Guliston shahar mahalliy budjetining 2018-yilgi asosiy istiqbolli koʻrsatkichlari toʻgʻrisida (20/2-son)

31.12.2017

Guliston shahar hokimining

Qarori

Guliston shahar mahalliy budjetining 2018-yilgi asosiy istiqbolli koʻrsatkichlarini muhokama qilib, Oʻzbekiston Respublikasi “Mahalliy davlat hokimiyati toʻgʻrisida”gi Qonunining 24, 25-moddalariga binoan Xalq deputatlari shahar Kengashi qaror qiladi:

1. Guliston shahar mahalliy budjetining 2018-yilgi asosiy istiqbolli koʻrsatkichlari tasdiqlansin.

2. Shahar hokimining iqtisodiyot va tadbirkorlik masalalari boʻyicha birinchi oʻrinbosari U. Kamolov, shahar Davlat soliq inspeksiyasi (N. Shaydullayev) hamda shahar moliya boʻlimi (B. Xatamov) hududlarni kompleks rivojlantirish, jumladan sanoat va qishloq xoʻjaligi mahsulotlarini qayta ishlash tarmogʻini, kichik biznes va xususiy tadbirkorlikni qoʻllab-quvvatlash, xizmat koʻrsatish sohasini kengaytirish orqali mahalliy budjetlarning daromadlar bazasini oshirish yuzasidan aniq, manzilli chora-tadbirlar rejasini ishlab chiqish va ijrosini taʼminlash vazifasi yuklatilsin.

3. Shahar hokimligi asosiy eʼtiborni, birinchi darajali xarajatlar — ish haqi, ijtimoiy nafaqa va stipendiyalarni toʻliq moliyalashtirilishiga va oʻz vaqtida toʻlanishiga qaratib, ushbu masalalarga shahar Kengashi deputatlari, jamoatchilikni keng jalb etishni taʼminlasinlar.

4. 2018-yil budjetida ijtimoiy soha va aholini ijtimoiy qoʻllab-quvvatlash xarajatlari yetakchi oʻrinni egallab, ushbu sohalarga ajratilgan mablagʻlardan samarali foydalanish choralari koʻrilsin.

5. Shahar moliya boʻlimi (B. Xatamov), shahar gʻaznachilik boʻlimi (T. Ummatqulov) budjet mablagʻlarining maqsadli va samarali foydalanilishi ustidan nazoratni kuchaytirsin.

6. Mazkur qarorning ijrosini nazorat qilish Xalq deputatlari shahar Kengashining mahalliy budjetni shakllantirish va ijro etish, iqtisodiy islohotlarni amalga oshirish va tadbirkorlikni rivojlantirish masalalari boʻyicha doimiy komissiyasi raisi U. Toshboyevga yuklatilsin.

7. Mazkur qaror rasmiy nashrda eʼlon qilingan kundan eʼtiboran kuchga kiradi.

Kengashi raisi Sh. ISMATULLAYEV

Guliston sh.,

2017-yil 31-dekabr,

20/2-son