Vinochilik sohasini va alkogolli mahsulotlarni realizatsiya qilishni tubdan takomillashtirish chora-tadbirlari toʻgʻrisida (PQ-3573-son)
28.02.2018
Oʻzbekiston Respublikasi Prezidentining
Qarori
Oʻtgan davr mobaynida xom ashyo bazasini yaratish va rivojlantirish, sifatli va raqobatbardosh vinochilik va alkogolli mahsulotlarni (keyingi oʻrinlarda alkogolli mahsulotlar deb yuritiladi) realizatsiya qilish, eksport salohiyatini oshirib borish, shuningdek, ushbu sohaga chet el investitsiyalarini jalb qilish boʻyicha salmoqli ishlar amalga oshirildi.
Shu bilan birga, tizimga oid bir qator muammolar va kamchiliklar sohaga alkogolli mahsulotlarni ishlab chiqarish, qayta ishlash va sotishning ilgʻor texnologiyalarini joriy etish, eksport salohiyatining barqaror oʻsishini taʼminlash, sohani boshqarishning samarali tizimini yaratish imkonini bermayapti, shu jumladan:
birinchidan, uzumning texnik navlari maydonlarining keskin qisqarib ketishi, ularni yetishtirish boʻyicha ilgʻor usullarning sust joriy etilishi, uzumzorlar hosildorligining pastligi, shuningdek, fermer xoʻjaliklarining yetarlicha manfaatdor boʻlmasligi vinochilik mahsulotlarini ishlab chiqarish hajmlari pasayib ketishi va qayta ishlash quvvatlaridan samarasiz foydalanishning tizimli sababiga aylandi;
ikkinchidan, oziq-ovqat etil spirti, pivo pishirish, likyor-aroq va boshqa alkogolli mahsulotlar ishlab chiqaruvchi korxonalarni yangilash va texnik jihatdan qayta qurollantirish boʻyicha qoʻllanayotgan texnologik siyosat samaradorligining past ekanligi, ularga mavjud muammolarni samarali hal etish, shuningdek, yangi ishlab chiqarish quvvatlarini yaratish va mavjudlarini modernizatsiya qilishda koʻmaklashish imkonini bermayapti;
uchinchidan, alkogolli mahsulotlarni ishlab chiqarish hajmlarini istiqbolli boshqarishning rejali metodi ishlab chiqaruvchilarga ishlab chiqarish hajmini sotish bozoridagi ishlarning amaldagi holatini hisobga olib mustaqil belgilash, shuningdek, eksport ulushini oshirish va milliy brendni xorijiy bozorlarga ilgari surish imkonini bermayapti;
toʻrtinchidan, alkogolli mahsulotlarni avtomatlashtirilgan nazorat qilish va hisobga olish tizimlari tatbiq etilishining past darajadaligi sifatsiz va sertifikatlashtirilmagan alkogolli mahsulotlar aylanmasi uchun shart-sharoitlar yaratmoqda;
beshinchidan, “Oʻzvinosanoat-xolding” AJ tarkibida sohaga oid boʻlmagan korxona va tashkilotlarning mavjudligi ortiqcha moliyaviy xarajatlarga, shuningdek, ularning sohadagi faoliyati samaradorligining kamayishiga olib kelmoqda;
oltinchidan, xalqaro hamkorlikning yetarlicha darajada boʻlmaganligi ishlab chiqarish siklini takomillashtirish uchun malakali xorijiy mutaxassislarni jalb etish, alkogolli mahsulotlarning marketing siyosatini va ularni brendlashtirishni kuchaytirish, yangi sotish bozorlariga olib chiqish imkoniyatlariga salbiy taʼsir koʻrsatmoqda.
Alkogolli mahsulotlarni ishlab chiqarish va realizatsiya qilishni tubdan takomillashtirish, sohani boshqarishning ilgʻor texnologiyalarini joriy etish, xorijiy investitsiyalarni jalb etish va korxonalarning eksport salohiyatini oshirish maqsadida, shuningdek, Oʻzbekiston Respublikasida Maʼmuriy islohotlar konsepsiyasiga muvofiq:
1. “Oʻzvinosanoat-xolding” AJ, Oʻzbekiston Respublikasi Iqtisodiyot vazirligi, Moliya vazirligi, Tashqi savdo vazirligi va Xususiylashtirilgan korxonalarga koʻmaklashish va raqobatni rivojlantirish davlat qoʻmitasining:
“Oʻzvinosanoat-xolding” AJ va uning Tiklanish va taraqqiyot jamgʻarmasini tegishlicha “Oʻzsharobsanoat” AJ va “Oʻzsharobsanoat” AJning Rivojlantirish jamgʻarmasi deb qayta nomlash;
“Vinagroimpeks” MCHJni oʻrnatilgan tartibda tugatish;
sohaga oid boʻlmagan korxonalarni “Oʻzsharobsanoat” AJ tarkibidan 1-ilovaga muvofiq chiqarish toʻgʻrisidagi takliflari qabul qilinsin.
2. Belgilab qoʻyilsinki:
2018-yilning 1-aprelidan vinochilik mahsulotlari uchun yaroqlilik muddatini belgilash toʻgʻrisidagi talab istisno etiladi va bunday mahsulot ishlab chiqaruvchilarga ularni saqlash muddatini mustaqil belgilash huquqi taqdim etiladi;
2018-yilning 1-iyulidan alkogolli mahsulotlarni ishlab chiqaruvchi korxonalarga oʻz vinochilik mahsulotlarini turistik yoʻnalishlarida tashkil etilgan zavodga tegishli degustatsiya hududlarida (joylarida) chakana realizatsiya qilish huquqi beriladi;
2019-yilning 1-yanvaridan tabiiy vinolar, vinomateriallar va konyak spirtini ishlab chiqarish, shuningdek, uzumni qayta ishlash boʻyicha faoliyatni uzumning meva beruvchi texnik navlarini yetishtirish boʻyicha 100 gektardan kam boʻlmagan plantatsiya maydoniga, shuningdek, vino-konyak mahsulotlarining saqlanishi va yetilishi uchun eman bochkalariga ega korxonalar, qonunchilikda nazarda tutilgan boshqa talablarga rioya qilgan holda, amalga oshirishlari mumkin;
2019-yilning 1-yanvaridan oʻz uzumzor plantatsiyalarining xom ashyosidan ishlab chiqarilgan tabiiy uzum vinolarini qishloq xoʻjaligi mahsuloti toifasiga kiritgan holda, ishlab chiqarish boʻyicha faoliyatni litsenziyalash bekor qilinadi. Bunda ushbu faoliyatga mazkur bandning toʻrtinchi xatboshi talablari tatbiq etilmaydi;
“Oʻzsharobsanoat” AJ Oʻzbekiston Respublikasi Vazirlar Mahkamasining Investitsiyalar, innovatsion rivojlantirish, erkin iqtisodiy va kichik sanoat zonalari faoliyatini muvofiqlashtirish masalalari kompleksi tarkibiga kiradi;
uzumning texnik navlarini yetishtirish uchun yer maydonlarini ajratish “Oʻzsharobsanoat” AJ va Oʻzbekiston Respublikasi Geologiya va mineral resurslar davlat qoʻmitasi bilan kelishilgan holda yuqori hosil olish uchun zarur boʻlgan tuproqning unumdorligi, suv bilan taʼminlash manbalarining mavjudligini hisobga olib amalga oshiriladi.
5. Etil spirti, alkogolli mahsulotlarni ishlab chiqarish, tamaki xom ashyosini fermentlash va tamaki mahsulotlari ishlab chiqarish faoliyatini litsenziyalash boʻyicha respublika komissiyasi 2018-yilning 1-apreligacha amaldagi litsenziya talablarini tanqidiy qayta koʻrib chiqish asosida alkogolli mahsulotlarni ishlab chiqarishni litsenziyalash tartibini takomillashtirish boʻyicha, shu jumladan oʻtkir alkogolli mahsulotlarni ishlab chiqarish boʻyicha mavjud boʻlgan yillik ishlab chiqarish quvvatlarini kamida 60 foiz ishlatish toʻgʻrisidagi talablar evaziga bunday mahsulotlar ishlab chiqarishni kvotalash tizimini joriy etish boʻyicha takliflar kiritsin.
6. Oʻzbekiston Respublikasi Geologiya va mineral resurslar davlat qoʻmitasi:
Oʻzbekiston Respublikasi Suv xoʻjaligi vazirligi bilan birgalikda istiqbolda uzumning texnik navlari plantatsiyalarini joylashtirish va ushbu hududlarda keyinchalik ishlab chiqarish obyektlarining faoliyatini yoʻlga qoʻyishni hisobga olgan holda suv bilan taʼminlashning aniq manbalarini aniqlasin;
uzumning texnik navlari plantatsiyalarining hududini sugʻorish uchun suv quduqlarini burgʻulash uchun ruxsatnoma berishga har tomonlama koʻmaklashsin.
7. Oʻzbekiston Respublikasi Prezidenti huzuridagi Loyiha boshqaruvi milliy agentligi Innovatsion rivojlanish vazirligi, Qishloq xoʻjaligi vazirligi, “Oʻzsharobsanoat” AJ, M. Mirzayev nomidagi Bogʻdorchilik, uzumchilik va vinochilik ilmiy-tadqiqot instituti, boshqa manfaatdor idoralar va muassasalar bilan birgalikda 2018-yilning 1-iyunigacha muddatda:
ekish materiallarining talabgir navlarini import qilish maqsadida, mahalliy tabiiy-iqlim va boshqa shart-sharoitlarni hisobga olgan holda, uzumning mashhur texnik navlarini yetishtirish va koʻpaytirish sohasida xorijiy mamlakatlarning ilgʻor tajribasidan, shu jumladan joyiga chiqib oʻrgansin;
oʻrganish yakunlari boʻyicha uzumning mashhur texnik navlarini yetishtirish va koʻpaytirish, shuningdek, respublika hududida ekish materiallarining mashhur navlarini ekish boʻyicha zamonaviy ishlab chiqarish kompleksini yoʻlga qoʻyish boʻyicha aniq takliflarni Maxsus komissiyaga kiritsin.
8. Oʻzbekiston Respublikasi Tashqi ishlar vazirligi va “Oʻzsharobsanoat” AJ davlat ichki tartibotlarni tezlashtirish boʻyicha chora-tadbirlarni amalga oshirsin va 2018-yilning 1-mayigacha muddatda Oʻzbekiston Respublikasining Xalqaro vinochilik va uzumchilik tashkilotiga kirish uchun buyurtmasi berilishini taʼminlasin.
9. Amaliyotga:
mamlakatda akkreditatsiyadan oʻtgan diplomatik vakolatxonalar, xorijiy turistlar, turli mamlakatlarning vinochilik sohasi vakillari, ekspert va mutaxassislarni keng jalb qilgan holda har yili respublikada vino festivali va Xalqaro degustatsiya tanlovi oʻtkazilishi;
mahalliy vinochilik mahsulotlarining koʻrgazma-yarmarkalarini xorijiy mamlakatlarda muntazam ravishda oʻtkazilishi joriy etilsin.
“Oʻzsharobsanoat” AJ bir oy muddatda 2018-yilda Toshkent shahrida vino festivali va Xalqaro degustatsiya tanlovi oʻtkazilishi toʻgʻrisida Hukumat qarori loyihasini Oʻzbekiston Respublikasi Vazirlar Mahkamasiga kiritsin.
10. Oʻzbekiston Respublikasi Tashqi ishlar vazirligi, Tashqi savdo vazirligi doimiy asosda “Oʻzsharobsanoat” AJga:
mamlakatda akkreditatsiyadan oʻtgan diplomatik vakolatxonalar, xalqaro tashkilotlar, xorijiy kompaniyalar va muassasalarni keng jalb etgan holda har yili vino festivali va Xalqaro degustatsiya tanlovi oʻtkazishda;
mahalliy vinochilik mahsulotlarining koʻrgazma-yarmarkalarini xorijiy mamlakatlarda oʻtkazishda koʻmaklashsin.
11. “Oʻzsharobsanoat” AJ:
ishlab chiqarish siklini takomillashtirish, marketing siyosatini kuchaytirish va alkogolli mahsulotlarni brendlash, ularni yangi sotish bozorlariga olib chiqish uchun yuqori malakali xorijiy mutaxassislarni jalb etish;
mavjud vinochilik bazasida ikkilamchi mahsulotlarni ishlab chiqarishni (uzum yogʻi, oziq-ovqat boʻyoqlari va boshqa turdagi mahsulotlar) chuqur qayta ishlashni joriy etish;
“Oʻzsharobsanoat” AJ vino-konyak korxonalarida vinolar va konyaklarning sifatini yanada yaxshilash va eksport qiymatini oshirish, shuningdek, vino materiallarini saqlash uchun zanglamaydigan poʻlatdan sigʻimlar ishlab chiqarish maqsadida ular yetilishiga joylashtirish uchun eman sigʻimlar parkini yaratish boʻyicha choralar koʻrsin.
12. Quyidagilar:
vinochilik korxonalari Oʻzbekiston Respublikasida yetarli hajmlarda ishlab chiqarilmaydigan, vinochilik mahsulotlarini ishlab chiqarish uchun olib kelinadigan va foydalaniladigan materiallar, xom ashyo, oʻsimliklarni himoya qilish vositalari va buyumlar belgilangan tartibda tasdiqlanadigan roʻyxat asosida olib kirilishi uchun 2025-yilning 1-yanvariga qadar bojxona toʻlovlarini (qoʻshilgan qiymat soligʻi va bojxona yigʻimlaridan tashqari) toʻlashdan ozod etilsin.
13. “Oʻzsharobsanoat” AJ zimmasiga oziq-ovqat etil spirti, pivo pishirish, likyor-aroq, vinochilik va boshqa alkogolli mahsulotlarni ishlab chiqaruvchi korxonalarni modernizatsiya qilish va qayta texnik jihozlash boʻyicha koʻmaklashish yuklatilsin.
14. Belgilab qoʻyilsinki:
2019-yilning 1-yanvaridan boshlab pivo pishirish mahsulotlari ishlab chiqaruvchi korxonalar oʻrnatilgan tartibda “Oʻzsharobsanoat” AJ tarkibiga shartnoma asosida uyushgan aʼzolar sifatida kiritilishi mumkin;
“Oʻzsharobsanoat” AJ oʻz ulushi bilan ishtirok etadigan tijorat tashkilotlari faqat jamiyat kuzatuv kengashining qarori asosida aksiyadorlik jamiyati yoki masʼuliyati cheklangan jamiyat shaklida tashkil etiladi;
“Oʻzsharobsanoat” AJ korxonalari tomonidan alkogolli mahsulotlarni ishlab chiqarish hajmlarini rejalashtirish jamiyat aksiyadorlarining umumiy yigʻilishi qarori asosida, talab va taklif konyunkturasi tahlili, tayyor mahsulot qoldiqlari, shuningdek, tarmoqni rivojlantirish konsepsiyasini hisobga olib amalga oshiriladi.
15. “Oʻzsharobsanoat” AJ tashkiliy tuzilmasi, shuningdek, boshqaruv xodimlarining cheklangan soni 74 nafar boʻlgan uning ijro apparati tuzilmasi 4 va 5-ilovalarga muvofiq maʼqullansin.
“Oʻzsharobsanoat” AJ boshqaruvi raisiga zarur hollarda boshqaruv xodimlarining belgilangan soni doirasida ijro apparati tuzilmasiga oʻzgartirish kiritish huquqi berilsin.
16. Belgilab qoʻyilsinki, “Oʻzsharobsanoat” AJ boshqaruvining raisi va uning oʻrinbosarlari jamiyat aksiyadorlarining umumiy yigʻilishi tomonidan saylanadi, lavozimiga Oʻzbekiston Respublikasi Prezidenti bilan kelishgan holda Oʻzbekiston Respublikasi Vazirlar Mahkamasi tomonidan tasdiqlanadi.
17. Oliy va oʻrta maxsus taʼlim vazirligi, Qishloq xoʻjaligi vazirligi, Iqtisodiyot vazirligi, “Oʻzsharobsanoat” AJ Oʻzbekiston Respublikasi Tashqi ishlar vazirligi bilan birgalikda ikki oy muddat ichida Oʻzbekiston Respublikasi Vazirlar Mahkamasiga Toshkent kimyo-texnologiya institutida 2018/2019 oʻquv yilidan boshlab vinochilik sohasi uchun oliy malakali kadrlarni tayyorlovchi fakultetni tuzish va uning faoliyatini tashkil etish boʻyicha takliflar kiritsin.
18. Belgilab qoʻyilsinki, kasb-hunar kollejlari oʻquvchilari, oliy taʼlim muassasalari talabalari vinochilik sohasida mutaxassislik yoʻnalishlari boʻyicha amaliyotni tizimli asosda bevosita ishlab chiqarish va oʻzga korxonalarda, shu jumladan “Oʻzsharobsanoat” AJda oʻtaydilar.
19. “Oʻzsharobsanoat” AJning oʻz mablagʻlari hisobidan Toshkent kimyo-texnologiya instituti huzurida Vinochilik sohasida mutaxassislarning malakasini oshirish va ularni qayta tayyorlash markazini tashkil etish toʻgʻrisidagi taklifiga rozilik berilsin, uning asosiy vazifalari etib quyidagilar belgilansin:
fan va texnikaning zamonaviy yutuqlaridan, axborot-kommunikatsiya texnologiyalaridan foydalangan holda, taʼlimning samarali interaktiv uslublarini qoʻllab vinochilik korxonalari xodimlarining bilim va koʻnikmalari darajasini oshirish;
vinochilik iqtisodiyotning ustuvor yoʻnalishi hisoblangan xorijiy mamlakatlarning vinochilik korxonalari ish tajribasi bilan tanishtirish, shu jumladan u yerda mamlakat mutaxassislarining tajriba oʻrganishini tashkil etish, vinochilik sohasini rivojlantirish uchun malakali xorijiy ekspertlarni jalb etish;
vinochilik sohasida kadrlarni qayta tayyorlash va ularning malakasini oshirishda mahalliy va xorijiy ilmiy-tadqiqot, taʼlim va boshqa muassasalar bilan yaqindan hamkorlikni yoʻlga qoʻyish, innovatsion yondashuvlar asosida vinochilik sohasi xodimlari uchun birgalikdagi oʻquv mashgʻulotlari va kurslari oʻtkazilishini tashkil etish.
20. 2020-yilning 1-yanvaridan barcha alkogolli mahsulotlar ishlab chiqaruvchilar, ularni ishlab chiqarish hajmlari (turi, nomi va boshqa maʼlumotlar) toʻgʻrisida hamda “ishlab chiqaruvchi — ulgurji sotuvchi — chakana sotuvchi — isteʼmolchi” halqasi asosida realizatsiya qilinishi toʻgʻrisida batafsil axborotni oʻzida jamlagan alkogolli mahsulotlar harakatini nazorat qilish va hisobga olishning axborot tizimi (keyingi oʻrinlarda — axborot tizimi) tuzilsin va joriy etilsin, bunda quyidagilar koʻzda tutilsin:
axborot tizimi “UZINFOCOM davlat axborot tizimlarini yaratish va quvvatlab turish boʻyicha yagona integrator” tomonidan ishlab chiqilishi;
axborot tizimi ishlab chiqilishini moliyaviy taʼminlash manbalari — 50 foizi Axborot-kommunikatsiya texnologiyalarini rivojlantirish jamgʻarmasi va 50 foizi “Oʻzsharobsanoat” AJ Rivojlantirish jamgʻarmasi mablagʻlari;
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Iqtisodiyot vazirligi, Davlat soliq qoʻmitasi, “Oʻzstandart” agentligi, “Oʻzsharobsanoat” AJ, boshqa manfaatdor vazirliklar va idoralar mutaxassislaridan iborat axborot tizimi yaratilishi va joriy etilishini muvofiqlashtirish boʻyicha idoralararo ishchi guruhini shakllantirish.
Axborot tizimiga ulanishning oxirgi muddatlari quyidagicha belgilansin:
“Oʻzsharobsanoat” AJ ulushi 51 foiz va undan koʻproqni tashkil qiluvchi alkogolli mahsulotlarni ishlab chiqaruvchi korxonalar uchun — 2022-yilning 1-yanvarigacha;
alkogolli mahsulotlarni ishlab chiqaruvchi boshqa korxonalar uchun — 2022-yilning 1-iyunigacha;
“Sharobsavdo” ixtisoslashgan ulgurji savdo bazalari uchun — 2022-yilning 1-oktabrigacha;
alkogolli mahsulotlarning chakana savdosi bilan shugʻullanuvchi yuridik shaxslar uchun — 2022-yilning 1-dekabrigacha.
21. Oʻzbekiston Respublikasi Davlat soliq qoʻmitasi va Bosh prokuraturasi huzuridagi Iqtisodiy jinoyatlarga qarshi kurashish departamenti korxonalarning axborot tizimiga oʻz vaqtida va toʻliq ulanishi ustidan tizimli nazoratni amalga oshirsin.
22. Oʻzbekiston Respublikasi Vazirlar Mahkamasi 2018-yilning 1-iyunigacha muddatda:
xorijiy amaliyot va alkogolli mahsulotlar bozorining amaldagi konyunkturasini hisobga olgan holda, shuningdek, “Sharobsavdo” ixtisoslashgan ulgurji savdo bazalarining faoliyatini tanqidiy oʻrganish natijalari boʻyicha alkogolli mahsulotlarni realizatsiya qilishning bozor mexanizmlarini kengaytirish boʻyicha, shu jumladan ishlab chiqaruvchilarga oʻzlarining mahsulotlarini ularga tegishli boʻlgan firma doʻkonlari hamda ushbu mahsulotlarning ulgurji savdosi bilan shugʻullanayotgan boshqa yuridik shaxslarga realizatsiya qilish huquqini berish orqali takliflar kiritsin;
“Oʻzsharobsanoat” AJ Rivojlanish fondi va homiylar mablagʻlari hisobidan 2018 — 2023-yillar uchun xorijiy mamlakatlarning yetakchi taʼlim va ilmiy muassasalarida vinochilik va uzumchilik sohasida kadrlarni tayyorlash, qayta tayyorlash va ularning malakasini oshirish boʻyicha Dastur kiritsin, bunda tayyorlash, qayta tayyorlash va malakani oshirish kurslarini tugatgandan soʻng mutaxassislar uchun mehnat faoliyatini “Oʻzsharobsanoat” AJ korxonalarida davom ettirish boʻyicha majburiyatlar belgilab qoʻyilsin;
xorijiy mamlakatlarning ilgʻor tajribasini hisobga olgan holda vinochilik mahsulotlarini reklama qilishda cheklovlarni qayta koʻrib chiqish boʻyicha takliflar kiritsin;
alkogolli mahsulotlarni ishlab chiqarish boʻyicha korxonalarda moliyaviy inspektorlarning faoliyati tanqidiy oʻrganilishini tashkil etsin, bunda ularning faoliyati samaradorligini oshirish boʻyicha taʼsirchan choralarni koʻrsin;
“Oʻzsharobsanoat” AJ korxonalari tomonidan energiyaning muqobil manbalaridan foydalanishni rivojlantirish va kengaytirish Dasturini tasdiqlasin.
23. Hisob palatasi “Oʻzsharobsanoat” AJ, Iqtisodiyot vazirligi, Moliya vazirligi, Bandlik va mehnat munosabatlari vazirligi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi bilan birgalikda 2018-yilning 1-avgustiga qadar “Oʻzsharobsanoat” AJ korxonalarining bandligi, shtat birliklari, xarajatlarning oqilonaligi, tashkiliy tuzilmalarini tanqidiy oʻrgansin hamda ularni maqbullashtirish va xarajatlarni kamaytirish, mehnat unumdorligini va ishlab chiqarishning rentabelligini yaxshilash maqsadida faoliyat samaradorligini yanada oshirish boʻyicha Oʻzbekiston Respublikasi Vazirlar Mahkamasiga takliflar kiritsin.
25. Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti ikki oy muddatda taʼlim, sport muassasalari va diniy muassasalardan besh yuz metrdan kam radiusda alkogolli va tamaki mahsulotlarini realizatsiya qilayotgan subyektlarni aniqlash boʻyicha chakana savdo obyektlarini inventarizatsiyadan oʻtkazsin.
26. Qoraqalpogʻiston Respublikasi Vazirlar Kengashi Raisi, viloyat hokimlari “Oʻzsharobsanoat” AJga mazkur qarorda nazarda tutilgan chora-tadbirlarni amalga oshirishda har tomonlama koʻmaklashsin.
27. “Oʻzsharobsanoat” AJ Adliya vazirligi va boshqa manfaatdor idoralar bilan birgalikda bir oy muddat ichida qonunchilikka mazkur qarordan kelib chiqadigan oʻzgartirish va qoʻshimchalar toʻgʻrisida takliflarni Oʻzbekiston Respublikasi Vazirlar Mahkamasiga kiritsin.
28. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari S.R. Xolmurodov, Oʻzbekiston Respublikasi Prezidenti Davlat maslahatchisining birinchi oʻrinbosari B.M. Mavlonov va Oʻzbekiston Respublikasi Bosh prokurori O.B. Murodov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 28-fevral,
PQ-3573-son
Oʻzbekiston Respublikasi Prezidentining 2018-yil 28-fevraldagi PQ-3573-son qaroriga 1-ILOVA
“Oʻzsharobsanoat” AJ tarkibidan chiqarilayotgan korxonalar
ROʻYXATI
Oʻzbekiston Respublikasi Prezidentining 2018-yil 28-fevraldagi PQ-3573-son qaroriga 4-ILOVA
“Oʻzsharobsanoat” AJ
TASHKILIY TUZILMASI
Jami korxona va tashkilotlar — 715
Oʻzbekiston Respublikasi Prezidentining 2017-yil 28-fevralidagi PQ-3573-son qaroriga 5-ILOVA
“Oʻzsharobsanoat” AJ ijro etuvchi apparati
TUZILMASI
Boshqaruv xodimlarining umumiy cheklangan soni — 74 nafar.