Global ekologik jamgʻarma bilan hamkorlikni rivojlantirish toʻgʻrisida (307-son)

26.04.2018

Oʻzbekiston Respublikasi Vazirlar Mahkamasining

qarori

Global ekologik jamgʻarma bilan hamkorlik samaradorligini yanada oshirish hamda ekologiya va atrof-muhitni muhofaza qilish sohasidagi loyihalari amalga oshirish uchun grantlar jalb yetish maqsadida:

1. Oʻzbekiston Respublikasi Ekologiya va atrof-muhitni muhofaza qilish davlat qoʻmitasi Global ekologik jamgʻarma bilan hamkorlik doirasida Oʻzbekiston Respublikasining siyosiy va operativ masalalar boʻyicha milliy vakolatli organi yetib belgilansin.

2. Oʻzbekiston Respublikasi Ekologiya va atrof-muhitni muhofaza qilish davlat qoʻmitasiga Global ekologik jamgʻarma bilan hamkorlik qilish doirasida quyidagi vazifalar yuklansin:

qisqa va oʻrta muddatli istiqbolda atrof-muhitni muhofaza qilish va tabiiy resurslardan oqilona foydalanish sohasidagi ustuvor loyihalarni amalga oshirish doirasida Global ekologik jamgʻarma bilan hamkorlikni rivojlantirish boʻyicha takliflar ishlab chiqish;

vazirliklar, idoralar va boshqa tashkilotlarning atrof-muhitni muhofaza qilish va tabiiy resurslardan oqilona foydalanish sohasida Global ekologik jamgʻarma grantlarini jalb qilgan holda amalga oshirish uchun taklif yetilgan loyiha takliflarini koʻrib chiqish va kelishish;

Global ekologik jamgʻarma grantlari hisobidan amalga oshirilayotgan va amalga oshirishga taklif yetilayotgan atrof-muhitni muhofaza qilish va tabiiy resurslardan oqilona foydalanish sohasidagi loyihalarning maʼlumotlar bazasini shakllantirish va muntazam yangilab borish.

3. Oʻzbekiston Respublikasi Tashqi ishlar vazirligi Oʻzbekiston Respublikasi Ekologiya va atrof-muhitni muhofaza qilish davlat qoʻmitasi siyosiy va operativ masalalar boʻyicha milliy vakolatli organ yetib belgilanganligi toʻgʻrisida Global ekologik jamgʻarma kotibiyatini belgilangan tartibda xabardor etsin.

4. Mazkur qaroring ijrosini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J. Ramatov hamda Oʻzbekiston Respublikasi Ekologiya va atrof-muhitni muhofaza qilish davlat qoʻmitasi raisi B.T. Kuchkarov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2018-yil 26-aprel,

307-son