Kredit tashkilotlari tomonidan Kredit axborotining davlat reyestriga va kredit byurolariga kredit axborotini taqdim etish tartibi toʻgʻrisidagi nizomga oʻzgartirishlar kiritish haqida (2332-2-son)

16.03.2018

Oʻzbekiston Respublikasi Markaziy banki Boshqaruvining

Qarori

[Oʻzbekiston Respublikasi Adliya vazirligi tomonidan 2018-yil 16-martda roʻyxatdan oʻtkazildi, roʻyxat raqami 2332-2]

Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi, “Kredit axboroti almashinuvi toʻgʻrisida”gi qonunlariga va Oʻzbekiston Respublikasi Prezidentining 2018-yil 9-yanvardagi PF-5296-son “Oʻzbekiston Respublikasi Markaziy bankining faoliyatini tubdan takomillashtirish chora-tadbirlari toʻgʻrisida”gi Farmoniga muvofiq Oʻzbekiston Respublikasi Markaziy banki Boshqaruvi qaror qiladi:

1. Oʻzbekiston Respublikasi Markaziy banki Boshqaruvining 2012-yil 14-yanvardagi 1/4-son qarori (roʻyxat raqami 2332, 2012-yil 2-mart) (Oʻzbekiston Respublikasi qonun hujjatlari toʻplami, 2012-y., 8-9-son, 92-modda) bilan tasdiqlangan Kredit tashkilotlari tomonidan Kredit axborotining davlat reyestriga va kredit byurolariga kredit axborotini taqdim etish tartibi toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Markaziy bank raisi M. NURMURATOV

Toshkent sh.,

2018-yil 24-fevral,

7/3-son

Oʻzbekiston Respublikasi Markaziy banki Boshqaruvining 2018-yil 24-fevraldagi 7/3-son qaroriga ILOVA

Kredit tashkilotlari tomonidan Kredit axborotining davlat reyestriga va kredit byurolariga kredit axborotini taqdim etish tartibi toʻgʻrisidagi nizomga kiritilayotgan oʻzgartirishlar

1. 2-banddagi “Kredit axboroti milliy instituti (bundan buyon matnda KAMI deb yuritiladi)” degan soʻzlar “Kredit axborotining davlat reyestrini yuritish departamenti” degan soʻzlar bilan almashtirilsin.

2. 6-banddagi “KAMIga” qisqartmasi “Oʻzbekiston Respublikasi Markaziy bankining Kredit axborotining davlat reyestrini yuritish departamentiga” degan soʻzlar bilan almashtirilsin.

3. 16-banddagi “kredit axborotini KAMI va kredit byurolari tomonidan oʻzgartirish” degan soʻzlar “kredit axborotining Oʻzbekiston Respublikasi Markaziy bankining Kredit axborotining davlat reyestrini yuritish departamenti va kredit byurolari tomonidan oʻzgartirilishi” degan soʻzlar bilan almashtirilsin.