Toshkent viloyatining ayrim aholi punktlarida shaharsozlik faoliyatini amalga oshirishni tartibga solishning qoʻshimcha chora-tadbirlari toʻgʻrisida (981-son)

12.12.2017

Oʻzbekiston Respublikasi Vazirlar Mahkamasining

qarori

Toshkent viloyatining ayrim aholi punktlarida shaharsozlik faoliyatini amalga oshirishni tartibga solish maqsadida, shuningdek, Oʻzbekiston Respublikasi Shaharsozlik kodeksining 18-moddasiga muvofiq Vazirlar Mahkamasi qaror qiladi:

1. Toshkent viloyatining ilovada koʻrsatilgan aholi punktlari (keyingi oʻrinlarda aholi punktlari deb ataladi) boʻyicha bosh reja loyihasi ishlab chiqilayotganligi maʼlumot uchun qabul qilinsin.

2. Aholi punktlari boʻyicha bosh reja loyihasini ishlab chiqishda ushbu aholi punktlari hududlari uchun quyidagi vaqtinchalik taqiqlar joriy etilsin:

jismoniy va yuridik shaxslarga qurilish uchun yer ajratish;

binolar, inshootlar va boshqa obyektlar, shu jumladan muhandislik-kommunikatsiya obyektlarini qurish, rekonstruksiya qilish va qayta ixtisoslashtirish, shuningdek, ularga ruxsatnomalar berish;

oʻzboshimchalik bilan qurilgan binolar, inshootlar va boshqa obyektlarga nisbatan egalik huquqini belgilash, bundan sud qarori asosida hamda Vazirlar Mahkamasining 2016-yil 3-avgustdagi 251-son qarori bilan tasdiqlangan 2016-2017-yillar davrida jismoniy va yuridik shaxslarga tegishli boʻlgan koʻchmas mulk obyektlarini yalpi xatlovdan oʻtkazish tartibi toʻgʻrisidagi nizomda nazarda tutilgan hollarda egalik huquqi berilishi hollari mustasno.

3. Belgilab qoʻyilsinki:

mazkur qarorning 2-bandida nazarda tutilgan taqiqlar Oʻzbekiston Respublikasi Prezidentining va Vazirlar Mahkamasining tegishli qarorlari asosida qishloq joylarda namunaviy loyihalar asosida yakka tartibdagi uy-joylar qurish bilan bogʻliq munosabatlarga nisbatan tatbiq etilmaydi;

aholi punktlarida joylashgan koʻchmas mulk obyektlariga boʻlgan mulk huquqini boshqa shaxsga oʻtkazish bilan bogʻliq bitimlarni notarial tasdiqlash va davlat roʻyxatidan oʻtkazishda taraflar joriy etilgan taqiqlar haqida yozma ravishda ogohlantiriladi;

aholi punktlari boʻyicha bosh rejani tasdiqlash toʻgʻrisida belgilangan tartibda qaror qabul qilingan kundan boshlab ushbu qarorning 2-bandida nazarda tutilgan harakatlar tasdiqlangan bosh reja asosida amalga oshiriladi.

4. Toshkent viloyati hokimligi fuqarolarning oʻzini oʻzi boshqarish organlari bilan birgalikda ushbu qarorning mazmuni, mohiyati va ahamiyati toʻgʻrisida mazkur aholi punktlarida istiqomat qiluvchi aholi, shuningdek, yuridik va jismoniy shaxslar oʻrtasida va ommaviy axborot vositalari orqali keng tushuntirish ishlarini olib borsin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J. Ramatov, Adliya vaziri R.K. Davletov, Yer resurslari, geodeziya, kartografiya va davlat kadastri davlat qoʻmitasi raisi A.X. Abdullayev hamda Toshkent viloyati hokimi vazifasini bajaruvchi Gʻ.I. Ibragimov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2017-yil 12-dekabr,

981-son

Vazirlar Mahkamasining 2017-yil 12-dekabrdagi 981-son qaroriga ILOVA

Bosh reja loyihasi ishlab chiqilayotgan Toshkent viloyatining aholi punktlari

ROʻYXATI

№ Qishloq fuqarolar yigʻinlari nomi Mahalla fuqarolar yigʻinlari nomi Zangiota tumani 1. Oʻzgarish Belariq 2. Yuqori darxon 3. Past darxon 4. Fayzli 5. Jaloyir 6. Chorbogʻ 7. Xonobod Qumariq 8. Xonobod 9. Qorasuv 10. Istiqlol 11. Nomdanak 12. Qushbegi 13. Taraqqiyot 14. Xonobodtepa 15. Toshkent 16. Sohibkor 17. Nurafshon 18. Zangiota Gulbogʻ Qibray tumani 1. Oʻnqoʻrgʻon Parvoz 2. Oʻnqoʻrgʻon 3. Salar Islomobod 4. Oybek 5. Salar GES 6. Bobur 7. Navroʻz 8. Bunyodkor 9. Maʼrifat 10. Tuzel Chinor 11. Tovkenttepa 12. Bahor 13. Argʻin 14. Mirishkor 15. Ibrat 16. TashISTI 17. Amir Temur 18. Mevazor 19. Gulzor 20. Gulbogʻ 21. Yangiobod Bogʻishamol 22. Alisherobod 23. Toʻqaytepa 24. Jarboshi 25. Yangiobod Chingeldi 26. Taraqqiyot 27. Geofizika Toshkent tumani 1. Choshtepa Sabzavot 2. Tutzor 3. Iqbol 4. Hasanboy Hasanboy guzari 5. Yunusobod Avliyo ota 6. Darxon* Quyichirchiq tumani 1. Toshloq Surum Oʻrtachirchiq tumani 1. Qumovul Navoiy 2. Nurafshon 3. Yangi hayot 4. Namuna 5. Gulzor 6. Bektemir 7. Jaloyir 8. Xoʻja Yuqorichirchiq tumani 1. Arganchi Oqovul 2. Daulbay 3. Jumabozor 4. Navoiy 5. Usmonobod 6. Obodon 7. Guliston 8. Darxon 9. Istiqlol Istiqlol 10. Gulobod 11. Istiqbol 12. Surankent Ahmad Yassaviy 13. Jalol tepa 14. Qoratuxum 15. Toʻqimboy 16. Tinchlik Iyk-ota 17. Gulbogʻ 18. Yoshlik 19. Baliqchi 20. Bordonkoʻl Junsiz 21. Bolta 22. Doʻstlik 23. Bahor 24. Qaytmas 25. Mirobod 26. Bordonkoʻl Yangiyoʻl tumani 1. A.Ortiqov Chortogʻ

*Izoh. Toshkent tumani, “Yunusobod” qishloq fuqarolar yigʻini, “Darxon” mahalla fuqarolar yigʻinida joylashgan qishloq xoʻjaligi xaritasining 24-konturidagi 1,5 gektar yer uchastkasiga nisbatan mazkur qarorning 2-bandidagi vaqtinchalik taqiqlar qoʻllanilmaydi.