Xalqaro shartnomalarni tasdiqlash toʻgʻrisida (386-son)

12.08.2004

Oʻzbekiston Respublikasi Vazirlar Mahkamasining

qarori

“Oʻzbekiston Respublikasining xalqaro shartnomalar toʻgʻrisida”gi Oʻzbekiston Respublikasi Qonunining 20-moddasiga muvofiq, Vazirlar Mahkamasi qaror qiladi:

1. 2004-yil 17-iyun kuni Toshkent shahrida imzolangan quyidagi xalqaro shartnomalar tasdiqlansin:

Shanxay hamkorlik tashkilotiga aʼzo davlatlar oʻrtasida psixotrop moddalarni va ularning prekursorlarini, narkotik moddalarni noqonuniy yoʻl bilan olib oʻtishga qarshi kurashishda hamkorlik toʻgʻrisida Bitim;

Shanhay Hamkorlik Tashkilotining mintaqaviy aksilterror tuzilmasining maʼlumotlar banki haqida toʻgʻrisidagi Kelishuvi;

Shanhay Hamkorlik Tashkilotining mintaqaviy antiterroristik tuzilmasi doirasida maxfiy maʼlumotlarni himoya qilishni taʼminlash toʻgʻrisidagi Bitim.

2. Tashqi ishlar vazirligi Oʻzbekiston Respublikasi tomonidan mazkur xalqaro shartnomaning kuchga kirishi uchun zarur boʻlgan davlat ichki tartib-taomillari bajarilganligi toʻgʻrisida tegishli bildirishnoma yuborsin.

3. Oʻzbekiston Respublikasi Bosh vazirining oʻrinbosarlari va tegishli vazirliklar va idoralar rahbarlari ushbu xalqaro shartnoma kuchga kirgandan keyin Oʻzbekiston Respublikasining majburiyatlari bajarilishi ustidan belgilangan tartibda nazoratni taʼminlasin.

Vazirlar Mahkamasining Raisi I. KARIMOV

Toshkent sh.,

2004-yil 12-avgust,

386-son