Elektr energiyasidan foydalanganlik uchun hisob-kitob qilish mexanizmini tubdan takomillashtirish chora-tadbirlari toʻgʻrisida (511-son)

01.11.2004

Oʻzbekiston Respublikasi Vazirlar Mahkamasining

qarori

[Koʻchirma]

Oʻzbekiston Respublikasi Prezidentining 2004-yil 29-sentabrdagi F-2047-son farmoyishiga muvofiq maxsus komissiya isteʼmolchilarning isteʼmol qilingan elektr energiyasi uchun toʻlovlarining hamda hududiy elektr tarmoqlari korxonalari bilan hisob-kitoblarining ahvolini tanqidiy oʻrganib chiqdi. “Oʻzbekenergo” davlat-aksiyadorlik kompaniyasi tomonidan koʻrilgan chora-tadbirlarga qaramay hisob-kitoblar intizomining buzilishi hollari davom etmoqda, yetkazib berilgan elektr energiyasi uchun toʻlovni oʻz vaqtida toʻlamagan isteʼmolchilarga elektr energiyasi yetkazib berishni toʻxtatishga doir talablar bajarilmayapti, toʻlov muddati oʻtgan debitorlik qarzlar koʻpaymoqda. Berilayotgan va isteʼmol qilinayotgan elektr energiyasini hisobga olishning maqbul tizimi mavjud emas. Amaldagi oʻzaro hisob-kitoblar mexanizmi eskirgan, u isteʼmol qilingan energiya uchun mablagʻlarning toʻliq va oʻz vaqtida tushishini, shartnomaviy majburiyatlarning bajarilishi uchun zarur darajadagi javobgarlikni taʼminlamaydi.

Yetkazib berilgan elektr energiyasi uchun hisob-kitob qilish sohasidagi ahvolni tubdan yaxshilash, toʻlovlarning toʻliq va oʻz vaqtida amalga oshirilishini taʼminlash hamda berilgan elektr energiyasi uchun isteʼmolchilar qarzlarining koʻpayishiga yoʻl qoʻymaslik, ham elektr energiyasi yetkazib beruvchilarning, ham isteʼmolchilarning shartnomaviy majburiyatlarga rioya etilishi uchun javobgarligini oshirish maqsadida Vazirlar Mahkamasi qaror qiladi:

1. 2005-yil 1-yanvardan boshlab soliqlar va budjetga majburiy toʻlovlar oʻz vaqtida toʻlanmaganligi uchun javobgarlikka tortishning belgilangan tartibi isteʼmol qilingan elektr energiyasi uchun muddati oʻtkazib yuborilgan toʻlovlarga yoʻl qoʻygan yuridik shaxslarga tatbiq etilsin.

2. Belgilab qoʻyilsinki:

barcha yuridik shaxslar — elektr energiyasi isteʼmolchilari isteʼmol qilingan elektr energiyasi uchun qonunchilikda belgilangan tartibda, elektr taʼminoti shartnomasiga muvofiq har oyda toʻliq hisob-kitob qilishlari shart;

hisob-kitob oyidan keyingi kalendar oy tugagach qarz toʻlov muddati oʻtgan hisoblanadi va toʻlov muddati oʻtgan har bir kun uchun toʻlov muddati oʻtgan summaning 0,1 foizi miqdorida, 1-ilovaga muvofiq elektr energiyasi yetkazib berishning maxsus tartibiga ega boʻlgan korxonalar uchun esa — 0,2 foiz miqdorida penya hisoblab yoziladi;

jismoniy shaxslarga tegishli boʻlgan koʻchmas mulkning oldi-sotdi, ayirboshlash va hadya qilish shartnomalarini notarial tasdiqlash va davlat roʻyxatidan oʻtkazish faqat elektr energiyasi, tabiiy gaz, issiqlik taʼminoti, suv taʼminoti va oqova suvni chiqarish xizmatlari uchun qarzlar toʻliq toʻlangan taqdirda amalga oshiriladi.

3. Quyidagilarga:

elektr taʼminoti shartnomalari tuzmagan va shartnomada nazarda tutilgan majburiy toʻlovni oldindan toʻlamagan;

Elektr energiyasi isteʼmolini hisobga olish va nazorat qilishning avtomatlashtirilgan tizimiga mos boʻlgan hisobga olish hisob-kitob elektron priborlarini oʻrnatmagan;

isteʼmol qilingan elektr energiyasi uchun elektr taʼminoti shartnomasida belgilangan muddatlarda toʻlanmagan qarzi boʻlgan yuridik shaxslarga elektr energiyasi yetkazib berish toʻxtatib qoʻyilsin.

5. Elektr energiyasi isteʼmolchilari va hududiy elektr tarmoqlari korxonalari oʻrtasidagi oʻzaro hisob-kitoblar tartibi toʻgʻrisidagi nizom 2-ilovaga muvofiq tasdiqlansin va u 2005-yil 1-yanvardan boshlab amalga kiritilsin.

6. Belgilab qoʻyilsinki, aholi isteʼmol qilingan elektr va issiqlik energiyasi, tabiiy gaz va boshqa kommunal xizmatlar uchun toʻlovni oʻz tanloviga koʻra, cheklanmagan holda, tijorat banklari muassasalari, toʻlovlarni qabul qilish kassalari, tashkilotlari va punktlarida amalga oshiradilar.

“Oʻzbekenergo” davlat-aksiyadorlik kompaniyasi, “Oʻzkommunxizmat” agentligi, Qoraqalpogʻiston Respublikasi Vazirlar Kengashi, viloyatlar, shaharlar va tumanlar hokimliklari, aholiga kommunal xizmatlar koʻrsatuvchi tuzilmalar, tijorat banklari isteʼmol qilingan elektr va issiqlik energiyasi, tabiiy gaz hamda kommunal xizmatlar uchun aholidan toʻlovlarni qabul qilish boʻyicha barcha mavjud cheklashlarni olib tashlasinlar.

Aholiga mumkin qadar qulayliklar yaratish maqsadida tijorat banklariga elektr va issiqlik energiyasi, tabiiy gaz hamda kommunal xizmatlar uchun toʻlovlarni qabul qilish boʻyicha mini-banklar va tijorat banklari filiallarining maxsus kassalarini ochish va ularning normal faoliyat koʻrsatishini taʼminlash tavsiya etilsin.

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tijorat banklariga aholidan kommunal toʻlovlarini qabul qilish boʻyicha mini-banklar va maxsus kassalar ochishda yordam koʻrsatsinlar hamda koʻrilgan chora-tadbirlar toʻgʻrisida Vazirlar Mahkamasiga 2005-yil 1-iyulgacha axborot bersinlar.

7. “Oʻzbekenergo” davlat-aksiyadorlik kompaniyasi, “Oʻzkommunxizmat” agentligi, Aloqa va axborotlashtirish agentligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari uch oy muddatda elektr va issiqlik energiyasi, tabiiy gaz, boshqa kommunal xizmatlar, shuningdek aloqa xizmatlari uchun toʻlovlarni qabul qilish boʻyicha aholiga xizmat koʻrsatish maqsadida tijorat banklari bilan shartnomalar tuzsinlar.

10. Oʻzbekiston Respublikasi Adliya vazirligi manfaatdor vazirliklar va idoralar bilan birgalikda bir oy muddatda:

qonun hujjatlariga mazkur qarordan kelib chiquvchi oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin;

idoraviy normativ hujjatlar mazkur qarorga muvofiqlashtirilishini taʼminlasin.

11. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari R.S. Azimov va Oʻ.T. Sultonov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

2004-yil 1-noyabr,

511-son

Vazirlar Mahkamasining 2004-yil 1-noyabrdagi 511-son qaroriga 1-ILOVA

Elektr energiyasi maxsus tartibga koʻra yetkazib beriladigan isteʼmolchi korxonalar roʻyxati

1. “Navoiyazot” ochiq aksiyadorlik jamiyati

2. “Elektrkimyosanoat” ochiq aksiyadorlik jamiyati (Chirchiq shahri)

3. “Azot” ishlab chiqarish birlashmasi (Fargʻona shahri)

4. “Ammofos” ochiq aksiyadorlik jamiyati

5. Navoiy kon-metallurgiya kombinati

6. “Olmaliq kon-metallurgiya kombinati” ochiq aksiyadorlik jamiyati

7. “Oʻzmetkombinat” birlashmasi

8. “Oʻzkommunxizmat” agentligining mintaqaviy suv quvurlari boshqarmalari

9. “Toshissiqlikenergo” ishlab chiqarish birlashmasi

10. Milliy gvardiya, Mudofaa vazirligi, Ichki ishlar vazirligi, Davlat xavfsizlik xizmati, Davlat xavfsizlik xizmati Chegara qoʻshinlari, Iqtisodiyot va moliya vazirligi huzuridagi Bojxona qoʻmitasi, Favqulodda vaziyatlar vazirligi boʻlinmalari.

Vazirlar Mahkamasining 2004-yil 1-noyabrdagi 511-son qaroriga 2-ILOVA

Elektr energiyasi isteʼmolchilari va hududiy elektr tarmoqlari korxonalari oʻrtasidagi oʻzaro hisob-kitoblar tartibi toʻgʻrisida

Nizom

I. Umumiy qoidalar

1. Ushbu Nizom isteʼmol qilingan elektr energiyasi uchun oʻzaro hisob-kitoblarni amalga oshirishda hududiy elektr tarmoqlari korxonalari bilan elektr energiyasi isteʼmolchilari oʻrtasidagi oʻzaro munosabatlarni tartibga soladi, shuningdek tuman, shahar doirasida isteʼmolchilardan elektr energiyasi uchun pul mablagʻlarini yigʻish boʻyicha funksiyalarni bajaruvchi xususiy operatorlarga tatbiq etiladi.

Ushbu Nizomning amal qilishi maishiy isteʼmolchilar (aholi) tomonidan elektr energiyasi isteʼmol qilinishiga tatbiq etilmaydi.

2. Elektr energiyasini uni ishlab chiqarish va isteʼmol qilishning aynan bir vaqtda amalga oshirilishini xarakterlovchi alohida tovar turi sifatida yetkazib berish Elektr energiyasidan foydalanish qoidalariga muvofiq, hududiy elektr tarmoqlari korxonasi bilan elektr qurilmasi bevosita hududiy elektr tarmoqlari korxonasining elektr tarmoqlariga ulangan isteʼmolchilar oʻrtasida tuzilgan elektr taʼminoti shartnomasi asosida amalga oshiriladi.

Subisteʼmolchilarning isteʼmolchi hamda hududiy elektr tarmoqlari korxonasi bilan elektr energiyasini yetkazib berish va isteʼmol qilingan elektr energiyasi uchun oʻzaro hisob-kitob qilishdagi oʻzaro munosabatlari yuqorida koʻrsatib oʻtilgan Qoidalar hamda ushbu Nizom bilan tartibga solinadi.

3. Elektr energiyasi uchun hisob-kitoblar barcha isteʼmolchilar tomonidan Vazirlar Mahkamasi xuzuridagi Idoralararo tarif komissiyasi tasdiqlagan tariflar boʻyicha yoki Vazirlar Mahkamasi belgilaydigan oshib boruvchi koeffitsiyentlar va tariflar boʻyicha amalga oshiriladi.

4. Isteʼmolchida turli tarif guruhlariga mansub boʻlgan elektr qurilmalari mavjud boʻlgan taqdirda hisob-kitoblar ularga oʻtkazilgan liniyalarda oʻrnatilgan hisobga olish priborlarining koʻrsatkichlari asosida, har qaysi tarif guruhi boʻyicha alohida amalga oshiriladi. Yakuniy hisob-kitob qilish hisobga olish priborlarining koʻrsatkichlari boʻyicha, tasdiqlangan tariflarga muvofiq, elektr taʼminoti shartnomasida koʻrsatilgan tartibda va muddatlarda amalga oshiriladi.

41. Oʻzbekiston Respublikasi Prezidentining “Energiya resurslaridan oqilona foydalanishni taʼminlash chora-tadbirlari toʻgʻrisida” 2017-yil 8-noyabrdagi PQ-3379-son qaroriga ilovaga muvofiq roʻyxatdagi mahsulot ishlab chiqaruvchi va alohida xizmatlar koʻrsatuvchi isteʼmolchilar elektr energiyasi (750 kVAgacha quvvatga ulangan) uchun toʻlovlarni Oʻzbekiston Respublikasi Vazirlar Mahkamasi tomonidan belgilanadigan oshib boruvchi koeffitsiyentlar va tariflar boʻyicha toʻlaydilar.

750 kVA va undan yuqori quvvatga ulangan (budjet tashkilotlari, fermer xoʻjaliklari va suv isteʼmolchilari uyushmalarining nasos stansiyalari, shuningdek, Oʻzbekiston Respublikasi Davlat budjetidan moliyalashtiriladigan nasos stansiyalari bundan mustasno) isteʼmolchilar elektr energiyasi haqini ikkinchi guruh tariflar boʻyicha toʻlovlar toʻlaydigan yuridik shaxslar uchun tarif miqdorida belgilanadigan sutka vaqtlari zonalari boʻyicha tabaqalashtirilgan tarifga asosan hisob-kitob qiladi.

42. Yagona elektr energetika tizimining eng katta yuklamali soatlarida foydalanilgan elektr energiyasi uchun toʻlovlar (tigʻiz vaqt — ertalabki va kechki tigʻiz vaqt) belgilangan tarifga nisbatan 1,5 baravar miqdorda oshib boruvchi koeffitsiyentni koʻllash orqali, eng kam yuklamali soatlarda esa (tungi davr — sutkaning qorongʻi vaqti) belgilangan tarifga nisbatan 1,5 baravar miqdorda kamayib boruvchi koeffitsiyentni koʻllash orqali va yarim tigʻiz vaqtda (sutkaning yorugʻ vaqti) — oʻrnatilgan tarif boʻyicha toʻlanadi.

Tabaqalashtirilgan tarif sutka vaqtining quyidagi zonalari boʻyicha qoʻllaniladi:

tigʻiz vaqt — soat 6-00 dan 09-00 gacha va 17-00 dan 22-00 gacha;

tungi vaqt — soat 22-00 dan 24-00 gacha va 00-00 dan 06-00 gacha;

yarim tigʻiz vaqt — soat 9-00 dan 17-00 gacha.

Sutka vaqti zonalari respublikaning barcha hududlari uchun bir xil.

5. Elektr energiyasidan foydalanish qoidalari buzilgan holda isteʼmolchi hududiy elektr tarmoqlari korxonasi tomonidan boshqa tarif guruhiga notoʻgʻri oʻtkazilgan taqdirda aybdor shaxslar qonunchilikka muvofiq javob beradilar.

II. Oʻzaro hisob-kitoblar tartibi

6. Elektr energiyasini isteʼmolchilarning barcha toifalariga har oyda yetkazib berish ular tomonidan elektr taʼminoti shartnomasiga muvofiq navbatdagi oy uchun nazarda tutilgan elektr energiyasi hajmi qiymatining 100 foizi uchun haq avans tariqasida toʻlangandan keyin amalga oshiriladi.

Isteʼmolchida elektr energiyasi uchun haq toʻlash boʻyicha, shuningdek jarima sanksiyalari, reaktiv energiyani qoplash uchun tariflarga ustamalar, noqonuniy foydalanilgan elektr energiyasi va penyalar boʻyicha qarzdorlik mavjud boʻlganda ular tomonidan avans tariqasida toʻlangan mablagʻlar qarzdorlikni qoplash uchun yoʻnaltiriladi va avans toʻlovi sifatida hisobga olinmaydi.

Elektr taʼminoti shartnomasida buyurtma berilgan elektr energiyasi hajmi isteʼmolchining aybi bilan isteʼmol qilinmagan taqdirda avans tariqasida toʻlangan mablagʻlar qaytarilmaydi, lekin elektr energiyasi uchun keyingi hisob-kitoblarda hisobga olinadi.

7. Elektr energiyasining haqiqiy sarfini aniqlash uchun hududiy elektr tarmoqlari korxonasi isteʼmolchi bilan birgalikda har oyda hisobga olish priborlari koʻrsatkichlarini yozib oladi. Shu bilan birga, belgilangan shakl (ushbu Nizomga 3a-ilova) boʻyicha tegishli dalolatnoma tuziladi.

Hisobga olish priborlaridan yozib olingan koʻrsatkichlar hududiy elektr tarmoqlari korxonasi tomonidan isteʼmolchi elektr energiyasi uchun toʻlashi kerak boʻlgan summalarni hisoblashda hisobga olinadi.

Elektr energiyasi va sarfi toʻgʻrisidagi hisobot (ushbu Nizomga 3-ilova) hamda elektr energiyasi yetkazib berish dalolatnomasi asosida hududiy elektr tarmoqlari korxonasi hisoblashni amalga oshiradi va isteʼmolchiga schyot-faktura va toʻlovni toʻlash uchun schyot yozib beradi.

Isteʼmolchida turli tarif guruhlariga mansub boʻlgan bir nechta obyekt mavjud boʻlgan taqdirda har qaysi tarif guruhini koʻrsatgan holda umumiy schyot-faktura yoziladi.

Hisobga olish hisob-kitob priborlari koʻrsatkichlari yozib olinmagan taqdirda hududiy elektr tarmoqlari korxonasi hisob-kitobni elektr energiyasi isteʼmolining shartnomadagi miqdori boʻyicha amalga oshiradi, keyinchalik hududiy elektr tarmoqlari korxonasi tomonidan isteʼmolchi bilan birgalikda aniqlangan elektr energiyasining haqiqiy isteʼmol qilingan hajmi uchun qayta hisob-kitob qilinadi. Shu bilan birga, hududiy elektr tarmoqlari korxonasi schyot-faktura yozib beradi va xizmat koʻrsatuvchi bank orqali belgilangan tartibda toʻlov talabnomasini taqdim etadi”;

9. Mahalliy ijro etuvchi hokimiyat organlari ixtiyoridagi elektr energiyasi isteʼmolchilari boʻlgan suv bilan taʼminlovchi korxonalar isteʼmol qilingan elektr energiyasi uchun hududiy elektr tarmoqlari korxonasi bilan hisob-kitoblarni har oyda oʻz mablagʻlari hisobiga amalga oshiradilar.

Qishloq xoʻjaligi isteʼmolchilari (shirkat xoʻjaliklari, dehqon, fermer xoʻjaliklari va boshqalar) va “Oʻzkimyosanoat” davlat-aksiyadorlik kompaniyasi korxonalari olingan elektr energiyasi uchun oʻz mablagʻlari bilan, shuningdek Oʻzbekiston Respublikasi Moliya vazirligi huzuridagi Davlat ehtiyojlari uchun xarid qilinadigan qishloq xoʻjaligi mahsulotlarining hisob-kitob jamgʻarmasi tomonidan birinchi navbatda ajratiladigan maxsus hisob raqamlari boʻyicha maqsadli moliyalashtirish mablagʻlari (transhlar) hisobiga hisob-kitob qiladi (mazkur Nizomga 2-ilova).

Isteʼmolchida valyuta mablagʻlari va qarzlar mavjud boʻlganda toʻlov valyuta mablagʻlarini qonunchilikda belgilangan tartibda sotish hisobiga amalga oshirilishi mumkin.

10. Isteʼmolchilar isteʼmol qilingan elektr energiyasi uchun toʻliq hisob-kitobni har oyda, elektr taʼminoti shartnomasiga muvofiq, hududiy elektr tarmoqlari korxonasi yoki isteʼmolchining oʻzi yozadigan toʻlov hujjatlari boʻyicha amalga oshiradilar.

Isteʼmol qilingan elektr energiyasi uchun toʻlov elektr taʼminoti shartnomasida belgilangan miqdorlarda va muddatlarda amalga oshirilmagan taqdirda hududiy elektr tarmoqlari korxonasi isteʼmolchilarga elektr energiyasi yetkazib berishni toʻxtatadi, ushbu Nizomning 18-bandida koʻrsatilgan isteʼmolchilar bundan mustasno.

11. Hisob-kitob oyidan keyingi kalendar oy tugagach qarz toʻlov muddati oʻtgan hisoblanadi va toʻlov muddati oʻtgan har bir kun uchun toʻlov muddati oʻtgan summaning 0,1 foizi miqdorida, 1-ilovaga muvofiq elektr energiyasi yetkazib berishning maxsus tartibiga ega boʻlgan korxonalar uchun esa — 0,2 foiz miqdorida penya hisoblab yoziladi.

12. Elektr taʼminoti shartnomalarida (maishiy isteʼmolchilardan tashqari) hisob-kitob qilish davrida elektr taʼminoti shartnomasida koʻrsatilganidan 5 foizdan ortiq miqdorda isteʼmol qilingan elektr energiyasi uchun hududiy elektr tarmoqlari korxonalari foydasiga hisob-kitob davri uchun elektr taʼminoti shartnomasida koʻrsatilgan miqdordan ortiqcha jami hajm uchun elektr energiyasi uchun belgilangan tarifning 50 foizi miqdorida jarima sanksiyalari toʻlash nazarda tutiladi.

13. Elektr taʼminoti shartnomasida koʻrsatilgan elektr energiyasining tegishli hajmi uchun oldindan haq toʻlangan taqdirda nazarda tutilayotgan oʻzgarishlargacha (joriy oy tugagungacha) 10 kundan kech boʻlmagan muddatda isteʼmolchining taklifiga koʻra elektr energiyasining shartnomadagi hajmlariga oʻzgartirishlar kiritilgan taqdirda elektr energiyasi kam yoki ortiqcha olingan deb hisoblanmaydi.

Elektr energiyasining shartnomadagi hajmlarini kamayish tomonga oʻzgartirishlar, oldindan haq toʻlanishidan qatʼi nazar, amalga oshiriladi.

15. Hisoblangan davr uchun elektr energiyasining ortiqcha olingan hajmi hisobga olish priborlarining belgilangan shakldagi dalolatnoma yoki solishtirish dalolatnomasi bilan tasdiqlangan koʻrsatkichlari boʻyicha aniqlanadi, u jarima miqdorini hisoblash uchun asos hisoblanadi.

16. Hududiy elektr tarmoqlari korxonasi jarima sanksiyalari boʻyicha alohida hisobni yuritadi, ularni hisobotlarda alohida ustunda aks ettiradi, ular boʻyicha alohida toʻlov talabnomalarini rasmiylashtiradi va taqdim etadi.

17. Elektr energiyasining sifati, shuningdek isteʼmolchilar tomonidan reaktiv energiyaning isteʼmoli va generatsiyasi uchun elektr energiyasi uchun tariflarga chegirmalar va ustamalar Elektr energiyasidan foydalanish qoidalariga muvofiq hisoblanadi.

18. Alohida xavfli hamda elektr energiyasining uzib qoʻyilishi texnogen va avariyali oqibatlarga olib kelishi mumkin boʻlgan, uzluksiz texnologik jarayonga ega boʻlgan sanoat korxonalarida qarzdorlik vujudga kelgan taqdirda haq toʻlanmaganligi uchun elektr energiyasi yetkazib berilishini cheklash belgilangan tartibda elektr taʼminotining avariya bronigacha, toʻliq uzib qoʻyish esa — faqat sud qaroriga koʻra amalga oshirilishi mumkin.

Hududiy elektr tarmoqlari korxonasi hamda elektr energiyasi isteʼmolchisi tomonidan imzolangan texnologiya va avariya broni dalolatnomalari shartnomaning uzviy qismi hisoblanadi.

III. Sotiladigan elektr energiyasi boʻyicha hisobga olish va hisobot

19. Quyidagilar hududiy elektr tarmoqlari korxonasining isteʼmolchilar bilan oʻzaro hisob-kitob qilish sohasidagi asosiy vazifalari hisoblanadi:

belgilangan tartibda aktiv va reaktiv energiyani hisobga olish priborlari koʻrsatkichlariga muvofiq elektr energiyasi hisobini yuritish;

schyot-fakturalarni rasmiylashtirish;

toʻlov talabnomalarini tayyorlash, rasmiylashtirish hamda ularni yetkazib berilgan elektr energiyasi qiymatini va elektr energiyasi ortiqcha olinganligi uchun jarima sanksiyalarini (penyalarni) toʻlash uchun bankka taqdim etish;

aylanma vedomostni yuritish;

tovar mahsulotlar va asosiy faoliyat boʻyicha boshqa daromadlar balansini tuzish.

20. Qoʻyilgan vazifalarni hal etish uchun hududiy elektr tarmoqlari korxonasi quyidagi funksiyalarni amalga oshiradi:

b) belgilangan shakl (ushbu Nizomga 4-ilova) boʻyicha isteʼmol qilingan elektr energiyasi uchun hisob-kitobni amalga oshiradi;

v) hisob-kitob qilish davrida yetkazib berilgan elektr energiyasi uchun toʻlovni, solingan jarima sanksiyalarini, penyalarni, qoʻllanilgan ustamalar va qayta hisob-kitoblarni toʻlash uchun hujjatlar paketini qonunchilikda belgilangan tartibda xizmat koʻrsatuvchi bankka taqdim etadi;

g) isteʼmolchining hisob-kitob qilish davri mobaynida isteʼmol qilingan elektr energiyasi (quvvati) toʻgʻrisidagi maʼlumotlari va isteʼmol qilingan elektr energiyasi (quvvati) uchun hisob-kitob qilish asosida aylanma vedomostni (ushbu Nizomga 5-ilova) toʻldiradi. Aylanma vedomostni qoʻlda toʻldirishda ushbu Nizomga 6-ilovaga muvofiq shakldan foydalanish lozim. Isteʼmolchining elektr energiyasi uchun toʻlov summasi mablagʻlarning hududiy elektr tarmoqlari korxonasi hisob raqamiga tushishiga koʻra aylanma vedomostga yozib boriladi;

d) aylanmalarni (taqdim etish va toʻlash) va har qaysi hisob-kitob oyi uchun saldo qoldiqlarini aks ettirish uchun shaxsiy kartochka boʻyicha hisobni yuritadi.

e) hisob-kitob davrida isteʼmolchilarga yetkazib berilgan hamda hududiy elektr tarmoqlari korxonasi tomonidan ushbu davrda qabul qilingan elektr energiyasi hajmi, shu jumladan texnologik xarajatlar amaldagi koʻrsatkichlarining normativdagidan ortiq boʻlishi natijasida paydo boʻlgan tafovutining buxgalteriya hisobini, 7 — 9-ilovalarga muvofiq shakllar boʻyicha hisobotlarni rasmiylashtirgan holda, yuritadi.

21. Yuqorida koʻrsatib oʻtilgan birlamchi hujjatlar va aylanma vedomost asosida hududiy elektr tarmoqlari korxonasi har oyda, “Oʻzbekenergo” davlat-aksiyadorlik kompaniyasi tomonidan belgilangan muddatlarda (bir oy uchun, yil choragi uchun, yil uchun) ortib boruvchi yakun bilan tovar mahsulot va asosiy faoliyat boʻyicha boshqa daromadlar balansini tuzadi (ushbu Nizomga 10-ilova). Tovar mahsulot va asosiy faoliyat boʻyicha boshqa daromadlar balansida har qaysi oyning boshi va oxiridagi aylanmalar (taqdim etish va toʻlash) hamda saldo qoldiqlari aks ettiriladi.

22. Hisobga olish va yetkazib berilgan elektr energiyasi hajmi boʻyicha hisobotlarning ishonchliligi, shuningdek yuqorida koʻrsatib oʻtilgan hujjatlarning toʻgʻri rasmiylashtirilishi uchun javobgarlik hududiy elektr tarmoqlari korxonalarining va ularning elektr bilan taʼminlovchi korxonalari rahbarlari, bosh buxgalterlari hamda boshqa mansabdor va moddiy javobgar shaxslari zimmasiga yuklanadi.

Elektr energiyasi isteʼmolchilari va hududiy elektr tarmoqlari korxonalari oʻrtasidagi oʻzaro hisob-kitoblar tartibi toʻgʻrisidagi nizomga 2-ILOVA

Qishloq xoʻjaligi korxonalari va kimyo sanoati korxonalari tomonidan isteʼmol qilingan elektr energiyasi uchun mablagʻlarning transhlar boʻyicha oʻtishi namunaviy sxemasi

*Izoh. Paxta, don va sholi yetishtiruvchi xoʻjaliklarga, shuningdek qishloq xoʻjaligiga xizmat koʻrsatuvchi korxonalar va tashkilotlarga yetkazib beriladigan elektr energiyasi uchun “Oʻzbekenergo” DAK korxonalari bilan hisob-kitoblar transhlar asosida, Oʻzbekiston Respublikasi Moliya vazirligi huzuridagi Davlat ehtiyojlari uchun xarid qilinadigan qishloq xoʻjaligi mahsulotlarining hisob-kitob jamgʻarmasi sxemalari boʻyicha amalga oshiriladi.

Elektr energiyasi isteʼmolchilari va hududiy elektr tarmoqlari korxonalari oʻrtasidagi oʻzaro hisob-kitoblar tartibi toʻgʻrisidagi Nizomga 3-ILOVA

(3-ilova Oʻzbekiston Respublikasi Vazirlar Mahkamasining 2017-yil 29-dekabrdagi 1034-sonli qarori tahririda — Qonun hujjatlari maʼlumotlari milliy bazasi, 29.12.2017-y., 09/18/1034/0502-son)

Elektr energiyasi isteʼmolchilari va hududiy elektr tarmoqlari korxonalari oʻrtasidagi oʻzaro hisob-kitoblar tartibi toʻgʻrisidagi nizomga 3a-ilova

Vazirlik, idora:‎‎‎‎‎‎‎‎IFUT:‎‎‎‎‎‎‎‎‎Isteʼmolchining nomi:‎‎‎‎‎‎‎‎Manzil:‎‎‎‎‎‎‎‎Bank, h/r, bankning FPM, STIR:‎‎‎‎‎‎‎‎Telefon (faks)‎‎‎‎‎‎‎‎20 __ yil ______________ oyidagi elektr energiyasi (aktiv, reaktiv) yetkazib berish ‎DALOLATNOMASI‎‎Koʻrsatkich yozib olingan sana — 20__yil “______” ________________Hisobga olish pribori (hisoblagich)ning zavod raqami va turiHisoblash koeffitsiyentiAktiv energiya koʻrsatkichiAktiv energiya koʻrsatkichidagi tafovutSarfi, kVt. soatReaktiv energiya koʻrsatkichiReaktiv energiya koʻrsatkichidagi tafovut‎‏Sarfi kVar. soatIzohtok transformatori boʻyicha (TT)kuchlanish transformatori boʻyicha (TN)‎umumiy‎boshlangʻich‎oxirgi‎boshlangʻich‎oxirgi‎‎123‎‎4=2x3‎5‎6‎7=6-58=4x7‎10‎11‎12=11-10‎13=4x12‎15‎‎‎‎‎‎‎‎‎‎‎‎‎‎‎Jami‎‎‎‎‎‎‎‎‎‎‎‎‎Toʻldirish tartibi:‎‎‎‎‎‎‎‎‎1-ustun — hisoblagichning (zavod) raqami va turi;2,3,4-ustunlar — tok transformatori va kuchlanish transformatori parametrlari asosida belgilanadigan hisoblash koeffitsiyenti;‎5,6-ustunlar— (aktiv) elektr energiyasi hisoblagichining boshlangʻich va oxirgi (koʻrsatkich yozib olingan vaqtda) koʻrsatkichi;‎7,8-ustunlar— koʻrsatkichdagi tafovutni hisoblash va har bir hisoblagich boʻyicha (aktiv) elektr energiyasi sarfi;‎10,11- ustunlar— (reaktiv) elektr energiyasi hisoblagichining boshlangʻich va oxirgi (koʻrsatkich yozib olingan vaqtda) koʻrsatkichi;‎12,13- ustunlar — koʻrsatkichdagi tafovutni hisoblash va har bir hisoblagich boʻyicha (reaktiv) elektr energiyasi sarfi;‎15- ustun— izoh.1. Korxona rahbari __________________‎2. Hududiy elektr tarmoqlari korxonasi vakili ___________________________‎‎‎‎‎‎(F.I.O., imzo)‎‎‎(F.I.O., imzo)‎‎‎‎‎‎‎M.Oʻ.‎‎‎‎‎‎‎‎‎‎‎‎‎‎Korxonaning elektr xoʻjaligi uchun masʼul shaxsi‎‎____________________________________‎‎‎‎‎‎‎‎‎‎(F.I.O., imzo)‎‎‎‎

Elektr energiyasi isteʼmolchilari va hududiy elektr tarmoqlari korxonalari oʻrtasidagi oʻzaro hisob-kitoblar tartibi toʻgʻrisidagi Nizomga 4-ILOVA

(4-ilova Oʻzbekiston Respublikasi Vazirlar Mahkamasining 2017-yil 29-dekabrdagi 1034-sonli qarori tahririda — Qonun hujjatlari maʼlumotlari milliy bazasi, 29.12.2017-y., 09/18/1034/0502-son)

Elektr energiyasi isteʼmolchilari va hududiy elektr tarmoqlari korxonalari oʻrtasidagi oʻzaro hisob-kitoblar tartibi toʻgʻrisidagi nizomga 5-ILOVA

(5-ilovaning matni Oʻzbekiston Respublikasi Vazirlar Mahkamasining 2017-yil 29-dekabrdagi 1034-sonli qarori tahririda — Qonun hujjatlari maʼlumotlari milliy bazasi, 29.12.2017-y., 09/18/1034/0502-son)

Elektr energiyasi isteʼmolchilari va hududiy elektr tarmoqlari korxonalari oʻrtasidagi oʻzaro hisob-kitoblar tartibi toʻgʻrisidagi nizomga 6-ILOVA

Toʻldirish tartibi:

“toʻlangan” ustunlari — bank koʻchirmalari, avizo va boshqa toʻlov turlari boʻyicha pul tushumi;

“hisobdan chiqarilgan” ustunlari — mavjud hujjatlar — sud qarori, korxona boʻyicha buyruq asosida hisobdan chiqarilgan kVt.soat va summa koʻrsatiladi.

Elektr energiyasi isteʼmolchilari va hududiy elektr tarmoqlari korxonalari oʻrtasidagi oʻzaro hisob-kitoblar tartibi toʻgʻrisidagi nizomga 7-ILOVA

Elektr energiyasi isteʼmolchilari va hududiy elektr tarmoqlari korxonalari oʻrtasidagi oʻzaro hisob-kitoblar tartibi toʻgʻrisidagi nizomga 8-ILOVA

Elektr energiyasi isteʼmolchilari va hududiy elektr tarmoqlari korxonalari oʻrtasidagi oʻzaro hisob-kitoblar tartibi toʻgʻrisidagi nizomga 9-ILOVA

Elektr energiyasi isteʼmolchilari va hududiy elektr tarmoqlari korxonalari oʻrtasidagi oʻzaro hisob-kitoblar tartibi toʻgʻrisidagi nizomga 10-ILOVA

(10-ilovaning matni Oʻzbekiston Respublikasi Vazirlar Mahkamasining 2017-yil 29-dekabrdagi 1034-sonli qarori tahririda — Qonun hujjatlari maʼlumotlari milliy bazasi, 29.12.2017-y., 09/18/1034/0502-son)