Birinchi guruhga goʻsht, sut va baliq konservalarini yetkazib berish, qabul qilish, saqlash va berib yuborish tartibi toʻgʻrisidagi yoʻriqnomaga oʻzgartirishlar kiritish haqida (2489-1-son)

06.12.2017

Oʻzbekiston Respublikasi Vazirlar Mahkamasi Huzuridagi Davlat zaxiralarini boshqarish qoʻmitasining

Qarori

[Oʻzbekiston Respublikasi Adliya vazirligi tomonidan 2017-yil 6-dekabrda roʻyxatdan oʻtkazildi, roʻyxat raqami 2489-1]

Oʻzbekiston Respublikasining 2017-yil 18-apreldagi OʻRQ-429-sonli “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi Qonuniga muvofiq Oʻzbekiston Respublikasi Vazirlar Mahkamasi huzuridagi Davlat zaxiralarini boshqarish qoʻmitasi qaror qiladi:

1. Oʻzbekiston Respublikasi Vazirlar Mahkamasi huzuridagi Davlat zaxiralarini boshqarish qoʻmitasining 2013-yil 25-iyundagi 8-son qarori (roʻyxat raqami 2489, 2013-yil 25-iyul) (Oʻzbekiston Respublikasi qonun hujjatlari toʻplami, 2013-y., 30-son, 404-modda) bilan tasdiqlangan Birinchi guruhga goʻsht, sut va baliq konservalarini yetkazib berish, qabul qilish, saqlash va berib yuborish tartibi toʻgʻrisidagi yoʻriqnomaga ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Rais M. KURBANOV

Toshkent sh.,

2017-yil 15-noyabr,

39-son

Oʻzbekiston Respublikasi Vazirlar Mahkamasi huzuridagi Davlat zaxiralarini boshqarish qoʻmitasining 2017-yil 15-noyabrdagi 39-son qaroriga ILOVA

Birinchi guruhga goʻsht, sut va baliq konservalarini yetkazib berish, qabul qilish, saqlash va berib yuborish tartibi toʻgʻrisidagi yoʻriqnomaga kiritilayotgan oʻzgartirishlar

1. 16-banddagi “gigiyena sertifikati” degan soʻzlar “sanitariya-epidemiologik xulosasi” degan soʻzlar bilan almashtirilsin.

2. 17-banddagi “gigiyenik sertifikat” degan soʻzlar “sanitariya-epidemiologik xulosa” degan soʻzlar bilan almashtirilsin.

3. Mazkur oʻzgartirishlar Oʻzbekiston Respublikasi Sogʻliqni saqlash vazirligi, Oʻzbekiston standartlashtirish, metrologiya va sertifikatlashtirish agentligi, “Oʻzbekoziqovqatxolding” xolding kompaniyasi, “Oʻzbekiston temir yoʻllari” aksiyadorlik jamiyati, Oʻzbekiston avtomobil va daryo transporti agentligi bilan kelishilgan.

Kelishilgan:

Sogʻliqni saqlash vaziri A. ShADMANOV

2017-yil 14-noyabr

Oʻzbekiston standartlashtirish, metrologiya va sertifikatlashtirish agentligi bosh direktori A. KARIMOV

2017-yil 14-noyabr

“Oʻzbekoziqovqatxolding” xolding kompaniyasi boshqaruvi raisi T. JALILOV

2017-yil 14-noyabr

“Oʻzbekiston temir yoʻllari” aksiyadorlik jamiyati boshqaruv raisi birinchi oʻrinbosari A. ShUKUROV

2017-yil 14-noyabr

Oʻzbekiston avtomobil va daryo transporti agentligi boshliq oʻrinbosari Sh. ShOVAXOBOV

2017-yil 14-noyabr