Toshkent shahridagi baʼzi geografik obyektlarga nom berish va ularning nomlarini oʻzgartirish toʻgʻrisida (309/36-5-son)

03.05.2018

Xalq deputatlari Toshkent shahar Kengashining

Qarori

“Geografik obyektlarning nomlari toʻgʻrisida”gi Oʻzbekiston Respublikasi Qonunining 10-moddasi (“Oʻzbekiston Respublikasi qonun hujjatlari toʻplami”, 2011-y, 41-son, 448-modda), Oʻzbekiston Respublikasi Vazirlar Mahkamasining 2012-yil 16-oktabrdagi ““Geografik obyektlarning nomlari toʻgʻrisida”gi Oʻzbekiston Respublikasi qonuniga muvofiq geografik obyektlarning nomlari sohasidagi ishlarni tartibga solish chora-tadbirlari haqida”gi 295-sonli (“Oʻzbekiston Respublikasi qonun hujjatlari toʻplami”, 2012-y, 41-42-son, 483-modda) qarori, Toshkent shahar hokimining 2012-yil 24-oktabrdagi 845-sonli qarori, Oʻzbekiston Respublikasi Prezidentining 2018-yil 26-aprel kuni boʻlib oʻtgan videoselektor yigʻilishida bergan takliflari, Oʻzbekiston Respublikasi Vazirlar Mahkamasining 2018-yil 2-fevraldagi 01-05/121-1-sonli yigʻilish bayoniga muvofiq, Geografik obyektlarni nomlash va qayta nomlash masalalari boʻyicha Toshkent shahar komissiyasining xulosasiga asosan, xalq deputatlari Toshkent shahar Kengashi qaror qiladi:

1. Geografik obyektlarni nomlash va qayta nomlash masalalari boʻyicha shahar komissiyasining baʼzi geografik obyektlar nomlarini tartibga keltirish toʻgʻrisidagi takliflari maʼqullansin.

2. Nom berilgan va nomlari oʻzgargan Toshkent shahridagi baʼzi geografik obyektlar roʻyxati ilovaga muvofiq tasdiqlansin.

3. Yer resurslari va davlat kadastri boshqarmasi (G. Rasulov), Obodonlashtirish bosh boshqarmasi (A. Karimov), Ichki ishlar bosh boshqarmasi (R. Joʻrayev), tuman hokimliklari, hokimlik tizimidagi boshqarma, tashkilot va muassasalar:

Baʼzi geografik obyektlarga yangi nomlar berilishi va nomlari oʻzgartirilishi munosabati bilan tegishli ishlarni amalga oshirish yuzasidan bir oylik muddatda belgilangan tartibda zarur choralar koʻrilsin hamda hujjatlarga tegishli oʻzgartirishlar kiritilsin.

4. “Toshkent oqshomi” va “Vecherniy Tashkent” gazetalari tahririyati (A. Akromov), Toshkent shahar hokimligi Axborot xizmati (X. Ergashev), “Kompyuterlashtirish markazi” DUK (M. Asomov), mazkur qaror rasmiy eʼlon qilinishini va www.toshkent.uz veb-saytiga joylashtirilishini taʼminlasin.

5. Mazkur qaror rasmiy eʼlon qilingan kundan eʼtiboran kuchga kiradi.

6. Ushbu qarorning ijrosini nazorat qilish xalq deputatlari Toshkent shahar Kengashining ijtimoiy-madaniy rivojlanish masalalari boʻyicha doimiy komissiyasi zimmasiga yuklatilsin.

Xalq deputatlari Toshkent shahar Kengashi sessiyasi raisi X. BABAXANOV

Toshkent sh.,

2018-yil 3-may,

309/36-5-son

Xalq deputatlari Toshkent shahar Kengashining 2018-yil 3-maydagi 309/36-5-sonli qaroriga ILOVA

Nom berilgan va nomlari oʻzgargan Toshkent shahridagi baʼzi geografik obyektlar roʻyxati

T/p Joyning hozirgi nomi Joyning yangi nomi Izoh 1. “Istiqlol” sanʼat saroyi Xalqlar Doʻstligi saroyi Saroyning avvalgi nomini tiklash maqsadida. Chilonzor tumani 2. “Istiqlol” sanʼat saroyi old maydoni Xalqlar Doʻstligi maydoni Maydon nomini saroy nomi bilan uygʻunlashtirish maqsadida. Chilonzor tumani 3. “Bunyodkor” metro bekati Xalqlar Doʻstligi metro bekati Metro bekatining avvalgi nomini tiklash maqsadida. Chilonzor va Shayxontoxur tumani 4. Toshkoʻcha koʻchasi Shoahmad Shomahmudov koʻchasi Ikkinchi jahon urushi davrida yuksak insoniy fazilatlarni namoyon etgan shaxs. Koʻchaning avvalgi nomini tiklash maqsadida. Shayxontohur tumani, “Obinazir” va “Jarariq” mahallasi 5. Yangi Baynalminal koʻchasi Seul koʻchasi Vazirlar Mahkamasining 2018-yil 2-fevraldagi 01-05/121-1-sonli yigʻilish bayoni asosida. Chilonzor tumani