Xorazm viloyatida tadbirkorlik subyektlariga davlat mulki obyektlarini sotish va kichik sanoat zonalarini tashkil etish chora-tadbirlari toʻgʻrisida (PQ-3513-son)

06.02.2018

Oʻzbekiston Respublikasi Prezidentining

Qarori

Tadbirkorlik subyektlariga ishlatilmayotgan va qurilishi tugallanmagan davlat mulki obyektlarini sotish, yangi raqobatdosh sanoat ishlab chiqarishlarini yanada qoʻllab-quvvatlash va ragʻbatlantirish, sanoat kooperatsiyasini chuqurlashtirish, shu asosda Xorazm viloyati aholisiga yangi ish oʻrinlarini yaratish va daromadlarini oshirish maqsadida:

1. Xorazm viloyati hokimligi, Oʻzbekiston Respublikasi Iqtisodiyot vazirligi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasining Xorazm viloyatida ishlab chiqarish maydonlari va yer uchastkalari negizida kichik sanoat zonalarini (keyingi oʻrinlarda — KSZ) tashkil etish toʻgʻrisidagi takliflariga 1-ilovadagi roʻyxatga muvofiq, rozilik berilsin.

Xorazm viloyati hokimiga Oʻzbekiston Respublikasi Prezidentining 2017-yil 25-oktabrdagi PQ-3356-sonli qaroriga muvofiq tashkil etilgan erkin iqtisodiy va kichik sanoat zonalari maʼmuriy kengashlarining faoliyatini muvofiqlashtirish boʻyicha Respublika kengashi bilan kelishilgan holda Xorazm viloyatida ishlab chiqarish maydonlari va yer uchastkalari negizida kichik sanoat zonalarini tashkil etish roʻyxatiga oʻzgartirishlar va qoʻshimchalar kiritish huquqi berilsin.

2. “Oʻzbekiston Respublikasi Tiklanish va taraqqiyot jamgʻarmasi Xorazm viloyati KSZlari va “Hazorasp” erkin iqtisodiy zonalarida amalga oshiriladigan loyihalarni birgalikda moliyalashtirish uchun Oʻzbekiston Respublikasi Tashqi iqtisodiy faoliyat milliy banki tomonidan ikki oy muddatda vakolatli tijorat banklari orqali belgilangan tartibda qayta moliyalashtiriladigan 50 mln. AQSH dollari miqdoridagi kredit liniyasini ochsin.

Belgilansinki:

Oʻzbekiston Respublikasi Tiklanish va taraqqiyot jamgʻarmasining mablagʻlari import uskunalari va mazkur uskunalar uchun butlovchi buyumlar harid qilinishiga ajratiladi;

kreditlarni soʻndirish Oʻzbekiston Respublikasi Markaziy bankining soʻndirish jadvaliga muvofiq, soʻndirish sanasidagi kurs boʻyicha milliy valyutada amalga oshirilishi mumkin.

3. Belgilansinki:

Xorazm viloyati KSZ hududida joylashgan davlat koʻchmas mulki tadbirkorlik subyektlariga uzoq muddatli 5 yillik ijaraga beriladi, keyinchalik ushbu mulk biznes-reja parametrlarini bajarish, ish oʻrinlarini yaratish va saqlab qolish, soliqlarning barcha turlarini va boshqa majburiy toʻlovlarni oʻz vaqtida toʻlash sharti bilan xususiylashtirib beriladi;

Xorazm viloyati KSZ hududida joylashgan davlat koʻchmas mulkidan foydalanishda ijara haqi nulinchi stavkada belgilanadi;

KSZ hududida investitsiya loyihalarini amalga oshirish uchun yer uchastkalari qonunchilik hujjatlarida belgilangan tartibda elektron onlayn-auksion orqali realizatsiya qilinadi.

4. Xorazm viloyati hokimligi (Sobirov) bir oy muddatda:

mazkur qarorning 1-ilovasiga muvofiq, ishlab chiqarish maydonlari va yer uchastkalari negizida KSZlar faoliyatini tashkil etish toʻgʻrisida qaror qabul qilsin;

Xorazm viloyati hokimligi mablagʻlari hisobidan moliyalashtiriladigan davlat unitar korxonasi shaklida KSZning yagona direksiyasini tashkil etsin.

5. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi (Gʻulomov) manfaatdor vazirliklar va idoralar, xoʻjalik boshqaruvi organlari bilan birgalikda bir oy muddatda:

1-ilovada koʻrsatilgan, foydalanilmayotgan davlat mulki obyektlarini belgilangan tartibda Xorazm viloyati hokimligiga oʻtkazilishini;

topshiriladigan aktivlarning balans narxi summasida ularning ustav jamgʻarmalarida davlat ulushi va xoʻjalik boshqaruvi organlari ulushini tegishli ravishda kamaytirgan holda ishlatilmaydigan obyektlarni Xorazm viloyati hokimligiga topshirish masalasini davlat va xoʻjalik boshqaruvi organlari ulushi boʻlgan xoʻjalik jamiyatlari boshqaruvi organlari yigʻilishlarida koʻrib chiqilishi tashabbuslarini oldi surilishini taʼminlasin.

6. Quyidagilar:

keyinchalik samarali foydalanilishi uchun davlat boshqaruvi organlariga tezkor boshqarish va boshqa tashkilotlarga begʻaraz foydalanishga topshiriladigan davlat mulki obyektlari roʻyxati 3-ilovaga muvofiq tasdiqlansin.

7. Xorazm viloyati shaharlari (tumanlari) hokimlariga “Davlat mulkini ijaraga berish markazi” DUK bilan birgalikda balansida obyekti boʻlgan idoralar tomonidan tegishli tumanning (shaharning) budjetiga qonun hujjatlarida nazarda tutilgan ajratmalarni yoʻllagan holda, shahar (tuman) hokimining tegishli murojaatidan keyin balansidagi obyekt mulkini ikki oy ichida ijaraga berilishi taʼminlanmaganligi holatida, tumanlar (shaharlar) hududida joylashgan va respublika davlat boshqaruvi organlari tasarrufidagi davlat mulki boʻlgan foydalanilmayotgan obyektlarni (maydonlarni) (xususiylashtirilishi nazarda tutilmagan obyektlardan tashqari) tadbirkorlik faoliyatini olib borish uchun bir yil muddatga ijaraga berish toʻgʻrisidagi qarorlarni qabul qilish huquqi berilsin.

9. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi manfaatdor vazirliklar va idoralar bilan birgalikda bir oy muddatda qonun hujjatlariga mazkur qarordan kelib chiqadigan qoʻshimcha va oʻzgartishlar toʻgʻrisida Vazirlar Mahkamasiga takliflar kiritsin.

10. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari — Oʻzbekiston Respublikasi moliya vaziri J.A. Qoʻchqorov, Oʻzbekiston Respublikasi Bosh vazirining oʻrinbosari S.R. Xolmurodov, Oʻzbekiston Respublikasi iqtisodiyot vaziri B.A. Xodjayev, Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi raisi R.A. Gʻulomov va Xorazm viloyati hokimi I.M. Sobirov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2018-yil 6-fevral,

PQ-3513-son

Oʻzbekiston Respublikasi Prezidentining 2018-yil 6-fevraldagi PQ-3513-son qaroriga 1-ILOVA

Xorazm viloyatida ishlab chiqarish maydonlari va yer uchastkalari negizida tashkil etilayotgan kichik sanoat zonalari

ROʻYXATI

T/r Obyektlar nomi Oʻrnashgan joyi Balans saqlovchi Maydon*(ga) 1. Tugatilgan “Avtoxizmat” MCHJ hududi Urganch shahri, Sanoatchilar koʻchasi Urganch shahar hokimligi 1,6 2. “Oʻztransgaz” AJ qurilish va sotish boshqarmasi uchastkasining foydalanilmayotgan hududi bir qismi Urganch shahri, Sanoatchilar koʻchasi “Oʻztransgaz” AJ 3,8 3. Sobiq pivo zavodi hududi (baza binosi) Urganch tumani, “Gʻoybu” posyolkasi Urganch tumani hokimligi huzuridagi obodonlashtirish boshqarmasi 3,9 4. “Pitnak” kasalxonasi sobiq qishloq uchastkasining bino va inshootlari Hazorasp tumani, “Pitnak” posyolkasi Hazorasp tuman hokimligi 2,8 5. Sobiq “Shovot podshipnik” AJning foydalanilmayotgan hududi bir qismi Shovot tumani, “Paxtakor” MFY “Oʻzavtosanoat” AJ 3,5

* “Davergeodezkadastr” qoʻmitasi, Davlat raqobat qoʻmitasi tomonidan tuman(shahar)lar hokimliklari bilan birgalikda aniqlashitirilishi lozim.

Oʻzbekiston Respublikasi Prezidentining 2018-yil 6-fevraldagi PQ-3513-son qaroriga 3-ILOVA

Keyinchalik samarali foydalanilishi uchun davlat boshqaruvi organlariga tezkor boshqarish va boshqa tashkilotlarga begʻaraz foydalanishga topshiriladigan davlat mulki obyektlari

R Oʻ Y X A T I

T/r Obyektlar nomi Oʻrnashgan joyi Balans saqlovchi Balans saqlovchining yuqori tashkiloti Obyekt topshirilayotgan tashkilotning nomi Obyektni toshpirishdan maqsad 1. Sobiq yotoqxona binosi Gurlan tumani, Mustaqillik koʻchasi Gurlan tuman hokimligi Xorazm viloyati hokimligi Gurlan tuman hokimligi Kam taʼminlangan oilalarga keyinchalik topshirish uchun “Qishloq qurilish invest” IKni rekonstruksiya qilish 2. Boʻsh yotgan guzar binosi Qoʻshkoʻpir tumani, Xorazm koʻchasi Qoʻshkoʻpir tuman hokimligi Xorazm viloyati hokimligi Qoʻshkoʻpir tuman hokimligi MFY binosi sifatida foydalanish uchun 3. 1-bolalar bogʻchasi binosi va inshootlari Hazorasp tumani, “Boʻston” posyolkasi Hazorasp tumani hokimligi Xorazm viloyati hokimligi Hazorasp tumani maktabgacha taʼlim boʻlimi Bolalar bogʻchasi sifatida foydalanish uchun 4. 28-bolalar bogʻchasi 2-filialining bino va inshootlari Honqa tumani, “Olaja” posyolkasi Honqa tumani hokimligi Xorazm viloyati hokimligi Honqa tumani maktabgacha taʼlim boʻlimi Bolalar bogʻchasi sifatida foydalanish uchun 5. Ichki kasalliklar ixtisoslashtirilgan boʻlimining bino va inshootlari Xiva tumani, Amir Temur koʻchasi Xiva tumani tibbiyot birlashmasi Sogʻliqni saqlash vazirligi Xiva shahri arxitektura va qurilish boʻlimi (90 kv.m.) Xiva shahri arxitektura va qurilish boʻlimini joylashtirish uchun Xorazm viloyati “Yer tuzish va koʻchmas mulk kadastri” DK (380 kv.m) “Yer tuzish va koʻchmas mulk kadastri” DK Xiva shahar filialini joylashtirish uchun 6. Tuberkulyozga qarshi dispanser binosi va inshootlarining bir qismi (3000 kv.m) Xiva tumani, “Gʻovuk kul” massivi Xiva tumani tibbiyot birlashmasi Sogʻliqni saqlash vazirligi “Toza hudud” DUK “Toza hudud” DUK Xiva shahar boʻlimini joylashtirish uchun 7. Xiva agroservis kasb-hunar kollejining foydalanilmayotgan bino va inshootlari Xiva tumani, “Shomoxulum” mahallasi Xiva agroservis kasb-hunar kolleji Oliy va oʻrta maxsus taʼlim vazirligi Xiva tuman hokimligi Xiva tuman hokimligini joylashtirish uchun 8. Sobiq “Gulshan” bolalar bogʻchasining foydalanilmayotgan bino va inshootlari Shovot tumani, “Oʻzbekiston” posyolkasi Shovot tumani hokimligi Xorazm viloyati hokimligi Shovot tumani maktabgacha taʼlim boʻlimi Bolalar bogʻchasi sifatida foydalanish uchun 9. 28-bolalar bogʻchasining foydalanilmayotgan bino va inshootlari Yangibozor tumani, “Bogʻolon” posyolkasi Yangibozor tumani hokimligi Xorazm viloyati hokimligi Yangibozor tuman maktabgacha taʼlim boʻlimi Bolalar bogʻchasi sifatida foydalanish uchun