Ichki audit xizmati xodimlarini sertifikatlash tartibi toʻgʻrisidagi nizomga oʻzgartirishlar va qoʻshimcha kiritish haqida (2361-1-son)

10.04.2018

Oʻzbekiston Respublikasi Moliya vazirining

buyrugʻi

[Oʻzbekiston Respublikasi Adliya vazirligi tomonidan 2018-yil 10-aprelda roʻyxatdan oʻtkazildi, roʻyxat raqami 2361-1]

Oʻzbekiston Respublikasi Vazirlar Mahkamasining 2017-yil 20-dekabrdagi 1001-son “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Huquqbuzarliklar profilaktikasi va jinoyatchilikka qarshi kurashish tizimini yanada takomillashtirish chora-tadbirlar toʻgʻrisida” 2017-yil 14-martdagi PQ-2833-son qarori)”gi qaroriga muvofiq buyuraman:

1. Oʻzbekiston Respublikasi moliya vazirining 2012-yil 2-apreldagi 90-son buyrugʻi (roʻyxat raqami 2361, 2012-yil 12-may) (Oʻzbekiston Respublikasi qonun hujjatlari toʻplami, 2012-y., 20-son, 220-modda) bilan tasdiqlangan Ichki audit xizmati xodimlarini sertifikatlash tartibi toʻgʻrisidagi nizomga ilovaga muvofiq oʻzgartirishlar va qoʻshimcha kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

Vazir D. KUChKAROV

Toshkent sh.,

2018-yil 29-mart,

66-son

Oʻzbekiston Respublikasi moliya vazirining 2018-yil 29-martdagi 66-son buyrugʻiga ILOVA

Ichki audit xizmati xodimlarini sertifikatlash tartibi toʻgʻrisidagi nizomga kiritilayotgan oʻzgartirishlar va qoʻshimcha

1. 12-bandda:

toʻrtinchi xatboshidagi “diplomning notarial” degan soʻzlar “diplom (nusxasi olinib, asli qaytariladi)” degan soʻzlar bilan almashtirilsin;

beshinchi xatboshi quyidagi tahrirda bayon etilsin:

“mehnat daftarchasi (nusxasi olinib, asli qaytariladi) yoki uning ish beruvchi tomonidan tasdiqlangan nusxasi;”;

yettinchi xatboshidagi “sertifikatining notarial yoki sertifikat” degan soʻzlar “sertifikati (nusxasi olinib, asli qaytariladi) yoki ushbu sertifikatni” degan soʻzlar bilan almashtirilsin;

sakkizinchi xatboshi “hujjati” degan soʻzdan keyin “nusxasi” degan soʻz bilan toʻldirilsin.

2. 56-banddan “notarial tasdiqlangan” degan soʻzlar chiqarib tashlansin.

3. 58-bandning toʻrtinchi xatboshisidagi “toʻlov hujjati” degan soʻzlar “toʻlov hujjatining nusxasi” degan soʻzlar bilan almashtirilsin.

4. 72-bandning ikkinchi xatboshisidan “va u ichki audit xizmatida ishlab turgan xoʻjalik yurituvchi subyektga” degan soʻzlar chiqarib tashlansin.

5. Mazkur oʻzgartirishlar va qoʻshimcha Oʻzbekiston buxgalterlar va auditorlar milliy assotsiatsiyasi, Oʻzbekiston auditorlar palatasi va Oʻzbekiston buxgalterlar federatsiyasi bilan kelishilgan.

Oʻzbekiston buxgalterlar va auditorlar milliy assotsiatsiyasi Kengashi raisi M. TULAXODJAYEVA

2018-yil 29-mart

Oʻzbekiston auditorlar palatasi Kengashi raisi N. KARIMOV

2018-yil 29-mart

Oʻzbekiston buxgalterlar federatsiyasi Boshqaruvi raisi N. IBRAGIMOV

2018-yil 29-mart