Soliq toʻlovchilarga nol darajali stavkani qoʻllash natijasida hosil boʻlgan qoʻshilgan qiymat soligʻining ortiqcha summasini soliq toʻlovchining bankdagi hisobvaragʻiga qaytarish tartibi toʻgʻrisidagi nizomga oʻzgartirishlar kiritish haqida (2775-1-son)

17.03.2018

Oʻzbekiston Respublikasi Moliya vazirligi Oʻzbekiston Respublikasi Davlat soliq qoʻmitasining

Qarori

[Oʻzbekiston Respublikasi Adliya vazirligi tomonidan 2018-yil 17-martda roʻyxatdan oʻtkazildi, roʻyxat raqami 2775-1]

Oʻzbekiston Respublikasining Soliq kodeksi, Oʻzbekiston Respublikasi “Davlat soliq xizmati toʻgʻrisida”gi Qonunining 7-moddasi, Oʻzbekiston Respublikasi Prezidentining 2017-yil 18-iyuldagi PF-5116-son “Soliq maʼmuriyatchiligini tubdan takomillashtirish, soliqlar va boshqa majburiy toʻlovlarning yigʻiluvchanligini oshirish chora-tadbirlari toʻgʻrisida”gi va 2017-yil 2-sentabrdagi PF-5177-son “Valyuta siyosatini liberallashtirish boʻyicha birinchi navbatdagi chora-tadbirlar toʻgʻrisida”gi farmonlari, Oʻzbekiston Respublikasi Vazirlar Mahkamasining 2016-yil 24-avgustdagi 275-son “Iqtisodiy faoliyat turlarini tasniflashning xalqaro tizimiga oʻtish chora-tadbirlari toʻgʻrisida”gi qaroriga muvofiq Oʻzbekiston Respublikasi Moliya vazirligi va Davlat soliq qoʻmitasi qaror qiladi:

1. Oʻzbekiston Respublikasi Moliya vazirligi va Davlat soliq qoʻmitasining 2016-yil 3-martdagi 10, 2016-06-son qarori (roʻyxat raqami 2775, 2016-yil 7-aprel) (Oʻzbekiston Respublikasi qonun hujjatlari toʻplami, 2016-y., 14-son, 135-modda) bilan tasdiqlangan Soliq toʻlovchilarga nol darajali stavkani qoʻllash natijasida hosil boʻlgan qoʻshilgan qiymat soligʻining ortiqcha summasini soliq toʻlovchining bankdagi hisobvaragʻiga qaytarish tartibi toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Moliya vaziri D. KUChKAROV

Toshkent sh.,

2018-yil 1-mart,

39-son

Davlat soliq qoʻmitasi raisi B. PARPIYEV

Toshkent sh.,

2018-yil 1-mart,

2018-22-son

Oʻzbekiston Respublikasi Moliya vazirligi va Davlat soliq qoʻmitasining 2018-yil 1-martdagi 39 va 2018-22-son qaroriga ILOVA

Soliq toʻlovchilarga nol darajali stavkani qoʻllash natijasida hosil boʻlgan qoʻshilgan qiymat soligʻining ortiqcha summani soliq toʻlovchining bankdagi hisob varagʻiga qaytarish tartibi toʻgʻrisidagi nizomga kiritilayotgan oʻzgartirishlar

1. Muqaddimadan “yozma” degan soʻz chiqarib tashlansin.

2. 4-bandda:

birinchi xatboshidan “yozma” degan soʻz chiqarib tashlansin;

ikkinchi xatboshidagi “yozma ariza” degan soʻzlar “ariza” degan soʻz bilan almashtirilsin.

3. 5-banddagi “yigirma kun” degan soʻzlar “oʻn besh ish kuni” degan soʻzlar bilan almashtirilsin.

4. 6-bandning birinchi xatboshisi quyidagi tahrirda bayon etilsin:

“6. Ushbu Nizomning 1-ilovasiga muvofiq shakldagi QQSning ortiqcha summasini soliq toʻlovchining bankdagi hisobvaragʻiga qaytarish toʻgʻrisidagi yozma shaklda yoki soliq toʻlovchining shaxsiy kabineti orqali elektron hujjat tarzida yuborilgan arizani (bundan buyon matnda ariza deb yuritiladi) soliq toʻlovchi tomonidan hududiy davlat soliq boshqarmasiga (bundan buyon matnda DSB deb yuritiladi) quyidagi hujjatlar uch nusxada ilova qilingan holda taqdim etiladi:”.

5. 7-bandda:

birinchi xatboshidagi “toʻrt” degan soʻz “uch” degan soʻz bilan almashtirilsin;

“g” kichik bandning birinchi xatboshisidagi “erkin muomaladagi” degan soʻzlar “milliy” degan soʻz bilan almashtirilsin.

6. 8-bandning ikkinchi xatboshisidagi “DSIga toʻrt nusxada” degan soʻzlar “DSBga uch nusxada” degan soʻzlar bilan almashtirilsin.

7. 9-bandda:

birinchi xatboshi chiqarib tashlansin;

ikkinchi va uchinchi xatboshilar tegishlicha birinchi va ikkinchi xatboshilar deb hisoblansin;

birinchi xatboshidagi “hujjatlar toʻplamiga DSI” degan soʻzlar “ariza va ilova qilinadigan hujjatlarga (bundan buyon matnda hujjatlar toʻplami deb yuritiladi) DSB” degan soʻzlar bilan almashtirilsin.

8. 10-banddagi “DSI” qisqartmasi “DSB” qisqartmasi bilan almashtirilsin.

9. 11-band quyidagi tahrirda bayon etilsin:

“11. Hujjatlarni Oʻzbekiston Respublikasi Davlat soliq qoʻmitasiga (bundan buyon matnda Davlat soliq qoʻmitasi deb yuritiladi) berishga qaror qabul qilinganda DSB soliq toʻlovchining arizasi olingan kundan boshlab 3 ish kunidan kechiktirmay:

soliq toʻlovchi tomonidan taqdim etilgan soliq toʻlovchining bank hisobvaragʻiga qaytariladigan QQSning ortiqcha summasi hisob-kitobining barcha nusxalarini tasdiqlaydi;

ushbu Nizomning 7-ilovasiga muvofiq shaklda QQSning ortiqcha summasini qaytarish toʻgʻrisidagi xulosani (bundan buyon matnda Xulosa deb yuritiladi) rasmiylashtiradi va uni keyinchalik koʻrib chiqish uchun Davlat soliq qoʻmitasiga taqdim etadi.

Davlat soliq qoʻmitasiga yuborilayotgan Xulosaga soliq toʻlovchi taqdim etgan hujjatlarning ikki nusxasi tegishli roʻyxat bilan birgalikda ilova qilinadi. Hujjatlarning bir nusxasi DSBda saqlash uchun qoldiriladi.

Bunda soliq toʻlovchidan hujjatlar toʻplamini qabul qilgan DSB Xulosaga ilova qilinayotgan hujjatlarning barcha nusxalarining aynan bir xilligi, shuningdek ularning butligi uchun javobgar hisoblanadi.”.

10. 12-band oʻz kuchini yoʻqotgan deb hisoblansin.

11. 13-bandda:

birinchi xatboshidagi “davlat soliq boshqarmasi tomonidan kelishilgan Xulosa olingan kundan boshlab 4 ish” degan soʻzlar “DSB tomonidan kelishilgan Xulosa olingan kundan boshlab 6 ish” degan soʻzlar bilan almashtirilsin;

ikkinchi xatboshidagi “davlat soliq boshqarmasi” degan soʻzlar “DSB” qisqartmasi bilan almashtirilsin.

12. 15-bandning ikkinchi xatboshisidagi “6” raqami “4” raqami bilan almashtirilsin.

13. 16-bandning ikkinchi xatboshisidagi “DSI” qisqartmasi “DSB” qisqartmasi bilan almashtirilsin.

14. 18-band quyidagi tahrirda bayon etilsin:

“18. Agar rad etish toʻgʻrisidagi qaror DSB tomonidan qabul qilingan boʻlsa, rad etish toʻgʻrisidagi xabarnoma soliq toʻlovchiga rad etish toʻgʻrisida qaror qabul qilingan kundan boshlab bir ish kuni mobaynida yuboriladi.

Agar rad etish toʻgʻrisidagi qaror Davlat soliq qoʻmitasi tomonidan qabul qilingan boʻlsa, rad etish toʻgʻrisidagi xabarnoma rad etish toʻgʻrisida qaror qabul qilingan kundan boshlab bir ish kuni mobaynida DSBga yuboriladi, DSB oʻz navbatida rad etish toʻgʻrisidagi xabarnomaning koʻchirma nusxasini olgan kundan boshlab bir ish kuni mobaynida uning koʻchirma nusxasini soliq toʻlovchiga yuboradi.

Agar rad etish toʻgʻrisidagi qaror Moliya vazirligi tomonidan qabul qilingan boʻlsa, Moliya vazirligi rad etish toʻgʻrisidagi xabarnomani rad etish toʻgʻrisida qaror qabul qilingan kundan boshlab bir ish kuni mobaynida Davlat soliq qoʻmitasiga yuboradi. Davlat soliq qoʻmitasi rad etish toʻgʻrisidagi xabarnomani olgan kundan boshlab bir ish kuni mobaynida uning koʻchirma nusxasini DSBga yuboradi, DSB oʻz navbatida rad etish toʻgʻrisidagi xabarnomaning koʻchirma nusxasini olgan kundan boshlab bir ish kuni mobaynida uning koʻchirma nusxasini soliq toʻlovchiga yuboradi.”.

15. 20-bandning ikkinchi xatboshisidagi “tegishli davlat soliq boshqarmasi va DSIni” degan soʻzlar “tegishli DSBni” degan soʻzlar bilan almashtirilsin.

16. 1-ilovaning 4-bandidagi “OKONX” qisqartmasi “IFUT” qisqartmasi bilan almashtirilsin.

17. 4, 4a, 4b va 5-ilovalardagi “DSI” qisqartmasi “DSB” qisqartmasi bilan almashtirilsin.

18. 6 va 7-ilovalar mazkur oʻzgartirishlarning 1 va 2-ilovalariga muvofiq tahrirda bayon etilsin.

Soliq toʻlovchilarga nol darajali stavkani qoʻllash natijasida hosil boʻlgan qoʻshilgan qiymat soligʻining ortiqcha summani soliq toʻlovchining bankdagi hisob varagʻiga qaytarish tartibi toʻgʻrisidagi nizomni tasdiqlash haqidagi qoʻshma qarori bilan tasdiqlangan nizomga kiritilayotgan oʻzgartirishlarga 1-ILOVA

“Soliq toʻlovchilarga nol darajali stavkani qoʻllash natijasida hosil boʻlgan qoʻshilgan qiymat soligʻining ortiqcha summani soliq toʻlovchining bankdagi hisob varagʻiga qaytarish tartibi toʻgʻrisidagi nizomga 6-ILOVA

Nol darajali stavkani qoʻllash natijasida hosil boʻlgan QQSni qaytarish uchun _________________________________________ taqdim (korxona nomi) qilingan hujjatlar toʻplamining TEXNIK YOʻNALISh QOGʻOZI T/r Idora (tashkilot)ning nomi Hujjat raqami va kelib tushish sanasi Hujjatlar toʻplamini qabul qilib oluvchi shaxsning lavozimi va F.I.O. Hujjatlar toʻplamini ijrochiga berish sanasi Hujjatlar toʻplamini olgan ijrochining F.I.O. va imzosi Hujjatlarni keyinchalik qayta ishlashga berish sanasi Hujjatlarni koʻrib chiqishning kechikish sababi 1. Davlat soliq boshqarmasi (3 ish kuni) 2. Davlat soliq qoʻmitasi (6 ish kuni) 3. Moliya vazirligi (6 ish kuni), shu jumladan: 3.1. Tarmoq boshqarmasi (4 ish kuni) 3.2. Oʻzbekiston Respublikasi Moliya vazirligi Gʻaznachiligi (2 ish kuni) ”.

Soliq toʻlovchilarga nol darajali stavkani qoʻllash natijasida hosil boʻlgan qoʻshilgan qiymat soligʻining ortiqcha summani soliq toʻlovchining bankdagi hisob varagʻiga qaytarish tartibi toʻgʻrisidagi nizomni tasdiqlash haqidagi qoʻshma qarori bilan tasdiqlangan nizomga kiritilayotgan oʻzgartirishlarga 2-ILOVA

“Soliq toʻlovchilarga nol darajali stavkani qoʻllash natijasida hosil boʻlgan qoʻshilgan qiymat soligʻining ortiqcha summani soliq toʻlovchining bankdagi hisob varagʻiga qaytarish tartibi toʻgʻrisidagi nizomni tasdiqlash haqidagi qoʻshma qarori bilan tasdiqlangan nizomga 7-ILOVA

(Qonun hujjatlari maʼlumotlari milliy bazasi, 17.03.2018-y., 10/18/2775-1/0915-son)