Surxondaryo viloyatida kichik sanoat zonalarini tashkil etish chora-tadbirlari toʻgʻrisida (PQ-3636-son)

29.03.2018

Oʻzbekiston Respublikasi Prezidentining

Qarori

Davlat mulki boʻlgan va davlat ulushi mavjud xoʻjalik yurituvchi jamiyatlarning ishlab chiqarish maydonlari va obyektlaridan samarali foydalanish, investitsiyalarni faol jalb qilish uchun qulay sharoitlar yaratish, raqobatbardosh zamonaviy ishlab chiqarishlar va kichik korxonalarni rivojlantirishni yanada qoʻllab-quvvatlash, ularni muhandislik-kommunikatsiya va ishlab chiqarish infratuzilmasi tashkil etilgan alohida hududlarda joylashtirishni taʼminlash va shu asnoda ishlab chiqarish sohasida yangi ish oʻrinlari yaratish hamda aholining bandlik va farovonlik darajasini oshirish maqsadida:

1. Surxondaryo viloyati hokimligi, Oʻzbekiston Respublikasi Iqtisodiyot vazirligi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasining Surxondaryo viloyatida davlat mulki boʻlgan va davlat ulushi mavjud xoʻjalik yurituvchi jamiyatlarning foydalanilmayotgan ishlab chiqarish maydonlari va obyektlari negizida 1-ilovaga muvofiq roʻyxat boʻyicha kichik sanoat zonalarini (keyingi oʻrinlarda KSZ deb ataladi) tashkil etish toʻgʻrisidagi taklifiga rozilik berilsin.

2. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi manfaatdor davlat va xoʻjalik boshqaruvi organlari bilan birgalikda foydalanilmayotgan tegishli ishlab chiqarish maydonlari va davlat mulki obyektlarining bir oy muddatda Surxondaryo viloyati hokimligiga belgilangan tartibda oʻtkazilishini, shuningdek, xoʻjalik jamiyatlari boshqaruv organlarining majlislarida davlat ulushi boʻlgan foydalanilmayotgan ishlab chiqarish maydonlari va obyektlarni budjet hamda budjetdan tashqari jamgʻarmalar oldidagi soliq boʻyicha qarzdorlikni beriladigan aktivlarning qoldiq (balans) qiymati summasiga, qarzdorlik mavjud boʻlmagan hollarda — ularning ustav jamgʻarmalaridagi davlat ulushi va xoʻjalik boshqaruvi organlarining ulushini kamaytirish hisobidan, ushbu qarorning 1-ilovasiga muvofiq Surxondaryo viloyati hokimligiga topshirish masalasi koʻrib chiqilishini taʼminlasin.

3. Belgilansinki:

KSZ hududidagi davlat koʻchmas mulki tadbirkorlik subyektlariga biznes rejalarni bajarish, ish oʻrinlarini yaratish va saqlash, barcha turdagi soliqlar va boshqa majburiy toʻlovlarni oʻz vaqtida toʻlash sharti bilan keyinchalik mulk huquqi berilgan holda 10 yillik uzoq muddatga ijaraga beriladi;

KSZ hududidagi koʻchmas davlat mulkidan ijara davrida foydalanish uchun ijaraga olingan maydonda amalga oshirilayotgan faoliyat turidan kelib chiqqan holda ortib boradigan koeffitsiyentni qoʻllamasdan ijara toʻlovining eng kam stavkasi belgilanadi;

KSZ hududida investitsiya loyihalarini amalga oshirish uchun yer uchastkalari qonunchilikda belgilangan tartibda elektron-onlayn auksion orqali ajratiladi.

4. Surxondaryo viloyati Erkin iqtisodiy va kichik sanoat zonalari maʼmuriy kengashi bir oy muddatda KSZ direksiyasini tashkil etish choralarini koʻrsin.

6. Oʻzbekiston Respublikasi Tiklanish va taraqqiyot jamgʻarmasi KSZda amalga oshiriladigan investitsiya loyihalarini birgalikda moliyalashtirish uchun 50 mln. AQSH dollari miqdoridagi kredit liniyalarini tijorat banklari orqali ikki oy muddatda belgilangan tartibda ochilishini taʼminlasin.

7. Belgilab qoʻyilsinki:

Oʻzbekiston Respublikasi Tiklanish va taraqqiyot jamgʻarmasining kredit liniyalari mablagʻlari import uskunalar va ularga butlovchi qismlarni xarid qilish uchun ajratiladi;

kreditlar soʻndirish jadvaliga muvofiq Oʻzbekiston Respublikasi Markaziy bankining kreditini uzish kunidagi kursi boʻyicha milliy valyutada amalga oshirilishi mumkin.

8. Surxondaryo viloyati kichik sanoat zonalarida muhandislik-kommunikatsiya va ishlab chiqarish infratuzilmasini qayta tiklash ishlarining manzilli roʻyxati 2-ilovaga muvofiq tasdiqlansin.

Oʻzbekiston Respublikasi Moliya vazirligi Surxondaryo viloyati Erkin iqtisodiy va kichik sanoat zonalari maʼmuriy kengashining asoslangan hisob-kitoblari boʻyicha ushbu qarorning 2-ilovasiga muvofiq boʻlinish chegarasigacha Surxondaryo viloyati KSZlarining muhandislik-kommunikatsiya va ishlab chiqarish infratuzilmasini qayta tiklash ishlarini bajarish uchun Oʻzbekiston Respublikasi Davlat budjetidan mablagʻlar ajratsin.

Oʻzbekiston Respublikasi Uy-joy kommunal xoʻjaligi vazirligi, Avtomobil yoʻllari davlat qoʻmitasi, “Oʻzbekenergo”AJ, Surxondaryo viloyati hokimligi bir oy muddatda ushbu qarorning 2-ilovasiga muvofiq Surxondaryo viloyati KSZlarida muhandislik-kommunikatsiya va ishlab chiqarish infratuzilmasini qayta tiklash ishlarini amalga oshirish uchun tarmoq jadvallarini tasdiqlasin va ularning soʻzsiz bajarilishini taʼminlasin.

9. Surxondaryo viloyati Erkin iqtisodiy zonalar va kichik sanoat zonalari maʼmuriy kengashi Oʻzbekiston Respublikasi Iqtisodiyot vazirligi, Investitsiyalar boʻyicha davlat qoʻmitasi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, Oʻzbekiston Savdo-sanoat palatasi va tijorat banklari bilan birgalikda belgilangan tartibda:

Surxondaryo viloyati iqtisodiyotining ehtiyojlari, shuningdek, mavjud mineral-xomashyo, qishloq xoʻjaligi resurslarini va infratuzilmani inobatga olgan holda, Surxondaryo viloyati KSZlari hududida import oʻrnini bosuvchi va eksportga yoʻnaltirilgan tayyor mahsulotlar, materiallar va butlovchi buyumlar turlarini ishlab chiqarish korxonalarini joylashtirish boʻyicha aniq takliflar — “yoʻl xaritalari” ikki oy muddatda ishlab chiqilishini;

Surxondaryo viloyati KSZlari hududida oʻzlashtirish uchun taklif qilinayotgan import oʻrnini bosuvchi va eksportga yoʻnaltirilgan tayyor mahsulotlar, materiallar va butlovchi buyumlar turlari toʻgʻrisidagi maʼlumotlarning tadbirkorlik subyektlariga yetkazilishini;

KSZlar hududida loyihalarni amalga oshirish uchun tadbirkorlik subyektlarini jalb etish, ular bilan tizimli ishlar olib borish, shuningdek, Surxondaryo viloyati KSZlari hududida ishlab chiqarishlarni joylashtirish boʻyicha investitsiya buyurtmanomalari sifatli va oʻz vaqtida koʻrib chiqilishini;

Surxondaryo viloyati KSZlari hududida ishlab chiqarishlarni tashkil etish boʻyicha investitsiya loyihalarining biznes-rejalarini ishlab chiqishda tadbirkorlik subyektlariga koʻmaklashishni taʼminlasinlar.

Amalga oshirilgan chora-tadbirlarning samaradorligi va natijadorligi toʻgʻrisida axborot Oʻzbekiston Respublikasi Vazirlar Mahkamasiga 2018-yil 15-iyul va 2019-yil 15-yanvarga qadar berilsin.

10. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J. Ramatov, Bosh vazir oʻrinbosari — Investitsiyalar boʻyicha davlat qoʻmitasi raisi S.R. Xolmuradov, Iqtisodiyot vaziri B.A. Xodjayev, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi R.A. Gulyamov va Surxondaryo viloyati hokimi E.O. Turdimov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2018-yil 29-mart,

PQ-3636-son

Oʻzbekiston Respublikasi Prezidentining 2018-yil 29-martdagi PQ-3636-son qaroriga 1-ILOVA

Surxondaryo viloyatida davlat mulki boʻlgan va davlat ulushi mavjud xoʻjalik yurituvchi jamiyatlarning foydalanilmayotgan ishlab chiqarish maydonlari va obyektlari negizida tashkil etilayotgan kichik sanoat zonalarining

ROʻYXATI

T/r Tashkil etilayotgan KSZning nomi Obyektning nomi Hududi (ga)** Bino-inshootlar maydoni (kv.m)** 1. Oltinsoy tumani KSZ “Shoʻrchi paxta tozalash” AJning bino va inshootlari* 12,1 23 758,41 2. Angor tumani KSZ “Angor paxta tozalash” AJning bino va inshootlari* 18,5 18418,0 3. Muzrabot tumani KSZ “Muzrabot tumani yoʻllardan foydalanish korxonasi” UKga karashli bino va inshootlarning bir qismi 1,5 756,5 4. Denov tumani KSZ Denov tumani hokimligi balansidagi “Surxonoziqovqatsanoati” AJning tozalash inshooti binolari 1,1 2 015,0 5. Akademik M. Mirzayev nomli bogʻdorchilik, uzumchilik va vinochilik ilmiy-tadqiqot instituti Surxondaryo ilmiy tajriba stansiyasi bino va inshootlarining bir qismi 0,5 1 500,0 6. Jarqoʻrgʻon tumani KSZ “Termiz neft bazasi” MCHJ Jarqoʻrgʻon filiali hududining bir qismi* 2,9 405,0 7. Sariosiyo tumani KSZ “Termiz neft bazasi” MCHJ Denov filiali bino va inshootlarining bir qismi* 3,2 1 541,7 8. Termiz tumani KSZ Termiz tumani hokimligi balansidagi xoʻjalik va ishlab chiqarish bino va inshootlari (sobiq “Uchqizil moddiy texnika taʼminoti bazasi” MCHJ) 2,0 5 100,0 9. Termiz shahar KSZ Termiz shahar hokimligi balansidagi bino va inshootlar (sobiq “Oʻzmaxsustrans” DUK) 1,4 610,6 10. Uzun tumani KSZ “Uzun paxta tozalash” AJning bino va inshootlari* 11,9 14 769,4 Jami: 55,1 68 874,61

* Bino-inshootlar, shuningdek, ularga tutash hududlar xoʻjalik yurituvchi jamiyatlarning tegishli boshqaruv organlari yigʻilishlarida koʻrib chiqish natijalariga koʻra aniqlanadi.

** Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi tomonidan tumanlar (shaharlar) hokimliklari bilan birgalikda aniqlanadi.

Oʻzbekiston Respublikasi Prezidentining 2018-yil 29-martdagi PQ-3636-son qaroriga 2-ILOVA

2018-yilda Surxondaryo viloyatida kichik sanoat zonalarining muhandislik-kommunikatsiya va ishlab chiqarish infratuzilmasini qayta tiklash ishlarining

Manzilli roʻyxati

Chora-tadbirlar nomiOʻlchov birligiMiqdor/QuvvatXarajatlar miqdori*(mln. soʻm)Moliyalashtirish manbalariMasʼul ijrochilarOltinsoy tumani KSZElektr tarmogʻining 10 kV kuchlanishli havo liniyasini qurish, 400 kVA quvvatli transformator oʻrnatish va mavjud K-42 transformatorini kapital taʼmirlashkmdonadona1,011290,0Markazlashgan investitsiyalar doirasida Davlat budjeti mablagʻlari“Oʻzbekenergo” AJ, Surxondaryo viloyati hokimligid=75 mm boʻlgan suv oʻtkazish tarmogʻini qurishkm0,0611,1Uy-joy kommunal xizmat koʻrsatish vazirligi, Surxondaryo viloyati hokimligiJAMI:301,1Angor tumani KSZElektr tarmogʻining 10 kV kuchlanishli havo liniyasini qurish va 250 kVA quvvatli transformatorni oʻrnatishkmdona4,01440,0Markazlashgan investitsiyalar doirasida Davlat budjeti mablagʻlari“Oʻzbekenergo” AJ, Surxondaryo viloyati hokimligiJAMI:440,0Muzrabot tumani KSZElektr tarmogʻining 10 kV kuchlanishli havo liniyasini qurish va 250 kVA quvvatli transformatorni oʻrnatishkmdona8,01910,0Markazlashgan investitsiyalar doirasida Davlat budjeti mablagʻlari“Oʻzbekenergo” AJ, Surxondaryo viloyati hokimligid=75 mm boʻlgan suv oʻtkazish tarmogʻini qurishkm1,5120,0Markazlashgan investitsiyalar doirasida Davlat budjeti mablagʻlariUy-joy kommunal xizmat koʻrsatish vazirligi,Surxondaryo viloyati hokimligiJAMI:1 030,0Denov tumani KSʼ3Elektr tarmogʻining 10 kV kuchlanishli havo liniyasini qurish, 250 kVA quvvatli transformatorni rekonstruksiya qilish va 250 kVA quvvatli transformatorni oʻrnatishkmdona0,32264,0Markazlashgan investitsiyalar doirasida Davlat budjeti mablagʻlari“Oʻzbekenergo” AJ, Surxondaryo viloyati hokimligiElektr tarmogʻining 6 kV kuchlanishli kabel liniyasini qurish va 250 kVA quvvatli SHK transformatorni oʻrnatishkmdona0,151137,0“Oʻzbekenergo” AJ, Surxondaryo viloyati hokimligiJAMI:401,0Jarqoʻrgʻon tumani KSZElektr tarmogʻining 10 kV kuchlanishli havo liniyasini qurish va 250 kVA quvvatli transformatorni oʻrnatishkmdona3,01360,0Markazlashgan investitsiyalar doirasida Davlat budjeti mablagʻlari“Oʻzbekenergo” AJ, Surxondaryo viloyati hokimligiJAMI:360,0Sariosiyo tumani KSZElektr tarmogʻining 10 kV kuchlanishli havo liniyasini qurish va 400 kVA quvvatli transformatorni oʻrnatishkmdona0,81410,0Markazlashgan investitsiyalar doirasida Davlat budjeti mablagʻlari“Oʻzbekenergo” AJ, Surxondaryo viloyati hokimligid=75 mm boʻlgan suv oʻtkazish tarmogʻini qurishkm1,2100,0Uy-joy kommunal xizmat koʻrsatish vazirligi, Surxondaryo viloyati hokimligiJAMI:510,0Termiz tumani KSZElektr tarmogʻining 10 kV kuchlanishli havo liniyasini qurish va 250 kVA quvvatli transformatorni oʻrnatishkmdona1,51240,0Markazlashgan investitsiyalar doirasida Davlat budjeti mablagʻlari“Oʻzbekenergo” AJ, Surxondaryo viloyati hokimligiJAMI:240,0Termiz shahar KSZElektr tarmogʻining 6 kV kuchlanishli kabel liniyasini qurish, 250 kVA, 400 kVA quvvatli transformator oʻrnatish va mavjud K-42 transformatorini kapital taʼmirlashkmdonadonadona0,2111370,0Markazlashgan investitsiyalar doirasida Davlat budjeti mablagʻlari“Oʻzbekenergo” AJ, Surxondaryo viloyati hokimligid=200 mm boʻlgan suv oʻtkazish tarmogʻini qurishkm0,130,2Uy-joy kommunal xizmat koʻrsatish vazirligi, Surxondaryo viloyati hokimligiJAMI:400,2Uzun tumani KSZElektr tarmogʻining 10 kV kuchlanishli havo liniyasini qurish va 250 kVA quvvatli transformatorni oʻrnatishkmdona2,51300,0Markazlashgan investitsiyalar doirasida Davlat budjeti mablagʻlari“Oʻzbekenergo” AJ, Surxondaryo viloyati hokimligi“Uzun tumani-Bobur qishlogʻi” avtomobil yoʻlining 4H-1584 qismidan KSZga kirish yoʻlini taʼmirlashkm0,215,0Vazirlar Mahkamasi huzuridagi Respublika yoʻl jamgʻarmasi mablagʻlariAvtomobil yoʻllari davlat qoʻmitasi, Surxondaryo viloyati hokimligiJAMI:315,0HAMMASI:3 997,3

* Xarajatlarning yakuniy miqdori loyiha-smeta hujjatlari belgilangan tartibda ekspertizadan oʻtkazilishi va tasdiqlanishi natijasida aniqlanadi.