“5-9 sinf oʻquvchilarining bilimlari sifatini nazorat qilishning reyting tizimi toʻgʻrisidagi nizomni tasdiqlash haqida”gi qarorga oʻzgartirishlar kiritish toʻgʻrisida (2117-1-son)

04.05.2018

Oʻzbekiston Respublikasi Xalq taʼlimi vazirligi Oʻzbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspeksiyasining

Qarori

[Oʻzbekiston Respublikasi Adliya vazirligi tomonidan 2018-yil 4-mayda roʻyxatdan oʻtkazildi, roʻyxat raqami 2117-1]

Oʻzbekiston Respublikasi Vazirlar Mahkamasining 2017-yil 15-martdagi 140-son “Umumiy oʻrta taʼlim toʻgʻrisidagi nizomni tasdiqlash haqida”gi hamda 2017-yil 6-apreldagi 187-son “Umumiy oʻrta va oʻrta maxsus, kasb-hunar taʼlimining davlat taʼlim standartlarini tasdiqlash toʻgʻrisida”gi qarorlariga muvofiq Oʻzbekiston Respublikasi Xalq taʼlimi vazirligi hamda Oʻzbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspeksiyasi qaror qiladi:

1. Oʻzbekiston Respublikasi Xalq taʼlimi vazirligi hamda Oʻzbekiston Respublikasi Vazirlar Mahkamasi huzuridagi Davlat test markazining 2010-yil 8-iyundagi 23 va 11/QQ-son “5 — 9 sinf oʻquvchilarining bilimlari sifatini nazorat qilishning reyting tizimi toʻgʻrisidagi nizomni tasdiqlash haqida”gi qaroriga (roʻyxat raqami 2117, 2010-yil 25-iyun) (Oʻzbekiston Respublikasi qonun hujjatlari toʻplami, 2010-y., 26-27-son, 215-modda) ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Xalq taʼlimi vaziri U. INOYATOV

Toshkent sh.,

2018-yil 6-aprel,

4-mh-son

Vazirlar Mahkamasi huzuridagi Taʼlim sifatini nazorat qilish davlat inspeksiyasi boshligʻi U. TAShKENBAYEV

Toshkent sh.,

2018-yil 6-aprel,

2-mh-son

Oʻzbekiston Respublikasi Xalq taʼlimi vazirligi va Vazirlar Mahkamasi huzuridagi Taʼlim sifatini nazorat qilish davlat inspeksiyasining 2018-yil 6-apreldagi 4-mh va 2-mh-son qaroriga ILOVA

“5 — 9-sinf oʻquvchilarining bilimlari sifatini nazorat qilishning reyting tizimi toʻgʻrisidagi nizomni tasdiqlash haqida”gi qarorga kiritilayotgan oʻzgartirishlar

1. Muqaddimadagi “1998-yil 13-maydagi 203-son “Oʻzbekiston Respublikasida umumiy oʻrta taʼlimni tashkil etish toʻgʻrisida”gi qaroriga” degan soʻzlar “2017-yil 15-martdagi 140-son “Umumiy oʻrta taʼlim toʻgʻrisidagi nizomni tasdiqlash haqida”gi qaroriga” degan soʻzlar bilan almashtirilsin.

2. Nizomda:

a) muqaddima quyidagi tahrirda bayon etilsin:

“Mazkur Nizom Oʻzbekiston Respublikasining “Taʼlim toʻgʻrisida”gi va “Kadrlar tayyorlash milliy dasturi toʻgʻrisida”gi qonunlari hamda Oʻzbekiston Respublikasi Vazirlar Mahkamasining 2017-yil 15-martdagi 140-son “Umumiy oʻrta taʼlim toʻgʻrisidagi nizomni tasdiqlash haqida”gi qaroriga muvofiq umumiy oʻrta taʼlim maktablarida 5 — 9-sinf oʻquvchilarining bilimlarini baholash va ularning reytingini aniqlash tizimini belgilaydi.”;

b) 1-band quyidagi tahrirda bayon etilsin:

“1. Umumiy oʻrta taʼlim maktablarida 5 — 9-sinf oʻquvchilarining (keyingi oʻrinlarda oʻquvchilar deb yuritiladi) bilimlari sifatini nazorat qilishning reyting tizimi (keyingi oʻrinlarda reyting tizimi deb yuritiladi) Umumiy oʻrta taʼlim davlat taʼlim standartining (keyingi oʻrinlarda Davlat taʼlim standarti deb yuritiladi) tarkibiy qismi hisoblanadi.”;

v) 6-bandda:

ikkinchi xatboshidagi “kollokviumlar, seminarlar, kontrol ishlar,” degan soʻzlar “nazorat ishlari yoki” degan soʻzlar bilan almashtirilsin;

uchinchi xatboshidagi “imtihonlar, testlar, sinovlar va malakaga doir ishlar” degan soʻzlar “yozma nazorat ishi yoki testlar” degan soʻzlar bilan almashtirilsin;

beshinchi xatboshidagi “imtihonlar, test sinovlari, sinovlar” degan soʻzlar “ogʻzaki, yozma imtihon hamda test sinovlari” degan soʻzlar bilan almashtirilsin.