Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (397-son)

16.08.2004

Oʻzbekiston Respublikasi Vazirlar Mahkamasining

qarori

Vazirlar Mahkamasining “Kimyo sanoati korxonalarini boshqarish tuzilmasini takomillashtirish va qishloq xoʻjaligiga agrokimyo xizmati koʻrsatishni yaxshilash chora-tadbirlari toʻgʻrisida” 2004-yil 23-yanvardagi 33-son hamda “Oʻzkimyosanoat” davlat-aksiyadorlik kompaniyasi tashkiliy tuzilmasini qisman oʻzgartirish toʻgʻrisida” 2004-yil 31-martdagi 154-son qarorlariga muvofiq Vazirlar Mahkamasi qaror qiladi:

Oʻzbekiston Respublikasi Hukumatining ilovaga muvofiq ayrim qarorlariga oʻzgartirishlar kiritilsin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2004-yil 16-avgust,

397-son

Vazirlar Mahkamasining 2004-yil 16-avgustdagi 397-son qaroriga ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirishlar

1. Vazirlar Mahkamasining “Qishloq xoʻjaligiga agrokimyo xizmati koʻrsatishni takomillashtirish chora-tadbirlari toʻgʻrisida” 2001-yil 1-fevraldagi 63-son qaroridagi (Oʻzbekiston Respublikasi QT, 2001-y., 2-son, 8-modda) 10 va 11-bandlar quyidagi tahrirda bayon qilinsin:

“10. Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi hamda Moliya vazirligi “Oʻzkimyosanoat” davlat-aksiyadorlik kompaniyasi korxonalari tomonidan ishlab chiqariladigan hamda tovar ishlab chiqaruvchilarga “Qishloqxoʻjalikkimyo” hududiy aksiyadorlik jamiyatlari orqali sotiladigan mineral oʻgʻitlar, oʻsimliklarni himoya qilish kimyoviy vositalariga, Oʻzbekiston Respublikasi Qishloq va suv xoʻjaligi vazirligining Respublika oʻsimliklarni himoya qilish markazi tomonidan bajariladigan qishloq xoʻjaligi korxonalariga agrokimyoviy xizmatlar koʻrsatish boʻyicha xizmatlar va ishlarga narx belgilash normalarining asoslanganligi va ularga rioya etilishi ustidan qatʼiy nazorat oʻrnatsinlar.

11. “Oʻzkimyosanoat” davlat-aksiyadorlik kompaniyasining “Qishloqxoʻjalikkimyo” hududiy aksiyadorlik jamiyatlariga “Oʻzqishloqxoʻjalikmash-xolding” kompaniyasi korxonalari, shu jumladan qoʻshma korxonalar tomonidan ishlab chiqarilayotgan qishloq xoʻjaligi texnikasini Vazirlar Mahkamasining 2000-yil 2-noyabrdagi 424-son qarori bilan tasdiqlangan tartibga muvofiq lizing boʻyicha sotib olish huquqi berilsin”.

3. Vazirlar Mahkamasining “Oʻzbekiston Respublikasi pillachilik sohasini yanada rivojlantirish chora-tadbirlari toʻgʻrisida” 2002-yil 5-apreldagi 118-son qarorining 5-bandi quyidagi tahrirda bayon qilinsin:

“5. Oʻzbekiston Respublikasi Qishloq va suv xoʻjaligi vazirligi har yili pilla yetishtiruvchi korxonalarga tut daraxtlari zararkunandasi “tut parvonasi”ga qarshi kurash vositalarini “Oʻzbek ipagi” uyushmasi bilan birgalikdagi hisob-kitoblar asosida aniqlanadigan hajmda ajratishni nazarda tutsin”.

5. Vazirlar Mahkamasining “Iqtisodiy nochor korxonalarni tugatish va ularning tarkibini oʻzgartirishga doir qoʻshimcha chora-tadbirlar toʻgʻrisida” 2002-yil 8-oktabrdagi 347-son qarorida:

3-ilovadagi 1—6-satrlar “Oʻzkimyosanoat” davlat-aksiyadorlik kompaniyasi boʻlimidan 196—201-satrlar bilan “Hududiy boʻysunishdagi korxonalar” boʻlimiga oʻtkazilsin;

4-ilovadagi 45-satr “Oʻzkimyosanoat” davlat-aksiyadorlik kompaniyasi boʻlimidan 48-satr bilan “Hududiy boʻysunishdagi korxonalar” boʻlimiga oʻtkazilsin, “Bajarish uchun masʼullar” ustunidan “Oʻzkimyosanoat” davlat-aksiyadorlik kompaniyasi” soʻzlari chiqarib tashlansin;

5-ilovaga “Hududiy boʻysunishdagi korxonalar” boʻlimi qoʻshilsin, 26 va 28-satrlar “Oʻzkimyosanoat” davlat-aksiyadorlik kompaniyasi boʻlimidan 1 va 2-satrlar bilan “Hududiy boʻysunishdagi korxonalar” boʻlimiga oʻtkazilsin.

6. Vazirlar Mahkamasining “2003-2004-yillarda korxonalarni davlat tasarrufidan chiqarish va xususiylashtirish dasturi toʻgʻrisida” 2003-yil 17-apreldagi 185-son qarorida:

1-ilovadagi 11-15-satrlar “Oʻzkimyosanoat” davlat-aksiyadorlik kompaniyasi boʻlimidan 1392—1396-satrlar bilan “Boshqalar” boʻlimiga oʻtkazilsin;

2-ilovadagi 7-satr chiqarib tashlansin;

3-ilovadagi “Oʻzkimyosanoat” davlat-aksiyadorlik kompaniyasi boʻlimida 1-satrdagi “25%” raqami hamda 2, 3-satrlardagi “26%” raqami “Davlat tasarrufida qoldiriladigan davlat ulushi miqdori” 6-ustunidan tegishli ravishda “Aksiyadorlik kompaniyasi, davlat-aksiyadorlik kompaniyasi va xolding kompaniyalari ustav fondiga beriladigan davlat ulushi miqdori” 5-ustuniga oʻtkazilsin;

4-ilovadagi 3, 7, 8-satrlar “Oʻzkimyosanoat” davlat-aksiyadorlik kompaniyasi boʻlimidan 645, 646, 647-satrlar bilan “Boshqalar” boʻlimiga oʻtkazilsin.

8. Vazirlar Mahkamasining “Oʻzbekiston Respublikasi Vazirlar Mahkamasi apparati tuzilmasini qisman oʻzgartirish toʻgʻrisida” 2003-yil 27-dekabrdagi 574-son qaroriga 1-ilovada “Oʻzqishloqxoʻjalikkimyo” soʻzi chiqarib tashlansin.