Oʻzbekiston Respublikasi Prezidentining ayrim hujjatlariga oʻzgartish va qoʻshimchalar kiritish toʻgʻrisida (PQ-3361-son)
30.10.2017
Oʻzbekiston Respublikasi Prezidentining
Qarori
[Koʻchirma]
Oʻzbekiston Respublikasi Prezidentining ““Shoʻrtan GKKning tozalangan metan negizida suyuq sintetik yoqilgʻi ishlab chiqarish” investitsiya loyihasini amalga oshirishga oid qoʻshimcha chora-tadbirlar toʻgʻrisida” 2016-yil 29-dekabrdagi PQ-2706-sonli qaroriga muvofiq:
1. Oʻzbekiston Respublikasi Prezidentining ayrim hujjatlariga ilovaga muvofiq oʻzgartish va qoʻshimchalar kiritilsin.
4. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari Gʻ.I. Ibragimov va “Oʻzbekneftgaz” AJ boshqaruvi raisi A.S. Sultonov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 30-oktabr,
PQ-3361-son
Oʻzbekiston Respublikasi Prezidentining 2017-yil 30-oktabrdagi PK-3361-sonli qaroriga ILOVA
Oʻzbekiston Respublikasi Prezidentining ayrim hujjatlariga kiritiladigan oʻzgartish va qoʻshimchalar
1. Oʻzbekiston Respublikasi Prezidentining ““Shoʻrtan GKKning tozalangan metan negizida suyuq sintetik yoqilgʻi ishlab chiqarish” loyihasini amalga oshirish chora-tadbirlari toʻgʻrisida” 2009-yil 15-oktabrdagi PQ-1206-sonli qarorida:
a) 10-bandidagi “Oʻzbekneftgaz” MXK” soʻzlari “Oʻzbekneftgaz” AJ” soʻzlari bilan almashtirilsin;
b) 13-bandidagi “Oʻzbekneftgaz” MXK” hamda “qoʻshma korxonasiga” soʻzlari tegishli ravishda “Oʻzbekneftgaz” AJ” va “Uzbekistan GTL” MChJ” soʻzlariga almashtirilsin;
v) 14-bandidagi “Oʻzbekiston aloqa va axborotlashtirish” hamda “qoʻshma korxonasiga” soʻzlari tegishli ravishda “Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi” va “Uzbekistan GTL” MChJ” soʻzlariga almashtirilsin;
g) 15-bandi kuyidagi tahrirda bayon etilsin:
“15. Quyidagilar:
qurilish, ishlab chiqarishni tayyorlash va oʻzlashtirish davrida “Uzbekistan GTL” MChJ va uning pudratchi hamda subpudratchilari tomonidan keltiriladigan, shu jumladan “Oʻzbekneftgaz” AJ tomonidan tasdiqlanadigan “Uzbekistan GTL” MChJ talabnomalariga muvofiq “vaqtinchalik olib kelish” bojxona rejimidagi tovarlar, shu jumladan, uskunalar, avtotransport vositalari, maxsus transport, katalizatorlar, ishlab chiqarish kimyoviy mahsulotlari, materiallar, ehtiyot qismlar, xomashyo, texnik resurslar bojxona toʻlovlaridan (bojxona rasmiylashtiruvi yigʻimlari bundan mustasno);
loyihani amalga oshirish davrida “Uzbekistan GTL” MChJga ishlar va xizmatlar koʻrsatadigan xorijiy kompaniyalar daromadlari, shuningdek, loyiha doirasida xorijiy banklar va moliya institutlarining daromadlari, Oʻzbekiston Respublikasi norezidentlari va toʻlov manbaidan undiriladigan yuridik shaxslarning foyda soligʻidan;
“Uzbekistan GTL” MChJning xorijiy xodimlari mazkur loyihani amalga oshirish doirasida olinadigan jismoniy shaxslar daromadlari soligʻidan ozod etilsin”;
d) 16-bandidagi “qoʻshma korxonasiga” hamda “Oʻzbekneftgaz” MXK” soʻzlari tegishli ravishda “Uzbekistan GTL” MChJ” va “Oʻzbekneftgaz” AJ” soʻzlariga almashtirilsin;
e) 17-bandidagi “qoʻshma korxonasiga” hamda “Oʻzbekneftgaz” MXK” soʻzlari tegishli ravishda “Uzbekistan GTL” MChJ” va “Oʻzbekneftgaz” AJ” soʻzlariga almashtirilsin;
j) 18-bandi kuyidagi tahrirda bayon etilsin:
“18. Oʻzbekiston Respublikasi Bandlik va mehnat munosabatlari vazirligi “Uzbekistan GTL” MChJning “Oʻzbekneftgaz” AJ tomonidan tasdiqlanadigan buyurtmanomalariga koʻra, mazkur loyihani amalga oshirishda ishtirok etadigan yuqori malakali xorijiy mutaxassislarni (Oʻzbekiston Respublikasi fuqarolari orasida bunday mutaxassislar boʻlmagan taqdirda) Oʻzbekiston Respublikasiga jalb etishga ruxsatnomalar berilishi (muddati uzaytirilishini), shuningdek, mazkur xorijiy fuqarolarga Oʻzbekiston Respublikasi hududida mehnat faoliyatini amalga oshirish huquqiga tasdiqnomalar berilishini (muddati uzaytirilishini) taʼminlasin”.
2. Oʻzbekiston Respublikasi Prezidentining ““Shoʻrtan GKKning tozalangan metan negizida suyuq sintetik yoqilgʻi ishlab chiqarish” loyihasini amalga oshirishni davom ettirish chora-tadbirlari toʻgʻrisida” 2011yil 19-sentabrdagi PQ-1618-sonli qarorining 10-bandi oʻz kuchini yoʻqotgan deb hisoblansin.
3. Oʻzbekiston Respublikasi Prezidentining ““Shoʻrtan GKKning tozalangan metan negizida suyuq sintetik yoqilgʻi ishlab chiqarish” investitsiya loyihasini amalga oshirishning qoʻshimcha chora-tadbirlari toʻgʻrisida” 2016-yil 29-dekabrdagi PQ-2706-sonli qarorida:
a) 3-bandining “a” kichik bandi quyidagi tahrirda bayon etilsin:
“a) Oʻzbekiston Respublikasining davlat kafolati bilan “Oʻzbekneftgaz” AJ va “Uzbekistan GTL” MChJ tomonidan jalb qilinadigan 2 400 mln. AQSh dollari miqdoridagi xorijiy banklar, eksport-kredit agentliklari va boshqa moliya institutlari kreditlari”;
b) 6-bandi quyidagi tahrirda bayon etilsin:
“6. Oʻzbekiston Respublikasi moliya vaziri investitsiya loyihasi doirasida jalb etilayotgan xorijiy kreditlar boʻyicha xorijiy banklar, eksport-kredit agentliklari va boshqa moliya institutlari oldida “Oʻzbekneftgaz” AJ va “Uzbekistan GTL” MChJ majburiyatlari yuzasidan hamda “Asaka” ATB oldida Oʻzbekiston Respublikasi Tiklanish va taraqqiyot jamgʻarmasining qayta moliyalashtiriladigan krediti boʻyicha belgilangan tartibda Oʻzbekiston Respublikasining davlat kafolatlarini berishga vakil qilinsin”;
v) 9-bandida:
uchinchi xatboshidagi “Oʻzbekneftgaz” MXK” soʻzlari “Oʻzbekneftgaz” AJ” soʻzlari bilan almashtirilsin;
mazmuni quyidagicha toʻrtinchi va beshinchi xatboshilar bilan toʻldirilsin:
“Uzbekistan GTL” MChJ xaridlar, loyihalashtirish, muhandislik ishlari, qurilish, foydalanish, texnik xizmat koʻrsatish, sogʻliqni saqlash, xavfsizlik texnikasi va atrof muhitni muhofaza qilish boʻyicha xalqaro normalar va standartlarni koʻllashga haqli;
“Sasol Synfuels International Netherlands Cooperatief U.A.” va “Petronas International Corporation Ltd.” kompaniyalari ulush bilan qatnashish oldi-sotdi shartnomalari doirasida “Uzbekistan GTL” MChJning ustav jamgʻarmasidagi ishtiroki ulushi “Oʻzbekneftgaz” AJ foydasiga topshirilishi munosabati bilan olingan daromadlar boʻyicha toʻlov manbaidan undiriladigan yuridik shaxslarning foyda soligʻini toʻlashdan ozod qilinadi”;
g) quyidagicha mazmundagi 101-bandi bilan toʻldirilsin:
“101. “Oʻzbekneftgaz” AJ boshqaruvi raisi A.S. Sultonov va “Uzbekistan GTL” MChJ bosh direktori F.R. Abdurasulov zimmasiga investitsiya loyihasining oʻz vaqtida va sifatli amalga oshirilishi yuzasidan shaxsiy javobgarlik yuklatilsin”.