Oʻzbekiston Respublikasi Vazirlar Mahkamasi huzuridagi Oʻsimliklar karantini davlat inspeksiyasi toʻgʻrisidagi nizomni va Oʻzbekiston Respublikasi Vazirlar Mahkamasi huzuridagi Oʻsimliklar karantini davlat inspeksiyasining Oʻsimliklar karantini tizimini rivojlantirish jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizomni tasdiqlash haqida (68-son)

31.01.2018

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Oʻzbekiston Respublikasi Vazirlar Mahkamasi huzuridagi Oʻsimliklar karantini davlat inspeksiyasi faoliyatini tashkil etish toʻgʻrisida” 2017-yil 30-avgustdagi PQ-3249-son qarori ijrosini taʼminlash maqsadida Vazirlar Mahkamasi qaror qiladi:

1. Quyidagilar:

Oʻzbekiston Respublikasi Vazirlar Mahkamasi huzuridagi Oʻsimliklar karantini davlat inspeksiyasi toʻgʻrisidagi nizom 1-ilovaga muvofiq;

Oʻzbekiston Respublikasi Vazirlar Mahkamasi huzuridagi Oʻsimliklar karantini davlat inspeksiyasining Oʻsimliklar karantini tizimini rivojlantirish jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizom 2-ilovaga muvofiq tasdiqlansin.

2. Oʻzbekiston Respublikasi Vazirlar Mahkamasi huzuridagi Oʻsimliklar karantini davlat inspeksiyasi, Qishloq va suv xoʻjaligi vazirligi manfaatdor vazirliklar hamda idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Qishloq va suv xoʻjaligi vaziri Z.T. Mirzayev zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2018-yil 31-yanvar,

68-son

Vazirlar Mahkamasining 2018-yil 31-yanvardagi 68-son qaroriga 1-ILOVA

Oʻzbekiston Respublikasi Vazirlar Mahkamasi huzuridagi Oʻsimliklar karantini davlat inspeksiyasi toʻgʻrisida

NIZOM

1-bob. Umumiy qoidalar

1. Ushbu Nizom Oʻzbekiston Respublikasi Vazirlar Mahkamasi huzuridagi Oʻsimliklar karantini davlat inspeksiyasining (keyingi oʻrinlarda Inspeksiya deb ataladi) maqomi, asosiy vazifalari, funksiyalari, huquqlari, masʼuliyatini, faoliyati va hisobdorligini tashkil etish tartibini, shuningdek, Inspeksiya rahbarlarining funksional majburiyatlari va javobgarligini belgilaydi.

2. Inspeksiya davlat boshqaruvi organi hisoblanadi va Oʻzbekiston Respublikasining fitosanitariya xavfsizligini taʼminlash chora-tadbirlarini ishlab chiqish, amalga oshirish va muvofiqlashtirish, shuningdek, qishloq xoʻjaligi va boshqa oʻsimlik mahsulotlarini ishlab chiqarish, tayyorlash, tashish, saqlash, qayta ishlash, sotish va ulardan foydalanishda oʻsimliklar karantini boʻyicha belgilangan qoidalarga rioya etilishi hamda tadbirlar bajarilishini davlat tomonidan nazorat qilish vazifalarini amalga oshiradi.

3. Inspeksiya Oʻzbekiston Respublikasi Vazirlar Mahkamasiga (keyingi oʻrinlarda Vazirlar Mahkamasi deb ataladi) boʻysunadi.

4. Inspeksiya oʻz faoliyatini Oʻzbekiston Respublikasi Prezidentining “Oʻzbekiston Respublikasi Vazirlar Mahkamasi huzuridagi Oʻsimliklar karantini davlat inspeksiyasini tashkil etish toʻgʻrisida” 2017-yil 30-avgustdagi PF-5174-son farmoni va “Oʻzbekiston Respublikasi Vazirlar Mahkamasi huzuridagi Oʻsimliklar karantini davlat inspeksiyasi faoliyatini tashkil etish toʻgʻrisida” 2017-yil 30-avgustdagi PQ-3249-son qaroriga muvofiq amalga oshiradi.

5. Inspeksiya oʻz faoliyatida Oʻzbekiston Respublikasi Konstitutsiyasi va qonunlari, Oʻzbekiston Respublikasi Oliy Majlisi palatalarining qarorlari, Oʻzbekiston Respublikasi Prezidentining farmonlari, qarorlari va farmoyishlari, Oʻzbekiston Respublikasi Vazirlar Mahkamasining qarorlari va farmoyishlari, shuningdek, ushbu Nizomga va boshqa qonun hujjatlariga amal qiladi.

6. Inspeksiyaning oʻz vakolatlari doirasida qabul qilingan qarorlari davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlar va ularning mansabdor shaxslari, shuningdek, fuqarolar tomonidan bajarilishi majburiy hisoblanadi.

7. Inspeksiya, oʻsimliklar karantini hududiy inspeksiyalari va Oʻsimliklar karantini ilmiy-tadqiqot markazi yuridik shaxslar hisoblanadi, Oʻzbekiston Respublikasi Davlat gerbi tasviri tushirilgan hamda oʻz nomi davlat tilida yozilgan muhri va blankalariga, mustaqil balansiga, Oʻzbekiston Respublikasi Moliya vazirligi Gʻaznachiligida shaxsiy gʻaznachilik hisob raqamlari, bank hisob raqamlari, shu jumladan xorijiy valyutadagi hisob raqamlariga ega boʻladi.

8. Inspeksiyaning rasmiy nomi:

a) davlat tilida:

toʻliq — Oʻzbekiston Respublikasi Vazirlar Mahkamasi huzuridagi Oʻsimliklar karantini davlat inspeksiyasi, qisqartmasi — “Oʻzdavkarantin” inspeksiyasi;

b) ingliz tilida:

toʻliq — The State plants quarantine Inspection under the Cabinet of Ministers of the Republic of Uzbekistan, qisqartmasi — “Uzstatequaratine” Inspection;

v) rus tilida:

toʻliq — Gosudarstvennaya inspeksiya po karantinu rasteniy pri Kabinete Ministrov Respubliki Uzbekistan, qisqartmasi — Inspeksiya “Uzgoskarantin”.

2-bob. Inspeksiya tuzilmasi

9. Inspeksiya tarkibiga quyidagilar kiradi:

markaziy apparat;

Qoraqalpogʻiston Respublikasi, viloyatlar va Toshkent shahar oʻsimliklar karantini davlat inspeksiyalari (keyingi oʻrinlarda — hududiy inspeksiyalar);

Oʻsimliklar karantini ilmiy-tadqiqot markazi.

Oʻsimliklar karantini boʻyicha davlat inspeksiyalari va boshqa boʻlinmalar oʻsimliklar karantini davlat xizmatining yagona markaziy tizimini tashkil qiladi.

3-bob. Inspeksiyaning vazifalari va funksiyalari

1-§ Inspeksiyaning vazifalari va funksiyalari

10. Quyidagilar Inspeksiyaning asosiy vazifalari hisoblanadi:

1) oʻsimliklar karantini sohasida yagona davlat siyosatini yuritish, bu boradagi qonunchilik amalga oshirilishini taʼminlash, davlat va xoʻjalik boshqaruvi organlari, mahalliy davlat hokimiyati organlarining ushbu sohadagi faoliyatini muvofiqlashtirish;

2) tashqi va ichki oʻsimliklar karantini boʻyicha davlat tadbirlari tizimini amalga oshirish;

3) iqtisodiyot tarmoqlariga jiddiy zarar yetkazishi mumkin boʻlgan karantin va boshqa xavfli zararkunandalar, oʻsimliklar kasalliklari va begona oʻtlarning xorijiy davlatlardan respublika hududiga kirib kelishidan himoya qilish;

4) karantin va boshqa xavfli zararkunandalar, oʻsimliklar kasalliklari va begona oʻtlarni oʻz vaqtida aniqlash, ularning tarqalishiga yoʻl qoʻymaslik va yoʻq qilishni tashkil etish, shuningdek, respublikaning ular mavjud boʻlmagan hududlariga kirib borishining oldini olish;

5) qishloq xoʻjaligi va boshqa oʻsimliklar mahsulotlarini ishlab chiqarish, tayyorlash, tashish, saqlash, qayta ishlash, sotish va ulardan foydalanishda oʻsimliklar karantini boʻyicha belgilangan qoidalarga rioya etilishi va tadbirlar amalga oshirilishi yuzasidan davlat nazoratini amalga oshirish;

6) oʻsimliklar karantini sohasida ilmiy, metodik va taʼlim imkoniyatlarini keng rivojlantirish, ilmiy-tadqiqotlar yoʻnalishlarini belgilash, fundamental va amaliy tadqiqotlar, innovatsion ishlanmalar natijalarining fitosanitariya amaliyotiga joriy etilishini muvofiqlashtirish;

7) xalqaro hamkorlikni kengaytirish, karantin xizmati faoliyatiga zamonaviy xorijiy texnologiyalar va ish uslublarini joriy etish;

8) kadrlarni tizimli qayta tayyorlash va malakasini oshirishni tashkil etish, rahbarlar va mutaxassislar, shu jumladan idoraviy mansub tuzilmalarning ishlash shakllari va usullarini takomillashtirish, yuklangan vazifalarni oʻz vaqtida va sifatli bajarish boʻyicha ularning masʼuliyatini oshirish.

11. Inspeksiya oʻziga yuklangan vazifalarga muvofiq quyidagi funksiyalarni amalga oshiradi:

1) oʻsimliklar karantini sohasida yagona davlat siyosatini yuritish, bu boradagi qonunchilik amalga oshirilishini taʼminlash, davlat va xoʻjalik boshqaruvi organlari, mahalliy davlat hokimiyati organlarining ushbu yoʻnalishdagi faoliyatini muvofiqlashtirish sohasida:

Vazirlar Mahkamasiga oʻsimliklar karantini sohasidagi yagona davlat siyosatini yuritishga qaratilgan takliflarni, oʻsimliklar karantini toʻgʻrisidagi qonun hujjatlarini yanada takomillashtirishga doir normativ-huquqiy hujjatlar va oʻsimliklar karantini sohasiga oid davlat dasturlarining loyihalarini koʻrib chiqish uchun kiritadi;

oʻz vakolati doirasida buyruqlar qabul qiladi, yuridik va jismoniy shaxslar bajarishi majburiy boʻlgan yoʻriqnomalar, karantin qoidalari va fitosanitariya talablarini belgilangan tartibda tasdiqlaydi hamda ularni tashkilotlar va fuqarolarga yetkazadi;

jismoniy va yuridik shaxslarning oʻsimliklar karantini toʻgʻrisidagi qonun hujjatlari talablari, shu jumladan karantini qoidalari, shuningdek, fitosanitariya talablarining bajarilishini davlat tomonidan nazorat qilinishini taʼminlaydi;

respublika hududida oʻsimliklar karantini boʻyicha tadbirlarning oʻz vaqtida oʻtkazilishi boʻyicha davlat nazoratini amalga oshiradi;

oʻsimliklar karantini sohasidagi xalqaro konvensiyalar va boshqa davlatlar bilan tuzilgan shartnomalardan kelib chiqadigan tadbirlar oʻtkazilishi boʻyicha davlat nazoratini amalga oshiradi;

davlat va xoʻjalik boshqaruvi organlari, mahalliy ijro etuvchi hokimiyat organlarining Inspeksiya vakolatiga kiradigan masalalar boʻyicha faoliyatini belgilangan tartibda muvofiqlashtiradi;

2) oʻsimliklar tashqi va ichki karantini boʻyicha davlat tadbirlari tizimini amalga oshirish, karantin va boshqa xavfli zararkunandalar, oʻsimliklar kasalliklari va begona oʻtlarning xorijiy davlatlardan respublika hududiga kirib kelishidan himoya qilish, karantin va boshqa xavfli zararkunandalarni oʻz vaqtida aniqlash, ularning tarqalishiga yoʻl qoʻymaslik va yoʻq qilish sohasida:

jismoniy va yuridik shaxslarning karantin hamda boshqa oʻta xavfli zararli organizmlar kirib kelishi va tarqalishining oldini olishga qaratilgan kompleks profilaktika chora-tadbirlarini belgilangan muddatlarda bajarishi boʻyicha davlat nazoratini amalga oshiradi;

xorijiy davlatlardan urugʻlar, oʻsimliklar, oʻsimlik xomashyosi va boshqa oʻsimlik mahsulotlari hamda xalq isteʼmol tovarlari olib kiriladigan chegara maskanlarini belgilaydi;

respublikaga xorijiy davlatlardan urugʻlar, oʻsimliklar va boshqa oʻsimlik mahsulotlari yetkazib berish yoki respublika hududi orqali tashish uchun savdo shartnomalariga (kontraktlariga) oʻsimliklar karantini davlat xizmati talablarining kiritilishini nazorat qiladi;

Oʻzbekiston Respublikasi hududida xizmat tekshiruvlarini belgilangan tartibda tashkil etadi va oʻtkazadi, shuningdek, karantin tusidagi favqulodda vaziyatlarda boshqa davlatlar hududida oʻtkaziladigan xizmat tekshiruvlarida ishtirok etadi;

zarur boʻlganda, xorijiy davlatlardan katta miqdorda urugʻlar, oʻsimliklar va boshqa oʻsimlik mahsulotlari sotib olingan hollarda ushbu davlatlarda qishloq xoʻjaligi ekinlari va koʻchatlarning fitosanitariya holatini oʻrganish uchun fitosanitariya nazorati mutaxassislarini yuboradi;

Oʻzbekiston Respublikasi Vazirlar Mahkamasi bilan kelishgan holda Oʻzbekiston Respublikasi uchun oʻsimliklar karantinida boʻlgan zararli organizmlar roʻyxatini tasdiqlaydi;

Oʻzbekiston Respublikasi hududiga chetdan kiritilishi mumkin boʻlmagan oʻsimliklarning ekish materiallari, oʻsimliklar karantini nazoratidagi mahsulotlar va ularning hududlari roʻyxatini tasdiqlaydi;

Oʻzbekiston Respublikasi hududidan olib chiqilishi mumkin boʻlmagan oʻsimliklar karantini nazoratidagi mahsulotlar roʻyxatini tasdiqlaydi;

fitosanitar sertifikati va karantin ruxsatnomasini beradi;

olib kiriladigan va joʻnatiladigan, karantin zararkunandalar, oʻsimliklar kasalliklari va begona oʻtlar tashuvchilari boʻlishi mumkin boʻlgan oʻsimliklar karantini nazoratidagi mahsulotlar turlari, urugʻliklar, oʻsimliklar, oʻsimlik mahsulotlari va boshqa materiallarni karantin tekshiruvini hamda laboratoriya ekspertizasidan oʻtkazadi;

oʻsimliklar oʻsimliklar karantini nazoratidagi mahsulotlarni belgilangan tartibda laboratoriya ekspertizasidan oʻtkazadi;

urugʻliklar, oʻsimliklar, oʻsimlik xomashyosi, boshqa oʻsimlik mahsulotlari va xalq isteʼmol tovarlarini mamlakat ichida tashish, eksport qilish uchun olib chiqishning karantin qoidalari hamda ulardan foydalanish shartlarini tasdiqlaydi;

zarur boʻlganda, yuridik va jismoniy shaxslarga karantindagi zararli organizmlarga qarshi kurashishda yordam berish uchun ixtisoslashtirilgan fumigatsiya otryadlarini tuzadi;

respublika hududlarini karantin boʻyicha hududlarga va mikrohududlarga ajratadi;

mahalliy davlat hokimiyat organlari va Oʻzbekiston Respublikasi Vazirlar Mahkamasiga tegishli hududda karantin oʻrnatish (uni bekor qilish) toʻgʻrisida tavsiyanomalar kiritadi;

3) qishloq xoʻjaligi va boshqa oʻsimliklar mahsulotlarini ishlab chiqarish, tayyorlash, tashish, saqlash, qayta ishlash, sotish va ulardan foydalanishda oʻsimliklar karantini boʻyicha belgilangan qoidalarga rioya etilishi va tadbirlar amalga oshirilishi yuzasidan davlat nazoratini amalga oshirish sohasida:

boshqa davlatlardan oʻsimlik mahsulotlari va oʻsimliklar oʻsimliklar karantini nazoratidagi boshqa materiallarni olib kirish shartlari, bunday mahsulotlarni mamlakat ichida, shu jumladan karantin nazoratida deb eʼlon qilingan hududlardan tashish shartlari, qishloq xoʻjaligi va boshqa oʻsimliklar mahsulotlarini ishlab chiqarish, tayyorlash, tashish, saqlash, qayta ishlash, sotish va ulardan foydalanish jarayonlariga qoʻyiladigan shartlarni ishlab chiqadi;

oʻsimlik mahsulotlari va boshqa materiallarni sogʻlomlashtirish, shuningdek, boshqa davlatlar hamda karantin nazoratida deb eʼlon qilingan hududlardan keladigan transport vositalarini zararsizlantirishni tashkil etadi;

karantin zararkunandalar, oʻsimliklar kasalliklari va begona oʻtlarni oʻz vaqtida aniqlash maqsadida qishloq xoʻjaligi va boshqa ekinlar, oʻsimlik mahsulotlari saqlanadigan va qayta ishlanadigan joylarda nazorat tekshiruvlarini oʻtkazadi;

4) oʻsimliklar karantini sohasida ilmiy, metodik va taʼlim imkoniyatlarini keng rivojlantirish, ilmiy-tadqiqotlar yoʻnalishlarini belgilash, fundamental va amaliy tadqiqotlar, innovatsion ishlanmalar natijalarining fitosanitariya amaliyotiga joriy etilishini muvofiqlashtirish sohasida:

karantindagi zararli organizmlarning bioekologik xususiyatlarini oʻrganish va ularga qarshi kurashish samaradorligi boʻyicha ilmiy tadqiqotlar oʻtkazadi;

isteʼdodli yosh olimlar, magistrlar, doktarantlarning oʻsimliklar karantini boʻyicha ilmiy-tadqiqot ishlariga rahbarlik qiladi;

ilmiy-tadqiqot muassasalari bilan birgalikda karantin zararkunandalar, oʻsimliklar kasalliklari va begona oʻtlarga qarshi kurashish boʻyicha samarali tadbirlarni ishlab chiqish hamda amalga oshirishda ishtirok etadi;

ilm-fan yutuqlari va ilgʻor tajribalarni joriy qiladi, shuningdek, aholini karantin zararkunandalar, oʻsimliklar kasalliklari va begona oʻtlarga qarshi kurash tadbirlari bilan tizimli tanishtirish ishlarini amalga oshiradi;

oʻsimlik mahsulotlari va boshqa materiallarning yashirin zararlanganini karantin koʻrigidan, laboratoriya ekspertizasidan oʻtkazadi va aniqlaydi hamda zararsizlantirish uslublarini ishlab chiqadi;

respublika hududida mavjud boʻlmagan va cheklangan darajada tarqalgan zararkunandalar, oʻsimliklar kasalliklari hamda begona oʻtlarning turlari va bioekologiyasini oʻrganadi;

5) xalqaro hamkorlikni kengaytirish, karantin xizmati faoliyatiga zamonaviy xorijiy texnologiyalar va ish usullarini joriy etish, xalqaro munosabatlarni yoʻlga qoʻyish hamda rivojlantirish sohasida;

fitosanitariya xavfsizligi, oʻsimliklar karantini sohasidagi normativ-huquqiy bazani takomillashtirish boʻyicha xalqaro tashkilotlar, konferensiyalar va seminarlar ishida ishtirok etadi;

xorijiy davlatlarning tegishli milliy idoralari bilan oʻsimliklar karantini va fitosanitariya xavfsizligi toʻgʻrisida zarur axborot almashadi;

xorijiy davlatlar karantin xizmatlarini Oʻzbekiston Respublikasiga yuborilgan oʻsimliklar karantini nazoratidagi mahsulotlar Oʻzbekiston Respublikasining fitosanitariya karantin talablariga mos kelmasligi haqida xabardor qiladi;

milliy tashkilotlarni oʻsimliklar karantini nazoratidagi mahsulotlarga qoʻyiladigan talablar va oʻsimliklar karantini boʻyicha xorijiy davlatlar organlari tomonidan ularga nisbatan belgilangan cheklovlar toʻgʻrisida xabardor qiladi;

oʻsimliklar karantini sohasida xorijiy davlatlarning tegishli idoralari bilan xalqaro shartnomalar tuzish va ularni amalga oshirishda Oʻzbekiston Respublikasi qonun hujjatlarida belgilangan tartibda ishtirok etadi;

Oʻzbekiston Respublikasidan olib chiqiladigan oʻsimliklar karantini nazoratidagi mahsulotlarning xorijiy davlatlar karantin fitosanitariya talablariga mos kelmagan holatlarda tekshiruvlar oʻtkazadi;

xalqaro tashkilotlar doirasida oʻsimliklar karantini boʻyicha respublika manfaatlarini ifoda etadi;

6) kadrlarni tizimli qayta tayyorlash va malakasini oshirishni tashkil etish, rahbarlar va mutaxassislar, shu jumladan idoraviy mansub tuzilmalarning ishlash shakllari va uslublarini takomillashtirish, yuklatilgan vazifalarning oʻz vaqtida va sifatli bajarilishi boʻyicha ularning masʼuliyatini oshirish sohasida:

kadrlarni tizimli asosda qayta tayyorlash va malakasini oshirishni tashkil qiladi, oʻsimliklar karantini davlat xizmati tizimi rahbarlari va mutaxassislarining ishlash shakllari hamda uslublarini takomillashtirish chora-tadbirlarini amalga oshiradi;

xodimlarning karantin zararkunandalar, oʻsimliklar kasalliklari va begona oʻtlarga qarshi kurashish boʻyicha kasb darajasini muntazam oshirishga qaratilgan tizimli ishlar bajarilishini taʼminlaydi;

ilm-fan yutuqlari va ilgʻor tajribani, innovatsion uslublar, karantin zararkunandalar, oʻsimliklar kasalliklari va begona oʻtlarga qarshi kurashish vositalari hamda usullarini targʻib qilish hamda ishlab chiqarishga joriy etish, aholi oʻrtasida karantin obyektlar toʻgʻrisidagi bilimni ommalashtirish ishlarini tashkil etadi.

2-§ Inspeksiya markaziy apparatining vazifalari va funksiyalari

12. Quyidagilar Inspeksiya markaziy apparatining asosiy vazifalari hisoblanadi:

oʻsimliklar karantini hududiy inspeksiyalari va Oʻsimliklar karantini ilmiy-tadqiqot markazi bilan birgalikda Inspeksiyaga yuklangan vazifa va funksiyalarni samarali bajarish;

oʻsimliklar karantini toʻgʻrisidagi qonun hujjatlarini amalga oshirish, ushbu yoʻnalishda davlat va xoʻjalik boshqaruvi organlari, mahalliy davlat hokimiyati organlarining oʻzaro hamkorligini muvofiqlashtirish;

oʻsimliklar karantini sohasida ilmiy, metodologik va taʼlim imkoniyatlarini har tomonlama kengaytirish, ilmiy tadqiqotlar yoʻnalishlarini belgilash, fitosanitariya amaliyotiga fundamental va amaliy tadqiqotlar natijalari, innovatsion ishlanmalar joriy etilishini muvofiqlashtirish;

xalqaro hamkorlikni kengaytirish, oʻsimliklar karantini sohasida xorijiy davlatlarning ilgʻor tajribasini oʻrganish, karantin xizmati faoliyatiga ilgʻor texnologiyalar hamda ish uslublarini joriy etish;

Oʻsimliklar karantini tizimini rivojlantirish jamgʻarmasiga mablagʻlar kelib tushishi va sarflanishini tahlil qilish hamda hisobga olish;

idoraviy mansub boʻlinmalarning rivojlanishiga koʻmaklashish va ularni rivojlantirish istiqbollarini belgilash.

13. Inspeksiya markaziy apparati oʻziga yuklangan asosiy vazifalarga muvofiq quyidagi funksiyalarni amalga oshiradi:

Inspeksiya faoliyati va uning rahbariyatini tashkiliy hamda tahliliy axborot bilan taʼminlaydi;

oʻsimliklar karantinidagi zararli organizmlarining kirib kelishi, tarqalishining oldini olish, shuningdek, ularning kengayishiga yoʻl qoʻymaslik va bartaraf etish, ularga qarshi kurashish tadbirlarini oʻz vaqtida hamda sifatli amalga oshirish boʻyicha kompleks tizimni yaratishga qaratilgan choralarni koʻradi;

karantin laboratoriya ishini tashkil qiladi, respublikada bunday laboratoriyalar tarmogʻini shakllantirish choralarini koʻradi;

ekologiya va tabiatni muhofaza qilish, sanitariya nazorati organlari bilan birgalikda oʻsimliklar karantini obyektlariga qarshi kurashishning innovatsion, samarali va ilgʻor usullari, oʻsimliklar karantini sohasidagi dolzarb yutuqlar targʻib qilinishini oʻrganadi, ularning qoʻllanilishini nazorat qiladi;

oʻsimliklar karantini davlat xizmati faoliyatiga ilgʻor texnologiyalar va ish usullarini joriy qiladi;

xalqaro hamkorlik, xalqaro munosabatlar oʻrnatish va ularni rivojlantirish sohasida Inspeksiya faoliyatini taʼminlaydi;

markaziy apparat tarkibiy boʻlinmalari, oʻsimliklar karantini hududiy inspeksiyalari va Oʻsimliklar karantini ilmiy-tadqiqot markazining Oʻzbekiston Respublikasi qonunlari, Oʻzbekiston Respublikasi Prezidenti farmonlari, qarorlari va farmoyishlari, hukumat qarorlarini bajarishi yuzasidan tizimli nazoratni taʼminlaydi;

oʻsimliklar karantini davlat xizmati tizimiga axborot-kommunikatsiya texnologiyalarini joriy etadi, ularning muntazam takomillashtirilishi va yangilanishini taʼminlaydi;

Inspeksiya boshligʻi va uning oʻrinbosarining buyruqlari hamda farmoyishlarini oʻz vakolati doirasida amalga oshiradi;

karantin ruxsatnomasini beradi;

tadbirkorlik subyektlariga Inspeksiya tomonidan amalga oshiriladigan ruxsat berish tartib-taomillaridan oʻtish boʻyicha axborot, uslubiy, tashkiliy hamda maslahat yordamini koʻrsatadi;

Inspeksiya tomonidan Oʻzbekiston Respublikasi Prezidenti Administratsiyasiga va Vazirlar Mahkamasiga kiritiladigan hujjatlarni sifatli hamda oʻz vaqtida ishlab chiqilishini, ularning iqtisodiy, moliyaviy va huquqiy ekspertizadan oʻtkazilishini tashkil qiladi;

oʻsimliklar karantini hududiy inspeksiyalari va Oʻsimliklar karantini ilmiy-tadqiqot markazi faoliyatiga rahbarlik qiladi, muvofiqlashtiradi va nazorat qiladi;

Inspeksiya faoliyatini, jumladan normativ-huquqiy hujjatlar ishlab chiqish sohasida huquqiy taʼminlashni tashkil etadi;

boshqaruv qarorlarini qabul qilish maqsadida fitosanitariya xavfsizligi sohasida rivojlanish tendensiyalari toʻgʻrisida Inspeksiya rahbariyati uchun axborot toʻplaydi, umumlashtiradi va tahlil qiladi;

jismoniy va yuridik shaxslar murojaatlarini koʻrib chiqish ishlarini tashkil etadi;

tezkor, tashkiliy, kadrlar, moliyaviy, ishlab chiqarish-xoʻjalik va Inspeksiya vakolatiga kiradigan boshqa masalalar yuzasidan qarorlar qabul qiladi.

3-§ Oʻsimliklar karantini hududiy inspeksiyalarining vazifalari va funksiyalari

14. Quyidagilar oʻsimliklar karantini hududiy inspeksiyalarining asosiy vazifalari hisoblanadi:

tegishli hududda Inspeksiyaga yuklangan vazifa va funksiyalarni samarali bajarish;

Qoraqalpogʻiston Respublikasi Joʻqorgʻi Kengesi raisi, viloyatlar, tumanlar (shaharlar) va Toshkent shahri hokimlari, hududiy prokuratura organlari, ichki ishlar organlari va davlat soliq xizmatining rahbarlari rahbarlik qiladigan kompleks ijtimoiy-iqtisodiy rivojlanish sektorlari bilan (keyingi oʻrinlarda kompleks ijtimoiy-iqtisodiy rivojlanish sektorlari deb ataladi) oʻzaro hamkorlik qilish;

karantin va boshqa xavfli zararkunandalar, oʻsimliklar kasalliklari va begona oʻtlarni oʻz vaqtida aniqlash, ularning tarqalishiga yoʻl qoʻymaslik va yoʻq qilishni tashkil etish, shuningdek, respublikaning ular mavjud boʻlmagan hududlariga kirib borishining oldini olish;

qishloq xoʻjaligi va boshqa oʻsimliklar mahsulotlarini ishlab chiqarish, tayyorlash, tashish, saqlash, qayta ishlash, sotish va ulardan foydalanishda oʻsimliklar karantini boʻyicha belgilangan qoidalarga rioya etilishi va tadbirlar amalga oshirilishi yuzasidan davlat nazoratini amalga oshirish;

har oylik, choraklik va yillik hisobotlar, maʼlumotlar hamda statistika maʼlumotlarining oʻz vaqtida taqdim etilishini taʼminlash;

karantindagi zararli organizmlar, oʻsimliklar kasalliklari hamda begona oʻtlarni oʻz vaqtida aniqlash maqsadida qishloq xoʻjaligi uchun moʻljallangan yerlar, oʻrmon fondi, qoʻriqlanadigan tabiiy hududlar, qoʻriqxonalar, tabiiy bogʻlarning qoʻriqlanadigan hududlari va davlat biosfera rezervatlari, oʻsimlik mahsulotlarini saqlash, qayta ishlash va sotish joylari, oʻsimliklar karantini nazoratidagi mahsulotlar kelib tushadigan maskanlar va ularga tutash hududlarni nazorat tekshiruvlaridan tizimli oʻtkazilishini tashkil etish;

aniqlangan zararlanish oʻchoqlari kengayishiga yoʻl qoʻymaslik va ularni bartaraf etish, shuningdek, karantindagi zararli organizmlar kirib keladigan yoʻllarni aniqlash va toʻsishga doir shoshilinch choralar koʻrish;

respublikaga xorijiy davlatlardan keladigan mahsulotlarni sogʻlomlashtirish, shuningdek, transport vositalarini zararsizlantirishni nazorat qilish;

xorijiy tajriba hisobga olingan holda, oʻsimliklar karantini va fitosanitariya xavfsizligi tizimidagi normativ-huquqiy hujjatlarni takomillashtirishga oid takliflar kiritish;

oʻsimliklar karantini sohasida pulli xizmatlar koʻrsatishda tarif siyosatini shakllantirishga doir takliflar tayyorlash;

markaziy apparat nomenklaturasiga kiritilgan lavozimlarga kadrlarni tanlash va tavsiya etish;

oʻsimliklar karantini hududiy inspeksiyalarining oʻsimliklar karantini sohasi uchun malakali kadrlar tayyorlash, qayta tayyorlash hamda ularning malakasini oshirishga boʻlgan ehtiyojlarini oʻrganish, shuningdek, ushbu masala yuzasidan aniq takliflar kiritish;

oʻsimliklar karantini hududiy inspeksiyalari, shuningdek, Oʻsimliklar karantini ilmiy-tadqiqot markazi faoliyatiga zamonaviy axborot-kommunikatsiya texnologiyalarini joriy qilish, axborot tizimlari va resurslarini himoya etishni taʼminlash.

15. Oʻsimliklar karantini hududiy inspeksiyalari oʻzlariga yuklangan asosiy vazifalarga muvofiq quyidagi funksiyalarni amalga oshiradi:

karantindagi zararkunandalar, oʻsimliklar kasalliklari hamda begona oʻtlarni oʻz vaqtida aniqlash maqsadida qishloq xoʻjaligi uchun moʻljallangan yerlar, davlat oʻrmon fondi, qoʻriqlanadigan tabiiy hududlar, oʻsimlik mahsulotlarini saqlash, qayta ishlash va sotish joylari, oʻsimliklar karantini nazoratidagi mahsulotlar kelib tushadigan maskanlar va ularga tutash hududlarni nazorat tekshiruvlaridan oʻtkazadi;

aniqlangan zararlanish oʻchoqlari tarqalishiga yoʻl qoʻymaslik va ularni bartaraf etish, shuningdek, karantindagi zararli organizmlar kirib keladigan yoʻllarni aniqlash va toʻsish ishlarini amalga oshiradi;

tegishli organlar va tashkilotlarni chegaraoldi hududlar, chegaradosh davlatlarda yuzaga kelgan karantin vaziyat toʻgʻrisida xabardor qiladi, karantin tadbirlarini amalga oshiradi va zarur tasviyalar beradi;

davlat va xoʻjalik boshqaruvi organlari, yuridik va jismoniy shaxslarga zarur fitosanitariya talablarini bajarish haqida taqdimnomalar yuboradi;

oʻsimliklar karantini nazoratidagi mahsulotlarni zararsizlantirish hujjatlari, fitosanitar sertifikatlar, reeksport fitosanitar sertifikatlar va boshqa hujjatlar berilishini tashkil qiladi;

oʻsimliklar karantini nazoratidagi mahsulotlarni, zarurat boʻlganda esa respublikaga xorijiy davlatlardan keladigan transport vositalarini zararsizlantirish ishlarini amalga oshiradi, oʻsimliklar karantini nazoratidagi mahsulotlar uchun fitosanitar sertifikatlar, reeksport fitosanitar sertifikatlar va boshqa hujjatlar reyestrini yuritadi;

respublika hududidagi oʻsimliklar karantini nazoratidagi mahsulotlar, omborxonalar, taralar va transport vositalarini zararsizlantirish boʻyicha fumigatsiya ishlarini amalga oshiradi (bu ishlar faqat Inspeksiya mutaxassislari tomonidan bajariladi);

mahalliy davlat hokimiyati organlariga tegishli hududda karantin eʼlon qilish (bekor qilish) haqida taqdimnomalar yuboradi;

mahalliy davlat hokimiyati organlari va fuqarolarning oʻzini oʻzi boshqarish organlari bilan karantin xususiyatidagi favqulodda vaziyatlar yuzaga kelganda oʻzaro hamkorlik qiladi;

mahalliy davlat hokimiyati organlari bilan hamkorlikda fitosanitariya xavfsizligini taʼminlash, oʻsimliklar karantini tizimini rivojlantirish choralarini koʻradi;

aholini oʻsimliklar karantini hududiy inspeksiyalari faoliyati haqida xabardor qilish ishlarini tashkil qiladi va tizimli asosda amalga oshiradi, jismoniy va yuridik shaxslarning hududiy inspeksiya vakolatiga kiritilgan masalalar yuzasidan murojaatlarini qonunchilikda belgilangan tartibda koʻrib chiqadi hamda zarur choralar koʻradi;

jismoniy va yuridik shaxslar vakillarini qabul qiladi, yuridik va jismoniy shaxslar murojaatlari bilan ishlash holatini tahlil qiladi, interfaol “qayta aloqa” va “virtual qabulxona” mexanizmini joriy etadi;

yuklangan vazifalar va funksiyalarni amalga oshirish doirasida yillik, choraklik va oylik ish rejalari, shuningdek, aniq yoʻnalishdagi ishlar boʻyicha tadbirlarni ishlab chiqadi hamda Inspeksiya bilan belgilangan tartibda kelishadi;

Inspeksiya hayʼati va ilmiy-texnik kengashlari ish rejalarini tayyorlashda ishtirok etadi;

aholini karantin faoliyatining maqsadlari, vazifalari va aniq natijalari toʻgʻrisida xabardor qilish maqsadida ommaviy axborot vositalari bilan hamkorlik qiladi.

Oʻsimliklar karantini hududiy inspeksiyalari qonunchilikda nazarda tutilgan boshqa funksiyalarni ham amalga oshiradi.

4-§ Tumanlardagi (shaharlar) oʻsimliklar karantini hududiy inspektorlarining vazifalari va funksiyalari

16. Quyidagilar tumanlardagi (shaharlar) oʻsimliklar karantini hududiy inspektorlarining asosiy vazifalari hisoblanadi:

tegishli tuman (shahar) hududida Inspeksiyaga yuklangan vazifalar va funksiyalarni samarali amalga oshirish;

oʻsimliklar karantini masalalari boʻyicha Oʻzbekiston Respublikasi qonunlari, Oʻzbekiston Respublikasi Prezidenti farmonlari, qarorlari va farmoyishlari, Vazirlar Mahkamasi qarorlari, rahbariyat topshiriqlarini bajarish;

kompleks ijtimoiy-iqtisodiy rivojlanish sektorlari bilan hamkorlik qilish;

har oylik, choraklik va yillik hisobotlar, maʼlumotlar va statistika maʼlumotlari oʻz vaqtida taqdim etilishini taʼminlash;

Oʻzbekiston Respublikasi uchun karantin ahamiyatga ega zararli organizmlar roʻyxati obyektlarining tarqalishiga yoʻl qoʻymaslik;

zarur boʻlganda, jismoniy va yuridik shaxslarga karantindagi zararli organizmlarga qarshi kurashishda yordam berish uchun ixtisoslashtirilgan fumigatsiya otryadlarini shakllantirish va ularning ishini tashkil qilish;

oʻz faoliyatiga axborot-kommunikatsiya texnologiyalarini joriy etish, axborot tizimlari va resurslari himoyasini taʼminlash.

17. Tumanlardagi (shaharlar) Oʻzbekiston Respublikasi oʻsimliklar karantini davlat inspektori zimmasiga yuklangan asosiy vazifalarga muvofiq quyidagi funksiyalarni amalga oshiradi:

eksportga joʻnatiladigan va import qilinadigan urugʻlar, oʻsimliklar, oʻsimlik mahsulotlari va oʻsimliklar karantini nazoratidagi boshqa turdagi mahsulotlarni laboratoriya ekspertizasidan oʻtkazish uchun karantin tekshiruvlarni amalga oshiradi va ulardan namunalar oladi;

tuman (shahar) hududlarida qonunchilikda belgilangan tartibda karantindagi hudud va mikrohududlarni belgilaydi;

oʻsimliklar karantini nazoratidagi mahsulotlarni eksport va import qilish uchun fitosanitar sertifikatlar hamda boshqa ruxsatnoma hujjatlarini beradi;

davlat inspektorlari vakolatlariga kiradigan masalalar boʻyicha zarur hujjatlarni tayyorlaydi;

respublika uchun karantin ahamiyatiga ega zararkunandalar, oʻsimliklar kasalliklari va begona oʻtlar tarqalishini nazorat qiladi;

urugʻliklar, oʻsimliklar, oʻsimlik xomashyosi, boshqa oʻsimlik mahsulotlari va xalq isteʼmol tovarlarini mamlakat ichida tashish, eksport qilish uchun olib chiqishning karantin qoidalari hamda ulardan foydalanish shartlariga rioya etilishini nazorat qiladi;

zarur boʻlganda, yuridik va jismoniy shaxslarga karantindagi zararli organizmlarga qarshi kurashishda yordam berish uchun ixtisoslashtirilgan fumigatsiya otryadlarini shakllantiradi va ularning ishini tashkil qiladi;

aholini karantin faoliyati toʻgʻrisida xabardor qilish maqsadida ommaviy axborot vositalari bilan hamkorlik qiladi;

karantin zararkunandalar, oʻsimliklar kasalliklari va begona oʻtlardan xoli urugʻlik va ekish materiallari yetishtirilishini taʼminlash maqsadida koʻchatxonalar, ilmiy-tadqiqot muassasalari va manzarali-gulchilik xoʻjaliklarida ekinlar hamda koʻchatlarni nazorat qilish;

oʻsimliklar va oʻsimlik mahsulotlarining fitosanitariya tozaligini taʼminlash, oʻtkaziladigan laboratoriya tekshiruvlari xulosalarini olish asosida oʻrmonlar, qishloq xoʻjaligi ekinlarida karantin zararkunandalar, oʻsimliklar kasalliklari va begona oʻtlar borligi yoki yoʻqligini aniqlash maqsadida dala nazoratini amalga oshiradi.

4-bob. Inspeksiya va uning boʻlinmalarining huquqlari hamda javobgarligi

1-§ Inspeksiyaning huquqlari va javobgarligi

18. Oʻzbekiston Respublikasi Oʻsimliklar karantini davlat inspeksiyasi oʻziga yuklangan vazifalar va funksiyalarni amalga oshirish doirasida quyidagi huquqlarga ega:

Oʻzbekiston Respublikasi Prezidenti Administratsiyasi va Vazirlar Mahkamasiga normativ-huquqiy hujjatlar loyihalarini, shuningdek, Inspeksiyaga yuklangan vazifalar va funksiyalarni amalga oshirish bilan bogʻliq boshqa hujjatlarni belgilangan tartibda kiritish;

Inspeksiya vakolatiga kiradigan masalalarda davlat va xoʻjalik boshqaruvi organlari, mahalliy davlat hokimiyati organlari faoliyatini belgilangan tartibda muvofiqlashtirish;

davlat va xoʻjalik boshqaruvi organlari, mahalliy davlat hokimiyati organlaridan Inspeksiya vakolatiga kiradigan masalalarni hal etish uchun zarur axborotni belgilangan tartibda soʻrab olish;

davlat statistika organlaridan Inspeksiya vakolatiga kiradigan masalalar boʻyicha zarur statistika axborotini bepul olish;

Inspeksiya va uning idoraviy mansub tuzilmalariga biriktirilgan davlat mulkini oʻzining tashkiliy tuzilmasi doirasida bir boʻlinmadan ikkinchisiga belgilangan tartibda oʻtkazish;

fitosanitariya xavfsizligi va oʻsimliklar karantini sohasida Inspeksiya xodimlari oʻz faoliyatining asosiy koʻrsatkichlari parametrlarini bajarishini hisobga olgan holda, ularni moddiy ragʻbatlantirish tartibi, miqdori hamda shartlarini belgilash;

Vazirlar Mahkamasi, davlat va xoʻjalik boshqaruvi organlari, mahalliy ijro etuvchi hokimiyat organlariga Inspeksiya vakolatiga kiradigan masalalar yuzasidan koʻrib chiqish uchun takliflar kiritish;

Inspeksiya vakolatiga kiradigan masalalar boʻyicha xalqaro darajada Oʻzbekiston Respublikasi manfaatlarini belgilangan tartibda himoya qilish;

Oʻzbekiston Respublikasining xalqaro shartnomalari loyihalarini ishlab chiqishda ishtirok etish, Inspeksiya vakolatiga kiradigan masalalar boʻyicha idoralararo xususiyatga ega xalqaro shartnomalarni belgilangan tartibda tuzish;

davlat va xoʻjalik boshqaruvi organlari, mahalliy ijro etuvchi hokimiyat organlarining oʻsimliklar karantini sohasidagi islohotlarni amalga oshirish masalalarini koʻrib chiqish bilan bogʻliq hayʼat majlislarida belgilangan tartibda ishtirok etish;

davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlar va fuqarolarga oʻsimliklar karantini sohasidagi huquqbuzarliklarni bartaraf etish toʻgʻrisida bajarilishi shart boʻlgan taqdimnomalar yuborish;

davlat va xoʻjalik boshqaruvi organlari, mahalliy ijro etuvchi hokimiyat organlari rahbarlarini fitosanitariya xavfsizligi hamda oʻsimliklar karantini sohasidagi qonunchilik talablarini bajarmagani yoki tegishli ravishda bajarmagani uchun belgilangan tartibda javobgarlikka tortish boʻyicha takliflarni Vazirlar Mahkamasiga koʻrib chiqish uchun kiritish;

oʻz vakolati doirasida normativ-huquqiy hujjatlar, zarur hollarda davlat boshqaruvining boshqa organlari bilan birgalikda Inspeksiya vakolatiga kiradigan masalalar boʻyicha belgilangan tartibda qoʻshma qarorlar hamda boshqa hujjatlar qabul qilish;

oʻz vakolati doirasida konferensiyalar, seminarlar, simpoziumlar, koʻrgazmalar, yarmarkalar va boshqa tadbirlarda ishtirok etish hamda ularni oʻtkazish, shuningdek, boshqa tashkilotlar tomonidan oʻtkaziladigan shunday tadbirlarda qatnashish;

ijtimoiy sheriklik doirasida nodavlat notijorat tashkilotlari va fuqarolik jamiyatining boshqa institutlarini sohani rivojlantirish dasturlari hamda normativ-huquqiy hujjatlarni ishlab chiqish va amalga oshirishga jalb qilish;

nodavlat notijorat tashkilotlari va fuqarolik jamiyatining boshqa institutlari bilan bitim va shartnomalar tuzish, qoʻshma loyihalar va rejalar ishlab chiqish, qoʻshma tadbirlar tashkil etishga qaratilgan maslahatlashuvlar hamda muzokaralar oʻtkazish;

oʻsimliklar karantini sohasida axborot-tahlil hamda ekspert ishlarini amalga oshirish uchun ilmiy-tadqiqot, texnologik, loyiha-konstruktorlik tashkilotlari, oliy taʼlim muassasalari, shuningdek, olimlar va malakali mutaxassislarni, shu jumladan chet ellik olimlar hamda mutaxassislarni shartnoma asosida belgilangan tartibda jalb etish;

xorijiy davlatlarning ushbu yoʻnalishda faoliyat koʻrsatuvchi vazirliklari (idoralari), xalqaro moliya va iqtisodiyot tashkilotlari, ilmiy-tadqiqot institutlari, firma va kompaniyalari, shuningdek, Oʻzbekiston Respublikasida akkreditatsiyadan oʻtgan xorijiy davlatlar elchixonalari va missiyalari, xalqaro hamda xorijiy tashkilotlar bilan majlislar va videokonferensiyalar oʻtkazish;

oʻsimliklar karantini sohasida xorijiy davlatlar bilan hamkorlik boʻyicha hukumatlararo qoʻmitalar va komissiyalar ishida ishtirok etish;

xorijiy davlatlarning oʻsimliklar karantini tashkilotlari, idoralari, agentliklari va boshqa turdosh tuzilmalari bilan Inspeksiya vakolatiga kiradigan masalalar boʻyicha hamkorlik toʻgʻrisida xalqaro huquq normalariga muvofiq idoralararo shartnomalar (bitimlar, protokollar, memorandumlar) tayyorlash hamda tuzishda ishtirok etish;

Inspeksiya va uning boʻlinmalari moddiy-texnika bazasini yaxshilash choralarini koʻrish.

Inspeksiya qonunchilikka muvofiq boshqa huquqlarga ham ega boʻlishi mumkin.

19. Inspeksiya quyidagilar uchun masʼul:

Inspeksiyaga yuklangan vazifalar va funksiyalarning samarali bajarilishi, shuningdek, oʻsimliklar karantini sohasidagi davlat siyosatining samarali amalga oshirilishi;

respublika hududida oʻsimliklar karantini boʻyicha tadbirlarning oʻz vaqtida amalga oshirilishi;

iqtisodiyot tarmoqlariga jiddiy zarar yetkazishi mumkin boʻlgan karantin va boshqa xavfli zararkunandalar, oʻsimliklar kasalliklari va begona oʻtlarning xorijiy davlatlardan respublika hududiga kirib kelishidan himoya qilish;

karantin va boshqa xavfli zararkunandalar, oʻsimliklar kasalliklari va begona oʻtlarni oʻz vaqtida aniqlash, ularning tarqalishiga yoʻl qoʻymaslik va yoʻq qilishni tashkil etish, shuningdek, respublikaning ular mavjud boʻlmagan hududlariga kirib borishining oldini olish;

oʻsimliklar karantini boʻyicha barcha tadbirlarning oʻtkazilishi, bu boradagi zarur ishlarning oʻz vaqtida va sifatli bajarilishi, qishloq xoʻjaligi va boshqa oʻsimliklar mahsulotlarini ishlab chiqarish, tayyorlash, tashish, saqlash, qayta ishlash, sotish va ulardan foydalanishda oʻsimliklar karantini boʻyicha belgilangan qoidalarga rioya etilishi va tadbirlar amalga oshirilishi yuzasidan davlat nazoratini amalga oshirish;

Inspeksiya faoliyati bilan bogʻliq prognoz koʻrsatkichlarga erishishni soʻzsiz taʼminlash;

Oʻzbekiston Respublikasi Prezidenti Administratsiyasi va Vazirlar Mahkamasiga kiritiladigan normativ-huquqiy hujjatlar hamda boshqa hujjatlar loyihalarini tayyorlash sifati, ularni amalga oshirishning yakuniy natijalari va oqibatlari, shuningdek, Inspeksiya qabul qiladigan qarorlar sifati;

oʻsimliklar karantini sohasini rivojlantirish, shuningdek, ijtimoiy-iqtisodiy rivojlanish va sohadagi muammoli masalalarni hal etish boʻyicha dasturlar, tadbirlar rejalari, “yoʻl xaritalari” va boshqa dasturiy hujjatlarning sifatli amalga oshirilishi;

fuqarolar va tadbirkorlik subyektlarining huquqlari va qonuniy manfaatlariga rioya etilishi hamda ularni himoya qilishni taʼminlash.

2- § Inspeksiya markaziy apparatining huquqlari va javobgarligi

20. Inspeksiya markaziy apparati oʻziga yuklangan vazifalar va funksiyalarni amalga oshirish uchun quyidagi huquqlarga ega:

oʻsimliklar karantini hududiy inspeksiyalari va Oʻsimliklar karantini ilmiy-tadqiqot markazidan Inspeksiya markaziy apparatida koʻrib chiqiladigan masalalarni, shuningdek, normativ-huquqiy hujjatlar va boshqa hujjatlar loyihalarini tahlil qilish hamda ishlab chiqish uchun zarur materiallar va maʼlumotlarni soʻrab olish;

zarur boʻlganda, Inspeksiyada koʻrib chiqiladigan masalalarni ishlab chiqish, axborot va tahliliy materiallarni, shuningdek, normativ-huquqiy hujjatlar hamda boshqa hujjatlar loyihalarini tayyorlash uchun oʻsimliklar karantini hududiy inspeksiyalari va Oʻsimliklar karantini ilmiy-tadqiqot markazi boshliqlari va mutaxassislarini belgilangan tartibda jalb qilish, ushbu maqsadlarda ekspert hamda ishchi guruhlar tashkil etish;

oʻsimliklar karantini hududiy inspeksiyalari va Oʻsimliklar karantini ilmiy-tadqiqot markazidan ular kiritgan normativ-huquqiy hujjatlar hamda boshqa hujjatlar loyihalarini puxta ishlab chiqishni talab qilish, zarur boʻlganda ularni mukammal tayyorlash uchun qaytarish;

oʻsimliklar karantini hududiy inspeksiyalari va Oʻsimliklar karantini ilmiy-tadqiqot markazi rahbarlari hamda vakillari bilan majlislar oʻtkazish;

oʻsimliklar karantini hududiy inspeksiyalari va Oʻsimliklar karantini ilmiy-tadqiqot markaziga Inspeksiyaga yuklangan hamda tezkor hal etishni talab etadigan vazifalar va funksiyalarni bajarish bilan bogʻliq masalalar boʻyicha belgilangan tartibda topshiriqlar berish;

oʻsimliklar karantini hududiy inspeksiyalari va Oʻsimliklar karantini ilmiy-tadqiqot markazining qabul qilingan normativ-huquqiy hujjatlar, Oʻzbekiston Respublikasi Prezidenti va Vazirlar Mahkamasi topshiriqlari, shuningdek, Inspeksiya hamda uning rahbariyati hujjatlari va topshiriqlarini bajarish boʻyicha faoliyatini oʻrganish hamda tekshirish;

fitosanitariya xavfsizligi va oʻsimliklar karantini sohasidagi qonunchilik hujjatlari buzilishi bilan bogʻliq materiallarni vakolatli organlar va huquqni muhofaza qilish organlariga belgilangan tartibda yuborish;

oʻsimliklar karantini hududiy inspeksiyalari va Oʻsimliklar karantini ilmiy-tadqiqot markazi rahbarlarini lavozimga tayinlash hamda lavozimdan ozod etish toʻgʻrisidagi takliflarni koʻrib chiqish uchun kiritish;

Inspeksiya tizimida budjet mablagʻlaridan oqilona foydalanishni tizimli nazorat qilish, oʻsimliklar karantini hududiy inspeksiyalari va Oʻsimliklar karantini ilmiy-tadqiqot markazining moliyaviy-xoʻjalik faoliyatini tekshirish hamda taftish qilish.

Inspeksiya markaziy apparati qonunchilikka muvofiq boshqa huquqlarga ham ega boʻlishi mumkin.

21. Inspeksiya markaziy apparati quyidagilar uchun masʼul:

Inspeksiya tuzilmasiga kiradigan tashkilotlar bilan birgalikda Inspeksiyaga yuklangan vazifalar hamda funksiyalarning oʻz vaqtida va sifatli bajarilishini taʼminlash;

oʻsimliklar karantini obyektlari zararli organizmlarining kirib kelishi, tarqalishi, shuningdek, kengayishiga yoʻl qoʻymaslik va ularni bartaraf etishga doir kompleks tizimni yaratish, ularga qarshi kurashish tadbirlarining oʻz vaqtida amalga oshirilishi;

Inspeksiya markaziy apparati tarkibiy boʻlinmalarining Inspeksiya faoliyati bilan bogʻliq prognoz koʻrsatkichlarga erishishni taʼminlash ishlarini tashkil etish;

Inspeksiya tomonidan Oʻzbekiston Respublikasi Prezidenti Administratsiyasi va Vazirlar Mahkamasiga koʻrib chiqish uchun kiritiladigan normativ-huquqiy hujjatlar hamda boshqa hujjatlar loyihalari, shuningdek, Inspeksiya qabul qiladigan qarorlarni tayyorlash va ekspertizadan oʻtkazish sifati;

Inspeksiyaning tarkibiy boʻlinmalari va markaziy apparati, oʻsimliklar karantini hududiy inspeksiyalari va Oʻsimliklar karantini ilmiy-tadqiqot markazi tomonidan oʻsimliklar karantini sohasini tartibga solish, shuningdek, hududlarni ijtimoiy-iqtisodiy rivojlantirish hamda ularning oʻsimliklar karantini sohasidagi muammoli masalalarini hal etish boʻyicha dasturlar, tadbirlar rejalari, “yoʻl xaritalari” va boshqa dasturiy hujjatlar amalga oshirilishini tashkil etish;

fuqarolar va tadbirkorlik subyektlarining huquqlari hamda qonuniy manfaatlariga rioya etilishi va ularni himoya qilishni taʼminlash;

iqtisodiyot tarmoqlariga jiddiy zarar yetkazishi mumkin boʻlgan karantin va boshqa xavfli zararkunandalar, oʻsimliklar kasalliklari va begona oʻtlarning xorijiy davlatlardan respublika hududiga kirib kelishidan himoya qilish;

oʻsimliklar karantini boʻyicha barcha tadbirlarning oʻtkazilishi, bu boradagi zarur ishlarning oʻz vaqtida va sifatli bajarilishi, qishloq xoʻjaligi va boshqa oʻsimliklar mahsulotlarini ishlab chiqarish, tayyorlash, tashish, saqlash, qayta ishlash, sotish va ulardan foydalanishda oʻsimliklar karantini boʻyicha belgilangan qoidalarga rioya etilishi va tadbirlar amalga oshirilishi yuzasidan davlat nazoratini amalga oshirish;

oʻsimliklar karantini sohasidagi qonunchilik ijrosini nazorat qilishni taʼminlash;

oʻsimliklar karantini sohasida tarif siyosatini va koʻrsatiladigan xizmatlarni hisobga olish tizimining takomillashtirilishi;

tarkibiy boʻlinmalar, markaziy apparat, oʻsimliklar karantini hududiy inspeksiyalari va Oʻsimliklar karantini ilmiy-tadqiqot markazining kadrlar salohiyatini shakllantirish.

3-§ Oʻsimliklar karantini hududiy inspeksiyalarining huquqlari va javobgarligi

22. Oʻsimliklar karantini hududiy inspeksiyalari oʻzlariga yuklangan vazifalar va funksiyalarni amalga oshirish uchun quyidagi huquqlarga ega:

davlat va xoʻjalik boshqaruvi organlarining hududiy boʻlinmalari, mahalliy davlat hokimiyati organlaridan inspeksiyalar vakolatiga kiradigan masalalarni hal etish uchun zarur axborotni belgilangan tartibda soʻrab olish;

sohadagi oʻsimliklar karantini hududiy inspeksiyalari vakolatiga kiradigan muhim muammolarni koʻrib chiqish boʻyicha idoralararo komissiyalar va kengashlarni hududiy darajada tashkil etish;

davlat va xoʻjalik boshqaruvi organlari, mahalliy davlat hokimiyati organlariga oʻsimliklar karantini hududiy inspeksiyalari vakolatiga kiradigan masalalar boʻyicha takliflarni koʻrib chiqish uchun kiritish;

davlat va xoʻjalik boshqaruvi hududiy organlari, mahalliy davlat hokimiyati organlarining oʻsimliklar karantini sohasida islohotlarni amalga oshirish masalalarini koʻrib chiqishga bagʻishlangan majlislarida belgilangan tartibda ishtirok etish;

davlat va xoʻjalik boshqaruvi hududiy organlari, mahalliy ijro etuvchi hokimiyat organlari, fuqarolarning oʻzini oʻzi boshqarish organlari, yuridik va jismoniy shaxslarga oʻsimliklar karantini sohasidagi huquqbuzarliklarni bartaraf etish toʻgʻrisidagi taqdimnomalarni belgilangan tartibda yuborish;

davlat va xoʻjalik boshqaruvi hududiy organlari hamda mahalliy davlat hokimiyati organlarining rahbarlarini oʻsimliklar karantini sohasidagi qonunchilik talablarini bajarmagani yoki tegishli ravishda bajarmagani uchun belgilangan tartibda javobgarlikka tortish boʻyicha takliflarni Inspeksiyaga koʻrib chiqish uchun kiritish;

Inspeksiyaning hayʼati va ilmiy-texnik kengashi ishlarida ishtirok etish;

Inspeksiya topshirigʻiga binoan oʻsimliklar karantini sohasidagi masalalar boʻyicha majlislar va seminarlar tashkil etish hamda oʻtkazish;

Inspeksiya hududiy boʻlinmalarining moddiy-texnika bazasini yaxshilashga doir takliflar kiritish;

oʻsimliklar karantini hududiy inspeksiyalari va ularning idoraviy mansub tashkilotlari manfaatlarini himoya qilish, shuningdek, oʻsimliklar karantini hududiy inspeksiyalari vakolatiga kiradigan masalalar yuzasidan daʼvogar va javobgar boʻlish;

oʻsimliklar karantini sohasidagi qonunchilik hujjatlari buzilishi bilan bogʻliq materiallarni vakolatli organlar va huquqni muhofaza qilish organlariga belgilangan tartibda yuborish;

Inspeksiyaga axborot taqdim etish, oʻsimliklar karantini hududiy inspeksiyalari rahbarlari va xodimlarining malakasini oshirish kurslarini tashkil etishga koʻmaklashish;

oʻsimliklar karantini sohasida isteʼdodli va malakali yosh kadrlarni jalb etish.

Inspeksiyaning oʻsimliklar karantini hududiy inspeksiyalari qonunchilikka binoan boshqa huquqlarga ham ega boʻlishi mumkin.

23. Oʻsimliklar karantini hududiy inspeksiyalari quyidagilar uchun masʼul:

Inspeksiya hududiy boʻlinmalariga yuklangan vazifalar hamda funksiyalarning oʻz vaqtida va sifatli bajarilishini taʼminlash;

iqtisodiyot tarmoqlariga jiddiy zarar yetkazishi mumkin boʻlgan karantin va boshqa xavfli zararkunandalar, oʻsimliklar kasalliklari va begona oʻtlarning xorijiy davlatlardan Qoraqalpogʻiston Respublikasi, viloyatlar va tumanlar (shaharlar) hududlariga kirib kelishidan himoya qilish;

karantin va boshqa xavfli zararkunandalar, oʻsimliklar kasalliklari va begona oʻtlarni oʻz vaqtida aniqlash, tarqalishiga yoʻl qoʻymaslik va bartaraf etishni tashkil etish, shuningdek, respublikaning ular mavjud boʻlmagan hududlariga kirib borishining oldini olish;

oʻsimliklar karantini boʻyicha barcha tadbirlarning oʻtkazilishi, bu boradagi zarur ishlarning oʻz vaqtida va sifatli bajarilishi, qishloq xoʻjaligi va boshqa oʻsimliklar mahsulotlarini ishlab chiqarish, tayyorlash, tashish, saqlash, qayta ishlash, sotish va ulardan foydalanishda oʻsimliklar karantini boʻyicha belgilangan qoidalarga rioya etilishi va tadbirlar amalga oshirilishi yuzasidan davlat nazoratini amalga oshirish;

oʻsimliklar karantini davlat xizmati inspektorlarining Oʻzbekiston Respublikasiga xorijiy davlatlardan olib kelinadigan oʻsimliklar karantini nazoratidagi mahsulotlarni respublika hududiga kelib tushadigan maskanlarda albatta tekshirishi;

karantin ruxsatnomasi berilgan oʻsimliklar karantini nazoratidagi mahsulotlar turlarining fitosanitariya tozaligi;

oʻsimliklar karantini hududiy inspeksiyalari faoliyati bilan bogʻliq prognoz koʻrsatkichlarga erishishni taʼminlash;

Inspeksiyaga kiritiladigan hujjatlar loyihalari va takliflarni ishlab chiqish sifati, shuningdek, oʻsimliklar karantini hududiy inspeksiyalari qabul qiladigan qarorlar sifati, ularning yakuniy natijalari va amalga oshirish oqibatlari;

tumanlarda (shaharlar) aniqlangan muammolarni chuqur tahlil qilish va umumlashtirish asosida Qoraqalpogʻiston Respublikasi, viloyatlar va Toshkent shahrida oʻsimliklar karantini sohasini rivojlantirishga doir takliflar tayyorlash;

Qoraqalpogʻiston Respublikasi, viloyatlar va Toshkent shahrida oʻsimliklar karantini sohasini rivojlantirish, muammoli masalalarni hal etish boʻyicha dasturlar, tadbirlar rejalari, “yoʻl xaritalari” va boshqa dasturiy hujjatlarni samarali amalga oshirish;

fuqarolar va tadbirkorlik subyektlarining huquqlari hamda qonuniy manfaatlariga rioya etilishi va ularni himoya qilishni taʼminlash;

oʻsimliklar karantini sohasidagi qonunchilik ijrosi nazoratini taʼminlash, uni buzish holatlarini oʻz vaqtida koʻrib chiqish va oʻz vakolati doirasida tegishli choralar koʻrish;

oʻsimliklar karantini sohasida tarif siyosatini va koʻrsatiladigan xizmatlarni hisobga olish tizimining takomillashtirilishi.

4-§ Tumanlardagi (shaharlardagi) Oʻzbekiston Respublikasi oʻsimliklar karantini davlat inspektorlarining huquqlari va javobgarligi

24. Tumanlardagi (shaharlardagi) Oʻzbekiston Respublikasi oʻsimliklar karantini davlat inspektorlari oʻzlariga yuklangan vazifalar hamda funksiyalarni amalga oshirish uchun quyidagi huquqlarga ega:

davlat va xoʻjalik boshqaruvi organlarining tuman boʻlinmalari, mahalliy davlat hokimiyati organlaridan oʻz vakolatiga kiradigan masalalarni hal etish uchun zarur axborotni belgilangan tartibda soʻrab olish;

davlat boshqaruvi organlarining hududiy boʻlinmalari, mahalliy davlat hokimiyati organlariga Inspeksiyaning tumanlar (shaharlar) boʻlinmalari vakolatiga kiradigan masalalar boʻyicha takliflarni koʻrib chiqish uchun kiritish;

respublikaga xorijiy davlatlardan keladigan mahsulotlarni sogʻlomlashtirish, shuningdek, transport vositalarini zararsizlantirishni nazorat qilish;

davlat va xoʻjalik boshqaruvining hududiy organlari, mahalliy davlat hokimiyati organlarining oʻsimliklar karantini sohasidagi masalalarni koʻrib chiqishga bagʻishlangan majlislarida belgilangan tartibda ishtirok etish;

davlat va xoʻjalik boshqaruvi hududiy organlari, mahalliy ijro etuvchi hokimiyat organlari, boshqa organlar va fuqarolarga oʻsimliklar karantini sohasida huquqbuzarliklarni bartaraf etish toʻgʻrisida koʻrib chiqilishi majburiy boʻlgan taqdimnomalarni belgilangan tartibda yuborish;

mahalliy davlat hokimiyati organlari, fuqarolarning oʻzini oʻzi boshqarish organlariga oʻsimliklar karantini boʻyicha bajarilishi shart boʻlgan koʻrsatmalar berish;

temir yoʻl vagonlari, suv transporti, samolyotlar va boshqa transport vositalarining oʻsimliklar karantini qoidalariga mos kelmasligi va talablarini buzish holatlari aniqlanganda, ulardan foydalanishni taqiqlash;

Oʻzbekistonga import qilish uchun moʻljallangan va tarkibida oʻsimliklar karantini nazoratidagi mahsulotlar boʻlgan yuklarni tekshirish, ular oʻsimliklar karantini obyektlari bilan zararlangani yoki zararlanmaganini aniqlash va zarur boʻlganda, vizual tekshirish, namunalar olish hamda tekshirish va boshqa usullar orqali yuklar holatini tasdiqlash;

fitosanitariya harakatlarini amalga oshirish, oʻsimliklar karantini obyektlari yoki oʻsimliklar karantini nazoratidagi mahsulotlarga ishlov berish, ularni utilizatsiya qilish, qaytarib yuborish yoxud ajratib qoʻyish usullarini belgilash;

temir yoʻl stansiyalari va avtovokzallar (avtostansiyalar), aeroportlar, daryo bandargohlari (pristanlari), pochtamtlar, omborlar, tegirmonlar hududi va binosi, yoʻlovchi va yuk vagonlari, samolyotlar, daryo floti kemalari, koʻrgazmalar, botanika bogʻlari, ilmiy-tadqiqot institutlari, tajriba stansiyalari, dehqon va fermer xoʻjaliklari, tashkilotlar va idoralar hududlariga, fuqarolarning tomorqa uchastkalariga, shuningdek, urugʻlar, oʻsimliklar va boshqa oʻsimlik mahsulotlarini tayyorlash, qayta ishlash va sotish bilan shugʻullanuvchi tashkilotlar hududiga qonun hujjatlarida belgilangan tartibda moneliksiz kirish;

oʻsimliklar karantini nazoratidagi mahsulotlar namunalarini belgilangan tartibda tekshirish, shuningdek, keyinchalik laboratoriya tekshiruvlarini va tegishli ekspertizalar oʻtkazish uchun namunalar olish;

oʻsimliklar karantini obyektlari aniqlanganda, karantin qoidalariga muvofiq oʻsimliklar karantini boʻyicha cheklovlar belgilash;

oʻsimliklar karantini obyektlari aniqlanganda, xorijiy davlatlardan olib kelingan oʻsimliklar karantini nazoratidagi mahsulotni ushlab turish, olib qoʻyish va zarur boʻlganda qaytarib yuborish;

davlat chegarasidan oʻtkazish maskanlari, temir yoʻl stansiyalari, avtovokzallar (avtostansiyalar), aeroportlar, daryo bandargohlari (pristanlari), pochtamtlar orqali olib kelinayotgan va joʻnatilayotgan yuklar toʻgʻrisida maʼlumotlar taqdim etishni, zarur boʻlganda — oʻz hududida oʻsimliklar karantini nazoratidagi mahsulotlarni tekshirish va zararsizlantirish uchun transport vositalari, yordamchi ishchilar, xizmat binolari va yordamchi materiallar berilishini talab qilish.

Tumanlardagi (shaharlardagi) Oʻzbekiston Respublikasi oʻsimliklar karantini davlat inspektorlari qonunchilikka muvofiq boshqa huquqlarga ham ega boʻlishi mumkin.

25. Tumanlardagi (shaharlardagi) Oʻzbekiston Respublikasi oʻsimliklar karantini davlat inspektorlari quyidagilar uchun masʼul:

tumanlardagi (shaharlardagi) Oʻzbekiston Respublikasi oʻsimliklar karantini davlat inspektorlari zimmasiga yuklangan vazifalar hamda funksiyalarning oʻz vaqtida va sifatli bajarilishini taʼminlash;

iqtisodiyot tarmoqlariga jiddiy zarar yetkazishi mumkin boʻlgan karantin va boshqa xavfli zararkunandalar, oʻsimliklar kasalliklari va begona oʻtlarning xorijiy davlatlardan tumanlar (shaharlar) hududlariga kirib kelishidan himoya qilish;

karantin va boshqa xavfli zararkunandalar, oʻsimliklar kasalliklari va begona oʻtlarni oʻz vaqtida aniqlash, tarqalishiga yoʻl qoʻymaslik va bartaraf etishni tashkil etish, shuningdek, respublikaning ular mavjud boʻlmagan hududlariga kirib borishining oldini olish;

oʻsimliklar karantini oʻchogʻining tarqalishiga yoʻl qoʻymaslik va oʻsimliklar karantini boʻyicha tadbirlar oʻtkazilishini tashkil etish;

oʻsimliklar karantini boʻyicha barcha tadbirlarning oʻtkazilishi, bu boradagi zarur ishlarning oʻz vaqtida va sifatli bajarilishi, qishloq xoʻjaligi va boshqa oʻsimliklar mahsulotlarini ishlab chiqarish, tayyorlash, tashish, saqlash, qayta ishlash, sotish va ulardan foydalanishda oʻsimliklar karantini boʻyicha belgilangan qoidalarga rioya etilishi va tadbirlar amalga oshirilishi yuzasidan davlat nazoratini amalga oshirish;

oʻsimliklar karantini hududiy inspeksiyalari rahbariyatiga kiritiladigan hujjatlar loyihalari va takliflarni ishlab chiqish sifati, shuningdek, ular qabul qiladigan qarorlar sifati, ularning yakuniy natijalari va amalga oshirish oqibatlari;

Oʻzbekistonda paydo boʻladigan oʻsimliklar karantini ahamiyatiga ega zararli organizmlar toʻgʻrisidagi dolzarb axborotni nazorat qilish va qoʻllab-quvvatlash;

aholini, ayniqsa, yoshlar, fermer xoʻjaliklari egalari va boshqa tadbirkorlik subyektlarini tashvishga solayotgan dolzarb muammolarni, shuningdek, tumanlarni (shaharlarni) rivojlantirishga toʻsqinlik qilayotgan tizimli kamchiliklarni aniqlash, tumanni (shaharni) rivojlantirish dasturiga kiritish uchun takliflar tayyorlash hamda kiritish;

tumanlarda (shaharlarda) fitosanitariya xavfsizligi sohasini rivojlantirish, muammoli masalalarni hal etish boʻyicha dasturlar, tadbirlar rejalari, “yoʻl xaritalari” va boshqa dasturiy hujjatlarni samarali amalga oshirish;

fuqarolar va tadbirkorlik subyektlarining huquqlari hamda qonuniy manfaatlariga rioya etilishi va ularni himoya qilishni taʼminlash.

5-bob. Inspeksiya rahbarlarining asosiy funksional vazifalari

26. Quyidagilar Inspeksiya boshligʻining asosiy funksional vazifalari hisoblanadi:

Oʻzbekiston Respublikasi Konstitutsiya va qonunlari, shuningdek, boshqa normativ-huquqiy hujjatlar talablariga rioya etish;

Inspeksiya faoliyatiga umumiy rahbarlik qilish, Oʻzbekiston Respublikasi Prezidentining “Oʻzbekiston Respublikasi Vazirlar Mahkamasi huzuridagi Oʻsimliklar karantini davlat inspeksiyasini tashkil etish toʻgʻrisida” 2017-yil 30-avgustdagi PF-5174-son farmoni va “Oʻzbekiston Respublikasi Vazirlar Mahkamasi huzuridagi Oʻsimliklar karantini davlat inspeksiyasi faoliyatini tashkil etish toʻgʻrisida” 2017-yil 30-avgustdagi PQ-3249-son qarori, boshqa qonun hujjatlariga muvofiq Inspeksiyaga yuklangan vazifalar hamda funksiyalar bajarilishini tashkil qilish;

Inspeksiya faoliyatini yanada takomillashtirish boʻyicha Oʻzbekiston Respublikasi Prezidentining hujjatlari va Vazirlar Mahkamasining qarorlari bilan tasdiqlangan konsepsiyalar, kompleks dasturlar hamda tadbirlar amalga oshirilishini chuqur hamda tanqidiy tahlil qilish;

Inspeksiya, uning tarkibiy boʻlinmalari va oʻsimliklar karantini hududiy inspeksiyalari faoliyati bilan bogʻliq prognoz koʻrsatkichlarga erishilishini soʻzsiz taʼminlash borasida amaliy chora-tadbirlarni ishlab chiqish va qabul qilish;

Oʻzbekiston Respublikasi Prezidenti Administratsiyasi tarkibiy boʻlinmalari va Vazirlar Mahkamasi, shuningdek, tegishli vazirlik va idoralar bilan Inspeksiya faoliyati sohasiga kiradigan masalalar boʻyicha hamkorlik qilish, Vazirlar Mahkamasi hamda uning Rayosati majlislarida masalalarni koʻrib chiqishda ishtirok etish;

Oʻzbekiston Respublikasi Prezidenti, Bosh vaziri va uning oʻrinbosarlari topshiriqlarini bajarish;

oʻz oʻrinbosarlari vakolatlarini belgilash, ular oʻrtasida vazifalarni taqsimlash, Inspeksiyaning boshqa mansabdor shaxslari vakolatlarini, Inspeksiya faoliyatining ayrim uchastkalariga rahbarlik uchun oʻz oʻrinbosarlari hamda boshqa mansabdor shaxslarning shaxsiy javobgarlik darajasini belgilash;

Inspeksiya faoliyatini rejalashtirishni tashkil etish, Inspeksiya va oʻz oʻrinbosarlari ishlarining har choraklik rejalarini tasdiqlash, ularning bajarilishini nazorat qilish;

Oʻzbekiston Respublikasi Prezidentining va Vazirlar Mahkamasining hujjatlari hamda topshiriqlari bajarilishini tashkil qilish hamda monitoringini olib borish boʻyicha amaliy tizim yaratish, Inspeksiya faoliyatida ijro intizomini mustahkamlashga doir kompleks amaliy chora-tadbirlarni amalga oshirish, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qarori va Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida hamda sifatli bajarilishi uchun oʻsimliklar karantini hududiy inspeksiyalari va Oʻsimliklar karantini ilmiy-tadqiqot markazi, idoraviy mansub tashkilotlar rahbarlarining shaxsiy masʼuliyatini oshirish choralarini koʻrish;

Inspeksiya xodimlarini tizimli qayta tayyorlash va malakasini oshirishni tashkil qilish;

Inspeksiya tizimida kadrlarni tanlash va joy-joyiga qoʻyish, ularning samarali faoliyat koʻrsatishi uchun zarur sharoitlar yaratish, Inspeksiya kadrlar zaxirasini shakllantirish;

Oʻzbekiston Respublikasi Prezidenti, Oʻzbekiston Respublikasi Prezidenti Administratsiyasi va Vazirlar Mahkamasi nomenklaturasiga kiradigan boʻsh lavozimlarga taklif etilgan nomzodlarning, shuningdek, Inspeksiyaga ishga qabul qilinadigan boshqa kadrlarning professional darajasi, chuqur bilimga egaligi, ishchanlik va maʼnaviy-axloqiy fazilatlari yuqoriligi kafolatlanganini taʼminlash;

Oʻzbekiston Respublikasining “Normativ-huquqiy hujjatlar toʻgʻrisida”, “Qonunlar loyihalarini tayyorlash va Oʻzbekiston Respublikasi Oliy Majlisining Qonunchilik palatasiga kiritish tartibi toʻgʻrisida”gi qonunlari, Oʻzbekiston Respublikasi Vazirlar Mahkamasining Reglamenti va Oʻzbekiston Respublikasi Prezidenti Administratsiyasining Reglamenti talablariga qatʼiy muvofiq ravishda faoliyat masalalari boʻyicha normativ-huquqiy hujjatlar loyihalarining sifatli ishlab chiqilishi hamda Vazirlar Mahkamasiga oʻz vaqtida kiritilishini tashkil qilish, Vazirlar Mahkamasi Apparatida ularni mukammal ishlab chiqish, Vazirlar Mahkamasi rahbariyati huzurida himoya qilish hamda Oʻzbekiston Respublikasi Prezidenti Administratsiyasida koʻrib chiqishda ishtirok etish;

Oʻzbekiston Respublikasining “Normativ-huquqiy hujjatlar toʻgʻrisida”, “Qonunlar loyihalarini tayyorlash va Oʻzbekiston Respublikasi Oliy Majlisining Qonunchilik palatasiga kiritish tartibi toʻgʻrisida”gi qonunlari va Oʻzbekiston Respublikasi Vazirlar Mahkamasining 2016-yil 17-oktabrdagi 345-son qarori bilan tasdiqlangan Davlat va xoʻjalik boshqaruvi organlari, mahalliy ijro etuvchi hokimiyat organlarining qonun loyihalariga doir faoliyatining namunaviy reglamentiga muvofiq Inspeksiyaning qonun loyihalariga doir faoliyatini tashkil etish;

Inspeksiyaga taqdim etilgan takliflar va normativ-huquqiy hujjatlar loyihalarining toʻliq hamda har tomonlama koʻrib chiqilishini taʼminlash, ularni huquqiy, moliyaviy, iqtisodiy va boshqa ekspertizadan puxta oʻtkazish, shuningdek, Oʻzbekiston Respublikasi Vazirlar Mahkamasining Reglamenti va Oʻzbekiston Respublikasi Prezidenti Administratsiyasining Reglamentiga muvofiq belgilangan muddatlarda kelishish (viza qoʻydirish);

Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida” 2014-yil 5-martdagi PQ-2142-son qarori va “Xorijiy xizmat safarlarida boʻlish samaradorligi va xorijiy delegatsiyalarning Oʻzbekiston Respublikasiga tashriflarini tashkil etish uchun mansabdor shaxslarning shaxsiy masʼuliyatini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarori talablariga qatʼiy muvofiq ravishda Inspeksiya rahbarlari va xodimlarining xizmat safarlarida boʻlishini tashkil etish, xizmat safarlarining asosliligi, samaradorligi va natijadorligini hamda xizmat safarlari uchun ajratiladigan mablagʻlardan maqsadli hamda oqilona foydalanishni taʼminlash;

oʻz oʻrinbosarlari, oʻsimliklar karantini hududiy inspeksiyalari va Oʻsimliklar karantini ilmiy-tadqiqot markazi rahbarlarining faoliyati samaradorligi hamda natijadorligini tizimli ravishda tanqidiy tahlil qilish, ularning Inspeksiya hayʼati majlislarida shaxsiy hisobotlarini eshitish, eshituv va muhokama yakunlari boʻyicha zarur choralar koʻrish;

Inspeksiya xodimlarini ragʻbatlantirish va intizomiy javobgarlikka tortish masalasini hal qilish, oʻz oʻrinbosarlarini ragʻbatlantirish va intizomiy javobgarlikka tortish, shu jumladan ularning egallab turgan lavozimda qolishi yoki qolmasligi maqsadga muvofiqligi haqidagi masalasini koʻrib chiqish toʻgʻrisida takliflar kiritish, ularning shaxsiy masʼuliyatini oshirishga doir tizimli chora-tadbirlarni amalga oshirish;

Inspeksiya xodimlari tomonidan Inspeksiya xodimlarining odob-axloq qoidalari talablariga rioya etilishini taʼminlash;

Oʻzbekiston Respublikasining “Korrupsiyaga qarshi kurashish toʻgʻrisida”gi qonuni talablariga muvofiq davlat boshqaruvi organlar tizimida korrupsiya va boshqa huquqbuzarliklarning oldini olish choralarini koʻrish, ularning sodir etilishiga koʻmaklashadigan sabablar hamda sharoitlarni huquqni qoʻllash amaliyoti va qonunchilikni takomillashtirish chora-tadbirlarini ishlab chiqish hamda amalga oshirish orqali aniqlash, tahlil qilish, bartaraf etish;

Inspeksiya, oʻsimliklar karantini hududiy inspeksiyalari va Oʻsimliklar karantini ilmiy-tadqiqot markazi faoliyatiga ishlarni tashkil qilishning zamonaviy shakllari joriy etilishini taʼminlash;

aholi va tadbirkorlik subyektlari bilan hamkorlik qilishda “bir darcha” tamoyilini joriy etish, Oʻzbekiston Respublikasining “Elektron hukumat toʻgʻrisida”gi qonunini amalga oshirish doirasida zamonaviy axborot-kommunikatsiya texnologiyalaridan foydalanish orqali davlat xizmatlarini koʻrsatish va ulardan foydalanish samaradorligi hamda sifatini oshirish;

jismoniy va yuridik shaxslar murojaatlarini koʻrib chiqish boʻyicha samarali ishlarni tashkil qilish, aholi bilan bevosita va ochiq muloqotni yoʻlga qoʻyish, “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonunida belgilangan muddatlar va tartibda jismoniy shaxslarni hamda yuridik shaxslar vakillarini muntazam shaxsan qabul qilish, shu jumladan sayyor qabul qilish;

Oʻzbekiston Respublikasi Prezidentining Xalq qabulxonalari bilan samarali hamkorlik qilish, Inspeksiya xodimlari va rahbariyatining qabulxonalar faoliyatida faol ishtirok etishini tashkil etish, jismoniy va yuridik shaxslardan Oʻzbekiston Respublikasi Prezidentining virtual qabulxonasiga kelib tushadigan murojaatlar oʻz vaqtida hamda toʻliq koʻrib chiqilishini taʼminlash;

davlat sirlariga kiritilgan axborot va maxfiy axborot bilan ishlashda qonun hujjatlari talablariga rioya etish;

Inspeksiya faoliyatining ochiqligini taʼminlash masalasida qonun hujjatlarini amalga oshirish;

oʻsimliklar karantini tizimiga yangi boshqaruv uslublarini joriy etish, jumladan, fuqarolarning oʻzini oʻzi boshqarish organlari bilan yoki davlat-xususiy sheriklik shaklida turli hamkorlik shakllarini tatbiq etish;

ijtimoiy sheriklik doirasida oʻsimliklar karantini sohasida faoliyatning nodavlat notijorat tashkilotlari hamda fuqarolik jamiyatining boshqa institutlari tomonidan qoʻllab-quvvatlashni talab etadigan ustuvor yoʻnalishlarini belgilash;

Inspeksiya markaziy apparati, oʻsimliklar karantini hududiy inspeksiyalari va Oʻsimliklar karantini ilmiy-tadqiqot markazi xodimlari bajarishi shart boʻlgan buyruqlar qabul qilish hamda koʻrsatmalar berish;

zarur boʻlganda, markaziy apparat, oʻsimliklar karantini hududiy inspeksiyalari va Oʻsimliklar karantini ilmiy-tadqiqot markazi tuzilmasiga boshqaruv xodimlarining cheklangan umumiy soni doirasida oʻzgartirishlar kiritish;

Inspeksiya markaziy apparati, oʻsimliklar karantini hududiy inspeksiyalarining shtat jadvalini, shuningdek, Oʻzbekiston Respublikasi Moliya vazirligi bilan kelishgan holda, Inspeksiya markaziy apparati va hududiy boʻlinmalari, oʻsimliklar karantini hududiy inspeksiyalari va Oʻsimliklar karantini ilmiy-tadqiqot markazining Oʻzbekiston Respublikasi Davlat budjeti mablagʻlari hisobidan moliyalashtiriladigan xarajatlari smetasini tasdiqlash;

oʻsimliklar karantini boʻyicha tarkibiy va hududiy inspeksiyalar toʻgʻrisidagi nizomlarni, shuningdek, Oʻsimliklar karantini ilmiy-tadqiqot markazi nizomini belgilangan tartibda tasdiqlash;

soha xodimlarini koʻkrak nishonlari va faxriy yorliqlar bilan belgilangan tartibda mukofotlash toʻgʻrisidagi masalani hal etish, Inspeksiya tizimining alohida oʻrnak koʻrsatgan xodimlarini faxriy unvonga hamda Oʻzbekiston Respublikasi davlat mukofotlariga taqdim etish;

Inspeksiya markaziy apparati xodimlarini, oʻsimliklar karantini hududiy inspeksiyalari va Oʻsimliklar karantini ilmiy-tadqiqot markazi rahbarlarini lavozimga tayinlash va lavozimdan ozod etish;

Inspeksiya mulkini qonun hujjatlarida belgilangan tartibda tasarruf etish;

Inspeksiya vakolatiga kiradigan masalalar yuzasidan Oʻzbekiston Respublikasining xalqaro shartnomalarini belgilangan tartibda imzolash.

27. Quyidagilar Inspeksiya boshligʻi oʻrinbosarining asosiy funksional vazifalari hisoblanadi:

Oʻzbekiston Respublikasi Konstitutsiya va qonunlari, shuningdek, boshqa normativ-huquqiy hujjatlar talablariga rioya etish;

Inspeksiya rahbari vaqtincha boʻlmaganda, tegishli buyruq asosida uning vazifalarini bajarish;

Inspeksiyaning mutasaddilik qilinadigan tarkibiy boʻlinmalari faoliyatini muvofiqlashtirish, nazorat qilish va unga bevosita rahbarlik qilish, ularning xodimlari oʻrtasida vazifalarni taqsimlash;

Inspeksiya faoliyatini yanada takomillashtirish va uning faoliyatining mutasaddilik qilinadigan yoʻnalishlari boʻyicha Oʻzbekiston Respublikasi Prezidentining hujjatlari va Vazirlar Mahkamasining qarorlari bilan tasdiqlangan konsepsiyalar, kompleks dasturlar hamda tadbirlar amalga oshirilishini chuqur hamda tanqidiy tahlil qilish;

mutasaddilik qilinadigan boʻlinmalarning prognoz koʻrsatkichlarga erishishini soʻzsiz taʼminlash choralarini koʻrish, boʻlinmalar rahbarlarining hisobotlarini tizimli ravishda eshitish hamda qayd etilgan koʻrsatkichlarga erishish borasida ularning shaxsiy masʼuliyatini oshirish;

mutasaddilik qilinadigan boʻlinmalar rahbarlarining har choraklik rejalarini tasdiqlash va ularning bajarilishini nazorat qilish;

Oʻzbekiston Respublikasi Prezidentining va Vazirlar Mahkamasining hujjatlari hamda topshiriqlari bajarilishini taʼminlash, Inspeksiyaning mutasaddilik qilinadigan boʻlinmalarida ijro intizomini mustahkamlashga doir kompleks amaliy chora-tadbirlarni amalga oshirish, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qarori va Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida hamda sifatli bajarilishi uchun tarkibiy boʻlinmalar rahbarlarining shaxsiy masʼuliyatini oshirish choralarini koʻrish;

Inspeksiya hayʼati qarorlari, Inspeksiya boshligʻining buyruqlari va topshiriqlarining oʻz vaqtida hamda sifatli bajarilishini taʼminlash;

Inspeksiya boshligʻiga mutasaddilik qilinadigan boʻlinmalarda kadrlarni tanlash va joy-joyiga qoʻyishga doir takliflar taqdim etish, ularning professional darajasi, chuqur bilimga, amaliy tajribaga egaligi, ishchanlik va maʼnaviy-axloqiy fazilatlarining yuqoriligi kafolatlanganini taʼminlash, ularning kasb malakasini oshirish, mutasaddilik qilinadigan tarkibiy boʻlinmalarda kadrlar zaxirasini shakllantirish;

mutasaddilik qilinadigan tarkibiy boʻlinmalarning normativ-huquqiy hujjatlar loyihalarini sifatli tayyorlashini taʼminlash, Inspeksiya tarkibiy boʻlinmalarida tayyorlangan hujjatlar loyihalarini keyinchalik muhokama etish uchun koʻrib chiqish hamda viza qoʻyish, Inspeksiya rahbari tomonidan imzolash, Oʻzbekiston Respublikasi Vazirlar Mahkamasining Reglamenti va Oʻzbekiston Respublikasi Prezidenti Devonining Reglamenti talablariga muvofiq ularning Vazirlar Mahkamasiga oʻz vaqtida kiritilishini taʼminlash, shuningdek, Oʻzbekiston Respublikasi Oʻsimliklar karantini davlat inspeksiyasi rahbarining topshirigʻiga binoan Vazirlar Mahkamasi Apparatida normativ-huquqiy hujjatlar loyihalarini ishlab chiqishda ishtirok etish;

Inspeksiyaga taqdim etilgan takliflar va normativ-huquqiy hujjatlar loyihalarini toʻliq hamda har tomonlama koʻrib chiqish, ularni huquqiy, moliyaviy, iqtisodiy va boshqa ekspertizadan puxta oʻtkazish;

Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida” 2014-yil 5-martdagi PQ-2142-son qarori va “Xorijiy xizmat safarlarida boʻlish samaradorligi va xorijiy delegatsiyalarning Oʻzbekiston Respublikasiga tashriflarini tashkil etish uchun mansabdor shaxslarning shaxsiy masʼuliyatini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarori talablariga qatʼiy muvofiq ravishda xizmat safarlarida boʻlish, xizmat safarlarining asosliligi, samaradorligi va natijadorligini hamda xizmat safarlari uchun ajratiladigan mablagʻlardan maqsadli hamda oqilona foydalanishni taʼminlash;

mutasaddilik qilinadigan tarkibiy boʻlinmalar rahbarlari va xodimlarining faoliyati samaradorligi hamda natijadorligini tizimli ravishda tanqidiy tahlil qilish, ularning Inspeksiya hayʼati majlislarida shaxsiy hisobotlarini eshitish va yakunlari boʻyicha zarur choralar koʻrish;

soha faoliyatiga taalluqli masalalar boʻyicha davlat boshqaruvi organlari faoliyatini takomillashtirishga doir amaliy choralar koʻrish, qonunchilikni takomillashtirish boʻyicha takliflar ishlab chiqish va ularni Inspeksiya rahbariyatiga kiritish;

mutasaddilik qilinadigan tarkibiy boʻlinmalar rahbarlari va xodimlarini ragʻbatlantirish va intizomiy javobgarlikka tortish masalasini hal qilish, shu jumladan ularning egallab turgan lavozimda qolishi yoki qolmasligi maqsadga muvofiqligi haqidagi masalasini koʻrib chiqish toʻgʻrisida Inspeksiya boshligʻiga takliflar kiritish, funksional majburiyatlar va yuklangan vazifalarning bajarilishi uchun ularning shaxsiy masʼuliyatini oshirishga doir tizimli chora-tadbirlarni amalga oshirish;

Inspeksiya xodimlarining odob-axloq qoidalari talablariga rioya etishini taʼminlash;

Oʻzbekiston Respublikasining “Korrupsiyaga qarshi kurash toʻgʻrisida”gi qonuni talablariga muvofiq Inspeksiya tizimida korrupsiya va boshqa huquqbuzarliklarning oldini olish choralarini koʻrish, shuningdek, ularning sodir etilishiga koʻmaklashadigan sabablar hamda sharoitlarni huquqni qoʻllash amaliyoti va qonunchilikni takomillashtirish chora-tadbirlarini ishlab chiqish hamda amalga oshirish orqali aniqlash, tahlil qilish, bartaraf etish;

Inspeksiya boshligʻiga davlat xizmatlarini koʻrsatish va ulardan foydalanish samaradorligi hamda sifatini oshirishga doir takliflar kiritish;

jismoniy va yuridik shaxslar murojaatlarini koʻrib chiqish boʻyicha samarali ishlarni tashkil qilish, aholi bilan bevosita va ochiq muloqotni yoʻlga qoʻyish, “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonunida belgilangan muddatlar va tartibda jismoniy shaxslarni hamda yuridik shaxslar vakillarini muntazam shaxsan qabul qilish, shu jumladan sayyor qabul qilish;

Oʻzbekiston Respublikasi Prezidentining Xalq qabulxonalari bilan samarali hamkorlik qilish, ularning faoliyatida faol ishtirok etish, jismoniy va yuridik shaxslardan Oʻzbekiston Respublikasi Prezidentining virtual qabulxonasiga kelib tushadigan murojaatlar oʻz vaqtida hamda toʻliq koʻrib chiqilishini taʼminlash;

davlat sirlariga kiritilgan axborot va maxfiy axborot bilan ishlashda qonun hujjatlari talablariga rioya etish;

28. Quyidagilar Inspeksiya markaziy apparatining tarkibiy boʻlinmalari rahbarlarining asosiy funksional vazifalari hisoblanadi:

Oʻzbekiston Respublikasi Konstitutsiya va qonunlari, shuningdek, boshqa normativ-huquqiy hujjatlar talablariga rioya etish;

tarkibiy boʻlinmalar faoliyatiga bevosita rahbarlik qilish, ushbu boʻlinmalarga yuklangan vazifalar va funksiyalar bajarilishini tashkil etish;

oʻz vakolatlari doirasida oʻsimliklar karantini hududiy inspeksiyalari va Oʻsimliklar karantini ilmiy-tadqiqot markazi faoliyatini muvofiqlashtirish;

prognoz koʻrsatkichlar bajarilishini tizimli tahlil qilish va Inspeksiyaning mutasaddilik qilinadigan boʻlinmalarining mazkur koʻrsatkichlarga soʻzsiz erishishini taʼminlashga qaratilgan qoʻshimcha choralar koʻrish boʻyicha Inspeksiya boshligʻining mutasaddi oʻrinbosarlariga takliflar kiritish;

Oʻzbekiston Respublikasi Prezidentining va Vazirlar Mahkamasining hujjatlari hamda topshiriqlari bajarilishini taʼminlash, Inspeksiya tarkibiy boʻlinmalari xodimlarining ijro intizomini mustahkamlashga doir kompleks amaliy chora-tadbirlarni amalga oshirish, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qarori va Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida hamda sifatli bajarilishi uchun tarkibiy boʻlinmalar xodimlarining shaxsiy masʼuliyatini oshirish choralarini koʻrish;

Inspeksiya hayʼati qarorlari, Inspeksiya boshligʻi va oʻrinbosarlarining buyruqlari hamda topshiriqlarining oʻz vaqtida hamda sifatli bajarilishini taʼminlash;

tarkibiy boʻlinmalarning har choraklik ish rejalari ishlab chiqilishini taʼminlash, ularni tasdiqlash uchun kiritish, ularda qayd etilgan vazifalar va tadbirlarning oʻz vaqtida hamda sifatli bajarilishini taʼminlash;

tarkibiy boʻlinmalarga yuklangan vazifalar bajarilishini nazorat qilish va muvofiqlashtirish, oʻsimliklar karantini hududiy inspeksiyalari hamda Oʻsimliklar karantini ilmiy-tadqiqot markazi faoliyatiga amaliy va uslubiy koʻmaklashish;

tarkibiy boʻlinmalar faoliyati boʻyicha qonunchilikni takomillashtirishga doir takliflar ishlab chiqish va ularni koʻrib chiqish uchun Inspeksiya rahbariyatiga kiritish;

Inspeksiya boshligʻi oʻrinbosarlariga tarkibiy boʻlinmalarda kadrlarni tanlash va joy-joyiga qoʻyishga doir takliflar taqdim etish, ularning professional darajasi, chuqur bilimga, amaliy tajribaga egaligi, ishchanlik va maʼnaviy-axloqiy fazilatlarining yuqoriligi kafolatlanganini taʼminlash, ularning kasb malakasini oshirish, tarkibiy boʻlinmalarda kadrlar zaxirasini shakllantirish;

tarkibiy boʻlinmalarning normativ-huquqiy hujjatlar loyihalarini sifatli tayyorlashini taʼminlash, Inspeksiya tarkibiy boʻlinmalarida tayyorlangan hujjatlar loyihalarini keyinchalik muhokama etish uchun koʻrib chiqish hamda imzolash, Inspeksiya rahbari tomonidan imzolash, Oʻzbekiston Respublikasi Vazirlar Mahkamasining Reglamenti va Oʻzbekiston Respublikasi Prezidenti Administratsiyasining Reglamenti talablariga muvofiq ularning Vazirlar Mahkamasiga oʻz vaqtida kiritilishini taʼminlash, Oʻzbekiston Respublikasi Oʻsimliklar karantini davlat inspeksiyasi rahbarining topshirigʻiga binoan Vazirlar Mahkamasi Apparatida normativ-huquqiy hujjatlar loyihalarini ishlab chiqishda ishtirok etish;

Inspeksiyaga taqdim etilgan takliflar va normativ-huquqiy hujjatlar loyihalarini toʻliq hamda har tomonlama koʻrib chiqish, ularni huquqiy, moliyaviy, iqtisodiy va boshqa ekspertizadan puxta oʻtkazish;

Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida” 2014-yil 5-martdagi PQ-2142-son qarori va “Xorijiy xizmat safarlarida boʻlish samaradorligi va xorijiy delegatsiyalarning Oʻzbekiston Respublikasiga tashriflarini tashkil etish uchun mansabdor shaxslarning shaxsiy masʼuliyatini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarori talablariga qatʼiy muvofiq ravishda xizmat safarlarida boʻlish, xizmat safarlarining asosliligi, samaradorligi va natijadorligini hamda xizmat safarlari uchun ajratiladigan mablagʻlardan maqsadli va oqilona foydalanishni taʼminlash;

tarkibiy boʻlinmalar xodimlarining faoliyati samaradorligi hamda natijadorligini tizimli ravishda tanqidiy tahlil qilish, majlislarda ularning shaxsiy hisobotlarini eshitish va yakunlari boʻyicha zarur choralar koʻrish;

Inspeksiya xodimlarining odob-axloq qoidalari talablariga rioya etishini taʼminlash;

Oʻzbekiston Respublikasining “Korrupsiyaga qarshi kurashish toʻgʻrisida”gi qonuni talablariga muvofiq tarkibiy boʻlinmalarda korrupsiya va boshqa huquqbuzarliklarning oldini olish choralarini koʻrish, shuningdek, ularning sodir etilishiga koʻmaklashadigan sabablar hamda sharoitlarni huquqni qoʻllash amaliyoti va qonunchilikni takomillashtirish chora-tadbirlarini ishlab chiqish hamda amalga oshirish orqali aniqlash, tahlil qilish, bartaraf etish;

Inspeksiya boshligʻiga davlat xizmatlarini koʻrsatish va ulardan foydalanish samaradorligi hamda sifatini oshirishga doir takliflar kiritish;

jismoniy va yuridik shaxslar murojaatlarini koʻrib chiqish, aholi bilan bevosita va ochiq muloqotni yoʻlga qoʻyish, “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonunida belgilangan muddatlar va tartibda jismoniy shaxslarni hamda yuridik shaxslar vakillarini muntazam shaxsan qabul qilish, shu jumladan sayyor qabul qilish;

Oʻzbekiston Respublikasi Prezidentining Xalq qabulxonalari bilan samarali hamkorlik qilish, ularning faoliyatida faol ishtirok etish, jismoniy va yuridik shaxslardan Oʻzbekiston Respublikasi Prezidentining virtual qabulxonasiga kelib tushadigan murojaatlar oʻz vaqtida hamda toʻliq koʻrib chiqilishini taʼminlash;

davlat sirlariga kiritilgan axborot va maxfiy axborot bilan ishlashda qonun hujjatlari talablariga rioya etish.

29. Quyidagilar oʻsimliklar karantini hududiy inspeksiyalari rahbarlarining asosiy funksional vazifalari hisoblanadi:

Oʻzbekiston Respublikasi Konstitutsiya va qonunlari, shuningdek, boshqa normativ-huquqiy hujjatlar talablariga rioya etish;

oʻsimliklar karantini hududiy inspeksiyalari faoliyatiga umumiy rahbarlik qilish, ushbu boʻlinmalarga Oʻzbekiston Respublikasi Prezidentining hujjatlari va Vazirlar Mahkamasi qarorlari, shuningdek, Oʻzbekiston Respublikasi Oʻsimliklar karantini davlat inspeksiyasi qarorlari bilan yuklangan vazifa hamda funksiyalar bajarilishini tashkil qilish;

oʻsimliklar karantini hududiy inspeksiyalari va Oʻsimliklar karantini ilmiy-tadqiqot markazi faoliyati bilan bogʻliq prognoz koʻrsatkichlarga soʻzsiz erishish boʻyicha amaliy choralar ishlab chiqish hamda amalga oshirish;

oʻsimliklar karantini boʻyicha tuman va shaharlar inspektorlari, oʻsimliklar karantini chegara maskanlari inspektorlari, shuningdek, oʻsimliklar karantini hududiy inspeksiyalarining boshqa boʻlinmalari faoliyatini muvofiqlashtirish va nazorat qilish;

Oʻzbekiston Respublikasi Prezidentining va Vazirlar Mahkamasining hujjatlari hamda topshiriqlari bajarilishini taʼminlash, ijro intizomini mustahkamlashga doir kompleks amaliy chora-tadbirlarni amalga oshirish, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qarori va Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida hamda sifatli bajarilishi uchun oʻsimliklar karantini hududiy inspeksiyalari xodimlarining shaxsiy masʼuliyatini oshirish choralarini koʻrish;

Inspeksiya hayʼati qarorlari, Inspeksiya boshligʻi va oʻrinbosarlarining buyruqlari hamda topshiriqlarining oʻz vaqtida hamda sifatli bajarilishini taʼminlash;

mahalliy davlat hokimiyati organlari va kompleks ijtimoiy-iqtisodiy rivojlanish sektorlari bilan Inspeksiya faoliyati sohasiga kiradigan masalalar boʻyicha hamkorlik qilish;

oʻz oʻrinbosarlari vakolatlarini belgilash, oʻsimliklar karantini hududiy inspeksiyalarining boshqa mansabdor shaxslari vakolatlarini, oʻsimliklar karantini hududiy inspeksiyalari faoliyatining ayrim uchastkalariga rahbarlik uchun oʻz oʻrinbosari hamda boshqa mansabdor shaxslarning shaxsiy javobgarlik darajasini belgilash;

oʻsimliklar karantini hududiy inspeksiyalari faoliyatini rejalashtirishni tashkil etish, oʻsimliklar karantini hududiy inspeksiyalari va oʻz oʻrinbosarlari ishlarining har choraklik rejalarini tasdiqlash, ularning bajarilishini nazorat qilish;

oʻsimliklar karantini hududiy inspeksiyasiga kadrlarni tanlash va joy-joyiga qoʻyish, ularning samarali faoliyati koʻrsatishi uchun zarur sharoitlar yaratish, hududiy boʻlinmalarning kadrlar zaxirasini shakllantirish;

Inspeksiya nomenklaturasiga kiradigan boʻsh lavozimlarga taklif etilgan nomzodlarning, shuningdek, oʻsimliklar karantini hududiy inspeksiyasiga ishga qabul qilinadigan boshqa kadrlarning professional darajasi, chuqur bilimga, amaliy tajriba egaligi, ishchanlik va maʼnaviy-axloqiy fazilatlarining yuqorligi kafolatlanganini taʼminlash;

oʻsimliklar karantini hududiy inspeksiyasi xodimlarini ragʻbatlantirish va intizomiy javobgarlikka tortish masalasini hal qilish, oʻz oʻrinbosarlarini ragʻbatlantirish va intizomiy javobgarlikka tortish, shu jumladan ularning egallab turgan lavozimda qolishi yoki qolmasligi maqsadga muvofiqligi haqidagi masalasini koʻrib chiqish toʻgʻrisida takliflar kiritish, ularning shaxsiy masʼuliyatini oshirishga doir tizimli chora-tadbirlarni amalga oshirish;

oʻsimliklar karantini hududiy inspeksiyasi xodimlari tomonidan Inspeksiya xodimlarining odob-axloq qoidalari talablariga rioya etilishini taʼminlash;

Oʻzbekiston Respublikasining “Korrupsiyaga qarshi kurash toʻgʻrisida”gi qonuni talablariga muvofiq Inspeksiya tizimida korrupsiya va boshqa huquqbuzarliklarning oldini olish choralarini koʻrish, ularning sodir etilishiga koʻmaklashadigan sabablar hamda sharoitlarni huquqni qoʻllash amaliyoti va qonunchilikni takomillashtirish chora-tadbirlarini ishlab chiqish hamda amalga oshirish orqali aniqlash, tahlil qilish, bartaraf etish;

prognoz koʻrsatkichlar bajarilishini tizimli tahlil qilish va oʻsimliklar karantini hududiy inspeksiyasining mazkur koʻrsatkichlarga soʻzsiz erishishini taʼminlashga qaratilgan qoʻshimcha choralar koʻrish boʻyicha Inspeksiya boshligʻining mutasaddi oʻrinbosarlariga takliflar kiritish;

oʻsimliklar karantini hududiy inspeksiyasi xodimlarining faoliyati samaradorligi hamda natijadorligini tizimli ravishda tanqidiy tahlil qilish, majlislarda ularning shaxsiy hisobotlarini eshitish va yakunlari boʻyicha zarur choralar koʻrish;

oʻsimliklar karantini hududiy inspeksiyasi faoliyatini takomillashtirish, shuningdek, davlat xizmatlarini koʻrsatish va ulardan foydalanish samaradorligi hamda sifatini oshirish boʻyicha takliflar ishlab chiqish va ularni Inspeksiya rahbariyatiga koʻrish chiqish uchun kiritish;

jismoniy va yuridik shaxslar murojaatlarini koʻrib chiqish, aholi bilan bevosita va ochiq muloqotni yoʻlga qoʻyish, “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonunida belgilangan muddatlar va tartibda jismoniy shaxslarni hamda yuridik shaxslar vakillarini muntazam shaxsan qabul qilish, shu jumladan sayyor qabul qilish;

Oʻzbekiston Respublikasi Prezidentining Xalq qabulxonalari bilan samarali hamkorlik qilish, ularning faoliyatida faol ishtirok etish, jismoniy va yuridik shaxslardan Oʻzbekiston Respublikasi Prezidentining virtual qabulxonasiga kelib tushadigan murojaatlar oʻz vaqtida hamda toʻliq koʻrib chiqilishini taʼminlash;

oʻsimliklar karantini hududiy inspeksiyasi xodimlariga mukofotlar toʻlash, lavozim maoshiga ustama belgilash, moddiy yordam koʻrsatish, mukofotlash, ragʻbatlantirish va intizomiy jazoga tortish toʻgʻrisida qarorlar qabul qilish, Inspeksiyaga davlat mukofotlar va idoraviy mukofotlar bilan taqdirlash haqida takliflar kiritish;

davlat sirlariga kiritilgan axborot va maxfiy axborot bilan ishlashda qonun hujjatlari talablariga rioya etish;

oʻsimliklar karantini hududiy inspeksiyasi xodimlari bajarishi shart boʻlgan buyruqlar chiqarish va koʻrsatmalar berish;

oʻsimliklar karantini hududiy inspeksiyasi mulkini qonun hujjatlarida belgilangan tartibda tasarruf etish;

oʻsimliklar karantini hududiy inspeksiyalari tomonidan xizmatlar koʻrsatishda yuzaga keladigan moliyaviy va texnik masalalarni hal etishga har tomonlama koʻmaklashish;

Inspeksiya rahbarlari va xodimlari malakasini oshirish boʻyicha majburiy kurslarni tashkil etish hamda oʻtkazishda yordam berish;

oʻsimliklar karantini sohasidagi islohotlarni amalga oshirish toʻgʻrisida aholi xabardorligini oshirish maqsadida jamoatchilik bilan ishlash uchun ommaviy axborot vositalarida eʼlon qilinadigan materiallarni toʻliq hamda har tomonlama koʻrib chiqish va tahlil qilish;

jismoniy va yuridik shaxslardan tushadigan murojaatlar yuzasidan zarur choralar koʻrish.

6-bob. Inspeksiya rahbarlarining masʼuliyati

30. Inspeksiya boshligʻi quyidagilar uchun shaxsan masʼuldir:

Inspeksiyaga yuklangan vazifalar va funksiyalarning bajarilishi;

ushbu Nizomning 19-bandida nazarda tutilgan Inspeksiyaning javobgarlik sohalari boʻyicha;

ushbu Nizomning 26-bandida qayd etilgan oʻz funksional vazifalarining sifatli bajarilishi.

31. Oʻzbekiston Respublikasi Oʻsimliklar karantini davlat inspeksiyasi boshligʻining oʻrinbosari quyidagilar uchun shaxsan masʼuldir:

Inspeksiyaning mutasaddilik qilinadigan tarkibiy boʻlinmalarida Inspeksiyaga yuklangan vazifalar va funksiyalarning bajarilishi;

ushbu Nizomning 19-bandida nazarda tutilgan Inspeksiyaning mutasaddilik qilinadigan masalalar yuzasidan javobgarlik sohalari boʻyicha;

ushbu Nizomning 27-bandida qayd etilgan oʻz funksional vazifalarining sifatli bajarilishi.

32. Inspeksiya markaziy apparatining tarkibiy boʻlinmalari boshliqlari quyidagilar uchun shaxsan masʼuldir:

tegishli tarkibiy boʻlinmalarga yuklangan vazifalar va funksiyalarning amalga oshirilishi;

ushbu Nizomning 21-bandida nazarda tutilgan Inspeksiya markaziy apparatining javobgarlik sohalari boʻyicha;

ushbu Nizomning 28-bandida qayd etilgan oʻz funksional vazifalarining sifatli bajarilishi.

33. Oʻsimliklar karantini hududiy inspeksiyalari boshliqlari quyidagilar uchun shaxsan masʼuldir:

oʻsimliklar karantini hududiy inspeksiyalariga yuklangan vazifalar va funksiyalarning amalga oshirilishi;

ushbu Nizomning 23-bandida nazarda tutilgan oʻsimliklar karantini hududiy inspeksiyalarining javobgarlik sohalari boʻyicha;

ushbu Nizomning 29-bandida qayd etilgan oʻz funksional vazifalarining sifatli bajarilishi.

7-bob. Inspeksiya faoliyatini tashkil etish

1-§ Inspeksiyaga rahbarlik qilish

34. Inspeksiyaga Oʻzbekiston Respublikasi Prezidenti tomonidan lavozimga tayinlanadigan va lavozimdan ozod etiladigan boshliq rahbarlik qiladi.

35. Inspeksiya boshligʻi belgilangan tartibda lavozimga tayinlanadigan va lavozimdan ozod etiladigan oʻrinbosarlarga ega boʻladi.

36. Inspeksiya boshligʻi moddiy, maishiy, transport va tibbiy xizmat koʻrsatish shartlari boʻyicha vazirning birinchi oʻrinbosariga, Inspeksiya boshligʻining oʻrinbosari vazir oʻrinbosariga tenglashtiriladi.

37. Inspeksiya boshligʻi boʻlmagan vaqtlarda uning vakolatlarini oʻrinbosari bajaradi.

38. Qoraqalpogʻiston Respublikasi Oʻsimliklar karantini davlat inspeksiyasi boshligʻi, oʻsimliklar karantini boʻyicha viloyatlar va Toshkent shahri davlat inspeksiyalari boshliqlari Inspeksiya boshligʻi tomonidan Qoraqalpogʻiston Respublikasi Joʻqorgʻi Kengesi, tegishli viloyatlar va Toshkent shahri hokimlari bilan kelishilgan holda lavozimga tayinlanadi hamda lavozimdan ozod etiladi.

39. Inspeksiya boshligʻi oʻsimliklar karantini hududiy inspeksiyalari va Oʻsimliklar karantini ilmiy-tadqiqot markazining nizomlari, tuzilmasi va shtat jadvalini Vazirlar Mahkamasi tomonidan tasdiqlangan xodimlarning soni doirasida tasdiqlaydi.

2-§ Inspeksiya markaziy apparati tarkibiy boʻlinmalarining oʻsimliklar karantini hududiy inspeksiyalari va Oʻsimliklar karantini ilmiy-tadqiqot markazi bilan oʻzaro hamkorlik tartibi

40. Inspeksiya markaziy apparati tarkibiy boʻlinmalarining rahbarlari Inspeksiya markaziy apparati tarkibiy boʻlinmalarining oʻsimliklar karantini hududiy inspeksiyalari va Oʻsimliklar karantini ilmiy-tadqiqot markazi bilan oʻzaro hamkorligini taʼminlaydi.

41. Inspeksiya markaziy apparati tarkibiy boʻlinmalari oʻsimliklar karantini hududiy inspeksiyalari va Oʻsimliklar karantini ilmiy-tadqiqot markazi bilan oʻzaro hamkorlik qilgan holda:

oʻsimliklar karantini hududiy inspeksiyalari va Oʻsimliklar karantini ilmiy-tadqiqot markaziga topshiriqlar beradi hamda ularning ijrosini nazorat qiladi;

oʻsimliklar karantini hududiy inspeksiyalari va Oʻsimliklar karantini ilmiy-tadqiqot markaziga tarkibiy boʻlinmalar faoliyati masalasi yuzasidan bevosita soʻrovlar yuboradi hamda ularning ijrosini nazorat qiladi;

oʻsimliklar karantini hududiy inspeksiyalari va Oʻsimliklar karantini ilmiy-tadqiqot markazi faoliyatini tekshiradi, oʻrganadi va amaliyotini umumlashtiradi, ularning faoliyatini takomillashtirishga qaratilgan chora-tadbirlar ishlab chiqadi hamda amalga oshiradi;

oʻsimliklar karantini hududiy inspeksiyalari va Oʻsimliklar karantini ilmiy-tadqiqot markazi faoliyatini tashkil etish va natijalari toʻgʻrisidagi hisobot, axborot materiallari hamda statistika va boshqa maʼlumotlarni oʻrganishni tashkil qiladi;

oʻsimliklar karantini hududiy inspeksiyalari va Oʻsimliklar karantini ilmiy-tadqiqot markazining ish rejalarini tahlil qiladi, ularning faoliyatini rejalashtirishni takomillashtirish choralarini koʻradi;

oʻsimliklar karantini hududiy inspeksiyalari va Oʻsimliklar karantini ilmiy-tadqiqot markazidan kelgan takliflarni koʻrib chiqadi;

oʻsimliklar karantini hududiy inspeksiyalari va Oʻsimliklar karantini ilmiy-tadqiqot markazining normativ-huquqiy hujjatlar loyihalarini tayyorlashda ishtirok etishini tashkil qiladi, ulardan qonunchilikni takomillashtirish boʻyicha kelgan takliflarni koʻrib chiqadi.

42. Oʻsimliklar karantini hududiy inspeksiyalari va Oʻsimliklar karantini ilmiy-tadqiqot markazi Inspeksiya markaziy apparati tarkibiy boʻlinmalari bilan hamkorlik qiladi, jumladan:

Inspeksiya rahbariyati topshiriqlarining bajarilishi toʻgʻrisida axborot beradi;

markaziy apparatga belgilangan faoliyat sohasidagi qonun hujjatlarini amalga oshirish boʻyicha faoliyat natijalari toʻgʻrisida axborot taqdim etadi;

ularning faoliyatini tekshirish va oʻrganish natijasida aniqlangan kamchiliklar hamda qonunbuzarliklarni bartaraf etish natijalari toʻgʻrisida axborot beradi;

Inspeksiya markaziy apparatiga belgilangan tartib va muddatlarda oʻz faoliyati natijalari toʻgʻrisida hisobotlar taqdim etadi;

Inspeksiya markaziy apparatiga hududlarni ijtimoiy-iqtisodiy rivojlantirish muammolarini, shu jumladan aholining muhim muammolarini hal etishga qaratilgan takliflar yuboradi;

kompleks ijtimoiy-iqtisodiy rivojlanish sektorlari bilan hamkorlik natijalari toʻgʻrisida axborot beradi;

vakolatli organlar tomonidan oʻz faoliyatini tekshirish natijalari haqida xabardor qiladi.

43. Inspeksiya markaziy apparati tarkibiy boʻlinmalari, oʻsimliklar karantini hududiy inspeksiyalari va Oʻsimliklar karantini ilmiy-tadqiqot markazining oʻzaro hamkorlik jarayonida yuzaga keladigan kelishmovchiliklar Inspeksiya boshligʻining topshirigʻiga binoan uning tegishli oʻrinbosari tomonidan koʻrib chiqiladi. Kelishmovchiliklar koʻrib chiqilgandan soʻng ham hal etilmagan taqdirda, ular yuzasidan qaror bevosita Inspeksiya boshligʻi tomonidan qabul qilinadi.

3-§ Inspeksiyaning davlat va xoʻjalik boshqaruvining boshqa organlari, mahalliy davlat hokimiyati organlari hamda boshqa tashkilotlar bilan oʻzaro hamkorlik tartibi

44. Inspeksiya oʻz vazifalari va funksiyalarini amalga oshirishda davlat va xoʻjalik boshqaruvi organlari, mahalliy davlat hokimiyati organlari hamda boshqa tashkilotlar bilan oʻzaro hamkorlik qiladi.

45. Oʻsimliklar karantini hududiy inspeksiyalari oʻz vakolati doirasida davlat va xoʻjalik boshqaruvining hududiy boʻlinmalari, mahalliy davlat hokimiyati organlari hamda boshqa tashkilotlar bilan hamkorlik qiladi.

Oʻsimliklar karantini hududiy inspeksiyalari tegishli hududlarni ijtimoiy-iqtisodiy rivojlantirish boʻyicha “yoʻl xaritalari”ni ishlab chiqish va amalga oshirishda kompleks ijtimoiy-iqtisodiy rivojlanish sektorlari bilan hamkorlik qiladi.

46. Inspeksiya Vazirlar Mahkamasining Agrar va oziq-ovqat sohalarini rivojlantirish masalalari kotibiyatiga biriktirilgan tashkilotlar roʻyxatiga kiradi.

4-§ Inspeksiya hayʼati va ilmiy-texnik kengashi

47. Inspeksiyada Inspeksiya boshligʻi (hayʼat raisi), uning oʻrinbosari (lavozimi boʻyicha), shuningdek, Inspeksiya faoliyatining asosiy yoʻnalishlarini muvofiqlashtiradigan tarkibiy boʻlinmalar boshliqlaridan iborat tarkibda hayʼat tashkil etiladi.

Hayʼat aʼzolarining soni va shaxsiy tarkibi Inspeksiya boshligʻining taqdimnomasiga asosan Oʻzbekiston Respublikasi Vazirlar Mahkamasi tomonidan tasdiqlanadi.

48. Hayʼatga quyidagi vazifalar yuklanadi:

Inspeksiya faoliyatining asosiy yoʻnalishlarini tayyorlash va amalga oshirish;

Inspeksiya markaziy apparati, oʻsimliklar karantini hududiy inspeksiyalari va Oʻsimliklar karantini ilmiy-tadqiqot markazi rahbarlarining hisobotlarini tizimli asosda eshitishni tashkil qilish, qonun hujjatlari, Oʻzbekiston Respublikasi Prezidenti hujjatlari va Oʻzbekiston Respublikasi Hukumati qarorlarida belgilangan vazifalar oʻz vaqtida va sifatli amalga oshirilishini taʼminlash boʻyicha Oʻsimliklar karantini davlat xizmati rahbarlarining shaxsiy masʼuliyatini oshirish choralarini koʻrish;

Inspeksiya faoliyati sohasiga oid hududiy va tarmoq dasturlarini amalga oshirish samaradorligini har chorakda va tizimli ravishda koʻrib chiqish;

hayʼatning kengaytirilgan sayyor majlislari oʻtkazilishini tashkil etish, joylarda Inspeksiya faoliyati sohasiga taalluqli dolzarb masalalar muhokama etilishini taʼminlash;

Inspeksiya markaziy apparatining lavozimlar nomenklaturasi va uning tizimini koʻrib chiqish hamda tasdiqlash;

Inspeksiya nomenklaturasiga kiradigan lavozimlarga kadrlarni tanlash va joy-joyiga qoʻyish masalasini koʻrib chiqish;

Oʻzbekiston Respublikasi Prezidenti va Vazirlar Mahkamasining qarorlari hamda topshiriqlari bilan belgilangan vazifalarning oʻz vaqtida va sifatli amalga oshirilishini taʼminlash uchun davlat boshqaruvi organlari rahbarlari hamda xodimlarining ijro intizomini mustahkamlash va shaxsiy masʼuliyatini oshirish;

Oʻzbekiston Respublikasi Hukumatiga kiritiladigan va Inspeksiya masʼul ijrochisi boʻlgan qonun loyihalari bilan bogʻliq masalalarni koʻrib chiqish.

Hayʼat Inspeksiya vakolatiga kiritilgan boshqa masalalarni ham koʻrib chiqish huquqiga ega.

49. Hayʼat majlislarida Inspeksiya vakolatiga kiradigan masalalarni muhokama qilish uchun davlat va xoʻjalik boshqaruvi organlari, boshqa tashkilotlar rahbarlari ham taklif etilishi mumkin.

50. Hayʼat uning majlisida tarkibining yarmidan koʻpi qatnashgan taqdirda vakolatli boʻladi. Koʻrib chiqiladigan masalalar boʻyicha qarorlar oddiy koʻpchilik ovoz bilan qabul qilinadi.

51. Hayʼat qarorlari Inspeksiya boshligʻining buyruqlari bilan amalga oshiriladi.

52. Inspeksiya boshligʻi va hayʼat aʼzolari oʻrtasida kelishmovchiliklar yuzaga kelgan taqdirda, Inspeksiya boshligʻi yuzaga kelgan kelishmovchiliklar toʻgʻrisida Oʻzbekiston Respublikasi Vazirlar Mahkamasiga axborot bergan holda mustaqil ravishda qaror qabul qiladi. Hayʼat aʼzolari ham oʻz fikr-mulohazalarini Oʻzbekiston Respublikasi Vazirlar Mahkamasiga maʼlum qilishlari mumkin.

53. Hayʼat faoliyatining tartibi hayʼat tomonidan tasdiqlanadigan reglament bilan belgilanadi.

54. Inspeksiyada ilmiy-texnik kengash tashkil etiladi.

Ilmiy-texnik kengash Inspeksiya boshligʻi (ilmiy-texnik kengash raisi), uning oʻrinbosarlari (lavozimi boʻyicha), Oʻsimliklar karantini ilmiy-tadqiqot markazi rahbari, Inspeksiya tarkibiy boʻlinmalari boshliqlari, soha, ilmiy-tadqiqot institutlari, taʼlim muassasalari, mustaqil kompaniyalar va sohaning boshqa tashkilotlari mutaxassislaridan iborat tarkibda tuziladi va Inspeksiya buyrugʻi bilan tasdiqlanadi.

55. Quyidagilar Inspeksiya ilmiy-texnik kengashining asosiy vazifalari hisoblanadi:

mahalliy va xorijiy tajribani oʻrganish asosida fitosanitariya xavfsizligi va oʻsimliklar karantini sohasidagi yagona ilmiy-texnik siyosatni belgilaydigan ilmiy asoslangan takliflarni tayyorlash hamda koʻrib chiqish;

Inspeksiya faoliyatini istiqbolli rivojlantirish yoʻnalishlariga ilmiy-texnik rahbarlik qilish, oʻsimliklar karantini sohasida ishlar samaradorligini oshirishga qaratilgan tadbirlar, yoʻriqnomalar, tavsiyalar, normativ-huquqiy hujjatlarni koʻrib chiqish hamda tasdiqlash;

yetakchi institutlar olimlari va amaliyotchilarini jalb etgan holda, oʻsimliklar karantini sohasidagi jahon tajribasini, ishlab chiqariladigan mahsulot unumdorligi va sifati boʻyicha zamonaviy talablar, fitosanitariya standartlariga javob beradigan ilgʻor texnologiyalar va uskunalarni chuqur tahlil qilish;

ilmiy va loyiha gʻoyalarini koʻrib chiqish, ilmiy-texnik kengash tomonidan taklif etiladigan qarorlarni professional darajada muhokama etish, jumladan, xalqaro moliya institutlari mablagʻlarini jalb etgan holda oʻsimliklar karantini sohasida loyihalarni ishlab chiqish uchun texnik vazifalarni shakllantirishga koʻmaklashish.

Inspeksiya boshligʻi Inspeksiya ilmiy-texnik kengashi raisi hisoblanadi.

8-bob. Oʻzbekiston Respublikasi Oʻsimliklar karantini davlat inspeksiyasi faoliyatining samaradorligi va natijadorligini baholash mezonlari hamda koʻrsatkichlari

56. Inspeksiya faoliyatining samaradorligi muntazam baholab boriladi.

57. Inspeksiya faoliyatining samaradorligi va natijadorligi Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha oʻrinbosari tomonidan tasdiqlanadigan samaradorlik va natijadorlik mezonlari hamda koʻrsatkichlari asosida baholanadi.

58. Inspeksiya faoliyatining samaradorligi va natijadorligini baholash yakunlari boʻyicha quyidagi choralar koʻriladi:

Inspeksiya rahbarlari va xodimlariga nisbatan ragʻbatlantirish (mukofotlash) yoki tegishli intizomiy javobgarlik choralari;

aniqlangan kamchiliklarni bartaraf etish va Inspeksiya faoliyatini yanada takomillashtirish.

59. Inspeksiya faoliyatining samaradorligi va natijadorligini baholash tartibi va uslubi qonun hujjatlari bilan belgilanadi.

9-bob. Inspeksiya faoliyatini moliyalashtirish va moddiy-texnik taʼminlash, uning xodimlari mehnatiga haq toʻlash va ularni moddiy ragʻbatlantirish

60. Inspeksiya, oʻsimliklar karantini hududiy inspeksiyalari va Oʻsimliklar karantini ilmiy-tadqiqot markazining faoliyati Oʻzbekiston Respublikasi Davlat budjeti mablagʻlari, Inspeksiyaning Oʻsimliklar karantini tizimini rivojlantirish jamgʻarmasi mablagʻlari hamda qonunchilikda taqiqlanmagan boshqa mablagʻlar hisobidan moliyalashtiriladi va moddiy-texnik taʼminlanadi.

61. Inspeksiya xodimlarining ish haqi lavozim maoshi, mukofotlar, qoʻshimcha toʻlovlar, ustamalar va qonunchilikda taqiqlanmagan boshqa toʻlovlardan iborat.

Inspeksiya xodimlarining lavozim maoshlariga har oylik ustamalar va qoʻshimcha toʻlovlar Inspeksiya boshligʻi tomonidan tasdiqlanadigan nizomlarga muvofiq toʻlanadi.

62. Mehnatga haq toʻlash jamgʻarmasi, budjetdan tashqari jamgʻarmalar mablagʻlari va qonunchilikda taqiqlanmagan boshqa mablagʻlar Inspeksiya xodimlariga ish haqi toʻlash hamda ularni moddiy ragʻbatlantirish manbalari hisoblanadi.

10-bob. Inspeksiyaning Oʻzbekiston Respublikasi Vazirlar Mahkamasi va Oʻzbekiston Respublikasi Prezidenti oldidagi hisobdorligi

63. Inspeksiya boshligʻi oʻz faoliyati natijalari toʻgʻrisida Oʻzbekiston Respublikasi Vazirlar Mahkamasi va Oʻzbekiston Respublikasi Prezidentiga muntazam hisobot beradi.

64. Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha oʻrinbosari Inspeksiya boshligʻi va uning oʻrinbosarining zimmasiga yuklangan vazifalarni samarali bajarishi boʻyicha faoliyatini doimiy monitoringini olib boradi, Inspeksiya faoliyatining samaradorligini baholaydi.

65. Monitoring va baholash yakunlari boʻyicha Inspeksiyaning alohida oʻrnak koʻrsatgan rahbarlari, mansabdor shaxslari va xodimlari ragʻbatlantiriladi yoki yoʻl qoʻyilgan jiddiy kamchiliklar uchun egallab turgan lavozimidan ozod etishgacha boʻlgan intizomiy jazoga tortiladi.

11-bob. Yakunlovchi qoida

66. Inspeksiya qonun hujjatlarida belgilangan tartibda qayta tashkil etiladi va tugatiladi.

Vazirlar Mahkamasining 2018-yil 31-yanvardagi 68-son qaroriga 2-ILOVA

Oʻzbekiston Respublikasi Vazirlar Mahkamasi huzuridagi Oʻsimliklar karantini davlat inspeksiyasining Oʻsimliklar karantini tizimini rivojlantirish jamgʻarmasi mablagʻlarini shakllantirish va ulardan foydalanish tartibi toʻgʻrisida

NIZOM

1-bob. Umumiy qoidalar

1. Ushbu Nizom Oʻzbekiston Respublikasi Vazirlar Mahkamasi huzuridagi Oʻsimliklar karantini davlat inspeksiyasining Oʻsimliklar karantini tizimini rivojlantirish jamgʻarmasi (keyingi oʻrinlarda Jamgʻarma deb ataladi) mablagʻlarini shakllantirish va ulardan foydalanish tartibini belgilaydi.

2. Jamgʻarma Oʻzbekiston Respublikasi Vazirlar Mahkamasi huzuridagi Oʻsimliklar karantini davlat inspeksiyasi tomonidan (keyingi oʻrinlarda Inspeksiya deb ataladi) yuridik shaxsni tashkil etmagan holda tuziladi.

3. Jamgʻarma faoliyati Jamgʻarmaning 7 kishidan iborat tarkibdagi Kengashi tomonidan tashkil etiladi, nazorat qilinadi va boshqariladi. Jamgʻarma Kengashining shaxsiy tarkibini Inspeksiya boshligʻi tasdiqlaydi.

2-bob. Jamgʻarma mablagʻlarini shakllantirish

4. Quyidagilar Jamgʻarma mablagʻlarini shakllantirishning asosiy manbalari hisoblanadi:

urugʻliklar, oʻsimliklar va oʻsimlik mahsulotlarini import qilish uchun karantin ruxsatnomalarini rasmiylashtirishdan olinadigan toʻlovlar;

tarkibida urugʻlar, oʻsimliklar va oʻsimlik mahsulotlari boʻlgan hamda Oʻzbekiston Respublikasi hududi orqali tranzit olib oʻtiladigan yuklarga karantin ruxsatnomasini rasmiylashtirishdan olinadigan toʻlovlar;

urugʻlar, oʻsimliklar va oʻsimlik mahsulotlarini eksport qilishda fitosanitar sertifikatlarni rasmiylashtirishdan olinadigan toʻlovlar;

eksport va import qilinadigan oʻsimliklar karantini nazoratidagi mahsulotlar namunalarini laboratoriya ekspertizasidan oʻtkazishdan olinadigan toʻlovlar;

eksport va import qilinadigan oʻsimliklar karantini nazoratidagi mahsulotlarni zararsizlantirish boʻyicha fumigatsiya ishlarini oʻtkazishdan olinadigan toʻlovlar;

Oʻzbekiston Respublikasi hududidagi karantindagi yuklarga ichki fitosanitar sertifikatni rasmiylashtirish va taqdim etishdan olinadigan toʻlovlar;

har bir transport birligiga (samolyot, vagon, konteyner, avtotransport, barja va boshqa turdagi transportlar) beriladigan oʻsimliklar karantini koʻrigi va transport birligini ochish dalolatnomalarini taqdim etish va ularning hujjatlarini rasmiylashtirishdan olinadigan toʻlovlar;

oʻsimliklar karantini sohasidagi maʼmuriy huquqbuzarlik uchun qonunchilikka muvofiq undiriladigan jarimalar;

qonunchilikda taqiqlanmagan boshqa manbalar.

5. Jamgʻarmaga kelib tushadigan mablagʻlar Oʻzbekiston Respublikasi Moliya vazirligi Gʻaznachiligida ochilgan maxsus hisob raqamlarda jamgʻariladi.

3-bob. Jamgʻarma mablagʻlaridan foydalanish

6. Jamgʻarma mablagʻlaridan:

oʻsimliklar karantini chegara maskanlari, maxsus fumigatsiya otryadlari, shuningdek, hududiy karantin laboratoriyalari inspektorlari va ularga tenglashtirilgan boshqa shaxslar mehnatiga haq toʻlashni moliyalashtirish;

oʻsimliklar karantini sohasidagi ilmiy-tadqiqot ishlarini moliyalashtirish;

Inspeksiya va uning hududiy boʻlinmalarining moddiy-texnika bazasini mustahkamlash hamda rivojlantirish;

kadrlar tayyorlash va ularning malakasini oshirish, shuningdek, Inspeksiya va uning hududiy boʻlinmalari xodimlarining xorijda malakasini oshirish ishlarini tashkil qilish;

Inspeksiya va uning hududiy boʻlinmalari xodimlarini maxsus kiyim bilan taʼminlash;

oʻsimliklar karantini nazoratidagi materiallarni zararsizlantirish uchun fumigantlar xarid qilish;

Inspeksiya va uning hududiy boʻlinmalari rahbarlari va xodimlarning xizmat safarlari xarajatlarini moliyalashtirish;

Inspeksiya va uning hududiy boʻlinmalari xodimlarini moddiy ragʻbatlantirish uchun foydalaniladi.

Jamgʻarma mablagʻlaridan qonunchilikda taqiqlanmagan boshqa maqsadlarda ham foydalanish mumkin.

7. Ayrim hollarda, Jamgʻarma mablagʻlaridan Oʻzbekiston Respublikasi Hukumati topshiriqlariga muvofiq davlat tadbirlarini oʻtkazish, shuningdek, favqulodda vaziyatlarning oldini olish hamda oqibatlarini bartaraf etish hamda boshqa ishlarda foydalaniladi.

8. Buyurtmanomalarni umumlashtirish va qabul qilish ishlari Jamgʻarma Kengashining qarori asosida tashkil etiladi, mutaxassislar xarajatlar va daromadlar smetasining tegishli loyihalarini tayyorlaydi, Jamgʻarma mablagʻlaridan maqsadli foydalanish hamda ularni samarali boshqarish boʻyicha monitoring olib boriladi.

9. Jamgʻarma Kengashi:

Jamgʻarma mablagʻlaridan foydalanish uchun buyurtmanomalarni qabul qiladi, koʻrib chiqadi va umumlashtiradi;

mablagʻlar ajratish boʻyicha ustuvor yoʻnalishlarni belgilaydi va asosli qarorlar qabul qiladi;

ajratilgan mablagʻlardan belgilangan maqsadlarda foydalanilmagan holatlar aniqlanganda, moliyalashtirishni toʻxtatish va Jamgʻarma mablagʻlarini qaytarish choralarini koʻradi;

Jamgʻarma mablagʻlaridan foydalanish bilan bogʻliq boshqa masalalar yuzasidan ham qarorlar qabul qiladi.

10. Jamgʻarma mablagʻlaridan har yili Inspeksiya rahbari tomonidan tasdiqlanadigan xarajatlar smetalariga asosan foydalaniladi. Xarajatlar smetalari Oʻzbekiston Respublikasi Moliya vazirligida qonunda belgilangan tartibda rasmiylashtiriladi.

11. Xarajatlar va daromadlar smetalari kelgusi yil uchun Jamgʻarmaga kelib tushishi kutilayotgan mablagʻlar prognozi hisobga olingan holda va amalga oshiriladigan tadbirlar asosida tuziladi.

12. Jamgʻarma mablagʻlaridan foydalanish uchun buyurtmanomalar Inspeksiyaning markaziy apparati, boʻlimlari, Oʻsimliklar karantini ilmiy-tadqiqot markazi va hududiy boʻlinmalari tomonidan taqdim etiladi. Bunda zarur xarajatlarni moliyalashtirish uchun mablagʻlarga boʻlgan ehtiyoj, ularning miqdori va boshqa manbalar yoʻqligi toʻgʻrisida asos koʻrsatiladi.

Kelgusi yilga zarur mablagʻlarni olish uchun buyurtmanomalar Inspeksiyaga har yili 1-iyunga qadar elektron shaklda pochta yoki axborot uzatishning boshqa vositalari orqali taqdim etiladi.

Buyurtmanomada quyidagilar koʻrsatiladi:

Inspeksiya boʻlinmasining toʻliq nomi va rekvizitlari;

Jamgʻarma mablagʻlaridan foydalanish maqsadlari va kutiladigan natija, mavjud muammolar mohiyati va ularni hal etish yoʻllari (toʻliq yoki qisman, belgilangan muddatda) toʻgʻrisidagi takliflarni oʻz ichiga olgan tushuntirish xati;

soʻraladigan mablagʻlar hisob-kitobi.

Zarur boʻlganda, mablagʻlarga boʻlgan ehtiyoj asoslab berilgan hujjatlar buyurtmanomaga ilova qilinadi.

13. Taqdim etilgan buyurtmanomalar Jamgʻarma Kengashi tomonidan joriy yilning 1-iyuligacha koʻrib chiqiladi, ustuvor yoʻnalishlar belgilanib, buning asosida Jamgʻarma mablagʻlaridan foydalanish toʻgʻrisida qaror qabul qilinadi.

14. Inspeksiya tasdiqlangan smetalarga muvofiq Jamgʻarma mablagʻlaridan foydalanuvchi hisoblanadi.

15. Jamgʻarmaning joriy moliyaviy yilda foydalanilmagan mablagʻlari olib qoʻyilmaydi va Inspeksiyaning hisob raqamida qoladi hamda keyinchalik ushbu Nizomda nazarda tutilgan boshqa maqsadlarda belgilangan tartibda foydalaniladi.

4-bob. Jamgʻarma mablagʻlaridan maqsadli va samarali foydalanish boʻyicha hisobot, ularni hisobga olish, nazorat qilish hamda bu boradagi javobgarlik

16. Jamgʻarma Kengashi Jamgʻarma mablagʻlaridan maqsadli va tejab foydalanishni belgilangan tartibda nazorat qiladi.

17. Jamgʻarma mablagʻlaridan foydalanishni hisobga olish va bu boradagi hisobot qonunda belgilangan tartibda amalga oshiriladi.

18. Ushbu Nizom talablari buzilishida aybdor shaxslar qonun hujjatlarida belgilangan tartibda javob beradilar.