“Bozorlarda va savdo shoxobchalarida goʻsht mahsulotlarini sotishga qoʻyiladigan talablar toʻgʻrisidagi yoʻriqnomani tasdiqlash haqida”gi qaror, shuningdek unga oʻzgartirishlarni oʻz kuchini yoʻqotgan deb topish toʻgʻrisida (1610-2-son)

27.02.2018

Oʻzbekiston Respublikasi Davlat veterinariya qoʻmitasi Oʻzbekiston Respublikasi Sogʻliqni saqlash vazirligi Oʻzbekiston Respublikasi “Oʻzstandart” agentligining

Qarori

[Oʻzbekiston Respublikasi Adliya vazirligi tomonidan 2018-yil 27-fevralda roʻyxatdan oʻtkazildi, roʻyxat raqami 1610-2]

Oʻzbekiston Respublikasining “Veterinariya toʻgʻrisida”gi va “Tadbirkorlik faoliyati sohasidagi ruxsat berish tartib-taomillari toʻgʻrisida”gi Qonunlari va Vazirlar Mahkamasining 2017-yil 15-martdagi 139-son “Davlat veterinariya xizmati tizimidagi ruxsat etish xususiyatiga ega hujjatlarni berish tartib-taomillaridan oʻtish tartibi toʻgʻrisidagi nizomlarni tasdiqlash haqida”gi qaroriga muvofiq Oʻzbekiston Respublikasi Davlat veterinariya qoʻmitasi, Sogʻliqni saqlash vazirligi va “Oʻzstandart” agentligi qaror qiladi:

1. Ayrim idoraviy normativ-huquqiy hujjatlar ilovaga muvofiq oʻz kuchini yoʻqotgan deb topilsin.

2. Mazkur qaror Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi bilan kelishilgan.

3. Mazkur qaror rasmiy eʼlon qilingan kundan eʼtiboran kuchga kiradi.

Davlat veterinariya qoʻmitasi raisi v.b. B. NORQOBILOV

Toshkent sh.,

2018-yil 22-fevral,

22-son

Sogʻliqni saqlash vaziri A. ShADMANOV

Toshkent sh.,

2018-yil 22-fevral,

5-son

“Oʻzstandart” agentligi bosh direktori A. KARIMOV

Toshkent sh.,

2018-yil 22-fevral,

K-2-son

Kelishildi:

Xususiylashtirilgan korxonalarga koʻmaklashish va raqobatni rivojlantirish davlat qoʻmitasi raisi R. GULYAMOV

2018-yil 22-fevral

Oʻzbekiston Respublikasi Davlat veterinariya qoʻmitasi, Sogʻliqni saqlash vazirligi hamda “Oʻzstandart” agentligining 2018-yil 22-fevraldagi 22, 5 va K-2-son qaroriga ILOVA

Oʻz kuchini yoʻqotgan deb topilayotgan idoraviy normativ-huquqiy hujjatlar

ROʻYXATI

1. Oʻzbekiston Respublikasi Qishloq va suv xoʻjaligi vazirligi, Sogʻliqni saqlash vazirligi hamda “Oʻzstandart” agentligining 2006-yil 13-iyuldagi 6/2, 4 va 255-son “Bozorlarda va savdo shoxobchalarida goʻsht mahsulotlarini sotishga qoʻyiladigan talablar toʻgʻrisidagi yoʻriqnomani tasdiqlash haqida”gi qarori (roʻyxat raqami 1610, 2006-yil 10-avgust) (Oʻzbekiston Respublikasi qonun hujjatlari toʻplami, 2006-y., 31-32-son, 328-modda).

2. Oʻzbekiston Respublikasi Qishloq va suv xoʻjaligi vazirligi, Sogʻliqni saqlash vazirligi hamda “Oʻzstandart” agentligining 2013-yil 25-martdagi 3/1, 11 va 105-son “Bozorlarda va savdo shoxobchalarida goʻsht mahsulotlarini sotishga qoʻyiladigan talablar toʻgʻrisidagi yoʻriqnomaga oʻzgartirishlar kiritish haqida”gi qarori (roʻyxat raqami 1610-1, 2013-yil 22-aprel) (Oʻzbekiston Respublikasi qonun hujjatlari toʻplami, 2013-y., 17-son, 226-modda).