Sotsial va ijtimoiy ahamiyatga molik loyihalarni amalga oshirish uchun davlat organlari tomonidan davlat ijtimoiy buyurtmasi berish tartibi toʻgʻrisidagi nizomni tasdiqlash haqida (135-son)

22.02.2018

Oʻzbekiston Respublikasi Vazirlar Mahkamasining

qarori

Oʻzbekiston Respublikasining “Nodavlat notijorat tashkilotlari faoliyatining kafolatlari toʻgʻrisida”gi, “Ijtimoiy sheriklik toʻgʻrisida”gi qonunlariga muvofiq hamda davlat organlarining nodavlat notijorat tashkilotlari va fuqarolik jamiyatining boshqa institutlari bilan hamkorligini yanada kuchaytirish maqsadida Vazirlar Mahkamasi qaror qiladi:

1. Sotsial va ijtimoiy ahamiyatga molik loyihalarni amalga oshirish uchun davlat organlari tomonidan davlat ijtimoiy buyurtmasi berish tartibi toʻgʻrisida nizom ilovaga muvofiq tasdiqlansin.

2. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

3. Mazkur qarorning bajarilishini nazorat qilish Vazirlar Mahkamasining Madaniyat, sanʼat va yoshlar siyosati masalalari axborot-tahlil departamentiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2018-yil 22-fevral,

135-son

Vazirlar Mahkamasining 2018-yil 22-fevraldagi 135-son qaroriga ILOVA

Sotsial va ijtimoiy ahamiyatga molik loyihalarni amalga oshirish uchun davlat organlari tomonidan davlat ijtimoiy buyurtmasi berish tartibi toʻgʻrisida

NIZOM

1-bob. Umumiy qoidalar

1. Ushbu Nizom sotsial va ijtimoiy ahamiyatga molik loyihalarni amalga oshirish uchun davlat organlari tomonidan nodavlat notijorat tashkilotlari va fuqarolik jamiyatining boshqa institutlariga (keyingi oʻrinlarda nodavlat notijorat tashkilotlari deb ataladi) davlat ijtimoiy buyurtmasi berish tartibini belgilaydi.

2. Ushbu Nizom qoidalari davlat organlarining sotsial va ijtimoiy ahamiyatga molik loyihalarni amalga oshirish uchun nodavlat notijorat tashkilotlariga budjetdan tashqari mablagʻlar hisobidan bevosita davlat ijtimoiy buyurtmasi berishi bilan bogʻliq munosabatlarga nisbatan tatbiq etiladi.

3. Ushbu Nizomda quyidagi asosiy tushunchalar qoʻllaniladi:

davlat ijtimoiy buyurtmasi — sotsial va ijtimoiy ahamiyatga molik loyihalarni amalga oshirish uchun davlat organi hamda nodavlat notijorat tashkilotlari oʻrtasida davlat ijtimoiy buyurtmasi amalga oshirish shartnomasini tuzish orqali ishlarni bajarish yoki tadbirlar oʻtkazishga qaratilgan davlat topshirigʻi;

sotsial va ijtimoiy ahamiyatga molik loyiha (keyingi oʻrinlarda loyiha deb ataladi) — sotsial va ijtimoiy foydali maqsadlarga erishishga qaratilgan hamda davlat ijtimoiy buyurtmasi amalga oshirish shartnomasida belgilangan muddatlarda bajariladigan tashkiliy, iqtisodiy va boshqa shakldagi chora-tadbirlar majmuini oʻz ichiga olgan loyiha;

davlat ijtimoiy buyurtmalarini berish boʻyicha tanlov (keyingi oʻrinlarda tanlov) — sotsial va ijtimoiy ahamiyatga molik loyihalarni amalga oshirish uchun talabgor sifatida ishtirok etayotgan bir nechta nodavlat notijorat tashkilotlaridan olingan takliflarni taqqoslash asosida davlat ijtimoiy buyurtmasini berishning raqobatli usuli;

maxsus axborot portali — vakolatli organ tomonidan yuritiladigan, davlat xaridlari amalga oshirilishi toʻgʻrisidagi eʼlonlar, davlat xaridlarining yakunlari, ishtirokchilarning takliflari haqidagi axborotni va qonunchilikda nazarda tutilgan boshqa axborotni elektron shaklda koʻzdan kechirishni, shuningdek, amalga oshirilgan elektron davlat xaridlari toʻgʻrisida davlat xaridlari elektron tizimlarining operatorlari tomonidan kiritiladigan (yuboriladigan) axborotni toʻplashni taʼminlovchi veb-sayt;

davlat ijtimoiy buyurtmasini amalga oshirish shartnomasi (keyingi oʻrinlarda — shartnoma) — davlat ijtimoiy buyurtmasini beruvchi davlat organi va nodavlat notijorat tashkiloti oʻrtasida tuziladigan bitim;

manfaatlar toʻqnashuvi — davlat organlari huzuridagi jamoatchilik kengashlari aʼzolarining shaxsiy (bevosita yoki bilvosita) manfaatdorligi ularning oʻz lavozim yoki xizmat majburiyatlarini lozim darajada bajarishiga taʼsir koʻrsatayotgan yoxud taʼsir koʻrsatishi mumkin boʻlgan hamda shaxsiy manfaatdorlik bilan fuqarolar, tashkilotlar, jamiyat yoki davlatning huquqlari, qonuniy manfaatlari oʻrtasida qarama-qarshilik yuzaga kelayotgan (mavjud manfaatlar toʻqnashuvi) yoki yuzaga kelishi mumkin boʻlgan (ehtimoliy manfaatlar toʻqnashuvi) vaziyat.

4. Davlat ijtimoiy buyurtmasi quyidagi yoʻnalishlar boʻyicha amalga oshiriladi:

taʼlim, ilm-fan, madaniyat, jismoniy tarbiya va sport sohalarida muayyan natijaga erishish;

aholining salomatligini muhofaza qilish, sogʻlom turmush tarzini targʻib qilish;

atrof-muhitni muhofaza qilish;

yoshlar siyosati va bolalar tashabbuslarini qoʻllab-quvvatlash;

aholining ijtimoiy zaif qatlamlarini qoʻllab-quvvatlash;

bolalar va koʻp bolali oilalarni qoʻllab-quvvatlash;

aholini ish bilan taʼminlashga koʻmaklashish;

tarixiy-madaniy merosni muhofaza qilish.

Davlat ijtimoiy buyurtmasi qonunchilik hujjatlarida taqiqlanmagan sotsial va ijtimoiy ahamiyatga molik boʻlgan boshqa yoʻnalishlar boʻyicha ham amalga oshirilishi mumkin.

41. Davlat organlariga nodavlat notijorat tashkilotlaridan kelib tushgan loyihalarni koʻrib chiqish, umumlashtirish, baholash hamda nodavlat notijorat tashkilotlari tomonidan davlat ijtimoiy buyurtmasini bajarish natijalarining samaradorli aniqlash davlat organlari huzuridagi jamoatchilik kengashlari (keyingi oʻrinlarda — jamoatchilik kengashi) tomonidan aniqlanadi.

Davlat organlari tomonidan har yili sotsial va ijtimoiy ahamiyatga molik loyihalarni amalga oshirish uchun nodavlat notijorat tashkilotlariga budjetdan tashqari mablagʻlar hisobidan bevosita davlat ijtimoiy buyurtmasini berish boʻyicha tanlovlar tashkil etiladi hamda oʻzining budjetdan tashqari mablagʻlari xarajatlari smetasida bevosita davlat ijtimoiy buyurtmasini berish uchun ajratiladigan mablagʻlar miqdori nazarda tutiladi.

Davlat organi tomonidan bitta davlat ijtimoiy buyurtmasini bajarish uchun bazaviy hisoblash miqdorining olti ming baravarigacha boʻlgan miqdorda mablagʻlar ajratilishi mumkin.

4-bob. Tanlov oʻtkazish orqali davlat ijtimoiy buyurtmasini berish tartibi

19. Sotsial va ijtimoiy ahamiyatga molik loyihalarni amalga oshirish uchun davlat organlari tomonidan tanlov oʻtkazish orqali davlat ijtimoiy buyurtmasi ushbu Nizomga 1-ilovaga muvofiq sxema boʻyicha beriladi.

20. Davlat organlari tomonidan davlat ijtimoiy buyurtmalarini berish uchun tanlov oʻtkazilishi toʻgʻrisidagi eʼlon tanlov boʻyicha hujjatlar loyihalarni qabul qilish muddati tugaydigan sanadan kamida oʻn ikki ish kuni va koʻpi bilan oʻttiz ish kunidan oldin majburiy ravishda maxsus axborot portali orqali davlat xaridlarining elektron tizimiga, shuningdek, davlat organlarining xohishiga koʻra — oʻzining rasmiy veb-saytiga, ommaviy axborot vositalariga joylashtiriladi.

21. Tanlov oʻtkazilishi toʻgʻrisidagi eʼlon quyidagi axborotlarni oʻz ichiga olishi kerak:

tanlov tashkilotchisining nomi va manzili;

davlat ijtimoiy buyurtmasining tavsifi;

davlat ijtimoiy buyurtmasini mablagʻ bilan taʼminlash manbalari va miqdori;

davlat ijtimoiy buyurtmasini bajarish muddati;

ishtirokchilarga qoʻyiladigan talablar (shartnoma tuzish huquqiga egalik, soliqlar va yigʻimlarni toʻlash boʻyicha muddati oʻtgan qarzdorlikning, oʻziga nisbatan joriy etilgan bankrotlik tartib-taomillarining mavjud emasligi, insofsiz ijrochilarning yagona reyestrida qayd etilmaganligi);

davlat organlarining ishtirokchilar bilan bogʻlanish uchun bogʻlovchi shaxslar sifatida belgilangan bir yoki bir nechta mansabdor shaxslarining yoki boshqa xodimlarining familiyasi, ismi, otasining ismi, lavozimi va manzili;

tanlov ishtirokchilari tomonidan loyihalarni berish muddati tugaydigan sana va vaqt;

loyihalarni rasmiylashtirishga doir talablar;

tanlov gʻolibi bilan hisob-kitoblarni amalga oshirish tartibi haqidagi axborot;

tanlovda ishtirok etish uchun loyihalarni davlat tilida va zaruratga qarab, boshqa tillarda tayyorlash majburiyligi toʻgʻrisidagi talab;

loyihalarni baholash mezonlari va koʻrib chiqish tartibi;

tanlov ishtirokchilari tomonidan korrupsiya koʻrinishlariga yoʻl qoʻymaslik boʻyicha ariza taqdim etish majburiyligi haqidagi talablar.

Tanlov oʻtkazish toʻgʻrisidagi eʼlon qonunchilikka zid boʻlmagan boshqa axborotlarni ham oʻz ichiga olishi mumkin.

22. Davlat ijtimoiy buyurtmasi boʻyicha bir necha nodavlat notijorat tashkiloti qoʻshma guruh tuzgan holda umumiy ariza berishlari mumkin. Bunda arizada va loyihada ularning har birining funksiyalari, bir-biriga nisbatan javobgarligi va loyihani amalga oshirishga qoʻshayotgan hissalari aniqlashtirilishi lozim.

23. Tanlovda ishtirok etish uchun ariza va unga ilova qilinadigan hujjatlar tegishli davlat organiga ariza beruvchi tomonidan bevosita, pochta orqali yoki elektron koʻrinishda berilishi mumkin.

5-bob. Tanlov shartlari va uni oʻtkazish tartibi

24. Tanlovda nodavlat notijorat tashkilotlari ishtirok etishlari mumkin, siyosiy partiyalar, kasaba uyushmalari va diniy tashkilotlar bundan mustasno.

25. Tanlovda ishtirok etish uchun nodavlat notijorat tashkilotlari quyidagi hujjatlarni elektron shaklda maxsus axborot portali orqali tegishli davlat organiga taqdim etadi.

ushbu Nizomga 2-ilovaga muvofiq shakldagi tanlovda ishtirok etish haqida ariza;

davlat ijtimoiy buyurtmasini bajarishning batafsil tasnifi;

nodavlat notijorat tashkiloti ustavining nusxasi;

Bunda nodavlat notijorat tashkilotlarining davlat roʻyxatidan oʻtganlik haqidagi guvohnoma nusxasi, qarzdorlik mavjud emasligi haqida soliq inspeksiyasi tomonidan taqdim etilgan maʼlumotnoma hamda maxsus ruxsatnoma (litsenziya) nusxasi (agar davlat ijtimoiy buyurtmasi doirasidagi loyihalarni amalga oshirish uchun maxsus ruxsatnoma (litsenziya) talab etilsa) “Raqamli hukumat” tizimining idoralararo integratsiyalashuv platformasi orqali mustaqil ravishda olinadi.

26. Tanlov gʻolibi nodavlat notijorat tashkilotlari tomonidan tanlovga taqdim etilgan loyihalarni oʻn ish kuni ichida koʻrib chiqish, umumlashtirish va ularni baholash natijalariga koʻra aniqlanadi.

Agar jamoatchilik kengashi aʼzosi tanlovga loyiha taqdim etgan nodavlat notijorat tashkilotiga aloqador (nodavlat notijorat tashkiloti vakili (xodimi), rahbar organlarining aʼzosi yoki ularning yaqin qarindoshi) boʻlsa, ushbu loyihani koʻrib chiqish, umumlashtirish va baholash jarayonida jamoatchilik kengashi tarkibida boʻlishni ixtiyoriy ravishda oʻzini oʻzi rad etadi yoki jamoatchilik kengashi aʼzolari tomonidan majburan chetlashtiriladi.

27. Oʻtkazilayotgan tanlov doirasida loyihalarni baholash maqsadida jamoatchilik kengashi tomonidan tasdiqlangan Sotsial va ijtimoiy ahamiyatga molik loyihalarni baholash metodikasidan (keyingi oʻrinlarda Baholash metodikasi deb ataladi) foydalaniladi.

Baholash metodikasida quyidagi baholash mezonlari belgilangan boʻlishi lozim:

davlat ijtimoiy buyurtmasini beruvchi tomonidan qoʻyilgan maqsadlarga erishishning yoʻnaltirilganligi, yaʼni unga erishish yoʻllari;

taqdim qilingan loyihaning samaradorligi;

loyihani amalga oshirishda davlat organining xalq bilan muloqot darajasini kuchaytirishi;

loyihaning aniq va batafsil yoritilganligi;

xarajat ajratilayotgan mablagʻlardan oshib ketmasligi;

tanlov ishtirokchisining taqdim qilgan loyihasini amalga oshirish qobiliyati.

Baholash metodikasida davlat ijtimoiy buyurtmasining oʻziga xos xususiyatlaridan kelib chiqib baholashning boshqa mezonlari ham belgilanishi mumkin.

28. Loyihani oʻrganish natijalariga koʻra jamoatchilik kengashi aʼzolari har bir loyiha boʻyicha baholash mezonlariga muvofiq baholash varaqasiga ballar qoʻyadi.

Baholash varaqalarida ballarni hisoblab chiqish uchun jamoatchilik kengashi aʼzolari orasidan 3 kishidan iborat boʻlgan hisoblash guruhi tuziladi.

Hisoblash guruhi tomonidan baholash varaqalaridagi ballar hisoblab chiqiladi va jamoatchilik kengashi aʼzolariga eʼlon qilinadi.

Tanlov natijasiga koʻra eng koʻp ball olgan ishtirokchi tanlovda gʻolib deb topiladi.

29. Tanlov natijasiga koʻra ishtirokchilarning ballari teng boʻlgan taqdirda ular oʻrtasida ushbu Nizomda belgilangan tartib asosida qayta tanlov oʻtkaziladi.

30. Tanlov natijalari tanlov gʻolibi aniqlangan kundan soʻng bir ish kuni ichida Jamoatchilik kengashi qarori bilan tasdiqlanadi. Jamoatchilik kengashi qarorlari bayonnomalar bilan rasmiylashtiriladi. Jamoatchilik kengashining yigʻilishi bayonnomasi Jamoatchilik kengashi kotibi tomonidan yuritiladi va Jamoatchilik kengashi raisi, kotibi va ishtirok etgan barcha aʼzolar tomonidan imzolanadi.

Jamoatchilik kengashi yigʻilish bayonnomalarining saqlanishi uchun davlat ijtimoiy buyurtmasini beruvchi davlat organi masʼuldir.

51-bob. Toʻgʻridan-toʻgʻri shartnoma tuzish orqali davlat ijtimoiy buyurtmasini berish tartibi

301. Sotsial va ijtimoiy ahamiyatga molik loyihalarni amalga oshirish uchun davlat organlari tomonidan toʻgʻridan-toʻgʻri shartnoma tuzish orqali davlat ijtimoiy buyurtmasi ushbu Nizomga 21-ilovaga muvofiq sxema boʻyicha beriladi.

302. Nodavlat notijorat tashkilotlari (siyosiy partiyalar, kasaba uyushmalari va diniy tashkilotlar bundan mustasno) tegishli soha va tarmoqlarda mavjud muammolarning taʼsirchan yechimini nazarda tutuvchi tashabbusli loyihalarni amalga oshirish uchun davlat ijtimoiy buyurtmasini olish toʻgʻrisida manfaatdor davlat organiga ushbu Nizomga 22-ilovaga muvofiq shakldagi loyiha taklifini kiritishi mumkin.

303. Loyiha taklifiga quyidagi hujjatlar ilova qilinadi:

davlat ijtimoiy buyurtmasining zarurati va uni bajarishning batafsil tasnifi;

davlat roʻyxatidan oʻtganlik haqidagi guvohnoma nusxasi;

nodavlat notijorat tashkiloti ustavi (nizomi)ning nusxasi;

qarzdorlik mavjud emasligi haqida davlat soliq inspeksiyasi tomonidan taqdim etilgan maʼlumotnoma;

maxsus ruxsatnoma (litsenziya) nusxasi, agar davlat ijtimoiy buyurtmasi doirasidagi loyihalarni amalga oshirish uchun maxsus ruxsatnoma (litsenziya) talab etilsa.

Nodavlat notijorat tashkilotining tashabbusi bilan boshqa hujjatlar (sertifikatlar, oʻtkazilgan tekshirishlar boʻyicha maʼlumotlar va boshqalar) ham taqdim qilinishi mumkin.

304. Jamoatchilik kengashi kiritilgan loyiha taklifini oʻn ish kuni ichida quyidagi mezonlar asosida koʻrib chiqadi va baholaydi:

davlat ijtimoiy buyurtmasini olish toʻgʻrisidagi loyiha taklifining davlat organi faoliyatining ustuvor yoʻnalishlariga muvofiqligi;

tegishli soha va tarmoqlardagi mavjud muammolarning dolzarbligi va aniq yoritilganligi;

muammolarning taʼsirchan yechimi boʻyicha takliflarning ilmiy asoslanganligi, samaradorligi va noyobligi;

loyiha taklifini amalga oshirish xarajatining asoslantirilganligi;

nodavlat notijorat tashkilotining taqdim qilgan loyiha taklifini amalga oshirish qobiliyati.

Loyiha taklifi jamoatchilik kengashi tomonidan har bir mezon boʻyicha “1” balldan “5” ballgacha baholanadi.

Toʻplangan ballar jami ballning 81 foizidan yuqorisini tashkil etsa, taklif ijobiy baholangan deb topiladi.

Agar jamoatchilik kengashi aʼzosi loyiha taklifini taqdim etgan nodavlat notijorat tashkilotiga aloqador (nodavlat notijorat tashkiloti vakili (xodimi), rahbar organlarining aʼzosi yoki ularning yaqin qarindoshi) boʻlsa, ushbu loyihani koʻrib chiqish, umumlashtirish va baholash jarayonida jamoatchilik kengashi tarkibida boʻlishni ixtiyoriy ravishda oʻzini oʻzi rad etadi yoki jamoatchilik kengashi aʼzolari tomonidan majburan chetlashtiriladi.

305. Loyiha taklifi jamoatchilik kengashi tomonidan ushbu Nizomning 304-bandidagi har bir mezon boʻyicha ijobiy baholangan taqdirda, bir ish kuni ichida uning tashabbuskoriga davlat organining budjetdan tashqari mablagʻlari hisobidan bazaviy hisoblash miqdorining ming baravarigacha miqdorda toʻgʻridan-toʻgʻri shartnoma tuzish orqali ijtimoiy buyurtma berilishi toʻgʻrisida jamoatchilik kengashining qarori qabul qilinadi.

306. Jamoatchilik kengashi qarori bayonnoma bilan rasmiylashtiriladi. Jamoatchilik kengashining yigʻilishi bayonnomasi jamoatchilik kengashi kotibi tomonidan yuritiladi va jamoatchilik kengashi raisi, kotibi va ishtirok etgan barcha aʼzolar tomonidan imzolanadi.

Jamoatchilik kengashi yigʻilishi bayonnomalarining saqlanishi uchun davlat ijtimoiy buyurtmasini beruvchi davlat organi masʼuldir.

6-bob. Davlat ijtimoiy buyurtmasini amalga oshirish shartnomasini tuzish

31. Davlat ijtimoiy buyurtmasini beruvchi davlat organi va nodavlat notijorat tashkiloti oʻrtasida Jamoatchilik kengashining qarori qabul qilingan kundan eʼtiboran oʻn ish kuni ichida davlat ijtimoiy buyurtmasini bajarish shartnomasi tuziladi.

Shartnomada davlat ijtimoiy buyurtmasini beruvchi davlat organi va nodavlat notijorat tashkilotining huquq va majburiyatlarini hamda javobgarligini belgilab beriladi.

Shartnoma toʻgʻrisidagi axborot davlat ijtimoiy buyurtmasini beruvchi davlat organi tomonidan maxsus axborot portaliga shartnoma tuzilgan kundan boshlab uch ish kunidan kechiktirmay joylashtiriladi.

32. Shartnoma quyidagi qoidalarni oʻz ichiga olgan boʻlishi kerak:

davlat ijtimoiy buyurtmasining maqsadi;

davlat ijtimoiy buyurtmasini amalga oshirish muddatlari;

davlat ijtimoiy buyurtmasiga ajratilgan mablagʻlar miqdori;

mablagʻ bilan taʼminlash muddatlari;

davlat ijtimoiy buyurtmasiga ajratilgan mablagʻlardan maqsadli foydalanganlik yuzasidan nazorat shakllari;

hisobotlar berish muddatlari va shakllari.

33. Agar tanlovda gʻolib deb topilgan nodavlat notijorat tashkiloti shartnomani imzolashdan bosh tortsa yoki tanlovni oʻtkazish davomida oʻz faoliyatini tugatgan boʻlsa, tugatish, qayta tashkil etish jarayonida boʻlsa yoki qonunchilikda belgilangan tartibda bankrot deb eʼtirof etilgan boʻlsa davlat ijtimoiy buyurtmasini beruvchi davlat organi tanlovda ishtirok etgan va yuqori baho olgan keyingi ishtirokchiga shartnomani imzolashni taklif etishga haqli.

61-bob. Davlat ijtimoiy buyurtmasini bajarishga ajratilgan mablagʻlardan maqsadli foydalanilishini monitoring qilish tartibi

331. Davlat ijtimoiy buyurtmasini ajratgan davlat organi davlat ijtimoiy buyurtmasini bajarishga ajratilgan mablagʻlardan maqsadli foydalanilishini shartnomada koʻrsatilgan muddatlarda monitoring qiladi.

Davlat ijtimoiy buyurtmasini bajarishga ajratilgan mablagʻlardan maqsadli foydalanish ustidan qonunchilikda belgilangan tartibda davlat moliyaviy nazorati amalga oshiriladi.

Davlat ijtimoiy buyurtmasini bajarishga ajratilgan mablagʻlardan maqsadli foydalanilishini monitoring qilishga auditorlik tashkiloti jalb qilinishi mumkin.

332. Davlat ijtimoiy buyurtmasini olgan nodavlat notijorat tashkiloti davlat ijtimoiy buyurtmasi bajarilishi yakunlangan kundan boshlab besh ish kuni ichida davlat ijtimoiy buyurtmasini bajarish bilan bogʻliq barcha hujjatlarni davlat ijtimoiy buyurtmasini ajratgan davlat organiga taqdim qilishi shart.

333. Davlat ijtimoiy buyurtmasini ajratgan davlat organi va davlat ijtimoiy buyurtmasini olgan nodavlat notijorat tashkiloti tomonidan taqdim etilgan hujjatlarni ushbu hujjatlar kelib tushgan kundan boshlab bir oy ichida oʻrganadi.

Oʻrganish davomida davlat ijtimoiy buyurtmasini bajarish natijalarining samaradorligi, yaʼni davlat ijtimoiy buyurtmasini bajarishga ajratilgan mablagʻlarning maqsadli sarflanishi hamda mablagʻlarni ajratishdan koʻzlangan maqsadlarga erishilganligi aniqlanadi.

Oʻrganish natijasi yuzasidan dalolatnoma tuzilib, davlat ijtimoiy buyurtmasini ajratgan davlat organi va davlat ijtimoiy buyurtmasini olgan nodavlat notijorat tashkilot(lar)i rahbar(lar)i tomonidan imzolanadi.

334. Nodavlat notijorat tashkilotlari tomonidan davlat ijtimoiy buyurtmasini bajarish natijalarining samaradorligi davlat ijtimoiy buyurtmasini ajratgan davlat organining jamoatchilik kengashi tomonidan ushbu Nizomga 3-ilovaga muvofiq aniqlanadi.

Nodavlat notijorat tashkilotlari tomonidan davlat ijtimoiy buyurtmasini bajarish natijalarining samaradorligini aniqlashdan maqsad davlat ijtimoiy buyurtmasini bajarish uchun ajratilgan mablagʻlarning maqsadli sarflanishi hamda berilgan ijtimoiy buyurtmadan koʻzlangan ijtimoiy maqsadlarga erishilishini tahlil qilishdan iborat.

335. Davlat ijtimoiy buyurtmasi samaradorligining maksimal koʻrsatkichi 30 ballni tashkil etadi.

Davlat ijtimoiy buyurtmasini bajarish natijalarining samaradorligi toʻplagan ballarga qarab aniqlanadi:

yuqori samaradorlik — 25 va undan yuqori ball;

oʻrtacha samaradorlik — 15 balldan 24 ballgacha;

samarasiz — 1 balldan 14 ballgacha.

Davlat ijtimoiy buyurtmasini bajarish natijalariga koʻra yuqori samaradorlikka erishgan nodavlat notijorat tashkiloti davlat ijtimoiy buyurtmasini bergan davlat organi tomonidan budjetdan tashqari mablagʻlar hisobidan keyingi yillarda oʻtkaziladigan davlat ijtimoiy buyurtmasi tanlovlarida ishtirok etishda taqdim qilgan ijtimoiy loyihasi boʻyicha toʻplangan umumiy ballga ushbu ballning 10 foizi bir martalik imtiyoz sifatida qoʻshib beriladi.

Davlat ijtimoiy buyurtmasini bajarish natijalari samarasiz boʻlgan taqdirda, nodavlat notijorat tashkiloti davlat ijtimoiy buyurtmasini bajarish uchun ajratilgan mablagʻlarning 50 foizini tegishli davlat organi hisobvaraqlariga qaytaradi.

336. Davlat ijtimoiy buyurtmasini bajarishga ajratilgan mablagʻlardan maqsadsiz foydalanilganda, ushbu mablagʻlar tegishli davlat organi hisobvaraqlariga toʻliq qaytarilishi lozim.

7-bob. Davlat ijtimoiy buyurtmasining ijrosi yuzasidan nazorat

34. Davlat ijtimoiy buyurtmasini beruvchi davlat organi davlat ijtimoiy buyurtmasini bajarishga ajratilgan moliyaviy mablagʻlar sarflanishi ustidan nazoratni amalga oshiradi, shuningdek, amalga oshirilayotgan ishlarni (koʻrsatilayotgan xizmatlarni) hamda uning alohida bosqichlarini nazorat qiladi.

35. Davlat ijtimoiy buyurtmasi ijrosini nazorat qilish boʻyicha tuziladigan maxsus komissiya aʼzolarining teng yarmi jamoatchilik kengashi tarkibidagi nodavlat notijorat tashkilotlari vakillaridan iborat boʻlishi lozim.

351. Nodavlat notijorat tashkiloti davlat ijtimoiy buyurtmasini bajarishga ajratilgan mablagʻlardan foydalanish yuzasidan batafsil maʼlumotlarni har chorakda oʻzining rasmiy veb-saytida yoki ommaviy axborot vositalarida eʼlon qilib boradi.

8-bob. Yakunlovchi qoidalar

36. Davlat ijtimoiy buyurtmasini bajarishga ajratilgan mablagʻlardan toʻgʻri va maqsadli foydalanish, shuningdek, shartnomada koʻrsatilgan sotsial va ijtimoiy ahamiyatga molik ishlarni sifatli va oʻz vaqtida bajarish uchun davlat ijtimoiy buyurtmasini beruvchi davlat organi va nodavlat notijorat tashkilotining rahbari javobgar boʻladi.

37. Nodavlat notijorat tashkiloti ushbu Nizom talablari bajarilishiga masʼul davlat organlari xodimlarining xatti-harakatlari yuzasidan boʻysunish tartibida yuqori turuvchi organga yoxud bevosita sudga qonunchilik hujjatlarida belgilangan tartibda shikoyat qilishga haqli.

Davlat ijtimoiy buyurtmasini berish tartib-tamoyillari bilan bogʻliq qoidalarning buzilishi boʻyicha nodavlat notijorat tashkilotlarining shikoyatlari “Davlat xaridlari toʻgʻrisida”gi Qonunda belgilangan tartibda koʻrib chiqiladi/

38. Davlat organlari tomonidan nodavlat notijorat tashkilotlari va fuqarolik jamiyatining boshqa institutlariga budjetdan tashqari mablagʻlar hisobidan bevosita davlat ijtimoiy buyurtmasini berish sohasidagi ushbu Nizom bilan tartibga solinmagan munosabatlarga davlat xaridlari toʻgʻrisidagi qonunchilik normalari qoʻllaniladi.

Sotsial va ijtimoiy ahamiyatga molik loyihalarni amalga oshirish uchun davlat organlari tomonidan davlat ijtimoiy buyurtmasini berish tartibi toʻgʻrisidagi nizomga 1-ILOVA

Sotsial va ijtimoiy ahamiyatga molik loyihalarni amalga oshirish uchun davlat organlari tomonidan tanlov oʻtkazish orqali davlat ijtimoiy buyurtmasini berish

SXEMASI

BosqichSubyektlarMexanizmMuddatlar1-bosqichDavlat organiDavlat ijtimoiy buyurtmalarini berish uchun tanlov oʻtkazilishi toʻgʻrisidagi eʼlon va tanlov boʻyicha hujjatlarni maxsus axborot portali orqali davlat xaridlarining elektron tizimiga, shuningdek, davlat organlarining xohishiga koʻra oʻzining rasmiy veb-saytiga, shuningdek, ommaviy axborot vositalariga joylashtiradi.Loyihalarni qabul qilish muddati tugaydigan sanadan kamida 12 ish kuni va koʻpi bilan 30 ish kunidan oldin2-bosqichNodavlat notijorat tashkilotiTanlovda ishtirok etish uchun tegishli hujjatlarni elektron shaklda maxsus axborot portali orqali tegishli davlat organiga taqdim etadi.Loyihalarni qabul qilish muddati tugaydigan sanagacha3-bosqichJamoatchilik kengashi1. Tanlov gʻolibini nodavlat notijorat tashkilotlari tomonidan tanlovga taqdim etilgan loyihalarni koʻrib chiqish va baholash natijalariga koʻra aniqlaydi.10 ish kuni ichida2. Jamoatchilik kengashi qarorini bayonnoma bilan rasmiylashtiradi.1 ish kuni ichida4-bosqichDavlat organiDavlat ijtimoiy buyurtmasini beruvchi davlat organi va tanlovda gʻolib deb topilgan nodavlat notijorat tashkiloti oʻrtasida davlat ijtimoiy buyurtmasini bajarish shartnomasi tuziladi.10 ish kuni ichida

Sotsial va ijtimoiy ahamiyatga molik loyihalarni amalga oshirish uchun davlat organlari tomonidan davlat ijtimoiy buyurtmasini berish tartibi toʻgʻrisidagi nizomga 21-ILOVA

Sotsial va ijtimoiy ahamiyatga molik loyihalarni amalga oshirish uchun davlat organlari tomonidan toʻgʻridan-toʻgʻri shartnoma tuzish orqali davlat ijtimoiy buyurtmasini berish

SXEMASI

BosqichSubyektlarMexanizmMuddatlar1-bosqichNodavlat notijorat tashkilotiTashabbusli loyihani amalga oshirish uchun davlat ijtimoiy buyurtmasini olish toʻgʻrisida davlat organiga loyiha taklifini kiritadi.Yil davomida2-bosqichJamoatchilik kengashi1. Nodavlat notijorat tashkilotlari tomonidan taqdim etilgan loyiha takliflarini koʻrib chiqadi va baholaydi.10 ish kuni ichida2. Loyiha taklifi ijobiy baholangan taqdirda, ijtimoiy buyurtma berilishi toʻgʻrisida qaror qabul qilinadi.1 ish kuni ichida3-bosqichDavlat organiNodavlat notijorat tashkilotiDavlat ijtimoiy buyurtmasini beruvchi davlat organi va nodavlat notijorat tashkiloti oʻrtasida davlat ijtimoiy buyurtmasini bajarish shartnomasi tuziladi.10 ish kuni ichida

Sotsial va ijtimoiy ahamiyatga molik loyihalarni amalga oshirish uchun davlat organlari tomonidan davlat ijtimoiy buyurtmasini berish tartibi toʻgʻrisidagi nizomga 22-ILOVA

Tashabbusli loyihalarni amalga oshirish uchun davlat ijtimoiy buyurtmasini olish toʻgʻrisida ___________________________________________________________ning(nodavlat notijorat tashkilotining nomi)LOYIHA TAKLIFILoyiha taklifi yuborilayotgan tashabbusli loyihaning mazmuniDavlat tashkilotining nomiLoyiha taklifining yoʻnalishiLoyiha taklifining nomiLoyiha taklifini taqdim etgan tashkilot nomi (taʼsis hujjatiga muvofiq)Hudud (Qoraqalpogʻiston Respublikasi, viloyat, shahar, tuman) nomiLoyiha taklifini beruvchi toʻgʻrisidagi toʻliq maʼlumotlar (ariza beruvchining yuridik manzili, telefon, faks, elektron pochtasi)Tashkilot rahbarining F.I.O., boshqa zarur maʼlumotlar (yashash manzili, elektron pochtasi, telefon kodi bilan toʻliq koʻrsatilishi lozim)Tashkilot buxgalterining F.I.O., boshqa zarur maʼlumotlar (yashash manzili, elektron pochtasi, telefon kodi bilan toʻliq koʻrsatilishi lozim)Tashkilotning tasdiqlangan shtat jadvalidagi lavozimlar soniLoyiha taklifini amalga oshirish muddati (boshlanish sanasi - tugatish sanasi)Soʻralayotgan mablagʻ miqdori (soʻm)Jalb qilinadigan mablagʻlar miqdori (soʻm)Muammoning qoʻyilishi(mavjud ijtimoiy muammo, uning ahamiyati va loyihani amalga oshirish zarurligini bayon etish, bir varaqdan ortiq boʻlmasligi lozim)Loyiha taklifining maqsadi(loyiha natijasida erishadigan koʻpi bilan 3 ta asosiy maqsad)Loyiha taklifining asosiy vazifalari(loyiha taklifini amalga oshirish natijasida hal etiladigan koʻpi bilan 3 ta asosiy vazifa)Loyiha taklifini amalga oshirish shakli va mexanizmlari (loyiha taklifini amalga oshirish usullari, miqdor va sifat koʻrsatkichlari)Loyiha taklifini amalga oshirishdan kutilayotgan natijalar(erishiladigan samaraning miqdori va sifat koʻrsatkichlari hamda taʼsiri)Loyiha taklifini beruvchining mazkur sohadagi tajribasi(talabgorning faoliyati, yutuqlari)Hamkorlar va ularning vazifalari (talabgor va uning sheriklarining aniq vazifalari koʻrsatilgan harakat rejasi)Tashkilot va hamkorlarning qoʻshgan hissasi(jalb etilayotgan mablagʻlar, resurslar, tashkilot va hamkorlarning moddiy va nomoddiy hissasi)

Sotsial va ijtimoiy ahamiyatga molik loyihalarni amalga oshirish uchun davlat boshqaruvi organlari tomonidan davlat ijtimoiy buyurtmasini berish tartibi toʻgʻrisidagi nizomga 2-ILOVA

Davlat ijtimoiy buyurtmasini joylashtirish tanlovida ishtirok etish uchun _______________________________________________________________ning (nodavlat notijorat tashkilotining nomi) ARIZASI (BUYURTMASI) Ariza yuborilayotgan tanlovning mazmuni Davlat tashkilotining nomi Tanlovning yoʻnalishi Loyihaning nomi Ariza taqdim etgan tashkilot nomi (davlat roʻyxatidan oʻtkazilgan nizomga muvofiq) Hudud (Qoraqalpogʻiston Respublikasi, viloyat, shahar, tuman) nomi Ariza beruvchi toʻgʻrisidagi toʻliq maʼlumotlar (ariza beruvchining yuridik manzili, telefon, faks, elektron pochtasi) Tashkilot rahbarining F.I.O., boshqa zarur maʼlumotlar (yashash manzili, elektron pochtasi, telefon kodi bilan toʻliq koʻrsatilishi lozim) Tashkilot buxgalterining F.I.O., boshqa zarur maʼlumotlar (yashash manzili, elektron pochtasi, telefon kodi bilan toʻliq koʻrsatilishi lozim) Tashkilotning tasdiqlangan shtat jadvalidagi lavozimlar soni Loyihani amalga oshirish muddati (boshlanish sanasi — tugatish sanasi) Soʻralayotgan mablagʻ miqdori (soʻm) Jalb qilinadigan mablagʻlarning miqdori (soʻm) Muammoning qoʻyilishi (mavjud ijtimoiy muammo, uning ahamiyati va loyihani amalga oshirish zarurligini bayon etish, bir varaqdan ortiq boʻlmasligi lozim) Loyihaning maqsadi (loyiha natijasida erishadigan koʻpi bilan 3 ta asosiy maqsad) Loyihaning asosiy vazifalari (loyihani amalga oshirish natijasida hal etiladigan koʻpi bilan 3 ta asosiy vazifa) Loyihani amalga oshirish shakli va mexanizmlari (loyihani amalga oshirish usullari, miqdor va sifat koʻrsatkichlari) Loyihani amalga oshirishdan kutilayotgan natijalar (erishiladigan samaraning miqdori va sifat koʻrsatkichlari hamda taʼsiri) Ariza beruvchining mazkur sohadagi tajribasi (talabgorning faoliyati, uning yutuqlari) Hamkorlar va ularning vazifalari (talabgor va uning sheriklarining aniq vazifalari koʻrsatilgan harakat rejasi) Tashkilot va hamkorlarning qoʻshgan hissasi (jalb etilayotgan mablagʻlar, resurslar, tashkilot va hamkorlarning moddiy va nomoddiy hissasi)

Sotsial va ijtimoiy ahamiyatga molik loyihalarni amalga oshirish uchun davlat boshqaruvi organlari tomonidan davlat ijtimoiy buyurtmasini berish tartibi toʻgʻrisidagi nizomga 3-ILOVA

Nodavlat notijorat tashkilotlariga davlat ijtimoiy buyurtmasini bajarish natijalarining samaradorligini aniqlash

METODIKASI

T/r Indikator Mezonlar Koʻrsatkichlar 1. Davlat ijtimoiy buyurtmasi mablagʻlari doirasida loyihada belgilangan maqsad va vazifalarning bajarilganligi. Davlat ijtimoiy buyurtmasi mablagʻlari doirasida loyihada belgilangan maqsad va vazifalarning bajarilganlik darajasi baholanadi. Ball maqsad va vazifalarning necha foizga bajarilganligiga qarab beriladi. Masalan: 1000 nafar ehtiyojmand shaxslarni kasb-hunarga oʻqitish belgilangan boʻlib, ulardan 300 nafari oʻqitilgan boʻlsa, shunda maqsad va vazifalarning 30 foizi bajarilgan hisoblanib, 3 ball beriladi. — 81 foizdan 100 foizgacha — 6 ball; — 61 foizdan 80 foizgacha — 5 ball; — 41 foizdan 60 foizgacha — 4 ball; — 21 foizdan 40 foizgacha — 3 ball; — 20 foiz va undan kam — 0 ball. 2. Davlat ijtimoiy buyurtmasi shaklida ajratilgan mablagʻlarning toʻgʻri ishlatilganligi. Davlat ijtimoiy buyurtmasi shaklida ajratilgan mablagʻlarning toʻgʻri ishlatilganlik darajasi loyihaning budjetida belgilangan taqsimotdan jami summaga nisbatan necha foizga chetga chiqqanligiga qarab baholanadi. Masalan, jami 20 mln soʻm ajratilgan boʻlib, ushbu mablagʻning 1 mln soʻm qismi ijtimoiy loyihaning budjetida koʻrsatilmagan maqsad uchun ishlatilgan boʻlsa, 1 mln.ning 20 mln.ga nisbatan foizi (5%) mablagʻlarining notoʻgʻri ishlatilganligi darajasini koʻrsatadi. — 0 foiz — 6 ball. — 1 foizdan 10 foizgacha — 5 ball; — 10 foizdan 30 foizgacha — 3 ball; — 30 foizdan ortiq — 0 ball. 3. Davlat ijtimoiy buyurtmasi mablagʻlari doirasida amalga oshirilayotgan ishlar haqida OAVlarda batafsil axborot eʼlon qilib borilganligi. Nodavlat notijorat tashkilotlari tomonidan davlat ijtimoiy buyurtmasi mablagʻlari doirasida amalga oshirilgan ishlar (tadbirlar soni, ishtirok etgan maqsadli auditoriya, erishilgan natijalar, ishlatilgan mablagʻlar va boshqalar) haqida har chorakda oʻzining rasmiy veb-saytida yoki ommaviy axborot vositalarida eʼlon qilib borilganligi oʻrganiladi. Bunda fuqarolik jamiyati instituti tomonidan amalga oshirilgan ishlar yuzasidan oʻzining rasmiy veb-sayti, ommaviy axborot vositalari va ijtimoiy tarmoqlardagi eʼlonlar hisobga olinadi. — 20 tadan ortiq — 6 ball; — 15 — 19 ta — 5 ball; — 10 — 14 ta — 4 ball; — 6 — 9 ta — 3 ball; — 1 — 5 ta — 2 ball. 4. Davlat ijtimoiy buyurtmasi belgilangan muddatda amalga oshirilganligi. Nodavlat notijorat tashkilotlari tomonidan ijtimoiy loyihada nazarda tutilgan tadbirlar davlat ijtimoiy buyurtmasini bajarish shartnomasida belgilangan muddatlarda amalga oshirilganligi holati baholanadi. Ball miqdori muddatdan qanchalik kechiktirilganligi bilan bogʻliq boʻladi. Bunda davlat ijtimoiy buyurtmasini bajarish shartnomasida muddati uzaytirilgan boʻlsa, uzaytirilgan muddat ham kechiktirilgan muddatga qoʻshib hisoblanadi. — muddatida amalga oshirilsa — 6 ball; — 1 oygacha kechiktirilsa — 4 ball; — 1 oydan 2 oygacha kechiktirilsa — 2 ball; — 2 oydan 3 oygacha kechiktirilsa — 1 ball; — 3 oydan ortiq muddatga kechiktirilsa — 0 ball. 5. Ijtimoiy loyihaning davom ettirilayotganligi. Davlat ijtimoiy buyurtmasi mablagʻlari hisobidan amalga oshirilgan ijtimoiy loyiha davom ettirilayotganligi aniqlanadi. Ijtimoiy loyiha davom ettirilayotgan boʻlsa — 6 ball; Ijtimoiy loyiha davom ettirilmayotgan boʻlsa — 0 ball.