Hukumatlararo bitimlarni tasdiqlash toʻgʻrisida (293-son)

09.07.2001

Oʻzbekiston Respublikasi Vazirlar Mahkamasining

qarori

“Oʻzbekiston Respublikasining xalqaro shartnomalari toʻgʻrisida”gi Qonunining 20-moddasiga binoan Vazirlar Mahkamasi qaror qiladi:

1. Tasdiqlansin:

Oʻzbekiston Respublikasi bilan Ispaniya Qirolligi oʻrtasida Madrid shahrida 2001-yil 20-martda imzolangan madaniyat va taʼlim sohasida hamkorlik toʻgʻrisidagi Bitim;

Oʻzbekiston Respublikasi Hukumati bilan Germaniya Federativ Respublikasi Hukumati oʻrtasida 2001-yil 3-aprel kuni Berlin shahrida imzolangan Texnik hamkorlik toʻgʻrisidagi Bitim;

2001-yil 4-mayda Moskva shahrida imzolangan 1992-yil 13-noyabrdagi Oʻzbekiston Respublikasi bilan Rossiya Federatsiyasi oʻrtasidagi savdo munosabatlari toʻgʻrisida bitimga 1993-yil 13-yanvarda imzolangan erkin Savdo rejimidan istisnolar toʻgʻrisidagi bayonnomaga oʻzgartish va qoʻshimchalar kiritish toʻgʻrisida Bayonnoma;

Oʻzbekiston Respublikasi Hukumati bilan Chexiya Respublikasi Hukumati oʻrtasida savdo-iqtisodiy va ilmiy-texnikaviy hamkorlik toʻgʻrisida 1993-yil 10-sentabrdagi Bitimga oʻzgartish va qoʻshimchalar kiritish toʻgʻrisida 2001-yil 17-mayda Toshkent shahrida imzolangan 1-sonli Bayonnoma;

Oʻzbekiston Respublikasi Hukumati bilan Gretsiya Respublikasi Hukumati oʻrtasida ularning bojxona maʼmuriyatlari orasida oʻzaro koʻmaklashish toʻgʻrisida 2001-yil 29-mayda Toshkent shahrida imzolangan Bitim;

Oʻzbekiston Respublikasi Hukumati bilan Shvetsiya Qirolligi Hukumati oʻrtasida investitsiyalarni ragʻbatlantirish va oʻzaro himoya qilish toʻgʻrisida 2001-yil 29-mayda Toshkent shahrida imzolangan Bitim;

Oʻzbekiston Respublikasi Hukumati bilan Misr Arab Respublikasi Hukumati oʻrtasida 2001-yil 19-iyunda Toshkent shahrida imzolangan Savdo toʻgʻrisidagi Bitim;

Oʻzbekiston Respublikasi Hukumati bilan Misr Arab Respublikasi Hukumati oʻrtasida bojxona ishlarida hamkorlik va oʻzaro koʻmaklashish toʻgʻrisida 2001-yil 19-iyunda Toshkent shahrida imzolangan Bitim.

2. Oʻzbekiston Respublikasi Bosh vazirining oʻrinbosarlari R.S. Azimov, X.S. Karomatov va Tashqi ishlar vaziri A.X. Kamilov Oʻzbekiston Respublikasining koʻrsatib oʻtilgan bitimlarda nazarda tutilgan majburiyatlari oʻz vaqtida bajarilishini nazorat qilishni taʼminlasinlar.

Vazirlar Mahkamasining Raisi I. KARIMOV

Toshkent sh.,

2001-yil 9-iyul,

293-son