“Mudofaa majmui va huquqni muhofaza qilish organlari muassasalari va tashkilotlarining budjet xarajatlari va boshqa maxfiy xaraktyerga ega boʻlgan budjet xarajatlarning gʻazna ijrosi tartibi haqidagi nizomni tasdiqlash toʻgʻrisida”gi buyruqqa oʻzgartirish va qoʻshimchalar kiritish haqida (1941-1-son)

15.05.2018

Oʻzbekiston Respublikasi Moliya vazirining

buyrugʻi

[Oʻzbekiston Respublikasi Adliya vazirligi tomonidan 2018-yil 15-mayda roʻyxatdan oʻtkazildi, roʻyxat raqami 1941-1]

Oʻzbekiston Respublikasining Budjet kodeksi, Oʻzbekiston Respublikasi Prezidentining 2007-yil 28-fevraldagi PQ-594-son “Davlat budjetining gʻazna ijrosi tizimini yanada rivojlantirish chora-tadbirlari toʻgʻrisida”gi qarori va Oʻzbekiston Respublikasi Vazirlar Mahkamasining 2007-yil 20-martdagi 53-son “Oʻzbekiston Respublikasi Moliya vazirligining Gʻaznachiligi toʻgʻrisidagi nizomni tasdiqlash haqida”gi qaroriga muvofiq buyuraman:

1. Oʻzbekiston Respublikasi moliya vazirining 2008-yil 24-noyabrdagi 110-son “Mudofaa majmui va huquqni muhofaza qilish organlari muassasalari va tashkilotlarining budjet xarajatlari va boshqa maxfiy xaraktyerga ega boʻlgan budjet xarajatlarning gʻazna ijrosi tartibi haqidagi nizomni tasdiqlash toʻgʻrisida”gi buyrugʻiga (roʻyxat raqami 1941, 2009-yil 16-aprel) (Oʻzbekiston Respublikasi qonun hujjatlari toʻplami. 2009-y., 16-son, 206-modda) ilovaga muvofiq oʻzgartirish va qoʻshimchalar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

Vazir D. KUChKAROV

Toshkent sh.,

2018-yil 4-aprel,

70-son

Oʻzbekiston Respublikasi moliya vazirining 2018-yil 4-apreldagi 70-son buyrugʻiga ILOVA

Mudofaa majmui va huquqni muhofaza qilish organlari muassasalari va tashkilotlarining budjet xarajatlari va boshqa maxfiy xaraktyerga ega boʻlgan budjet xarajatlarning gʻazna ijrosi tartibi haqida nizomga kiritilayotgan oʻzgartirish va qoʻshimchalar

1. Buyruqda:

1) nomidan va 1-banddan “budjet” degan soʻz chiqarib tashlansin;

2) muqaddima quyidagi tahrirda bayon etilsin:

“Oʻzbekiston Respublikasining Budjet kodeksi va Oʻzbekiston Respublikasi Prezidentining 2007-yil 28-fevraldagi PQ-594-son “Davlat budjetining gʻazna ijrosi tizimini yanada rivojlantirish chora-tadbirlari toʻgʻrisida”gi qaroriga asosan buyuraman:”;

2. Nizomda:

1) nomidan “budjet” degan soʻz chiqarib tashlansin;

2) muqaddima quyidagi tahrirda bayon etilsin:

“Mazkur Nizom Oʻzbekiston Respublikasining Budjet kodeksi va Oʻzbekiston Respublikasi Prezidentining 2007-yil 28-fevraldagi PQ-594-son “Davlat budjetining gʻazna ijrosi tizimini yanada rivojlantirish chora-tadbirlari toʻgʻrisida”gi qaroriga muvofiq Oʻzbekiston Respublikasi Mudofaa vazirligi, Ichki ishlar vazirligi va Favqulodda vaziyatlar vazirligi, Oʻzbekiston Respublikasi Davlat bojxona qoʻmitasi, Vazirlar Mahkamasi huzuridagi Davlat zaxiralarini boshqarish qoʻmitasi korxonalari, tashkilotlari, muassasalari hamda harbiy qismlari xarajatlari, shuningdek maxfiy xususiyatga ega xarajatlari boʻlgan boshqa budjet tashkilotlarining (keyingi oʻrinlarda — budjet tashkilotlari) maxfiy xarajatlarning gʻazna ijrosi tartibini belgilaydi.”;

3) 1-banddagi “Budjetdan mablagʻ oluvchilarning tovar (ish, xizmat)lar yetkazib beruvchilar (keyingi oʻrinlarda — mol yetkazib beruvchilar) bilan shartnomalarini roʻyxatga olish” degan soʻzlar “Budjet tashkilotlarining tovar (ish, xizmat)lar yetkazib beruvchilar (keyingi oʻrinlarda — mol yetkazib beruvchilar) bilan shartnomalarini roʻyxatga olish (hisobga olish)” degan soʻzlar bilan almashtirilsin;

4) 2-bandda:

birinchi xatboshidagi “gʻaznachilik boʻlinmalari va budjetdan mablagʻ oluvchilarning” degan soʻzlar “gʻaznachilik boʻlinmalari, budjet tashkilotlarining” degan soʻzlar bilan almashtirilsin;

ikkinchi xatboshidagi “Budjetdan mablagʻ oluvchilar” degan soʻzlar “Budjet tashkilotlari” degan soʻzlar bilan almashtirilsin;

5) 3 va 13-bandlardagi “budjetdan mablagʻ oluvchilar” degan soʻzlar “budjet tashkilotlari” degan soʻzlar bilan almashtirilsin;

6) 4-band quyidagi tahrirda bayon etilsin:

“4. Budjet tashkilotlarining maxfiy xaraktyerga ega boʻlgan xarajatlari Moliya vazirligining Yagona gʻazna hisobvaragʻidan (keyingi oʻrinlarda — YaGʻH) mazkur Nizom talablari doirasida toʻlanadi.

Bunda budjet tashkilotlarining ish haqi va unga tenglashtirilgan mablagʻlarini naqd pulda olish uchun ularning tegishli banklardagi 23404, 23432, 23430, 23426 balans hisobvaraqlaridan foydalaniladi.”;

7) quyidagi mazmundagi 41 — 44-bandlar bilan toʻldirilsin:

“41. Budjet tashkilotlari 23404, 23432, 23430, 23426 balans hisobvaraqlaridan majburiy toʻlovlarni amalga oshirish va naqd pul mablagʻlari olish uchun tegishli bankka toʻlov hujjati va chek taqdim qilish yoʻli bilan mablagʻlarni tasarruf qiladilar.

Bunda ushbu hisobvaraqlarda ishlatilmagan mablagʻlar moliya yili mobaynida YaGʻHga qaytarilishi lozim.

42. YaGʻHdan xarajatlar Davlat budjeti xarajatlarining iqtisodiy tasnifi 4821190 xarajatlar moddasida aks ettirish orqali amalga oshiriladi.

Bunda budjet tashkilotlari xarajatlarining gʻazna ijrosi nazorati Davlat budjeti xarajatlarining iqtisodiy tasnifiga muvofiq tuzilgan xarajatlar smetasining choraklik ajratilgan mablagʻlari doirasida alohida axborot tizimda amalga oshiriladi.

43. Budjet tashkilotlari toʻlovlarni amalga oshirish uchun Oʻzbekiston Respublikasi budjet tizimi budjetlarining gʻazna ijrosi qoidalarida (roʻyxat raqami 2850, 2016-yil 22-dekabr) belgilangan tartibda gʻaznachilik boʻlinmalariga imzolar namunalari va muhr izi kartochkasi taqdim etadilar.

44. Moliya yiliga qoʻshimcha davrda va joriy moliya yilida oʻtgan moliya yilining kreditor qarzdorliklarini toʻlash Oʻzbekiston Respublikasi budjet tizimi budjetlarining gʻazna ijrosi qoidalarida (roʻyxat raqami 2850, 2016-yil 22-dekabr) belgilangan tartibda amalga oshiriladi.”;

8) 5, 6, 7, 10, 14, 19, 21, 34, 35, 36, 38, 40, 41, 42, 49, 62, 66 — 77, 80 — 85-bandlar, III bob, 4 va 5-ilovalar oʻz kuchini yoʻqotgan deb topilsin;

9) II bob nomidagi “Budjetdan mablagʻ oluvchilar” degan soʻzlar “Budjet tashkilotlari” degan soʻzlar bilan almashtirilsin;

10) 8 va 9-bandlar quyidagi tahrirda bayon etilsin:

“8. Budjet tashkilotlari yoki moliya organlari tomonidan tegishli moliya organlarida oʻrnatilgan tartibda roʻyxatga olingan yakka tartibdagi va umumiy xarajatlar smetasi hamda ularga oʻzgartirishlar gʻaznachilik boʻlinmalariga taqdim etiladi.

Bunda moliya organlari tomonidan taqdim qilingan xarajatlar smetasiga oʻzgartirishlar nazorati gʻaznachilik boʻlinmalari tomonidan choraklik ajratilgan mablagʻlar doirasida amalga oshiriladi.

9. Gʻaznachilik boʻlinmalari tomonidan yuridik majburiyatlarni roʻyxatga olish (hisobga olish) va kassa xarajatlarini amalga oshirish faqat ularga budjet tashkilotlari xarajatlar smetalarini taqdim qilgandan soʻng amalga oshirilishi mumkin.”;

11) 12-band quyidagi tahrirda bayon etilsin:

“12. Gʻaznachilik boʻlinmalari budjet tashkilotlarining mol yetkazib beruvchilar bilan shartnomalar tuzishi va ular tomonidan Davlat budjeti xarajatlarining iqtisodiy tasnifining tegishli moddalari boʻyicha kreditorlik qarzlarni hisobga olgan holda, xarajatlar smetasida ajratilgan choraklik mablagʻlar doirasida amalga oshirilishi ustidan nazorat qiladi.”;

12) 15-banddagi “budjetdan mablagʻ oluvchilarning” va “budjetdan mablagʻ oluvchilar” degan soʻzlar tegishlicha “budjet tashkilotlarining” va “budjet tashkilotlari” degan soʻzlar bilan almashtirilsin;

13) 16 — 18-bandlar quyidagi tahrirda bayon etilsin:

“16. Qabul qilingan yuridik majburiyatlarning ajratilgan mablagʻlar summasidan, shuningdek kassa xarajatlarining aniqlangan mablagʻlari summasidan ortiqcha amalga oshirilishiga olib keladigan miqdorda mablagʻlarini kamaytirishga yoʻl qoʻyilmaydi.

Shu bilan birga, ajratiladigan mablagʻlarining kamaytirilishi tomonlar yuridik majburiyatini oʻzaro kamaytirgan holda amalga oshirilishi mumkin.

Ajratilgan mablagʻlar koʻpaytirilgandan soʻng, budjet tashkilotlari va ularning mol yetkazib beruvchilari oʻrtasida tuzilgan xoʻjalik shartnomalariga tomonlarning yuridik majburiyatlari aynan bir xilda koʻpaytirilishini koʻzda tutadigan oʻzgartirishlar kiritish mumkin.

17. Budjet tashkilotlari tashabbusi bilan xarajatlar smetalariga kiritilayotgan kamaytirishlarning gʻaznachilik boʻlinmalari bilan kelishuvi quyidagi tartibda amalga oshiriladi:

1) budjet tashkiloti tegishli xat bilan xizmat koʻrsatuvchi gʻaznachilik boʻlinmasiga xarajatlar smetasiga oʻzgartirish soʻrovini (keyingi oʻrinlarda — soʻrov) taqdim qiladi;

2) gʻaznachilik boʻlinmasi:

tuzilgan va roʻyxatga olingan (hisobga olingan) shartnomalar (kassa xarajatlari) summalarini taklif qilinayotgan aniqliklarni hisobga olgan holda aniqlangan (taklif qilinayotgan) mablagʻlar summalaridan oshmaganligi boʻyicha soʻrovni tekshiradi;

kamaytirish rejalashtirilayotgan mablagʻlar boʻyicha budjet tashkilotining tegishli xarajatlar moddalari boʻyicha yuridik majburiyatlarni roʻyxatga olish (hisobga olish) va xarajatlar toʻlovlarini amalga oshirishni vakolatli organ tomonidan budjet tashkilotining xarajatlar smetasiga oʻzgartirishlar kiritish toʻgʻrisidagi tegishli qarori qabul qilingunga qadar (kamaytirish koʻzlanayotgan summalar qismida), toʻxtatib qoʻyadi;

bir ish kunidan oshmagan muddatda soʻrovga “KELIShILDI” shtamp, imzo va roʻyxatga olingan sana qoʻyilgan holda budjet tashkilotiga qaytariladi;

3) gʻaznachilik boʻlinmasiga kelishuv uchun taqdim qilingan oʻzgartirish soʻrovi asosli sabablarga koʻra qondirilishi mumkin boʻlmagan hollarda, gʻaznachilik boʻlinmasi bir kun muddatda qaytarish sabablarini koʻrsatgan holda yozma ravishda qaytaradi.

18. Budjet tashkiloti kelishilgan soʻrovni olgandan soʻng ikki ish kuni mobaynida uni ajratilgan budjet mablagʻlarini bosh taqsimlovchisi orqali tegishli moliya organiga yuboradi.

Moliya organi oʻzgartirish kiritishni rad qilgan holatda, budjet tashkiloti majburiyatlar olish va xarajatlarni amalga oshirishni toʻxtatib qoʻyilishini bekor qilish uchun tegishli moliya organining xatini ilova qilgan holda xizmat koʻrsatuvchi gʻaznachilik boʻlinmasiga xat yuboradi.”;

14) 20-band quyidagi tahrirda bayon etilsin:

“20. Budjet tashkilotlarining tasdiqlangan mablagʻlariga kamaytirishlar kiritilishi zarur boʻlganda, mazkur Nizomning 17-bandida koʻrsatilgan holatlardan tashqari, moliya organlari budjet tashkilotlarining xarajatlar smetalariga oʻrnatilgan tartibda kiritilayotgan oʻzgartirishlarni gʻaznachilik boʻlinmasiga ular tuzilgan kundan soʻng ikki ish kunidan kechikmagan muddatda kelishish uchun taqdim qiladi (taqdimnoma, maʼlumotnoma-bildirishnoma va boshqalar).”;

15) 22 — 24-bandlar quyidagi tahrirda bayon etilsin:

“22. Gʻaznachilik boʻlinmalari mazkur Nizomning 20-bandida koʻrsatilgan, taklif qilinayotgan oʻzgartirishlarni kiritish mumkinligi yuzasidan tegishli budjetlarda turuvchi budjet tashkilotlari boʻyicha amalga oshirilgan kassa xarajatlari, shuningdek band qilinmagan yuridik majburiyatlarni tasdiqlangan mablagʻlar bilan solishtirish orqali koʻrib chiqadi.

Bunda hududlarda joylashgan, respublika budjetidan mablagʻ oluvchi budjet tashkilotlari oʻzgartirish boʻyicha yuqorida koʻrsatilgan hujjatlarni joylardagi tegishli gʻaznachilik boʻlinmasiga taqdim qiladi.

23. Tekshiruvlar ijobiy natijalar berganda va koʻrsatilgan xarajatlar turlari boʻyicha xarajatlar smetasiga taklif qilinayotgan oʻzgartirishlar kiritishning imkoni mavjud boʻlganda, gʻaznachilik boʻlinmalari:

gʻaznachilikning dasturiy majmuida kamaytirilishi koʻzlanayotgan tegishli budjet tashkilotlarining keyingi yuridik majburiyatlarini roʻyxatga olish (hisobga olish) va kassa xarajatlarini amalga oshirishni toʻxtatib qoʻyadi;

hujjatlar taqdim qilingan kunning keyingi kunidan kechikmagan muddatda, ijobiy xulosani taqdim qilingan hujjatlar bilan birgalikda tegishli moliya organiga yoʻllaydi.

Bunda gʻaznachilik boʻlinmalari tomonidan yuridik majburiyatlarni qabul qilish, shuningdek budjet tashkilotlarining keyingi kassa xarajatlarini amalga oshirishni toʻxtatib qoʻyishni bekor qilish moliya organlari tomonidan gʻaznachilik boʻlinmalariga, gʻaznachilik boʻlinmalari bilan oʻrnatilgan tartibda kelishilgan asosda barcha tasdiqlangan va roʻyxatga olingan, budjet tashkilotlarining tasdiqlangan tegishli yakka tartibdagi smetalariga kiritilgan oʻzgartirishlar roʻyxati nusxalari taqdim qilingandan soʻng amalga oshiriladi.

24. Yuridik majburiyatlar bilan band boʻlmagan ajratilgan mablagʻlar mavjud boʻlmaganda hamda moliya organlariga taqdim qilingan hujjatlarda taklif qilinayotgan oʻzgartirishlar kiritishning imkoni boʻlmagan hollarda, gʻaznachilik boʻlinmalari ularni moliya organlari tomonidan hujjatlar taqdim qilingan kundan boshlab ikki ish kunidan kechikmagan muddatda, taklif qilinayotgan oʻzgartirishlarni kiritish imkoni yoʻqligi sabablarini koʻrsatgan holda yozma xulosa tuzadi va moliya organiga qaytaradi.”;

16) 25-banddagi “budjetdan mablagʻ oluvchilarning tasdiqlangan budjetdan ajratilgan” degan soʻzlar “budjet tashkilotlarining tasdiqlangan” degan soʻzlar bilan almashtirilsin;

17) IV bob nomidagi “roʻyxatga olish” degan soʻzlar “roʻyxatga va hisobga olish” degan soʻzlar bilan almashtirilsin;

18) 31-bandining birinchi va ikkinchi xatboshilaridagi “Budjetdan mablagʻ oluvchilarning” degan soʻzlar “Budjet tashkilotlarining” degan soʻzlar bilan almashtirilsin;

19) 32 va 33-bandlar quyidagi tahrirda bayon etilsin:

“32. Gʻaznachilik boʻlinmalari tomonidan budjet tashkilotlarining shartnomalari:

budjetdan ajratiladigan mablagʻlar boʻyicha — roʻyxatdan oʻtkaziladi;

vazirliklar, davlat qoʻmitalari va idoralarning budjetdan tashqari jamgʻarmalari mablagʻlari boʻyicha — hisobga olinadi.

33. Budjet tashkilotlari tomonidan yuridik majburiyatlarning qabul qilinishi, ularning xarajatlar smetalarida Davlat budjeti xarajatlarining iqtisodiy tasnifining tegishli moddalari boʻyicha koʻzda tutilgan, ajratiladigan mablagʻlari hajmi doirasida amalga oshiriladi.”;

20) 37-band quyidagi tahrirda bayon etilsin:

“37. Budjet tashkilotlari tomonidan tashqi qarzlarning jalb qilinishi, ssuda va kreditlar olinishi, shuningdek budjetdan ajratiladigan mablagʻlar hisobiga lizing shartnomalarini tuzish taqiqlanadi, qonun hujjatlarida nazarda tutilgan hollar bundan mustasno.”;

21) 43-band quyidagi tahrirda bayon etilsin:

“43. Budjet tashkilotlarining ichki xoʻjalik yurituvchi boʻlinmalari tomonidan tovarlar yetkazib berish, ishlar bajarish yoki xizmatlar koʻrsatish (Oʻzbekiston Respublikasi Mudofaa vazirligi va Ichki ishlar vazirligining kir yuvish boʻlinmalari, mehmonxonalari, taʼmirlash-qurilish guruhlari (brigadalari) va qishloq xoʻjaligi mahsulotlarini yetishtirish va goʻsht-sut mahsulotlarini ishlab chiqarish bilan shugʻullanadigan yordamchi xoʻjaliklari) qonun hujjatlarida belgilangan tartibga muvofiq budjet mablagʻlari hisobidan ichki xoʻjalik shartnomalari va toʻlovlarni amalga oshirish uchun asos boʻladigan, ichki xoʻjalik shartnomalari boʻyicha tovar (ish, xizmat)lar yetkazib berilganligini tasdiqlovchi hujjatlar asosida amalga oshiriladi.

Bunda budjet tashkilotlari tomonidan taqdim qilingan hujjatlar asosida toʻlovlarni oʻtkazish gʻaznachilik boʻlinmalari tomonidan Oʻzbekiston Respublikasi Mudofaa vazirligi va Ichki ishlar vazirligining, qoidaga koʻra, budjetdan tashqari hisobvaraqlariga keyinchalik ularni qonun hujjatlariga muvofiq koʻzda tutilgan maqsadlarga ishlatish bilan amalga oshiriladi.”;

22) 44-bandda:

birinchi xatboshi quyidagi tahrirda bayon etilsin:

“44. Shartnomalar tuzmasdan, mazkur Nizomning 3-ilovasidagi shakl boʻyicha ikki nusxada Soʻrovnoma va toʻlov topshiriqnomalari asosida mablagʻlar quyidagilarga:”;

quyidagi mazmundagi xatboshi bilan toʻldirilsin:

“kapital qoʻyilma buyurtmachilarining buyurtmachi xizmatini saqlab turishga mablagʻlarni oʻtkazish.”;

23) 45-band quyidagi tahrirda bayon etilsin:

“45. Budjet tashkilotlari soʻmdagi qiymatiga qayta hisoblangan, chet el valyutasidagi import qilinayotgan tovar-moddiy boyliklar uchun shartnomalar tuzishda yuzaga kelishi mumkin boʻlgan kurs farqini qoplash uchun yetarli mablagʻlar zaxirasini koʻzda tutishlari shart.

Yuzaga kelishi mumkin boʻlgan kurs farqini qoplash uchun yetarli mablagʻlarning zaxirasi har bir shartnoma boʻyicha yakka tartibda budjet tashkilotlari va gʻaznachilik boʻlinmalari tomonidan, zarur boʻlganda — tegishli moliya organi ishtirokida shartnomaning tuzilgan sanasi, koʻzda tutilayotgan muddatlari va valyuta kursining kutilayotgan oʻzgarishlari bilan bogʻliq holda aniqlanadi.”;

24) 47-band quyidagi tahrirda bayon etilsin:

“47. Budjet tashkilotlarining mol yetkazib beruvchilar bilan tuzgan shartnomalari Oʻzbekiston Respublikasining “Xoʻjalik yurituvchi subyektlar faoliyatining shartnomaviy-huquqiy bazasi toʻgʻrisida”gi Qonuniga muvofiq, tomonlarning yuridik xizmatlari (jalb qilingan advokatlar) tomonidan majburiy tartibda qonun hujjatlariga muvofiqligi tekshirilishi shart.

Bunda shartnomalarda tomonlar yuridik xizmatlarining yoki jalb qilingan advokatlarning imzosi boʻlishi shart.”;

25) IV bobning 2-paragraf nomi quyidagi tahrirda bayon etilsin:

“2-§. Yuridik majburiyatlarni roʻyxatga olish va hisobga olish (maxfiy xarajatlarsiz)”;

26) 50 — 55-bandlar quyidagi tahrirda bayon etilsin:

“50. Budjet tashkilotlari va mol yetkazib beruvchilar bilan budjet mablagʻlari hisobi qismidan tuzilgan shartnomalar, faqat ularning gʻaznachilik boʻlinmalarida roʻyxatga olinganidan soʻng kuchga kiradi.

51. Budjet tashkilotlari bilan mol yetkazib beruvchilar oʻrtasida tuziladigan shartnomalar tegishli gʻaznachilik boʻlinmalarida ularga berilgan tegishli raqam va roʻyxatga olingan (hisobga olingan) sana koʻrsatilgan holda majburiy roʻyxatga olinishi (hisobga olinishi) lozim.

52. Budjet tashkilotlari gʻaznachilik boʻlinmalariga shartnomani roʻyxatga olish (hisobga olish) uchun shartnomaning ikki asl nusxasi va bitta koʻchirma nusxasi bilan birgalikda quyidagi hujjatlarni taqdim qiladi:

mazkur Nizomning 1-ilovasiga muvofiq shaklda toʻlov jadvali;

shartnoma summasi eng kam ish haqining yigirma besh baravaridan olti ming baravarigacha boʻlgan miqdorni tashkil etganida buyurtmachi tomonidan tuziladigan tanlov komissiyasi bayonnomasi nusxasi;

shartnoma summasi eng kam ish haqining olti ming baravaridan ortiq miqdorni tashkil etganida qonun hujjatlariga muvofiq tender komissiyasi bayonnomasi nusxasi;

agar shartnoma vakolatli davlat organining qaroriga muvofiq tanlov (tender) savdolarisiz tuzilgan boʻlsa, mazkur qarorining nusxasi;

tegishli faoliyat turi uchun litsenziyaning yoki ruxsatnoma tusidagi hujjatning nusxasi (tovarlarni yetkazish, ishlarni bajarish va xizmatlar koʻrsatish qonun hujjatlariga muvofiq litsenziyalashni yoki ruxsatnoma tusidagi hujjat olishni talab qilsa).

Shuningdek, quyidagi hujjatlar taqdim etiladi:

a) kapital qoʻyilma xarajatlari boʻyicha:

manzilli roʻyxat (loyiha-tadqiqot ishlarining manzilli roʻyxati) nusxasi;

moliyalashtirish manbalaridan qatʼi nazar, hisob-kitob (smeta) qiymati 2,0 mlrd.soʻm va undan ortiq boʻlgan ijtimoiy va fuqaro obyektlari boʻyicha qurish va rekonstruksiya qilishning manzilli roʻyxatlarining Hukumat komissiyasi tomonidan tasdiqlangan nusxasi (Oʻzbekiston Respublikasi Prezidenti va Hukumatining tegishli qarorlari mavjud boʻlgan obyektlar bundan mustasno);

obyektlarni parallel ravishda loyihalashtirish bilan bir vaqtda qurish va rekonstruksiya qilishda vakolatli davlat organining qarori nusxasi.

b) avtotransport, mashina, texnika va uskunalarni joriy, oʻrta va mukammal taʼmirlash hollarda nuqson dalolatnoma nusxasi;

v) bino va inshootlarni joriy va oʻrta taʼmirlashda bajariladigan ishlar summasi Oʻzbekiston Respublikasi hududida belgilangan eng kam ish haqi miqdorining yuz baravaridan oshgan hollarda, qonun hujjatlarida nazarda tutilgan hollar bundan mustasno, loyiha-smeta hujjatlarini ekspertizadan oʻtkazilganligi toʻgʻrisida xulosa nusxasi;

g) binolar, inshootlar va ichki xoʻjalik yoʻllarini mukammal taʼmirlashda:

binolar, inshootlar va ichki xoʻjalik yoʻllarini mukammal taʼmirlash manzilli roʻyxati nusxasi;

loyiha-smeta hujjatlarining ekspertizadan oʻtkazilganligi boʻyicha xulosa nusxasi.

53. Gʻaznachilik boʻlinmasi budjet tashkiloti tomonidan shartnoma taqdim qilingan kundan boshlab uch ish kuni davomida shartnomada koʻrsatilgan summani budjet tashkilotining xarajatlar smetasida koʻzda tutilgan tegishli rejali ajratilgan mablagʻlarning mavjudligini tekshiradi.

Agar tuzilgan shartnomaga muvofiq toʻlanishi lozim boʻlgan pul mablagʻlari summasi budjet tashkilotining xarajatlar smetasida koʻzda tutilgan tegishli rejali ajratilgan mablagʻlar summasidan oshsa, ushbu shartnoma budjet tashkilotiga uni gʻaznachilik boʻlinmasi tomonidan roʻyxatga olinmasdan (hisobga olinmasdan) qaytariladi.

54. Shartnomalarni roʻyxatga olish, shartnomaning ikkita asli va nusxasining barcha varaqlariga roʻyxatdan oʻtkazish raqami va sanasini koʻrsatib “Roʻyxatdan oʻtkazildi” shtampini va shaxsiy imzosini qoʻyish, shuningdek gʻaznachilik boʻlinmasining vakolatli shaxsi tomonidan shaxsiy imzosini va “Yuridik majburiyatlarni roʻyxatdan oʻtkazish” muhrini qoʻyish yoʻli orqali amalga oshiriladi.

Shartnomalarni hisobga olish, shartnomaning ikkita asli va nusxasining barcha varaqlariga hisobga olish raqami va sanasini koʻrsatgan holda “Shartnoma boʻyicha toʻlovlar shaxsiy gʻazna hisobvaragʻi qoldigʻi doirasida amalga oshiriladi” yozuvi bilan “Hisobga olindi” shtampini va shaxsiy imzosini qoʻyish hamda vakolatli shaxs tomonidan shaxsiy imzosini qoʻyish yoʻli orqali amalga oshiriladi.

Roʻyxatga va hisobga olinganidan soʻng shartnomaning koʻchirma nusxasi gʻaznachilik boʻlinmasida hisob yuritish va saqlash uchun qoldiriladi.

55. Shartnomalar hisobi Gʻaznachilik dasturiy majmuida elektron tarzda budjet tashkiloti va mol yetkazib beruvchining nomi va rekvizitlari, shuningdek shartnoma summasi, uning raqami va tuzilgan sanasi, gʻaznachilik boʻlinmasi tomonidan uni roʻyxatga olish (hisobga olish) raqami va sanasi koʻrsatilgan holda budjet tashkilotlarining tovar (ish, xizmat)lar yetkazib beruvchilar bilan tuzgan shartnomalarini roʻyxatga olish (hisobga olish) Kitobida mazkur Nizomning 2-ilovasiga muvofiq shakl boʻyicha amalga oshiriladi.”;

27) IV bobning3-paragraf nomi quyidagi tahrirda bayon etilsin:

“3-§. Maxfiy xarajatlar boʻyicha yuridik majburiyatlarni roʻyxatga olish (hisobga olish)”;

28) 56 — 61-bandlar quyidagi tahrirda bayon etilsin:

“56. Maxfiy xarajatlar boʻyicha yuridik majburiyatlarni roʻyxatga olish (hisobga olish) uchun budjet tashkiloti tomonidan gʻaznachilik boʻlinmasiga shartnomaning asl nusxasi, mazkur Nizomning 3-ilovasidagi shakl boʻyicha ikki nusxada soʻrovnoma hamda mazkur Nizomning 52-bandida koʻrsatilgan hujjatlar taqdim qilinadi.

57. Gʻaznachilik boʻlinmasining masʼul xodimi budjet tashkilotining vakolatli vakili ishtirokida soʻrovnomada koʻrsatilgan maʼlumotlarni shartnomaning asl nusxasida koʻrsatilgan maʼlumotlar bilan, shuningdek mazkur Nizomning 52-bandida koʻrsatilgan hujjatlarni shartnoma bilan solishtiradi.

Barcha solishtirishlar tugaganidan soʻng shartnoma va unga ilova qilingan mazkur Nizomning 52-bandida koʻrsatilgan barcha hujjatlar budjet tashkilotining vakolatli vakiliga qaytariladi.

Gʻaznachilik boʻlinmasi xodimlari tomonidan taqdim qilingan shartnomaning va unga ilova qilingan hujjatlarning asl nusxasidan nusxa olish qatʼiyan man qilinadi;

58. Taqdim qilingan soʻrovnomada xato va (yoki) kamchiliklar mavjud boʻlmagan holda soʻrovnomada koʻrsatilgan shartnomani roʻyxatga olish (hisobga olish) boʻyicha keyingi tadbirlarni amalga oshirish uchun soʻrovnoma qabul qilinadi.

Aks holda, soʻrovnoma budjet tashkilotiga mavjud xato va (yoki) kamchiliklarni bartaraf qilish uchun qaytariladi;

59. Gʻaznachilik boʻlinmasi budjet tashkiloti tomonidan soʻrovnomani qabul qilgan kundan boshlab uch ish kuni davomida shartnomada koʻrsatilgan summani budjet tashkilotining xarajatlar smetasida koʻzda tutilgan tegishli rejali ajratilgan mablagʻlarining mavjudligini tekshiradi.

Agar soʻrovnoma va tuzilgan shartnomaga muvofiq toʻlanishi lozim boʻlgan pul mablagʻlari summasi budjet tashkilotining xarajatlar smetasida koʻzda tutilgan tegishli rejali ajratilgan mablagʻlar summasidan oshsa, ushbu shartnoma gʻaznachilik boʻlinmasida roʻyxatga olinmaydi (hisobga olinmaydi), tegishli soʻrovnoma esa budjet tashkilotiga qaytariladi;

60. Maxfiy xarajatlar boʻyicha shartnomalarni roʻyxatga olish (hisobga olish), soʻrovnomalar asosida soʻrovnomalarning old tomoniga “Roʻyxatdan oʻtkazildi” (“Hisobga olindi”) shtampi qoʻyilgan va roʻyxatga olingan (hisobga olish) raqam va sanasi koʻrsatilgan kundan boshlab uch ish kuni davomida gʻaznachilik boʻlinmasining mansabdor shaxsi oʻzining shaxsiy imzosi va gʻaznachilik boʻlinmasining muhr izi bilan tasdiqlash orqali amalga oshiriladi.

Roʻyxatga olingandan (hisobga olingandan) soʻng soʻrovnomaning ikki nusxasi budjet tashkilotiga qaytariladi, bir nusxasi esa gʻaznachilik boʻlinmasida hisob yuritish va saqlash uchun qoldiriladi;

61. Oʻzbekiston Respublikasi Vazirlar Mahkamasi, Qoraqalpogʻiston Respublikasi, viloyatlar va Toshkent shahar budjetlarining Zaxira jamgʻarmalari hisobidan maxfiy xaraktyerga ega boʻlgan xarajatlar toʻlovlari budjet tashkilotlarining soʻrovnomasi boʻyicha mazkur Nizomda budjet tashkilotlarining maxfiy xarajatlarini amalga oshirish uchun koʻzda tutilgan tartib bilan bir xilda amalga oshiriladi.”;

29) V bobning nomi quyidagi tahrirda bayon etilsin:

“V. Budjet tashkilotlari tomonidan qabul qilingan moliyaviy majburiyatlar boʻyicha toʻlovlarni amalga oshirish”;

30) 63-band quyidagi tahrirda bayon etilsin:

“63. Budjet tashkilotlari tomonidan ikkinchi taraf oldida moliyaviy majburiyatlar ularga yetkazib beriladigan tovar (ish, xizmat)lar uchun oʻtkazilishi lozimligini tasdiqlovchi hujjatlar, hisoblangan ish haqi va unga tenglashtirilgan xarajatlar boʻyicha qarzdorlik asosida qabul qilinadi.”;

31) V bobning 2-paragraf nomi quyidagi tahrirda bayon etilsin:

“2-§. Maxfiy xarajatlar boʻyicha toʻlovlarni amalga oshirish”;

32) 65-band quyidagi tahrirda bayon etilsin:

“65. Maxfiy xarajatlar boʻyicha toʻlovlarni amalga oshirish uchun budjet tashkilotlari tomonidan gʻaznachilik boʻlinmalariga toʻlov hujjatlarini hisobvaraq-faktura bilan birga taqdim qilinadi.

Bunda hisobvaraq-faktura gʻaznachilik boʻlinmasi tomonidan yuridik majburiyatga muvofiqligiga tekshiriladi va budjet tashkilotiga qaytarib beriladi.

Hisobvaraq-fakturalardan nusxa olish va gʻaznachilik boʻlinmasida saqlash qatʼiyan man etiladi.”;

33) quyidagi mazmundagi 651 — 653- bandlar bilan toʻldirilsin:

“651. Budjet tashkilotlari tomonidan toʻlov hujjatlarining taqdim qilinishi va gʻaznachilik boʻlinmalarida rasmiylashtirilishi tartibi Oʻzbekiston Respublikasi budjet tizimi budjetlarining gʻazna ijrosi qoidalarining (roʻyxat raqami 2850, 2016-yil 22-dekabr) 1 va 2-ilovalaridagi shakllar va 183 — 186-bandlarida belgilangan tartibda amalga oshiriladi.

Bunda budjet tashkiloti tomonidan taqdim qilinadigan toʻlov hujjatlarining toʻlov maqsadida tegishli shaxsiy gʻazna hisobvaraq raqami, tashkilot nomi, STIR, budjet tasnifiga muvofiq xarajatlar moddasi, hamda yuridik va moliyaviy majburiyat sanasi va tartib raqami koʻrsatiladi.

652. Toʻlovlar amalga oshirib boʻlinganidan soʻng toʻlov hujjatlarining birinchi va ikkinchi nusxalari gʻaznachilik boʻlinmalarining tegishli boʻlimlarida saqlanadi.

653. Ish haqi va unga tenglashtirilgan toʻlovlar boʻyicha mablagʻlar xarajatlar smetasining tegishli moddasida nazarda tutilgan mablagʻlar doirasida ularning tegishli banklardagi 23404, 23432, 23430, 23426 balans hisobvaraqlariga oʻtkaziladi.

Bunda toʻlov hujjatining gʻaznachilik boʻlinmalarida qoldiriladigan birinchi va ikkinchi nusxalarining toʻlov maqsadida “Maxfiy” yozuvi yoziladi, budjet tashkilotlariga mazkur Nizomning 6-ilovasida keltirilgan shakldagi koʻchirma bilan qaytarib beriladigan uchinchi nusxasida tegishli xarajat moddalari va ularning summalari koʻrsatiladi.”;

34) V bobning 4-paragraf nomi quyidagi tahrirda bayon etilsin:

“4-§. Maxfiy boʻlmagan xarajatlar boʻyicha toʻlovlarni amalga oshirish”;

35) 78 va 79-bandlar quyidagi tahrirda bayon etilsin:

“78. Gʻaznachilik boʻlinmasi budjet tashkilotlarining toʻlov topshiriqnomalari asosida gʻazna hisobvaraqlaridan xarajatlar toʻlovini budjet tashkilotlarining xarajatlar smetalarining tegishli moddalarida koʻzda tutilgan mablagʻlar doirasida amalga oshiradi.

79. Budjet tashkilotlarining xarajatlari toʻlovi toʻlov topshiriqnomalari asosida quyidagi hollarda amalga oshiriladi:

budjet tashkilotlarining tegishli moddalari boʻyicha mablagʻlar qoldiqlari summalari doirasida;

agar toʻlov topshiriqnomasida koʻrsatilgan summa gʻaznachilik boʻlinmasida roʻyxatga olingan (hisobga olingan) shartnomaga muvofiq toʻlanishi lozim boʻlgan pul mablagʻlari summasidan oshmasa;

hisobvaraq-faktura yoki tovar (ish, xizmat)lar yetkazib berilganligini tasdiqlovchi boshqa hujjatlar mavjud boʻlganda va budjet tashkilotining mol yetkazib beruvchi oldidagi qarzdorligini, shuningdek budjet tashkilotining mol yetkazib beruvchiga avans toʻlovlari oʻtkazishini majburlovchi hujjatlar mavjud boʻlganida;

toʻlov topshiriqnomasida koʻrsatilgan mol yetkazib beruvchining, shuningdek budjet tashkilotining nomi va rekvizitlari shartnoma va hisobvaraq-fakturalarda yoki tovar (ish, xizmat)lar yetkazib berganligini tasdiqlovchi boshqa hujjatlarda mol yetkazib beruvchining, shuningdek, budjet tashkilotining nomi va rekvizitlari muvofiq boʻlganida.”;

36) Quyidagi mazmundagi 791 va 792-bandlar bilan toʻldirilsin:

“791. Budjet tashkilotlari tomonidan toʻlov hujjatlarining taqdim qilinishi va gʻaznachilik boʻlinmalarida rasmiylashtirilishi tartibi Oʻzbekiston Respublikasi budjet tizimi budjetlarining gʻazna ijrosi qoidalarining (roʻyxat raqami 2850, 2016-yil 22-dekabr) 1 va 2-ilovalaridagi shakllar va 183 — 186-bandlarida belgilangan tartibda amalga oshiriladi.

Bunda budjet tashkiloti tomonidan taqdim qilinadigan toʻlov hujjatlarining toʻlov maqsadida tegishli shaxsiy gʻazna hisobvaraq raqami, tashkilot nomi, STIR, budjet tasnifiga muvofiq xarajatlar moddasi va yuridik va moliyaviy majburiyat sanasi va tartib raqami koʻrsatiladi;

792. Toʻlovlar amalga oshirib boʻlinganidan soʻng toʻlov hujjatlarining birinchi va ikkinchi nusxalari gʻaznachilik boʻlinmalarining tegishli boʻlimlarida saqlanadi.”;

37) 86-bandining birinchi va ikkinchi xatboshilaridagi “Budjetdan mablagʻ oluvchilarning” degan soʻzlar “Budjet tashkilotlarining” degan soʻzlar bilan almashtirilsin;

38) 87-band quyidagi tahrirda bayon etilsin:

“87. Gʻaznachilik boʻlinmalari qonunchilikka muvofiq zarur maxfiylik rejimiga rioya qilish, mazkur Nizom talablariga muvofiq roʻyxatga olingan (hisobga olingan) shartnomalarning budjet tashkilotlari xarajatlari smetasida koʻzda tutilgan mablagʻlarga muvofiqligi va budjet tashkilotlari xarajatlari toʻlovi ustidan nazoratning toʻgʻri amalga oshirilishi uchun javobgardirlar.”;

39) 1, 2 va 3-ilovalar mazkur oʻzgartirish va qoʻshimchalarning 1, 2 va 3-ilovalariga muvofiq tahrirda bayon etilsin;

40) mazkur oʻzgartirish va qoʻshimchalarning 4-ilovasiga muvofiq tahrirda 4-ilova bilan toʻldirilsin.

3. Mazkur oʻzgartirish va qoʻshimchalar Oʻzbekiston Respublikasi Markaziy banki bilan kelishilgan.

Markaziy bank raisi M. NURMURATOV

2018-yil 4-aprel

“Mudofaa majmui va huquqni muhofaza qilish organlari muassasalari va tashkilotlarining xarajatlari va boshqa maxfiy xaraktyerga ega boʻlgan xarajatlarning gʻazna ijrosi tartibi toʻgʻrisidagi nizomga 1-ILOVA

* ushbu satr budjet tashkilotlari tomonidan qonun hujjatlarida belgilangan tartibda elektr energiyasi yetkazib berish, kommunal xizmatlar koʻrsatish, aloqa xizmati va boshqa shunga oʻxshagan har oy koʻrsatiladigan xizmatlar koʻrsatish uchun shartnomalar boʻyicha har oylik muddatda va miqdorlarda oldindan toʻlov amalga oshirilgan holatlarda toʻldiriladi.”.

Budjet tashkilotlarining mol yetkazib beruvchilar bilan tuzgan shartnomalarini (yuridik majburiyatlarni) roʻyxatga olish (hisobga olish)

KITOBI

T/r Shartnoma(yuridik majburiyat) raqami va sanasi Nomi va rekvizitlari Shartnoma (yuridik majburiyat)ning roʻyxatga olingan(hisobga olingan) raqami va sanasi Summasi (soʻmda) budjet tashkiloti mol yetkazib beruvchining 1. 2. … ”.

(Qonun hujjatlari maʼlumotlari milliy bazasi, 15.05.2018-y., 10/18/1941-1/1228-son)