Iqtisodiyotning bazaviy tarmoqlarida debitorlik va kreditorlik qarzlarini qisqartirish va toʻlov intizomini mustahkamlashga doir qoʻshimcha chora-tadbirlar toʻgʻrisida (158-son)

02.03.2018

Oʻzbekiston Respublikasi Vazirlar Mahkamasining

qarori

Kimyo sanoati korxonalarini moliyaviy-iqtisodiy sogʻlomlashtirishni yanada taʼminlash va ularni davlat tomonidan qoʻllab-quvvatlash, shuningdek, toʻlov intizomini mustahkamlash, iqtisodiyotning bazaviy tarmoqlarida debitorlik va kreditorlik qarzlarini qisqartirish maqsadida Vazirlar Mahkamasi qaror qiladi:

1. Oʻzbekiston Respublikasi Prezidenti Sh.M. Mirziyoyev tomonidan 2017-yil 28-dekabrda oʻtkazilgan “Oʻzkimyosanoat” AJ korxonalarini davlat tomonidan qoʻllab-quvvatlash va moliyaviy-iqtisodiy sogʻlomlashtirishni taʼminlashga doir kechiktirib boʻlmaydigan chora-tadbirlar toʻgʻrisida”gi yigʻilish bayoniga muvofiq:

“Agrokimyohimoya” aksiyadorlik jamiyati va “Oʻzkimyosanoat” aksiyadorlik jamiyatining mineral oʻgʻitlar ishlab chiqaruvchi tashkilotlari oʻrtasidagi debitorlik va kreditorlik qarzlari inventarizatsiyadan oʻtkazilib, 2018-yil 1-yanvar holatiga 2 060,9 mlrd soʻm miqdoridagi oʻzaro hisob-kitoblar boʻyicha solishtirma dalolatnomalar rasmiylashtirildi;

iqtisodiyot bazaviy tarmoqlari tashkilotlarining 2018-yil 1-yanvar holatiga koʻra Oʻzbekiston Respublikasi Davlat budjeti (keyingi oʻrinlarda Davlat budjeti deb ataladi) oldidagi qarzdorligi doirasida Oʻzbekiston Respublikasi Moliya vazirligi tomonidan “Oʻzkimyosanoat” AJ tashkilotlari oldidagi tasdiqlangan qarzdorlikni soʻndirish uchun hududiy “Agrokimyohimoya” AJga 1 685,9 mlrd. soʻm miqdorida foizsiz ssuda ajratish yoʻli bilan iqtisodiyot bazaviy tarmoqlari tashkilotlari oʻrtasida mablagʻlar oʻtishining maqsadli sxemalari ishlab chiqilgan va tasdiqlangan;

Oʻzbekiston Respublikasi Moliya vazirligi tomonidan “Oʻzagrokimyohimoya” AJning buyurtmanomalari boʻyicha 2018-yil 23-yanvardan boshlab hududiy “Agrokimyohimoya” AJga milliy valyutada 262,1 mlrd. soʻmgacha transhlar boʻyicha jami 1 685,9 mlrd. soʻm miqdorida 15 yil muddatga, shu jumladan uch yillik imtiyozli davr bilan mablagʻlarning maqsadli oʻtish sxemalarini qoʻllagan holda foizsiz budjet ssudasi ajratildi.

2. Qayd etilsinki, 2018-yil 15-fevraldan keyin 2017-yil uchun yillik hisob-kitoblari taqdim etish natijalariga koʻra maqsadli sxemalar ishtirokchilarining 2018-yil 1-yanvar holatiga quyidagilar boʻyicha qarzdorligi yuzaga kelgan:

Oʻzbekiston Respublikasining mahalliy budjetlari va respublika budjeti daromadlari parametrlarida nazarda tutilgan, bir qismi mablagʻlar oʻtishining maqsadli sxemalarida 271,2 mlrd. soʻm miqdorida nazarda tutilgan Davlat budjeti oldidagi soliqlar;

davlat maqsadli jamgʻarmalariga, shu jumladan Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga, Oʻzbekiston Respublikasi Vazirlar Mahkamasi huzuridagi Respublika yoʻl jamgʻarmasiga, Oʻzbekiston Respublikasi Moliya vazirligi huzuridagi budjetdan tashqari Taʼlim va tibbiyot muassasalarining moddiy-texnika bazasini rivojlantirish jamgʻarmasiga 83,4 mlrd soʻm miqdoridagi ajratmalarga.

3. Oʻzbekiston Respublikasi Moliya vazirligi hududiy “Agrokimyohimoya” AJga 354,6 mlrd. soʻm miqdorida 15 yil muddatga, shu jumladan uch yillik imtiyozli davr bilan, keyinchalik ushbu summani Oʻzbekiston Respublikasi Davlat budjeti va davlat maqsadli jamgʻarmalari daromadlariga oʻtkazgan holda foizsiz budjet ssudasini ajratsin.

4. Oʻzbekiston Respublikasi Davlat soliq qoʻmitasi iqtisodiyot bazaviy tarmoqlarining tegishli tashkilotlari bilan birgalikda iqtisodiyot bazaviy tarmoqlari tashkilotlari oʻrtasida, shu jumladan tizim ichidagi tashkilotlar oʻrtasida toʻlovlar amalga oshirilishini nazarda tutuvchi, keyinchalik Oʻzbekiston Respublikasi Davlat budjeti va davlat maqsadli jamgʻarmalari daromadlariga oʻtkazilishini nazarda tutuvchi mablagʻlar oʻtishining maqsadli sxemalari tayyorlanishi va tasdiqlanishini taʼminlasin.

5. Belgilansinki:

foizsiz budjet ssudasidan mablagʻlarning oʻtkazilishi “23410” maxsus hisobvaragʻi orqali Oʻzbekiston Respublikasi Davlat budjetining daromadlari va xarajatlarida aks ettirilmasdan amalga oshiriladi, ushbu qarorning 3-bandiga muvofiq beriladigan budjet ssudasi bundan mustasno va davlat tomonidan toʻlovlar boʻyicha 2-sonli toʻlovlar boʻyicha toʻlov sxemalariga qatʼiy muvofiq majburiy yigʻish uchun foydalaniladi;

ushbu qarorning 3-bandiga muvofiq ajratiladigan foizsiz budjet ssudasidan mablagʻlari oʻtkazish Oʻzbekiston Respublikasi Davlat soliq qoʻmitasi tomonidan iqtisodiyotning bazaviy tarmoqlarining tegishli tashkilotlari bilan kelishilgan holda, Oʻzbekiston Respublikasi Davlat budjeti va davlat maqsadli jamgʻarmalarining daromadlarida aks ettirilgan mablagʻlari oʻtkazishning maqsadli sxemalari boʻyicha amalga oshiriladi. Koʻrsatilgan mablagʻlar 2-sonli kartoteka holatidan, sud qarorlari mavjudligidan va majburiy undirish boʻyicha toʻlov talablaridan qatʼi nazar, mablagʻlarni oʻtkazishning tasdiqlangan maqsadli sxemalariga qatʼiy muvofiq foydalaniladi;

“Oʻzbekenergo” AJ va “Oʻzbekneftgaz” AJ tashkilotlarining hisob raqamlariga pul mablagʻlarini oʻtkazishning maqsadli sxemalariga muvofiq kelib tushgan yuqorida koʻrsatilgan mablagʻlar summasidan qonun hujjatlarida belgilangan tartibda Oʻzbekiston Respublikasi Bosh prokuraturasi huzuridagi Majburiy ijro byurosiga chegirmalar undirilmaydi;

Mablagʻlaring tasdiqlangan maqsadli oʻtkazma sxemalari boʻyicha yuqorida koʻrsatilgan mablagʻlaring ishonchliligi va maqsadli sarflanishi uchun javobgarlik “Oʻzkimyosanoat” AJ, “Oʻzbekenergo” AJ, “Oʻzbekneftgaz” AJ, “Oʻzagrokimyohimoya” AJ va xizmat koʻrsatuvchi tijorat banklari rahbarlari zimmasiga yuklatildi.

6. “Oʻzagrokimyohimoya” aksiyadorlik jamiyati va Oʻzbekiston Respublikasi Qishloq xoʻjaligi vazirligi 2018-yil 15-martgacha boʻlgan muddatda qishloq xoʻjaligi mahsulotlari ishlab chiqaruvchilardan qarzdorlikni undirish jadvallari tasdiqlansin, bunda undirilgan summa Oʻzbekiston Respublikasi Moliya vazirligining “Agrokimyohimoya” hududiy aksiyadorlik jamiyatining Oʻzbekiston Respublikasi Moliya vazirligining foizsiz krediti boʻyicha qarzini toʻlash uchun sarflansin.

7. Mazkur qaroring ijrosini nazorat qilish Oʻzbekiston Respublikasi Bosh vazirining oʻrinbosari — moliya vaziri D.A. Qoʻchqorov, Oʻzbekiston Respublikasi Bosh vazirining oʻrinbosari — “Oʻzbekneftgaz” AJ boshqaruvi raisi A.S. Sultonov, Oʻzbekiston Respublikasi Bosh vazirining oʻrinbosari Z.T. Mirzayev, Oʻzbekiston Respublikasi moliya vazirining birinchi oʻrinbosari A.Ya. Haydarov va Oʻzbekiston Respublikasi Davlat soliq qoʻmitasi raisi B.R. Parpiyev.

Oʻzbekiston Respublikasining Bosh vaziri A. ARIPOV

Toshkent sh.,

2018-yil 2-mart,

158-son