Advokatlik tuzilmalarining statistik maʼlumotlar shakllarini tasdiqlash haqida (2960-son)

05.01.2018

Oʻzbekiston Respublikasi Adliya vazirining

buyrugʻi

[Oʻzbekiston Respublikasi Adliya vazirligi tomonidan 2018-yil 5-yanvarda roʻyxatdan oʻtkazildi, roʻyxat raqami 2960]

Oʻzbekiston Respublikasi Prezidentining 2018-yil 13-apreldagi PQ-3666-son qarori bilan tasdiqlangan Oʻzbekiston Respublikasi Adliya vazirligi toʻgʻrisidagi nizomga va Vazirlar Mahkamasining 2009-yil 9-martdagi 60-son qarori bilan tasdiqlangan Advokatlik tuzilmalarini davlat roʻyxatidan oʻtkazish (hisobga olish) toʻgʻrisidagi nizomga asosan buyuraman:

1. Oʻzbekiston Respublikasi Advokatlar palatasining advokatlik tuzilmalarining statistik maʼlumotlar shakllarini 1-ilovaga muvofiq tasdiqlash toʻgʻrisidagi taklifi qabul qilinsin.

2. Quyidagilar:

tasdiqlangan statistik maʼlumotlar shakllari advokatlar tomonidan taqdim etilgan maʼlumotlar asosida toʻldirilishi;

har yili 10-yanvargacha — oʻtgan yildagi oʻz faoliyati toʻgʻrisidagi statistik maʼlumotlar Oʻzbekiston Respublikasi Advokatlar palatasining tegishli hududiy boshqarmasiga taqdim qilinishi (yillik);

statistik maʼlumotlarning toʻgʻriligi va toʻliqligi uchun javobgarlik advokatlik tuzilmasining rahbari va tegishli advokatga, ularning Oʻzbekiston Respublikasi Advokatlar palatasining hududiy boshqarmasiga taqdim qilinishi uchun javobgarlik advokatlik tuzilmasining rahbariga yuklanishi maʼqullansin.

3. Belgilab qoʻyilsinki, advokatlik tuzilmalari statistik maʼlumotlar shakllarini elektron raqamli imzo bilan tasdiqlagan holda Oʻzbekiston Respublikasi Advokatlar palatasining rasmiy sayti orqali taqdim etadilar.

4. Mazkur buyruq kuchga kirgan kundan eʼtiboran ayrim idoraviy normativ-huquqiy hujjatlar 2-ilovaga muvofiq oʻz kuchini yoʻqotgan deb topilsin.

5. Mazkur buyruq davlat roʻyxatidan oʻtkazilsin va bu haqda Idoraviy normativ-huquqiy hujjatlarni davlat roʻyxatidan oʻtkazish boshqarmasi Idoraviy normativ-huquqiy hujjatlarning davlat reyestriga tegishli yozuv kiritsin.

6. Notariat, FHDY va advokatura boshqarmasi hamda Huquqiy targʻibot va axborot boshqarmasi ushbu idoraviy normativ-huquqiy hujjatni barcha manfaatdor shaxslarga yetkazilishi va “Oʻzbekiston Respublikasi qonun hujjatlari toʻplami” — “Sobraniye zakonodatelstva Respubliki Uzbekistan”da hamda Oʻzbekiston Respublikasi Qonun hujjatlari maʼlumotlari milliy bazasida eʼlon qilinishini taʼminlasin.

7. Mazkur buyruq 2018-yil 10-yanvardan kuchga kiradi.

8. Ushbu buyruqning ijrosini nazorat qilish vazir oʻrinbosari M. Istamov zimmasiga yuklansin.

Vazir R. DAVLETOV

Toshkent sh.,

2018-yil 5-yanvar,

1-mh-son

Oʻzbekiston Respublikasi adliya vazirining 2018-yil 5-yanvardagi 1-mh-son buyrugʻiga 1-ILOVA

1-shakl Umumiy masalalar 1-§. Rasmiylashtirilgan hujjatlar va ishtirok etilgan ishlar soni T/r. Koʻrsatkichning nomi Jinoyat ishlari Maʼmuriy ishlar Fuqarolik ishlari Iqtisodiy ishlar Boshqa ishlar Jami 1. Yozma shaklda tuzilgan yuridik yordam koʻrsatish toʻgʻrisidagi bitim (shartnoma)lar soni 2. Sarflangan orderlar soni* 3. Ishtirok etilgan ishlar soni** shundan tergovga qadar tekshiruvda x x x x surishtiruvda x x x dastlabki tergovda x x x x sudda birinchi instansiyada apellyatsiya instansiyasida kassatsiya instansiyasida taftish instansiyasida

Izoh:

* 1-paragrafning 2-bandida belgilangan tartibda rasmiylashtirilgan orderlar soni koʻrsatiladi. Ushbu bandda lozim darajada rasmiylashtirilmagan (buzilgan, boʻyalgan va shu kabi) orderlar soni koʻrsatilmaydi.

** har bir instansiya alohida ish sifatida koʻrsatiladi.

2-§. Boshqa turdagi yuridik yordam T/r. Yuridik yordam turlari Jismoniy shaxslarga Yakka tartibdagi tadbirkorlarga Tijorat tashkilotlariga Notijorat tashkilotlariga Jami 1. Ogʻzaki (yozma) huquqiy maslahatlar va tushuntirishlar soni shundan haq evaziga bepul 2. Shartnomalar (bitimlar va boshqalar) yuzasidan berilgan xulosalar, tayyorlangan hujjatlar loyihalari soni shundan haq evaziga bepul

3-§. Xodimlar tarkibi (advokatlardan tashqari) T/r. Umumiy soni shundan advokat yordamchisi advokat stajyori ish yurituvchi buxgalter boshqa xodim* 1.

Izoh: * texnik va xizmat koʻrsatuvchi xodimdan tashqari.

2-shakl Jinoyat ishlarida ishtirok etish T/r. Koʻrsatkichning nomi Soni 1-§. Tayinlov boʻyicha ishda ishtirok etish 1. Tayinlov boʻyicha ishlarda ishtirok etish (barcha asoslar boʻyicha)* 2. Gumon qilinuvchi, ayblanuvchi va sudlanuvchi tomonidan himoyachidan voz kechish bilan bogʻliq protsessual harakatlarda ishtirok etish 3. Tayinlov boʻyicha ishda ishtirok etganlik uchun toʻlanishi lozim boʻlgan haqlarning umumiy miqdori** 4. Tayinlov boʻyicha ishda ishtirok etganlik uchun amalda toʻlangan haq miqdori**

Izoh: * har bir instansiya alohida ish sifatida koʻrsatiladi.

** ushbu bandlarda summalar miqdori raqamlarda qisqartmalarsiz koʻrsatiladi.

2-§. Ishda ishtirok etishga jalb etilish 1. Shaxs huquqni muhofaza qiluvchi organlarga chaqirtirilishi munosabati bilan 2. Shaxs ushlangan paytdan boshlab yoki harakatlanish erkinligiga boʻlgan huquqi amalda cheklangan paytdan boshlab 3. Shaxs gumon qilinuvchi deb eʼtirof etilganligi toʻgʻrisidagi qaror unga maʼlum qilingan paytdan boshlab 4. Shaxs ayblanuvchi deb eʼtirof etilganligi toʻgʻrisidagi qaror unga maʼlum qilingan paytdan boshlab 5. Ehtiyot chorasi sifatida qamoqqa olingan paytdan boshlab 6. Birinchi instansiya sudidan boshlab 7. Apellyatsiya instansiyasi sudidan boshlab 8. Kassatsiya instansiyasi sudidan boshlab 9. Taftish instansiyasi sudidan boshlab 10. 1 — 9-bandlarda nazarda tutilmagan boshqa hollarda 3-§. Ishda vakil va himoyachi sifatida ishtirok etish 1. Gumon qilinuvchi, ayblanuvchi va sudlanuvchining himoyachisi 2. Guvohning advokati 3. Fuqaroviy daʼvogar/javobgarning vakili 4. Jabrlanuvchining vakili 4-§. Erishilgan natija 1. Reabilitatsiya 2. Ayblilik toʻgʻrisidagi masalani hal qilmay turib jinoyat ishini tugatish 3. Sudlanuvchi qilmishlarining tavsifini uning foydasiga oʻzgartirish 4. Sudlanuvchiga yengilroq jazo tayinlash 5. Qamoqqa olish tarzidagi ehtiyot chorasi bekor qilinishi yoki oʻzgartirilishi 6. Hukm bekor qilinishi yoki apellyatsiya, kassatsiya yoxud taftish tartibida himoya ostidagi shaxsning foydasiga oʻzgartirilishi 3-shakl Maʼmuriy ishlarda ishtirok etish T/r. Koʻrsatkichning nomi Soni 1-§. Maʼmuriy ishlarning turlari boʻyicha ishtirok etish 1. Maʼmuriy huquqbuzarlik boʻyicha 2. Davlat organlari va boshqa organlar, shuningdek, mansabdor shaxslarning xatti-harakatlari (qarorlari) ustidan berilgan shikoyatlar boʻyicha 2-§. Erishilgan natija 1. Yengilroq maʼmuriy jazo chorasining qoʻllanilgan 2. Javobgarlikdan ozod qilingan 3. Shikoyat qisman yoki toʻliq qanoatlantirilgan 4-shakl Fuqarolik va iqtisodiy ishlarda ishtirok etish T/r. Koʻrsatkichning nomi Fuqarolik ishlarida ishtirok etish Iqtisodiy ishlarda ishtirok etish 1-§. Ishda vakil sifatida ishtirok etish 1. Daʼvogarning vakili 2. Javobgarning vakili 3. Mustaqil talablar bilan arz qiluvchi uchinchi shaxslarning vakili 4. Mustaqil talablar bilan arz qilmaydigan uchinchi shaxslarning vakili 5. Arizachi (daʼvogar), ishning yakunidan manfaatdor boʻlgan shaxs, davlat boshqaruvi organining vakili x jami 2-§. Ishlarning turlari boʻyicha ishtirok etish 1. Daʼvo ishlari 2. Alohida tartibdagi ishlar x jami 3-§. Erishilgan natijalar 1. Daʼvogarning vakili sifatida ishtirok etganda, daʼvo toʻliq yoki qisman qanoatlantirilgan 2. Javobgarning vakili sifatida ishtirok etganda, daʼvo rad qilingan 3. Qabul qilingan qaror yuqori instansiya sudi tomonidan ishonch bildiruvchi shaxs foydasiga bekor qilingan yoki oʻzgartirilgan 4. Ishonch bildiruvchi shaxs foydasiga qabul qilingan qaror yuqori instansiya sudi tomonidan oʻzgarishsiz qoldirilgan 5. Sud tomonidan alohida ish yuritish tartibida koʻriladigan ishlar boʻyicha ariza toʻliq yoki qisman qanoatlantirilgan x jami

Ushbu advokatlik tuzulmalarining statistik maʼlumotlar shakllari Oʻzbekiston Respublikasi Advokatlar palatasi bilan kelishilgan.

Advokatlar palatasi raisi v.b. Sh. SADIKOV

2018-yil 5-yanvar

Oʻzbekiston Respublikasi adliya vazirining 2018-yil 5-yanvardagi 1-mh-son buyrugʻiga 2-ILOVA

Oʻz kuchini yoʻqotgan deb topilayotgan idoraviy normativ-huquqiy hujjatlar

ROʻYXATI

1. Oʻzbekiston Respublikasi adliya vazirining 2009-yil 15-dekabrdagi 280-mh-son “Advokatlik tuzilmalarining statistik maʼlumotlar shakllarini tasdiqlash haqida”gi buyrugʻi (roʻyxat raqami 2054, 2009-yil 15-dekabr) (Oʻzbekiston Respublikasi qonun hujjatlari toʻplami, 2009-y., 50-51-son, 547-modda).

2. Oʻzbekiston Respublikasi adliya vazirining 2011-yil 6-oktabrdagi 233-mh-son “Advokatlik tuzilmalarining statistik maʼlumotlar shakllarini tasdiqlash haqida”gi buyruqqa oʻzgartirish kiritish haqida”gi buyrugʻi (roʻyxat raqami 2054-1, 2011-yil 6-oktabr) (Oʻzbekiston Respublikasi qonun hujjatlari toʻplami, 2011-y., 40-son, 442-modda).

3. Oʻzbekiston Respublikasi adliya vazirining 2017-yil 22-iyundagi 150-mh-son “Advokatlik tuzilmalarining statistik maʼlumotlar shakllariga oʻzgartirish kiritish toʻgʻrisida”gi buyrugʻi (roʻyxat raqami 2054-2, 2017-yil 22-iyun) (Oʻzbekiston Respublikasi qonun hujjatlari toʻplami, 2017-y., 25-son, 567-modda).