Vazirlar Mahkamasining 1994-yil 20-iyundagi 309-son qaroriga oʻzgartirishlar kiritish toʻgʻrisida (40-son)

26.01.1996

Oʻzbekiston Respublikasi Vazirlar Mahkamasining

qarori

Respublikada tamaki bargi xarid qilish va uni fermintatsiyalashni tartibga solish maqsadida Vazirlar Mahkamasi qaror qiladi:

1. Oʻzbekiston Respublikasi Vazirlar Mahkamasining “OʻZBAT A.J.” Oʻzbekiston—Britaniya qoʻshma korxonasini tashkil etish toʻgʻrisida” 1994-yil 20-iyundagi 309-son qaroriga quyidagi oʻzgartirishlar kiritilsin:

12-bandning ikkinchi xatboshi oʻz kuchini yoʻqotgan deb hisoblansin;

qarorga quyidagi mazmundagi 13-band qoʻshilsin:

“1996-yildan boshlab, investitsiya dasturini amalga oshirish davrida “Oziqovqatsanoat” uyushmasining “Narziya” aksionerlik jamiyatiga tovar yetishtiruvchilardan har yili 9,6 ming tonna tamaki bargi xarid qilish yuzasidan kvota berilsin”;

qarorning 13 va 14-bandlari tegishli ravishda 14 va 15-bandlar deb hisoblansin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari I.H. Joʻrabekov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

1996-yil 26-yanvar,

40-son