2018-yilda baliq mahsulotlari yetishtirish hajmini oshirish boʻyicha qoʻshimcha chora-tadbirlar toʻgʻrisida (PQ-3505-son)

03.02.2018

Oʻzbekiston Respublikasi Prezidentining

Qarori

Soʻnggi yillarda respublikamizda oziq-ovqat mahsulotlari ishlab chiqarish hajmini oshirish, jumladan, ichki bozorni sifatli va arzon baliq mahsulotlari bilan toʻldirish, oziq-ovqat mahsulotlarining talab yuqori boʻlgan turlariga narxlar barqarorligini taʼminlashga qaratilgan maqsadli dasturlar qabul qilindi va amalga oshirilmoqda.

Natijada mamlakat miqyosida 3 mingdan ortiq baliqchilik xoʻjaliklari faoliyati yoʻlga qoʻyildi. Baliqchilik xoʻjaliklarini rivojlantirishni tizimli qoʻllab-quvvatlash maqsadida tijorat banklari tomonidan kreditlar ajratilmoqda va ushbu kreditlar suv omborlarida hamda tabiiy havzalardagi sunʼiy qurilmalarda intensiv usulda baliq yetishtirishning zamonaviy texnologiyalarini joriy etishga yoʻnaltirilmoqda.

Shu bilan birga, baliqchilik sohasiga xorijiy investitsiyalarni jalb qilish, mavjud havzalar imkoniyatlaridan samarali foydalanish, yangi inkubatsion sexlarni qurish va baliq pitomniklarini tashkil etish, intensiv texnologiyalar asosida baliq yetishtirish hajmlarini oshirish hamda baliqchilik xoʻjaliklarining ozuqa bazasini mustahkamlash va mazkur sohani moliyalashtirish boʻyicha chora-tadbirlar lozim darajada amalga oshirilmayapti.

Xususan, Qashqadaryo, Toshkent va Sirdaryo viloyatlaridagi sunʼiy havzalar, suv omborlari va Aydar-Arnasoy koʻllar tizimining tabiiy havzalari imkoniyatlaridan toʻliq hajmda foydalanilmayapti, respublikaning barcha hududlaridagi suv havzalarini baliqlantirish boʻyicha amaliy chora-tadbirlar lozim darajada amalga oshirilmayapti.

Mavjud imkoniyatlardan samarali foydalanish asosida baliq yetishtirish hajmlarini oshirish, mazkur sohadagi iqtisodiy islohotlarni yanada chuqurlashtirish, xorijiy davlatlarning ijobiy tajribasini tizimli joriy etishni tashkillashtirish va intensiv usulda baliq yetishtirishning innovatsion texnologiyalarini oʻzlashtirish maqsadida:

1. Baliqchilik tarmogʻini rivojlantirish sohasidagi ustuvor vazifalar etib quyidagilar belgilansin:

birinchi, baliqchilikni ilmiy asosda tashkil etish, inkubatsion sexlar va baliq pitomniklarini qurish, mavjud suv havzalarini modernizatsiya qilish va kengaytirish;

ikkinchi, baliqchilikning innovatsion intensiv texnologiyalarini keng koʻlamda joriy etish, shu jumladan sunʼiy qurilmalar oʻrnatish, yopiq suv taʼminoti sikliga ega sunʼiy hovuzlar va inshootlarni tashkil etish, shuningdek, sholi maydonlarida baliqchilikni tashkil etish hisobiga respublikada baliq yetishtirish hajmlarini oshirish;

uchinchi, baliqlarni oziqlantirish uchun toʻliq va boyitilgan ishlab chiqarish boʻyicha mavjud sanoat quvvatlarini modernizatsiya qilish va yangilarini tashkil etish orqali baliqchilikning ozuqa bazasini mustahkamlash;

toʻrtinchi, baliqlarni ovlash orqali olishni tashkil qilish, baliq mahsulotlarini qayta ishlash va qadoqlash boʻyicha zamonaviy texnologiyalarni joriy etish, sohaning eksport salohiyatini oshirish;

beshinchi, baliqchilik xoʻjaliklarining moddiy-texnik bazasini mustahkamlash maqsadida ularni aylanma mablagʻlar bilan taʼminlash, baliq va baliq mahsulotlari ishlab chiqarishni koʻpaytirish boʻyicha chora-tadbirlarni amalga oshirishga bank kreditlarini, xorijiy investitsiyalarni hamda qonun hujjatlari bilan taqiqlanmagan boshqa manbalarni jalb qilish.

2. Oʻzbekiston Respublikasi Qishloq xoʻjaligi vazirligi, Iqtisodiyot vazirligi, Davlat soliq qoʻmitasi, “Oʻzbekbaliqsanoat” uyushmasi va boshqa manfaatdor idoralar tomonidan ishlab chiqilgan:

2018-yilda suv havzalari va sholi ekin maydonlarini baliqlantirishning prognoz parametrlari 1-ilovaga muvofiq;

2018-yilda baliq yetishtirishning prognoz parametrlari 2-ilovaga muvofiq;

2018-yilda baliq yetishtirish inshootlari va qurilmalarini barpo etishning prognoz parametrlari 3-ilovaga muvofiq;

2018-yilda baliqlarni oziqlantirish va hovuz hosildorligini oshirish uchun sarflanadigan omuxta yem va mineral oʻgʻit yetkazib berishning prognoz parametrlari 4-ilovaga muvofiq;

2018-yilda baliq pitomniklarini tashkil etish, baliq chavoqlari yetishtirish hamda baliqni saqlash va qayta ishlash quvvatlarini tashkil etishning prognoz parametrlari 5-ilovaga muvofiq tasdiqlansin.

Belgilansinki, keyingi yillarda baliq yetishtirishning prognoz parametrlarini ishlab chiqish va tasdiqlash mazkur qaror bilan belgilangan ustuvor vazifalarni hamda 2018-yil yakuni boʻyicha baliq yetishtirishning amaldagi hajmlarini inobatga olgan holda amalga oshiriladi.

3. Quyidagilarga:

Oʻzbekiston Respublikasi Qishloq xoʻjaligi vazirligi, Davlat soliq qoʻmitasi, “Oʻzbekbaliqsanoat” uyushmasi, Qoraqalpogʻiston Respublikasi Vazirlar Kengashi raisi, viloyatlar va tumanlar hokimlariga — mazkur qaror bilan tasdiqlangan prognoz parametrlarning oʻz vaqtida va sifatli bajarilishi yuzasidan;

Oʻzbekiston Respublikasi Suv xoʻjaligi vazirligiga (Sh.R. Xamroyev) — suv omborlarining mavjud imkoniyatlaridan keng koʻlamli foydalanish orqali sunʼiy qurilmalarda intensiv texnologiyalar asosida baliq yetishtirish hajmlarini oshirish boʻyicha ishlarni samarali tashkil etish yuzasidan javobgarlik yuklansin.

4. Qoraqalpogʻiston Respublikasi Vazirlar Kengashi, viloyatlar va tumanlar hokimliklari Oʻzbekiston Respublikasi Davlat soliq qoʻmitasining “Aydar-Arnasoy koʻllar tizimi direksiyasi” davlat unitar korxonasi, Qishloq xoʻjaligi vazirligi, “Oʻzbekbaliqsanoat” uyushmasi bilan birgalikda bir oy muddatda mazkur qaror bilan tasdiqlangan prognoz parametrlariga soʻzsiz erishishni taʼminlaydigan 2018-yilda baliqchilik tarmogʻini kompleks rivojlantirish boʻyicha chora-tadbirlar dasturini ishlab chiqsin va tasdiqlasin.

Dasturni ishlab chiqishda quyidagilarni nazarda tutuvchi chora-tadbirlarga alohida eʼtibor qaratilsin:

birinchi, sunʼiy suv havzalarini yaratish va yopiq suv taʼminoti sikliga ega zamonaviy inshootlarni barpo etish, har bir xoʻjalik kesimida aniq moliyalashtirish manbalari va baliq yetishtirish hajmlarini belgilagan holda inkubatsion sexlar va baliq pitomniklarini qurish;

ikkinchi, yer va suv resurslaridan oqilona foydalanishni taʼminlash, baliq yetishtirishning zamonaviy intensiv va resurs tejamkor texnologiyalarini joriy etish;

uchinchi, tumanlar kesimida ixtisoslashish holati va suv bilan taʼminlanganlik darajasi, baliqchilik fermer xoʻjaliklarining mavjud imkoniyatlari va boshqa muhim omillar hisobini yuritish;

toʻrtinchi, baliqchilik fermer xoʻjaliklari va yetkazib beruvchi tashkilotlar oʻrtasida moddiy-texnik resurslarni yetkazib berish boʻyicha shartnomalar tuzish, agrotexnik tadbirlarni oʻz vaqtida moliyalashtirish va sifatli amalga oshirish;

beshinchi, baliqchilik fermer xoʻjaliklari tomonidan yetishtirilgan mahsulotlarni hisobga olish tizimini takomillashtirish, mahsulotlarni sotishdan tushgan pul mablagʻlari xizmat koʻrsatuvchi banklar orqali aylanishini taʼminlash.

5. Qoraqalpogʻiston Respublikasi Vazirlar Kengashi, viloyatlar va tumanlar hokimliklari loyiha tashabbuskorlari buyurtmalariga koʻra sunʼiy suv havzalarini yaratish, yopiq suv taʼminoti sikliga ega inshootlarni barpo etish va baliqni qayta ishlash quvvatlarini tashkil etish maqsadida yer uchastkalari belgilangan tartibda ajratilishini taʼminlasin.

6. “Oʻzdonmahsulot” AJ, “Oʻzkimyosanoat” AJ intensiv texnologiyalar asosida yetishtiradigan baliqlarni oziqlantirish uchun boyitilgan va granulalangan (ekstrudirovka qilingan) omuxta yem, shuningdek, hovuz hosildorligini oshirish uchun mineral oʻgʻitlar mazkur qarorning 4-ilovasiga muvofiq zarur miqdorda ishlab chiqarilishini taʼminlasin.

7. Oʻzbekiston Respublikasi hududiga olib kiriladigan baliqlar uchun omuxta yemlar (ekstrudirovka qilingan, boshlangʻich, mahsulot holiga keltirilgan) (TIF TN kodi 2309 90) 2020-yil 1-yanvarga qadar bojxona toʻlovlarini toʻlashdan (bojxona rasmiylashtiruvi uchun yigʻimlardan tashqari) ozod qilinsin.

8. “Oʻzbekbaliqsanoat” uyushmasiga Qoraqalpogʻiston Respublikasi Vazirlar Kengashi, viloyatlar hokimliklari va loyiha tashabbuskorlari buyurtmalariga koʻra baliqchilik xoʻjaliklariga zarur uskunalar, maxsus transport vositalari va zamonaviy texnikalar, intensiv texnologiyalar asosida baliq yetishtirish uchun sunʼiy qurilmalarni lizing kompaniyalari orqali yetkazib berishni tashkil qilish tavsiya etilsin.

9. Oʻzbekiston Respublikasi Qishloq xoʻjaligi vazirligi “Oʻzbekbaliqsanoat” uyushmasi bilan birgalikda:

respublikada Xalqaro tiklanish va taraqqiyot banki va Xalqaro taraqqiyot uyushmasi ishtirokida amalga oshirilayotgan “Oʻzbekiston Respublikasida chorvachilik tarmogʻini rivojlantirish” loyihasi mablagʻlarini Oʻzbekiston Respublikasi Prezidentining 2017-yil 18-dekabrdagi “Oʻzbekiston Respublikasining rivojlanish davlat dasturlarini shakllantirish va moliyalashtirishning yangi tartibini joriy etish toʻgʻrisida”gi PQ-3437-son qarori bilan belgilangan tartibda mazkur qarorda nazarda tutilgan tadbirlarni amalga oshirish uchun jalb qilsin;

tabiiy va sunʼiy suv havzalarida yuqori mahsuldor baliq turlarini yetishtirishni yoʻlga qoʻyish va yanada koʻpaytirish, baliqchilik tarmogʻi tashkilotlarini qoʻllab-quvvatlash maqsadida Xitoy, Vyetnam, Indoneziya va boshqa davlatlardan tajribali xorijiy mutaxassislarni jalb qilish hamda baliqchilikning ilgʻor xorijiy texnologiyalarini respublikaga keng jalb qilish.

10. Oʻzbekiston Respublikasi Qishloq va suv xoʻjaligi vazirligi Iqtisodiyot vazirligi, Moliya vazirligi, Oliy va oʻrta maxsus taʼlim vazirligi bilan birgalikda Toshkent davlat agrar universiteti va uning Nukus filialida 2018/2019 oʻquv yilidan boshlab baliqchilik taʼlim yoʻnalishi boʻyicha sirtqi boʻlimni tashkil etish yuzasidan kelishilgan takliflarni tayyorlasin.

11. Oʻzbekiston Respublikasi Qishloq va suv xoʻjaligi vazirligi manfaatdor vazirlik va idoralar bilan birgalikda ikki oy muddatda qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga taklif kiritsin.

12. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari — qishloq va suv xoʻjaligi vaziri Z.T. Mirzayev zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2018-yil 3-fevral,

PQ-3505-son

Oʻzbekiston Respublikasi Prezidentining 2018-yil 3-fevraldagi PQ-3505-son qaroriga 1-ILOVA

2018-yilda suv havzalari va sholi ekin maydonlarini baliqlantirishning

PROGNOZ PARAMETRLARI

mln. dona Hududlar nomi Jami ulardan: sunʼiy hovuzlar tabiiy hovuzlar va suv omborlari qafas (sadok)moslamalari sunʼiy inshootlar yopiq suv aylanish tizimli qurilmalar sholi ekin maydonlari Jami: 205,6 103,4 29,8 15,3 17,2 4,8 35,1 shu jumladan: Qoraqalpogʻiston Respublikasi 30,9 3,6 5,7 0,4 2,2 0,6 18,5 Andijon viloyati 9,8 7,3 — — 1,3 0,3 0,9 Buxoro viloyati 8,9 4,8 2,8 0,3 0,7 0,3 — Jizzax viloyati 10,6 8,5 0,1 0,4 1.3 0,3 — Qashqadaryo viloyati 7,7 4,4 0,9 0,8 1,3 0,3 — Navoiy viloyati 11,5 3,6 1,1 5,2 1,3 0,3 — Namangan viloyati 10,5 7,2 0,1 1.0 1,3 0,3 0,6 Samarqand viloyati 8,2 5,1 0,6 1,0 1,3 0,3 — Surxondaryo viloyati 6,3 3,1 0.2 0.9 1,3 0,3 0,5 Sirdaryo viloyati 19,7 15,6 0,3 — 1,3 0,3 2,2 Toshkent viloyati 28,1 22,7 0.2 1,3 1,3 0,9 1,8 Fargʻona viloyati 11,7 7,2 0,2 1,6 1,3 0,3 1,0 Xorazm viloyati 21,7 10,2 0,3 — 1,3 0,3 9,6 Aydar-Arnasoy koʻllar tizimi 19,8 — 17,3 2,5 — — —

Oʻzbekiston Respublikasi Prezidentining 2018-yil 3-fevraldagi PQ-3505-son qaroriga 2-ILOVA

2018-yilda baliq yetishtirishning

PROGNOZ PARAMETRLARI

tonna Hududlar nomi Jami ulardan: sunʼiy hovuzlar tabiiy hovuzlar va suv omborlari qafas (sadok)moslamalari sunʼiy inshootlar yopiq suv aylanish tizimli qurilmalar sholi ekin maydonlari Jami: 150 000 74 785 33 815 13 290 7 900 4 800 15 410 shu jumladan: Qoraqalpogʻiston Respublikasi 20 000 2 600 7 500 300 1 000 600 8 000 Andijon viloyati 6610 5 285 — — 600 300 425 Buxoro viloyati 7 370 3 500 3 030 240 300 300 — Jizzax viloyati 7 575 6 120 195 360 600 300 — Qashqadaryo viloyati 6 220 3 200 1 400 720 600 300 — Navoiy viloyati 10 000 2 500 2 100 4 500 600 300 — Namangan viloyati 7 440 5 220 135 900 600 300 285 Samarqand viloyati 6 280 3 690 840 850 600 300 — Surxondaryo viloyati 4 470 2 250 350 750 600 300 220 Sirdaryo viloyati 13 645 11 245 500 — 600 300 1 000 Toshkent viloyati 20 125 16 500 230 1 100 600 900 795 Fargʻona viloyati 8 320 5 240 345 1 410 600 300 425 Xorazm viloyati 13 100 7 435 505 — 600 300 4 260 Aydar-Arnasoy koʻllar tizimi 18 845 — 16 685 2 160 — — —

Oʻzbekiston Respublikasi Prezidentining 2018-yil 3-fevraldagi PQ-3505-son qaroriga 3-ILOVA

2018-yilda baliq yetishtirish inoshootlari va qurilmalarini barpo etishning

PROGNOZ PARAMETRLARI

Hududlar nomi Inkubatsiya sexlari Sunʼiy hovuzlar Qafas (sadok) moslamalari Yopiq suv aylanish tizimli qurilmalar Miqdori(birligi) lichinkalar yetishtirish(mln. dona) Maydoni(ga) baliqni ishlab chiqarish xajmlari (tonna) Miqdori(birligi) baliqni ishlab chiqarish xajmi (tonna) Miqdori(birligi) baliqni ishlab chiqarish xajmi (tonna) Jami: 7 350 84 7900 3 070 9 210 13 3 900 shu jumladan: Qoraqalpogʻiston Respublikasi — — 15 1000 100 300 1 300 Andijon viloyati — — 6 600 — — 1 300 Buxoro viloyati 1 30 3 300 40 120 1 300 Jizzax viloyati — 6 600 80 240 1 300 Qashqadaryo viloyati 1 20 6 600 50 150 1 300 Navoiy viloyati — 6 600 1 500 4 500 1 300 Namangan viloyati 1 50 6 600 160 480 1 300 Samarqand viloyati — 6 600 100 300 1 300 Surxondaryo viloyati 1 50 6 600 50 150 1 300 Sirdaryo viloyati 1 50 6 600 — — 1 300 Toshkent viloyati — 6 600 100 300 1 300 Fargʻona viloyati 1 50 6 600 170 510 1 300 Xorazm viloyati — 6 600 — — 1 300 Aydar-Arnasoy koʻllar tizimi 1 100 — — 720 2 160 — —

Oʻzbekiston Respublikasi Prezidentining 2018-yil 3-fevraldagi PQ-3505-son qaroriga 4-ILOVA

2018-yilda baliqlarni oziqlantirish va xovuz hosildorligini oshirish uchun sarflanadigan omuxta yem va mineral oʻgʻit yetkazib berishning

PROGNOZ PARAMETRLARI

tonna Hududlar nomi Jami: ulardan: sunʼiy hovuzlarda intensiv texnologiyalarni qoʻllagan holda qafas (sadok) moslamalari sunʼiy inshootlar yopiq suv aylanish tizimli qurilmalar omuxta yem mineral oʻgʻitlar omuxta yem mineral oʻgʻitlar omuxta yem omuxta yem omuxta yem Jami: 186 266 26 100 131 728 26 100 29 238 17 380 7 920 shu jumladan: Qoraqalpogʻiston Respublikasi 12 577 1 360 8 727 1360 660 2 200 990 Andijon viloyati 10 178 1 860 8 363 1860 1 320 495 Buxoro viloyati 7 646 1 310 5 963 1310 528 660 495 Jizzax viloyati 12121 2 140 9514 2140 792 1 320 495 Qashqadaryo viloyati 8 794 1 030 5 395 1030 1 584 1 320 495 Navoiy viloyati 16 840 1 040 5 125 1040 9 900 1 320 495 Namangan viloyati 12 264 1 870 8 469 1870 1 980 1 320 495 Samarqand viloyati 9 734 1 340 6 049 1340 1 870 1 320 495 Surxondaryo viloyati 7 335 830 3 870 830 1 650 1 320 495 Sirdaryo viloyati 19 586 3 910 17 771 3910 1 320 495 Toshkent viloyati 32 628 5 110 27 403 5110 2 420 1 320 1 485 Fargʻona viloyati 13 610 1 810 8 693 1810 3 102 1 320 495 Xorazm viloyati 15 001 2 200 13 186 2200 1 320 495 Aydar-Arnasoy koʻllar tizimi 7 952 290 3 200 290 4 752 — —

Oʻzbekiston Respublikasi Prezidentining 2018-yil 3-fevraldagi PQ-3505-son qaroriga 5-ILOVA

2018-yilda reproduktiv hovuzlarni tashkil etish, baliq chavoqlari yetishtirish hamda baliqni saqlash va qayta ishlash quvvatlarini tashkil etishning

PROGNOZ PARAMETRLARI

Hududlar nomi Reproduktiv hovuzlar Baliq chavoqlari yetishtirish (mln. dona) Baliq mahsulotini qayta ishlash va saqlash mavjudlari 2018 yilda yaratiladiganlari Jami ulardan: mavjudlari 2018 yilda yaratiladiganlari Maydoni (ga) Quvvati (mln. dona Maydoni (ga) Quvvati (mln. dona oʻtxoʻrlar karplar Sexlar (nafar) Quvvati (tn.) Sexlar (nafar) Quvvati (tn.) Jami: 3 053 152,8 1 347 67,4 220 1773 42,6 18 2 930 23 8 850 shu jumladan: Qoraqalpogʻiston Respublikasi 106 5,3 500 25 30 24,2 6,1 2 1 400 1 1 000 Andijon viloyati 208 10,4 — — 10 8,3 2,1 1 250 1 50 Buxoro viloyati 144 7,2 40 2 9 7,4 1,8 1 250 1 300 Jizzax viloyati 181 9,1 40 2 11 8,8 2,2 1 200 2 500 Qashqadaryo viloyati 111 5,6 50 2,5 8 6,4 1,6 2 200 1 100 Navoiy viloyati 196 9.8 30 1,5 11 9,0 2,3 2 40 1 1 000 Namangan viloyati 208 10,4 20 1 11 9,1 2,3 1 20 1 200 Samarqand viloyati 148 7,4 20 1 8 6,7 1,7 1 300 2 500 Surxondaryo viloyati 96 4.8 25 1,3 6 4,8 1,2 — — 1 100 Sirdaryo viloyati 440 22,0 — — 22 17,6 4,4 — — 3 2 100 Toshkent viloyati 790 39,5 — — 40 31,6 7,9 6 170 3 900 Fargʻona viloyati 198 9,9 52 2,6 13 10,0 2,5 — — 1 300 Xorazm viloyati 227 11,4 220 11 22 17,9 4,5 1 100 4 1 300 Aydar-Arnasoy koʻllar tizimi — — 350 17,5 18 15,5 2,0 — — 1 500