Qarovsiz qolgan hayvonlarni otib tashlash tartibi toʻgʻrisidagi yoʻriqnomaga oʻzgartirishlar kiritish haqida (2368-2-son)

17.03.2018

Oʻzbekiston Respublikasi Ekologiya va atrof-muhitni muhofaza qilish davlat qoʻmitasi Oʻzbekiston Respublikasi Ichki ishlar vazirligining

Qarori

[Oʻzbekiston Respublikasi Adliya vazirligi tomonidan 2018-yil 17-martda roʻyxatdan oʻtkazildi, roʻyxat raqami 2368-2]

Oʻzbekiston Respublikasi Prezidentining 2017-yil 21-apreldagi PF-5024-son “Ekologiya va atrof-muhitni muhofaza qilish sohasida davlat boshqaruvi tizimini takomillashtirish toʻgʻrisida”gi va 2017-yil 1-iyundagi PF-5067-son “Davlat veterinariya xizmati boshqaruvi tizimini tubdan takomillashtirish chora-tadbirlari toʻgʻrisida”gi farmonlariga muvofiq Oʻzbekiston Respublikasi Ekologiya va atrof-muhitni muhofaza qilish davlat qoʻmitasi va Ichki ishlar vazirligi qaror qiladi:

1. Oʻzbekiston Respublikasi Tabiatni muhofaza qilish davlat qoʻmitasi va Ichki ishlar vazirligining 2012-yil 29-martdagi 3 va 9-son qarori (roʻyxat raqami 2368, 2012-yil 22-may) (Oʻzbekiston Respublikasi qonun hujjatlari toʻplami, 2012-y., 21-son, 240-modda) bilan tasdiqlangan Qarovsiz qolgan hayvonlarni otib tashlash tartibi toʻgʻrisidagi yoʻriqnomaga ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Ekologiya va atrof-muhitni muhofaza qilish davlat qoʻmitasi raisi B. KUChKAROV

Toshkent sh.,

2018-yil 19-fevral,

1-son

Ichki ishlar vaziri P. BOBOJONOV

Toshkent sh.,

2018-yil 19-fevral,

46-son

Oʻzbekiston Respublikasi Ekologiya va atrof-muhitni muhofaza qilish davlat qoʻmitasi va Ichki ishlar vazirligining 2018-yil 19-fevraldagi 1, 46-son qaroriga ILOVA

Qarovsiz qolgan hayvonlarni otib tashlash tartibi toʻgʻrisidagi yoʻriqnomaga kiritilayotgan oʻzgartirishlar

1. 4-banddagi “shahar va tuman davlat” degan soʻzlar “tumanlar (shaharlar)” degan soʻzlar bilan almashtirilsin.

2. 8-bandda:

“a” kichik band quyidagi tahrirda bayon etilsin:

“a) muayyan tumanlar (shaharlar) doirasida hayvonlarni otib tashlashga tayyorgarlik koʻrish va otish boʻyicha tadbirlarni amalga oshirishning aniq joylarini, yoʻnalishlarini, vaqti va tartibini belgilash uchun — ovchilik jamiyatlari xodimlari, havaskor ovchilar (ularning roziligi bilan), ekologiya va atrof-muhitni muhofaza qilish davlat inspektorlari va hayvonlarni tutish boʻlimi xodimlari;”;

“v” kichik bandning uchinchi xatboshisi quyidagi tahrirda bayon etilsin:

“tumanlar (shaharlar) veterinariya boʻlimlari xodimlari — hayvonlarni quturish joylarida, quturish kasalligi koʻp uchrashi xavfi boʻlgan epizootik hududlarda otib tashlash amalga oshirilayotganda kiritiladi.”

3. 9-bandning birinchi xatboshisidagi “Oʻzbekiston Ovchilar va baliqchilar sport jamiyatlari uyushmasining (bundan buyon matnda “Oʻzbekovchibaliqchi” uyushmasi deb yuritiladi)” degan soʻzlar “Oʻzbekiston ovchi va baliqchilar sport birlashmasining” degan soʻzlar bilan almashtirilsin.

4. 12-banddagi va 26-bandning oʻn ikkinchi xatboshisidagi “tabiatni muhofaza qilish” degan soʻzlar “ekologiya va atrof-muhitni muhofaza qilish” degan soʻzlar bilan almashtirilsin.

5. 25-bandning ikkinchi xatboshisidagi “shahar (tuman) davlat” degan soʻzlar “tumanlar (shaharlar)” degan soʻzlar bilan almashtirilsin.

6. 32-banddagi “tabiatni muhofaza qilish qoʻmitalari (Qoraqalpogʻiston Respublikasi Tabiatni muhofaza qilish davlat qoʻmitasi, viloyatlar va Toshkent shahar tabiatni muhofaza qilish qoʻmitalari)” degan soʻzlar “ekologiya va atrof-muhitni muhofaza qilish organlari (Qoraqalpogʻiston Respublikasi Ekologiya va atrof-muhitni muhofaza qilish qoʻmitasi, viloyatlar va Toshkent shahar ekologiya va atrof-muhitni muhofaza qilish boshqarmalari)” degan soʻzlar bilan almashtirilsin.

7. 42-banddagi “Oʻzbekovchibaliqchi” uyushmasining” degan soʻzlar “Oʻzbekiston ovchi va baliqchilar sport birlashmasining” degan soʻzlar bilan almashtirilsin.

8. 44-banddagi “Tabiatni muhofaza qilish davlat qoʻmitasi, Qishloq va suv xoʻjaligi vazirligi, Ichki ishlar vazirligi, “Oʻzbekovchibaliqchi” uyushmasi” degan soʻzlar “Ekologiya va atrof-muhitni muhofaza qilish davlat qoʻmitasi, Qishloq va suv xoʻjaligi vazirligi, Ichki ishlar vazirligi, Oʻzbekiston ovchi va baliqchilar sport birlashmasi” degan soʻzlar bilan almashtirilsin.

9. 47-banddagi “Davlat tabiatni muhofaza qilish qoʻmitasiga, Oʻzbekiston Respublikasi Ichki ishlar vazirligining Patrul-post xizmati va jamoat tartibini saqlash bosh boshqarmasiga, shuningdek ragʻbatlantirish choralarini koʻrish uchun “Oʻzbekovchibaliqchi” uyushmasiga” degan soʻzlar “Ekologiya va atrof-muhitni muhofaza qilish qoʻmitasiga, Oʻzbekiston Respublikasi Ichki ishlar vazirligining Patrul-post xizmati va jamoat tartibini saqlash bosh boshqarmasiga, shuningdek ragʻbatlantirish choralarini koʻrish uchun Oʻzbekiston ovchi va baliqchilar sport birlashmasiga” degan soʻzlar bilan almashtirilsin.

10. 48-bandning ikkinchi xatboshisidagi “Oʻzbekiston Respublikasi Davlat tabiatni muhofaza qilish qoʻmitasi, “Oʻzbekovchibaliqchi” uyushmasi” degan soʻzlar “Oʻzbekiston Respublikasi Ekologiya va atrof-muhitni muhofaza qilish davlat qoʻmitasi, Oʻzbekiston ovchi va baliqchilar sport birlashmasi” degan soʻzlar bilan almashtirilsin.

11. Mazkur oʻzgartirishlar Oʻzbekiston Respublikasi Qishloq va suv xoʻjaligi vazirligi, Sogʻliqni saqlash vazirligi, Moliya vazirligi, Fanlar akademiyasi, Oʻzbekiston ovchi va baliqchilar sport birlashmasi va Davlat veterinariya qoʻmitasi bilan kelishilgan.

Qishloq va suv xoʻjaligi vaziri Z. MIRZAYEV

2018-yil 31-yanvar

Sogʻliqni saqlash vaziri A. ShADMANOV

2018-yil 30-yanvar

Moliya vaziri D. KUChKAROV

2018-yil 29-yanvar

Fanlar akademiyasi prezidenti B. YULDASHEV

2018-yil 27-yanvar

Oʻzbekiston ovchi va baliqchilar sport birlashmasi raisi S. AYuPOV

2018-yil 26-yanvar

Davlat veterinariya qoʻmitasi raisi v.b. B. NORKOBILOV

2018-yil 25-yanvar