018-yil sentabr 2018-yil sentabr Doimiy ravishda Oliy va oʻrta maxsus taʼlim vazirligi, MTRK, Moliya �azirligi, oliy taʼlim muassasalari 24. “Maʼrifat”, “Uchitel Uzbekistana”, “Yoshlar ovozi”, “Molodej Uzbekistana” va boshqa gazetalarda hamda Oliy va oʻrta maxsus taʼlim vazirligining rasmiy veb-saytida “Islohotlar oliy taʼlim muassasalari nigohida” ruknini ochish va unda oliy taʼlim muassasalari vakillarining islohotlarga munosabatini berib borish. 1. “Maʼrifat”, “Uchitel Uzbekistana”, “Yoshlar ovozi”, “Molodej Uzbekistana” va boshqa gazetalarda hamda Oliy va oʻrta maxsus taʼlim vazirligining rasmiy veb-saytida “Islohotlar oliy taʼlim muassasalari nigohida” ruknini ochish. 2. “Islohotlar oliy taʼlim muassasalari nigohida” rukniga qoʻyiladigan talablarni ishlab chiqish. 3. “Islohotlar oliy taʼlim muassasalari nigohida” rukniga doimiy ravishda oliy taʼlim muassasalarining professor-oʻqituvchilari, yosh olimlar va talabalarning maqolalari berib borilishini taʼminlash. 2018-yil iyul 2018-yil iyul Doimiy ravishda Oliy va oʻrta maxsus taʼlim vazirligi, Matbuot va axborot agentligi, MAA, oliy taʼlim muassasalari 25. Qabul qilinayotgan normativ-huquqiy hujjatlarning mazmuni va mohiyatini tushuntirish boʻyicha oliy taʼlim muassasalarining vakillari ishtirokida press-konferensiyalar oʻtkazib borish. 1. Press-konferensiyalarni oʻtkazish reja-grafigini ishlab chiqish. 2. Reja-grafik asosida press-konferensiyalarni oʻtkazish hamda ularda ommaviy axborot vositalari vakillarining keng ishtirokini taʼminlash. 3. Press-konferensiyalarga tegishliligi boʻyicha soha mutaxassislari, olimlar va professor-oʻqituvchilarni jalb etish. 2018-yil iyul Reja-grafik asosida Milliy matbuot markazi, MAA, MTRK,Oliy va oʻrta maxsus taʼlim vazirligi, oliy taʼlim muassasalari 26. Oliy taʼlim tizimida amalga oshirilayotgan islohotlarning mazmuni va mohiyatini aholi, ayniqsa yoshlarga yetkazishga qaratilgan koʻrsatuvlar tashkil etish. 1. Oliy taʼlim tizimida amalga oshirilayotgan islohotlarning mazmuni va mohiyatini aholi, ayniqsa yoshlarga yetkazishga qaratilgan koʻrsatuvlar media-rejasini ishlab chiqish. 2. Media-reja asosida koʻrsatuvlarni tashkil etib borish. 2018-yil iyul Media-reja asosida Oliy va oʻrta maxsus taʼlim vazirligi, MTRK V. Oliy taʼlim muassasalari professor-oʻqituvchilari, yosh olimlar va talabalarning ilmiy-tadqiqot natijalari va innovatsion ishlanmalarini amaliyotga joriy etish tizimini samarali tashkil etish 27. Oliy taʼlim muassasalari talabalarini ilmiy faoliyatga yoʻnaltirish va ularda innovatsion fikrlashni shakllantirish. Chora-tadbirlar dasturi loyihasini ishlab chiqish, unda quyidagilarni nazarda tutish: 1. Yangi gʻoya va tashabbuslarni shakllantirish maqsadida har bir oliy taʼlim muassasasida “Yosh ekspertlar guruhi”ni tashkil etish. 2. Oʻquv mashgʻulotlarini talabalarni innovatsion fikrlashga yoʻnaltiradigan oʻqitish texnologiyalari va interfaol uslublarni joriy etish asosida tashkil etish, talabalarning bilimini baholash tizimini qayta koʻrib chiqish, asosiy eʼtiborni ularning dars mashgʻulotlarida yangilik taklif qilish qobiliyatiga qaratish. 3. Har bir oliy taʼlim muassasasida 1-kurs davomida saralab olingan eng iqtidorli talabalar uchun alohida guruhlar tashkil etish (mazkur guruhlardagi talabalar soni oliy taʼlim muassasasi tomonidan belgilanadi), 2-kursdan ularni oʻqitishni alohida oʻquv reja va dasturlar asosida amalga oshirish, ushbu toifadagi talabalarni magistraturaga maqsadli qabul qilish va bu orqali oliy taʼlim muassasalari kafedralari uchun malakali kadrlar tayyorlash tizimini joriy etish. 2018-yil avgust Oliy va oʻrta maxsus taʼlim vazirligi, tasarrufida oliy taʼlim muassasalari mavjud vazirlik va idoralar 28. Oliy taʼlim muassasalari professor-oʻqituvchilari, yosh olimlar va talabalarning ilmiy izlanishlari natijalari va innovatsion ishlanmalarini amaliyotga joriy etishga yoʻnaltirish. 1. Oliy taʼlim muassasalari professor-oʻqituvchilari, yosh olimlar va talabalarning ilmiy izlanishlarini iqtisodiyot tarmoqlari va ijtimoiy sohalarning ilmiy-texnik muammolari asosida tashkil etish. 2. Oliy taʼlim muassasalari professor-oʻqituvchilari, yosh olimlar va talabalarning innovatsion ishlanmalarini amaliyotga joriy etish choralarini koʻrish. Doimiy ravishda Oliy taʼlim muassasalari 29. Innovatsion va texnologik gʻoyalarni har tomonlama rivojlantirish uchun zarur shart-sharoitlar yaratish, oliy taʼlim muassasalari professor-oʻqituvchilari, yosh olimlar va talabalarning innovatsion texnologiyalarni yaratish borasidagi tashabbuskorligini oshirish yuzasidan tizimli ishlarni tashkil etish. 1. Innovatsion va texnologik gʻoyalar yaratilishini har tomonlama rivojlantirish uchun zarur shart-sharoitlar yaratish. 2. Oliy taʼlim muassasalari professor-oʻqituvchilari, yosh olimlar va talabalarning innovatsion texnologiyalarni yaratish borasidagi tashabbuskorligini oshirish yuzasidan oliy taʼlim muassasalarining chora-tadbirlari rejasini ishlab chiqish. 2018-yil iyul Innovatsion rivojlanish vazirligi, Oliy va oʻrta maxsus taʼlim vazirligi, tasarrufida oliy taʼlim muassasalari mavjud vazirlik va idoralar, oliy taʼlim muassasalari 30. Yoshlarning innovatsion gʻoya va tashabbuslarini har tomonlama qoʻllab-quvvatlash, ularning faoliyati natijalarini ragʻbatlantirish choralarini koʻrish. 1. Yosh olimlar va talabalarga hamda tashabbuskor fuqarolarga mamlakatda innovatsion gʻoya va texnologiyalarni rivojlantirishga qoʻshgan munosib hissasi uchun topshiriladigan “Innovatsion gʻoyalar yetakchisi” koʻkrak nishoni toʻgʻrisidagi nizomni ishlab chiqish. 2. Yosh olimlar va talabalar oʻrtasida har yili innovatsion gʻoya va tashabbuslar tanlovini oʻtkazib borish va gʻoliblarni taqdirlashni tashkil etish. 2018-yil avgust Har yili may oyida Innovatsion rivojlanish vazirligi, Oʻzbekiston yoshlar ittifoqi, Oliy va oʻrta maxsus taʼlim vazirligi, tasarrufida oliy taʼlim muassasalari mavjud vazirlik va idoralar 31. Iqtisodiyot tarmoqlari va ijtimoiy sohalarning ilmiy-amaliy muammolariga bagʻishlangan seminar, uchrashuv va davra suhbatlari uyushtirish, oliy taʼlim muassasalari ilmiy salohiyatini dolzarb muammolarga yoʻnaltirish. 1. Oliy taʼlim muassasalarining iqtisodiyot tarmoqlari va ijtimoiy soha tashkilotlari rahbarlari, yetakchi mutaxassislari, faol tadbirkorlar bilan dolzarb ilmiy masalalarda seminar, uchrashuv va davra suhbatlarini oʻtkazish rejasini ishlab chiqish va tasdiqlash. 2. Oliy taʼlim muassasalarida doktorlik va magistrlik dissertatsiyalari, bitiruv malakaviy ishlarini iqtisodiyot tarmoqlari va ijtimoiy sohalarning ilmiy-amaliy muammolari mavzularida bajarilishini yoʻlga qoʻyish. 2018-yil sentabr Oliy taʼlim muassasalari VI. Oliy taʼlim muassasalari rahbariyatining mamlakatni isloh qilish jarayonida faol ishtirok etish borasidagi masʼuliyatini oshirish 32. Oliy taʼlim muassasalari rahbariyatining mamlakatni isloh qilish jarayonida faol ishtirok etish borasidagi masʼuliyatini oshirish yuzasidan chora-tadbirlarni belgilash. 1. Oliy taʼlim muassasasining har bir rektori va prorektori uchun ushbu yoʻnalishda alohida “Yoʻl xaritalari”ni ishlab chiqish va tasdiqlash. 2. Tasdiqlangan “Yoʻl xaritalari”da belgilangan vazifalarning ijrosini nazorat qilish. 2018-yil iyun Doimiy ravishda Oliy va oʻrta maxsus taʼlim vazirligi, tasarrufida oliy taʼlim muassasalari mavjud vazirlik va idoralar, oliy taʼlim muassasalari 33. Oliy taʼlim muassasalarining iqtisodiyot tarmoqlari va ijtimoiy sohalarni isloh qilish jarayonida amalga oshirgan ishlari natijadorligi hamda ular tomonidan ishlab chiqilgan innovatsion gʻoya va takliflarning amaliyotga joriy etilganligi asosida ushbu muassasalar rahbariyati faoliyatini baholashni yoʻlga qoʻyish. 1. Oliy taʼlim muassasalari rahbariyati faoliyatini baholash mezonlarini ishlab chiqish va tasdiqlash. 2. Ishlab chiqilgan baholash mezonlari asosida oliy taʼlim muassasalarining iqtisodiyot tarmoqlari va ijtimoiy sohalarni isloh qilish jarayonida amalga oshirgan ishlari natijadorligini baholab borish. 2018-yil avgust Doimiy ravishda Oliy va oʻrta maxsus taʼlim vazirligi, tasarrufida oliy taʼlim muassasalari mavjud vazirlik va idoralar, Innovatsion rivojlanish vazirligi 34. Oliy taʼlim muassasalari rahbar kadrlarida innovatsion kompetentlikni shakllantirish va rivojlantirish. Oliy taʼlim muassasalari rahbar kadrlarining malakasini oshirish kurslari oʻquv rejalariga innovatsion kompetentlikni shakllantirish va rivojlantirishga qaratilgan mavzularni kiritish. 2018-yil sentabr Oliy va oʻrta maxsus taʼlim vazirligi