Davlat qisqa muddatli obligatsiyalari bozorida dilerlik vazifalarini bajarishga doir shartnomalar tuzish tartibiga oʻzgartirishlar kiritish toʻgʻrisida (525-8-son)

26.04.2018

Oʻzbekiston Respublikasi Markaziy banki Boshqaruvining

Qarori

[Oʻzbekiston Respublikasi Adliya vazirligi tomonidan 2018-yil 26-aprelda roʻyxatdan oʻtkazildi, roʻyxat raqami 525-8]

Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi Qonuni va Oʻzbekiston Respublikasi Prezidentining 2018-yil 9-yanvardagi PF-5296-son “Oʻzbekiston Respublikasi Markaziy bankining faoliyatini tubdan takomillashtirish chora-tadbirlari toʻgʻrisida”gi Farmoniga muvofiq Oʻzbekiston Respublikasi Markaziy banki Boshqaruvi qaror qiladi:

1. Oʻzbekiston Respublikasi Markaziy banki Boshqaruvi tomonidan 1997-yil 4-oktabrda 48V-son bilan tasdiqlangan Davlat qisqa muddatli obligatsiyalari bozorida dilerlik vazifalarini bajarishga doir shartnomalar tuzish tartibiga (roʻyxat raqami 525, 1998-yil 9-noyabr) ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Markaziy bank raisi M. NURMURATOV

Toshkent sh.,

2018-yil 16-aprel,

48-V-8-son

Oʻzbekiston Respublikasi Markaziy banki Boshqaruvining 2018-yil 16-apreldagi 48-V-8-son qaroriga ILOVA

Davlat qisqa muddatli obligatsiyalari bozorida dilerlik vazifalarini bajarishga doir shartnomalar tuzish tartibiga kiritilayotgan oʻzgartirishlar

1. 1.2-banddagi, 3.1-bandning birinchi xatboshisidagi va 5.6-banddagi “Monetar siyosat departamentiga” degan soʻzlar “Monetar operatsiyalar departamentiga” degan soʻzlar bilan almashtirilsin.

2. 4.1-banddagi “Monetar siyosat departamentining” degan soʻzlar “Monetar operatsiyalar departamentining” degan soʻzlar bilan almashtirilsin.

3. 4.2-bandda:

birinchi xatboshidagi “Monetar siyosat departamenti” degan soʻzlar “Monetar operatsiyalar departamenti” degan soʻzlar bilan almashtirilsin;

ikkinchi xatboshidagi “Kredit tashkilotlari faoliyatini litsenziyalash va tartibga solish departamentiga” degan soʻzlar “Kredit tashkilotlari prudensial nazorati departamentiga” degan soʻzlar bilan almashtirilsin.

4. 5.4 va 5.5-bandlardagi “Monetar siyosat departamenti” degan soʻzlar “Monetar operatsiyalar departamenti” degan soʻzlar bilan almashtirilsin.

5. 4-ilovaning 2-bandidagi “Monetar siyosat departamentining” degan soʻzlar “Monetar operatsiyalar departamentining” degan soʻzlar bilan almashtirilsin.

6. Mazkur oʻzgartirishlar Oʻzbekiston Respublikasi Moliya vazirligi bilan kelishilgan.

Moliya vaziri D. KUChKAROV

2018-yil 16-aprel