10-modda. Palataning ustavi

Har bir palataning oʻz ustavi boʻladi.

Tuman (shahar) palatasining ustavi palata aʼzolarining yigʻilishida tasdiqlanadi.

Hududiy palataning ustavi tuman (shahar) palatalari vakillarining konferensiyasida tasdiqlanadi.

Oʻzbekiston Tovar ishlab chiqaruvchilar va tadbirkorlar palatasining ustavi hududiy palatalar vakillarining qurultoyida tasdiqlanadi.

Ustavda quyidagi maʼlumotlar boʻlishi lozim:

palataning nomi va manzili;

palataning maqsadlari va vazifalari;

palata aʼzoligiga qabul qilish va undan chiqish shartlari, tartibi;

palata aʼzolarining huquqlari va majburiyatlari;

palata rahbar organlarining vakolati va ularni tashkil etish tartibi, ularning vakolat muddati, ularning qarorlarni qabul qilish tartibi;

palata mol-mulki va mablagʻlarini shakllantirish manbalari hamda bu mol-mulk va mablagʻlardan foydalanish tartibi;

palata ustaviga oʻzgartishlar va qoʻshimchalar kiritish tartibi;

palata faoliyatini toʻxtatish tartibi.

Palataning ustavida qonun hujjatlariga zid boʻlmagan boshqa qoidalar ham nazarda tutilishi mumkin.

Tuman (shahar), hududiy palataning ustavi tovar ishlab chiqaruvchilar va tadbirkorlar palatasining tipovoy ustavi asosida ishlab chiqiladi.