1941-1945-yillardagi urush faxriylarini, shuningdek, fashistlar konslagerlarining voyaga yetmagan sobiq mahbuslari va Leningrad shahri qamal qilingan davrda ishlagan fuqarolarni ijtimoiy himoya qilish boʻyicha qoʻshimcha chora-tadbirlar toʻgʻrisida (317-son)

28.04.2018

Oʻzbekiston Respublikasi Vazirlar Mahkamasining

qarori

Mamlakatimizda keksalar, nogironligi boʻlgan shaxslar, aholining kam taʼminlangan qatlamlarini davlat tomonidan qoʻllab-quvvatlash va ijtimoiy himoya qilishning samarali tizimini shakllantirish bilan bogʻliq keng koʻlamli tadbirlar izchil amalga oshirilayotgani, shuningdek, 1941 — 1945-yillardagi urush faxriylariga alohida eʼtibor berilayotganini taʼkidlash zarur. 1941 — 1945-yillardagi urush faxriylarini va fashistlar konslagerlarining voyaga yetmagan sobiq mahbuslari va Leningrad shahri qamal qilingan davrda ishlagan fuqarolarni manzilli ijtimoiy himoya qilishni yanada kuchaytirish va ularga koʻrsatilayotgan xizmatlar sifatini oshirish maqsadida Vazirlar Mahkamasi qaror qiladi:

1. 2018-yil 1-maydan quyidagilar:

1941 — 1945-yillardagi urush faxriylarini va fashistlar konslagerlarining voyaga yetmagan sobiq mahbuslari va Leningrad shahri qamal qilingan davrda ishlagan fuqarolarga bepul taqdim etish uchun mamlakatimizda ishlab chiqarilgan asosiy turdagi oziq-ovqat mahsulotlari hamda gigiyena tovarlari roʻyxati 1-ilovaga muvofiq;

1941 — 1945-yillardagi urush faxriylarini va fashistlar konslagerlarining voyaga yetmagan sobiq mahbuslari va Leningrad shahri qamal qilingan davrda ishlagan fuqarolarga bepul taqdim etish uchun mamlakatimizda ishlab chiqarilgan zarur kiyim-kechak va poyabzallar roʻyxati 2-ilovaga muvofiq tasdiqlansin va joriy etilsin.

Belgilansinki, Vazirlar Mahkamasining “Keksalar va nogironligi boʻlgan shaxslarni manzilli ijtimoiy himoya qilish va qoʻllab-quvvatlashni yanada kuchaytirish chora-tadbirlari toʻgʻrisida” 2015-yil 10-avgustdagi 237-son qaroriga muvofiq mamlakatimizda ishlab chiqarilgan asosiy turdagi oziq-ovqat mahsulotlari va gigiyena tovarlarini olish huquqiga ega boʻlgan 1941 — 1945-yillardagi urush faxriylarini va fashistlar konslagerlarining voyaga yetmagan sobiq mahbuslari va Leningrad shahri qamal qilingan davrda ishlagan fuqarolar ushbu tovar va mahsulotlarni mazkur qarorda nazarda tutilgan tartibda oladilar.

2. Quyidagilar 1941 — 1945-yillardagi urush faxriylarini va fashistlar konslagerlarining voyaga yetmagan sobiq mahbuslari va Leningrad shahri qamal qilingan davrda ishlagan fuqarolarni taʼminlashni moliyalashtirish manbalari etib belgilansin:

mamlakatimizda ishlab chiqarilgan asosiy turdagi oziq-ovqat mahsulotlari va gigiyena tovarlari bilan — Qoraqalpogʻiston Respublikasi budjeti, viloyatlar va Toshkent shahri mahalliy budjetlari mablagʻlari;

mamlakatimizda ishlab chiqarilgan zarur kiyim-kechak va poyabzal bilan — Oʻzbekiston Respublikasining respublika budjeti mablagʻlari.

3. Oʻzbekiston faxriylarining ijtimoiy faoliyatini qoʻllab-quvvatlash “Nuroniy” jamgʻarmasining 1941—1945-yillardagi urush faxriylarini va fashistlar konslagerlarining voyaga yetmagan sobiq mahbuslari va Leningrad shahri qamal qilingan davrda ishlagan fuqarolar uchun mamlakatimizda ishlab chiqarilgan asosiy turdagi oziq-ovqat mahsulotlari va gigiyena tovarlarini, zarur kiyim-kechak va poyabzallarni jamgʻarmaning Qoraqalpogʻiston Respublikasi, viloyatlar va Toshkent shahridagi boʻlimlari orqali xarid qilish va yetkazib berish boʻyicha qoʻshimcha vazifalarni jamgʻarmaga yuklash toʻgʻrisidagi taklifiga rozilik berilsin.

4. “Nuroniy” jamgʻarmasi va “Xalq banki” ATBga mamlakatimizda ishlab chiqarilgan asosiy turdagi oziq-ovqat mahsulotlari va gigiyena tovarlarini, bir vaqtning oʻzida davlat pensiyalari va nafaqalarini ham yashash joyiga toʻlov undirmasdan yetkazib berish (topshirish) tavsiya etilsin.

5. “Nuroniy” jamgʻarmasi 1941 — 1945-yillardagi urush faxriylarini va fashistlar konslagerlarining voyaga yetmagan sobiq mahbuslari va Leningrad shahri qamal qilingan davrda ishlagan fuqarolarni mamlakatimizda ishlab chiqarilgan asosiy turdagi oziq-ovqat mahsulotlari va gigiyena tovarlari bilan har oyning 15 sanasigacha, zarur kiyim-kechak va poyabzallar bilan 1-oktabrdan kechiktirmasdan oʻz vaqtida taʼminlash choralarini koʻrsin.

6. Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasi “Nuroniy” jamgʻarmasi, Ichki ishlar vazirligi va Mudofaa vazirligi bilan birgalikda 1941 — 1945-yillardagi urush faxriylarini va fashistlar konslagerlarining voyaga yetmagan sobiq mahbuslari va Leningrad shahri qamal qilingan davrda ishlagan fuqarolarning roʻyxatlari har oyda shakllantirilishini taʼminlasin.

7. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari K.V. Akmalov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2018-yil 28-aprel,

317-son

Vazirlar Mahkamasining 2018-yil 28-apreldagi 317-son qaroriga 1-ILOVA

1941 — 1945-yillardagi urush faxriylarini va fashistlar konslagerlarining voyaga yetmagan sobiq mahbuslari va Leningrad shahri qamal qilingan davrda ishlagan fuqarolarga bepul taqdim etish uchun mamlakatimizda ishlab chiqarilgan asosiy turdagi oziq-ovqat mahsulotlari hamda gigiyena tovarlari

ROʻYXATI

T/r Tovarlar nomi Oʻlchov birligi 1 kishi uchun bir oyga belgilangan norma 1. Un (oliy nav) kg 3 2. Guruch kg 1 3. Grechka yormasi kg 0,5 4. Makaron mahsulotlari kg 0,5 5. Mol goʻshti (suyaksiz) kg 1 6. Uy parrandasi goʻshti kg 1 7. Sariyogʻ kg 0,2 8. Tuxum (dona) dona 15 9. Shakar kg 1 10. Kungaboqar yogʻi l 1 11. Koʻk yoki qora choy kg 0,2 12. Atir sovun kg 0,1 13. Kirsovun (65%) kg 0,2 14. Kir yuvish kukuni kg 0,15 15. Kattalar uchun taglik dona 8

Vazirlar Mahkamasining 2018-yil 28-apreldagi 317-son qaroriga 2-ILOVA

1941 — 1945-yillardagi urush faxriylarini va fashistlar konslagerlarining voyaga yetmagan sobiq mahbuslari va Leningrad shahri qamal qilingan davrda ishlagan fuqarolarga bepul taqdim etish uchun mamlakatimizda ishlab chiqarilgan zarur kiyim-kechak va poyabzallar

ROʻYXATI

T/r Tovarlar nomi Oʻlchov birligi Soni Taqdim etish davriyligi Erkaklarga 1. Kostyum dona 1 Har yili 2. Kurtka dona 1 Har 2 yilda 3. Bosh kiyim dona 1 Har 2 yilda 4. Poyabzal (qishki) juft 1 Har yili 5. Poyabzal (yengil) juft 1 Har yili 6. Koʻylak dona 2 Har yili 7. Ichki kiyim dona 2 Har yili 8. Ichki kiyim (qalin) dona 1 Har yili 9. Paypoq juft 4 Har yili 10. Sviter (qalin) dona 1 Har yili Ayollarga 1. Koʻylak (qalin) dona 1 Har yili 2. Palto dona 1 Har 2 yilda 3. Roʻmol (yozgi, qishki) dona 1 Har 2 yilda 4. Poyabzal (qishki) juft 1 Har yili 5. Poyabzal (yengil) juft 1 Har yili 6. Koʻylak (yengil) dona 1 Har yili 7. Ichki kiyim dona 2 Har yili 8. Ichki kiyim (qalin) dona 1 Har yili 9. Paypoq juft 4 Har yili 10. Sviter (qalin) dona 1 Har yili