Baliqchilik tarmogʻini jadal rivojlantirishga doir qoʻshimcha chora-tadbirlar toʻgʻrisida (PQ-3657-son)

06.04.2018

Oʻzbekiston Respublikasi Prezidentining

Qarori

Baliqchilik tarmogʻi oziq-ovqat xavfsizligini taʼminlashning strategik yoʻnalishlaridan biri hisoblanadi. Keyingi vaqtlarda koʻrilayotgan chora-tadbirlar tufayli mamlakat iqtisodiyotining tarkibida baliqchilik ulushi izchil ortib bormoqda.

Shu bilan birga, baliqchilik tarmogʻida hanuzgacha koʻplab kamchilik va muammolar saqlanib qolmoqda, ularni samarali hal etish ishchanlik faolligini oshirish, investitsiyalarni jalb etish, baliq yetishtirish uchun ilgʻor texnologiyalarni joriy qilish, eksport salohiyatini oshirish, yangi ish oʻrinlarini yaratish imkonini beradi.

Baliqchilik tarmogʻini yanada rivojlantirish uchun sharoitlar yaratish, kadrlarni tayyorlash va qayta tayyorlash tizimini takomillashtirish, ilmiy-innovatsion tadqiqotlar va ishlanmalar sifatini oshirish, ularning natijalarini amaliyotga keng joriy etish maqsadida:

1. Oʻzbekiston Respublikasi Iqtisodiyot vazirligi, Qishloq xoʻjaligi vazirligi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, Toshkent viloyati hokimligi va “Oʻzbekbaliqsanoat” uyushmasining Toshkent viloyati Quyi Chirchiq tumani hokimligiga sud qarori bilan berilgan mol-mulk va yer uchastkalari, shu jumladan, suv havzalari negizida “Baliq ishlab chiqaruvchi” erkin iqtisodiy zonasini (keyingi oʻrinlarida “Baliq ishlab chiqaruvchi” EIZ deb yuritiladi) tashkil etish toʻgʻrisidagi takliflari maʼqullansin.

2. Quyidagilar “Baliq ishlab chiqaruvchi” EIZning asosiy vazifalari etib belgilansin:

ishlab chiqarish, sunʼiy suv havzalarini baliqlantirishni yanada rivojlantirish va baliqchilik xoʻjaliklarini taʼminlash uchun baliqning yangi va sinalgan turlarini iqlimlashtirish orqali naslli baliq chavoqlarini yaratish;

nasldor baliq lichinkalari yetishtiruvchi zamonaviy inkubatsion sex faoliyatini tashkil etish, baliq chavoqlarini ishlab chiqarish hajmini oshirish, mavjud baliq chavoqlarini yetishtiruvchi suv havzalarini modernizatsiya qilish va qayta taʼmirlash;

oʻz ehtiyoji va baliqchilik xoʻjaliklari uchun toʻla qiymatli va yuqori oqsilli ozuqalarni ishlab chiqarish boʻyicha zamonaviy quvvatlarni yaratish orqali ozuqa bazasini mustahkamlash, don va don ekinlarini ekish yoʻli bilan bugʻdoy va soyaga boʻlgan oʻz ehtiyojlarini qondirish;

innovatsion va zamonaviy intensiv texnologiyalarni keng joriy qilish, shu jumladan qafas (sadok) usulida, yopiq suv aylanma tizimi qurilmalarida baliq yetishtirish hamda sunʼiy suv havzalari hosildorligini oshirish hisobiga baliq ovlash hajmlarini koʻpaytirish;

birinchi navbatda, aholi ehtiyojlarini qondirish, shuningdek, keyinchalik qoʻshni mamlakatlarga eksport qilish uchun baliqlarni qayta ishlash va baliq mahsulotlarini ishlab chiqarish (konserva, ikra, baliq uni va boshqalar) boʻyicha zamonaviy komplekslarni tashkil etish;

suvning gidrokimyoviy tarkibini laboratoriya usulida tahlil qilish, baliqlarni kasalliklardan himoya qilish, shuningdek, baliq kasalliklarini aniqlash, ularni davolash choralarini koʻrish;

baliq yetishtirish, ovlash va qayta ishlash jarayonida innovatsion gʻoyalar, texnologiyalar va ishlanmalarni joriy etish boʻyicha ilmiy-tadqiqot ishlarini, shuningdek, mutaxassislik yoʻnalishi boʻyicha tahsil oluvchi taʼlim muassasalari talabalari uchun baliqchilik tarmogʻida amaliyot oʻtashni tashkil etish.

Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi Toshkent viloyati hokimligi va “Oʻzbekbaliqsanoat” uyushmasi bilan birgalikda bir oy muddatda “Baliq ishlab chiqaruvchi” EIZ tarkibidagi yer uchastkalarining chegaralarini aniq belgilasin.

3. Belgilab qoʻyilsinki:

“Baliq ishlab chiqaruvchi” EIZning faoliyat koʻrsatish muddati keyinchalik uzaytirish imkoniyati bilan 30 yilni tashkil qiladi;

faoliyat koʻrsatish muddati mobaynida “Baliq ishlab chiqaruvchi” EIZ hududida alohida soliq va bojxona rejimlari amal qiladi;

“Baliq ishlab chiqaruvchi” EIZning faoliyati Erkin iqtisodiy zonalar va kichik sanoat zonalari maʼmuriy kengashlarining faoliyatini muvofiqlashtirish boʻyicha Respublika kengashi tomonidan muvofiqlashtiriladi;

“Baliq ishlab chiqaruvchi” EIZning operativ boshqaruv organi Direksiya hisoblanadi;

Direksiyaning faoliyatidan tushgan daromadlar va qonun hujjatlari bilan taqiqlanmagan boshqa manbalar uning faoliyatini moliyalashtirish manbalari hisoblanadi;

Direksiyani “Oʻzbekbaliqsanoat” uyushmasi raisi tomonidan Oʻzbekiston Respublikasi Vazirlar Mahkamasi bilan kelishilgan holda lavozimga tayinlanadigan va lavozimdan ozod etiladigan direktor boshqaradi;

Direksiya Erkin iqtisodiy zonalar va kichik sanoat zonalari maʼmuriy kengashlarining faoliyatini muvofiqlashtirish boʻyicha Respublika kengashi qarorlari va “Baliq ishlab chiqaruvchi” EIZ tomonidan ishlab chiqilgan bosh rejalari boʻyicha maʼqullangan investitsiya loyihalarini joylashtiradi va “yagona darcha” tamoyili boʻyicha muhandislik-telekommunikatsiya infratuzilmasi tarmoqlariga ulanishga barcha zarur ruxsatnomalar berilishini tashkil qiladi.

Direksiya butun faoliyat koʻrsatish davrida soliqlar toʻlashdan ozod qilinadi.

Toshkent viloyati hokimligi bir oy muddatda Quyi Chirchiq tumani hokimligiga sud qarori bilan berilgan mol-mulk, yer uchastkalari, shu jumladan suv havzalarining Direksiyaga topshirilishini taʼminlasin.

4. Oʻzbekiston Respublikasi Vazirlar Mahkamasi bir oy muddatda Direksiya faoliyatini tashkil etish toʻgʻrisida qaror qabul qilsin.

5. “Baliq ishlab chiqaruvchi” EIZ ishtirokchilariga Oʻzbekiston Respublikasi Prezidentining 2016-yil 26-oktabrdagi PF-4853-son “Erkin iqtisodiy zonalar faoliyatini faollashtirish va kengaytirishga doir qoʻshimcha chora-tadbirlar toʻgʻrisida”gi Farmonining 3, 4 va 5-bandlari amal qilinishi tatbiq etilsin.

6. Baliqchilik tarmogʻini rivojlantirish maqsadida Oʻzbekiston Respublikasi Oʻrmon xoʻjaligi davlat qoʻmitasi balansida boʻlgan tabiiy suv havzalari doimiy ravishda alohida foydalanish uchun “Oʻzbekbaliqsanoat” uyushmasiga berilsin.

Belgilansinki, tabiiy suv havzalarining ijara toʻlovlaridan kelib tushgan mablagʻlar toʻliq hajmda “Oʻzbekbaliqsanoat” uyushmasining Baliqchilikni rivojlantirish jamgʻarmasiga yoʻnaltiriladi.

7. Oʻzbekiston Respublikasi Vazirlar Mahkamasi:

Qishloq xoʻjaligi vazirligi faoliyatini tashkil etish toʻgʻrisidagi qaror loyihasini kiritishda vazirlik markaziy apparati tuzilmasi tarkibida 5 nafar shtat birligidan kam boʻlmagan Baliqchilikni rivojlantirish boshqarmasi tashkil etish, shu jumladan ushbu boshqarmaga “Oʻzbekbaliqsanoat” uyushmasining oldiga qoʻyilgan vazifalarni amalga oshirishda har tomonlama koʻmaklashish vazifasini yuklashni nazarda tutsin;

2018/2019 oʻquv yilidan boshlab, Oʻzbekiston Respublikasi oliy taʼlim muassasalarida baliqchilik sohasi yoʻnalishlarida bakalavrlarni tayyorlash boʻyicha qabul kvotasini kamida ikki baravar oshirishni koʻzda tutsin;

Toshkent davlat agrar universitetida 2018/2019 oʻquv yilidan boshlab, “Baliqchilik” yoʻnalishi boʻyicha kamida 6 nafardan iborat magistratura kursini tashkil etsin.

8. Quyidagilarga yoʻnaltirilgan Respublikada 2018 — 2023-yillarda baliqchilik sohasini jadal innovatsion rivojlantirishga doir chora-tadbirlar dasturi ilovaga muvofiq tasdiqlansin:

qimmatli baliq turlari va chavoqlarini intensiv yetishtirish uchun pitomnik va naslchilik ishlarini davlat-xususiy sheriklik shartlarida takomillashtirish;

baliq mahsulotlarini (konserva, ikra, baliq uni va boshqalar) ishlab chiqarishni kengaytirish;

akvakulturani rivojlantirish, yer va suv resurslaridan samarali hamda oqilona foydalanish boʻyicha chora-tadbirlarni amalga oshirish;

baliqchilik tarmogʻidagi ilmiy-tadqiqot ishlarini yanada rivojlantirish;

kadrlarni tayyorlash, qayta tayyorlash va ularning malakasini oshirishni takomillashtirish;

baliqchilik tarmogʻida eksport salohiyatini oshirish;

baliqchilikni rivojlantirish uchun ozuqa bazasini koʻpaytirish, baliq isteʼmol qilish madaniyatini, shuningdek, “Oʻzbekbaliqsanoat” uyushmasining baliqchilik sohasini boshqarish va muvofiqlashtirishdagi rolini yanada oshirish;

baliqchilik xoʻjaliklarining moddiy-texnik taʼminotini mustahkamlash uchun sharoitlar yaratish.

Oʻzbekiston Respublikasi Vazirlar Mahkamasi:

Dasturning oʻz vaqtida va sifatli ijrosini taʼminlash boʻyicha vazirlik va idoralarning oʻzaro hamkorligini va ularning faoliyati muvofiqlashtirilishini;

har oyda Dasturning bajarilishi tanqidiy koʻrib chiqilishini va mavjud muammolarni samarali hal etish choralari koʻrilishini taʼminlasin.

9. Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi “Oʻzbekbaliqsanoat” uyushmasi, boshqa manfaatdor vazirlik va idoralar bilan birgalikda 2018-yil 1-noyabrga qadar muddatda:

yer va suv havzalaridan maqsadga nomuvofiq foydalanayotgan tabiiy va sunʼiy suv havzalarini xatlovdan oʻtkazish hamda ularni tovar baliqlar va baliq chavoqlarini yetishtirishga jalb qilish choralari koʻrilishini;

baliqchilik xoʻjaliklari sunʼiy va tabiiy suv havzalarining unumdorligini kadastr jihatdan baholagan holda yagona reyestr yaratilishini taʼminlasin.

10. Oʻzbekiston Respublikasi Innovatsion rivojlanish vazirligi, Moliya vazirligi, Qishloq xoʻjaligi vazirligi, Investitsiyalar boʻyicha davlat qoʻmitasi, “Oʻzbekbaliqsanoat” uyushmasining Qoraqalpogʻiston Respublikasi, Buxoro, Toshkent va Fargʻona viloyatlarida baliqchilik xoʻjaliklariga ixtiopatologik xizmat koʻrsatish uchun laboratoriyalar tashkil etish toʻgʻrisidagi taklifiga rozilik berilsin.

Qoraqalpogʻiston Respublikasi Vazirlar Kengashi, Buxoro, Toshkent va Fargʻona viloyatlari hokimliklariga 2019-yil 1-mayga qadar muddatda laboratoriyalarning toʻliq faoliyat yuritishi, zamonaviy uskunalar bilan jihozlanishi hamda malakali kadrlar bilan toʻldirilishini taʼminlasin.

11. “Oʻzbekbaliqsanoat” uyushmasi huzurida baliqchilik madaniyatini rivojlantirishning dolzarb masalalarini qamrab oluvchi, shu jumladan milliy va xorijiy ilmiy va amaliy innovatsion yutuqlarni, yangidan boshlovchi va faoliyat yuritib kelayotgan baliqchilar uchun baliq yetishtirish texnologiyalarini toʻgʻri tashkil etish hamda mamlakat ichida va undan tashqarisida sodir boʻlayotgan baliqchilik sohasidagi muhim voqealarni yoritib boruvchi “Baliqchilik” jurnali taʼsis etilsin.

12. “Oʻzbekbaliqsanoat” uyushmasi, Oʻzbekiston Respublikasi Qishloq xoʻjaligi vazirligi, Suv xoʻjaligi vazirligi, Oliy va oʻrta maxsus taʼlim vazirligining Arnasoy qishloq xoʻjaligi va transport kasb-hunar kolleji hamda Quyi Chirchiq agroiqtisodiyot kasb-hunar kolleji qoshida baliqchilarni tayyorlash hamda baliqchilik xoʻjaligi xodimlarining malakasini oshirish kurslarini tashkil etish toʻgʻrisidagi takliflari maʼqullansin.

13. Tashqi ishlar vazirligi Oʻzbekiston Respublikasi Suv xoʻjaligi vazirligiga baliq yetishtirish, ularni qayta ishlash va tayyor baliq mahsulotlarini ishlab chiqarishning zamonaviy texnologiyalarini oʻrganish va joriy qilish masalalarida xorijiy mamlakatlarning yetakchi ilmiy-tadqiqot institutlari bilan har tomonlama hamkorlikni faollashtirishda koʻmaklashsin.

14. “Ipoteka-bank” ATIBga baliq chavoqlarini yetishtiruvchi suv havzalari va inkubatsiya sexlarini tashkil etish hamda ularning faoliyat yuritishini taʼminlash, baliq yetishtirishning zamonaviy texnologiyalari va usullarini joriy etish, eksportga yoʻnaltirilgan va raqobatbardosh baliq mahsulotlarini ishlab chiqarish boʻyicha texnologik jarayonlarni bosqichma-bosqich shakllantirish uchun Direksiyaga besh yil muddatga, ikki yil imtiyozli davr bilan bozor tamoyillari asosida mustaqil ravishda oʻrnatiladigan stavkalarda kreditlar berish tavsiya etilsin.

15. “Oʻzbekbaliqsanoat” uyushmasi Adliya vazirligi va boshqa manfaatdor idoralar bilan birgalikda bir oy muddatda qonun hujjatlariga mazkur qarordan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.

16. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidentining Davlat maslahatchisi R.R. Inoyatov va Oʻzbekiston Respublikasining Bosh prokurori O.B. Murodov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2018-yil 6-aprel,

PQ-3657-son

Oʻzbekiston Respublikasi Prezidentining 2018-yil 6-apreldagi PQ-3657-son qaroriga ILOVA

2018 — 2023-yillarda respublikada baliqchilik tarmogʻini jadal innovatsion rivojlantirish boʻyicha

CHORA-TADBIRLAR DASTURI

T/r Tadbirlar nomlanishi Moliyalashtirish summasi va manbalari* Ijro muddati va amalga oshirish shakli Masʼul ijrochilar I. Qimmatli baliq turlari va chavoqlarini intensiv yetishtirish uchun naslchilik-seleksiya ishlarini davlat-xususiy sheriklik shartlarida takomillashtirish 1. Toshkent viloyatining Yangiyoʻl tumanida baliqchilik stansiyasi bazasida yiliga 10 mln. dona baliq chavoqlarini yetishtirish boʻyicha Rossiya Federatsiyasi bilan naslchilik-seleksiya qoʻshma korxona tashkil qilish. 2 mlrd soʻm, loyiha tashabbuskorlarining oʻz mablagʻlari, kredit mablagʻlari 2018 yil 1-avgustgacha tashkiliy tadbirlar Qishloq xoʻjaligi vazirligi (B. Yusupov), Toshkent viloyati hokimligi (G. Ibragimov), “Oʻzbekbaliqsanoat” uyushmasi (A. Ergashev), Investitsiyalar boʻyicha davlat qoʻmitasi (S. Xolmurodov), “Ipoteka bank”ATIB (O. Musayev), tijorat banklari 2. Jizzax viloyatida “Aydar-Arnasoy koʻllar tizimi direksiyasi” DUKda yiliga 10 mln. dona baliq chavoqlarini yetishtirish boʻyicha Vyetnam Sotsialistik Respublikasi bilan naslchilik-seleksiya qoʻshma korxona tashkil qilish. 1 mlrd soʻm, loyiha tashabbuskorlarining oʻz mablagʻlari, kredit mablagʻlari 2019-yil 1-martgacha tashkiliy tadbirlar Qishloq xoʻjaligi vazirligi (B. Yusupov), Jizzax viloyati hokimligi (E. Saliyev), DSQ (B. Musayev), Investitsiyalar boʻyicha davlat qoʻmitasi (S. Bekenov), “Ipoteka bank” ATIB (O. Musayev), tijorat banklari 3. Samarqand viloyatida hududiy “Samarqandbaliqsanoat” MCHJ bazasida yiliga 10 mln dona baliq chavoqlarini yetishtirish boʻyicha Vengriya Respublikasibilan naslchilik-seleksiya qoʻshma korxona tashkil qilish. 1 mlrd soʻm, loyiha tashabbuskorlarining oʻz mablagʻlari, kredit mablagʻlari 2019-yil 1-aprelgacha tashkiliy tadbirlar Qishloq xoʻjaligi vazirligi (B. Yusupov), Samarqand viloyati hokimligi (T. Joʻrayev), “Oʻzbekbaliqsanoat” uyushmasi (A. Ergashev), Investitsiyalar boʻyicha davlat qoʻmitasi (S. Bekenov), “Ipoteka bank” ATIB (O. Musayev) 4. Xorazm viloyatining Xiva tumanida yiliga 2 mln. dona baliq chavoqlarini yetishtirish boʻyicha Vyetnam Sotsialistik Respublikasibilan naslchilik-seleksiya qoʻshma korxona tashkil qilish. 500 mln soʻm, loyiha tashabbuskorlarining oʻz mablagʻlari, kredit mablagʻlari 2018-yil 1-noyabrgacha tashkiliy tadbirlar Qishloq xoʻjaligi vazirligi (B. Yusupov), Xorazm viloyati hokimligi (I. Sabirov), “Oʻzbekbaliqsanoat” uyushmasi (A. Ergashev), Investitsiyalar boʻyicha davlat qoʻmitasi (S. Bekenov), “Ipoteka bank” ATIB (O. Musayev) 5. Jizzax viloyatining Arnasoy tumanidayiliga 3 mln. dona baliq chavoqlarini yetishtirish boʻyicha Vyetnam Sotsialistik Respublikasi bilan naslchilik-seleksiya qoʻshma korxona tashkil qilish. 500 mln soʻm, loyiha tashabbuskorlarining oʻz mablagʻlari 2019-yil 1-avgustgacha tashkiliy tadbirlar Qishloq xoʻjaligi vazirligi (B. Yusupov), Jizzax viloyati hokimligi (E. Saliyev), “Oʻzbekbaliqsanoat” uyushmasi (A. Ergashev), Investitsiyalar boʻyicha davlat qoʻmitasi (S. Bekenov) 6. Rossiya Federatsiyasidan xorijiy investorlar ishtirokida Xoʻjakent suv ombori (Boʻstonliq tumani) misolida baliqning sovuq suvlarda yashaydigan turlarini koʻpaytirish boʻyicha qoʻshma korxona tashkil qilish. 10 mlrd soʻm, loyiha tashabbuskorlarining oʻz mablagʻlari, kredit mablagʻlari 2019-yil 1-aprelgacha tashkiliy tadbirlar Qishloq xoʻjaligi vazirligi (B. Yusupov), Innovatsion rivojlanish vazirligi (I. Abduraxmonov), Investitsiyalar boʻyicha davlat qoʻmitasi (S. Bekenov), “Oʻzbekbaliqsanoat” uyushmasi (A. Ergashev), “Ipoteka bank” ATIB (O. Musayev) 7. Toshkent viloyatining Ohangaron tumanida sovuq suvda yashaydigan qimmatbaho baliq turlarini (osetr, forel, losos va boshqalar) ota-ona toʻdasini yaratish. 5 mlrd soʻm, loyiha tashabbuskorlarining oʻz mablagʻlari, kredit mablagʻlari 2019-yil 1-maygacha tashkiliy tadbirlar Innovatsion rivojlanish vazirligi(B. Umarov), TIV (B. Asadov), Qishloq xoʻjaligi vazirligi (B. Yusupov), “Oʻzbekbaliqsanoat” uyushmasi (A. Ergashev), “Ipoteka bank” ATIB (O. Musayev) 8. Andijon, Jizzax, Qashqadaryo, Namangan, Samarqand, Surxondaryo va Fargʻona viloyatlarining togʻli tumanlarida baliqning sovuq suvlarda yashaydigan turlari (forel, osetr, losos va boshqalar)ni intensiv tarzda yiliga 100 tonnadan yetishtirish boʻyicha tajriba loyihalarini yaratish. 10 mlrd soʻm, loyiha tashabbuskorlarining oʻz mablagʻlari, xorijiy investitsiyalar, kredit mablagʻlari 2020-yil 1-aprelgacha tashkiliy tadbirlar Andijon (Sh. Abduraxmonov), Jizzax (E. Saliyev), Qashqadaryo (Z. Ruziyev), Namangan (X. Bozarov), Samarqand (T. Djurayev), Surxondaryo (E. Turdimov) va Fargʻona viloyatlari(Sh. Ganiyev), “Oʻzbekbaliqsanoat” uyushmasi (A. Ergashev), Innovatsion rivojlanish vazirligi (I. Abduraxmonov), Investitsiyalar boʻyicha davlat qoʻmitasi (S. Bekenov), “Ipoteka bank” ATIB (O. Musayev) 9. Davlat-xususiy sherikchilik shartlarida gidroelektrostansiyalarda va energetik obyektlarda tashlama iliq suvlarda yil boʻyi baliqning iliq suvlarda yashaydigan turlari (karp, som, tilyapiya, qora amur va boshqalar)ni intensiv yetishtirish boʻyicha tajriba loyihalarini yaratish. 10 mlrd soʻm, loyiha tashabbuskorlarining oʻz mablagʻlari, xorijiy investitsiyalar, kredit mablagʻlari 2019-yil 1-martgacha tashkiliy tadbirlar “Oʻzbekbaliqsanoat” uyushmasi (A. Ergashev), Qishloq xoʻjaligi vazirligi (B. Yusupov), Innovatsion rivojlanish vazirligi (I. Abduraxmonov), Investitsiyalar boʻyicha davlat qoʻmitasi (S. Bekenov), “Oʻzbekenergo” AJ (U. Mustafoyev), “Oʻzbekgidroenergo”AJ (A. Sanginov), “Ipoteka bank” ATIB (O. Musayev) 10. Baliqchilik ilmiy-tadqiqot instituti negizida baliqning yangi mahsuldor turlarini (som, tilyapiya, qora amur va boshqalar) iqlimlashtirish. Keyinchalik baliq xoʻjaliklari tashkilotlariga tatbiq qilgan holda ona baliqlar yetishtirish va baliqning nasldor sermahsul turlarini yetishtirish texnologiyalarini ishlab chiqish. 900 mln soʻm, byudjet mablagʻlari 2019 — 2023 yillarda tashkiliy tadbirlar “Oʻzbekbaliqsanoat” uyushmasi (A. Ergashev), Qishloq xoʻjaligi vazirligi (B. Yusupov), Moliya vazirligi (A. Xaydarov) 11. Baliqchilik ilmiy-tadqiqot instituti negizida foydalanilayotgan texnologiyalarni baliqning osetr turlarini mahalliy iqlim sharoitlariga moslashtirish quvvatlarini yaratish. 800 mln soʻm, budjet mablagʻlari 2019-yil 1-yanvargacha tashkiliy tadbirlar Qishloq xoʻjaligi vazirligi (B. Yusupov), “Oʻzbekbaliqsanoat” uyushmasi (A. Ergashev), Moliya vazirligi (A. Xaydarov) 12 Tabiiy suv havzalarini unumdorligini oshirish uchun ularda baliqlantirishtexnologiyalari va normalarini ishlab chiqish va tasdiqlash. - 2018-yil 1-iyulgacha buyruq Qishloq xoʻjaligi vazirligi (B. Yusupov), “Oʻzbekbaliqsanoat” uyushmasi (A. Ergashev), Moliya vazirligi(A. Xaydarov) II. Baliq mahsulotlarini(konserva, ikra, baliq uni, delikateslar va boshqalar)ishlab chiqarishni kengaytirish 13. Har bir hududiy “Baliqsanoat” MCHJda xalqaro talablarga muvofiq tayyor baliq mahsulotlarini qayta ishlash va ishlab chiqarish boʻyicha bittadan ishlab chiqarish kompleksini tashkil qilish. 14 mlrd soʻm, kredit mablagʻlari 2019-yil 1-yanvargacha tashkiliy tadbirlar “Oʻzbekbaliqsanoat” uyushmasi (A. Ergashev), Qishloq xoʻjaligi vazirligi (B. Yusupov), Innovatsion rivojlanish vazirligi (I. Abduraxmonov), “Ipoteka bank” ATIB (O. Musayev) 14. Birinchi navbatda, aholi ehtiyojlarini qondirish, shuningdek, keyinchalik qoʻshni mamlakatlarga eksport qilish uchun baliqlarni qayta ishlash va baliq mahsulotlarini ishlab chiqarish (konserva, ikra, baliq uni va boshqalar) boʻyicha zamonaviy komplekslar tashkil qilish. 10 mlrd soʻm, loyiha tashabbuskorlarining oʻz mablagʻlari, xorijiy investitsiyalar, kredit mablagʻlari 2018-2019 yillar davomida chora-tadbirlar kompleksi “Oʻzbekbaliqsanoat” uyushmasi (A. Ergashev), Qishloq xoʻjaligi vazirligi (B. Yusupov), Qoraqalpogʻiston Respublikasi Vazirlar Kengashi, viloyatlar hokimligi 15. Import boʻyicha keltiriladigan baliq xomashyosidan baliq konservasini ishlab chiqarish boʻyicha ishlab chiqarish komplekslarini tashkil qilish. loyiha tashabbuskorlarining oʻz mablagʻlari 2018-2019 yillar davomida tashkiliy tadbirlar “Oʻzbekbaliqsanoat” uyushmasi (A. Ergashev), Qishloq xoʻjaligi vazirligi (B. Yusupov), Tashqi savdo vazirligi (J. Xodjayev), DSQ (J. Aripov) 16. Shisha idishlarda baliq konservalarini ishlab chiqarish texnologiyasini yaratish va tasdiqlash. - 2018-yil 1-avgustgacha buyruq Qishloq xoʻjaligi vazirligi (B. Yusupov), “Oʻzbekbaliqsanoat” uyushmasi (A. Ergashev) III. Akvamadaniyatni rivojlantirish, yer hamda suv resurslaridan samarali va oqilona foydalanish boʻyicha chora-tadbirlarni amalga oshirish 17. Er va suv havzalaridan maqsadga nomuvofiq foydalanayotgan tabiiy va sunʼiy suv havzalarini xatlovdan oʻtkazish natijalari boʻyicha quyidagi choralarnikoʻrish: ularni tovar baliqlar va baliq chavoqlarini yetishtirishga jalb qilish; baliqchilik xoʻjaliklari sunʼiy va tabiiy suv havzalarining unumdorligini kadastr jihatdan baholagan holda yagona reyestr yaratish. oʻz mablagʻlari 2018-yil 1-noyabrgacha Davergeodezkadastr (A. Abdullayev), Oʻrmon xoʻjaligi davlat qoʻmitasi (N. Bakirov), Davlat ekologiya qoʻmitasi (B. Qoʻchqorov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimligi 18. Sugʻorish tizimlarida (kanallarda) baliq yetishtirishda, shu jumladan, qafas (sadok) usulida xorij tajribasini oʻrganish (Turkiya Respublikasi, Rossiya Federatsiyasi, Xitoy Xalq Respublikasi va boshqalar). Oʻrganish natijalariga koʻra sugʻorish tizimlarida vaelektr energiyasini ishlab chiqarishda kichik gidroenergetika qurilmasini qoʻllab, akvamadaniyatni yanada rivojlantirish toʻgʻrisida tahliliy maʼlumot tayyorlash va kiritish. oʻz mablagʻlari 2019-yil 1-sentabrgacha Vazirlar Mahkamasi farmoyishi Qishloq xoʻjaligi vazirligi (B. Yusupov), Suv xoʻjaligi vazirligi (Sh. Xamrayev), “Oʻzbekbaliqsanoat” uyushmasi (A. Ergashev), TIV (B. Asadov) 19. Baliqni sunʼiy va tabiiy suv havzalarida hamda naslchilik-seleksiya korxonasida yopiq suv aylanma tizimi qurilmalarini qoʻllagan holda intensiv usulda yetishtirish boʻyicha baliqchilik xoʻjaligi nizomini ishlab chiqish va tasdiqlash. - 2018-yil 1-iyulgacha buyruq Qishloq xoʻjaligi vazirligi (B. Yusupov), “Oʻzbekbaliqsanoat” uyushmasi (A. Ergashev), manfaatdor vazirlik va idoralar 20. Baliqlarni sholi ekilgan maydonlarda yetishtirishda baliq chavoqlariva oqsil moddasi yuqori ozuqalarni xarid qilishda fermer xoʻjaliklarining sarf xarajatlarini moliyalashtirish tartibi toʻgʻrisidagi nizomni ishlab chiqish va tasdiqlash. - 2018-yil 10-maygacha buyruq Qishloq xoʻjaligi vazirligi (B. Yusupov), Moliya vazirligi (A. Xaydarov), “Oʻzbekbaliqsanoat” uyushmasi (A. Ergashev), “Oʻzdonmahsulot” AJ (S. Xaydarov), manfaatdor vazirlik va idoralar 21. Baliqchilik xoʻjaliklariga baliq chavoqlarini sotib olishda va tabiiy suv havzalarini baliqlantirishdanaslchilik-seleksiya korxonalariga subsidiyalar berish toʻgʻrisidagi nizomni ishlab chiqish va tasdiqlash. - 2018-yil 1-avgustgacha buyruq Qishloq xoʻjaligi vazirligi (B. Yusupov), Moliya vazirligi (A. Xaydarov), “Oʻzbekbaliqsanoat” uyushmasi (A. Ergashev), manfaatdor vazirlik va idoralar 22. Sugʻorish tizimlarida (kanallarda) baliq yetishtirish tartibi toʻgʻrisidagi nizomni ishlab chiqish va tasdiqlash. - 2018-yil 1-oktabrgacha buyruq Qishloq xoʻjaligi vazirligi (B. Yusupov), Suv xoʻjaligi vazirligi (Sh. Xamrayev), Moliya vazirligi (A. Xaydarov), DSQ (B. Musayev), “Oʻzbekbaliqsanoat” uyushmasi (A. Ergashev) 23. Sugʻorish tizimlarida (kanallarda) baliq yetishtiruvchi baliqchilik xoʻjaliklarini ularni yagona soliq toʻlovi va yagona yer soligʻidan ozod qilib, boʻshaydigan mablagʻlarni suv xoʻjaliklari tashkilotlariga sugʻorish tizimlarining foydalanish taʼminotiga yoʻnaltirgan holda ragʻbatlantirish. - 2018-yil 1-avgustgacha Oʻzbekiston Respublikasi prezidenti qarori Qishloq xoʻjaligi vazirligi (B. Yusupov), Moliya vazirligi (V. Pak), DSQ (B. Musayev), Suv xoʻjaligi vazirligi (Sh. Xamrayev), “Oʻzbekbaliqsanoat” uyushmasi (A. Ergashev) 24. Birlashgan Millatlar Tashkilotining (BMT) 1992-yil 10-dekabrdagi Dengiz huquqi toʻgʻrisidagi Konvensiyani ratifikatsiya qilish masalasini ishlab chiqish va uning yakunlariga koʻra aniq takliflar boʻyicha tahliliy maʼlumot kiritish. oʻz mablagʻlari 2018-yil 20-iyulgacha tahliliy maʼlumot TIV (B. Asadov), Suv xoʻjaligi vazirligi (Sh. Xamrayev), “Oʻzbekbaliqsanoat” uyushmasi (A. Ergashev) 25. Oʻzbekiston Respublikasi Qishloq va Suv xoʻjaliklari vazirliklari va “Oʻzbekbaliqsanoat” uyushmasi baliqchilik tarmogʻini rivojlantirish masalalari boʻyicha xalqaro va xorijiy muassasalar bilan hamkorligini yanada kuchaytirish boʻyicha chora-tadbirlar kompleksini amalga oshirish, jumladan, Markaziy Osiyo va Kavkazda BMTning Oziq-ovqat va qishloq xoʻjaligi tashkilotida baliqchilik va akvamadaniyatni rivojlantirish komissiyasiga kirish. oʻz mablagʻlari 2018-yil 10-iyungacha chora-tadbirlar kompleksi Suv xoʻjaligi vazirligi (Sh. Xamrayev), Qishloq xoʻjaligi vazirligi (B. Yusupov), “Oʻzbekbaliqsanoat” uyushmasi (A. Ergashev), TIV (B. Asadov) IV. Baliqchilik tarmogʻidagi ilmiy-tadqiqot ishlarini yanada rivojlantirish 26. Baliqchilik tarmogʻida xorijiy mamlakatlarning ilmiy-tadqiqot institutlari bilan hamkorlik qilish dasturini ishlab chiqish va tasdiqlash. - 2018-yil 1-iyungacha Vazirlar Mahkamasi qarori Qishloq xoʻjaligi vazirligi (B. Yusupov), “Oʻzbekbaliqsanoat” uyushmasi (A. Ergashev), vazirlik va idoralar 27. Yangi yuqori mahsuldor karp ona baliqlar va baliqlar oziqlanadigan oʻsimliklarni yetishtirish maqsadida havza baliqlarini naslchilik-seleksiya usullari genofondini saqlash va yaxshilash boʻyicha ilmiy-tadqiqot ishlarini tashkil qilish. 1,5 mlrd soʻm, budjet mablagʻlari 2019 — 2023 yillar “Oʻzbekchorvanasl” agentligi (B. Atamuradov), “Oʻzbekbaliqsanoat” uyushmasi (A. Ergashev), Moliya vazirligi (A. Xaydarov) 28. Tropik turdagi baliqlarni (som baliqlari, tilyapiya va boshqalar) gormonal inyeksiyalarni qoʻllagan holda oʻstirish va boqish orqali sunʼiy koʻpaytirish biologiyasi oʻziga xosliklarini oʻrganish, shu jumladan qatʼiy kontinental sharoitlarda ularning oʻsib borish, koʻpayishi, shuningdek, oʻrganish natijalarini mazkur faoliyatga joriy etish. 800 mln soʻm, budjet mablagʻlari 2019 — 2023 yillar “Oʻzbekchorvanasl” agentligi (B. Atamuradov), “Oʻzbekbaliqsanoat” uyushmasi (A. Ergashev), Moliya vazirligi (A. Xaydarov) 29. Koʻllar, tabiiy suv havzalari, intensiv tizimlarda (yopiq suv aylanma tizimi qurilmalarida,qafaslarda (sadok) basseynlarda) suvningharorati, yetishtirish zichligi, boqish va baliqlarga oid boshqariladigan boshqa omillarga bogʻliq holda baliqlarning har xil turlarining koʻrsatkichlari boʻyicha ilmiy-tadqiqot ishlarini olib borish. - 2018-yil 1-sentabrgacha Qishloq xoʻjaligi vazirligi (B. Yusupov), “Oʻzbekbaliqsanoat” uyushmasi (A. Ergashev) 30. Yuqori mahsuldor baliq turlarini yetishtirishning intensiv usullarini (qafaslar (sadok), yopiq suv aylanma tizimi qurilmalari, basseynlar) daromad keltirishi va texnologiyalarning barqarorligini asoslagan holda ilmiy-amaliy tadqiqotlar oʻtkazish orqali joriy etish. - 2019-yil 1-yanvargacha Qishloq xoʻjaligi vazirligi (B. Yusupov), “Oʻzbekbaliqsanoat” uyushmasi (A. Ergashev) 31. Quyidagilarni nazarda tutgan holdabaliqchilik ilmiy-tadqiqot instituti faoliyati samaradorligini oshirish, jumladan: Institutning tashkiliy-shtat tuzilmasini optimallashtirish, ilmiy innovatsion tadqiqotlar natijalarini joriy etish va tijoratlashtirish; Institut xodimlarini attestatsiyadan oʻtkazish, uni baliqchilik tarmogʻidai malakali ish mutaxassislar bilan toʻldirish; mahalliy iqlim sharoitlariga moslashtirgan holda baliq yetishtirishning zamonaviy texnologiyalarini oʻrganish va joriy qilish masalalarida xorijiy mamlakatlarning yetakchi ilmiy-tadqiqot institutlari bilan har tomonlama hamkorlikni faollashtirish, shuningdek, qimmatbaho baliqlarning turlarini koʻpaytirishda naslchilik-seleksiya ishlarini takomillashtirish. - 2018-yil 20-iyungacha Vazirlar Mahkamasi qarori Qishloq xoʻjaligi vazirligi (B. Yusupov), Suv xoʻjaligi vazirligi (Sh. Xamrayev), innovatsion rivojlanish vazirligi (I. Abduraxmonov), Moliya vazirligi (A. Xaydarov), Fanlar akademiyasi (B. Yuldashev), “Oʻzbekbaliqsanoat” uyushmasi (A. Ergashev) 32. Quyidagilar boʻyicha tadqiqot ishlarini olib borish: tabiiy suv havzalarida baliqlantiriladigan baliqlarning oʻsishi va reproduktiv imkoniyatlarining absolyut va nisbiy koʻrsatkichlari; intensiv shartlarda baliqlarni boqish va ratsionini hisoblash hamda yuqori ozuqalarni ishlab chiqarish uchun metodik ilmiy asoslarni ishlab chiqish; bozordagi mavjud ingrediyentlardan baliq ozuqalari retsepturasini ishlab chiqish. - 2018-yil 1-sentabrgacha Qishloq xoʻjaligi vazirligi (B. Yusupov), “Oʻzbekbaliqsanoat” uyushmasi (A. Ergashev) 33. Toshkent davlat agrar universiteti talabalarining amaliy oʻqitish va davlat xususiy sherikchilik shartlarida malakali kadrlarni tayyorlash uchun sovuq suvda yashaydigan qimmatbaho baliq turlarining baliq chavoqlarini yetishtirish va yiliga 200 tonna tovar baliqlarini (forel, osetr, losos va boshqalar) yetishtirish oʻquv-tajriba markazini tashkil qilish. 3 mlrd soʻm, xalqaro grantlar, homiylik mablagʻlari, kredit mablagʻlari 2019-yil 1-martgacha tashkiliy tadbirlar Qishloq xoʻjaligi vazirligi (B. Yusupov), “Oʻzbekbaliqsanoat” uyushmasi (A. Ergashev), Minvuz (I. Madjidov), Toshkent davlat agrar universiteti (B. Sulaymonov), “Ipoteka bank” ATIB (O. Musayev) 34. Qoraqalpogʻiston Respublikasi, Buxoro, Toshkent va Fargʻona viloyatlarida baliqchilik xoʻjaliklariga ixtiopatalogik xizmatkoʻrsatish uchun ularni zamonaviy uskunalar bilan jihozlash va malakali kadrlar bilan toʻldirgan holda hududiy laboratoriyalar tashkil etish. Hududiy laboratoriyalar tarmogʻini boshqa viloyatlarda kengaytirish boʻyicha takliflar kiritish. 8 mlrd soʻm, budjet mablagʻlari, xalqaro grantlar, xorijiy investitsiyalar, kredit mablagʻlari 2019-yil 1-maygacha Qoraqalpogʻiston Respublikasi Vazirlar Kengashi, viloyatlar hokimligi, Innovatsion rivojlanish vazirligi (B. Umarov), Moliya vazirligi (A. Xaydarov), Investitsiyalar boʻyicha davlat qoʻmitasi (S. Bekenov), “Oʻzbekbaliqsanoat” uyushmasi (A. Ergashev), tijorat banklari 35. “Oʻzbekbaliqsanoat” uyushmasining (“Baliqsanoat” MCHJ) hududiy boʻlinmalarida: baliqchilik xoʻjaliklari xodimlarini “usta-baliqchi” ixtisosligi boʻyicha tayyorlov va malaka oshirish kurslarini; zamonaviy texnologiyalarni qoʻllagan holda inkubatsiya sexlari va baliq yetishtiruvchi joylar faoliyatini bosqichma-bosqich tashkil etish. oʻz mablagʻlari 2018-yil 1-sentabrgacha “Oʻzbekbaliqsanoat” uyushmasi (A. Ergashev), Qishloq xoʻjaligi vazirligi (B. Yusupov), “Ipoteka bank” ATIB (O. Musayev), Qoraqalpogʻiston Respublikasi Vazirlar Kengashi, viloyatlar hokimiyati 36. “Oʻzbekbaliqsanoat” uyushmasi huzurida baliqchilik madaniyatini rivojlantirishning dolzarb masalalarini qamrab oluvchi, jumladan: baliqchilikda milliy va xorijiy ilmiy va amaliy innovatsion yutuqlarni; yangidan boshlovchi va faoliyat yuritib kelayotgan baliqchilar uchun baliq yetishtirish texnologiyalarini toʻgʻri tashkil etish uchun bilim orttirish va tushuntirishga oid materiallarni; mamlakat ichida va tashqarisida sodir boʻlayotgan baliqchilik sohasidagi muhim voqealarni; mahalliy va xorijiy hamkorlar bilan ilmiy-amaliy va boshqa tadbirlar toʻgʻrisidagi anonslarni; Oʻzbekiston Respublikasida baliqchilik sohasini rivojlantirishning statistik maʼlumotlar va tahliliy sharhlarni yoritib boruvchi “Baliqchilik” jurnalini taʼsis etish. oʻz mablagʻlari 2018-yil 1-maygacha “Oʻzbekbaliqsanoat” uyushmasi (A. Ergashev), Qishloq xoʻjaligi vazirligi (B. Yusupov), Suv xoʻjaligi vazirligi (Sh. Xamrayev), Innovatsion rivojlanish vazirligi (A. Axmedxodjayev), Oʻzbekiston Matbuot va axborot agentligi (L. Tangriyev) V. Kadrlarni tayyorlash, qayta tayyorlash va ularning malakasini oshirish 37. Toshkent davlat agrar universiteti huzurida “Baliqchilik” yoʻnalishi boʻyicha mutaxassislar tayyorlash hamda pedagogik kadrlar malakasini oshirish markazi tashkil etish. 610 mln soʻm, byudjet mablagʻlari 2018/2019 oʻquv yilidan boshlab Oliy va oʻrta maxsus taʼlim vazirligi (I. Madjidov), Qishloq xoʻjaligi vazirligi (B. Yusupov), “Oʻzbekbaliqsanoat” uyushmasi (A. Ergashev), Moliya vazirligi (A. Xaydarov) 38. Shunday tartib joriy etilsinki, unga muvofiq oliy taʼlim muassasalarining “Baliqchilik” yoʻnalishi boʻyicha talabalari 2018/2019 oʻquv yilidan boshlab tizimli ravishda (bir yildan kam boʻlmagan holda) baliqchilik xoʻjaliklari komplekslari va tashkilotlari, jumladan, “Baliq ishlab chiqaruvchi” EIZda bevosita amaliyot oʻtaydilar. - 2018/2019 oʻquv yilidan boshlab Oliy va oʻrta maxsus taʼlim vazirligi (I. Madjidov), “Oʻzbekbaliqsanoat” uyushmasi (A. Ergashev) 39. Quyidagilarni nazarda tutuvchi chora-tadbirlarni amalga oshirish: 2018/2019 oʻquv yilidan boshlab Oʻzbekiston Respublikasi oliy taʼlim muassasalarida “Baliqchilik” yoʻnalishlarida bakalavrlarni tayyorlash boʻyicha qabul kvotasini kamida ikki barobarga oshirish; Toshkent davlat agrar universitetida 2018/2019 oʻquv yilidan boshlab “Baliqchilik” yoʻnalishi boʻyicha 6 nafardan iboratmagistratura kursini tashkil etish. - 2018-yil 1-maygacha Oʻzbekiston Respublikasi Prezidenti qarori Vazirlar Mahkamasi (A. Aripov), Minvuz (I. Madjidov), Qishloq xoʻjaligi vazirligi (B. Yusupov), “Oʻzbekbaliqsanoat” uyushmasi (A. Ergashev) 40. Toshkent davlat agrar universiteti va uning filiallari xodimlari, oʻqituvchi-professorlar tarkibi hamda baliqchilik xoʻjaliklari va korxonalari rahbarlarining stajirovka oʻtashi, tayyorlash va malakasini oshirishni tashkillashtirish, talabalarni Astraxan davlat texnika universitetida (Baliqchilik xoʻjaligi, biologiya va tabiatdan foydalanish instituti)da oʻquv amaliyotlarini oʻtkazish. 125 mln soʻm, budjet va budjetdan tashqari mablagʻlar 2018yil davomida Vazirlar Mahkamasi qarori Oliy va oʻrta maxsus taʼlim vazirligi (I. Madjidov), Qishloq xoʻjaligi vazirligi (B. Yusupov), “Oʻzbekbaliqsanoat” uyushmasi” (A. Ergashev), Moliya vazirligi (A. Xaydarov) 41. Astraxan davlat texnika universiteti (Baliqchilik xoʻjaligi, biologiya va tabiatdan foydalanish instituti) filialini tashkil etish masalasini ishlab chiqish. byudjet mablagʻlari 2018-yil 1-sentabrgacha Oʻzbekiston Respublikasi Prezidenti qarori Oliy va oʻrta maxsus taʼlim vazirligi (I. Madjidov), Qishloq xoʻjaligi vazirligi (B. Yusupov), “Oʻzbekbaliqsanoat” uyushmasi (A. Ergashev), TIV (B. Asadov) VI. Baliqchilik tarmogʻida eksport salohiyatini oshirish 42. Qoraqalpogʻiston Respublikasi, Andijon, Fargʻona, Jizzax, Navoiy, Surxondaryo va Toshkent viloyatlarida baliq mahsulotlarini sanoat ishlab chiqarish, qadoqlash va saqlash boʻyicha klasterlar tashkil etish hamda shunday amaliyotga ega xorij mamlakatlarining tajribasini oʻrganish va chuqur tahlil qilish. Tashkil etilgan klasterlarda keyinchalik tayyor baliq mahsulotlarini sotish uchun eksport qilishga moʻljallangan logistika markazlarini tashkil etish. loyiha tashabbuskorlarining oʻz mablagʻlari, xorijiy investitsiyalar, kredit mablagʻlari 2018-2019 yillarda Qoraqalpogʻiston Respublikasi Vazirlar Kengashi, viloyatlar hokimliklari, Qishloq xoʻjaligi vazirligi (B. Yusupov), “Oʻzbekbaliqsanoat” uyushmasi (A. Ergashev), Tashqi savdo vazirligi (J. Xodjayev), Innovatsion rivojlanish vazirligi (I. Abduraxmonov), Investitsiyalar boʻyicha davlat qoʻmitasi (S. Bekenov) 43. Xorijiy investorlarni yuqori oqsilli baliq ozuqalarini ishlab chiqarish boʻyicha loyihalarni (ekstrudisiya qilingan, boshlangʻich, mahsulot koʻrinishidagi) birgalikda amalga oshirishga jalb qilish. loyiha tashabbuskorlarining oʻz mablagʻlari, xorijiy investitsiyalar, kredit mablagʻlari 2018-yil 1-dekabrgacha Investitsiyalar boʻyicha davlat qoʻmitasi (S. Xolmurodov), Tashqi savdo vazirligi (J. Xodjayev), Innovatsion rivojlanish vazirligi (I. Abduraxmonov), “Oʻzbekbaliqsanoat” uyushmasi (A. Ergashev) 44. Qoʻshni davlatlarga tirik tovar baliqlarini sotish eksportining soddalashtirishgan tartibi boʻyicha nizomni ishlab chiqish va tasdiqlash. - 2018-yil 1-sentabrgacha Vazirlar Mahkamasi qarori Qishloq xoʻjaligi vazirligi (B. Yusupov), “Oʻzbekbaliqsanoat” uyushmasi (A. Ergashev), Tashqi savdo vazirligi (J. Xodjayev), DBQ (J. Aripov), Davlat veterinariya qoʻmitasi (B. Norkobilov) VII. Baliqchilikni rivojlantirish uchun ozuqa bazasini koʻpaytirish, baliq isteʼmol qilish madaniyatini, shuningdek, “Oʻzbekbaliqsanoat” uyushmasining baliqchilik sohasini boshqarish va muvofiqlashtirishdagi rolini yanada oshirish 45. “Oʻzdonmahsulot” AJ korxonalari tomonidan faoliyat olib borayotgan kombikorm zavodlarini modernizatsiyalash hisobiga aralash ozuqalarni ishlab chiqarish quvvatlarini oshirish va kombikorm ishlab chiqarishning yangi liniyalarini tashkil etish. loyiha tashabbuskorlarining oʻz mablagʻlari, xorijiy investitsiyalar, kredit mablagʻlari 2018-yil 15-oktabrgacha “Oʻzdonmahsulot” AK (S. Xaydarov), Qishloq xoʻjaligi vazirligi (B. Yusupov), “Oʻzbekbaliqsanoat” uyushmasi (A. Ergashev), “Ipoteka bank” ATIB (O. Musayev) 46. Yuqori oqsilli granulalangan ozuqalar ishlab chiqarishni, jumladan, davlat-xususiy sherikchilik asosida yetakchi xorij ishlab chiqaruvchilarni jalb qilish orqali rivojlantirish. Baliq chavoqlarini samarali yetishtirishni va dastlabki bosqichlarda ulardagi yoʻqotishlarni qisqartirishni taʼminlash uchun tirik ozuqalar (dafniya, artemiya va boshqalar) ishlab chiqarishning mahalliy innovatsion texnologiyalarini yoʻlga qoʻyish. loyiha tashabbuskorlarining oʻz mablagʻlari, xorijiy investitsiyalar, kredit mablagʻlari 2018-yil 1-sentabrgacha chora-tadbirlar kompleksi Qishloq xoʻjaligi vazirligi (B. Yusupov), Suv xoʻjaligi vazirligi(Sh. Xamrayev), Investitsiyalar boʻyicha davlat qoʻmitasi (S. Bekenov), Davlat ekologiya qoʻmitasi (B. Qoʻchqorov), “Oʻzdonmahsulot” AK (S. Xaydarov), “Oʻzbekbaliqsanoat” uyushmasi (A. Ergashev), SSP (A. Ikramov) 47. Omuxta yemishlab chiqarishni oshirish va baliqchilik xoʻjaliklari talablarini qondirish maqsadida respublikada ishlab chiqarilmaydigan xomashyo va komponentlarni sotib olish uchun tijorat banklarigaimtiyozli kreditlar berish boʻyicha tavsiyalar yoʻllash. loyiha tashabbuskorlarining oʻz mablagʻlari, xorijiy investitsiyalar, kredit mablagʻlari 2018 yil davomida Markaziy bank (M. Nurmuratov), tijorat banklari, “Oʻzdonmahsulot” AK (S. Xaydarov), “Oʻzbekbaliqsanoat” uyushmasi (A. Ergashev) 48. 2018-2019-yillarda Nukus, Toshkent shaharlari va barcha viloyatlar markazlaridaaholiga tovar baliqlari, konservalangan baliq mahsulotlari va yarimfabrikatlar sotishboʻyicha qoʻshimcha infratuzilmali zamonaviy savdo komplekslari tashkil qilish hamda mazkur komplekslarda ovqatlanish punktlarini tashkillashtirish. mahalliy budjet mablagʻlari, loyiha tashabbuskorlarining oʻz mablagʻlari 2018-yil 1-iyungacha Vazirlar Mahkamasi qarori Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, “Oʻzbekbaliqsanoat” uyushmasi (A. Ergashev), Qishloq xoʻjaligi vazirligi (B. Yusupov) 49. 2018-yilda aholi oʻrtasida baliq mahsulotlarida inson organizmi uchun zarur boʻlgan katta miqdordagi foydali xususiyatlar mavjudligi toʻgʻrisida keng tushuntirish ishlarini, shu jumladan, uylarda, videoroliklar, bosma mahsulotlari, reklamalar tayyorlash hamda ularni ommaviy axborot vositalari orqali tarqatishni tashkillashtirish. oʻz mablagʻlari 2018-yil 15-maygacha ishlab chiqish va tasdiqlash tashviqot-targʻibot tadbirlar kompleksi Sogʻliqni saqlash vazirligi (A. Shadmanov), Qishloq xoʻjaligi vazirligi (B. Yusupov), “Oʻzbekbaliqsanoat” uyushmasi (A. Ergashev), MTRK (A. Xodjayev), OʻzA (A. Kuchimov), QoraqalpogʻistonRespublikasi Vazirlar Kengashi, viloyatlar va Toshkent shahar hokimliklari 50. Haftada bir marotaba,qoida tariqasida davlat organlari tashkilotlari oshxonalarida asosan baliqdan iborat salatlar va ovqatlar tayyorlashni tashkil etish. - doimiy Davlat organlari va tashkilotlari 51. Baliqchilik tarmogʻini boshqarishda,uning tarkibiga kiruvchi korxonalar faoliyatiga har tomonlama koʻmaklashish va muvofiqlashtirish, shu jumladan, uyushmaning tashkiliy-huquqiy shaklini oʻzgartirish yoʻli bilan “Oʻzbekbaliqsanoat” uyushmasi rolini yanada oshirish. Baliqchilik xoʻjaliklarining “Oʻzbekbaliqsanoat” uyushmasiga kirishda, jumladan, innovatsiyalarni tatbiq etish, davlat-xususiy sherikchilik hamkorligini rivojlantirish, samarali xalqaro hamkorlikni yoʻlga qoʻyish, investitsiyalar jalb qilish orqali manfaatdorligini oshirish boʻyicha takliflar tayyorlash. - 2018-yil 1-noyabrgacha tashkiliy tadbirlar, normativ-huquqiy hujjatlar loyihasi “Oʻzbekbaliqsanoat” uyushmasi (A. Ergashev), Qishloq xoʻjaligi vazirligi (B. Yusupov), Adliya vazirligi (R. Davletov), Davlat raqobat qoʻmitasi (R. Gulyamov), manfaatdor vazirlik va idoralar VIII. Baliqchilik xoʻjaliklarining moddiy-texnik taʼminotini mustahkamlash uchun sharoitlar yaratish 52. Baliqchilik xoʻjaliklari uchun “Oʻzbekiston temir yoʻllari” AJning idoraviy korxonalari negizida yillik quvvati 400 dona (qayiq va katerlar), 200 dona (qamish oʻroq mashinasi), 200 dona (vaqtincha yashash uchun maxsus vagonlar)baliqchilik tarmogʻi ishchilariga qayiqlar va katerlar, vaqtincha yashash uchun maxsus vagonlar ishlab chiqarish komplekslarini tashkil etish. oʻz mablagʻlari 2019-yil 1-yanvargacha “Oʻzbekiston temir yoʻllari” AJ (A. Ramatov), “Oʻzbekbaliqsanoat” uyushmasi (A. Ergashev), Qishloq xoʻjaligi vazirligi (B. Yusupov), manfaatdor vazirlik va idoralar 53. Quyuq kislorodni saqlash va tashishda ishlatiladigan zamonaviy xavfsiz idishlarni (ogʻirligi 1 tonnagacha boʻlgan 200 dona yiliga) qoʻshimcha uskunalar bilan birgalikda ishlab chiqarishni tashkil etish. oʻz �ablagʻlari 2019-yil 1-yanvargacha “Oʻzbekiston temir yoʻllari” AJ (A. Ramatov), manfaatdor vazirlik va idoralar 54. “Oʻzbekiston temir yoʻllari” AJning idoraviy korxonalari negizida zamonaviy qafas (sadok) qurilmalari va ularga xizmat qiluvchi qoʻshimcha jihozlar ishlab chiqarishni tashkil qilish. oʻz mablagʻlari 2019-yil 1-aprelgacha “Oʻzbekiston temir yoʻllari” AJ (A. Ramatov), manfaatdor vazirlik va idoralar 55. “Oʻzeltexsanoat” AJning idoraviy korxonalari negizida yillik hajmi 1000 dona boʻlgan qoʻshimcha energiya tejash uskunasi bilan turli koʻrinishdagi zamonaviy aeratorlar ishlab chiqarishni tashkil qilish. oʻz mablagʻlari 2019-yil 1-martgacha “Oʻzeltexsanoat” AJ (A. Abdullayev), manfaatdor vazirlik va idoralar 56. “Oʻzeltexsanoat” AJning idoraviy korxonalari negizida ozuqalarni yetkazib berish boʻyicha yillik hajmi 300 dona boʻlgan qafas (sadok) qurilmalari va kislorod uzatishda avtomatlashtirilgan zamonaviy masofadan boshqarish uskunasi ishlab chiqarishni tashkil qilish. oʻz mablagʻlari 2019-yil 1-martgacha “Oʻzeltexsanoat” (A. Abdullayev), manfaatdor vazirlik va idoralar 57. “Oʻzavtosanoat” AJning idoraviy korxonalari negizida uzoq masofalarga tirik baliqni tashish uchun izotermik konteynerli tirik baliq tashuvchi zamonaviy transport ishlab chiqarishni tashkil etish (10 dona — 10 tonnalik MAN avtomobili, 20 dona — 5 tonnalik ISUZU avtomobilinegizida izotermik konteynerlarga ega tirik baliq tashuvchi transportlar). oʻz mablagʻlari 2019-yil 1-martgacha “Oʻzavtosanoat” (U. Salimov), manfaatdor vazirlik va idoralar 58. Baliqchilik xoʻjaliklariga ish va xizmatlarni bajarish uchun Oʻzbekiston Respublikasi Suv xoʻjaligi vazirligi tizimida mobil zemsnaryad yordamida sunʼiy suv havzalarini meliorativ mexanizatsiyalashgan tarzda tozalash va chuqurlashtirish boʻyicha xoʻjalik hisobidagi korxona tashkil qilish. oʻz mablagʻlari 2018-yil 1-sentabrgacha Vazirlar Mahkamasi qarori Suv xoʻjaligi vazirligi (Sh. Xamrayev), “Oʻzbekbaliqsanoat” uyushmasi (A. Ergashev)

Izoh: *loyiha smeta hujjatlarini ishlab chiqish va tender savdolari natijalariga koʻra tuzatishlar kiritilishi lozim.