Muhandislik-kommunikatsiya tarmoqlariga ulanish boʻyicha davlat xizmatlari koʻrsatishning maʼmuriy reglamentlarini tasdiqlash toʻgʻrisida (256-son)
31.03.2018
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Prezidentining “Aholiga davlat xizmatlari koʻrsatishning milliy tizimini tubdan isloh qilish chora-tadbirlari toʻgʻrisida” 2017-yil 12-dekabrdagi PF-5278-son Farmoniga muvofiq va muhandislik-kommunikatsiya tarmoqlariga ulanish boʻyicha davlat xizmatlari koʻrsatish tizimini yanada takomillashtirish maqsadida Vazirlar Mahkamasi qaror qiladi:
1. Quyidagilar muhandislik-kommunikatsiya tarmoqlariga ulanish boʻyicha davlat xizmatlari (keyingi oʻrinlar davlat xizmatlari deb ataladi) koʻrsatish tizimini yanada takomillashtirishning asosiy yoʻnalishlari hisoblansin:
davlat xizmatlari koʻrsatishda yuridik yoki jismoniy shaxslarning bevosita ishtirok etishini talab qiladigan tartibotlar sonini hamda ularni koʻrsatish muddatlarini tubdan qisqartirish;
yuridik va jismoniy shaxslardan boshqa davlat organlari va boshqa tashkilotlardan olinadigan hujjatlar va maʼlumotlar talab qilinishini bekor qilish;
davlat xizmatlari koʻrsatishda byurokratik toʻsiq va gʻovlarga yoʻl qoʻymaslik maqsadida davlat organlari va boshqa tashkilotlar oʻrtasida oʻzaro yaqin idoralararo elektron hamkorlik oʻrnatish;
davlat organlari va boshqa tashkilotlar faoliyati samaradorligini, tezkorligini va shaffofligini taʼminlash, ularning masʼuliyatini va ijro intizomini kuchaytirish;
Oʻzbekiston Respublikasi Yagona interaktiv davlat xizmatlari portalini (keyingi oʻrinlarda YIDXP deb ataladi) davlat xizmatlari koʻrsatish uchun yagona axborot maydonchasi sifatida belgilash.
2. Quyidagilar tasdiqlansin va 2018-yil 1-apreldan boshlab amalga kiritilsin:
Yuridik va jismoniy shaxslarni gaz tarmoqlariga ulash boʻyicha davlat xizmatlari koʻrsatishning maʼmuriy reglamenti 2-ilovaga muvofiq;
Yuridik va jismoniy shaxslarni issiqlik taʼminoti tarmoqlariga ulash boʻyicha davlat xizmatlari koʻrsatishning maʼmuriy reglamenti 3-ilovaga muvofiq;
Yuridik va jismoniy shaxslarni suv taʼminoti va suv chiqarib tashlash tarmoqlariga ulash boʻyicha davlat xizmatlari koʻrsatishning maʼmuriy reglamenti 4-ilovaga muvofiq.
3. Belgilansinki, 2018-yil 1-apreldan boshlab ushbu qaror bilan tasdiqlangan maʼmuriy reglamentlarga muvofiq koʻrsatiladigan davlat xizmatlaridan foydalanish uchun yuridik va jismoniy shaxslar faqat Davlat xizmatlari markazlari yoki YIDXP orqali murojaat qiladilar.
4. “Oʻzbekenergo” AJ, “Oʻztransgaz” AJ va Oʻzbekiston Respublikasi Uy-joy-kommunal xizmat koʻrsatish vazirligi va davlat xizmatlari koʻrsatilishida ishtirok etadigan boshqa davlat organlari:
oʻn kun muddatda davlat xizmatlari koʻrsatish uchun zarur hujjatlar va boshqa hujjatlarning namunaviy shakllari, blankalari ishlab chiqilishini hamda Oʻzbekiston Respublikasi Adliya vazirligi bilan kelishgan holda tasdiqlanishini;
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi hamda Adliya vazirligi huzuridagi Davlat xizmatlari agentligi bilan birgalikda 2018-yil 1-aprelgacha boʻlgan muddatda hududiy boʻlinmalar, idoraviy mansub tashkilotlar va davlat xizmatlari koʻrsatilishida ishtirok etadigan boshqa tuzilmalarning YIDXPga ulanishini;
Oʻzbekiston Respublikasi Adliya vazirligi huzuridagi Davlat xizmatlari agentligi va Savdo-sanoat palatasi bilan birgalikda 2018-yil mobaynida har chorakda kamida bir marta Davlat xizmatlari markazlarining xodimlari ishtirokida ushbu qaror bilan tasdiqlangan maʼmuriy reglamentlarni amalda qoʻllashning samaradorligi va natijadorligi darajasini oshirishga yoʻnaltirilgan oʻquv seminarlari tashkil etilishi va oʻtkazilishini taʼminlasinlar.
5. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Adliya vazirligi huzuridagi Davlat xizmatlari agentligi bilan birgalikda 2018-yil 1-aprelgacha boʻlgan muddatda YIDXPda:
davlat xizmatlari koʻrsatilishining har bir bosqichida yuridik va jismoniy shaxslar murojaatlarining koʻrib chiqilishini kuzatib borish tartibotini;
loyihalash, qurilish-montaj va sozlash-ishga tushirish tashkilotlaridan tijorat takliflarini olish uchun yuridik va jismoniy shaxslarning muhandislik-kommunikatsiya tarmoqlariga ulanish boʻyicha texnik shartlarini joylashtirishni nazarda tutuvchi tizimni joriy etsin.
6. Oʻzbekiston Respublikasi Moliya vazirligi, Markaziy bank, Davlat soliq qoʻmitasi, Axborot texnologiyalari va kommunikatsiyalarini rivojlantirish vazirligi davlat xizmatlarini koʻrsatuvchi davlat organlari va boshqa tashkilotlar bilan birgalikda 2018-yil 1-aprelgacha boʻlgan muddatda Yagona billing tizimi orqali real vaqt rejimida elektron shaklda toʻlovlar qabul qilinishini hamda davlat xizmatlari koʻrsatilishi uchun toʻlangan davlat bojlari va yigʻimlar summasi hisobi yuritilishini taʼminlasinlar.
7. Oʻzbekiston Respublikasi Adliya vazirligi:
davlat organlari va boshqa tashkilotlarning ular tomonidan davlat xizmatlari koʻrsatilishining belgilangan tartibiga rioya etilishi yuzasidan faoliyati ustidan, shu jumladan, YIDXP orqali doimiy nazorat oʻrnatsin;
ushbu qaror bilan tasdiqlangan davlat xizmatlarini koʻrsatish boʻyicha maʼmuriy reglamentlarning talablarini buzganlik uchun davlat organlari va boshqa tashkilotlar mansabdor shaxslariga nisbatan belgilangan tartibda maʼmuriy jazolarni koʻllasin.
8. Oʻzbekiston Respublikasi Hukumatining 5-ilovaga muvofiq ayrim qarorlari 2018-yil 1-apreldan boshlab oʻz kuchini yoʻqotgan deb hisoblansin.
9. Vazirliklar va idoralar bir oy muddatda oʻzlari tomonidan qabul qilingan normativ-huquqiy hujjatlarni ushbu qarorga muvofiqlashtirsinlar.
10. Belgilab qoʻyilsinki, davlat xizmatlari koʻrsatuvchi davlat organlari va boshqa tashkilotlar, Oʻzbekiston Respublikasi Adliya vazirligi rahbarlari ushbu qarorda nazarda tutilgan vazifalarning oʻz vaqtida, toʻliq va sifatli bajarilishi uchun shaxsan javob beradilar.
11. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” aksiyadorlik jamiyati boshqaruvi raisi A.J. Ramatov, Oʻzbekiston Respublikasi Bosh vazirining oʻrinbosari — “Oʻzbekneftgaz” AJ boshqaruvi raisi A.S. Sultanov va Oʻzbekiston Respublikasi adliya vaziri R.K. Davletov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 31-mart,
256-son
Vazirlar Mahkamasining 2018-yil 31-martdagi 256-son qaroriga 2-ILOVA
Yuridik va jismoniy shaxslarni gaz tarmoqlariga ulash boʻyicha davlat xizmatlari koʻrsatishning
MAʼMURIY REGLAMENTI
1-bob. Umumiy qoidalar
1. Ushbu Reglament yuridik va jismoniy shaxslarni (keyingi oʻrinlarda isteʼmolchilar deb ataladi) gaz tarmoqlariga ulash tartibini belgilaydi.
2. Ushbu Reglamentning amal qilishi isteʼmolchilarning gaz tarmoqlariga ulanayotgan yangi va qoʻshimcha gaz isteʼmoli jihozlariga, shuningdek, gaz taʼminoti loyihasi va tabiiy gazdan foydalanish hajmlari oʻzgarishiga olib keladigan ulanish nuqtalari, ishlab chiqarish faoliyati turlari oʻzgartirilayotganda tatbiq etiladi.
Ushbu Reglament talablari isteʼmolchilarning 1,2 MPa bosimdan yuqori boʻlgan gaz tarmoqlariga ulanishiga tatbiq etilmaydi.
3. Tabiiy gazni gaz taʼminoti shartnomasini tuzmasdan yetkazib berish taqiqlanadi.
4. Isteʼmolchilarni gaz tarmoqlariga ulash jarayoni quyidagilarni nazarda tutadi:
texnik shartlarni ishlab chiqish;
gaz taʼminoti loyihasini ishlab chiqish va kelishish;
qurilish-montaj ishlarini amalga oshirish;
tabiiy gazni hisobga olish priborini plombalash;
sozlash-ishga tushirish ishlarini amalga oshirish uchun, yiliga 100 000 va undan ortiq kubmetr tabiiy gazdan bitta pribor uchun yoqilgʻi sifatida foydalanuvchi yuridik shaxslar gaz xoʻjaligining mavsumiy va uzoq muddat ishlovchi gaz isteʼmoli obyektlarini ishga tushirish uchun ruxsatnomalar berish;
gaz taʼminoti shartnomasini tuzish;
sozlash-ishga tushirish ishlarini amalga oshirish;
tabiiy gazni yetkazib berish.
Maishiy isteʼmolchilar uchun xonadonlar, shaxsiy uy-joylar, dala hovlilar, yordamchi xoʻjaliklar va shaxsiy foydalaniladigan tomorqa bogʻ obyektlarini gaz tarmoqlariga ulash jarayonida texnik shart ishlab chiqish talab etilmaydi hamda tegishli litsenziyaga ega boʻlgan loyiha tashkilotlari tomonidan ishlab chiqilgan loyiha hujjatlari (hududiy gaz taʼminoti tashkiloti bilan kelishilmasdan) qurilish-montaj ishlarini amalga oshirish uchun asos boʻladi.
Bunda loyiha tashkiloti tomonidan loyiha hujjatlarini hududiy gaz taʼminoti tashkiloti bilan kelishish ixtiyoriy ravishda amalga oshiriladi.
41. Quyidagi hollarda texnik shartlar hamda gaz taʼminoti loyihasini ishlab chiqish va kelishish talab etilmaydi:
koʻchmas mulk obyekti boʻyicha birlamchi texnik shart mavjud boʻlib (gaz isteʼmoli jihozlari, gaz taʼminoti loyihasi va tabiiy gazdan foydalanish hajmlari va ulanish nuqtasini oʻzgartirmasdan) begonalashtirilganda va ishlab chiqarish faoliyati turlari oʻzgarganda;
fuqaroning familiyasi, ismi va otasining ismi oʻzgarganda;
tadbirkorlik subyekti — yuridik shaxsning tashkiliy-huquqiy shakli va (yoki) firma nomi oʻzgarganda.
Bunday hollarda, Davlat xizmatlari markazlari yoki Oʻzbekiston Respublikasi Yagona interaktiv davlat xizmatlari portali (keyingi oʻrinlarda YIDXP deb ataladi) orqali faqat hisobga olish priborini oʻrnatish, plombalash va gaz taʼminoti shartnomasini tuzish uchun murojaat qilinadi.
Agar qurilish montaj ishlari va hisobga olish pribori oʻrnatilishi talab etilmasa, hududiy gaz taʼminoti tashkiloti (keyingi oʻrinlarda HGTT deb ataladi) tomonidan elektron shaklda Davlat xizmatlari markaziga (isteʼmolchi oʻzi kelib murojaat etganda) yoki isteʼmolchiga YIDXP orqali (elektron shaklda murojaat qilinganda) faqat gaz taʼminoti shartnomasi yuboriladi.
5. Isteʼmolchilarni gaz tarmoqlariga ulash jarayonini amalga oshirishda:
a) HGTT:
texnik shartlarni ishlab chiqadi;
loyihalash, qurilish-montaj va sozlash-ishga tushirish ishlarini amalga oshiradi (isteʼmolchining ixtiyoriga koʻra);
gaz taʼminoti loyihasini, shu jumladan binolar, inshootlar va boshqa obyektlar qurilishining loyiha-smeta hujjatlarini koʻrib chiqish va kelishish jarayoni bilan bir vaqtda texnik shartlarga muvofiqligini koʻrib chiqadi va kelishadi, agar loyihani ishlab chiquvchi loyihalash tashkiloti boʻlsa;
tabiiy gazni hisobga olish priborini plombalashni amalga oshiradi;
gaz taʼminoti shartnomasini tuzadi;
tabiiy gazni yetkazib berishni amalga oshiradi;
b) loyihalash, qurilish-montaj va sozlash-ishga tushirish tashkilotlari loyihalash, qurilish-montaj va sozlash-ishga tushirish ishlarini amalga oshiradi (isteʼmolchining ixtiyoriga koʻra);
g) Oʻzbekiston Respublikasi Vazirlar Mahkamasi huzuridagi Yer qaʼrini geologik oʻrganish, sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi (keyingi oʻrinlarda “Sanoatgeokontexnazorat” DI deb ataladi) sozlash-ishga tushirish ishlarini amalga oshirish uchun, yiliga 100 000 va undan ortiq kubmetr tabiiy gazdan bitta pribor uchun yoqilgʻi sifatida foydalanuvchi yuridik shaxslarning gaz xoʻjaligining mavsumiy va uzoq muddat ishlovchi gaz isteʼmoli obyektlarini ishga tushirish uchun ruxsatnomalar beradi.
6. Davlat xizmatlari markazlari, HGTT, loyihalash, qurilish-montaj va sozlash-ishga tushirish tashkilotlari oʻrtasida axborot almashinuvi elektron raqamli imzoni (keyingi oʻrinlarda ERI deb ataladi) majburiy tartibda qoʻllash orqali faqat idoralararo elektron oʻzaro bogʻlanish yordamida amalga oshiriladi.
7. Isteʼmolchilarni gaz tarmoqlariga ulash ushbu Reglamentga 1-ilovaga muvofiq sxema boʻyicha amalga oshiriladi.
2-bob. Davlat xizmatlari koʻrsatish tartibi
1-§. Murojaatlarni shakllantirish va yuborish
8. Isteʼmolchilar gaz tarmoqlariga ulanish uchun Davlat xizmatlari markazlariga oʻzi kelib murojaat etadi yoki YIDXPda davlat xizmatidan elektron tarzda foydalanish uchun roʻyxatdan oʻtadi.
9. Oʻzi kelib murojaat etganda Davlat xizmatlari markazi xodimi isteʼmolchi nomidan, YIDXP orqali murojaat qilinganda esa isteʼmolchi mustaqil ravishda ushbu Reglamentga 2-ilovaga muvofiq davlat xizmatidan foydalanish uchun soʻrovnomani elektron tarzda toʻldiradi.
Zarur hollarda soʻrovnomada ulanish nazarda tutilayotgan gaz kommunikatsiyalari balansda saqlovchilarining roziligi mavjudligi haqida maʼlumotlar koʻrsatiladi.
Isteʼmolchilardan ushbu bandda koʻrsatilmagan maʼlumotlarni, shuningdek, boshqa hujjatlarni taqdim etishni talab qilish qatʼiyan taqiqlanadi.
10. Isteʼmolchi zarur maʼlumotlarni rasmiylashtirgandan va soʻrovnomaga kiritgandan soʻng maʼlumotlarning toʻgʻriligini tekshiradi va imzolarni identifikatsiya qilishning tegishli vositalari (daktiloskopiya, elektron imzo, Mobil-ID va boshqalar) bilan tasdiqlaydi.
Isteʼmolchi YIDXP orqali murojaat etgan taqdirda, soʻrovnomani ERI bilan tasdiqlash talab etilmaydi.
11. Davlat xizmatlarini koʻrsatish uchun bazaviy hisoblash miqdorining 10 foizi miqdorida yigʻim undiriladi, gaz taʼminoti loyihasi binolar, inshootlar va boshqa obyektlar qurilishining loyiha-smeta hujjatlarini koʻrib chiqish va kelishish jarayoni bilan bir vaqtda kelishiladigan holatlar bundan mustasno.
Davlat xizmati koʻrsatilishi uchun YIDXP orqali murojaat etilganda, ushbu bandning birinchi xatboshida koʻrsatilgan yigʻim summasining 90 foizi undiriladi.
Jismoniy shaxslarni gaz tarmoqlariga ulashda Ijtimoiy reyestrning “kambagʻal oila” toifasiga kiritilgan oilalarning aʼzolariga, davlat tibbiyot muassasalarida qonunchilik hujjatlariga muvofiq tuzilgan mehnat shartnomasi asosida tibbiyot va farmatsevtika sohasiga oid kasbiy faoliyatni amalga oshiruvchi shaxslarga, shuningdek, I va II guruh nogironligi boʻlgan shaxslarga mazkur bandda belgilangan yigʻimning 50 foiz miqdorida, Ijtimoiy reyestrning “davlat taʼminotidagi oila” toifasiga kiritilgan oilalarning aʼzolariga belgilangan yigʻimning 75 foizi miqdorida chegirma qoʻllaniladi. Bunda chegirma Ijtimoiy reyestrning:
“davlat taʼminotidagi oila” yoki “kambagʻal oila” toifasidan “kambagʻallik chegarasidagi oila” toifasiga oʻtkazilgan oilalarga, ularning ilgari belgilangan toifasiga muvofiq miqdorda;
ogʻir hayotiy vaziyatga tushgan oila sifatida “kambagʻallik chegarasidagi oila” toifasiga kiritilgan oilalarga “kambagʻal oila” toifasidagi oila uchun belgilangan miqdorda qoʻllaniladi.
Davlat xizmatlarini koʻrsatish uchun yigʻim toʻlanganligini tasdiqlash axborot-kommunikatsiya tizimlari orqali amalga oshiriladi.
111. Jismoniy shaxslarni gaz tarmoqlariga ulashda taʼlim tashkilotida qonunchilik hujjatlariga muvofiq tuzilgan mehnat shartnomasi asosida taʼlim va tarbiya sohasida kasbiy faoliyatni amalga oshiruvchi pedagog shaxslardan ushbu Reglamentning 11-bandida belgilangan yigʻim summasining 50 foizi undiriladi.
12. Yigʻimlar summasi quyidagi tartibda taqsimlanadi:
a) Davlat xizmatlari markazlariga oʻzi kelib murojaat etganda:
20 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasining shaxsiy hisob varagʻiga oʻtkaziladi;
qolgan mablagʻlar toʻliq HGTTning bank hisob varaqlariga oʻtkaziladi;
b) YIDXP orqali murojaat etilganda:
10 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasining shaxsiy hisob varagʻiga oʻtkaziladi;
11,25 foizi — Axborot-kommunikatsiya texnologiyalarini rivojlantirish jamgʻarmasida elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga oʻtkaziladi;
qolgan mablagʻlar toʻliq HGTTning bank hisob varaqlariga oʻtkaziladi.
13. Davlat xizmatlarini koʻrsatish uchun yigʻimni toʻlamaslik davlat xizmati koʻrsatishni rad etish uchun asos hisoblanadi.
Soʻrovnomada gaz isteʼmolining yuklama hajmi notoʻgʻri koʻrsatilgan taqdirda, HGK xodimlari obyektni joyiga chiqib oʻrganadilar yoki soʻrovnomada koʻrsatilgan isteʼmolchining telefon raqami orqali ariza beruvchi bilan bogʻlanib obyektning ehtiyojiga aniqlik kiritgan holda yuklama hajmini aniqlaydilar.
Davlat xizmatlarini koʻrsatishni boshqa asoslar boʻyicha rad etish qatʼiyan taqiqlanadi.
14. Isteʼmolchi davlat xizmatlaridan foydalanishdan u koʻrsatilishining har qanday bosqichida bosh tortish huquqiga ega.
Isteʼmolchi davlat xizmatlaridan foydalanishdan bosh tortganda uning soʻrovnomasi koʻrmasdan qoldiriladi. Bunda, toʻlangan yigʻim summasi qaytarilmaydi.
15. Oʻzi kelib murojaat etganda Davlat xizmatlari markazlari soʻrovnoma toʻldirilgan vaqtdan boshlab real vaqt rejimida uni HGTTga texnik shartlarni ishlab chiqish uchun yuboradi.
YIDXP orqali murojaat qilinganda esa soʻrovnoma avtomatik tarzda HGTTga texnik shartlarni ishlab chiqish uchun yuboriladi.
2-§. Texnik shartlarni ishlab chiqish va berish, shuningdek, tijorat takliflari va shartnomalar loyihalarini taqdim etish
16. HGTT soʻrovnoma tushganidan soʻng uch ish kuni mobaynida QR-kod (matrik shtrixli kod) qoʻyilgan texnik shartlarni tuman/shahar gaz taʼminoti boʻlimlari tomonidan taqdim etiladigan oʻrganish xulosasiga asosan ishlab chiqadi va elektron shaklda Davlat xizmatlari markaziga (oʻzi kelib murojaat etganda) yoki isteʼmolchiga YIDXP orqali (elektron shaklda murojaat qilinganda) yuboradi yoxud ularni ishlab chiqishni rad etadi.
HGTT loyihalash, qurilish-montaj va sozlash-ishga tushirish ishlarini amalga oshirish boʻyicha oʻzining tijorat takliflarini hamda shartnomalari loyihalarini ham yuborish huquqiga ega. Bunda, HGTT oʻzining tijorat takliflari hamda shartnomalari loyihalarida loyihalash, qurilish-montaj va sozlash-ishga tushirish ishlarini amalga oshirishning muddatlari va tegishli xarajatlarining kalkulyatsiyasini aniq koʻrsatadi.
Oʻzi kelib murojaat etganda Davlat xizmatlari markazi texnik shartlar hamda HGTTning loyihalash, qurilish-montaj va sozlash-ishga tushirish ishlarini amalga oshirish boʻyicha tijorat takliflari va shartnomalar loyihalari tushganidan soʻng real vaqt rejimida isteʼmolchiga beradi.
Soʻrovnomada ariza beruvchi tomonidan davlat xizmatlarini koʻrsatishning natijasini olib ketishga masʼul shaxs koʻrsatilgan holatlarda davlat xizmatlarini koʻrsatishning natijasini ushbu shaxsga taqdim etishda tegishli ishonchnoma talab etilmaydi.
17. Isteʼmolchining obyekti joylashgan hududda quvvati HGK tomonidan isteʼmolchiga tabiiy gazni yetkazib berishni taʼminlaydigan gaz taqsimoti tarmogʻining mavjud emasligi texnik shartlarni ishlab chiqishni rad etish uchun asos boʻladi.
Boshqa asoslarga koʻra texnik shartlarni ishlab chiqishni rad etish qatʼiyan taqiqlanadi.
18. Ishlab chiqilgan texnik shartlar isteʼmolchining aloqa qilinadigan maʼlumotlari ilova qilingan holda loyihalash, qurilish-montaj va sozlash-ishga tushirish ishlarini amalga oshirish boʻyicha oʻzlarining tijorat takliflari va shartnomalar loyihalarini taqdim etishi maqsadida loyihalash, qurilish-montaj va sozlash-ishga tushirish tashkilotlarining tanishishi uchun YIDXPda joylashtiriladi.
3-§. Isteʼmolchilarni gaz tarmoqlariga ulash
19. Gaz taʼminoti loyihasini ishlab chiqish uchun isteʼmolchilar HGTT yoki boshqa loyihalash tashkilotlari bilan loyihalash ishlarini bajarish boʻyicha shartnomalar tuzish huquqiga ega.
20. Loyihalash ishlari loyihalash ishlarini amalga oshirish boʻyicha shartnomalarda belgilangan muddatlarda amalga oshiriladi.
21. Loyihalash tashkiloti loyihalash ishlarini amalga oshirganidan soʻng gaz taʼminoti loyihasini kelishish uchun Davlat xizmatlari markazlariga oʻzi kelib murojaat etadi yoki YIDXPda davlat xizmatidan elektron tarzda foydalanish uchun roʻyxatdan oʻtadi. Oʻzi kelib murojaat etganda Davlat xizmatlari markazi xodimi loyihalash tashkiloti nomidan, YIDXP orqali murojaat qilinganda esa loyihalash tashkiloti mustaqil ravishda ushbu Reglamentga 3-ilovaga muvofiq davlat xizmatidan foydalanish uchun soʻrovnomani elektron tarzda toʻldiradi va uni oʻzining ERI bilan tasdiqlaydi.
Soʻrovnomaga gaz taʼminoti loyihasi elektron shaklda ilova qilinadi.
Loyihalash tashkilotidan ushbu bandda koʻrsatilmagan hujjatlar va maʼlumotlarni taqdim etishni talab etish qatʼiyan taqiqlanadi.
Soʻrovnoma gaz taʼminoti loyihasini kelishish uchun HGTTga avtomatik tarzda yuboriladi.
22. Gaz taʼminoti loyihasi HGTT tomonidan ishlab chiqilgan hollarda gaz taʼminoti loyihasini kelishish talab etilmaydi.
23. HGTT soʻrovnoma tushganidan soʻng uch ish kuni ichida gaz taʼminoti loyihasini kelishadi va kelishish natijalari yuzasidan ushbu Reglamentga 5-ilovaga muvofiq shakl boʻyicha QR-kod (matrik shtrixli kod) qoʻyilgan xulosani oʻzining ERI bilan tasdiqlaydi yoki rad etishning aniq asoslari va qonunchilik normalarini koʻrsatgan holda kelishishni rad etadi.
Kelishilgan gaz taʼminoti loyihasi qurilish-montaj ishlarini boshlash uchun asos hisoblanadi.
24. Gaz taʼminoti loyihasining texnik shartlar talablaridan chetga chiqishi gaz taʼminoti loyihasini kelishishni rad etishga asos boʻladi.
Boshqa sabablarga koʻra gaz taʼminoti loyihasini kelishishni rad etish qatʼiyan taqiqlanadi.
Gaz taʼminoti loyihasini kelishishni rad etish uchun asos boʻlgan sabablar loyihalash tashkiloti tomonidan bartaraf etilgan taqdirda, qayta kelishish takroriy soʻrovnoma tushganidan soʻng bir ish kunidan oshmagan muddatda amalga oshiriladi.
Gaz taʼminoti loyihasini takroran koʻrib chiqishda HGTT tomonidan avvalgi rad etish asoslarida bayon etilmagan sabablarning keltirilishiga yoʻl qoʻyilmaydi, avval koʻrsatilgan sabablar bartaraf etilganligini tasdiqlovchi maʼlumotlar bilan bogʻliq rad etish sabablari keltirilishi bundan mustasno.
25. QR-kodli xulosa tasdiqlangach HGTT tomonidan gaz taʼminoti loyihasi avtomatik ravishda Davlat xizmatlari markaziga (oʻzi kelib murojaat etganda) yoki loyihalash tashkilotiga YIDXP orqali (elektron shaklda murojaat etganda) elektron shaklda yuboriladi.
Agar gaz taʼminoti loyihasi boʻyicha HGTT tomonidan belgilangan muddatlarda xulosa rasmiylashtirilmasa yoxud asoslantirilgan rad javobi berilmasa, ijobiy xulosa tizimda avtomatik tarzda shakllanadi va tasdiqlanadi hamda loyihalash tashkilotiga Davlat xizmatlari markazi (oʻzi kelib murojaat etgan taqdirda) yoki YIDXP orqali yuboriladi.
Bunda berilgan xulosa uchun javobgarlik XGTT zimmasiga yuklatiladi.
Soʻrovnomada loyihalashtirish tashkiloti tomonidan davlat xizmatlarini koʻrsatishning natijasini olib ketishga masʼul shaxs koʻrsatilgan holatlarda davlat xizmatlarini koʻrsatishning natijasini ushbu shaxsga taqdim etishda tegishli ishonchnoma talab etilmaydi.
26. Gaz tarmoqlariga ulash boʻyicha qurilish-montaj ishlarini amalga oshirish uchun isteʼmolchilar HGTT yoki tegishli litsenziyaga ega boʻlgan boshqa qurilish-montaj tashkilotlari bilan tegishli shartnomalar tuzish huquqiga ega.
Isteʼmolchilar (tegishli litsenziyaga ega boʻlish sharti bilan) qurilish-montaj ishlarini mustaqil ravishda (xoʻjalik usulida) ham amalga oshirishlari mumkin.
27. Qurilish-montaj ishlari qurilish-montaj ishlarini oʻtkazish boʻyicha shartnomalarda belgilangan muddatlarda amalga oshiriladi.
4-§. Tabiiy gazni hisobga olish priborini plombalash, gaz taʼminoti shartnomasini tuzish va tabiiy gazni yetkazib berish
28. Tabiiy gazni hisobga olish priborini plombalash va gaz taʼminoti shartnomasini tuzish gaz tarmoqlariga ulanish boʻyicha qurilish-montaj ishlari bajarilgandan soʻng amalga oshiriladi.
29. Oʻzi kelib murojaat etganda Davlat xizmatlari markazi xodimi isteʼmolchi nomidan, YIDXP orqali murojaat qilinganda esa isteʼmolchi mustaqil ravishda ushbu Reglamentga 4-ilovaga muvofiq tabiiy gazni hisobga olish priborini plombalash va gaz taʼminoti shartnomasini tuzish uchun soʻrovnomani elektron tarzda toʻldiradi.
Isteʼmolchilardan ushbu bandda koʻrsatilmagan maʼlumotlarni, shuningdek, boshqa hujjatlarni taqdim etishni talab qilish qatʼiyan taqiqlanadi.
30. Isteʼmolchi zarur maʼlumotlarni rasmiylashtirgandan va soʻrovnomaga kiritgandan soʻng maʼlumotlarning toʻgʻriligini tekshiradi va imzolarni identifikatsiya qilishning tegishli vositalari (daktiloskopiya, elektron imzo, Mobil-ID va boshqalar) bilan tasdiqlaydi.
Isteʼmolchi YIDXP orqali murojaat etgan taqdirda, soʻrovnomani ERI bilan tasdiqlash talab etilmaydi.
31. Oʻzi kelib murojaat etganda Davlat xizmatlari markazlari soʻrovnoma toʻldirilgan vaqtdan boshlab real vaqt rejimida uni HGTTga tabiiy gazni hisobga olish priborini plombalash va gaz taʼminoti shartnomasini tuzish uchun yuboradi.
YIDXP orqali murojaat qilinganda soʻrovnoma avtomatik tarzda HGTTga tabiiy gazni hisobga olish priborini plombalash va gaz taʼminoti shartnomasini tuzish uchun yuboriladi.
Isteʼmolchilarda abonentning shaxsiy raqami shakllantirilishi talab etilsa, HGTT tomonidan yangi abonent raqami gaz taʼminoti shartnomasida koʻrsatiladi. Shuningdek, isteʼmolchilar shakllantirilgan abonentning shaxsiy raqami toʻgʻrisidagi maʼlumotlarni YIDXP orqali yuridik shaxslar uchun — STIRni, jismoniy shaxslar uchun — pasport yoki ID-kartaga oid maʼlumotlarni (pasport seriyasi va raqami), JSHSHIRni yoki kadastr raqamlaridan birini kiritish yoʻli bilan aniqlashlari mumkin.
32. HGTT soʻrovnoma tushgan kundan boshlab bir ish kuni mobaynida joyning oʻziga chiqib, tabiiy gazni hisobga olish priborini plombalash ishlarini amalga oshiradi va bu haqda dalolatnoma tuzadi.
33. Tabiiy gazni hisobga olish pribori plombalangan kunning oʻzida HGTT rasmiylashtirilgan gaz taʼminoti shartnomasini, tabiiy gazni hisobga olish priborini plombalash oʻtkazilganligi toʻgʻrisidagi dalolatnomaning bir nusxasini elektron shaklda Davlat xizmatlari markaziga (oʻzi kelib murojaat etganda) yoki isteʼmolchiga YIDXP orqali (elektron shaklda murojaat qilinganda) yuboradi.
34. Davlat xizmatlari markazi rasmiylashtirilgan gaz taʼminoti shartnomasi va plombalash oʻtkazilganligi toʻgʻrisidagi dalolatnoma kelib tushgandan soʻng bir soat ichida bu haqida isteʼmolchini axborot-kommunikatsiya tizimlari orqali xabardor qiladi.
35. Isteʼmolchi rasmiylashtirilgan gaz taʼminoti shartnomasi tushgandan soʻng besh ish kuni mobaynida uni oʻzining ERI bilan tasdiqlaydi.
Shartnomani ERI bilan tasdiqlash imkoniyati boʻlmagan hollarda tegishli imzolar identifikatsiya qilishning boshqa vositalari (daktiloskopiya, elektron imzo va boshqalar) bilan ham tasdiqlanishi mumkin.
Isteʼmolchi tomonidan tasdiqlangan gaz taʼminoti shartnomasi Davlat xizmatlari markazi tomonidan (oʻzi kelib murojaat etganda) HGTTga yoki isteʼmolchi tomonidan YIDXP orqali (elektron shaklda murojaat qilinganda) yuboriladi.
36. Isteʼmolchi gaz taʼminoti shartnomasini tasdiqlashdan bosh tortganda yoki u belgilangan muddatda yuborilmaganda gaz taʼminoti shartnomasi tuzilmagan hisoblanadi.
37. Tabiiy gazni yetkazib berish HGTT tomonidan quyidagi tartibda amalga oshiriladi:
qonun hujjatlarida oldindan toʻlovni amalga oshirishi nazarda tutilgan isteʼmolchilar uchun — isteʼmolchi tomonidan oldindan toʻlov amalga oshirilgan kuni;
qonun hujjatlarida oldindan toʻlovni amalga oshirishi nazarda tutilmagan isteʼmolchilar uchun — isteʼmolchi tomonidan tasdiqlangan shartnoma olingan kuni.
38. Gaz isteʼmoli jihozlarni sozlash-ishga tushirish ishlari hamda ulash qonun hujjatlarida belgilangan tartibda amalga oshiriladi.
5-§. Sozlash-ishga tushirish ishlarini amalga oshirish uchun, yiliga 100 000 va undan ortiq kubmetr tabiiy gazdan bitta pribor uchun yoqilgʻi sifatida foydalanuvchi yuridik shaxslar gaz xoʻjaligining mavsumiy va uzoq muddat ishlovchi gaz isteʼmoli obyektlarini ishga tushirish uchun ruxsatnomalar berish
39. Yiliga 100 000 gacha kubmetr tabiiy gazdan bitta pribor uchun yoqilgʻi sifatida foydalanuvchi yuridik shaxslar gaz xoʻjaligining mavsumiy va uzoq muddat ishlovchi gaz isteʼmoli obyektlarini ishga tushirish uchun, sozlash-ishga tushirish ishlarini amalga oshirish uchun ruxsatnomalar olish talab etilmaydi.
40. Sozlash-ishga tushirish ishlarini amalga oshirish uchun, yiliga 100 000 va undan ortiq kubmetr tabiiy gazdan bitta pribor uchun yoqilgʻi sifatida foydalanuvchi yuridik shaxslar gaz xoʻjaligining mavsumiy va uzoq muddat ishlovchi gaz isteʼmoli obyektlarini ishga tushirish uchun ruxsatnomalar “Sanoatgeokontexnazorat” DI tomonidan qonun hujjatlarida belgilangan tartibda beriladi.
3-bob. Yakunlovchi qoidalar
41. Texnik shartlarni, shu jumladan, qoʻshimcha texnik shartlarni ishlab chiqish, berish, gaz taʼminoti loyihalarini kelishish va tabiiy gazni hisobga olish priborini plombalash toʻlov undirilmagan holda amalga oshiriladi, davlat xizmatlari koʻrsatilganligi uchun yigʻim undirilishi bundan mustasno.
42. Davlat xizmatlari markazlari, HGTT, “Sanoatgeokontexnazorat” DI, loyihalash, qurilish-montaj va ishga tushirish-sozlash tashkilotlari oʻz faoliyatini amalga oshirishi natijasida olingan isteʼmolchi haqidagi maʼlumotlarning maxfiyligini taʼminlashi kerak.
43. Oʻzbekiston Respublikasi Adliya vazirligi, uning hududiy boshqarmalari va Davlat xizmatlari markazlari ushbu Reglament talablari ijrosi boʻyicha davlat organlari va boshqa tashkilotlarning faoliyati ustidan, shu jumladan, YIDXP orqali, doimiy nazoratni va monitoringni amalga oshiradilar.
44. Isteʼmolchi davlat organlari va boshqa tashkilotlar xodimlarining xatti-harakatlari yuzasidan qonun hujjatlarida belgilangan tartibda shikoyat qilishi mumkin.
45. Ushbu Reglament talablari buzilishida aybdor boʻlgan shaxslar qonun hujjatlarida belgilangan tartibda javob beradilar.
Yuridik va jismoniy shaxslarni gaz tarmoqlariga ulash boʻyicha davlat xizmatlari koʻrsatishning maʼmuriy reglamentiga 1-ILOVA
Yuridik va jismoniy shaxslarni gaz tarmoqlariga ulash
SXEMASI
Bosqichlar Subyektlar Tadbirlar Bajarish muddatlari I. Texnik shartlarni ishlab chiqish va berish, shuningdek, tijorat takliflari va shartnomalar loyihalarini taqdim etish 1-bosqich Isteʼmolchi 1. Gaz tarmoqlariga ulanish uchun Davlat xizmatlari markaziga oʻzi kelib murojaat qilish yoki YIDXPda roʻyxatdan oʻtish. 1. Xohishiga koʻra 2. Davlat xizmatlarini koʻrsatish uchun yigʻim toʻlash. 2. Murojaat qilinganda 2-bosqich 1. Davlat xizmatlari markazi 2. YIDXP Texnik shart?arni ishlab chiqish uchun soʻrovnomani HGTTga yuborish. Real vaqt rejimida 3-bosqich HGTT 1. QR-kodli texnik shartlarni ishlab chiqish va Davlat xizmatlari markaziga yoki isteʼmolchiga YIDXP orqali yuborish. 2. Loyihalash, qurilish-montaj va sozlash-ishga tushirish ishlarini amalga oshirish boʻyicha oʻzining tijorat takliflarini va shartnomalar loyihalarini yuborish. 3 ish kuni mobaynida 4-bosqich Davlat xizmatlari markazi Texnik shartlarni, shuningdek HGTTning loyihalash, qurilish-montaj va sozlash-ishga tushirish ishlarini amalga oshirish boʻyicha tijorat takliflari va shartnomalar loyihalarini isteʼmolchiga berish. Real vaqt rejimida II. Isteʼmolchilarni gaz tarmoqlariga ulash 1-bosqich Isteʼmolchi Gaz taʼminoti loyihasini ishlab chiqish uchun HGTT yoki boshqa loyihalash tashkilotlari bilan loyihalash ishlarini bajarish boʻyicha shartnomalar tuzish. Xohishiga koʻra (texnik shartlarni olgandan soʻng) 2-bosqich HGTT yoki boshqa loyihalash tashkilotlari Gaz tarmoqlariga ulash boʻyicha loyihalash ishlarini amalga oshirish. Shartnomada belgilangan muddatlarda 3-bosqich Loyiha tashkiloti Gaz taʼminoti loyihasini kelishish uchun Davlat xizmatlari markazlari yoki YIDXPda soʻrovnomani toʻldirish. Xohishiga koʻra (loyihalash ishlari amalga oshirilgandan soʻng) 4-bosqich 1. Davlat xizmatlari markazi 2. YIDXP Soʻrovnomani va gaz taʼminoti loyihasini HGTTga kelishish uchun yuborish. Real vaqt rejimida 5-bosqich HGTT 1. Gaz taʼminoti loyihasini koʻrib chiqish. 2. Gaz taʼminoti loyihasi kelishilganligi haqida QR-kod qoʻyilgan xulosani Davlat xizmatlari markaziga yoki YIDXP orqali loyihalash tashkilotiga yuborish. 3 ish kuni mobaynida 6-bosqich Isteʼmolchi HGTT yoki boshqa qurilish-monta? tashkilotlari bilan qurilish-montaj ishlarini amalga oshirish boʻyicha shartnoma tuzish. Xohishiga koʻra (loyiha kelishilgandan soʻng) 7-bosqich HGTT yoki boshqa qurilish-montaj tashkilotlari Gaz tarmoqlariga ulash boʻyicha qurilish-montaj ishlarini amalga oshirish. Shartnomada belgilangan muddatlarda III. Tabiiy gazni hisobga olish priborini plombalash, gaz taʼminoti shartnomasini tuzish va tabiiy gazni yetkazib berish 1-bosqich Isteʼmolchi Tabiiy gazni hisobga olish priborini plombalash, gaz taʼminoti shartnomasini tuzish uchun Davlat xizmatlari markaziga oʻzi kelib yoki YIDXP orqali murojaat qilish. Xohishiga koʻra (qurilish-montaj ishlari tugatilganidan soʻng) 2-bosqich 1. Davlat xizmatlari markazi 2. YIDXP Tabiiy gazni hisobga olish priborini plombalash, gaz taʼminoti shartnomasini tuzish uchun soʻrovnomani HGTTga yuborish. Real vaqt rejimida 3-bosqich HGTT 1. Tabiiy gazni hisobga olish priborini joyning oʻziga chiqib plombalash. 2. Davlat xizmatlari markaziga yoki isteʼmolchiga YIDXP orqali gaz taʼminoti shartnomasi va plombalash oʻtkazilganligi toʻgʻrisidagi dalolatnomani Davlat xizmatlari markaziga yoki isteʼmolchilarga YIDXP orqali yuborish. 2 ish kuni mobaynida 4-bosqich Davlat xizmatlari markazi Isteʼmolchini gaz taʼminoti shartnomasi rasmiylashtirilganligi toʻgʻrisida axborot-kommunikatsiya tizimlari orqali xabardor qilish. Real vaqt rejimida 5-bosqich Isteʼmolchi 1. Rasmiylashtirilgan gaz taʼminoti shartnomasini tasdiqlash. 2. Tasdiqlangan gaz taʼminoti shartnomasini HGTTga Davlat xizmatlari markazi tomonidan yoki isteʼmolchi tomonidan YIDXP orqali yuborish. 5 ish kuni mobaynida 6-bosqich HGTT 1. Qonun hujjatlarida toʻlovni oldindan amalga oshirishi nazarda tutilgan isteʼmolchilar uchun tabiiy gazni yetkazib berish. 1. Oldindan toʻlov amalga oshirilgan kuni 2. Qonun hujjatlarida toʻlovni oldindan amalga oshirishi nazarda tutilmagan isteʼmolchilar uchun tabiiy gazni yetkazib berish 2. Isteʼmolchi tomonidan tasdiqlangan shartnoma olingan kuni IV. Sozlash-ishga tushirish ishlarini amalga oshirish uchun, yiliga 100 000 va undan ortiq kubmetr tabiiy gazdan bitta pribor uchun yoqilgʻi sifatida foydalanuvchi yuridik shaxslar gaz xoʻjaligining mavsumiy va uzoq muddat ishlovchi gaz isteʼmoli obyektlarini ishga tushirish uchun ruxsatnomalar berish 1-bosqich “Sanoatgeokontexiazorat” DI Sozlash-ishga tushirish ishlarini amalga oshirish uchun, yiliga 100 000 va undan ortiq kubmetr tabiiy gazdan bitta pribor uchun yoqilgʻi sifatida foydalanuvchi yuridik shaxslar gaz xoʻjaligining mavsumiy va uzoq muddat ishlovchi gaz isteʼmoli obyektlarini ishga tushirish uchun ruxsatnomani qonun hujjatlarida belgilangan tartibda berish. Belgilangan muddatlarda
Yuridik va jismoniy shaxslarni gaz tarmoqlariga ulash boʻyicha davlat xizmatlari koʻrsatishning maʼmuriy reglamentiga 2-ILOVA
__________________(sana)________________(raqam)Gaz tarmoqlariga ulash boʻyicha davlat xizmatlaridan foydalanish uchunSOʻROVNOMAI. (jismoniy) Isteʼmolchi — jismoniy shaxs toʻgʻrisida maʼlumot:1. F.I.O.:2. Manzili:3. Telefon raqami:4. Elektron pochta manzili:5. Davlat xizmatini koʻrsatish natijasini olib ketuvchi shaxsning (agar mavjud boʻlsa) JSHSHIR maʼlumotlari: I. (yuridik) Isteʼmolchi — yuridik shaxs toʻgʻrisida maʼlumot:1. Toʻliq nomi:2. Telefon raqami:3. Elektron pochta manzili:4. Davlat xizmatini koʻrsatish natijasini olib ketuvchi shaxsning (agar mavjud boʻlsa) JSHSHIR maʼlumotlari: II. Ulanayotgan obyekt toʻgʻrisida maʼlumot:1. oʻrnatiladigan gaz isteʼmoli jihozlari turi:2. tabiiy gaz isteʼmoli hisobi:3. oʻrnatiladigan gaz isteʼmoli jihozlari soni:4. ulanadigan obyekt joylashuvi (indeks, manzil, moʻljal):5. tabiiy gazdan foydalanish davri:6. xizmat turi:yangi ulanishgaz isteʼmoli jihozlarini oʻzgartirishqoʻshimcha gaz isteʼmoli jihozlarini ulashulanish nuqtalarini oʻzgartirishIII. Avval ulanganligi toʻgʻrisidagi maʼlumotlar:1. gaz taʼminoti shartnomasi tuzilgan sanasi va raqami:(ulangan boʻlsa toʻldiriladi)IV. Rozilik toʻgʻrisida maʼlumot:T/rGaz kommunikatsiyalarini balansda saqlovchilar — yuridik shaxslarning nomi, gaz kommunikatsiyalarini balansda saqlovchilar — jismoniy shaxslarning F.I.O.RaqamSana1.Berilayotgan texnik shartlardan loyihalash, qurilish-montaj va sozlash-ishga tushirish tashkilotlari kelgusida loyihalash, qurilish-montaj va sozlash-ishga tushirish ishlarini amalga oshirishda oʻz tijorat takliflarini berish maqsadida tanishishi uchun texnik shartlarning Yagona interaktiv davlat xizmatlari portalida joylashtirilishiga isteʼmolchining roziligi:rozimanrozi emasman
Yuridik va jismoniy shaxslarni gaz tarmoqlariga ulash boʻyicha davlat xizmatlari koʻrsatishning maʼmuriy reglamentiga 3-ILOVA
________________________________________(sana)(raqam)Gaz taʼminoti loyihasini hududiy gaz taʼminoti tashkiloti bilan kelishish uchunSOʻROVNOMAI. Kelishilayotgan gaz taʼminoti loyihasi toʻgʻrisida maʼlumot:Loyiha tashkilotining nomi:Telefon raqami:Davlat xizmatini koʻrsatish natijasini olib ketuvchi shaxsning (agar mavjud boʻlsa) JSHSHIR maʼlumotlari: II. Ilova qilinadigan hujjatlar:Gaz taʼminoti loyihasi:Loyihalash tashkilotining ERI
Yuridik va jismoniy shaxslarni gaz tarmoqlariga ulash boʻyicha davlat xizmatlari koʻrsatishning maʼmuriy reglamentiga 4-ILOVA
____________________ ____________________ (sana) (raqam) Tabiiy gazni hisobga olish priborini plombalash va gaz taʼminoti shartnomasini tuzish uchun SOʻROVNOMA I. (jismoniy) Isteʼmolchi — jismoniy shaxs toʻgʻrisida maʼlumot: 1. F.I.O.: 2. Telefon raqami: 3. Elektron pochta manzili (mavjud boʻlsa): I. (yuridik) Isteʼmolchi — yuridik shaxs toʻgʻrisida maʼlumot: 1. Toʻliq nomi: 2. Telefon raqami: 3. Elektron pochta manzili (mavjud boʻlsa): II. Gaz taʼminoti ulanadigan obyekt toʻgʻrisida maʼlumot: 1. Obyektning manzili: 2. Abonentning shaxsiy raqami shakllantirilsinmi? Xa (abonentning shaxsiy raqami mavjud emas) Yoʻq (abonentning shaxsiy raqami mavjud)
Yuridik va jismoniy shaxslarni gaz tarmoqlariga ulash boʻyicha davlat xizmatlari koʻrsatishning maʼmuriy reglamentiga 5-ILOVA
(rasmiy blankada) “Hududgaztaʼminot” AJ _________ (hududiy gaz taʼminoti tashkiloti nomi) hududiy gaz taʼminoti tashkiloti Gaz taʼminoti loyihasi kelishilganligi haqida XULOSA 20____ y. “____” ariza raqami: _______-son _________________________________ning_____________-son arizasiga (arizachining nomi yoki F.I. O.) (ariza raqami) muvofiq __________________________________________ manzilida (obyektning manzili) joylashgan obyekt boʻyicha gaz taʼminoti loyihasi kelishildi. Hujjatning haqiqiyligini tasdiqlovchi QR-kod
Vazirlar Mahkamasining 2018-yil 31-martdagi 256-son qaroriga 3-ILOVA
Yuridik va jismoniy shaxslarni issiqlik taʼminoti tarmoqlariga ulash boʻyicha davlat xizmatlari koʻrsatishning
MAʼMURIY REGLAMENTI
1-bob. Umumiy qoidalar
1. Ushbu Reglament yuridik va jismoniy shaxslarni (keyingi oʻrinlarda isteʼmolchilar deb ataladi) issiqlik taʼminoti tarmoqlariga ulash tartibini belgilaydi.
2. Ushbu Reglamentning amal qilishi yangi yoki amaldagi obyektlarda shartnomaviy oʻlchamlarga nisbatan issiqlik yuklamasi oʻzgarganda (ortganda yoki kamayganda) rekonstruksiya qilinayotgan issiqlikdan foydalanish qurilmalari va issiqlik tarmoqlarini ulashga tatbiq etiladi.
3. Issiqlik energiyasini issiqlik taʼminoti shartnomasini tuzmasdan yetkazib berish taqiqlanadi.
4. Isteʼmolchilarni issiqlik taʼminoti tarmoqlariga ulash jarayoni quyidagilarni nazarda tutadi:
texnik shartlarni ishlab chiqish (yangi obyekt qurilishida binoning arxitektura-rejalashtirish topshirigʻini ishlab chiqish doirasida amalga oshiriladi);
issiqlik taʼminoti loyihasini ishlab chiqish va kelishish;
qurilish-montaj va sozlash-ishga tushirish ishlarini amalga oshirish;
issiqlikdan foydalanish qurilmalari va issiqlik tarmoqlarini (keyingi oʻrinlarda issiqlik qurilmalari deb ataladi) issiqlik tarmogʻiga ulash toʻgʻrisidagi dalolatnomani (keyingi oʻrinlarda Dalolatnoma deb ataladi) rasmiylashtirish va tasdiqlash.
41. Quyidagi hollarda texnik shart, issiqlik taʼminoti loyihasini ishlab chiqish hamda kelishish talab etilmaydi:
maishiy isteʼmolchilar uchun xonadonlar, shaxsiy uy-joylarda;
koʻchmas mulk obyekti boʻyicha birlamchi texnik shart mavjud boʻlib begonalashtirilganda;
fuqaroning familiyasi, ismi va otasining ismi oʻzgarganda;
tadbirkorlik subyekti — yuridik shaxsning tashkiliy-huquqiy shakli va (yoki) firma nomi oʻzgarganda;
issiqlikdan foydalanish hajmlari oʻzgarmasdan ishlab chiqarish faoliyati turlari oʻzgarganda.
Bunday hollarda, Davlat xizmatlari markazlari yoki Oʻzbekiston Respublikasi Yagona interaktiv davlat xizmatlari portali (keyingi oʻrinlarda YIDXP deb ataladi) orqali faqat hisobga olish tizimini oʻrnatish, plombalash va issiqlik taʼminoti shartnomasini tuzish uchun murojaat qilinadi.
Agar qurilish montaj ishlari va hisobga olish pribori oʻrnatilishi talab etilmasa, issiqlik taʼminoti korxonasi tomonidan isteʼmolchiga tizim orqali faqat issiqlik taʼminoti shartnomasi yuboriladi.
5. Isteʼmolchilarni issiqlik taʼminoti tarmoqlariga ulash jarayonini amalga oshirishda:
a) Issiqlik taʼminoti korxonasi (keyingi oʻrinlarda issiqlik taʼminoti korxonasi deb ataladi) huzuridagi issiqlik tarmoqlariga yuridik va jismoniy shaxslarning issiqlikdan foydalanish qurilmalarini va issiqlik tarmoqlarini ulash xizmatlarini koʻrsatish xizmati:
texnik shartlarni ishlab chiqadi;
issiqlik taʼminoti loyihasini, shu jumladan binolar, inshootlar va boshqa obyektlar qurilishining loyiha-smeta hujjatlarini koʻrib chiqish va kelishish jarayoni bilan bir vaqtda texnik shartlarga muvofiqligini koʻrib chiqadi va kelishadi, agar loyihani ishlab chiquvchi loyihalash tashkiloti boʻlsa;
qurilish-montaj va ishga tushirish-sozlash ishlarini amalga oshiradi (isteʼmolchi manfaatdor boʻlganda);
Dalolatnomani rasmiylashtiradi va tasdiqlaydi;
b) loyihalash, qurilish-montaj va ishga tushirish-sozlash tashkilotlari loyihalash, qurilish-montaj va ishga tushirish-sozlash ishlarini amalga oshiradi (isteʼmolchi manfaatdor boʻlganda);
v) Oʻzbekiston Respublikasi Vazirlar Mahkamasi huzuridagi Elektr energiyasi, neft mahsulotlari va gazdan foydalanishni nazorat qilish inspeksiyasi (keyingi oʻrinlarda “Oʻzenergoinspeksiya” deb ataladi) isteʼmolchilarning issiqlikdan foydalanish qurilmalari va issiqlik tarmoqlarining ekspluatatsiya qilishga tayyorligini aniqlaydi.
6. Davlat xizmatlari markazlari, “Oʻzenergoinspeksiya”, issiqlik taʼminoti korxonalari, loyihalash, qurilish-montaj va sozlash-ishga tushirish tashkilotlari oʻrtasida axborot almashinuvi elektron raqamli imzoni (keyingi oʻrinlarda ERI deb ataladi) majburiy tartibda qoʻllash orqali faqat idoralararo elektron oʻzaro bogʻlanish yordamida amalga oshiriladi.
7. Isteʼmolchilarni issiqlik taʼminoti tarmoqlariga ulash ushbu Reglamentga 1-ilovaga muvofiq sxema boʻyicha amalga oshiriladi.
2-bob. Davlat xizmatlari koʻrsatish tartibi
1-§. Murojaatlarni shakllantirish va yuborish
8. Isteʼmolchilar issiqlik taʼminoti tarmoqlariga ulanish uchun Davlat xizmatlari markazlariga oʻzi kelib murojaat etadi yoki YIDXPda davlat xizmatidan elektron tarzda foydalanish uchun roʻyxatdan oʻtadi.
9. Oʻzi kelib murojaat etganda Davlat xizmatlari markazi xodimi isteʼmolchi nomidan, YIDXP orqali murojaat qilinganda esa isteʼmolchi mustaqil ravishda ushbu Reglamentga 2-ilovaga muvofiq davlat xizmatlaridan foydalanish uchun soʻrovnomani elektron tarzda toʻldiradi.
Isteʼmolchilardan ushbu bandda koʻrsatilmagan maʼlumotlarni, shuningdek, boshqa hujjatlarni taqdim etishni talab qilish qatʼiyan taqiqlanadi.
10. Isteʼmolchi zarur maʼlumotlarni rasmiylashtirgandan va soʻrovnomaga kiritgandan soʻng maʼlumotlarning toʻgʻriligini tekshiradi va imzolarni identifikatsiya qilishning tegishli vositalari (daktiloskopiya, elektron imzo, Mobil-ID va boshqalar) bilan tasdiqlaydi.
Isteʼmolchi YIDXP orqali murojaat etgan taqdirda, soʻrovnomani ERI bilan tasdiqlash talab etilmaydi.
11. Davlat xizmatlarini koʻrsatish uchun bazaviy hisoblash miqdorining 10 foizi miqdorida yigʻim undiriladi, issiqlik taʼminoti loyihasi binolar, inshootlar va boshqa obyektlar qurilishining loyiha-smeta hujjatlarini koʻrib chiqish va kelishish jarayoni bilan bir vaqtda kelishiladigan holatlar bundan mustasno.
Davlat xizmati koʻrsatilishi uchun YIDXP orqali murojaat etilganda, ushbu bandning birinchi xatboshida koʻrsatilgan yigʻim summasining 90 foizi undiriladi.
Jismoniy shaxslarni issiqlik taʼminoti tarmoqlariga ulashda Ijtimoiy reyestrning “kambagʻal oila” toifasiga kiritilgan oilalarning aʼzolariga, davlat tibbiyot muassasalarida qonunchilik hujjatlariga muvofiq tuzilgan mehnat shartnomasi asosida tibbiyot va farmatsevtika sohasiga oid kasbiy faoliyatni amalga oshiruvchi shaxslarga, shuningdek, I va II guruh nogironligi boʻlgan shaxslarga mazkur bandda belgilangan yigʻimning 50 foizi miqdorida, Ijtimoiy reyestrning “davlat taʼminotidagi oila” toifasiga kiritilgan oilalarning aʼzolariga belgilangan yigʻimning 75 foizi miqdorida chegirma qoʻllaniladi. Bunda chegirma Ijtimoiy reyestrning:
“davlat taʼminotidagi oila” yoki “kambagʻal oila” toifasidan “kambagʻallik chegarasidagi oila” toifasiga oʻtkazilgan oilalarga, ularning ilgari belgilangan toifasiga muvofiq miqdorda;
ogʻir hayotiy vaziyatga tushgan oila sifatida “kambagʻallik chegarasidagi oila” toifasiga kiritilgan oilalarga “kambagʻal oila” toifasidagi oila uchun belgilangan miqdorda qoʻllaniladi.
Davlat xizmatlarini koʻrsatish uchun yigʻim toʻlanganligini tasdiqlash axborot-kommunikatsiya tizimlari orqali amalga oshiriladi.
111. Jismoniy shaxslarni issiqlik taʼminoti tarmoqlariga ulashda taʼlim tashkilotida qonunchilik hujjatlariga muvofiq tuzilgan mehnat shartnomasi asosida taʼlim va tarbiya sohasida kasbiy faoliyatni amalga oshiruvchi pedagog shaxslardan ushbu Reglamentning 11-bandida belgilangan yigʻim summasining 50 foizi undiriladi.
12. Yigʻimlar summasi quyidagi tartibda taqsimlanadi:
a) Davlat xizmatlari markazlariga oʻzi kelib murojaat etganda:
20 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasining shaxsiy hisob varagʻiga oʻtkaziladi;
qolgan mablagʻlar teng miqdorda Oʻzenergoinspeksiya va issiqlik taʼminoti korxonasining bank hisob varaqlariga oʻtkaziladi;
b) YIDXP orqali murojaat etilganda:
10 foizi — Oʻzbekiston Respublikasi Adliya vazirligining Davlat xizmatlari rivojlantirish jamgʻarmasining shaxsiy hisob varagʻiga oʻtkaziladi;
11,25 foizi — Axborot-kommunikatsiya texnologiyalarini rivojlantirish jamgʻarmasida elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisob raqamiga oʻtkaziladi;
qolgan mablagʻlar teng miqdorda Oʻzenergoinspeksiya va issiqlik taʼminoti korxonasining bank hisob varaqlariga oʻtkaziladi.
13. Davlat xizmatlarini koʻrsatish uchun yigʻimni toʻlamaslik davlat xizmati koʻrsatishni rad etish uchun asos hisoblanadi.
Soʻrovnomada issiqlik isteʼmolining yuklama hajmi notoʻgʻri koʻrsatilgan taqdirda, issiqlik taʼminoti korxonasi xodimlari tomonidan obyekt joyiga chiqib oʻrganiladi yoki soʻrovnomada koʻrsatilgan telefon raqami orqali ariza beruvchi bilan bogʻlanib, obyektning ehtiyojiga aniqlik kiritgan holda yuklama hajmi aniqlanadi.
Davlat xizmatlarini koʻrsatishni boshqa asoslar boʻyicha rad etish qatʼiyan taqiqlanadi.
14. Isteʼmolchi davlat xizmatlaridan foydalanishdan u koʻrsatilishining har qanday bosqichida bosh tortish huquqiga ega.
Isteʼmolchi davlat xizmatlaridan foydalanishdan bosh tortganda uning soʻrovnomasi koʻrmasdan qoldiriladi. Bunda, toʻlangan yigʻim summasi qaytarilmaydi.
15. Oʻzi kelib murojaat etganda Davlat xizmatlari markazlari soʻrovnoma toʻldirilgach real vaqt rejimida uni issiqlik taʼminoti korxonasiga texnik shartlarni ishlab chiqish uchun yuboradi.
YIDXP orqali murojaat qilinganda soʻrovnoma avtomatik tarzda issiqlik taʼminoti korxonasiga texnik shartlarni ishlab chiqish uchun yuboriladi.
2-§. Texnik shartlarni ishlab chiqish va berish, shuningdek, tijorat takliflari va shartnomalar loyihalarini taqdim etish
16. Issiqlik taʼminoti korxonasi soʻrovnoma tushganidan soʻng uch ish kuni mobaynida QR-kod (matrik shtrixli kod) qoʻyilgan texnik shartlarni ishlab chiqadi va elektron shaklda Davlat xizmatlari markaziga (oʻzi kelib murojaat etganda) yoki isteʼmolchiga YIDXP orqali (elektron shaklda murojaat qilinganda) yuboradi yoxud ularni ishlab chiqishni rad etadi.
Issiqlik taʼminoti korxonasi qurilish-montaj va sozlash-ishga tushirish ishlarini amalga oshirish boʻyicha oʻzining tijorat takliflarini hamda shartnomalar loyihalarini ham yuborishi mumkin. Bunda, issiqlik taʼminoti korxonasi oʻzining tijorat takliflari hamda shartnomalari loyihalarida loyihalash, qurilish-montaj va sozlash-ishga tushirish ishlarini amalga oshirishning muddatlari va xarajatlarining kalkulyatsiyasini aniq koʻrsatadi.
Oʻzi kelib murojaat etganda, Davlat xizmatlari markazi texnik shartlar hamda issiqlik taʼminoti korxonasining qurilish-montaj va sozlash-ishga tushirish ishlarini amalga oshirish boʻyicha tijorat takliflari va shartnomalar loyihalari tushganidan soʻng real vaqt rejimida isteʼmolchiga beradi.
Soʻrovnomada isteʼmolchi tomonidan davlat xizmatlarini koʻrsatishning natijasini olib ketishga masʼul shaxs koʻrsatilgan holatlarda davlat xizmatlarini koʻrsatishning natijasini ushbu shaxsga taqdim etishda tegishli ishonchnoma talab etilmaydi.
17. Ulanish yoki mavjud issiqlik yuklamalarini oshirishning texnik imkoniyati mavjud emasligi texnik shartlarni ishlab chiqishni rad etish uchun asos boʻladi.
Boshqa asoslarga koʻra texnik shartlarni ishlab chiqishni rad etish qatʼiyan taqiqlanadi.
18. Ishlab chiqilgan texnik shartlar isteʼmolchining aloqa qilinadigan maʼlumotlari ilova qilingan holda loyihalash, qurilish-montaj va sozlash-ishga tushirish ishlarini amalga oshirish boʻyicha oʻzlarining tijorat takliflari va shartnomalar loyihalarini taqdim etishi maqsadida loyihalash, qurilish-montaj va sozlash-ishga tushirish tashkilotlarining tanishishi uchun YIDXPda joylashtiriladi.
3-§. Isteʼmolchilarni issiqlik taʼminoti tarmoqlariga ulash
19. Issiqlik taʼminoti loyihasini ishlab chiqish uchun isteʼmolchilar loyihalash tashkilotlari bilan loyihalash ishlarini bajarishga shartnomalar tuzadi.
20. Loyihalash ishlari loyihalash ishlarini bajarish boʻyicha shartnomalarda belgilangan muddatlarda amalga oshiriladi.
21. Loyihalash tashkiloti loyihalash ishlarini amalga oshirganidan soʻng issiqlik taʼminoti loyihasini kelishish uchun Davlat xizmatlari markazlariga oʻzi kelib murojaat etadi yoki YIDXPda davlat xizmatidan elektron tarzda foydalanish uchun roʻyxatdan oʻtadi.
Oʻzi kelib murojaat etganda Davlat xizmatlari markazi xodimi loyihalash tashkiloti nomidan, YIDXP orqali murojaat qilinganda esa loyihalash tashkiloti mustaqil ravishda ushbu Reglamentga 3-ilovaga muvofiq davlat xizmatidan foydalanish uchun soʻrovnomani elektron tarzda toʻldiradi va uni oʻzining ERI bilan tasdiqlaydi.
Soʻrovnomaga issiqlik taʼminoti loyihasi elektron shaklda ilova qilinadi.
Loyihalash tashkilotidan ushbu bandda koʻrsatilmagan hujjatlar va maʼlumotlarni taqdim etishni talab etish qatʼiyan taqiqlanadi.
Soʻrovnoma issiqlik taʼminoti loyihasini kelishish uchun issiqlik taʼminoti korxonasiga avtomatik tarzda yuboriladi.
22. Issiqlik taʼminoti korxonasi soʻrovnoma tushganidan soʻng uch ish kuni ichida issiqlik taʼminoti loyihasini kelishadi va kelishish natijalari yuzasidan ushbu Reglamentning 5-ilovasiga muvofiq shakl boʻyicha QR-kod (matrik shtrixli kod) qoʻyilgan xulosani oʻzining ERI bilan tasdiqlaydi yoki rad etishning aniq asoslari va qonunchilik normalarini koʻrsatgan holda kelishishni rad etadi.
Kelishilgan issiqlik taʼminoti loyihasi qurilish-montaj ishlarini boshlash uchun asos hisoblanadi.
Issiqlik taʼminoti korxonasi QR-kodli xulosa tasdiqlangan kuni loyihalash tashkilotiga (elektron shaklda murojaat etganda) YIDXP orqali xulosani elektron shaklda yuboradi.
23. Issiqlik taʼminoti loyihasining texnik shartlar talablaridan chetga chiqishi issiqlik taʼminoti loyihasini kelishishni rad etishga asos boʻladi.
Boshqa sabablarga koʻra issiqlik taʼminoti loyihasini kelishishni rad etish qatʼiyan taqiqlanadi.
Issiqlik taʼminoti loyihasini kelishishni rad etish uchun asos boʻlgan sabablar loyihalash tashkiloti tomonidan bartaraf etilgan taqdirda, qayta kelishish takroriy soʻrovnoma tushganidan soʻng bir ish kunidan oshmagan muddatda amalga oshiriladi.
Issiqlik taʼminoti loyihasini takroran koʻrib chiqishda issiqlik taʼminoti korxonasi tomonidan avvalgi rad etish asoslarida bayon etilmagan sabablarning keltirilishiga yoʻl qoʻyilmaydi, avval koʻrsatilgan sabablar bartaraf etilganligini tasdiqlovchi maʼlumotlar bilan bogʻliq rad etish sabablari keltirilishi bundan mustasno.
24. QR-kodli xulosa tasdiqlangach Issiqlik taʼminoti korxonasi tomonidan avtomatik ravishda Davlat xizmatlari markaziga (oʻzi kelib murojaat etganda) yoki loyihalash tashkilotiga (elektron shaklda murojaat etganda) YIDXP orqali yuboriladi.
Soʻrovnomada loyihalashtirish tashkiloti tomonidan davlat xizmatlarini koʻrsatishning natijasini olib ketishga masʼul shaxs koʻrsatilgan holatlarda davlat xizmatlarini koʻrsatishning natijasini ushbu shaxsga taqdim etishda tegishli ishonchnoma talab etilmaydi.
25. Issiqlik taʼminoti tarmoqlariga ulash boʻyicha qurilish-montaj va sozlash-ishga tushirish ishlarini amalga oshirish uchun isteʼmolchilar issiqlik taʼminoti korxonalari yoki boshqa qurilish-montaj va sozlash-ishga tushirish tashkilotlari bilan tegishli shartnomalar tuzish huquqiga ega.
26. Qurilish-montaj va sozlash-ishga tushirish ishlari qurilish-montaj va sozlash-ishga tushirish ishlarini amalga oshirish boʻyicha shartnomalarda belgilangan muddatlarda amalga oshiriladi.
261. Agar issiqlik taʼminoti korxonasi belgilangan muddatlarda xulosa rasmiylashtirmasa yoxud asoslantirilgan rad javobini bermasa, xulosa tizimda avtomatik tarzda shakllanadi va tasdiqlanadi hamda Davlat xizmatlari markazi (oʻzi kelib murojaat etgan taqdirda) yoki ariza beruvchiga (YIDXP orqali murojaat qilganda) yuboriladi.
Bunda berilgan xulosa uchun javobgarlik issiqlik taʼminoti korxonasi zimmasiga yuklatiladi.
4-§. Isteʼmolchilarning issiqlikdan foydalanish qurilmalari va issiqlik tarmoqlarini ulash dalolatnomasini rasmiylashtirish va tasdiqlash tartibi
27. Qurilish-montaj va sozlash-ishga tushirish tashkilotlari yoki isteʼmolchilar qurilish-montaj va sozlash-ishga tushirish ishlarini tugatgandan soʻng issiqlikdan foydalanish qurilmalarini texnik koʻrikdan oʻtkazish uchun YIDXPda yoki Davlat xizmatlari markaziga oʻzi kelib murojaat etganda davlat xizmatidan foydalanish uchun ushbu Reglamentga 4-ilovaga muvofiq shakl boʻyicha soʻrovnomani toʻldiradi va oʻzining ERI bilan tasdiqlaydi.
Qurilish-montaj va sozlash-ishga tushirish tashkilotlaridan va isteʼmolchilardan ushbu bandda koʻrsatilmagan maʼlumotlar va hujjatlarni talab qilish qatʼiyan taqiqlanadi.
Soʻrovnoma issiqlikdan foydalanish qurilmalarini texnik koʻrikdan oʻtkazish uchun avtomatik ravishda “Oʻzenergoinspeksiya”ga yuboriladi.
28. “Oʻzdavenergonazorat” DI joyning oʻziga chiqib qurilish-montaj va sozlash-ishga tushirish ishlari qonun hujjatlarida belgilangan talablar va texnik shartlarga muvofiqligini oʻrganadi, shuningdek, issiqlikdan foydalanish qurilmalarini soz holda saqlashga tayyorlangan issiqlik-texnik xodimlarning mavjudligini tekshiradi.
29. “Oʻzenergoinspeksiya” bildirishnoma tushgan kundan boshlab ikki ish kuni davomida issiqlik energiyasi isteʼmolchilarining issiqlikdan foydalanish qurilmalari va issiqlik tarmoqlarini texnik koʻrikdan oʻtkazadi.
291. Taqdim etilgan hujjatlarni koʻrib chiqish va issiqlikdan foydalanish qurilmalari hamda issiqlik tarmoqlarini texnik koʻrikdan oʻtkazish yakunlari boʻyicha mazkur Reglamentga 7-ilovaga muvofiq shaklda isteʼmolchilar elektr qurilmalarini texnik koʻrikdan oʻtkazish dalolatnomasi (keyingi oʻrinlarda Dalolatnoma deb ataladi) tuzilib, unda isteʼmolchi elektr qurilmalari foydalanishga tayyorligi (tayyor emasligi) toʻgʻrisida yozuv qayd etiladi.
30. Isteʼmolchining issiqlikdan foydalanish qurilmalarini montaj qilishda aniqlangan kamchiliklar, texnik shartlar talablaridan chetga chiqish, shuningdek, issiqlik energiyasi qurilmalariga xizmat koʻrsatish uchun tayyorlangan xodimlarning mavjud emasligi Dalolatnomani imzolashni rad etishga asos boʻladi.
Boshqa asoslarga, shu jumladan maqsadga muvofiq emasligi sababli Dalolatnomani imzolashni rad etishga yoʻl qoʻyilmaydi.
Qoidabuzarliklar toʻgʻrisidagi bildirishnoma “Oʻzenergoinspeksiya” tomonidan qurilish-montaj va ishga tushirish-sozlash tashkilotlariga YIDXP orqali rad etish sabablari, qonun hujjatlarining aniq normalari koʻrsatilgan holda yuboriladi.
Qurilish-montaj va ishga tushirish-sozlash tashkilotlari mavjud qoidabuzarliklarni bartaraf etib, qayta koʻrib chiqish uchun hujjatlarni topshirish huquqiga ega boʻlgan muddat “Oʻzenergoinspeksiya”ning qoidabuzarliklar mavjudligi toʻgʻrisidagi bildirishnomasi olingan kundan boshlab oʻn ish kunidan kam boʻlmasligi kerak.
Qurilish-montaj va ishga tushirish-sozlash tashkilotlari tomonidan “Oʻzenergoinspeksiya”ning Dalolatnomani imzolashni rad etishiga asos boʻlgan sabablar bartaraf etilgandan soʻng ushbu tashkilotlar “Oʻzenergoinspeksiya”ga issiqlikdan foydalanish qurilmalari va issiqlik tarmoqlarini qaytadan koʻrikdan oʻtkazish uchun joylarga chiqish toʻgʻrisidagi soʻrovnomani Davlat xizmatlari markazlari yoki YIDXP orqali yuboradi.
“Oʻzenergoinspeksiya” soʻrovnoma kelib tushgan kundan boshlab bir ish kunidan oshmagan muddatda qayta texnik koʻrikdan oʻtkazadi.
Issiqlik tarmoqlarini ekspluatatsiya qilishni takroran koʻrib chiqishda “Oʻzenergoinspeksiya” tomonidan avvalgi rad etish asoslarida bayon etilmagan sabablarni keltirishga yoʻl qoʻyilmaydi, Dalolatnomani imzolashda avval koʻrsatilgan sabablar bartaraf etilganligini tasdiqlovchi maʼlumotlar bilan bogʻliq rad etish sabablarning keltirilishi bundan mustasno.
31. “Oʻzenergoinspeksiya” mazkur Reglamentning 29-30-bandlarida nazarda tutilgan muddat tugagandan soʻng isteʼmolchining issiqlikdan foydalanish qurilmalari hamda issiqlik tarmoqlari ekspluatatsiya qilishga tayyorligi va Dalolatnomani imzolashga tayyorligi toʻgʻrisidagi soʻrovnomani issiqlik taʼminoti korxonasi, qurilish-montaj va ishga tushirish-sozlash tashkilotlariga, shuningdek, isteʼmolchiga (elektron koʻrinishda murojaat etganda) yoki Davlat xizmatlari markaziga (oʻzi kelib murojaat etganda) YIDXP orqali yuboradi.
32. Issiqlik energiyasini hisobga olish asboblarini plombalash va issiqlik taʼminoti shartnomasini tuzish “Oʻzenergoinspeksiya”ni isteʼmolchining issiqlikdan foydalanish qurilmalari va issiqlik tarmoqlari ekspluatatsiya qilishga tayyorligi toʻgʻrisida xabardor qilingandan keyin amalga oshiriladi.
33. Oʻzi kelib murojaat etganda Davlat xizmatlari markazi xodimi isteʼmolchi nomidan, YIDXP orqali murojaat qilinganda esa isteʼmolchi mustaqil ravishda ushbu Reglamentga 6-ilovaga muvofiq issiqlik energiyasini hisobga olish priborini plombalash va issiqlik taʼminoti shartnomasini tuzish uchun soʻrovnomani elektron tarzda toʻldiradi.
Isteʼmolchilardan ushbu bandda koʻrsatilmagan maʼlumotlarni, shuningdek, boshqa hujjatlarni taqdim etishni talab qilish qatʼiyan taqiqlanadi.
34. Isteʼmolchi zarur maʼlumotlarni rasmiylashtirgandan va soʻrovnomaga kiritgandan soʻng maʼlumotlarning toʻgʻriligini tekshiradi va imzolarni identifikatsiya qilishning tegishli vositalari (daktiloskopiya, elektron imzo, Mobil-ID va boshqalar) bilan tasdiqlaydi.
Isteʼmolchi YIDXP orqali murojaat etgan taqdirda, soʻrovnomani ERI bilan tasdiqlash talab etilmaydi.
35. Oʻzi kelib murojaat etganda Davlat xizmatlari markazlari soʻrovnoma toʻldirilgach real vaqt rejimida uni issiqlik taʼminoti korxonasiga issiqlik energiyasini hisobga olish priborini plombalash va issiqlik taʼminoti shartnomasini tuzish uchun yuboradi.
YIDXP orqali murojaat qilinganda soʻrovnoma avtomatik tarzda issiqlik taʼminoti korxonasiga issiqlik energiyasini hisobga olish priborini plombalash va issiqlik taʼminoti shartnomasini tuzish uchun yuboriladi.
Isteʼmolchilarda abonentning shaxsiy raqami shakllantirilishi talab etilsa, Issiqlik taʼminoti korxonasi tomonidan yangi abonent raqami issiqlik taʼminoti shartnomasida koʻrsatiladi. Shuningdek, isteʼmolchilar shakllantirilgan abonentning shaxsiy raqami toʻgʻrisidagi maʼlumotlarni YIDXP orqali yuridik shaxslar uchun — STIRni, jismoniy shaxslar uchun — pasport yoki ID-kartaga oid maʼlumotlarni (pasport seriyasi va raqami), JSHSHIRni yoki kadastr raqamlaridan birini kiritish yoʻli bilan aniqlashlari mumkin.
36. Issiqlik taʼminoti korxonasi soʻrovnoma tushgan kundan boshlab bir ish kuni mobaynida joyning oʻziga chiqib issiqlik energiyasini hisobga olish priborini plombalashni amalga oshiradi.
37. Issiqlik taʼminoti korxonasi issiqlik energiyasini hisobga olish asbobi plombalangan kunning oʻzida Davlat xizmatlari markaziga (oʻzi kelib murojaat etganda) yoki isteʼmolchiga YIDXP orqali (elektron shaklda murojaat qilinganda) plombalash oʻtkazilganligi toʻgʻrisidagi maʼlumotlar koʻrsatilgan rasmiylashtirilgan issiqlik taʼminoti shartnomasini elektron shaklda yuboradi.
Bir vaqtning oʻzida issiqlik taʼminoti korxonasi hisobga olish tizimini plombalash kunida mazkur Reglamentga 8-ilovaga muvofiq shakldagi Dalolatnomani rasmiylashtiradi va uni YIDXP orqali “Oʻzenergoinspeksiya”, qurilish-montaj va ishga tushirish-sozlash tashkilotlari bilan kelishadi.
Dalolatnomani imzolanishi issiqlik taʼminoti korxonasi tomonidan yuqorida keltirilgan barcha tomonlar xabardor qilingan paytdan boshlab ikki kalendar kunidan oshmasligi lozim.
Dalolatnoma yuqorida keltirilgan tomonlarning barcha vakillari tomonidan belgilangan muddatdan kechikmasdan imzolanadi.
Agar Reglamentning ushbu bandida koʻrsatilgan muddat tugagandan soʻng Dalolatnomani qayd etilgan tomonlar imzolamasa, Dalolatnoma kelishilgan deb hisoblanadi.
371. Dalolatnoma mazkur Reglamentning 37-bandida koʻrsatilgan tomonlar uni imzolagach, issiqlik taʼminoti korxonasining rahbari yoki bosh muhandisi tomonidan tasdiqlanadi.
38. Davlat xizmatlari markazi rasmiylashtirilgan issiqlik taʼminoti shartnomasi tushganidan soʻng real vaqt rejimida bu haqida isteʼmolchini axborot-kommunikatsiya tizimlari orqali xabardor qiladi.
39. Isteʼmolchi rasmiylashtirilgan issiqlik taʼminoti shartnomasi tushganidan soʻng besh ish kuni mobaynida uni oʻzining ERI bilan tasdiqlaydi.
Shartnomani ERI bilan tasdiqlash imkoniyati boʻlmagan hollarda, tegishli imzolar identifikatsiya qilishning boshqa vositalari (daktiloskopiya, elektron imzo va boshqalar) bilan ham tasdiqlanishi mumkin.
Isteʼmolchi tomonidan tasdiqlangan issiqlik taʼminoti shartnomasi issiqlik taʼminoti korxonasiga Davlat xizmatlari markazi tomonidan (oʻzi kelib murojaat etganda) yoki isteʼmolchi tomonidan YIDXP orqali (elektron shaklda murojaat qilinganda) yuboriladi.
40. Isteʼmolchi issiqlik taʼminoti shartnomasini tasdiqlashdan bosh tortganda yoki u belgilangan muddatda yuborilmaganda issiqlik taʼminoti shartnomasi tuzilmagan hisoblanadi.
41. Issiqlik energiyasini yetkazib berish issiqlik taʼminoti korxonasi tomonidan quyidagi tartibda amalga oshiriladi:
qonun hujjatlarida oldindan toʻlovni amalga oshirishi nazarda tutilgan isteʼmolchilar uchun — isteʼmolchi tomonidan oldindan toʻlov amalga oshirilgan kuni;
qonun hujjatlarida oldindan toʻlovni amalga oshirishi nazarda tutilmagan isteʼmolchilar uchun — isteʼmolchi tomonidan tasdiqlangan shartnoma olingan kuni.
42. Ulash qonun hujjatlarida belgilangan tartibda amalga oshiriladi.
3-bob. Yakunlovchi qoidalar
43. Texnik shartlarni, shu jumladan, qoʻshimcha texnik shartlarni ishlab chiqish, berish, issiqlik taʼminoti loyihalarini kelishish, isteʼmolchilarning issiqlikdan foydalanish qurilmalari va issiqlik tarmoqlari ekspluatatsiya qilishga tayyorligini aniqlash va issiqlik energiyasini hisobga olish priborini plombalash toʻlov undirilmagan holda amalga oshiriladi, davlat xizmatlari koʻrsatilganligi uchun yigʻim undirilishi bundan mustasno.
44. Davlat xizmatlari markazlari, issiqlik taʼminoti korxonalari, “Oʻzenergoinspeksiya”, loyihalash, qurilish-montaj va sozlash-ishga tushirish tashkilotlari oʻz faoliyatini amalga oshirishi natijasida olingan isteʼmolchi haqidagi maʼlumotlarning maxfiyligini taʼminlashi kerak.
45. Oʻzbekiston Respublikasi Adliya vazirligi, uning hududiy boshqarmalari va Davlat xizmatlari markazlari ushbu Reglament talablari ijrosi boʻyicha davlat organlari va boshqa tashkilotlarning faoliyati ustidan, shu jumladan, YIDXP orqali, doimiy nazoratni va monitoringni amalga oshiradilar.
46. Isteʼmolchi davlat organlari va boshqa tashkilotlar xodimlarining xatti-harakatlari yuzasidan qonun hujjatlarida belgilangan tartibda shikoyat qilishi mumkin.
47. Ushbu Reglament talablari buzilishida aybdor boʻlgan shaxslar qonun hujjatlarida belgilangan tartibda javob beradilar.
Yuridik va jismoniy shaxslarni issiqlik taʼminoti tarmoqlariga ulash boʻyicha davlat xizmatlari koʻrsatishning maʼmuriy reglamentiga 1-ILOVA
Yuridik va jismoniy shaxslarni issiqlik taʼminoti tarmoqlariga ulash
SXEMASI
Bosqichlar Subyektlar Tadbirlar Bajarish muddatlari I. Texnik shartlarni ishlab chiqish va berish, shuningdek, tijorat takliflari va shartnomalar loyihalarini taqdim etish 1-bosqich Isteʼmolchi 1. Issiqlik taʼminoti tarmoqlariga ulanish uchun Davlat xizmatlari markaziga oʻzi kelib murojaat qilish yoki YIDXPda roʻyxatdan oʻtish. 1. Xohishiga koʻra 2. Davlat xizmatini koʻrsatish uchun yigʻim toʻlash. 2. Murojaat qilinganda 2-bosqich 1. Davlat xizmatlari markazi 2. YIDXP Texnik shartlarni ishlab chiqish uchun soʻrovnomani issiqlik taʼminoti korxonasiga yuborish. Real vaqt rejimida 3-bosqich Issiqlik taʼminoti korxonasi 1. Texnik shartlarni ishlab chiqish va Davlat xizmatlari markaziga (oʻzi kelib murojaat etganda) yoki isteʼmolchiga YIDXP orqali (elektron tarzda murojaat etgan taqdirda) yuborish. 2. Loyihalash, qurilish-montaj va sozlash-ishga tushirish ishlarini amalga oshirish boʻyicha oʻzining tijorat takliflarini va shartnomalar loyihalarini yuborish. 3 ish kuni mobaynida 4-bosqich 1. Davlat xizmatlari markazi 2. YIDXP QR-kod qoʻyilgan texnik shartlarni, shuningdek, issiqlik taʼminoti korxonasining qurilish-montaj va sozlash-ishga tushirish ishlarini amalga oshirish boʻyicha tijorat takliflari va shartnomalar loyihalarini isteʼmolchiga berish. Real vaqt rejimida II. Isteʼmolchilarni issiqlik taʼminoti tarmoqlariga ulash 1-bosqich Isteʼmolchi Issiqlik taʼminoti loyihasini ishlab chiqish uchun loyihalash tashkilotlari bilan loyihalash ishlarini bajarish boʻyicha shartnomalar tuzish. Xohishiga koʻra (texnik shartlarni olgandan soʻng) 2-bosqich Loyihalash tashkilotlari Issiqlik taʼminoti tarmoqlariga ulash boʻyicha loyihalash ishlarini amalga oshirish. Shartnomada belgilangan muddatlarda 3-bosqich Loyihalash tashkiloti Issiqlik taʼminoti loyihasini kelishish uchun Davlat xizmatlari markazlari yoki YIDXPda soʻrovnomani toʻldirish. Xohishiga koʻra (loyihalash ishlari amalga oshirilgandan soʻng) 4-bosqich 1. Davlat xizmatlari markazi 2. YIDXP Soʻrovnomani issiqlik taʼminoti loyihasini kelishish uchun issiqlik taʼminoti korxonasiga yuborish. Real vaqt rejimida 5-bosqich Issiqlik taʼminoti korxonasi 1. Issiqlik taʼminoti loyihasini koʻrib chiqish. 2. Issiqlik taʼminoti loyihasi kelishilganligi haqida QR-kod qoʻyilgan xulosani Davlat xizmatlari markaziga yoki YIDXP orqali loyihalash tashkilotiga yuborish. 3 ish kuni mobaynida 6-bosqich Isteʼmolchi Issiqlik taʼminoti korxonasi yoki boshqa qurilish-montaj va sozlash-ishga tushirish tashkilotlari bilan qurilish-montaj va sozlash-ishga tushirish ishlarini amalga oshirish boʻyicha shartnoma tuzish. Xohishiga koʻra (loyiha kelishilgandan soʻng) 7-bosqich Issiqlik taʼminoti korxonasi yoki boshqa qurilish-montaj va sozlash-ishga tushirish tashkilotlari Issiqlik taʼminoti tarmoqlariga ulash boʻyicha qurilish-montaj va sozlash-ishga tushirish ishlarini amalga oshirish. Shartnomada belgilangan muddatlarda III. Isteʼmolchilarning issiqlikdan foydalanish qurilmalari va issiqlik tarmoqlarini ishga tushirish uchun dalolatnoma rasmiylashtirish 1-bosqich Qurilish-montaj va sozlash-ishga tushirish tashkilotlari Isteʼmolchilarning issiqlikdan foydalanish qurilmalari va issiqlik tarmoqlarini ishga tushirish uchun YIDXPda soʻrovnomani toʻldirish. Xohishiga koʻra (qurilish-montaj va sozlash-ishga tushirish ishlari tugaganidan soʻng) 2-bosqich 1. Davlat xizmatlari markazi 2. YIDXP Soʻrovnomani isteʼmolchilarning issiqlikdan foydalanish qurilmalari va issiqlik tarmoqlarini ishga tushirish uchun “Oʻzenergoinspeksiya”ga yuborish. Real vaqt rejimida 3-bosqich “Oʻzenergoinspeksiya” 1. Joyning oʻziga chiqib qurilish-montaj va sozlash-ishga tushirish ishlari qonun hujjatlarida belgilangan talablar va texnik shartlarga muvofiqligini oʻrganish, shuningdek, issiqlikdan foydalanish qurilmalarini soz holda saqlashga tayyorlangan issiqlik-texnik xodimlarning mavjudligini tekshirish. 2. Issiqlikdan foydalanish qurilmalarini ishga tushirish uchun QR-kod qoʻyilgan dalolatnomani rasmiylashtirish. 3. QR-kod qoʻyilgan dalolatnomani Davlat xizmatlari markazlariga yoki YIDXP orqali qurilish-montaj va sozlash-ishga tushirish tashkilotlariga yuborish. 2 ish kuni mobaynida
Yuridik va jismoniy shaxslarni issiqlik taʼminoti tarmoqlariga ulash boʻyicha davlat xizmatlari koʻrsatishning maʼmuriy reglamentiga 2-ILOVA
__________________(sana)________________(raqam)Issiqlik taʼminoti tarmoqlariga ulash boʻyicha davlat xizmatlaridan foydalanish uchun SOʻROVNOMAI. (jismoniy) Isteʼmolchi — jismoniy shaxs toʻgʻrisida maʼlumot:1. F.I.O.:2. Manzili:3. Telefon raqami:4. Elektron pochta manzili:5. Davlat xizmatini koʻrsatish natijasini olib ketuvchi shaxsning (agar mavjud boʻlsa) JSHSHIR maʼlumotlari: I. (yuridik) Isteʼmolchi — yuridik shaxs toʻgʻrisida maʼlumot:1. Toʻliq nomi:2. Telefon raqami:3. Elektron pochta manzili:4. Davlat xizmatini koʻrsatish natijasini olib ketuvchi shaxsning (agar mavjud boʻlsa) JSHSHIR maʼlumotlari: II. Ulanayotgan obyekt toʻgʻrisida maʼlumot:1. oʻrnatiladigan issiqlikdan foydalanish qurilmalari va issiqlik tarmoqlari turi:2. oʻrnatiladigan issiqlikdan foydalanish qurilmalari soni:3. ulanadigan obyekt joylashuvi (indeks, manzil, moʻljal):4. issiqlik energiyasidan foydalanish davri:5. xizmat turi:issiqlik tarmoqlarini oʻzgartirishqoʻshimcha issiqlikdan foydalanish qurilmalari va issiqlik tarmoqlarini ulashulanish nuqtalarini oʻzgartirishIII. Avval ulanganligi toʻgʻrisidagi maʼlumotlar:1. tuzilgan issiqlik taʼminoti shartnomasining raqami va sanasi:(ulangan boʻlsa toʻldiriladi)Berilayotgan texnik shartlardan loyihalash, qurilish-montaj va sozlash-ishga tushirish tashkilotlari kelgusida loyihalash, qurilish-montaj va sozlash-ishga tushirish ishlarini amalga oshirishda oʻz tijorat takliflarini berish maqsadida tanishishi uchun texnik shartlarning Yagona interaktiv davlat xizmatlari portalida joylashtirilishiga isteʼmolchining roziligi:rozimanrozi emasman
Yuridik va jismoniy shaxslarni issiqlik taʼminoti tarmoqlariga ulash boʻyicha davlat xizmatlari koʻrsatishning maʼmuriy reglamentiga 3-ILOVA
____________________ ____________________ (sana) (raqam) Issiqlik taʼminoti loyihasini issiqlik taʼminoti korxonasi bilan kelishish uchun SUROVNOMA I. Kelishilayotgan gaz taʼminoti loyihasi toʻgʻrisida maʼlumot: Loyiha tashkilotining nomi: Telefon raqami: II. Ilova qilinadigan hujjatlar: Issiqlik taʼminoti loyihasi:
Yuridik va jismoniy shaxslarni issiqlik taʼminoti tarmoqlariga ulash boʻyicha davlat xizmatlari koʻrsatishning maʼmuriy reglamentiga 4-ILOVA
__________________ __________________ (sana) (raqam) Isteʼmolchining issiqlikdan foydalanish qurilmalari va issiqlik tarmoqlari ekspluatatsiya qilish uchun SUROVNOMA I. (jismoniy) Isteʼmolchi — jismoniy shaxs toʻgʻrisida maʼlumot: 1, F.I.O.: 2. Telefon raqami: 3. Elektron pochta manzili (mavjud boʻlsa): I. (yuridik) Isteʼmolchi — yuridik shaxs toʻgʻrisida maʼlumot: 1. Toʻliq nomi: 2. Telefon raqami: 3. Elektron pochta manzili (mavjud boʻlsa): II. Obyekt toʻgʻrisida maʼlumot: Issiqlik tarmoqlari ekspluatatsiya qilinadigan obyekt joylashuvi (indeks, manzil, moʻljal):
Yuridik va jismoniy shaxslarni issiqlik taʼminoti tarmoqlariga ulash boʻyicha davlat xizmatlari koʻrsatishning maʼmuriy reglamentiga 5-ILOVA
OʻZBEKISTON RESPUBLIKASI VAZIRLAR MAHKAMASI HUZURIDAGI ELEKTR ENERGIYASI, NEFT MAHSULOTLARI VA GAZDAN FOYDALANISHNI NAZORAT QILISH INSPEKSIYASI _________________________________________________________ Issiqlik taʼminoti loyihasi kelishilganligi haqida XULOSA 20___ y. “___” ariza raqami: ______________ _______________________________ning _________________-sonli arizasiga (arizachining nomi yoki F.I. O.) (ariza raqami) muvofiq __________________________________________ manzilida (obyektning manzili) joylashgan obyekt boʻyicha issiqlik taʼminoti loyihasi kelishildi. Hujjatning Haqiqiyligini tasdiqlovchi QR-kod
Yuridik va jismoniy shaxslarni issiqlik taʼminoti tarmoqlariga ulash boʻyicha davlat xizmatlari koʻrsatishning maʼmuriy reglamentiga 6-ILOVA
_____________________ _____________________ (sana) (raqam) Issiqlik energiyasini hisobga olish priborini plombalash va issiqlik taʼminoti shartnomasini tuzish uchun SUROVNOMA I. (jismoniy) Isteʼmolchi — jismoniy shaxs tOʻgʻrisida maʼlumot: 1. F.I.O.: 2. Telefon raqami: 3. Elektron pochta manzili (mavjud boʻlsa): I. (yuridik) Isteʼmolchi — yuridik shaxs toʻgʻrisida maʼlumot: 1. Toʻliq nomi: 2. Telefon raqami: 3. Elektron pochta manzili (mavjud boʻlsa): II. Issiqlik taʼminoti ulanadigan obyekt toʻgʻrisida maʼlumot: 1. Obyektning manzili: 2. Abonentning shaxsiy raqami shakllantirilsinmi? Ha (abonentning shaxsiy raqami mavjud emas) Yoʻq (abonentning shaxsiy raqami mavjud)
Yuridik va jismoniy shaxslarni issiqlik taʼminoti tarmoqlariga ulash boʻyicha davlat xizmatlari koʻrsatishning maʼmuriy reglamentiga 7-ILOVA
(7-ilova Oʻzbekiston Respublikasi Vazirlar Mahkamasining 2022-yil 21-iyundagi 340-sonli qarori tahririda — Qonunchilik maʼlumotlari milliy bazasi, 21.06.2022-y., 09/22/340/0544-son)
Yuridik va jismoniy shaxslarni issiqlik taʼminoti tarmoqlariga ulash boʻyicha davlat xizmatlari koʻrsatishning maʼmuriy reglamentiga 8-ILOVA
(8-ilova Oʻzbekiston Respublikasi Vazirlar Mahkamasining 2022-yil 21-iyundagi 340-sonli qarori tahririda — Qonunchilik maʼlumotlari milliy bazasi, 21.06.2022-y., 09/22/340/0544-son)
Vazirlar Mahkamasining 2018-yil 31-martdagi 256-son qaroriga 4-ILOVA
Yuridik va jismoniy shaxslarni suv taʼminoti va suvni chiqarib tashlash tarmoqlariga ulash boʻyicha davlat xizmatlari koʻrsatishning
MAʼMURIY REGLAMENTI
1-bob. Umumiy qoidalar
1. Ushbu Reglament yuridik va jismoniy shaxslarni (keyingi oʻrinlarda isteʼmolchilar deb ataladi) suv taʼminoti va suvni chiqarib tashlash tarmoqlariga ulash tartibini belgilaydi.
2. Ushbu Reglamentning amal qilishi quyidagilarga tatbiq etiladi:
suv taʼminoti va suvni chiqarib tashlash tarmoqlarini loyihalashtirish va qurilish-montaj ishlarini bajarishga;
loyiha-smeta hujjatlarida suv taʼminoti va suvni chiqarib tashlash tarmoqlarini qurish va rekonstruksiya qilish ishlarini amalga oshirish nazarda tutilgan obyektlarga.
3. Suv taʼminoti va suvni chiqarib tashlash xizmatlarini koʻrsatish boʻyicha shartnomani tuzmasdan suvni yetkazib berish va oqova suvlarni qabul qilish taqiqlanadi.
4. Isteʼmolchilarni suv taʼminoti va suvni chiqarib tashlash tarmoqlariga ulash jarayoni quyidagilarni nazarda tutadi:
texnik shartlarni ishlab chiqish (yangi obyekt qurilishida arxitektura-rejalashtirish topshirigʻini ishlab chiqish doirasida amalga oshiriladi);
suv taʼminoti va suvni chiqarib tashlash loyihasini ishlab chiqish va kelishish;
qurilish-montaj ishlarini amalga oshirish;
suvni hisobga olish priborini plombalash;
suv taʼminoti va suvni chiqarib tashlash xizmatlarini koʻrsatish boʻyicha shartnomani tuzish;
suvni yetkazib berish va oqova suvlarni qabul qilish.
5. Isteʼmolchilarni suv taʼminoti va suvni chiqarib tashlash tarmoqlariga ulash jarayonini amalga oshirishda:
a) suv quvurlari va kanalizatsiya xoʻjaligi tashkiloti (keyingi oʻrinlarda SQKX tashkiloti deb ataladi):
texnik shartlarni ishlab chiqadi;
loyihalash va qurilish-montaj ishlarini amalga oshiradi (isteʼmolchining ixtiyoriga koʻra);
suv taʼminoti va suvni chiqarib tashlash loyihasini, shu jumladan binolar, inshootlar va boshqa obyektlar qurilishining loyiha-smeta hujjatlarini koʻrib chiqish va kelishish jarayoni bilan bir vaqtda texnik shartlarga muvofiqligini koʻrib chiqadi va kelishadi, agar loyiha ishlab chiquvchi loyihalash tashkiloti boʻlsa;
suvni hisobga olish priborini plombalashni amalga oshiradi;
suv taʼminoti va suvni chiqarib tashlash xizmatlarini koʻrsatish boʻyicha shartnoma tuzadi;
suvni yetkazib berish va oqova suvlarni qabul qilishni amalga oshiradi;
b) loyihalash va qurilish-montaj tashkilotlari loyihalash va qurilish-montaj ishlarini amalga oshiradi (isteʼmolchining ixtiyoriga koʻra);
6. Davlat xizmatlari markazlari, SQKX tashkilotlari, loyihalash va qurilish-montaj tashkilotlari oʻrtasida axborot almashinuvi elektron raqamli imzoni (keyingi oʻrinlarda ERI deb ataladi) majburiy tartibda qoʻllash orqali faqat idoralararo elektron oʻzaro bogʻlanish yordamida amalga oshiriladi.
Quyidagi hollarda texnik shartlar, suv taʼminoti loyihasini ishlab chiqish va kelishish talab etilmaydi:
maishiy isteʼmolchilar uchun xonadonlar, shaxsiy uy-joylar, dala hovlilar, yordamchi xoʻjaliklar va shaxsiy foydalaniladigan tomorqa bogʻ obyektlarida;
koʻchmas mulk obyekti boʻyicha birlamchi texnik shart mavjud boʻlib begonalashtirilganda;
fuqaroning familiyasi, ismi va otasining ismi oʻzgarganda;
tadbirkorlik subyekti — yuridik shaxsning tashkiliy-huquqiy shakli va (yoki) firma nomi oʻzgarganda;
ulanish nuqtalari oʻzgarganda, suvdan foydalanish hajmlari oʻzgarmasdan ishlab chiqarish faoliyati turlari oʻzgarganda.
Bunday hollarda, Davlat xizmatlari markazlari yoki Oʻzbekiston Respublikasi Yagona interaktiv davlat xizmatlari portali (keyingi oʻrinlarda YIDXP deb ataladi) orqali faqat hisobga olish tizimini oʻrnatish, plombalash va suv taʼminoti shartnomasini tuzish uchun murojaat qilinadi. Agar qurilish montaj ishlari va hisobga olish pribori oʻrnatilishi talab etilmasa, SQKX tashkiloti tomonidan isteʼmolchiga tizim orqali faqat suv taʼminoti shartnomasi yuboriladi.
7. Isteʼmolchilarni suv taʼminoti va suvni chiqarib tashlash tarmoqlariga ulash ushbu Reglamentga 1-ilovaga muvofiq sxema boʻyicha amalga oshiriladi.
2-bob. Davlat xizmatlari koʻrsatish tartibi
1-§. Murojaatlarni shakllantirish va yuborish
8. Isteʼmolchilar suv taʼminoti va suvni chiqarib tashlash tarmoqlariga ulanish uchun texnik shart olishga Davlat xizmatlari markazlariga oʻzi kelib murojaat etadi yoki YIDXPda davlat xizmatlaridan elektron tarzda foydalanish uchun roʻyxatdan oʻtadi.
Ichimlik suv taʼminoti obyektlari foydalanishga tayyor holda topshirilgan taqdirda (oʻlchash vositalari oʻrnatilib, ichimlik suv uy hoʻjaligigacha yetkazilgan taqdirda), isteʼmolchining ixtiyoriga koʻra SQKX bilan toʻgʻridan-toʻgʻri shartnoma tuzish va suvni hisobga olish priborini plombalash amalga oshiriladi.
9. Oʻzi kelib murojaat etganda Davlat xizmatlari markazi xodimi isteʼmolchi nomidan, YIDXP orqali murojaat qilinganda esa isteʼmolchi mustaqil ravishda ushbu Reglamentga 2-ilovaga muvofiq davlat xizmatlaridan foydalanish uchun soʻrovnomani elektron tarzda toʻldiradi.
Zarur hollarda soʻrovnomada ulanish nazarda tutilayotgan suv taʼminoti va suvni chiqarib tashlash tarmoqlarini balansda saqlovchilarning roziligi mavjudligi haqidagi maʼlumotlar koʻrsatiladi.
Isteʼmolchilardan ushbu bandda koʻrsatilmagan maʼlumotlarni va boshqa hujjatlarni taqdim etishni talab qilish qatʼiyan taqiqlanadi.
10. Isteʼmolchi zarur maʼlumotlarni rasmiylashtirgandan va soʻrovnomaga kiritgandan soʻng maʼlumotlarning toʻgʻriligini tekshiradi va imzolarni identifikatsiya qilishning tegishli vositalari (daktiloskopiya, elektron imzo, Mobil-ID va boshqalar) bilan tasdiqlaydi.
Isteʼmolchi YIDXP orqali murojaat etgan taqdirda, soʻrovnomani ERI bilan tasdiqlash talab etilmaydi.
11. Davlat xizmatlarini koʻrsatish uchun bazaviy hisoblash miqdorining 10 foizi miqdorida yigʻim undiriladi, suv taʼminoti va suvni chiqarib tashlash loyihasi binolar, inshootlar va boshqa obyektlar qurilishining loyiha-smeta hujjatlarini koʻrib chiqish va kelishish jarayoni bilan bir vaqtda kelishiladigan holatlar bundan mustasno.
Davlat xizmati koʻrsatilishi uchun YIDXP orqali murojaat etilganda, ushbu bandning birinchi xatboshida koʻrsatilgan yigʻim summasining 90 foizi undiriladi.
Jismoniy shaxslarni suv taʼminoti va suvni chiqarib tashlash tarmoqlariga ulashda Ijtimoiy reyestrning “kambagʻal oila” toifasiga kiritilgan oilalarning aʼzolariga, davlat tibbiyot muassasalarida qonunchilik hujjatlariga muvofiq tuzilgan mehnat shartnomasi asosida tibbiyot va farmatsevtika sohasiga oid kasbiy faoliyatni amalga oshiruvchi shaxslarga, shuningdek, I va II guruh nogironligi boʻlgan shaxslarga mazkur bandda belgilangan yigʻimning 50 foizi miqdorida, Ijtimoiy reyestrning “davlat taʼminotidagi oila” toifasiga kiritilgan oilalarning aʼzolariga belgilangan yigʻimning 75 foizi miqdorida chegirma qoʻllaniladi. Bunda chegirma Ijtimoiy reyestrning:
“davlat taʼminotidagi oila” yoki “kambagʻal oila” toifasidan “kambagʻallik chegarasidagi oila” toifasiga oʻtkazilgan oilalarga, ularning ilgari belgilangan toifasiga muvofiq miqdorda;
ogʻir hayotiy vaziyatga tushgan oila sifatida “kambagʻallik chegarasidagi oila” toifasiga kiritilgan oilalarga “kambagʻal oila” toifasidagi oila uchun belgilangan miqdorda qoʻllaniladi.
Davlat xizmatlarini koʻrsatish uchun yigʻim toʻlanganligini tasdiqlash axborot-kommunikatsiya tizimlari orqali amalga oshiriladi.
111. Jismoniy shaxslarni suv taʼminoti va suvni chiqarib tashlash tarmoqlariga ulashda taʼlim tashkilotida qonunchilik hujjatlariga muvofiq tuzilgan mehnat shartnomasi asosida taʼlim va tarbiya sohasida kasbiy faoliyatni amalga oshiruvchi pedagog shaxslardan ushbu Reglamentning 11-bandida belgilangan yigʻim summasining 50 foizi undiriladi.
12. Yigʻimlar summasi quyidagi tartibda taqsimlanadi:
a) Davlat xizmatlari markazlariga oʻzi kelib murojaat etganda:
20 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasining shaxsiy hisob varagʻiga oʻtkaziladi;
qolgan mablagʻlar toʻliq SQKX tashkilotining bank hisob varagʻiga oʻtkaziladi;
b) YIDXP orqali murojaat etilganda:
10 foizi — Oʻzbekiston Respublikasi Adliya vazirligi huzuridagi 10 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasining shaxsiy hisob varagʻiga oʻtkaziladi;
11,25 foizi — Axborot-kommunikatsiya texnologiyalarini rivojlantirish jamgʻarmasida elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga oʻtkaziladi;
qolgan mablagʻlar toʻliq SQKX tashkilotining bank hisob varagʻiga oʻtkaziladi.
13. Davlat xizmatlarini koʻrsatish uchun yigʻimni toʻlamaslik davlat xizmati koʻrsatishni rad etish uchun asos hisoblanadi.
Soʻrovnomada suv taʼminoti va suvni chiqarib tashlash isteʼmolining yuklama hajmi notoʻgʻri koʻrsatilgan taqdirda, SQKX tashkiloti xodimlari obyektni joyiga chiqib oʻrganadilar yoki soʻrovnomada koʻrsatilgan telefon raqami orqali ariza beruvchi bilan bogʻlanib, obyektning ehtiyojiga aniqlik kiritgan holda yuklama hajmini aniqlaydilar.
Davlat xizmatlarini koʻrsatishni boshqa asoslar boʻyicha rad etish qatʼiyan taqiqlanadi.
14. Isteʼmolchi davlat xizmatlaridan foydalanishdan u koʻrsatilishining har qanday bosqichida bosh tortish huquqiga ega.
Isteʼmolchi davlat xizmatlaridan foydalanishdan bosh tortganda uning soʻrovnomasi koʻrmasdan qoldiriladi. Bunda, toʻlangan yigʻim summasi qaytarilmaydi.
15. Oʻzi kelib murojaat etganda Davlat xizmatlari markazlari soʻrovnoma toʻldirilgach real vaqt rejimida uni SQKX tashkilotiga texnik shartlarni ishlab chiqish uchun yuboradi.
YIDXP orqali murojaat qilinganda soʻrovnoma avtomatik tarzda SQKX tashkilotiga texnik shartlarni ishlab chiqish uchun yuboriladi.
2-§. Texnik shartlarni ishlab chiqish va berish, shuningdek, tijorat takliflari va shartnomalar loyihalarini taqdim etish
16. SQKX tashkiloti soʻrovnoma tushganidan soʻng uch ish kuni mobaynida QR-kod (matrik shtrixli kod) qoʻyilgan texnik shartlarni ishlab chiqadi va elektron shaklda Davlat xizmatlari markaziga (oʻzi kelib murojaat etganda) yoki isteʼmolchiga YIDXP orqali (elektron shaklda murojaat qilinganda) yuboradi yoxud ularni ishlab chiqishni rad etadi.
SQKX tashkiloti loyihalash va qurilish-montaj ishlarini amalga oshirish boʻyicha oʻzining tijorat takliflarini hamda shartnomalari loyihalarini ham yuborish huquqiga ega. Bunda, SQKX tashkiloti oʻzining tijorat takliflari hamda shartnomalari loyihalarida loyihalash, qurilish-montaj va sozlash-ishga tushirish ishlarini amalga oshirishning muddatlari va xarajatlarining kalkulyatsiyasini aniq koʻrsatadi.
Oʻzi kelib murojaat etganda Davlat xizmatlari markazi texnik shartlar hamda SQKX tashkilotining loyihalash va qurilish-montaj ishlarini amalga oshirish boʻyicha tijorat takliflari va shartnomalar loyihalari tushganidan soʻng real vaqt rejimida isteʼmolchiga beradi.
Soʻrovnomada isteʼmolchi tomonidan davlat xizmatlarini koʻrsatishning natijasini olib ketishga masʼul shaxs koʻrsatilgan holatlarda davlat xizmatlarini koʻrsatishning natijasini ushbu shaxsga taqdim etishda tegishli ishonchnoma talab etilmaydi.
17. Isteʼmolchining obyekti joylashgan hududda quvvati SQKX tashkiloti tomonidan isteʼmolchiga suvni yetkazib berish va undan oqova suvlarini qabul qilishni taʼminlaydigan suv taʼminoti va suvni chiqarib tashlash tarmoqlarining mavjud emasligi texnik shartlarni ishlab chiqishni rad etish uchun asos boʻladi.
Boshqa asoslarga koʻra texnik shartlarni ishlab chiqishni rad etish qatʼiyan taqiqlanadi.
18. Ishlab chiqilgan texnik shartlar isteʼmolchining aloqa qilinadigan maʼlumotlari ilova qilingan holda loyihalash va qurilish-montaj ishlarini amalga oshirish boʻyicha oʻzlarining tijorat takliflari va shartnomalar loyihalarini taqdim etishi maqsadida loyihalash va qurilish-montaj tashkilotlarining tanishishi uchun YIDXPda joylashtiriladi.
3-§. Isteʼmolchilarni suv taʼminoti va suvni chiqarib tashlash tarmoqlariga ulash
19. Suv taʼminoti va suvni chiqarib tashlash loyihasini ishlab chiqish uchun isteʼmolchilar SQKX tashkiloti yoki boshqa loyihalash tashkilotlari bilan loyihalash ishlarini amalga oshirishga shartnomalar tuzish huquqiga ega.
20. Loyihalash ishlari loyihalash ishlarini bajarish boʻyicha shartnomalarda belgilangan muddatlarda amalga oshiriladi.
21. Loyihalash tashkiloti loyihalash ishlarini amalga oshirganidan soʻng suv taʼminoti va suvni chiqarib tashlash loyihasini kelishish uchun Davlat xizmatlari markazlariga oʻzi kelib murojaat etadi yoki YIDXPda davlat xizmatidan elektron tarzda foydalanish uchun roʻyxatdan oʻtadi. Oʻzi kelib murojaat etganda Davlat xizmatlari markazi xodimi loyihalash tashkiloti nomidan, YIDXP orqali murojaat qilinganda esa loyihalash tashkiloti mustaqil ravishda ushbu Reglamentga 3-ilovaga muvofiq davlat xizmatidan foydalanish uchun soʻrovnomani elektron tarzda toʻldiradi va uni oʻzining ERI bilan tasdiqlaydi.
Soʻrovnomaga suv taʼminoti va suvni chiqarib tashlash loyihasi elektron shaklda ilova qilinadi.
Loyihalash tashkilotidan ushbu bandda koʻrsatilmagan hujjatlar va maʼlumotlarni taqdim etishni talab etish qatʼiyan taqiqlanadi.
Soʻrovnoma suv taʼminoti va suvni chiqarib tashlash loyihasini kelishish uchun SQKX tashkilotiga avtomatik tarzda yuboriladi.
22. Suv taʼminoti va suvni chiqarib tashlash loyihasi SQKX tashkiloti tomonidan ishlab chiqilgan hollarda suv taʼminoti va suvni chiqarib tashlash loyihasini kelishish talab etilmaydi.
23. SQKX tashkiloti soʻrovnoma tushganidan soʻng uch ish kuni mobaynida suv taʼminoti va suvni chiqarib tashlash loyihasini kelishadi va kelishish natijalari yuzasidan ushbu Reglamentning 5-ilovasiga muvofiq shakl boʻyicha QR-kod (matrik shtrixli kod) qoʻyilgan xulosani oʻzining ERI bilan tasdiqlaydi yoki rad etishning aniq asoslari va qonunchilik normalarini koʻrsatgan holda kelishishni rad etadi.
Kelishilgan suv taʼminoti va suvni chiqarib tashlash loyihasi qurilish-montaj ishlarini boshlash uchun asos hisoblanadi.
SQKX tashkiloti QR-kodli xulosa tasdiqlangan kuni Davlat xizmatlari markaziga (oʻzi kelib murojaat etgan taqdirda) yoki loyihalash tashkilotiga (elektron shaklda murojaat etgan taqdirda) YIDXP orqali xulosani elektron shaklda yuboradi.
Xulosani tasdiqlash SQKX tashkilotining ERIsi bilan amalga oshiriladi.
24. Suv taʼminoti va suvni chiqarib tashlash loyihasining texnik shartlar talablaridan chetga chiqishi suv taʼminoti va suvni chiqarib tashlash loyihasini kelishishni rad etishga asos boʻladi.
Boshqa sabablarga koʻra suv taʼminoti va suvni chiqarib tashlash loyihasini kelishishni rad etish qatʼiyan taqiqlanadi.
Suv taʼminoti va suvni chiqarib tashlash loyihasini kelishishni rad etish uchun asos boʻlgan sabablar loyihalash tashkiloti tomonidan bartaraf etilgan taqdirda, qayta kelishish takroriy soʻrovnoma tushganidan soʻng bir ish kunidan oshmagan muddatda amalga oshiriladi.
Suv taʼminoti va suvni chiqarib tashlash loyihasini takroran koʻrib chiqishda SQKX tashkiloti tomonidan avvalgi rad etish asoslarida bayon etilmagan sabablarning keltirilishiga yoʻl qoʻyilmaydi, avval koʻrsatilgan sabablar bartaraf etilganligini tasdiqlovchi maʼlumotlar bilan bogʻliq rad etish sabablari keltirilishi bundan mustasno.
25. QR-kodli xulosa tasdiqlangach SQKX tomonidan avtomatik ravishda Davlat xizmatlari markaziga (oʻzi kelib murojaat etgan taqdirda) yoki loyihalash tashkilotiga (elektron shaklda murojaat etgan taqdirda) YIDXP orqali elektron shaklda yuboriladi.
Agar SQKX tomonidan belgilangan muddatlarda xulosa rasmiylashtirilmasa yoxud asoslantirilgan rad javobi berilmasa, ijobiy xulosa tizimda avtomatik tarzda shakllanadi va tasdiqlanadi hamda Davlat xizmatlari markaziga (oʻzi kelib murojaat etgan taqdirda) yoki ariza beruvchiga (YIDXP orqali murojaat qilganda) yuboriladi.
Bunda berilgan xulosa uchun javobgarlik SQKX tashkiloti zimmasiga yuklatiladi.
Soʻrovnomada isteʼmolchi tomonidan davlat xizmatlarini koʻrsatishning natijasini olib ketishga masʼul shaxs koʻrsatilgan holatlarda davlat xizmatlarini koʻrsatishning natijasini ushbu shaxsga taqdim etishda tegishli ishonchnoma talab etilmaydi.
26. Suv taʼminoti va suvni chiqarib tashlash tarmoqlariga ulash boʻyicha qurilish-montaj ishlarini amalga oshirish uchun isteʼmolchilar SQKX tashkiloti yoki boshqa qurilish-montaj tashkilotlari bilan tegishli shartnomalar tuzish huquqiga ega.
Isteʼmolchilar qurilish-montaj ishlarini (tegishli litsenziyaga ega boʻlish sharti bilan) mustaqil ravishda (xoʻjalik usulida) ham amalga oshirishlari mumkin.
27. Qurilish-montaj ishlari qurilish-montaj ishlarini bajarish boʻyicha shartnomalarda belgilangan muddatlarda amalga oshiriladi.
4-§. Suvni hisobga olish priborini plombalash, suv taʼminoti va suvni chiqarib tashlash xizmatlarini koʻrsatish boʻyicha shartnomani tuzish, shuningdek, suvni yetkazib berish va oqova suvlarini qabul qilish
28. Suvni hisobga olish priborini plombalash hamda suv taʼminoti va suvni chiqarib tashlash xizmatlarini koʻrsatish boʻyicha shartnomani tuzish suv taʼminoti va suvni chiqarib tashlash tarmoqlariga ulanish boʻyicha qurilish-montaj ishlari bajarilgandan soʻng amalga oshiriladi.
29. Oʻzi kelib murojaat etganda Davlat xizmatlari markazi xodimi isteʼmolchi nomidan, YIDXP orqali murojaat qilinganda esa isteʼmolchi mustaqil ravishda ushbu Reglamentga 4-ilovaga muvofiq suvni hisobga olish priborini plombalash hamda suv taʼminoti va suvni chiqarib tashlash xizmatlarini koʻrsatish boʻyicha shartnomani tuzish uchun soʻrovnomani elektron tarzda toʻldiradi.
Bunda, soʻrovnomada SQKX tashkiloti tomonidan tasdiqlangan suv taʼminoti va suvni chiqarib tashlash tarmoqlariga ulanish muddati koʻrsatiladi.
Isteʼmolchilardan ushbu bandda koʻrsatilmagan maʼlumotlarni, shuningdek, boshqa hujjatlarni taqdim etishni talab qilish qatʼiyan taqiqlanadi.
30. Isteʼmolchi zarur maʼlumotlarni rasmiylashtirgandan va soʻrovnomaga kiritgandan soʻng maʼlumotlarning toʻgʻriligini tekshiradi va imzolarni identifikatsiya qilishning tegishli vositalari (daktiloskopiya, elektron imzo, Mobil-ID va boshqalar) bilan tasdiqlaydi.
Isteʼmolchi YIDXP orqali murojaat etgan taqdirda, soʻrovnomani ERI bilan tasdiqlash talab etilmaydi.
31. Oʻzi kelib murojaat etganda Davlat xizmatlari markazlari soʻrovnoma toʻldirilgan vaqtdan boshlab real vaqt rejimida uni SQKX tashkilotiga suvni hisobga olish priborini plombalash va suv taʼminoti shartnomasini tuzish uchun yuboradi.
YIDXP orqali murojaat qilinganda soʻrovnoma avtomatik tarzda SQKX tashkilotiga yuboriladi.
Isteʼmolchilarda abonentning shaxsiy raqami shakllantirilishi talab etilsa, SQKX tashkiloti tomonidan yangi abonent raqami suv taʼminoti shartnomasida koʻrsatiladi. Shuningdek, isteʼmolchilar shakllantirilgan abonentning shaxsiy raqami toʻgʻrisidagi maʼlumotlarni YIDXP orqali yuridik shaxslar uchun — STIRni, jismoniy shaxslar uchun — pasport yoki ID-kartaga oid maʼlumotlarni (pasport seriyasi va raqami), JSHSHIRni yoki kadastr raqamlaridan birini kiritish yoʻli bilan ham aniqlashlari mumkin.
32. SQKX tashkiloti soʻrovnoma tushgan kundan boshlab ikki ish kuni mobaynida joyning oʻziga chiqib, tabiiy suvni hisobga olish priborini plombalash ishlarini amalga oshiradi va bu haqda ikki nusxada isteʼmolchi yoki uning vakili ishtirokida dalolatnoma tuzadi.
33. Suvni hisobga olish pribori plombalangan kunning oʻzida SQKX tashkiloti rasmiylashtirilgan suv taʼminoti va suvni chiqarib tashlash xizmatlarini koʻrsatish boʻyicha shartnomani, suvni hisobga olish priborini plombalash oʻtkazilganligi toʻgʻrisidagi dalolatnomaning elektron shaklda Davlat xizmatlari markaziga (oʻzi kelib murojaat etganda) yoki isteʼmolchiga YIDXP orqali (elektron shaklda murojaat qilinganda) yuboradi.
34. Davlat xizmatlari markazi rasmiylashtirilgan suv taʼminoti va suvni chiqarib tashlash xizmatlarini koʻrsatish boʻyicha shartnoma va plombalash oʻtkazilganligi toʻgʻrisidagi dalolatnoma kelib tushgandan real vaqt rejimida bu haqida isteʼmolchini axborot-kommunikatsiya tizimlari orqali xabardor qiladi.
35. Isteʼmolchi rasmiylashtirilgan suv taʼminoti va suvni chiqarib tashlash xizmatlarini koʻrsatish boʻyicha shartnoma tushganidan soʻng besh ish kuni mobaynida uni oʻzining ERI bilan tasdiqlaydi.
Shartnomani ERI bilan tasdiqlash imkoniyati boʻlmagan hollarda, tegishli imzolar identifikatsiya qilishning boshqa vositalari (daktiloskopiya, elektron imzo va boshqalar) bilan ham tasdiqlanishi mumkin.
Isteʼmolchi tomonidan tasdiqlangan suv taʼminoti va suvni chiqarib tashlash xizmatlarini koʻrsatish boʻyicha shartnoma SQKX tashkilotiga Davlat xizmatlari markazi tomonidan (oʻzi kelib murojaat etganda) yoki isteʼmolchi tomonidan YIDXP orqali (elektron shaklda murojaat qilinganda) yuboriladi.
36. Isteʼmolchi suv taʼminoti va suvni chiqarib tashlash xizmatlarini koʻrsatish boʻyicha shartnomani tasdiqlashdan bosh tortganda yoki u belgilangan muddatda yuborilmaganda, suv taʼminoti va suvni chiqarib tashlash xizmatlarini koʻrsatish boʻyicha shartnoma tuzilmagan hisoblanadi.
37. Suvni yetkazib berish va oqova suvlarni qabul qilish isteʼmolchi tomonidan oldindan toʻlov amalga oshirilgan kuni SQKX tashkiloti tomonidan amalga oshiriladi.
38. Ulash hamda suv quvurlari kirish tarmoqlarini yuvish, kanalizatsiya quvurlarini ulash qonun hujjatlarida belgilangan tartibda amalga oshiriladi.
3-bob. Yakunlovchi qoidalar
39. Texnik shartlarni, shu jumladan, qoʻshimcha texnik shartlarni ishlab chiqish, berish, suv taʼminoti va suvni chiqarib tashlash loyihalarini kelishish, suvni hisobga olish priborini plombalash toʻlov undirilmagan holda amalga oshiriladi, davlat xizmatlari koʻrsatilganligi uchun yigʻim undirilishi bundan mustasno.
40. Davlat xizmatlari markazlari, SQKX tashkilotlari, loyihalash va qurilish-montaj tashkilotlari oʻz faoliyatini amalga oshirishi natijasida olingan isteʼmolchi haqidagi maʼlumotlarning maxfiyligini taʼminlashi kerak.
41. Oʻzbekiston Respublikasi Adliya vazirligi, uning hududiy boshqarmalari va Davlat xizmatlari markazlari ushbu Reglament talablari ijrosi boʻyicha davlat organlari va boshqa tashkilotlarning faoliyati ustidan, shu jumladan, YIDXP orqali, doimiy nazoratni va monitoringni amalga oshiradilar.
42. Isteʼmolchi davlat organlari va boshqa tashkilotlar xodimlarining xatti-harakatlari yuzasidan qonun hujjatlarida belgilangan tartibda shikoyat qilishi mumkin.
43. Ushbu Reglament talablari buzilishida aybdor boʻlgan shaxslar qonun hujjatlarida belgilangan tartibda javob beradilar.
Yuridik va jismoniy shaxslarni suv taʼminoti va suvni chiqarib tashlash tarmoqlariga ulash boʻyicha davlat xizmatlari koʻrsatishning maʼmuriy reglamentiga 1-ILOVA
Yuridik va jismoniy shaxslarni suv taʼminoti va suvni chiqarib tashlash tarmoqlariga ulash
SXEMASI
Bosqichlar Subyektlar Tadbirlar Bajarish muddatlari I. Texnik shartlarni ishlab chiqish va berish, shuningdek, tijorat takliflari va shartnomalar loyihalarini taqdim etish 1-bosqich Isteʼmolchi 1. Suv taʼminoti va suvni chiqarib tashlash tarmoqlariga ulanish uchun Davlat xizmatlari markaziga oʻzi kelib murojaat qilish yoki YIDXPda roʻyxatdan oʻtish. 1. Xohishiga koʻra 2. Davlat xizmatini koʻrsatish uchun yigʻim toʻlash. 2. Murojaat qilinganda 2-bosqich 1. Davlat xizmatlari markazi 2. YIDXP Texnik shartlarni ishlab chiqish uchun soʻrovnomani SQKX tashkilotiga yuborish. Real vaqt rejimida 3-bosqich SQKX tashkiloti 1. Texnik shartlarni ishlab chiqish va Davlat xizmatlari markaziga (oʻzi kelib murojaat etganda) yoki isteʼmolchiga YIDXP orqali (elektron tarzda murojaat etgan taqdirda) yuborish. 2. Loyihalash va qurilish-montaj ishlarini amalga oshirish boʻyicha oʻzining tijorat takliflarini va shartnomalar loyihalarini yuborish. 3 ish kuni mobaynida 4-bosqich Davlat xizmatlari markazi QR-kod qoʻyilgan texnik shartlarni, shuningdek, SQKX tashkilotining loyihalash va qurilish-montaj ishlarini amalga oshirish boʻyicha tijorat takliflari va shartnomalar loyihalarini isteʼmolchiga berish. Real vaqt rejimida II. Isteʼmolchilarni suv taʼminoti va suvni chiqarib tashlash tarmoqlariga ulash 1-bosqich Isteʼmolchi Suv taʼminoti va suvni chiqarib tashlash loyihasini ishlab chiqish uchun SQKX tashkiloti yoki boshqa loyihalash tashkilotlari bilan loyihalash ishlarini bajarish boʻyicha shartnomalar tuzish. Xohishiga koʻra (texnik shartlarni olgandan soʻng) 2-bosqich SQKX tashkiloti yoki boshqa loyihalash tashkilotlari Suv taʼminoti va suvni chiqarib tashlash tarmoqlariga ulash boʻyicha loyihalash ishlarini amalga oshirish. Shartnomada belgilangan muddatlarda 3-bosqich Loyihalash tashkiloti Suv taʼminoti va suvni chiqarib tashlash loyihasini kelishish uchun Davlat xizmatlari markazlari yoki YIDXPda soʻrovnomani toʻldirish. Xohishiga koʻra (loyihalash ishlari amalga oshirilgandan soʻng) 4-bosqich 1. Davlat xizmatlari markazi 2. YIDXP Soʻrovnomani suv taʼminoti va suvni chiqarib tashlash loyihasini kelishish uchun SQKX tashkilotiga yuborish. Real vaqt rejimida 5-bosqich SQKX tashkiloti 1. Suv taʼminoti va suvni chiqarib tashlash loyihasini taʼminoti loyihasini koʻrib chiqish. 2. Kelishilgan suv taʼminoti va suvni chiqarib tashlash loyihasi kelishilganligi haqida QR-kod qoʻyilgan xulosani Davlat xizmatlari markaziga yoki YIDXP orqali loyihalash tashkilotiga yuborish. 3 ish kuni mobaynida 6-bosqich Isteʼmolchi SQKX tashkiloti yoki boshqa qurilish-montaj tashkilotlari bilan qurilish-montaj ishlarini amalga oshirish boʻyicha shartnoma tuzish. Xohishiga koʻra (loyiha kelishilgandan soʻng) 7-bosqich Suv taʼminoti va suvni chiqarib tashlash yoki boshqa qurilish-montaj tashkilotlari Suv taʼminoti va suvni chiqarib tashlash tarmoqlariga ulash boʻyicha qurilish-montaj ishlarini amalga oshirish. Shartnomada belgilangan muddatlarda III. Suvni hisobga olish priborini plombalash, suv taʼminoti va suvni chiqarib tashlash xizmatlarini koʻrsatish boʻyicha shartnomani tuzish hamda suvni yetkazib berish va oqova suvlarini qabul qilish 1-bosqich Isteʼmolchi Suvni hisobga olish priborini plombalash hamda suv taʼminoti va suvni chiqarib tashlash xizmatlarini koʻrsatish boʻyicha shartnomani tuzish uchun Davlat xizmatlari markaziga oʻzi kelib yoki YIDXP orqali murojaat qilish. Xohishiga koʻra (qurilish-montaj ishlari tugatilganidan soʻng) 2-bosqich 1. Davlat xizmatlari markazi 2. YIDXP Suvni hisobga olish priborini plombalash hamda suv taʼminoti va suvni chiqarib tashlash xizmatlarini koʻrsatish boʻyicha shartnomani tuzish uchun soʻrovnomani SQKX tashkilotiga yuborish. Real vaqt rejimida 3-bosqich SQKX tashkiloti 1. Suvni hisobga olish priborini joyning oʻziga chiqib plombalash. 2. Davlat xizmatlari markaziga yoki isteʼmolchiga YIDXP orqali rasmiylashtirilgan va plombalanganligi toʻgʻrisidagi maʼlumotlar koʻrsatilgan suv taʼminoti va suvni chiqarib tashlash xizmatlarini koʻrsatish boʻyicha shartnomani yuborish. 2 ish kuni mobaynida 4-bosqich Davlat xizmatlari markazi Isteʼmolchini suv taʼminoti va suvni chiqarib tashlash xizmatlarini koʻrsatish boʻyicha shartnomani rasmiylashtirilganligi toʻgʻrisida axborot-kommunikatsiya tizimlari orqali xabardor qilish. Real vaqt rejimida 5-bosqich Isteʼmolchi 1. Rasmiylashtirilgan suv taʼminoti va suvni chiqarib tashlash xizmatlarini koʻrsatish boʻyicha shartnomani tasdiqlash. 2. Tasdiqlangan suv taʼminoti va suvni chiqarib tashlash xizmatlarini koʻrsatish boʻyicha shartnomani SQKX tashkilotiga Davlat xizmatlari markazi tomonidan yoki isteʼmolchi tomonidan YIDXP orqali yuborish. 5 ish kuni mobaynida 6-bosqich SQKX tashkiloti Suvni yetkazib berish va oqova suvlarini qabul qilishni amalga oshirish. Isteʼmolchi tomonidan oldindan toʻlov amalga oshirilgan kuni
Yuridik va jismoniy shaxslarni suv taʼminoti va suvni chiqarib tashlash tarmoqlariga ulash boʻyicha davlat xizmatlari koʻrsatishning maʼmuriy reglamentiga 2-ILOVA
__________________(sana)________________(raqam)Suv taʼminoti va suvni chiqarib tashlash tarmoqlariga ulash boʻyicha davlat xizmatlaridan foydalanish uchunSOʻROVNOMAI. (jismoniy) Isteʼmolchi — jismoniy shaxs toʻgʻrisida maʼlumot:1. F.I.O.:2. Manzili:3. Telefon raqami:4. Elektron pochta manzili:5. Davlat xizmatini koʻrsatish natijasini olib ketuvchi shaxsning (agar mavjud boʻlsa) JSHSHIR maʼlumotlari: I. (yuridik) Isteʼmolchi — yuridik shaxs toʻgʻrisida maʼlumot:1. Toʻliq nomi:2. Telefon raqami:3. Elektron pochta manzili:4. Davlat xizmatini koʻrsatish natijasini olib ketuvchi shaxsning (agar mavjud boʻlsa) JSHSHIR maʼlumotlari: II. Ulanayotgan obyekt toʻgʻrisida maʼlumot:1. ulanadigan obyekt joylashuvi (indeks, manzil, moʻljal):III. Avval ulanganligi toʻgʻrisidagi maʼlumotlar:1. suv taʼminoti va suvni chiqarib tashlash xizmatlarini koʻrsatish boʻyicha shartnoma tuzilgan sana va raqami:(ulangan boʻlsa toʻldiriladi)IV. Rozilik toʻgʻrisida maʼlumot:T/rSuv taʼminoti va suvni chiqarib tashlash tarmoqlarini balansda saqlovchilar — yuridik shaxslarning nomi, suv taʼminoti va suvni chiqarib tashlash tarmoqlarini balansda saqlovchilar — jismoniy shaxslarning F.I.O.RaqamSana1.Berilayotgan texnik shartlardan loyihalash va qurilish-montaj tashkilotlari kelgusida loyihalash va qurilish-montaj ishlarini amalga oshirishda oʻz tijorat takliflarini berish maqsadida tanishishi uchun texnik shartlarning Yagona interaktiv davlat xizmatlari portalida joylashtirilishiga isteʼmolchining roziligi:rozimanrozi emasman
Yuridik va jismoniy shaxslarni suv taʼminoti va suvni chiqarib tashlash tarmoqlariga ulash boʻyicha davlat xizmatlari koʻrsatishning maʼmuriy reglamentiga 3-ILOVA
__________________________________(sana)(raqam)Suv taʼminoti va suvni chiqarib tashlash loyihasini kelishish uchunSOʻROVNOMAI. Kelishilayotgan suv taʼminoti va suvni chiqarib tashlash loyihasi toʻgʻrisida maʼlumot:Loyiha tashkilotining nomi:Telefon raqami:Davlat xizmatini koʻrsatish natijasini olib ketuvchi shaxsning (agar mavjud boʻlsa) JSHSHIR maʼlumotlari: II. Ilova qilinadigan hujjatlar:Suv taʼminoti va suvni chiqarib tashlash loyihasi:
Yuridik va jismoniy shaxslarni suv taʼminoti va suvni chiqarib tashlash tarmoqlariga ulash boʻyicha davlat xizmatlari koʻrsatishning maʼmuriy reglamentiga 4-ILOVA
_________________ _________________ (sana) (raqam) Suvni hisobga olish priborini plombalash hamda suv taʼminoti va suvni chiqarib tashlash xizmatlarini koʻrsatish boʻyicha shartnomani tuzish uchun SOʻROVNOMA I. (jismoniy) Isteʼmolchi — jismoniy shaxs toʻgʻrisida maʼlumot: 1. F.I.O.: 2. Telefon raqami: 3. Elektron pochta manzili (mavjud boʻlsa): I. (yuridik) Isteʼmolchi — yuridik shaxs toʻgʻrisida maʼlumot: 1. Toʻliq nomi: 2. Telefon raqami: 3. Elektron pochta manzili (mavjud boʻlsa): II. Suvga ulanadigan obyekt toʻgʻrisida maʼlumot: 1. Obyektning manzili: 2. Abonentning shaxsiy raqami shakllantirilsinmi? Xa (abonentning shaxsiy raqami mavjud emas) Yoʻq (abonentning shaxsiy raqami mavjud)
Yuridik va jismoniy shaxslarni suv taʼminoti va suvni chiqarib tashlash tarmoqlariga ulash boʻyicha davlat xizmatlari koʻrsatishning maʼmuriy reglamentiga 5-ILOVA
(rasmiy blankada) “Oʻzsuvtaʼminot” AJning __________________ SQKX tashkiloti korxonasi tomonidan suv taʼminoti loyihasi kelishilganligi haqida XULOSA 20____ y. “____” ariza raqami: _______ _________________________________ning ___________-son arizasiga (arizachining nomi yoki F.I. O.) (ariza raqami) muvofiq __________________________________________ manzilida (obyektning manzili) joylashgan obyekt boʻyicha suv taʼminoti loyihasi kelishildi. Hujjatning haqiqiyligini tasdiqlovchi QR-kod
Vazirlar Mahkamasining 2018-yil 31-martdagi 256-son qaroriga 5-ILOVA
Oʻzbekiston Respublikasi Hukumatining oʻz kuchini yoʻqotgan deb hisoblanayotgan ayrim qarorlari
ROʻYXATI
1. Vazirlar Mahkamasining “Energiya taʼminoti sohasida ruxsat berish tartib-taomillaridan oʻtish tartibi toʻgʻrisidagi nizomlarni tasdiqlash haqida” 2014-yil 5-martdagi 52-son qarori (Oʻzbekiston Respublikasi QT, 2014-y., 3-son, 21-modda).
2. Vazirlar Mahkamasining “Tadbirkorlik subyektlarini elektr va gaz tarmoqlariga foydalanishga tayyor holda ulash tartibini joriy etish chora-tadbirlari toʻgʻrisida” 2015-yil 2-oktabrdagi 280-son qarori (Oʻzbekiston Respublikasi QT, 2015-y., 10-son, 87-modda).
4. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Tadbirkorlik subyektlariga davlat xizmatlarini koʻrsatish mexanizmlarini takomillashtirishga doir qoʻshimcha chora-tadbirlar toʻgʻrisida” 2017-yil 1-fevraldagi PQ–2750-son qarori)” 2017-yil 1-maydagi 252-son qaroriga 1-ilovaning 18-bandi (Oʻzbekiston Respublikasi QHT, 2017-y., 18-son, 325-modda).
5. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Xuquqbuzarliklar profilaktikasi va jinoyatchilikka qarshi kurashish tizimini yanada takomillashtirish chora-tadbirlar toʻgʻrisida” 2017-yil 14-martdagi PQ-2833-son qarori)” 2017-yil 20-dekabrdagi 1001-son qaroriga ilovaning 37-bandi.
6. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasi Prezidentining “Aholiga davlat xizmatlari koʻrsatishning milliy tizimini tubdan isloh qilish chora-tadbirlari toʻgʻrisida” 2017-yil 12-dekabrdagi PF-5278-son Farmoni va Oʻzbekiston Respublikasi Prezidentining “Oʻzbekiston Respublikasi Adliya vazirligi huzuridagi Davlat xizmatlari agentligi faoliyatini tashkil etish toʻgʻrisida” 2017-yil 12-dekabrdagi PQ-3430-son qarori)” 2018-yil 22-yanvardagi 40-son qaroriga ilovaning 13-bandi.