“Jinoyat sodir etishda gumon qilinib ushlab turilgan shaxslarni saqlashning sanitariya-gigiyena qoidalarini tasdiqlash haqida”gi qarorga oʻzgartirishlar va qoʻshimcha kiritish toʻgʻrisida (1737-1-son)

06.04.2018

Oʻzbekiston Respublikasi Sogʻliqni saqlash vazirligi Oʻzbekiston Respublikasi Ichki ishlar vazirligining

Qarori

[Oʻzbekiston Respublikasi Adliya vazirligi tomonidan 2018-yil 6-aprelda roʻyxatdan oʻtkazildi, roʻyxat raqami 1737-1]

Oʻzbekiston Respublikasining “Jinoyat ishini yuritish chogʻida qamoqda saqlash toʻgʻrisida”gi va “Ichki ishlar organlari toʻgʻrisida”gi qonunlari hamda Vazirlar Mahkamasining 2015-yil 7-iyuldagi 184-son “Oʻzbekiston Respublikasi Ichki ishlar vazirligining vaqtincha saqlash hibsxonalarida va tergov hibsxonalarida saqlab turilgan shaxslarning, shuningdek jazoni ijro etish muassasalarida jazoni oʻtayotgan mahbuslarning taʼminoti meʼyorlarini tasdiqlash toʻgʻrisida”gi qaroriga muvofiq Oʻzbekiston Respublikasi Sogʻliqni saqlash vazirligi va Ichki ishlar vazirligi qaror qiladi:

1. Oʻzbekiston Respublikasi Sogʻliqni saqlash vazirligi va Ichki ishlar vazirligining 2007-yil 8-oktabrdagi 12, 16-son”Jinoyat sodir etishda gumon qilinib ushlab turilgan shaxslarni saqlashning sanitariya-gigiyena qoidalarini tasdiqlash haqida”gi qaroriga (roʻyxat raqami 1737, 2007-yil 8-noyabr) (Oʻzbekiston Respublikasi qonun hujjatlari toʻplami, 2007-y., 45-son, 462-modda) ilovaga muvofiq oʻzgartirishlar va qoʻshimcha kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Sogʻliqni saqlash vaziri A. ShADMANOV

Toshkent sh.,

2018-yil 15-mart,

9-son

Ichki ishlar vaziri P. BOBOJONOV

Toshkent sh.,

2018-yil 15-mart,

24-son

Oʻzbekiston Respublikasi Sogʻliqni saqlash vazirligi hamda Ichki ishlar vazirligining 2018-yil 15-martdagi 9 va 24-son qaroriga ILOVA

“Jinoyat sodir etishda gumon qilinib ushlab turilgan shaxslarni saqlashning sanitariya-gigiyena qoidalarini tasdiqlash haqida”gi qarorga kiritilayotgan oʻzgartirishlar va qoʻshimcha

1. Qarorning muqaddimasidagi “Oʻzbekiston Respublikasi Jinoyat-protsessual kodeksining 229-moddasiga” degan soʻzlar “Oʻzbekiston Respublikasining “Jinoyat ishini yuritish chogʻida qamoqda saqlash toʻgʻrisida”gi Qonuniga” degan soʻzlar bilan almashtirilsin.

2. Qoidalarda:

a) muqaddimadagi “Oʻzbekiston Respublikasi Jinoyat-protsessual kodeksining 229-moddasiga” degan soʻzlar “Oʻzbekiston Respublikasining “Jinoyat ishini yuritish chogʻida qamoqda saqlash toʻgʻrisida”gi Qonuniga” degan soʻzlar bilan almashtirilsin;

b) 1 va 2-bandlardagi “idoralari” degan soʻz “organlari” degan soʻz bilan almashtirilsin;

v) 3 va 4-bandlardagi “idoralarining” degan soʻz “organlarining” degan soʻz bilan almashtirilsin;

g) 5-band quyidagi tahrirda bayon etilsin:

“5. VSHni binolarning 1 va 2-qavatlariga joylashtirilishiga ruxsat etiladi.”;

d) 28-band oʻz kuchini yoʻqotgan deb topilsin;

e) 45-banddagi “qurilish meʼyorlari qoidalari (keyingi oʻrinlarda — QMQ) 2.04.01-98 “Binolarning ichki ichimlik suv (vodoprovod) va kanalizatsiyasi”, QMQ 2.04.03-97 “Kanalizatsiya. Tashqi tarmogʻi inshootlari”, QMQ 2.08.02-96 “Jamoat binolari va inshootlar” qurilish meʼyorlari va qoidalari talablariga” degan soʻzlar “shaharsozlik normalari va qoidalariga” degan soʻzlar bilan almashtirilsin;

j) 47-band quyidagi tahrirda bayon etilsin:

“47. VSHni tayyor ovqat bilan taʼminlovchi oshxonalar Oʻzbekiston Respublikasi Bosh davlat sanitariya vrachi tomonidan tasdiqlangan sanitariya qoidalari, normalari va gigiyena normativlariga rioya etishi shart.”;

z) 1 va 4-ilovalar oʻz kuchini yoʻqotgan deb topilsin;

i) 3-ilovada:

“Xoʻjalik sovuni‎” deb nomlangan pozitsiyaning “Erkaklar‎” deb nomlangan ustunidagi “200” raqami “250” raqami bilan almashtirilsin;

“Atir sovun‎‎” deb nomlangan pozitsiyaning “Erkaklar‎” deb nomlangan ustunidagi “50” raqami “-” belgisi bilan almashtirilsin;

k) 5-ilovada:

5 — 7 pozitsiyalar chiqarib tashlansin;

quyidagi mazmundagi 27-pozitsiya bilan toʻldirilsin:

“ 27. Ambu qopi (sunʼiy nafas oldirish vositasi) dona 1 ‎”;

l) 6-ilova mazkur oʻzgartirishlar va qoʻshimchaning ilovasiga muvofiq tahrirda bayon etilsin.

3. Mazkur oʻzgartirishlar va qoʻshimcha Oʻzbekiston Respublikasi Oliy sudi, Bosh prokuraturasi va Milliy xavfsizlik xizmati bilan kelishilgan.

Oliy sud raisi K. KAMILOV

2018-yil 12-mart

Bosh prokuror O. MURODOV

2018-yil 12-mart

Milliy xavfsizlik xizmati raisi I. ABDULLAYEV

2018-yil 12-mart

“Jinoyat sodir etishda gumon qilinib ushlab turilgan shaxslarni saqlashning sanitariya-gigiyena qoidalarini tasdiqlash haqida”gi qarorga kiritilayotgan oʻzgartirishlar va qoʻshimchaga ILOVA

“6-ILOVA

Vaqtincha saqlash hibsxonalaridagi tibbiy punktlar (xonalar) uchun zarur boʻlgan dori vositalari va tibbiy buyumlar

ROʻYXATI

T/r Dori vositalarining (tibbiy buyumlarning) nomi Xalqaro patentlangan nomi Oʻlchov birligi Soni 1. Adrenalin 0,18 % 1 ml Epinephrine ampula 10 2. Validol tabletkasi 0,06 Validolum (Mentol in methylisovalerate) tabletka 50 3. Dibazol 1 % 1 ml Bendazole ampula 20 4. Papaverin gidroxlorid 2 % 2 ml Papaverine hydrochloridum ampula 20 5. Enalapril tabletkasi 0,01 Enalapril tabletka 40 6. Korvalol 25 ml Comb drug (Bromizovaleric acid, menthae piperita) flakon 2 7. Kofein-benzoat natriy 20 % 1 ml Comb drug (Caffeine, sodium benzoate) ampula 20 8. Kordiamin 25 % 2 ml №ikethamide ampula 10 9. Lidokain gidroxloid 2 % 2 ml Lidocaine ampula 20 10. Nitroglitserin 0,0005 №itroglycerin tabletka 80 11. Nitrosorbid tabletkasi 0,01 Isosorbide dinitrate tabletka 50 12. Strofantin 0,25 mg/1 ml Quabain ampula 10 13. Analgin 50 % 2 ml Metamizole sodium ampula 20 14. Analgin tabletkasi 0,5 Metamizole sodium tabletka 20 15. Atsetilsalitsilovaya kislota 0,5 Acetylsalicylic acid tabletka 20 16. Glyukoza 40 % 10 ml Dextrose ampula 10 17. Glyukoza 5 % 500,0 Dextrose flakon 10 18. Natriya xlorid 0,9 % 500,0 Sodium chloride flakon 10 19. Dimedrol 1 % 1 ml Diphenhydramine ampula 20 20. Diazolin 0,05 Mebhydrolin tabletka 20 21. Suprastin 25 mg Chloropyramine tabletka 20 22. Eufillin 2,4 % 10 ml Aminophylline ampula 10 23. Magniy sulfat 25 % 5 ml Magnesium sulfate ampula 20 24. Atropin sulfat 0,1 % 1 ml Atropine sulfate ampula 10 25. No-shpa 40 mg Drotaverine tabletka 100 26. No-shpa 40 mg/2 ml Drotaverine ampula 10 27. Vikair Comb drug (Bismut subnitrate, magnesium carbonate) tabletka 20 28. Vikasol 1% 1 ml Menadione ampula 10 29. Kalsiy xlorid 10 % 10 ml Calcium chloride ampula 10 30. Etamzilat 12,5 % 2 ml Etamsylate ampula 10 31. Sulfatsil natriy 20 % 5 ml Sulfacetamid flakon 2 32. Ampitsillin trigidrat 0,5 Ampicillin tabletka 50 33. Tetratsiklin gidroxlorid 100 mg Tetracycline tabletka 60 34. Qisqa taʼsir etuvchi Insulin Insulin human flakon 5 35. Prolongir taʼsir etuvchi Insulin Insulin pigs flakon 5 36. Laziks 1 % 2 ml Furosemide ampula 10 37. Ammiak eritmasi 10 % 10 ml Ammonia solution dilute flakon 5 38. Novokain 0,5 % 5 ml Procaine ampula 20 39. Deksametazon 4 mg/ml 1 ml Dexamethasone ampula 10 40. Bornaya kislota 3 % spirtli eritmasi 10 ml Boric acid flakon 2 41. Brilliant yashil 1 % 10 ml spirtli eritmasi Malachite green flakon 5 42. Yodning 5 % 10 ml spirtli eritmasi Iodine flakon 5 43. Vodorod peroksid 3 % 25 ml eritmasi Perhydrolum flakon 5 44. Tibbiyot etil spirti 70 % 50 ml Aethanol flakon 5 45. Furatsillin 0,02 №itrofural tabletka 50 46. Xloramin B 500 gr Dixlorizotsianid kislotasining natriyli tuzi kg 5 47. Kalsiy gipoxloridi Calcium hydrochloride kg 100 Tibbiy buyumlar 48. Steril bint 5 m x 10 sm - dona 5 49. Nosteril bint 7 m x 14 sm - dona 5 50. Steril paxta 100 gr - dona 5 51. Nosteril paxta 100 gr - dona 5 52. Leykoplastir 1 x 500, 2 x 500 yoki 1 x 250 - dona 10 53. Bakteritsidli leykoplastir - dona 10 54. Dokali salfetkalar steril 45 x 29 sm № 10 - upakovka 10 55. Sistema (bir martalik) - dona 50 56. Shprits 2,0 (bir martalik) - dona 50 57. Shprits 5,0 (bir martalik) - dona 50 58. Shprits 10,0 (bir martalik) - dona 50 59. Insulin uchun shprits (bir martalik) - dona 10 60. Perchatka (lateks) (bir martalik) - dona 50 ”.