Oʻzbekiston Respublikasi Vazirlar Mahkamasining “Soliq solishning soddalashtirilgan tizimiga oʻtgan kichik korxonalarga soliq solish tartibi toʻgʻrisida” 1998-yil 15-apreldagi 159-son qaroriga oʻzgartirish kiritish haqida (493-son)

11.11.1999

Oʻzbekiston Respublikasi Vazirlar Mahkamasining

qarori

“Oʻzbekiston Respublikasining “Oʻzbekiston Respublikasining ayrim qonun hujjatlariga oʻzgartirishlar va qoʻshimchalar kiritish toʻgʻrisida” 1999-yil 20-avgustdagi Qonuni XX boʻlimining 1-bandiga muvofiq Vazirlar Mahkamasi qaror qiladi:

Oʻzbekiston Respublikasi Vazirlar Mahkamasining “Soliq solishning soddalashtirilgan tizimiga oʻtgan kichik korxonalarga soliq solish tartibi toʻgʻrisida” 1998-yil 15-apreldagi 159-son qarori bilan tasdiqlangan Kichik korxonalar uchun soliq solishning soddalashtirilgan tizimini qoʻllash tartibi (Oʻzbekiston Respublikasi QT 1998-y., 4-son, 15-modda) II-boʻlimining 6-bandi quyidagi tahrirda bayon qilinsin:

“6. Aksiz toʻlanadigan mahsulot ishlab chiqarayotgan kichik korxonalar aksiz soligʻini Oʻzbekiston Respublikasining Soliq kodeksida belgilangan tartibda toʻlaganlari taqdirda soddalashtirilgan soliq solish tizimiga oʻtishlari mumkin.”

Vazirlar Mahkamasining Raisi I. KARIMOV

Toshkent sh.,

1999-yil 11-noyabr,

493-son