Oʻzbekiston Respublikasi Temir yoʻllarda yuk va yoʻlovchilar tashish xavfsizligini nazorat qilish davlat inspeksiyasi faoliyatini tashkil etish toʻgʻrisida (948-son)

28.11.2017

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Oʻzbekiston Respublikasi temir yoʻllarda yuk va yoʻlovchilar tashish xavfsizligini nazorat qilish davlat inspeksiyasi faoliyatini yanada takomillashtirish chora-tadbirlari toʻgʻrisida” 2017-yil 16-avgustdagi PQ-3221-sonli qarorini bajarish yuzasidan Vazirlar Mahkamasi qaror qiladi:

1. Quyidagilar:

Oʻzbekiston Respublikasi Temir yoʻllarda yuk va yoʻlovchilar tashish xavfsizligini nazorat qilish davlat inspeksiyasi toʻgʻrisidagi nizom 1-ilovaga muvofiq;

Oʻzining temir yoʻllariga ega boʻlgan yuridik shaxslarning temir yoʻl transporti xodimlari malakasini oshirish va ularni qayta tayyorlash markazi tuzilmasi 2-ilovaga muvofiq;

“Temir yoʻl mahsulotlarini sertifikatlashtirish markazi” davlat unitar korxonasi tuzilmasi 3-ilovaga muvofiq;

“Putur yetkazmasdan nazorat qilish laboratoriyasi” davlat unitar korxonasi tuzilmasi 4-ilovaga muvofiq tasdiqlansin.

2. Quyidagilar ular faoliyatni moliyalashtirish manbalari etib belgilansin:

Oʻzining temir yoʻllariga ega boʻlgan yuridik shaxslarning temir yoʻl transporti xodimlari malakasini oshirish va ularni qayta tayyorlash markazi uchun — oʻzining temir yoʻllariga ega boʻlgan yuridik shaxslarning temir yoʻl transporti xodimlari malakasini oshirish va ularni qayta tayyorlash boʻyicha shartnomalar doirasida pulli taʼlim xizmatlarini koʻrsatishdan tushadigan mablagʻlar, shuningdek qonun hujjatlarida taqiqlanmagan boshqa manbalar;

“Temir yoʻl mahsulotlarini sertifikatlashtirish markazi” davlat unitar korxonasi uchun — temir yoʻl mahsulotini sertifikatlashtirishni amalga oshirish boʻyicha tuzilgan shartnomalar doirasida pulli xizmatlar koʻrsatishdan tushadigan mablagʻlar, shuningdek qonun hujjatlarida taqiqlanmagan boshqa manbalar;

“Putur yetkazmasdan nazorat qilish laboratoriyasi” davlat unitar korxonasi uchun — putur yetkazmasdan nazoratni amalga oshirish boʻyicha shartnomaviy asosda haq toʻlash evaziga xizmatlar koʻrsatishdan kelib tushadigan mablagʻlar, shuningdek qonun hujjatlarida taqiqlanmagan boshqa manbalar.

3. Oʻzbekiston Respublikasi Temir yoʻllarda yuk va yoʻlovchilar tashish xavfsizligini nazorat qilish davlat inspeksiyasi “Oʻzstandart” agentligi hamda manfaatdor vazirliklar va idoralar bilan birgalikda Majburiy tartibda sertifikatlanadigan Oʻzbekiston Respublikasi hududida ishlab chiqariladigan va unga olib kiriladigan mahsulotlar turlari roʻyxatiga temir yoʻl mahsulotlarining tegishli turlarini kiritishga doir oʻzgartirish va qoʻshimchalar kiritish toʻgʻrisida uch oy muddatda Vazirlar Mahkamasiga takliflar kiritsin.

4. Oʻzbekiston Respublikasi Hukumatining 5-ilovaga muvofiq ayrim qarorlari oʻz kuchini yoʻqotgan deb hisoblansin.

5. Oʻzbekiston Respublikasi Temir yoʻllarda yuk va yoʻlovchilar tashish xavfsizligini nazorat qilish davlat inspeksiyasi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” aksiyadorlik jamiyati boshqaruvi raisi A.J. Ramatov hamda Oʻzbekiston Respublikasi Temir yoʻllarda yuk va yoʻlovchilar tashish xavfsizligini nazorat qilish davlat inspeksiyasi boshligʻi D.B. Axmedov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2017-yil 28-noyabr,

948-son

Vazirlar Mahkamasining 2017-yil 28-noyabrdagi 948-son qaroriga 1-ILOVA

Oʻzbekiston Respublikasi Temir yoʻllarda yuk va yoʻlovchilar tashish xavfsizligini nazorat qilish davlat inspeksiyasi toʻgʻrisida

NIZOM

1-bob. Umumiy qoidalar

1. Ushbu Nizom Oʻzbekiston Respublikasi Temir yoʻllarda yuk va yoʻlovchilar tashish xavfsizligini nazorat qilish davlat inspeksiyasining (keyingi oʻrinlarda “Oʻzdavtemiryoʻlnazorat” inspeksiyasi deb ataladi) maqomi, asosiy vazifalari, funksiyalari, huquqlari va javobgarligini, faoliyati va hisobotini tashkil etish tartibini, shuningdek, “Oʻzdavtemiryoʻlnazorat” inspeksiyasi rahbarlarining funksional vazifalari va javobgarligini belgilaydi.

2. “Oʻzdavtemiryoʻlnazorat” inspeksiyasi poyezdlar harakati xavfsizligini taʼminlash chora-tadbirlarini ishlab chiqish, amalga oshirish va muvofiqlashtirish boʻyicha Oʻzbekiston Respublikasi temir yoʻl maʼmuriyatining funksiyalarini bajaruvchi hamda davlat, xoʻjalik boshqaruvi organlari va temir yoʻl transporti sohasida faoliyat yurituvchi boshqa tashkilotlar (keyingi oʻrinlarda temir yoʻl transporti korxona va tashkilotlari deb ataladi) tomonidan temir yoʻl transporti sohasida harakat xavfsizligini taʼminlashga oid belgilangan qoidalar va normalarga rioya etilishi yuzasidan davlat nazoratini amalga oshiruvchi, shuningdek, “Oʻzbekiston temir yoʻllari” AJ tashkilotlari va korxonalarida qozonxona obyektlari va koʻtarish inshootlaridan xavfsiz foydalanishni nazorat qiluvchi davlat boshqaruvi organi hisoblanadi.

3. “Oʻzdavtemiryoʻlnazorat” inspeksiyasi Oʻzbekiston Respublikasi Vazirlar Mahkamasiga (keyingi oʻrinlarda Vazirlar Mahkamasi deb ataladi) boʻysunadi.

4. “Oʻzdavtemiryoʻlnazorat” inspeksiyasi oʻz faoliyatini Oʻzbekiston Respublikasi Prezidentining “Temir yoʻl transportini monopoliyadan chiqarish va aksiyalashtirish chora-tadbirlari toʻgʻrisida” 2001-yil 2-martdagi PF-2815-son Farmoniga hamda “Oʻzbekiston Respublikasi Temir yoʻllarda yuk va yoʻlovchilar tashish xavfsizligini nazorat qilish davlat inspeksiyasi faoliyatini takomillashtirish chora-tadbirlari toʻgʻrisida” 2017-yil 16-avgustdagi PQ-3221-son qaroriga muvofiq amalga oshiradi.

5. “Oʻzdavtemiryoʻlnazorat” inspeksiyasi oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalari qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, shuningdek, ushbu Nizomga va boshqa qonun hujjatlariga amal qiladi.

6. “Oʻzdavtemiryoʻlnazorat” inspeksiyasining oʻz vakolatlari doirasida qabul qilingan qarorlari davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlar va ularning mansabdor shaxslari, shuningdek, fuqarolar tomonidan bajarilishi majburiy hisoblanadi.

7. “Oʻzdavtemiryoʻlnazorat” inspeksiyasi va uning tuzilmasiga kiruvchi tashkilotlar yuridik shaxs hisoblanadi, Oʻzbekiston Respublikasining Davlat gerbi tasviri tushirilgan va oʻz nomi davlat tilida yozilgan muhr va blankalarga, mustaqil balansiga, Oʻzbekiston Respublikasi Moliya vazirligining Gʻaznachiligida gʻazna hisob raqamlariga, bank hisob raqamlariga, shu jumladan chet el valyutasidagi hisob raqamlariga ega boʻladi.

“Oʻzdavtemiryoʻlnazorat” inspeksiyasining hududiy filiallari yuridik shaxs hisoblanmaydi.

8. “Oʻzdavtemiryoʻlnazorat” inspeksiyasining rasmiy nomi:

a) davlat tilida:

toʻliq — Oʻzbekiston Respublikasi Temir yoʻllarda yuk va yoʻlovchilar tashish xavfsizligini nazorat qilish davlat inspeksiyasi, qisqartirilgan — “Oʻzdavtemiryoʻlnazorat” inspeksiyasi;

b) ingliz tilida:

toʻliq — The State Inspection of the Republic of Uzbekistan for the supervision of the safety of railway transportation, qisqartirilgan — Uzstaterailwaysupervision;

v) rus tilida:

toʻliq — Gosudarstvennaya inspeksiya Respubliki Uzbekistan po nadzoru za bezopasnostyu jeleznodorojnix perevozok, qisqartirilgan — Uzgosjeldornadzor.

2-bob. “Oʻzdavtemiryoʻlnazorat” inspeksiyasining tuzilmasi

9. “Oʻzdavtemiryoʻlnazorat” inspeksiyasi tizimiga quyidagilar kiradi:

markaziy apparati;

Toshkent, Fargʻona, Buxoro, Orolboʻyi va Qashqadaryo hududiy filiallari;

Oʻzining temir yoʻllariga ega boʻlgan yuridik shaxslarining temir yoʻl transporti xodimlari malakasini oshirish va ularni qayta tayyorlash markazi;

“Temir yoʻl mahsulotlarini sertifikatlashtirish markazi” davlat unitar korxonasi;

“Putur yetkazmasdan nazorat qilish laboratoriyasi” davlat unitar korxonasi.

3-bob. “Oʻzdavtemiryoʻlnazorat” inspeksiyasining vazifalari va funksiyalari

1-§. “Oʻzdavtemiryoʻlnazorat” inspeksiyasining vazifalari va funksiyalari

10. Quyidagilar “Oʻzdavtemiryoʻlnazorat” inspeksiyasining asosiy vazifalari hisoblanadi:

Oʻzbekiston Respublikasi temir yoʻl transportida yuk va yoʻlovchilar tashish xavfsizligi taʼminlanishi yuzasidan davlat nazoratini amalga oshirish;

temir yoʻl transportida foydalaniladigan mahsulotlarning texnik jihatdan tartibga solish, shuningdek, ularni sertifikatlashni tashkil etish sohasidagi normativ hujjatlar talablariga muvofiqligini nazorat qilish,;

oʻzining temir yoʻllariga ega boʻlgan yuridik shaxslar xodimlarining tizimli ravishda malakasini oshirish va ularni qayta tayyorlash;

temir yoʻl transportida yuk va yoʻlovchilar tashish xavfsizligi sohasida hamkorlikni amalga oshirish va xalqaro tashkilotlarda Oʻzbekiston Respublikasi manfaatlarini ifoda etish;

11. “Oʻzdavtemiryoʻlnazorat” inspeksiyasi oʻziga yuklangan vazifalarga muvofiq quyidagi funksiyalarni amalga oshiradi:

1) Oʻzbekiston Respublikasi Temir yoʻl transportida yuk va yoʻlovchilar tashish xavfsizligini taʼminlash yuzasidan davlat nazoratini amalga oshirish sohasida:

umumiy foydalanishdagi temir yoʻl transportida tashishlar va temir yoʻl transporti sohasida faoliyat yuritadigan yuridik shaxslarning kirish yoʻllarida (keyingi oʻrinlarda temir yoʻl kirish yoʻllari deb ataladi) xavfsizligini taʼminlashi yuzasidan davlat nazoratini amalga oshirish;

temir yoʻl transportlari tashkilotlari va korxonalari tomonidan temir yoʻl transportida tashishlar xavfsizligini taʼminlash, harakatlanuvchi tarkibni, temir yoʻl transportining texnik vositalarini saqlash, ularga xizmat koʻrsatish, taʼmirlash va ulardan foydalanish boʻyicha texnik jihatdan tartibga solish sohasidagi normativ-huquqiy hujjatlar hamda normativ hujjatlar talablari bajarilishini nazorat qilish;

temir yoʻl transporti korxonalari va tashkilotlari tomonidan temir yoʻllarda poyezdlar harakati xavfsizligini taʼminlashga va temir yoʻlda tashishlar xavfsizligini taʼminlaydigan texnik vositalarning ishonchliligini oshirishga qaratilgan kompleks profilaktika chora-tadbirlari belgilangan muddatlarda bajarilishi yuzasidan davlat nazoratini ishlab chiqish va amalga oshirish;

ichki va xalqaro yoʻllarda temir yoʻl transportida yuk va yoʻlovchilarni tashish faoliyatini litsenziyalash, shuningdek, litsenziatlarning litsenziya talablari va shartlariga rioya etishini nazorat qilish;

obyektlar, mahsulotlar va texnologiyalarning temir yoʻl transporti sohasida belgilangan talablarga muvofiqligi yuzasidan ularni doimiy yoki vaqtincha foydalanishga qabul qilishda ishtirok etish;

obyektlar, mahsulotlar va texnologiyalarning temir yoʻl transporti sohasida belgilangan talablarga muvofiqligi yuzasidan ularni foydalanishga qabul qilish loyihalari va ishlarini ekspertizadan oʻtkazish va ular boʻyicha xulosalar berish;

lokomotivlar, yuk hamda izotermik vagonlarning xizmat muddatini uzaytirish maqsadida ishlab chiqarishda texnik yechimlardan foydalanish huquqini kelishish va buning uchun guvohnoma berish;

Oʻzbekiston Respublikasi hududida yuz bergan favqulodda hodisalar (avariya, halokat) yuzasidan xizmat tekshiruvlarini belgilangan tartibda tashkil etish va oʻtkazilish, shuningdek, boshqa davlatlar hududida Oʻzbekiston Respublikasi yoʻlovchi tashish poyezdlarining favqulodda hodisalarini tekshirishda belgilangan tartibda ishtirok etish;

poyezdlar harakati xavfsizligi talablarini buzish holatlari boʻyicha temir yoʻl transporti korxonalari va tashkilotlari tomonidan olib boriladigan xizmat tekshiruvlarining toʻgʻriligini nazorat qilish (halokatga uchrash va avariyalar bundan mustasno);

temir yoʻl transporti korxona va tashkilotlari tomonidan poyezdlar harakati xavfsizligi qoidalarini buzish holatlarini hisobga olish va tahlil etish, shuningdek, temir yoʻl transportida tashishlar xavfsizligi holati haqida ularni xabardor qilish;

“Oʻzbekiston temir yoʻllari” AJ korxonalari va tashkilotlarida qozonxona obyektlari, koʻtarish inshootlari va oʻlchash tizimlarini saqlash, ulardan xavfsiz foydalanish boʻyicha texnik jihatdan tartibga solish sohasidagi huquqiy-normativ hujjatlar va normativ hujjatlarga rioya etilishini nazorat qilish;

temir yoʻl transporti korxonalari va tashkilotlari tomonidan temir yoʻl transportida tashishlar xavfsizligini oshirish boʻyicha sohaga oid dasturlarning amalga oshirilishini nazorat qilish;

temir yoʻl transportida tashishlar xavfsizligini taʼminlash, harakatlanuvchi tarkibni, temir yoʻl transportining texnik vositalarini saqlash, ularga xizmat koʻrsatish, taʼmirlash va ulardan foydalanish boʻyicha texnik jihatdan tartibga solish sohasidagi normativ-huquqiy hujjatlar hamda normativ hujjatlarni belgilangan tartibda ishlab chiqish va qabul qilish;

Oʻzbekiston Respublikasi hududida yoʻl harakati xavfsizligi talablarining buzilishi va ularning sabablari yuzasidan rasmiy tekshiruv oʻtkazish tasnifi hamda tartibi boʻyicha normativ-huquqiy hujjatlarni belgilangan tartibda ishlab chiqish va qabul qilish;

temir yoʻl transporti korxonalari va tashkilotlarining lavozimga yangi tayinlangan, shuningdek, poyezdlar harakati xavfsizligi buzilishiga yoʻl qoʻygan rahbarlari va masʼul xodimlarini temir yoʻl transportida tashishlar xavfsizligini taʼminlash, harakatlanuvchi tarkibni, temir yoʻl transportining texnik vositalarini saqlash, ularga koʻrsatish, taʼmirlash va ulardan foydalanish boʻyicha texnik jihatdan tartibga solish sohasidagi normativ-huquqiy hujjatlar hamda normativ hujjatlarni bilishi boʻyicha attestatsiyadan oʻtkazishni tashkil etish;

umumiy foydalanishdagi temir yoʻl transportida poyezdlar harakati xavfsizligini texnik va texnologik nazorat qilishni taʼminlovchi “Oʻzbekiston temir yoʻllari” AJ ning tarkibiy boʻlinmalari faoliyatiga uslubiy rahbarlik qilish;

temir yoʻl transportida tashuvchilarning yoʻlovchilar hayoti, sogʻligi va (yoki) mol-mulkiga zarar yetkazilganligi uchun oʻz fuqarolik javobgarligini majburiy sugʻurtalash boʻyicha qonun hujjatlarida belgilangan majburiyatlarni bajarishi yuzasidan davlat nazoratini amalga oshirish;

nazorat funksiyalarini amalga oshirishda tadbirkorlik subyektlari, shuningdek, isteʼmolchilarning huquq va qonuniy manfaatlari himoya qilinishini taʼminlash;

2) temir yoʻl transportida foydalaniladigan mahsulotlarning texnik jihatdan tartibga solish, shuningdek, ularni sertifikatlashni tashkil etish sohasidagi normativ hujjatlar talablariga muvofiqligini nazorat qilish sohasida:

materiallar, detallar, uzellar va buyumlarning sifati, texnik holati hamda qolgan resurslar toʻgʻrisida maʼlumot olish maqsadida ularning muvofiqligini baholash, parametrlarini aniqlash;

obyektlar va ishlab chiqariladigan mahsulotlarning talab qilinadigan sifatini taʼminlash, ishonchliligi va mustahkamligini oshirish, ulardan ishonchli va xavfsiz foydalanishni taʼminlash maqsadida obyekt parametrlarini yoki ularning ayrim elementlari hamda uzellarini putur yetkazmasdan nazorat qilish, mustaqil ekspertizadan, zarur sinovlar va oʻlchashlardan oʻtkazish;

temir yoʻl transportida foydalaniladigan va tayyorlovchi tomonidan keyinchalik sertifikatlash uchun buyurtma berilgan mahsulotlarning xavfsizlik va sifat koʻrsatkichlarini texnik jihatdan tartibga solish boʻyicha normativ hujjatlar talablariga muvofiq oʻrganish va baholash;

respublikada ishlab chiqariladigan va foydalaniladigan temir yoʻl mahsulotlarining sinov bazasini va sertifikatlashni rivojlantirish choralarini koʻrish va shu asosda muvofiqlikni baholash natijalarining davlatlararo darajada eʼtirof etilishiga erishish;

harakatlanuvchi tarkibni va temir yoʻl transportining texnik vositalarini sertifikatlash boʻyicha texnik jihatdan tartibga solish sohasidagi normativ hujjatlarni belgilangan tartibda ishlab chiqish va qabul qilish;

temir yoʻl transporti vositalarini ishlab chiqaruvchi, quruvchi va ishlatuvchi korxonalar va tashkilotlar faoliyatini ularda poyezdlarning xavfsiz harakatlanishini taʼminlash boʻyicha texnik tekshirishni tashkil etish va oʻtkazish hamda ularga belgilangan tartibda muvofiqlik sertifikatini berish;

3) oʻzining temir yoʻllariga ega boʻlgan yuridik shaxslar xodimlarining tizimli ravishda malakasini oshirish va ularni qayta tayyorlash sohasida:

temir yoʻl transporti sohasida harakat xavfsizligini taʼminlash masalalari boʻyicha kadrlarni professional darajada qayta tayyorlash va ularning malakasini oshirish borasida davlat siyosatini amalga oshirish;

oʻzining temir yoʻllariga ega boʻlgan yuridik shaxslar temir yoʻl transporti xodimlarining malakasini belgilangan tartibda muntazam oshirish va qayta tayyorlashni tashkil etish hamda oʻtkazish;

4) temir yoʻl transportida yuk va yoʻlovchilar tashish xavfsizligi sohasida hamkorlikni amalga oshirish va xalqaro tashkilotlarda Oʻzbekiston Respublikasi manfaatlarini ifoda etish sohasida:

xalqaro tashkilotlar, boshqa davlatlarning tegishli nazorat idoralari bilan “Oʻzdavtemiryoʻlnazorat” inspeksiyasining vakolatiga taalluqli masalalar boʻyicha aloqalarni belgilangan tartibda amalga oshirish;

temir yoʻl transportida yuk va yoʻlovchilar tashishda xavfsizlikni taʼminlash, normativ-huquqiy bazani takomillashtirish, temir yoʻllardan texnik foydalanish, temir yoʻl halokatlari va hodisalarini tekshirish masalalari boʻyicha xalqaro tashkilotlar ishida, konferensiyalar va seminarlarda ishtirok etish;

“Oʻzdavtemiryoʻlnazorat” inspeksiyasi oʻziga yuklangan vazifalar va funksiyalarni bevosita, shuningdek, oʻziga qarashli hududiy filiallar va tashkilotlar orqali amalga oshiradi.

2-§. “Oʻzdavtemiryoʻlnazorat” inspeksiyasi markaziy apparatining vazifalari va funksiyalari

12. Quyidagilar “Oʻzdavtemiryoʻlnazorat” inspeksiyasi markaziy apparatining asosiy vazifalari va funksiyalari hisoblanadi:

“Oʻzdavtemiryoʻlnazorat” inspeksiyasining hududiy filiallari va idoraviy mansub tashkilotlari bilan birgalikda “Oʻzdavtemiryoʻlnazorat” inspeksiyasiga yuklangan vazifalar va funksiyalarni samarali amalga oshirish;

temir yoʻl transportida yuk va yoʻlovchilar tashishda xavfsizlikni taʼminlash sohasida xorijiy davlatlar tajribasini oʻrganishni tashkil etish;

“Oʻzdavtemiryoʻlnazorat” inspeksiyasining yuqori turuvchi va boshqa davlat organlari hamda tashkilotlari bilan oʻzaro hamkorligini taʼminlash;

tasarrufidagi tashkilotlarni rivojlantirishga koʻmaklashish, ularni rivojlantirish istiqbollarini belgilash;

temir yoʻl transportida ruxsat berish tartibotlarini amalga oshirish;

temir yoʻl transportida tashishlar xavfsizligini taʼminlash, harakatlanuvchi tarkibni, temir yoʻl transportining texnik vositalarini saqlash, ularga xizmat koʻrsatish, taʼmirlash va ulardan foydalanish boʻyicha texnik jihatdan tartibga solish sohasidagi normativ-huquqiy hujjatlar hamda normativ hujjatlarni ishlab chiqish, qabul qilish va bajarilishini nazorat qilish;

“Oʻzbekiston temir yoʻllari” AJ korxonalari va tashkilotlarida qozonxona obyektlari va koʻtarish inshootlaridan xavfsiz foydalanishni nazorat qilish;

temir yoʻl transportida yuk va yoʻlovchilar tashish xavfsizligi sohasida hamkorlikni amalga oshirish va xalqaro tashkilotlarda Oʻzbekiston Respublikasi manfaatlarini ifoda etish.

13. “Oʻzdavtemiryoʻlnazorat” inspeksiyasi markaziy apparati oʻziga yuklangan asosiy vazifalarga muvofiq quyidagi funksiyalarni amalga oshiradi:

“Oʻzdavtemiryoʻlnazorat” inspeksiyasi va uning rahbariyati faoliyatini tashkiliy va axborot-tahliliy jihatdan taʼminlaydi;

“Oʻzdavtemiryoʻlnazorat” inspeksiyasi markaziy apparatining tarkibiy boʻlinmalari, hududiy filiallari va idoraviy mansub tashkilotlar tomonidan Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Hukumat qarorlarining bajarilishi yuzasidan tizimli nazoratni taʼminlaydi;

oʻz vakolatlari doirasida “Oʻzdavtemiryoʻlnazorat” inspeksiyasi boshligʻi va uning oʻrinbosari buyruqlari va farmoyishlarini bajaradi;

“Oʻzdavtemiryoʻlnazorat” inspeksiyasi tomonidan Oʻzbekiston Respublikasi Vazirlar Mahkamasiga va Oʻzbekiston Respublikasi Prezidenti Devoniga kiritiladigan hujjatlar sifatli va oʻz vaqtida ishlab chiqilishini va ularning iqtisodiy, moliyaviy hamda huquqiy ekspertizadan oʻtkazilishini tashkil qiladi;

“Oʻzdavtemiryoʻlnazorat” inspeksiyasining hududiy filiallari, idoraviy mansub tashkilotlari faoliyatini muvofiqlashtiradi va nazorat qiladi;

“Oʻzdavtemiryoʻlnazorat” inspeksiyasi faoliyatining huquqiy taʼminotini, shu jumladan qonun ijodkorligini tashkil qiladi;

“Oʻzdavtemiryoʻlnazorat” inspeksiyasi rahbariyati uchun boshqaruv qarorlarini qabul qilish maqsadida temir yoʻlda tashishlar xavfsizligini taʼminlash masalalari yuzasidan temir yoʻl tarmogʻini rivojlantirish tendensiyalari toʻgʻrisidagi axborotlarni toʻplaydi, umumlashtiradi va tahlil qiladi;

tadbirkorlik subyektlariga “Oʻzdavtemiryoʻlnazorat” inspeksiyasi tomonidan amalga oshiriladigan ruxsat etish tartib-tamoyillaridan oʻtish masalalari boʻyicha axborot, uslubiy, tashkiliy va maslahat yordami koʻrsatadi;

“Oʻzdavtemiryoʻlnazorat” inspeksiyasi vakolatiga kiradigan operativ, tashkiliy, kadrlar masalalari, moliyaviy, ishlab chiqarish-xoʻjalik va boshqa masalalarni hal etadi;

temir yoʻl transporti korxonalari va tashkilotlarida ularning temir yoʻl transportida tashishlar xavfsizligini taʼminlash, harakatlanuvchi tarkibni, temir yoʻl transportining texnik vositalarini saqlash, ularga xizmat koʻrsatish, taʼmirlash va ulardan foydalanish boʻyicha texnik jihatdan tartibga solish sohasidagi normativ-huquqiy hujjatlar hamda normativ hujjatlar talablarini bajarishini belgilangan tartibda tekshiradi;

temir yoʻl transporti korxonalari va tashkilotlari tomonidan temir yoʻlda tashishlar xavfsizlik darajasini va temir yoʻl transportining texnik vositalari ishonchliligini oshirishga qaratilgan kompleks profilaktika chora-tadbirlari belgilangan muddatlarda bajarilishi yuzasidan davlat nazoratini ishlab chiqadi va amalga oshiradi;

tadbirkorlik subyektlarining buyurtmanomalariga muvofiq obyektlar, mahsulotlar va texnologiyalarning temir yoʻl transporti sohasida belgilangan talablarga muvofiqligi yuzasidan ularni doimiy yoki vaqtincha foydalanishga qabul qilishda ishtirok etadi;

ichki va xalqaro yoʻllarda temir yoʻl transportida yoʻlovchilar va yuklarni tashish huquqini beruvchi litsenziyalar beradi va berilgan litsenziyalar reyestrini yuritadi, joylarga borib litsenziya talablari va shartlarining litsenziatlar tomonidan bajarilishini nazorat qiladi;

obyektlar, mahsulotlar va texnologiyalarning temir yoʻl transporti sohasida belgilangan talablarga muvofiqligi yuzasidan ularni foydalanishga qabul qilish loyihalari va ishlarini belgilangan tartibda ekspertizadan oʻtkazadi hamda va ular boʻyicha xulosalar beradi;

lokomotivlar, yuk va izotermik vagonlarning xizmat muddatini uzaytirish boʻyicha texnik yechimlardan ishlab chiqarishda foydalanishni kelishishni belgilangan tartibda taʼminlaydi;

Oʻzbekiston Respublikasi hududida yuz bergan favqulodda hodisalar (avariya, halokat) yuzasidan xizmat tekshiruvlarini belgilangan tartibda tashkil etadi va oʻtkazadi, shuningdek, boshqa davlatlar hududida Oʻzbekiston Respublikasi yoʻlovchi tashish poyezdlarining favqulodda hodisalarini tekshirishda belgilangan tartibda ishtirok etadi;

poyezdlar harakati xavfsizligi talablarini buzish holatlari boʻyicha temir yoʻl transporti korxonalari va tashkilotlari tomonidan olib boriladigan xizmat tekshiruvlarining toʻgʻriligini nazorat qiladi (halokatga uchrash va avariyalar bundan mustasno);

temir yoʻl transporti korxonalari va tashkilotlari tomonidan poyezdlar harakati xavfsizligi talablari buzilishini hisobga oladi va tahlil qiladi;

“Oʻzdavtemiryoʻlnazorat” inspeksiyasi rahbariyatiga umumiy foydalanishdagi temir yoʻl transportida tashishlar xavfsizligini taʼminlash holati toʻgʻrisida axborot beradi;

umumiy foydalanishdagi temir yoʻl transporti va kirish temir yoʻllarida tashishlar xavfsizligini taʼminlash holati toʻgʻrisidagi statistika maʼlumotlari va boshqa axborot materiallarini toʻplaydi va tahlil qiladi;

“Oʻzbekiston temir yoʻllari” AJ korxonalari va tashkilotlarida qozonxona obyektlari, koʻtarish inshootlari va oʻlchash tizimlarini saqlash, ulardan xavfsiz foydalanish boʻyicha texnik jihatdan tartibga solish sohasidagi huquqiy-normativ hujjatlar va normativ hujjatlar bajarilishini nazorat qiladi;

umumiy foydalanishdagi temir yoʻl transportida va kirish temir yoʻllarida tashishlar xavfsizligini taʼminlash darajasini oshirish boʻyicha sohaga oid davlat maqsadli dasturlarni ishlab chiqish va amalga oshirishda ishtirok etadi;

temir yoʻl transportida tashishlar xavfsizligini taʼminlash, harakatlanuvchi tarkibni, temir yoʻl transportining texnik vositalarini saqlash, ularga xizmat koʻrsatish, taʼmirlash va ulardan foydalanish boʻyicha texnik jihatdan tartibga solish sohasidagi normativ-huquqiy hujjatlar hamda normativ hujjatlarni belgilangan tartibda ishlab chiqadi;

temir yoʻl transportida tashishlar xavfsizligini taʼminlash sohasidagi normativ-huquqiy bazani takomillashtirish boʻyicha takliflarini ishlab chiqadi va “Oʻzdavtemiryoʻlnazorat” inspeksiyasi rahbariyatiga kiritadi;

temir yoʻl transporti boshqarmalari, markazlari, korxonalari va tashkilotlarining lavozimga yangi tayinlangan, shuningdek, poyezdlar harakati xavfsizligi buzilishiga yoʻl qoʻygan rahbarlari va masʼul xodimlarini temir yoʻl transportida tashishlar xavfsizligini taʼminlash, harakatlanuvchi tarkibni, temir yoʻl transportining texnik vositalarini saqlash, ularga texnik xizmat koʻrsatish, taʼmirlash va ulardan foydalanish boʻyicha texnik jihatdan tartibga solish sohasidagi normativ-huquqiy hujjatlar hamda normativ hujjatlarni bilishi boʻyicha belgilangan tartibda attestatsiyadan oʻtkazadi;

temir yoʻl transportida tashuvchilarning yoʻlovchilar hayoti, sogʻligi va (yoki) mol-mulkiga zarar yetkazilganligi uchun oʻz fuqarolik javobgarligini majburiy sugʻurtalash boʻyicha qonun hujjatlarida belgilangan majburiyatlarni bajarishini belgilangan tartibda nazorat qiladi;

temir yoʻlda tashishlar xavfsizligini taʼminlash, normativ-huquqiy baʼzani takomillashtirish, temir yoʻllardan texnik foydalanish, temir yoʻl halokatlari va hodisalarini tekshirish boʻyicha xalqaro tashkilotlar ishida, konferensiyalar va seminarlarda ishtirok etadi;

“Oʻzdavtemiryoʻlnazorat” inspeksiyasining vakolatiga kiradigan masalalar boʻyicha idoralararo kengashlar, komissiyalar, ishchi guruhlar ishida ishtirok etadi;

temir yoʻlda tashishlar xavfsizligini taʼminlash masalalari boʻyicha yigʻilishlar, seminarlar tashkil etadi va oʻtkazadi;

jismoniy va yuridik shaxslarning murojaatlari koʻrib chiqilishini taʼminlaydi.

3-§. “Oʻzdavtemiryoʻlnazorat” inspeksiyasi hududiy filiallarining vazifalari va funksiyalari

14. Quyidagilar “Oʻzdavtemiryoʻlnazorat” inspeksiyasi hududiy filiallarining asosiy vazifalari hisoblanadi:

“Oʻzdavtemiryoʻlnazorat” inspeksiyasiga yuklangan vazifalar va funksiyalarning samarali bajarilishini taʼminlashda ishtirok etadi;

Qoraqalpogʻiston Respublikasi Joʻqorgʻi Kengesi Raisi, viloyatlar va Toshkent shahri, tumanlar (shaharlar) hokimlari, prokuratura, ichki ishlar organlari va davlat soliq xizmati hududiy organlari rahbarlari rahbarlik qiladigan kompleks ijtimoiy-iqtisodiy rivojlanish sektorlari (keyingi oʻrinlarda ijtimoiy-iqtisodiy rivojlanishtirish sektorlari deb ataladi) bilan hamkorlik qiladi;

tegishli hududda temir yoʻlda tashishlar xavfsizligini taʼminlash, harakatlanuvchi tarkibni, temir yoʻl transportining texnik vositalarini saqlash, ularga xizmat koʻrsatish, taʼmirlash va ulardan foydalanish sohasida texnik jihatdan tartibga solish boʻyicha normativ-huquqiy hujjatlar va normativ hujjatlarning bajarilishini belgilangan tartibda nazorat qiladi;

temir yoʻl transportida tashishlar xavfsizligini taʼminlash va temir yoʻl transportida favqulodda vaziyatlarning oldini olishga qaratilgan chora-tadbirlarni amalga oshirishda ishtirok etadi;

tegishli hududda temir yoʻl transporti obyektlari va texnologiyalarining belgilangan talablarga muvofiqligi boʻyicha doimiy yoki vaqtincha foydalanishga qabul qilishda ishtirok etadi;

tegishli hududda temir yoʻl transporti liniya korxonalari va tashkilotlarining masʼul xodimlarini temir yoʻlda tashishlarni xavfsizligini taʼminlash, harakatlanuvchi tarkibni, temir yoʻl transportining texnik vositalarini saqlash, ularga xizmat koʻrsatish, taʼmirlash va ulardan foydalanishni bilishi boʻyicha belgilangan tartibda attestatsiyadan oʻtkazadi.

15. Hududiy filiallar oʻziga yuklangan asosiy vazifalarga muvofiq quyidagi funksiyalarni amalga oshiradi:

temir yoʻl transporti korxonalari va tashkilotlarida harakatlanuvchi tarkib parkini va texnik vositalarni yangilash dasturlarini ishlab chiqishga koʻmaklashadi;

tegishli hududda temir yoʻl transporti korxonalari va tashkilotlari tomonidan temir yoʻlda tashishlar xavfsizligini taʼminlash, harakatlanuvchi tarkibni, temir yoʻl transportining texnik vositalarini saqlash, ularga xizmat koʻrsatish, taʼmirlash va ulardan foydalanish boʻyicha texnik jihatdan tartibga solish sohasidagi normativ-huquqiy hujjatlar va normativ hujjatlarning talablarini bajarilishi boʻyicha tekshiruvlarni belgilangan tartibda amalga oshiradi;

tegishli hududda temir yoʻl transporti korxonalari va tashkilotlari tomonidan temir yoʻlda tashishlar xavfsizligini taʼminlashga va texnik vositalar ishonchliligini oshirishga qaratilgan temir yoʻl transporti tashkiliy-texnik hamda profilaktika tadbirlari ishlab chiqilishi va oʻtkazilishini nazorat qilish;

tegishli hududda litsenziatlar tomonidan litsenziya talablari va shartlariga rioya etilishini belgilangan tartibda nazorat qiladi;

tegishli hududda yuridik shaxslar arizalariga binoan obyektlar va texnologiyalarning temir yoʻlda tashishlar xavfsizligini taʼminlash, harakatlanuvchi tarkibni, temir yoʻl transportining texnik vositalarini saqlash, ularga xizmat koʻrsatish, taʼmirlash va ulardan foydalanish boʻyicha texnik jihatdan tartibga solish sohasidagi normativ hujjatlarga muvofiqligi yuzasidan ularni foydalanishga qabul qilishda ishtirok etadi;

tegishli hududda umumiy foydalanishdagi temir yoʻl transportining liniya korxonalari va tashkilotlari hamda yuridik shaxslarning kirish yoʻllari xodimlarini temir yoʻlda tashishlar xavfsizligini taʼminlash, harakatlanuvchi tarkibni, temir yoʻl transportining texnik vositalarini saqlash, ularga xizmat koʻrsatish, taʼmirlash va ulardan foydalanishni bilishi boʻyicha belgilangan tartibda attestatsiyadan oʻtkazadi;

tegishli hududda favqulodda temir yoʻl hodisalari (avariya, halokat) va poyezdlar harakati xavfsizligi taʼminlanishini buzish holatlari yuzasidan xizmat tekshiruvlarini oʻtkazishda belgilangan tartibda ishtirok etadi;

tegishli hududda poyezdlar harakati xavfsizligi taʼminlanishini buzish holatlarini tasniflash toʻgʻriligini va ushbu holatlar boʻyicha rasmiy tekshiruv oʻtkazilishini nazorat qiladi, shuningdek, ushbu tekshirishlar materiallarining “Oʻzdavtemiryoʻlnazorat” inspeksiyasi markaziy apparatiga oʻz vaqtida taqdim etilishini taʼminlaydi;

tegishli hududda temir yoʻl transporti korxona va tashkilotlari tomonidan poyezdlar harakati xavfsizligi talablari buzilishini hisobga oladi va tahlil qiladi hamda hisobotlarning “Oʻzdavtemiryoʻlnazorat” inspeksiyasi markaziy apparatiga oʻz vaqtida taqdim etilishini taʼminlaydi;

oʻz vakolatlari doirasida “Oʻzdavtemiryoʻlnazorat” inspeksiyasi boshligʻi va uning oʻrinbosarining buyruqlari va farmoyishlarini bajaradi;

jismoniy va yuridik shaxslarning murojaatlarini koʻrib chiqishda ishtirok etadi.

4-bob. “Oʻzdavtemiryoʻlnazorat” inspeksiyasi va uning boʻlinmalarining huquqlari va majburiyatlari

1-§. “Oʻzdavtemiryoʻlnazorat” inspeksiyasining huquq va majburiyatlari

16. “Oʻzdavtemiryoʻlnazorat” inspeksiyasi oʻziga yuklangan vazifa va funksiyalarni bajarish uchun quyidagi huquqlarga ega:

Vazirlar Mahkamaciga yoki Oʻzbekicton Recpublikaci Prezidenti Devoniga normativ-huquqiy hujjatlar loyihalarini, shuningdek, “Oʻzdavtemiryoʻlnazorat” inspeksiyasiga yuklangan vazifalar va funksiyalarni bajarish bilan bogʻliq boshqa hujjatlarni belgilangan tartibda kiritish;

“Oʻzdavtemiryoʻlnazorat” inspeksiyasi vakolatiga kiradigan macalalarda davlat va xoʻjalik boshqaruvi organlari, mahalliy ijro etuvchi hokimiyat organlari faoliyatini belgilangan tartibda muvofiqlashtirish;

“Oʻzdavtemiryoʻlnazorat” inspeksiyasi vakolatiga kiradigan macalalarni hal etish uchun davlat va xoʻjalik boshqaruvi organlari, mahalliy ijro etuvchi hokimiyat organlaridan zarur axborotni belgilangan tartibda soʻrash va olish;

“Oʻzdavtemiryoʻlnazorat” inspeksiyasi vakolatiga kiradigan masalalar boʻyicha davlat ctatictika organlaridan zarur ctatictika axborotini bepul olish;

“Oʻzdavtemiryoʻlnazorat” inspeksiyasi va uning idoraviy mansub tuzilmalarining davlat mulkini oʻz tashkiliy tuzilmasi doirasida bir boʻlinmadan ikkinchisiga belgilangan tartibda berish;

“Oʻzdavtemiryoʻlnazorat” inspeksiyasi, uning hududiy filiallari va idoraviy mansub tashkilotlari xodimlarini ularning tegishli cohadagi faoliyati acociy koʻrcatichlarini bajarishi hicobga olgan holda, moddiy ragʻbatlantirish tartibi, miqdorlari va shartlarini belgilash;

Vazirlar Mahkamaci, davlat va xoʻjalik boshqaruvi organlari hamda mahalliy ijro etuvchi hokimiyat organlariga “Oʻzdavtemiryoʻlnazorat” inspeksiyasi vakolatlari doiraciga kiradigan masalalar boʻyicha takliflarni koʻrib chiqish uchun kiritish;

Oʻzbekiston Respublikasining xalqaro shartnomalari loyihalarini tayyorlashda belgilangan tartibda ishtirok etish, “Oʻzdavtemiryoʻlnazorat” inspeksiyasi vakolatiga kiradigan masalalar boʻyicha idoralararo tusdagi xalqaro shartnomalarni belgilangan tartibda tuzish;

“Oʻzdavtemiryoʻlnazorat” inspeksiyasi vakolatiga taalluqli masalalar boʻyicha Oʻzbekicton Recpublikaci manfaatlarini xalqaro darajada belgilangan tartibda ifoda etish;

temir yoʻl transporti korxonalari va tashkilotlari obyektlariga belgilangan tartibda borib, ularning temir yoʻlda tashishlar xavfsizligini taʼminlash, harakatlanuvchi tarkibni, temir yoʻl transportining texnik vositalarini saqlash, ularga xizmat koʻrsatish, taʼmirlash va ulardan foydalanish boʻyicha texnik jihatdan tartibga solish sohasidagi normativ-huquqiy hujjatlar hamda normativ hujjatlar talablariga rioya etishini nazorat qilish;

temir yoʻlda tashishlar xavfsizligini taʼminlash, harakatlanuvchi tarkibni, temir yoʻl transportining texnik vositalarini saqlash, ularga xizmat koʻrsatish, taʼmirlash va ulardan foydalanish boʻyicha texnik jihatdan tartibga solish sohasidagi normativ-huquqiy hujjatlar hamda normativ hujjatlar talablari buzilishi boʻyicha aniqlangan holatlarni belgilangan muddatda bartaraf etish toʻgʻrisida “Oʻzdavtemiryoʻlnazorat” inspeksiyasi vakolatiga kiradigan masalalar boʻyicha bajarilishi majburiy boʻlgan koʻrsatmalar berish va bu borada koʻrilayotgan choralar haqida axborot berish muddatini belgilash;

oʻz vakolatlari doirasida normativ-huquqiy hujjatlar, zarur holatlarda davlat boshqaruvi boshqa organlari bilan birgalikda belgilangan tartibda qoʻshma qarorlar va boshqa hujjatlar qabul qilish;

temir yoʻl trancporti cohacida harakatlanuvchi tarkib va boshqa texnik vositalarni yaratish (qurish), sinab koʻrish, ommaviy ishlab chiqarish va foydalanishga qabul qilishda ishtirok etish;

temir yoʻl trancporti cohacida faoliyat koʻrsatadigan jicmoniy va yuridik shaxclarga “Oʻzdavtemiryoʻlnazorat” inspeksiyasining idoraviy mansub tashkilotlari orqali sertifikatlash, putur yetkazmasdan nazorat qilish, oʻzining temir yoʻllariga ega boʻlgan yuridik shaxslarning temir yoʻl transporti xodimlari malakasini oshirish va ularni qayta tayyorlash xizmatlarini shartnoma asosida koʻrsatish;

oʻzining temir yoʻllariga ega boʻlgan yuridik shaxslarning temir yoʻl transporti xodimlari malakasini oshirish va ularni qayta tayyorlash uchun malakali oʻqituvchilarni shartnoma asosida qonunchilikda belgilangan tartibda jalb etish;

zarurat boʻlganda, oʻzining temir yoʻllariga ega boʻlgan yuridik shaxslarning temir yoʻl transporti xodimlarini joyiga borib oʻqitish;

litsenziatlar tomonidan litsenziya talablari va shartlarini bajarish imkoniyatini, shuningdek, ruxsat berish tusidagi hujjatlarni berishda obyektlar, mahsulotlar va texnologiyalarning belgilangan talablarga muvofiqligini joyiga borgan holda oʻrganish;

davlat va xoʻjalik boshqaruvi organlari, mahalliy davlat hokimiyati organlari, temir yoʻl transporti korxonalari hamda tashkilotlaridan oʻz vakolatiga kiradigan masalalarni hal etish uchun zarur axborotni belgilangan tartibda soʻrash va olish;

temir yoʻlda tashishlar xavfsizligini taʼminlash, harakatlanuvchi tarkibni, temir yoʻl transportining texnik vositalarini saqlash, ularga xizmat koʻrsatish, taʼmirlash va ulardan foydalanish boʻyicha texnik jihatdan tartibga solish sohasidagi normativ-huquqiy hujjatlar va normativ hujjatlar talablarini buzadigan shaxslarga nisbatan qonun hujjatlariga muvofiq choralar koʻrish;

temir yoʻl transportining texnik vositalaridan foydalanishni va bu boradagi ishlarni bajarishni belgilangan tartibda toʻxtatish, nosozligi sababli odamlar hayoti va sogʻligiga, tashishlar xavfsizligiga xavf tugʻdiradigan poyezdlarning oʻtish joylari, stansiyalar hamda kirish yoʻllarida harakatlanishini toʻxtatish yoki harakatlanish tezligini cheklash toʻgʻrisida koʻrsatmalar berish;

sifatsiz taʼmirlangani uchun lokomotivlar, harakatlanuvchi motor va vagonlar tarkibini, yoʻllar va bir izni boshqa izga oʻtkazish stryelkalarini, signalizatsiya va aloqa moslamalari, bogʻlanish tarmoqlarini taʼmirlashdan chiqarishni man etish;

lokomotivlar, vagonlar, yoʻllar, signal, aloqa va elektr taʼminoti tizimlari, shuningdek, temir yoʻl transportining boshqa texnik vositalarini komissiya koʻrigidan belgilangan tartib buzilgan holda oʻtkazilgani uchun ularning natijalarini bekor qilish;

poyezdlar harakati xavfsizligi talablari hamda temir yoʻlda tashishlar xavfsizligini taʼminlash, harakatlanuvchi tarkibni, temir yoʻl transportining texnik vositalarini saqlash, ularga xizmat koʻrsatish, taʼmirlash va ulardan foydalanish boʻyicha texnik jihatdan tartibga solish sohasidagi normativ hujjatlarning buzilish holatlari yuzasidan materiallarni tegishli organlarga belgilangan tartibda berish;

temir yoʻl transporti korxonalari va tashkilotlarining malakali mutaxassislarini favqulodda hodisalarni xizmat tekshiruvidan oʻtkazish va ushbu tekshiruvlar bilan bogʻliq masalalar boʻyicha ekspertiza hamda texnik maslahatlar oʻtkazishda ishtirok etishga jalb qilish;

transport, aloqa vositalari, xizmat binolari va xizmat vagonlaridan erkin foydalanish, shuningdek, poyezdlar harakati, yuk va yoʻlovchilar tashish xavfsizligini taʼminlash sohasida faoliyat yuritish va tekshiruvlarni belgilangan tartibda oʻtkazish bilan bogʻliq boshqa huquqlardan foydalanish;

“Oʻzdavtemiryoʻlnazorat” inspeksiyasi xodimlarini Oʻzbekiston Respublikasi boʻylab safarlar chogʻida lokomotivlar va poyezdlar brigadalari tarkibiga tekshiruvchilar sifatida kiritish.

“Oʻzdavtemiryoʻlnazorat” inspeksiyasi qonun hujjatlariga muvofiq boshqa huquqlarga ham ega boʻlishi mumkin.

17. “Oʻzdavtemiryoʻlnazorat” inspeksiyasi quyidagilar uchun masʼul:

“Oʻzdavtemiryoʻlnazorat” inspeksiyasiga yuklangan vazifalar va funksiyalarni samarali amalga oshirish;

“Oʻzdavtemiryoʻlnazorat” inspeksiyasi faoliyati bilan bogʻliq prognoz koʻrsatkichlarga erishilishini taʼminlash;

Oʻzbekiston Respublikasi Vazirlar Mahkamasiga va Oʻzbekiston Respublikasi Prezidenti Devoniga kiritiladigan normativ-huquqiy hujjatlar va boshqa hujjatlar loyihalari, shuningdek, “Oʻzdavtemiryoʻlnazorat” inspeksiyasi qabul qiladigan qarorlarning sifati, yakuniy natijalari va amalga oshirish oqibatlari uchun;

temir yoʻlda tashishlar xavfcizligini taʼminlash cohacida temir yoʻl tarmogʻini rivojlantirish, shuningdek, hududlarni ijtimoiy-iqtisodiy rivojlantirish hamda muammoli masalalarni hal etish boʻyicha dacturlar, tadbirlar rejasi, “yoʻl xaritalari” va boshqa dacturiy hujjatlarni camarali amalga oshirish;

fuqarolar va tadbirkorlik subyektlarining huquqlari va qonuniy manfaatlariga rioya etilishi hamda ularni himoya qilishni taʼminlash.

2-§. “Oʻzdavtemiryoʻlnazorat” inspeksiyasi markaziy apparatining huquq va majburiyatlari

18. “Oʻzdavtemiryoʻlnazorat” inspeksiyasining markaziy apparati oʻziga yuklangan vazifalar va funksiyalarni amalga oshirish uchun quyidagi huquqlarga ega:

“Oʻzdavtemiryoʻlnazorat” inspeksiyasining hududiy filiallari va idoraviy mansub tashkilotlaridan macalalarni ishlab chiqish va tahlil etish uchun zarur materiallar hamda maʼlumotlarni, shuningdek, “Oʻzdavtemiryoʻlnazorat” inspeksiyasi markaziy apparati koʻrib chiqiladigan normativ-huquqiy hujjatlar va boshqa hujjatlar loyihalarini soʻrash va olish;

zarur boʻlganda, “Oʻzdavtemiryoʻlnazorat” inspeksiyasida koʻrib chiqiladigan masalalarni ishlab chiqish, axborot va tahliliy materiallarni, shuningdek, normativ-huquqiy hujjatlar hamda boshqa hujjatlarni loyihalarini tayyorlash uchun “Oʻzdavtemiryoʻlnazorat” inspeksiyasining hududiy filiallari rahbarlari va vakillarini belgilangan tartibda jalb qilish, ushbu maqsadda ekcpert hamda ishchi guruhlarini tashkil etish;

“Oʻzdavtemiryoʻlnazorat” inspeksiyasi vakolatiga kiradigan sohalardagi muhim muammolarni ishlab chiqish va koʻrib chiqish boʻyicha idoralararo komissiyalar hamda kengashlar tashkil etish;

“Oʻzdavtemiryoʻlnazorat” inspeksiyasining hududiy filiallari va idoraviy mansub tashkilotlaridan ularga kiritilgan normativ-huquqiy hujjatlar va boshqa hujjatlar loyihalarini qayta ishlab chiqishni talab qilish, zarur boʻlganda, qaytarib berish;

“Oʻzdavtemiryoʻlnazorat” inspeksiyasining hududiy filiallari va idoraviy mansub tashkilotlari rahbarlari hamda vakillari ishtirokida yigʻilishlar oʻtkazish;

“Oʻzdavtemiryoʻlnazorat” inspeksiyasining hududiy filiallari va idoraviy mansub tashkilotlari rahbarlariga zudlik bilan hal etishni talab etadigan va “Oʻzdavtemiryoʻlnazorat” inspeksiyasiga yuklangan vazifalar va funksiyalarni bajarish bilan bogʻliq masalalar yuzasidan belgilangan tartibda topshiriqlar berish;

“Oʻzdavtemiryoʻlnazorat” inspeksiyasining hududiy filiallari va idoraviy mansub tashkilotlarining normativ-huquqiy hujjatlar, Oʻzbekicton Recpublikaci Prezidentining va Vazirlar Mahkamaci topshiriqlari, shuningdek, “Oʻzdavtemiryoʻlnazorat” inspeksiyasi hamda uning rahbariyatining hujjatlari va topshiriqlarini bajarishi yuzasidan faoliyatini belgilangan tartibda tekshirish va oʻrganish;

oʻz vakolati doirasida yuridik va jicmoniy shaxclar tomonidan bajarilishi majburiy boʻlgan koʻrsatmalarni qonun hujjatlarida belgilangan tartibda berish;

temir yoʻl transportining texnik vositalaridan foydalanishni va bu boradagi ishlarni bajarishni belgilangan tartibda toʻxtatish, nosozligi sababli odamlar hayoti va sogʻligiga, tashishlar xavfsizligiga xavf tugʻdiradigan poyezdlarning oʻtish joylari, stansiyalar hamda kirish yoʻllarida harakatlanishini toʻxtatish yoki harakatlanish tezligini cheklash toʻgʻrisida koʻrsatmalar berish;

sifatsiz taʼmirlangani uchun lokomotivlar, harakatlanuvchi motor va vagonlar tarkibini, yoʻllar va bir izni boshqa izga oʻtkazish stryelkalarini, signalizatsiya va aloqa moslamalari, bogʻlanish tarmoqlarini taʼmirlashdan chiqarishni man etish;

lokomotivlar, vagonlar, yoʻllar, signal, aloqa va elektr taʼminoti tizimlari, shuningdek, temir yoʻl transportining boshqa texnik vositalarini komissiya koʻrigidan belgilangan tartib buzilgan holda oʻtkazilgani uchun ularning natijalarini bekor qilish;

Oʻzbekiston Respublikasi boʻylab safarlar chogʻida lokomotivlar va poyezdlar brigadalari tarkibida ishtirok etish.

“Oʻzdavtemiryoʻlnazorat” inspeksiyasining markaziy apparati qonun hujjatlariga muvofiq boshqa huquqlarga ham ega boʻlishi mumkin.

19. “Oʻzdavtemiryoʻlnazorat” inspeksiyasining markaziy apparati quyidagilarga masʼul:

“Oʻzdavtemiryoʻlnazorat” inspeksiyasining markaziy apparati tuzilmaviy boʻlinmalari, hududiy filiallari va idoraviy mansub tashkilotlari bilan birgalikda “Oʻzdavtemiryoʻlnazorat” inspeksiyasiga yuklangan vazifalar hamda funksiyalar sifatli va oʻz vaqtida bajarilishini taʼminlash;

“Oʻzdavtemiryoʻlnazorat” inspeksiyasining markaziy apparati tuzilmaviy boʻlinmalarining “Oʻzdavtemiryoʻlnazorat” inspeksiyasi faoliyati bilan bogʻliq prognoz koʻrsatkichlarga erishishni taʼminlash ishlarini tashkil qilish;

“Oʻzdavtemiryoʻlnazorat” inspeksiyasi tomonidan Oʻzbekiston Respublikasi Vazirlar Mahkamasiga va Oʻzbekiston Respublikasi Prezidenti Devoniga kiritiladigan normativ-huquqiy hujjatlar va boshqa hujjatlar loyihalari, shuningdek, “Oʻzdavtemiryoʻlnazorat” inspeksiyasi qabul qiladigan qarorlarning sifatli tayyorlanishi hamda ekspertizadan oʻtkazilishi;

markaziy apparat tuzilmaviy boʻlinmalari, hududiy filiallar va idoraviy mansub tashkilotlar tomonidan temir yoʻlda tashishlar xavfcizligini taʼminlash cohacida temir yoʻl tarmogʻini rivojlantirish, shuningdek, hududlarni ijtimoiy-iqtisodiy rivojlantirish hamda muammoli masalalarni hal etish boʻyicha dacturlar, tadbirlar rejalari, “yoʻl xaritalari” va boshqa dacturiy hujjatlar amalga oshirilishini tashkil etish;

fuqarolar va tadbirkorlik subyektlarining huquqlari hamda qonuniy manfaatlariga rioya etilishi hamda ularni himoya qilishni taʼminlash.

3-§. “Oʻzdavtemiryoʻlnazorat” inspeksiyasi hududiy filiallarining huquqlari va majburiyatlari

20. “Oʻzdavtemiryoʻlnazorat” inspeksiyasining hududiy filiallari oʻziga yuklangan vazifalar va funksiyalarni amalga oshirish uchun quyidagi huquqlarga ega:

davlat va xoʻjalik boshqaruvi organlarining hududiy boʻlinmalari, mahalliy ijro etuvchi hokimiyat organlaridan ularning vakolatlariga kiradigan masalalarni hal qilish uchun zarur maʼlumotlarni belgilangan tartibda soʻrash va olish;

“Oʻzdavtemiryoʻlnazorat” inspeksiyasi vakolatiga kiradigan muhim muammolarni ishlab chiqish va koʻrib chiqish boʻyicha idoralararo komissiyalar hamda kengashlarda hududiy darajada ishtirok etish;

davlat va xoʻjalik boshqaruvi organlari, mahalliy ijro etuvchi hokimiyat organlariga “Oʻzdavtemiryoʻlnazorat” inspeksiyasi vakolatiga kiradigan masalalar boʻyicha takliflarni koʻrib chiqish uchun kiritish;

oʻz vakolati doirasida yuridik va jicmoniy shaxclar tomonidan bajarilishi majburiy boʻlgan koʻrsatmalarni qonun hujjatlarida belgilangan tartibda berish;

temir yoʻl transportining texnik vositalaridan foydalanishni va bu boradagi ishlarni bajarishni belgilangan tartibda toʻxtatish, nosozligi sababli odamlar hayoti va sogʻligiga, tashishlar xavfsizligiga xavf tugʻdiradigan poyezdlarning oʻtish joylari, stansiyalar hamda kirish yoʻllarida harakatlanishini toʻxtatish yoki harakatlanish tezligini cheklash toʻgʻrisida koʻrsatmalar berish;

sifatsiz taʼmirlangani uchun lokomotivlar, harakatlanuvchi motor va vagonlar tarkibini, yoʻllar va bir izni boshqa izga oʻtkazish stryelkalarini, signalizatsiya va aloqa moslamalari, bogʻlanish tarmoqlarini taʼmirlashdan chiqarishni man etish;

lokomotivlar, vagonlar, yoʻllar, signal, aloqa va elektr taʼminoti tizimlari, shuningdek, temir yoʻl transportining boshqa texnik vositalarini komissiya koʻrigidan belgilangan tartib buzilgan holda oʻtkazilgani uchun ularning natijalarini bekor qilish;

Oʻzbekiston Respublikasi boʻylab safarlar chogʻida lokomotivlar va poyezdlar brigadalari tarkibida ishtirok etish.

“Oʻzdavtemiryoʻlnazorat” inspeksiyasining hududiy filiallari qonun hujjatlariga muvofiq boshqa huquqlarga ham ega boʻlishi mumkin.

21. “Oʻzdavtemiryoʻlnazorat” inspeksiyasining hududiy filiallari quyidagilarga masʼul:

“Oʻzdavtemiryoʻlnazorat” inspeksiyasiga yuklangan vazifalar va funksiyalarning sifatli va oʻz vaqtida bajarilishini taʼminlash;

ularning faoliyati bilan bogʻliq prognoz koʻrsatkichlarga erishilishini taʼminlash;

“Oʻzdavtemiryoʻlnazorat” inspeksiyasi tomonidan kiritiladigan hujjatlar va takliflar loyihalarining, shuningdek, “Oʻzdavtemiryoʻlnazorat” inspeksiyasining hududiy filiallari qabul qiladigan qarorlarninng sifati, yakuniy natijalari va amalga oshirish oqibatlari;

tegishli hududda temir yoʻlda tashishlar xavfsizligini taʼminlash sohasida temir yoʻl tarmogʻini rivojlantirish boʻyicha hududda aniqlangan muammolarni har tomonlama va chuqur tahlil qilish hamda umumlashtirish asosida takliflar tayyorlash;

Qoraqalpogʻiston Respublikasi, viloyatlar va Toshkent shahrida temir yoʻlda tashishlar xavfcizligini taʼminlash cohacida temir yoʻl tarmogʻini rivojlantirish, shuningdek, hududlarni ijtimoiy-iqtisodiy rivojlantirish hamda muammoli masalalarni hal etish boʻyicha dacturlar, tadbirlar rejalari, “yoʻl xaritalari” va boshqa dacturiy hujjatlarning sifatli amalga oshirilishi;

fuqarolar va tadbirkorlik subyektlarining huquqlari hamda qonuniy manfaatlariga rioya etilishi va himoya qilinishini taʼminlash.

5-bob. “Oʻzdavtemiryoʻlnazorat” inspeksiyasi rahbarlarining asosiy funksional majburiyatlari va javobgarligi

22. Quyidagilar “Oʻzdavtemiryoʻlnazorat” inspeksiyasining asosiy funksional majburiyatlari hisoblanadi:

Oʻzbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya etish;

“Oʻzdavtemiryoʻlnazorat” inspeksiyasiga umumiy rahbarlikni amalga oshirish, “Oʻzdavtemiryoʻlnazorat” inspeksiyasiga Oʻzbekiston Respublikasi Prezidentining tegishli hujjatlari, Vazirlar Mahkamasi qarorlari va boshqa qonun hujjatlari bilan yuklangan vazifalar va funksiyalarning bajarilishini tashkil etish;

Oʻzbekiston Respublikasi Prezidenti hujjatlari va Vazirlar Mahkamasi qarorlari bilan tasdiqlangan “Oʻzdavtemiryoʻlnazorat” inspeksiyasi faoliyatini yanada takomillashtirish boʻyicha konsepsiyalar, kompleks dasturlar va tadbirlarning bajarilishini tanqidiy va chuqur tahlil qilish;

“Oʻzdavtemiryoʻlnazorat” inspeksiyasi va uning tarkibiy boʻlinmalari, hududiy filiallari va idoraviy mansub tashkilotlar faoliyati bilan bogʻliq boʻlgan prognoz koʻrsatkichlarga erishishni soʻzsiz taʼminlash boʻyicha taʼsirchan chora-tadbirlarni ishlab chiqish va qabul qilish;

“Oʻzdavtemiryoʻlnazorat” inspeksiyasi sohasiga kiradigan masalalar boʻyicha Oʻzbekiston Respublikasi Prezidenti Devoni xizmatlari va Vazirlar Mahkamasi komplekslari, shuningdek, tegishli vazirliklar va idoralar bilan oʻzaro hamkorlik qilish, Vazirlar Mahkamasi va uning Rayosati majlislarida masalalarni koʻrib chiqishda qatnashish;

Oʻzbekiston Respublikasi Prezidenti, Oʻzbekiston Respublikasining Bosh vaziri va uning oʻrinbosarlari topshiriqlarini bajarish;

oʻz oʻrinbosarining, “Oʻzdavtemiryoʻlnazorat” inspeksiyasi boshqa mansabdor shaxslarining vakolatlarini belgilash, “Oʻzdavtemiryoʻlnazorat” inspeksiyasi faoliyati alohida uchastkalariga rahbarlik yuzasidan oʻz oʻrinbosarining va boshqa mansabdor shaxslarning vakolatlarini, shaxsiy javobgarlik darajasini belgilash;

“Oʻzdavtemiryoʻlnazorat” inspeksiyasi faoliyati rejalashtirilishini tashkil etish, “Oʻzdavtemiryoʻlnazorat” inspeksiyasining va oʻz oʻrinbosari ishlarining har choraklik rejalarini tasdiqlash, ularning bajarilishi yuzasidan nazoratni taʼminlash;

Oʻzbekiston Respublikasi Prezidenti va Vazirlar Mahkamasi hujjatlari va topshiriqlari ijrosini tashkil etish va monitoringini olib borishning taʼsirchan tizimini yaratish, “Oʻzdavtemiryoʻlnazorat” inspeksiyasi faoliyatida ijro intizomini mustahkamlash boʻyicha kompleks amaliy chora-tadbirlarni amalga oshirish, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qaroriga hamda Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida va sifatli bajarilishi yuzasidan oʻziga qarashli tashkilotlar, tarkibiy boʻlinmalar va hududiy filiallar rahbarlarining shaxsiy javobgarligini oshirish choralarini koʻrish;

“Oʻzdavtemiryoʻlnazorat” inspeksiyasi xodimlarini tizimli qayta tayyorlash va ularning malakasini oshirishni tashkil etish;

“Oʻzdavtemiryoʻlnazorat” inspeksiyasi markaziy apparati va hududiy filiallari rahbarlari va xodimlarini, idoraviy mansub tashkilotlar rahbarlarini qonunchilikda belgilangan tartibda lavozimga tayiinlash va lavozimdan ozod qilish;

“Oʻzdavtemiryoʻlnazorat” inspeksiyasi tizimida kadrlarni tanlash va joy-joyiga qoʻyish, ularning samarali faoliyati uchun zarur shart-sharoitlar yaratish, “Oʻzdavtemiryoʻlnazorat” inspeksiyasining kadrlar zaxirasini shakllantirish;

boʻsh lavozimlarga tavsiya etilgan, Oʻzbekiston Respublikasi Prezidenti, Oʻzbekiston Respublikasi Prezidenti Devoni va Vazirlar Mahkamasi nomenklaturasiga kiradigan, shuningdek, “Oʻzdavtemiryoʻlnazorat” inspeksiyasida ishga qabul qilinayotgan boshqa kadrlarning kasbiy mahorati, layoqati, amaliy tajribasi, ishbilarmonlik va maʼnaviy-axloqiy sifatlari yuqori darajasining kafolatlanganligini taʼminlash;

faoliyat masalalari boʻyicha normativ-huquqiy hujjatlar loyihalarining sifatli ishlab chiqilishini, ularning “Normativ-huquqiy hujjatlar toʻgʻrisida”, “Qonunlar loyihalarini tayyorlash va ularni Oʻzbekiston Respublikasi Oliy Majlisining Qonunchilik palatasiga kiritish toʻgʻrisida”gi Oʻzbekiston Respublikasi qonunlari, Vazirlar Mahkamasining 2005-yil 14-fevraldagi 62-son qarori bilan tasdiqlangan Oʻzbekiston Respublikasi Vazirlar Mahkamasi Reglamenti (keyingi oʻrinlarda Vazirlar Mahkamasi Reglamenti deb ataladi) hamda Oʻzbekiston Respublikasi Prezidentining 2017-yil 28-iyuldagi PQ-3161-son qarori bilan tasdiqlangan Oʻzbekiston Respublikasi Devoni Reglamenti (keyingi oʻrinlarda Oʻzbekiston Respublikasi Prezidenti Devoni Reglamenti deb ataladi) talablariga qatʼiy muvofiq ravishda Vazirlar Mahkamasiga oʻz vaqtida kiritilishini tashkil etish, ularning Oʻzbekiston Respublikasi Prezidenti apparatida ishlab chiqilishida, Vazirlar Mahkamasi Rahbariyatida himoya qilinishida va Oʻzbekiston Respublikasi Prezidenti Devonida koʻrib chiqilishida qatnashish;

“Normativ-huquqiy hujjatlar toʻgʻrisida”, “Qonunlar loyihalarini tayyorlash va ularni Oʻzbekiston Respublikasi Oliy Majlisining Qonunchilik palatasiga kiritish toʻgʻrisida”gi Oʻzbekiston Respublikasi qonunlariga hamda Vazirlar Mahkamasining 2016-yil 17-oktabrdagi 345-son qarori bilan tasdiqlangan Davlat va xoʻjalik boshqaruvi organlari, mahalliy ijro etuvchi hokimiyat organlarining qonun loyihalarini tayyorlash faoliyati Namunaviy reglamentiga muvofiq “Oʻzdavtemiryoʻlnazorat” inspeksiyasining qonun loyihalarini tayyorlash boʻyicha faoliyatini tashkil etish;

“Oʻzdavtemiryoʻlnazorat” inspeksiyasi vakolatiga kiradigan masalalar boʻyicha normativ-huquqiy hujjatlarni qabul qilish, zarurat boʻlganda, boshqa vazirliklar va idoralar bilan birgalikda tegishli qarorlar qabul qilish;

“Oʻzdavtemiryoʻlnazorat” inspeksiyasiga taqdim etilgan takliflarni va normativ-huquqiy hujjatlar loyihalarini toʻliq va har tomonlama koʻrib chiqishni taʼminlash, ularning moliyaviy, iqtisodiy, huquqiy va boshqa ekspertizalarini oʻtkazish, shuningdek, Vazirlar Mahkamasi Reglamentida va Oʻzbekiston Respublikasi Prezidenti Devoni Reglamentida belgilangan muddatlarda kelishish (ularga viza qoʻyish);

Oʻzbekiston Respublikasi Prezidentining “Mansabdor shaxslarning chet el mamlakatlariga chiqish tartibini takomillashtirish chora-tadbirlari toʻgʻrisida” 2014-yil 5-martdagi PQ-2142-son qaroriga hamda “Mansabdor shaxslarning chet el xizmat safarlarida boʻlishi samaradorligi va Oʻzbekiston Respublikasiga chet el delegatsiyalarining tashrifini tashkil qilish uchun shaxsiy javobgarligini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarori talablariga toʻliq muvofiq ravishda “Oʻzdavtemiryoʻlnazorat” inspeksiyasi rahbarlari va xodimlarining xizmat safarlarini oʻtkazish va tashkil etish, xizmat safarlarining asosliligi, samaradorligi va natijadorligini, ajratiladigan xizmat safarlari xarajatlari mablagʻlaridan maqsadli va oqilona foydalanilishini taʼminlash;

oʻz oʻrinbosarining hamda tarkibiy boʻlinmalar, hududiy filiallar hamda idoraviy mansub tashkilotlar faoliyati samaradorligi va natijadorligini tizimli ravishda tahlil qilish, “Oʻzdavtemiryoʻlnazorat” inspeksiyasi majlislarida ularning shaxsiy hisobotlarini eshitish, yakunlari boʻyicha zarur choralar koʻrish;

“Oʻzdavtemiryoʻlnazorat” inspeksiyasi masʼul xodimlarini ragʻbatlantirish, ularni intizomiy javobgarlikka tortish masalalarini hal etish, oʻz oʻrinbosarini ragʻbatlantirish va intizomiy javobgarlikka tortish, shu jumladan uning kelgusida oʻz lavozimida qolishining maqsadga muvofiqligi toʻgʻrisidagi masalalarni koʻrib chiqish, ularning shaxsiy javobgarligini oshirish tizimli choralarini amalga oshirish toʻgʻrisida takliflar kiritish;

“Oʻzdavtemiryoʻlnazorat” inspeksiyasi, uning idoraviy mansub tashkilotlari va hududiy filiallari xodimlarining Vazirlar Mahkamasining 2016-yil 2-martdagi 62-son qarori bilan tasdiqlangan Davlat boshqaruvi organlari va mahalliy ijro etuvchi hokimiyat organlari xodimlarining odob-axloq namunaviy qoidalari asosida tasdiqlangan “Oʻzdavtemiryoʻlnazorat” inspeksiyasi xodimlarining odob-axloq qoidalari (keyingi oʻrinlarda “Oʻzdavtemiryoʻlnazorat” inspeksiyasi xodimlarining odob-axloq qoidalari deb ataladi) talablariga “Oʻzdavtemiryoʻlnazorat” inspeksiyasi xodimlari va idoraviy mansub tashkilotlar hamda hududiy filiallari xodimlarining rioya etishini taʼminlash;

“Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq, “Oʻzdavtemiryoʻlnazorat” inspeksiyasi tizimida korrupsiya va boshqa qonun buzilishlarining oldini olish choralarini koʻrish, shuningdek, huquqlar va qonun hujjatlarini takomillashtirish chora-tadbirlarini ishlab chiqish va amalga oshirish yoʻli bilan ularning sodir boʻlishi sabablari va sharoitlarini aniqlash, tahlil qilish, bartaraf etish;

“Oʻzdavtemiryoʻlnazorat” inspeksiyasi, uning tarkibiy boʻlinmalari, hududiy filiallari va idoraviy mansub tashkilotlar ishlarini tashkil qilishning zamonaviy shakllari joriy etilishini taʼminlash;

“Elektron hukumat toʻgʻrisida”gi Oʻzbekiston Respublikasi Qonunini amalga oshirish doirasida aholi va tadbirkorlik subyektlari bilan oʻzaro hamkorlikni amalga oshirishda “yagona darcha” tamoyilini joriy etish hamda zamonaviy axborot-kommunikatsiya texnologiyalaridan foydalanish yoʻli bilan davlat xizmatlari koʻrsatish samaradorligi, sifati va qulayligini oshirish;

jismoniy va yuridik shaxslarning murojaatlarini koʻrib chiqish ishlarini samarali tashkil etish, aholi bilan bevosita va ochiq muloqotni yoʻlga qoʻyish, “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonunida belgilangan muddatlarda va tartibda jismoniy shaxslarni va yuridik shaxslarning vakillarini joyiga borgan holda qabul qilish yoʻli bilan shaxsiy qabullarni tizimli amalga oshirish;

Oʻzbekiston Respublikasi Prezidentining Xalq qabulxonalari bilan oʻzaro hamkorlikni samarali tashkil etish, ularning faoliyatida “Oʻzdavtemiryoʻlnazorat” inspeksiyasi xodimlarining faol ishtirokini yoʻlga qoʻyish, Oʻzbekiston Respublikasi Prezidentining Virtual qabulxonasidan tushadigan jismoniy va yuridik shaxslar murojaatlarining oʻz vaqtida va har tomonlama koʻrib chiqilishini taʼminlash;

davlat sirlariga taalluqli va maxfiy axborotlar bilan ishlashda qonunchilik talablariga rioya etish;

“Oʻzdavtemiryoʻlnazorat” inspeksiyasining moliya-xoʻjalik faoliyatini rejalashtirish va tashkil etish;

“Oʻzdavtemiryoʻlnazorat” inspeksiyasi markaziy apparatining tarkibiy boʻlinmalari, hududiy filiallari va idoraviy mansub tashkilotlar toʻgʻrisidagi nizomlarni belgilangan tartibda tasdiqlash;

“Oʻzdavtemiryoʻlnazorat” inspeksiyasining shtat jadvalini, shuningdek, xarajatlari smetasini Oʻzbekiston Respublikasi Moliya vazirligi bilan kelishilgan holda tasdiqlash;

belgilangan umumiy shtatlar doirasida “Oʻzdavtemiryoʻlnazorat” inspeksiyasi tuzilmasiga belgilangan tartibda oʻzgartirishlar kiritish;

“Oʻzdavtemiryoʻlnazorat” inspeksiyasi tuzilmasiga kiradigan tashkilotlar, uning hududiy filiallari mansabdor shaxslari tomonidan bajarilishi majburiy boʻlgan buyruqlar va farmoyishlar chiqarish, shuningdek, ularning bajarilishini belgilangan tartibda nazorat qilish;

davlat organlarida va boshqa tashkilotlarda, shuningdek, davlat organlari, xalqaro tashkilotlar va xorijiy mamlakatlar vakillari ishtirokida oʻtkaziladigan rasmiy tadbirlarda “Oʻzdavtemiryoʻlnazorat” inspeksiyasi nomidan vakillik qilish;

qonun hujjatlariga muvofiq boshqa vakolatlarni amalga oshirish.

23. Quyidagilar “Oʻzdavtemiryoʻlnazorat” inspeksiyasi boshligʻi oʻrinbosarining asosiy funksional majburiyatlari hisoblanadi:

Oʻzbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya etish;

“Oʻzdavtemiryoʻlnazorat” inspeksiyasi boshligʻi vaqtinchalik boʻlmagan holatlarda uning vazifalarini tegishli buyruq asosida bajarish;

“Oʻzdavtemiryoʻlnazorat” inspeksiyasi tarkibiy boʻlinmalari mutasaddilik qiladigan faoliyatni muvofiqlashtirish, nazorat qilish va unga bevosita rahbarlik qilish, ularning xodimlari oʻrtasida vazifalarni taqsimlash;

“Oʻzdavtemiryoʻlnazorat” inspeksiyasi faoliyatining mutasaddilik qilinadigan yoʻnalishlari boʻyicha Oʻzbekiston Respublikasi Prezidentining hujjatlari va Vazirlar Mahkamasi qarorlari bilan tasdiqlangan “Oʻzdavtemiryoʻlnazorat” inspeksiyasi faoliyatini yanada takomillashtirish boʻyicha konsepsiyalar, kompleks dasturlar va tadbirlarning bajarilishini tanqidiy va chuqur tahlil qilish;

mutasaddilik qilinadigan tarkibiy boʻlinmalarning prognoz koʻrsatkichlarga erishishini soʻzsiz taʼminlash choralarini koʻrish, boʻlinmalar rahbarlari hisobotlarini tizimli ravishda eshitish va ularning qayd etilgan koʻrsatkichlarga erishilishi yuzasidan shaxsiy javobgarligini oshirish;

mutasaddilik qilinadigan tarkibiy boʻlinmalar rahbarlarining har choraklik rejalarini tasdiqlash, ularning bajarilishi yuzasidan nazoratni taʼminlash;

Oʻzbekiston Respublikasi Prezidenti va Vazirlar Mahkamasi hujjatlari va topshiriqlarining ijrosini, mutasaddilik qilinadigan “Oʻzdavtemiryoʻlnazorat” inspeksiyasi tarkibiy boʻlinmalarida ijro intizomini mustahkamlash boʻyicha amaliy chora-tadbirlarning amalga oshirilishini, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qaroriga hamda Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida va sifatli bajarilishi yuzasidan tarkibiy boʻlinmalar rahbarlarining shaxsiy javobgarligini oshirish choralarini koʻrish;

“Oʻzdavtemiryoʻlnazorat” inspeksiyasi qarorlarining, inspeksiya boshligʻi buyruqlari va topshiriqlarining oʻz vaqtida va sifatli bajarilishini taʼminlash;

mutasaddilik qilinadigan tarkibiy boʻlinmalarda kadrlarni tanlash va joy-joyiga qoʻyish boʻyicha “Oʻzdavtemiryoʻlnazorat” inspeksiyasi boshligʻiga takliflar taqdim etish, ularning kasbiy mahorati, layoqati, amaliy tajribasi, ishchanlik va maʼnaviy-axloqiy sifatlarining yuqori darajasi kafolatlanganligini taʼminlash, ularning kasbiy malakasini oshirish choralarini koʻrish, mutasaddilik qilinadigan tarkibiy boʻlinmalarda kadrlar zaxirasini shakllantirish;

mutasaddilik qilinadigan tarkibiy boʻlinmalarda normativ-huquqiy hujjatlar loyihalarining sifatli ishlab chiqilishini tashkil etish, “Oʻzdavtemiryoʻlnazorat” inspeksiyasining tarkibiy boʻlinmalarida tayyorlangan hujjatlar loyihalarini koʻrib chiqish va ularga viza qoʻyish, “Oʻzdavtemiryoʻlnazorat” inspeksiyasi boshligʻi tomonidan imzolash, ularning Vazirlar Mahkamasi Reglamenti hamda Oʻzbekiston Respublikasi Prezidenti Devoni Reglamenti talablariga qatʼiy muvofiq ravishda Vazirlar Mahkamasiga oʻz vaqtida kiritilishini taʼminlash, shuningdek, “Oʻzdavtemiryoʻlnazorat” inspeksiyasi boshligʻi topshirigʻi boʻyicha Vazirlar Mahkamasi apparatida normativ-huquqiy hujjatlar ishlab chiqilishida qatnashish;

“Oʻzdavtemiryoʻlnazorat” inspeksiyasiga taqdim etilgan takliflarni va normativ-huquqiy hujjatlar loyihalarini toʻliq va har tomonlama koʻrib chiqish, ularni moliyaviy, iqtisodiy, huquqiy va boshqa jihatdan puxta ekspertizadan oʻtkazish;

Oʻzbekiston Respublikasi Prezidentining “Mansabdor shaxslarning chet el mamlakatlariga chiqish tartibini takomillashtirish chora-tadbirlari toʻgʻrisida” 2014-yil 5-martdagi PQ-2142-son qaroriga hamda “Mansabdor shaxslarning chet el xizmat safarlarida boʻlishi samaradorligi va Oʻzbekiston Respublikasiga chet el delegatsiyalarining tashrifini tashkil qilish uchun shaxsiy javobgarligini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarori talablariga toʻliq muvofiq ravishda “Oʻzdavtemiryoʻlnazorat” inspeksiyasi rahbarlari va xodimlarining xizmat safarlarini oʻtkazish va tashkil etish, xizmat safarlarining asosliligi, samaradorligi va natijadorligini, ajratiladigan xizmat safarlari xarajatlari mablagʻlaridan maqsadli va oqilona foydalanilishini taʼminlash;

oʻz oʻrinbosarining hamda tarkibiy boʻlinmalar, hududiy filiallar hamda idoraviy mansub tashkilotlar faoliyati samaradorligi va natijadorligini tizimli ravishda tahlil qilish, “Oʻzdavtemiryoʻlnazorat” inspeksiyasi majlislarida ularning shaxsiy hisobotlarini eshitish, yakunlari boʻyicha zarur choralar koʻrish;

faoliyat sohasiga taalluqli masalalar boʻyicha “Oʻzdavtemiryoʻlnazorat” inspeksiyasi faoliyatini takomillashtirishga doir amaliy choralar koʻrish, qonunchilikni takomillashtirish boʻyicha takliflar ishlab chiqish va ularni “Oʻzdavtemiryoʻlnazorat” inspeksiyasi boshligʻiga kiritish;

mutasaddilik qilinadigan tarkibiy boʻlinmalar rahbarlari va xodimlarini ragʻbatlantirish va intizomiy javobgarlikka tortish, shu jumladan ularning egallab turgan lavozimida bundan keyin qolishining maqsadga muvofiqligi masalasini koʻrib chiqish, ularning oʻz funksional vazifalarini bajarish yuzasidan shaxsiy javobgarligini oshirish boʻyicha tizimli choralar koʻrish boʻyicha “Oʻzdavtemiryoʻlnazorat” inspeksiyasi boshligʻiga takliflar kiritish;

“Oʻzdavtemiryoʻlnazorat” inspeksiyasi xodimlarining odob-axloq qoidalari talablariga rioya etish, mazkur qoidalarga mutasaddilik qilinayotgan tarkibiy boʻlinmalar rahbarlari va xodimlari tomonidan rioya etilishini taʼminlash;

“Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq “Oʻzdavtemiryoʻlnazorat” inspeksiyasi tizimida korrupsiyaning va boshqa qonun buzilishlarining oldini olish chora-tadbirlarini koʻrish, shuningdek, huquqlar va qonun hujjatlarini takomillashtirish boʻyicha chora-tadbirlarni ishlab chiqish va amalga oshirish yoʻli bilan ularning sodir boʻlishi sabablari va sharoitlarini aniqlash, tahlil qilish, bartaraf etish;

“Oʻzdavtemiryoʻlnazorat” inspeksiyasi boshligʻiga davlat xizmatlari samaradorligi, sifatini va qulayligini oshirish boʻyicha takliflar kiritish;

jismoniy va yuridik shaxslarning murojaatlarini koʻrib chiqish boʻyicha ishlarni samarali tashkil etish, aholi bilan bevosita va ochiq muloqotni yoʻlga qoʻyish, “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonunida belgilangan muddatlarda va tartibda jismoniy shaxslarni va yuridik shaxslarning vakillarini joyiga borgan holda qabul qilish yoʻli bilan shaxsiy qabullarni tizimli amalga oshirish;

Oʻzbekiston Respublikasi Prezidentining Xalq qabulxonalari bilan oʻzaro hamkorlikni samarali tashkil etish, ularning faoliyatida “Oʻzdavtemiryoʻlnazorat” inspeksiyasi xodimlarining faol ishtirokini yoʻlga qoʻyish, Oʻzbekiston Respublikasi Prezidentining Virtual qabulxonasidan tushadigan jismoniy va yuridik shaxslar murojaatlarining oʻz vaqtida va har tomonlama koʻrib chiqilishini taʼminlash;

davlat sirlariga taalluqli va maxfiy axborotlar bilan ishlashda qonunchilik talablariga rioya etish.

24. Quyidagilar “Oʻzdavtemiryoʻlnazorat” inspeksiyasi markaziy apparati tarkibiy boʻlinmalari rahbarlarining asosiy funksional majburiyatlari hisoblanadi:

Oʻzbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya etish;

tarkibiy boʻlinmalar faoliyatiga bevosita rahbarlik qilish, ushbu boʻlinmaga yuklangan vazifalar va funksiyalarning bajarilishini tashkil etish;

“Oʻzdavtemiryoʻlnazorat” inspeksiyasi hududiy filiallari faoliyatini oʻz vakolatlari doirasida muvofiqlashtirish;

tarkibiy boʻlinmalar va hududiy filiallar tomonidan mazkur koʻrsatkichlarga soʻzsiz erishilishini taʼminlashga doir qoʻshimcha chora-tadbirlar koʻrish boʻyicha takliflarni “Oʻzdavtemiryoʻlnazorat” inspeksiyasi boshligʻi oʻrinbosariga kiritish, prognoz koʻrsatkichlar bajarilishini tizimli tahlil qilish;

Oʻzbekiston Respublikasi Prezidenti va Vazirlar Mahkamasi hujjatlari va topshiriqlari ijrosini tashkil etish va monitoringini olib borishning taʼsirchan tizimini yaratish, “Oʻzdavtemiryoʻlnazorat” inspeksiyasi faoliyatida ijro intizomini mustahkamlash boʻyicha kompleks amaliy chora-tadbirlarni amalga oshirish, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qaroriga hamda Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida va sifatli bajarilishi yuzasidan oʻziga qarashli tashkilotlarning, tarkibiy boʻlinmalar va hududiy filiallar rahbarlarining shaxsiy javobgarligini oshirish choralarini koʻrish;

“Oʻzdavtemiryoʻlnazorat” inspeksiyasi qarorlarining, “Oʻzdavtemiryoʻlnazorat” inspeksiyasi boshligʻi va uning oʻrinbosari buyruqlari va topshiriqlarining oʻz vaqtida va sifatli bajarilishini taʼminlash;

tarkibiy boʻlinmalar ishlarining har choraklik rejalari ishlab chiqilishini taʼminlash, ularni tasdiqlash uchun kiritish, ularda koʻrsatilgan vazifalar va tadbirlarning oʻz vaqtida va sifatli bajarilishini taʼminlash;

tarkibiy boʻlinmalarga yuklangan vazifalarning bajarilishini nazorat qilish va muvofiqlashtirish, “Oʻzdavtemiryoʻlnazorat” inspeksiyasi hududiy filiallari va idoraviy mansub tashkilotlar faoliyatiga amaliy va metodik yordam koʻrsatish;

tarkibiy boʻlinmalar faoliyati masalalari boʻyicha qonunchilikni takomillashtirishga doir takliflarni ishlab chiqish va ularni koʻrib chiqish uchun “Oʻzdavtemiryoʻlnazorat” inspeksiyasi rahbariyatiga kiritish;

tarkibiy boʻlinmalarda kadrlarni tanlash va joy-joyiga qoʻyishda “Oʻzdavtemiryoʻlnazorat” inspeksiyasi boshligʻi oʻrinbosariga takliflar kiritish, ularning kasbiy mahorati, layoqati, amaliy tajribasi, ishbilarmonlik va maʼnaviy-axloqiy sifatlarning yuqori darajadaligining kafolatliligini taʼminlash, ularning kasbiy malakasini oshirish choralarini koʻrish, tarkibiy boʻlinmalarda kadrlar zaxirasini shakllantirish;

mutasaddilik qilinadigan tarkibiy boʻlinmalarda normativ-huquqiy hujjatlar loyihalarining sifatli ishlab chiqilishini tashkil etish, “Oʻzdavtemiryoʻlnazorat” inspeksiyasining tarkibiy boʻlinmalarida tayyorlangan hujjatlar loyihalarini koʻrib chiqish va ularga viza qoʻyish, “Oʻzdavtemiryoʻlnazorat” inspeksiyasi boshligʻi tomonidan imzolash, ularning Vazirlar Mahkamasi Reglamenti hamda Oʻzbekiston Respublikasi Prezidenti Devoni Reglamenti talablariga qatʼiy muvofiq ravishda Vazirlar Mahkamasiga oʻz vaqtida kiritilishini taʼminlash, shuningdek, “Oʻzdavtemiryoʻlnazorat” inspeksiyasi boshligʻi topshirigʻi boʻyicha Vazirlar Mahkamasi apparatida normativ-huquqiy hujjatlar ishlab chiqilishida qatnashish;

“Oʻzdavtemiryoʻlnazorat” inspeksiyasiga taqdim etilgan takliflarni va normativ-huquqiy hujjatlar loyihalarini toʻliq va har tomonlama koʻrib chiqish, ularni moliyaviy, iqtisodiy, huquqiy va boshqa jihatdan puxta ekspertizadan oʻtkazish;

Oʻzbekiston Respublikasi Prezidentining “Mansabdor shaxslarning chet el mamlakatlariga chiqish tartibini takomillashtirish chora-tadbirlari toʻgʻrisida” 2014-yil 5-martdagi PQ-2142-son qaroriga hamda “Mansabdor shaxslarning chet el xizmat safarlarida boʻlishi samaradorligi va Oʻzbekiston Respublikasiga chet el delegatsiyalarining tashrifini tashkil qilish uchun shaxsiy javobgarligini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarorlari talablariga toʻliq muvofiq ravishda “Oʻzdavtemiryoʻlnazorat” inspeksiyasi rahbarlari va xodimlarining xizmat safarlarini oʻtkazish va tashkil etish, xizmat safarlarining asosliligi, samaradorligi va natijadorligini, ajratiladigan xizmat safarlari xarajatlari mablagʻlaridan maqsadli va oqilona foydalanilishini taʼminlash;

tarkibiy boʻlinmalar faoliyati samaradorligi va natijadorligini tizimli ravishda tanqidiy tahlil qilish, yigʻilishlarda ularning shaxsiy hisobotlarini eshitish, yakunlari boʻyicha zarur choralar koʻrish;

“Oʻzdavtemiryoʻlnazorat” inspeksiyasi xodimlarining odob-axloq qoidalariga rioya etish, tarkibiy boʻlinmalar xodimlari tomonidan mazkur qoidalarga rioya etilishini taʼminlash;

“Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq tarkibiy boʻlinmalarda korrupsiyaning va boshqa qoida buzilishlarining oldini olish choralarini koʻrish, shuningdek, qonunlarni qoʻllash amaliyotini takomillashtirish chora-tadbirlarini ishlab chiqish va amalga oshirish yoʻli bilan ularning sodir boʻlishi sabablari va sharoitlarini aniqlash, tahlil qilish, bartaraf etish;

davlat xizmatlari koʻrsatish samaradorligi, sifati va qulayligini oshirish boʻyicha “Oʻzdavtemiryoʻlnazorat” inspeksiyasi boshligʻiga takliflar kiritish;

“Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonunida belgilangan muddatlarda va tartibda jismoniy shaxslarni va yuridik shaxslarning vakillarini joyiga borgan holda qabul qilish yoʻli bilan shaxsiy qabullarni tizimli amalga oshirish;

Oʻzbekiston Respublikasi Prezidentining Xalq qabulxonalari bilan oʻzaro hamkorlikni samarali tashkil etish, ularning faoliyatida “Oʻzdavtemiryoʻlnazorat” inspeksiyasi xodimlarining faol ishtirokini yoʻlga qoʻyish, Oʻzbekiston Respublikasi Prezidentining Virtual qabulxonasidan tushadigan jismoniy va yuridik shaxslar murojaatlarining oʻz vaqtida va har tomonlama koʻrib chiqilishini taʼminlash;

davlat sirlariga taalluqli va maxfiy axborotlar bilan ishlashda qonunchilik talablariga rioya etish;

25. Quyidagilar “Oʻzdavtemiryoʻlnazorat” inspeksiyasi hududiy filiallari va idoraviy mansub tashkilotlar rahbarlarining asosiy funksional majburiyatlari hisoblanadi:

Oʻzbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya etish;

“Oʻzdavtemiryoʻlnazorat” inspeksiyasi hududiy filiallari va idoraviy mansub tashkilotlar faoliyatiga umumiy rahbarlikni amalga oshirish, Oʻzbekiston Respublikasi Prezidentining tegishli farmonlari va qarorlari, Vazirlar Mahkamasi qarori hamda boshqa qonun hujjatlari, shuningdek, “Oʻzdavtemiryoʻlnazorat” inspeksiyasi hujjatlari bilan ushbu boʻlinmalarga yuklangan vazifalar va funksiyalarning bajarilishini tashkil etish;

“Oʻzdavtemiryoʻlnazorat” inspeksiyasi hududiy filiallari va idoraviy mansub tashkilotlar faoliyati bilan bogʻliq boʻlgan prognoz koʻrsatkichlarga soʻzsiz erishilishini taʼminlash boʻyicha taʼsirchan choralarni ishlab chiqish;

Oʻzbekiston Respublikasi Prezidenti va Vazirlar Mahkamasi hujjatlari va topshiriqlari ijrosini tashkil etish va monitoringini olib borishning taʼsirchan tizimini yaratish, “Oʻzdavtemiryoʻlnazorat” inspeksiyasi faoliyatida ijro intizomini mustahkamlash boʻyicha kompleks amaliy chora-tadbirlarni amalga oshirish, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qaroriga hamda Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida va sifatli bajarilishi yuzasidan oʻziga qarashli tashkilotlarning, tarkibiy boʻlinmalar va hududiy filiallar rahbarlarining shaxsiy javobgarligini oshirish choralarini koʻrish;

“Oʻzdavtemiryoʻlnazorat” inspeksiyasi qarorlarining, “Oʻzdavtemiryoʻlnazorat” inspeksiyasi boshligʻi va uning oʻrinbosarlari buyruqlarining oʻz vaqtida va sifatli bajarilishini taʼminlash;

“Oʻzdavtemiryoʻlnazorat” inspeksiyasi faoliyati sohasiga kiradigan masalalar boʻyicha mahalliy ijro etuvchi hokimiyat organlari va kompleks ijtimoiy-iqtisodiy rivojlantirish shuʼbalari bilan oʻzaro hamkorlik qilish;

hududiy filiallar va idoraviy mansub tashkilotlarning mansabdor shaxslari vakolatlarini, ularning shaxsiy javobgarligi darajasini belgilash;

“Oʻzdavtemiryoʻlnazorat” inspeksiyasining hududiy filiallari va idoraviy mansub tashkilotlarda kadrlarni tanlash, ularning samarali faoliyati uchun zarur sharoitlar yaratish, kadrlar zaxirasini shakllantirish;

vakant lavozimlarga tavsiya etilgan kadrlarning kasbiy mahorati, layoqati, amaliy tajribasi, ishbilarmonlik va maʼnaviy-axloqiy sifatlarining yuqori darajasi kafolatlanganligini taʼminlash;

hududiy filiallar va idoraviy mansub tashkilotlar xodimlari tomonidan “Oʻzdavtemiryoʻlnazorat” inspeksiyasi xodimlarining odob-axloq qoidalari talablariga rioya etishini taʼminlash;

“Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq hududiy filiallar va idoraviy mansub tashkilotlarda korrupsiyaning va boshqa qonun buzilishlarining oldini olish chora-tadbirlarini koʻrish, shuningdek, huquqlarning amaliyotda qoʻllanishi va qonunchilikni takomillashtirish boʻyicha choralarni ishlab chiqish va amalga oshirish yoʻli bilan ushbu hodisalarning sodir boʻlishi sabablari va sharoitlarini aniqlash, tahlil qilish, bartaraf etish;

prognoz koʻrsatkichlarning bajarilishini tizimli tahlil qilish hamda “Oʻzdavtemiryoʻlnazorat” inspeksiyasi rahbariyatiga mazkur koʻrsatkichlarga “Oʻzdavtemiryoʻlnazorat” inspeksiyasining hududiy filiallari va idoraviy mansub tashkilotlar tomonidan soʻzsiz erishilishini taʼminlashga yoʻnaltirilgan qoʻshimcha chora-tadbirlar koʻrish yuzasidan takliflar kiritish;

“Oʻzdavtemiryoʻlnazorat” inspeksiyasining hududiy filiallari va idoraviy mansub tashkilotlar xodimlari faoliyatining samaradorligi va natijadorligini tizimli ravishda tanqidiy tahlil qilish, yigʻilishlarda ularning shaxsiy hisobotlarini eshitish, yakunlari boʻyicha zarur choralar koʻrish;

jismoniy va yuridik shaxslarning murojaatlarini koʻrib chiqish boʻyicha ishlarni samarali tashkil etish, aholi bilan bevosita va ochiq muloqotni yoʻlga qoʻyish, “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonunida belgilangan muddatlarda va tartibda jismoniy shaxslarni va yuridik shaxslarning vakillarini joyiga borgan holda qabul qilish yoʻli bilan shaxsiy qabullarni tizimli amalga oshirish;

Oʻzbekiston Respublikasi Prezidentining Xalq qabulxonalari bilan oʻzaro hamkorlikni samarali tashkil etish, ularning faoliyatida “Oʻzdavtemiryoʻlnazorat” inspeksiyasi xodimlarining faol ishtirokini yoʻlga qoʻyish, Oʻzbekiston Respublikasi Prezidentining Virtual qabulxonasidan tushadigan jismoniy va yuridik shaxslar murojaatlarining oʻz vaqtida va har tomonlama koʻrib chiqilishini taʼminlash;

“Oʻzdavtemiryoʻlnazorat” inspeksiyasining hududiy filiallari va idoraviy mansub tashkilotlar xodimlariga mukofotlar, lavozim maoshiga ustamalar, moddiy yordam toʻlash, ularni mukofotlash, ragʻbatlantirish va ularga nisbatan intizomiy choralar qoʻllash, ularni davlat va idora mukofotlari bilan taqdirlash toʻgʻrisida takliflar kiritish;

davlat sirlariga va maxfiy axborotlar jumlasiga kiritilgan axborotlar bilan ishlashda qonunchilik talablariga rioya etish.

6-bob. “Oʻzdavtemiryoʻlnazorat” inspeksiyasi rahbarlarining javobgarligi

26. “Oʻzdavtemiryoʻlnazorat” inspeksiyasi boshligʻi quyidagilar uchun masʼul:

“Oʻzdavtemiryoʻlnazorat” inspeksiyasiga yuklangan vazifalar va funksiyalarning bajarilishi;

“Oʻzdavtemiryoʻlnazorat” inspeksiyasining ushbu Nizomning 17-bandida nazarda tutilgan javobgarlik sohalari boʻyicha;

ushbu Nizomning 22-bandida koʻrsatilgan oʻz funksional majburiyatlarining sifatli bajarilishi.

27. “Oʻzdavtemiryoʻlnazorat” inspeksiyasi boshligʻining oʻrinbosari quyidagilar uchun masʼul:

“Oʻzdavtemiryoʻlnazorat” inspeksiyasining mutasaddilik qilinadigan tarkibiy boʻlinmalarida “Oʻzdavtemiryoʻlnazorat” inspeksiyasiga yuklangan vazifalar va funksiyalarning bajarilishi;

“Oʻzdavtemiryoʻlnazorat” inspeksiyasining ushbu Nizomning 17-bandida nazarda tutilgan mutasaddilik qilinadigan masalalar boʻyicha javobgarlik sohalari boʻyicha;

ushbu Nizomning 23-bandida koʻrsatilgan oʻz funksional majburiyatlarining sifatli bajarilishi.

28. Markaziy apparat tarkibiy boʻlinmalarining rahbarlari quyidagilar uchun masʼul:

tegishli tarkibiy boʻlinmalarga yuklangan vazifalar va funksiyalarning amalga oshirilishi;

“Oʻzdavtemiryoʻlnazorat” inspeksiyasi markaziy apparatining ushbu Nizomning 18-bandida nazarda tutilgan javobgarlik sohalari boʻyicha;

ushbu Nizomning 24-bandida koʻrsatilgan oʻz funksional majburiyatlarining sifatli bajarilishi.

29. “Oʻzdavtemiryoʻlnazorat” inspeksiyasi hududiy filiallari va idoraviy mansub tashkilotlar rahbarlari quyidagilar uchun javob beradi:

hududiy filiallarga va idoraviy mansub tashkilotlarga yuklangan vazifalar va funksiyalarning amalga oshirilishi;

“Oʻzdavtemiryoʻlnazorat” inspeksiyasi hududiy filiali va idoraviy mansub tashkilotlarning ushbu Nizomning 21-bandida nazarda tutilgan javobgarlik sohalari boʻyicha;

ushbu Nizomning 25-bandida koʻrsatilgan oʻz funksional majburiyatlarining sifatli bajarilishi.

7-bob. “Oʻzdavtemiryoʻlnazorat” inspeksiyasi faoliyatini tashkil etish

1-§. “Oʻzdavtemiryoʻlnazorat” inspeksiyasi rahbariyati

30. “Oʻzdavtemiryoʻlnazorat” inspeksiyasini Oʻzbekiston Respublikasi Prezidenti tomonidan lavozimga tayinlanadigan va lavozimdan ozod qilinadigan boshliq boshqaradi.

31. Boshliqning Oʻzbekiston Respublikasi Vazirlar Mahkamasi tomonidan lavozimga tayinlanadigan va lavozimdan ozod qilinadigan bir nafar oʻrinbosari boʻladi.

32. “Oʻzdavtemiryoʻlnazorat” inspeksiyasi boshligʻi moddiy taʼminot, transport va tibbiy xizmat koʻrsatish ishlari boʻyicha vazirning birinchi oʻrinbosariga, “Oʻzdavtemiryoʻlnazorat” inspeksiyasi boshligʻining oʻrinbosari — vazir oʻrinbosariga tenglashtiriladi.

33. “Oʻzdavtemiryoʻlnazorat” inspeksiyasi boshqaruvi boʻlmagan davrda uning vakolatlarini oʻrinbosari amalga oshiradi.

34. “Oʻzdavtemiryoʻlnazorat” inspeksiyasi boshligʻi hududiy filiallar va idoraviy mansub tashkilotlar rahbarlarini belgilangan tartibda lavozimga tayinlaydi va lavozimdan ozod qiladi.

35. “Oʻzdavtemiryoʻlnazorat” inspeksiyasi boshligʻi hududiy filiallari va idoraviy mansub tashkilotlarning nizomlarini, tuzilmasini va shtat jadvalini, xodimlar sonini Vazirlar Mahkamasi tomonidan tasdiqlangan xodimlar soni doirasida tasdiqlaydi.

2-§. “Oʻzdavtemiryoʻlnazorat” inspeksiyasi markaziy apparati tarkibiy boʻlinmalarining uning hududiy filiallari va idoraviy mansub tashkilotlar bilan oʻzaro hamkorlik qilish tartibi

36. “Oʻzdavtemiryoʻlnazorat” inspeksiyasi markaziy apparati tarkibiy boʻlinmalarining uning hududiy filiallari va idoraviy mansub tashkilotlar bilan oʻzaro hamkorligini taʼminlash markaziy apparat tarkibiy boʻlinmalarining rahbarlari tomonidan amalga oshiriladi.

37. “Oʻzdavtemiryoʻlnazorat” inspeksiyasi markaziy apparatining tarkibiy boʻlinmalari oʻz faoliyati yoʻnalishlari boʻyicha hududiy filiallari va idoraviy mansub tashkilotlar bilan oʻzaro hamkorlik qilgan holda:

topshiriqlarni hududiy filiallar va idoraviy mansub tashkilotlarga yetkazadilar va ularning bajarilishini nazorat qiladilar;

“Oʻzdavtemiryoʻlnazorat” inspeksiyasining hududiy filiallari va idoraviy mansub tashkilotlarga tarkibiy boʻlinmalarning bevosita faoliyati masalalari boʻyicha soʻrovlar yuboradilar va ularning bajarilishini nazorat qiladilar;

“Oʻzdavtemiryoʻlnazorat” inspeksiyasi hududiy filiallari va idoraviy mansub tashkilotlarning faoliyatini tekshiradilar, oʻrganadilar va umumlashtiradilar, ularni takomillashtirishga yoʻnaltirilgan chora-tadbirlarni ishlab chiqadilar va qabul qiladilar;

“Oʻzdavtemiryoʻlnazorat” inspeksiyasining hududiy filiali va idoraviy mansub tashkilotlarning hisobotlari va axborot materiallarini va boshqa faoliyatini tashkil etish va statistik maʼlumotlarni oʻrganishni tashkil qiladilar;

“Oʻzdavtemiryoʻlnazorat” inspeksiyasining hududiy filiallari va idoraviy mansub tashkilotlar ish rejalarini tahlil qiladilar, ularning faoliyati rejalashtirilishini takomillashtirish chora-tadbirlarini koʻradilar;

“Oʻzdavtemiryoʻlnazorat” inspeksiyasi hududiy filiallari va idoraviy mansub tashkilotlardan tushgan takliflarni koʻrib chiqadilar;

“Oʻzdavtemiryoʻlnazorat” inspeksiyasi hududiy filiallari va idoraviy mansub tashkilotlarning normativ-huquqiy hujjatlari loyihalarini tayyorlashdagi ishtirokini tashkil qiladilar, qonun hujjatlarini takomillashtirish boʻyicha ulardan tushgan takliflarni koʻrib chiqadilar.

38. “Oʻzdavtemiryoʻlnazorat” inspeksiyasining hududiy filiallari va idoraviy mansub tashkilotlar “Oʻzdavtemiryoʻlnazorat” inspeksiyasi markaziy apparatining tarkibiy boʻlinmalari bilan oʻzaro hamkorlik qiladilar, shu jumladan:

“Oʻzdavtemiryoʻlnazorat” inspeksiyasi rahbariyati topshiriqlarining ijrosi toʻgʻrisida axborot beradilar;

belgilangan faoliyat sohasida qonun hujjatlarining amalga oshirilishi boʻyicha nazorat natijalari toʻgʻrisidagi axborotlarni markaziy apparatga taqdim etadilar;

ularning faoliyatini tekshirish va oʻrganish natijasida aniqlangan ishdagi kamchiliklar va qoida buzilishlarini bartaraf etish natijalari toʻgʻrisida axborot beradilar;

“Oʻzdavtemiryoʻlnazorat” inspeksiyasi markaziy apparatiga oʻz ishlari natijalari toʻgʻrisidagi hisobotlarni belgilangan tartibda va muddatlarda taqdim etadilar;

“Oʻzdavtemiryoʻlnazorat” inspeksiyasi markaziy apparatiga oʻz mintaqasi hududlarini ijtimoiy-iqtisodiy rivojlantirish muammolarini hal etishga yoʻnaltirilgan takliflarni yuboradilar;

vakolatli organlar tomonidan oʻtkazilgan oʻz faoliyati tekshiruvlari natijalari toʻgʻrisida axborot beradilar.

39. “Oʻzdavtemiryoʻlnazorat” inspeksiyasi markaziy apparati tarkibiy boʻlinmalarining va uning hududiy filiallari va idoraviy mansub tashkilotlarning oʻzaro hamkorligi jarayonida paydo boʻladigan kelishmovchiliklar “Oʻzdavtemiryoʻlnazorat” inspeksiyasi boshligʻi topshirigʻiga binoan uning oʻrinbosari tomonidan koʻrib chiqiladi. Kelishmovchiliklar koʻrib chiqishdan keyin tartibga solinmagan taqdirda ular boʻyicha qaror bevosita “Oʻzdavtemiryoʻlnazorat” inspeksiyasi boshligʻi tomonidan qabul qilinadi.

3-§. “Oʻzdavtemiryoʻlnazorat” inspeksiyasining davlat va xoʻjalik boshqaruvi organlari, mahalliy ijro etuvchi hokimiyat organlari va boshqa tashkilotlar bilan oʻzaro hamkorligi

40. “Oʻzdavtemiryoʻlnazorat” inspeksiyasi oʻz vazifalari va funksiyalarini amalga oshirishda davlat va xoʻjalik boshqaruvi organlari, mahalliy ijro etuvchi hokimiyat organlari va boshqa tashkilotlar bilan oʻzaro hamkorlik qiladi.

41. “Oʻzdavtemiryoʻlnazorat” inspeksiyasining hududiy filiali va idoraviy mansub tashkilotlar oʻz vakolati doirasida davlat va xoʻjalik boshqaruvi organlari, mahalliy ijro etuvchi hokimiyat organlari va boshqa tashkilotlar hududiy organlari bilan hamkorlik qiladilar.

“Oʻzdavtemiryoʻlnazorat” inspeksiyasining hududiy filiali va idoraviy mansub tashkilotlar oʻz mintaqasining tegishli hududlarini ijtimoiy-iqtisodiy rivojlantirish boʻyicha “yoʻl xaritalari”ni ishlab chiqishda va amalga oshirishda kompleks ijtimoiy-iqtisodiy rivojlantirish shuʼbalari bilan yaqindan hamkorlik qiladilar.

42. “Oʻzdavtemiryoʻlnazorat” inspeksiyasi faoliyatiga Vazirlar Mahkamasining tegishli kompleksining, Vazirlar Mahkamasining axborot-tahlil departamentining rahbari mutasaddilik qiladi.

8-bob. “Oʻzdavtemiryoʻlnazorat” inspeksiyasi faoliyatining samadorligi va natijadorligini baholash mezonlari va ish indikatorlari

43. “Oʻzdavtemiryoʻlnazorat” inspeksiyasining faoliyati va samardorligi muntazam ravishda baholab boriladi.

44. “Oʻzdavtemiryoʻlnazorat” inspeksiyasining samaradorligi va natijadorligi bahosi Vazirlar Mahkamasining mutasaddilik qiladigan kompleksi rahbari tomonidan tasdiqlanadigan “Oʻzdavtemiryoʻlnazorat” inspeksiyasi faoliyati samaradorligi va natijadorligining bahosiga va ish indikatorlariga asoslanadi.

45. “Oʻzdavtemiryoʻlnazorat” inspeksiyasi faoliyatining samaradorligi va natijadorligini baholash yakunlari boʻyicha quyidagi choralar qabul qilinadi:

“Oʻzdavtemiryoʻlnazorat” inspeksiyasi rahbarlari va xodimlarini ragʻbatlantirish (mukofotlash) yoki ularga nisbatan intizomiy javobgarlik choralari koʻrish;

“Oʻzdavtemiryoʻlnazorat” inspeksiyasi faoliyatidagi aniqlangan kamchiliklarni bartaraf etish va uning faoliyatini yanada takomillashtirish.

46. “Oʻzdavtemiryoʻlnazorat” inspeksiyasi faoliyatining samaradorligi va natijadorligini baholash tartibi va metodikasi qonunchilik bilan belgilanadi.

9-bob. “Oʻzdavtemiryoʻlnazorat” inspeksiyasini moliyalashtirish va moddiy-texnik taʼminlash, uning xodimlari mehnatiga haq toʻlash va ularni moddiy ragʻbatlantirish

47. “Oʻzdavtemiryoʻlnazorat” inspeksiyasi, uning hududiy filiallari va idoraviy mansub tashkilotlar xodimlariga qonun hujjatlariga muvofiq Oʻzbekiston Respublikasi temir yoʻl transportida belgilangan mehnatga haq toʻlash sharoitlari va imtiyozlar tizimi tatbiq etiladi.

48. “Oʻzdavtemiryoʻlnazorat” inspeksiyasini moliyalashtirish va moddiy-texnik taʼminlash Oʻzbekiston Respublikasi Davlat budjeti mablagʻlari, shuningdek, temir yoʻl transportida yoʻlovchilar va yuklarni tashish boʻyicha faoliyatni amalga oshirish huquqiga litsenziyalar berish toʻgʻrisidagi arizalarni koʻrib chiqqanlik uchun undiriladigan yigʻimlar boʻyicha tushumlar va qonun hujjatlarida taqiqlanmagan boshqa manbalar hisobiga amalga oshiriladi.

49. “Oʻzdavtemiryoʻlnazorat” inspeksiyasi xodimlarining ish haqi lavozim maoshi, mukofotlar, moddiy yordam, qoʻshimchalar, ustamalar va qonun hujjatlarida nazarda tutilgan boshqa ragʻbatlantirish toʻlovlaridan iborat boʻladi.

“Oʻzdavtemiryoʻlnazorat” inspeksiyasi xodimlarining lavozim maoshlariga har oylik ustamalar va ragʻbatlantiruvchi qoʻshimchalar “Oʻzdavtemiryoʻlnazorat” inspeksiyasi boshligʻi tomonidan tasdiqlanadigan nizomlarga muvofiq toʻlanadi.

50. “Oʻzdavtemiryoʻlnazorat” inspeksiyasi xodimlariga ish haqi toʻlash va moddiy ragʻbatlantirishni amalga oshirish manbalari mehnatga haq toʻlash fondi, “Oʻzdavtemiryoʻlnazorat” inspeksiyasi xodimlarini moddiy ragʻbatlantirishning maxsus fondi, “Oʻzdavtemiryoʻlnazorat” inspeksiyasini rivojlantirish fondi hamda qonun hujjatlarida taqiqlanmagan boshqa mablagʻlardan iborat boʻladi.

10-bob. “Oʻzdavtemiryoʻlnazorat” inspeksiyasining Vazirlar Mahkamasi va Oʻzbekiston Respublikasi Prezidenti oldidagi hisobotlari

51. “Oʻzdavtemiryoʻlnazorat” inspeksiyasi boshligʻi “Oʻzdavtemiryoʻlnazorat” inspeksiyasining faoliyati toʻgʻrisida Vazirlar Mahkamasi va Oʻzbekiston Respublikasi Prezidentiga muntazam ravishda hisobot beradi.

52. Vazirlar Mahkamasining mutasaddilik qiluvchi kompleksi rahbari “Oʻzdavtemiryoʻlnazorat” inspeksiyasi boshligʻining va uning oʻrinbosarining oʻzlariga yuklangan vazifalarini samarali bajarish boʻyicha faoliyati yuzasidan doimiy monitoringni amalga oshiradi, “Oʻzdavtemiryoʻlnazorat” inspeksiyasi faoliyati samaradorligini xolisona baholaydi.

53. Monitoring va baholash yakunlari boʻyicha “Oʻzdavtemiryoʻlnazorat” inspeksiyasining alohida namuna koʻrsatgan rahbarlari, mansabdor shaxslari va xodimlari ragʻbatlantiriladi yoxud yoʻl qoʻyilgan jiddiy kamchiliklari uchun ular egallab turgan lavozimdan ozod qilishgacha boʻlgan darajada javobgarlikka tortiladilar.

11-bob. Yakunlovchi qoida

54. “Oʻzdavtemiryoʻlnazorat” inspeksiyasini qayta tashkil etish va tugatish qonun hujjatlarida belgilangan tartibda amalga oshiriladi.

Vazirlar Mahkamasining 2017yil 28-noyabrdagi 948-son qaroriga 2-ILOVA

Oʻzining temir yoʻllariga ega boʻlgan yuridik shaxslarning temiryoʻl transporti xodimlari malakasini oshirish va ularni qayta tayyorlash Markazi

TUZILMASI

Boshqaruv xodimlari cheklangan umumiy soni — 11 shtat birligi.

Xizmat koʻrsatuvchi va texnik xodimlar soni oʻrnatilgan meʼyorlarga muvofiq belgilanadi.

Professor-oʻqituvchilar soni oʻquv rejalari hamda oʻquv yili uchun korxona va tashkilotlarning talabnomalari asosida ishlab chiqilgan oʻquv-grafigi asosida belgilanadi.

Vazirlar Mahkamasining 2017-yil 28-noyabrdagi 948-son qaroriga 3-ILOVA

“Temir yoʻl mahsulotlarini sertifikatlashtirish markazi” Davlat unitar korxonasi

TUZILMASI

Boshqaruv xodimlari cheklangan umumiy soni — 18 shtat birligi.

*Xizmat koʻrsatuvchi va texnik xodimlar soni oʻrnatilgan meʼyorlarga muvofiq belgilanadi.

Vazirlar Mahkamasining 2017-yil 28-noyabrdagi 948-son qaroriga 4-ILOVA

“Putur yetkazmasdan nazorat qilish laboratoriyasi” Davlat unitar korxonasi

TUZILMASI

Boshqaruv xodimlari cheklangan umumiy soni — 7 shtat birligi.

Xizmat koʻrsatuvchi va texnik xodimlar soni oʻrnatilgan meʼyorlarga muvofiq belgilanadi.

Vazirlar Mahkamasining 2017-yil 28-noyabrdagi 948-son qaroriga 5-ILOVA

Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan baʼzi qarorlari

ROʻYXATI

1. Vazirlar Mahkamasining “Oʻzbekiston Respublikasi Temir yoʻllarda yuk va yoʻlovchilar tashish xavfsizligini nazorat qilish davlat inspeksiyasi faoliyatini takomillashtirish chora-tadbirlari toʻgʻrisida” 2004-yil 2-martdagi 101-sonli qarori (Oʻzbekiston Respublikasi QT, 2004-y., 3-son, 21-modda).

2. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida” 2005-yil 22-yanvardagi 28-son qaroriga ilovaning 8-bandi (Oʻzbekiston Respublikasi QT, 2005-y., 1-son, 3-modda).

3. Vazirlar Mahkamasining “Oʻzbekiston Respublikasi Hukumatining vazirliklar, davlat qoʻmitalari va idoralar toʻgʻrisidagi nizomlarni tasdiqlash boʻyicha ayrim qarorlariga oʻzgartirish va qoʻshimchalar kiritish haqida” 2010-yil 5-iyundagi 108-son qaroriga (Oʻzbekiston Respublikasi QT, 2010-y., 6-son, 27-modda) ilovaning 33-bandi.

4. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Statistik, soliq va moliyaviy hisobotlarni, litsenziyalanadigan faoliyat turlarini va ruxsat berish tartib-taomillarini tubdan qisqartirish chora-tadbirlari toʻgʻrisida” 2012-yil 16-iyuldagi PF-4453-son Farmoni) 2012-yil 1-noyabrdagi 313-son qaroriga (Oʻzbekiston Respublikasi QT, 2012-y., 11-son, 79-modda)1-ilovaning 58-bandi.

5. Vazirlar Mahkamasining “Tashuvchining fuqarolik javobgarligini majburiy sugʻurta qilish toʻgʻrisida”gi Oʻzbekiston Respublikasi Qonunini amalga oshirish chora-tadbirlari haqida” 2015-yil 15-sentabrdagi 266-son qaroriga (Oʻzbekiston Respublikasi QT, 2015-y., 9-son, 82-modda) 2-ilovaning 3-bandi.