Iqtisodiyot va soliq sohasidagi jinoyatlarga qarshi kurashishni kuchaytirish chora-tadbirlari toʻgʻrisida (291-son)

06.07.2001

Oʻzbekiston Respublikasi Vazirlar Mahkamasining

qarori

[Koʻchirma]

Prokuratura, ichki ishlar, Davlat soliq qoʻmitasi organlari, boshqa huquqni muhofaza qilish organlari tomonidan iqtisodiyot va soliq sohasidagi jinoyatlarga qarshi kurashish, soliqlar va toʻlovlarning Oʻzbekiston Respublikasi Davlat budjetiga toʻliq tushishini taʼminlash, iqtisodiyot sohasidagi jinoyatlar va soliqqa oid qonunlar buzilishining oldini olish chora-tadbirlari amalga oshirilmoqda.

Davlat soliq qoʻmitasi huzuridagi Soliq sohasidagi qonun buzilishlariga qarshi tezkor kurashish bosh boshqarmasi xodimlari tomonidan koʻrilayotgan tezkor chora-tadbirlar natijasida soliqlar va majburiy toʻlovlarni toʻlashdan bosh tortish, aksiz soligʻiga tortiladigan tovarlarni noqonuniy ishlab chiqarish va sotish hamda boshqa iqtisodiy jinoyatlar bilan bogʻliq holatlar muntazam ravishda aniqlanmoqda.

Shu bilan birga, Davlat soliq qoʻmitasi huzuridagi tezkor bosh boshqarma faoliyati ushbu xizmat oldiga qoʻyilgan talablarga toʻliq javob bermaydi:

ishda batartiblik va izchillik yoʻq, saʼy-harakatlarning mayda buzilishlar va jinoyatlarga qarshi kurashga tarqoq holda yoʻnaltirilishiga yoʻl qoʻyilmoqda, korrupsiya, iqtisodiy va soliqqa oid jinoyatlarni keltirib chiqaruvchi muhim sabablarni topish va cheklash mahorati yetishmayapti;

bevosita soliq xizmatlari, tergov organlari, tezkor-qidiruv boʻlinmalari xatti-harakatlarida lozim darajali va zarur aloqa, uygʻunlik yoʻq, natijada qonun normalarining yoʻl qoʻyilgan buzilishlari uchun jazo muqarrarligi prinsipining bajarilishiga erishilmayapti;

kadrlarni tanlash, tayyorlash, qayta tayyorlash va almashtirib turishning amaldagi tizimi jiddiy yaxshilashni talab qiladi.

Iqtisodiyot va soliqqa oid jinoyatlarga qarshi kurashish samaradorligini oshirish, davlat, yuridik va jismoniy shaxslarning iqtisodiy manfaatlarini himoya qilish maqsadida Vazirlar Mahkamasi qaror qiladi:

1. Oʻzbekiston Respublikasi Davlat soliq qoʻmitasi huzuridagi Soliq sohasidagi qonun buzilishlariga qarshi tezkor kurashish bosh boshqarmasi bazasida va uning mavjud shtatdagi xodimlari doirasida Oʻzbekiston Respublikasi Bosh prokuraturasi huzuridagi soliq, valyutaga oid jinoyatlarga va jinoiy faoliyatdan olingan daromadlarni legallashtirishga qarshi kurashish departamenti (keyingi oʻrinlarda “Departament” deb ataladi) va uning joylardagi boʻlinmalari tashkil etilsin.

Oʻzbekiston Respublikasi Davlat soliq qoʻmitasi tuzilmasidagi Soliq sohasidagi qonun buzilishlariga qarshi tezkor kurashish bosh boshqarmasi va uning hududiy boʻlinmalari tugatilsin, boʻshaydigan 1172 nafar shtat yangi tashkil etilayotgan Departament tarkibiga berilsin.

7. Quyidagilar:

Departament xodimlarining darajali maxsus unvonlari, shuningdek egallab turilgan lavozimlar boʻyicha darajali maxsus unvonlari 4 va 4a-ilovalarga muvofiq;

Oʻzbekiston Respublikasi Bosh prokuraturasi huzuridagi soliq, valyutaga oid jinoyatlarga va jinoiy faoliyatdan olingan daromadlarni legallashtirishga qarshi kurashish departamentida xizmatni oʻtash toʻgʻrisidagi Nizom 6-ilovaga muvofiq tasdiqlansin.

8. Iqtisodiyot va soliq sohasidagi jinoyatlar boʻyicha jinoiy ishlarning oʻz vaqtida va sifatli koʻrib chiqilishini taʼminlash maqsadida:

Oʻzbekiston Respublikasi Bosh prokuraturasining Iqtisodiy jinoyat va korrupsiyaga qarshi kurashish bosh boshqarmasi, shuningdek Tashqi iqtisodiy faoliyatdagi korrupsiya, oʻgʻirliklar va boshqa suiisteʼmollarga qarshi kurashish boshqarmasi bazasida Oʻzbekiston Respublikasi Bosh prokuraturasining Iqtisodiy jinoyat va korrupsiyaga qarshi kurashish boshqarmasi;

hududiy va ularga tenglashtirilgan prokuratura organlarining iqtisodiy jinoyat va korrupsiyaga qarshi kurashish boʻlimlari, shuningdek tashqi iqtisodiy faoliyatdagi korrupsiya, oʻgʻirliklar va boshqa suiisteʼmollarga qarshi kurashish boʻlimlari bazasida hududiy va ularga tenglashtirilgan prokuratura organlarining iqtisodiy jinoyat va korrupsiyaga qarshi kurashish boʻlimlari tashkil etilsin.

Belgilab qoʻyilsinki, Oʻzbekiston Respublikasi Bosh prokuraturasining Iqtisodiy jinoyatlar va korrupsiyaga qarshi kurashish boshqarmasi hamda prokuratura hududiy organlarining tegishli boʻlimlariga ham Departament, ham boshqa idoralar, huquqni muhofaza qilish organlari va Prokuraturaning oʻzi tomonidan qoʻzgʻatilgan iqtisodiy hamda soliqqa oid jinoyatlar boʻyicha jinoiy ishlarni koʻrib chiqish vazifasi yuklanadi.

Iqtisodiy jinoyatlar va korrupsiyaga qarshi kurashish boshqarmasining shtatdagi xodimlarining cheklangan soni 11 kishi, hududiy hamda ularga tenglashtirilgan prokuratura organlari iqtisodiy jinoyatlar va korrupsiyaga qarshi kurashish boʻlimlari boʻyicha 4—6 kishi (Toshkent shahar prokuraturasida 7 kishigacha) etib belgilansin.

Belgilab qoʻyilsinki, Oʻzbekiston Respublikasi Bosh prokuraturasining Iqtisodiy jinoyatlar va korrupsiyaga qarshi kurashish bosh boshqarmasini, shuningdek Tashqi iqtisodiy faoliyatda korrupsiya, oʻgʻirliklar va boshqa suiisteʼmollarga qarshi kurashish boshqarmasini qayta tashkil etish natijasida boʻshab qoladigan 18 kishidan iborat shtatdagi xodimlar soni prokuratura hududiy organlarining tergov boʻlinmalarini mustahkamlashga yoʻnaltiriladi.

9. Oʻzbekiston Respublikasi Bosh prokuraturasi (R. Qodirov), Moliya vazirligi (M. Nurmurodov) soliqqa oid jinoyatlarga qarshi kurashish boʻlinmalari taʼminoti xarajatlari smetasiga tegishli oʻzgartirishlar kiritsinlar.

10. Oʻzbekiston Respublikasi Bosh prokuraturasi (R. Qodirov) Makroiqtisodiyot va statistika vazirligi (R. Azimov), Moliya vazirligi (M. Nurmurodov) va Davlat soliq qoʻmitasi (B. Xoʻjayev) bilan birgalikda Departamentni va uning hududiy boʻlinmalarini transport, maxsus texnika va boshqa moddiy-texnika vositalari bilan taʼminlasin.

11. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bir oy muddatda Departamentni hamda uning joylardagi boʻlinmalarini zarur binolar va xonalar bilan taʼminlash chora-tadbirlarini koʻrsinlar.

12. Makroiqtisodiyot va statistika vazirligi (R. Azimov) va Moliya vazirligi (M. Nurmurodov) Oʻzbekiston Respublikasi Bosh prokuraturasining asoslangan hisob-kitoblariga binoan ushbu qarorda nazarda tutilgan tadbirlarni amalga oshirish uchun zarur mablagʻlar ajratsinlar.

13. Davlat soliq qoʻmitasi soliq sohasidagi qonun buzilishlariga qarshi tezkor kurashish bosh boshqarmasiga va uning hududiy boʻlinmalariga tegishli boʻlgan bino, avtotransport, tashkiliy texnika, mebel va boshqa moddiy-texnika vositalarini Departament balansiga bersin.

14. Oʻzbekiston Respublikasi Bosh prokuraturasi (R. Qodirov) ikki oy muddatda:

Oʻzbekiston Respublikasi prokuratura organlari boʻlinmalarining tashkiliy-shtat tuzilmasini ushbu qarorga muvofiqlashtirsin;

Departament rahbariyati bilan birgalikda uning apparatini va joylardagi boʻlinmalarini yuqori malakali kadrlar bilan taʼminlasin;

Adliya vazirligi (A. Polvon-zoda) bilan birgalikda amaldagi qonun hujjatlariga ushbu qarordan kelib chiqadigan tegishli oʻzgartirish va qoʻshimchalar kiritish toʻgʻrisida takliflar tayyorlasin;

Oliy va oʻrta maxsus taʼlim vazirligi (S. Gʻulomov) va Davlat soliq qoʻmitasi (B. Xoʻjayev) bilan birgalikda 2002/2003 oʻquv yilida Oʻzbekiston Respublikasi Davlat soliq qoʻmitasi huzuridagi soliq va bojxona organlari akademiyasining “Soliqlar va soliqqa tortish” fakultetiga Soliq va valyutaga oid jinoyatlarga qarshi kurashish departamenti uchun tinglovchilar qabul qilish boʻyicha takliflar kiritsin;

Ichki ishlar vazirligi (Z. Almatov) bilan birgalikda Oʻzbekiston Respublikasi Ichki ishlar vazirligi Akademiyasi bazasida Soliq va valyutaga oid jinoyatlarga qarshi kurashish departamenti boʻlinmalari xodimlarini qayta tayyorlashni taʼminlasin.

15. Hukumatning 7-ilovaga muvofiq ayrim qarorlariga oʻzgartirish va qoʻshimchalar kiritilsin.

16. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ. Sultonov va Oʻzbekiston Respublikasi Prezidentining Davlat maslahatchisi T. Xudoybergenov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

2001-yil 6-iyul,

291-son

Vazirlar Mahkamasining 2001-yil 6-iyuldagi 291-son qaroriga 4-ILOVA

Oʻzbekiston Respublikasi Bosh prokuraturasi huzuridagi soliq, valyutaga oid jinoyatlarga va jinoiy faoliyatdan olingan daromadlarni legallashtirishga qarshi kurashish departamenti hamda uning hududiy boʻlinmalari xodimlarining darajali maxsus unvonlari

I. Oliy darajali maxsus unvonlar

2-darajali Davlat adliya maslahatchisi

3-darajali Davlat adliya maslahatchisi

II. Yuqori darajali maxsus unvonlar

Adliya katta maslahatchisi

Adliya maslahatchisi

Adliya kichik maslahatchisi

III. Quyi darajali maxsus unvonlar

1-darajali yurist

2-darajali yurist

3-darajali yurist

Vazirlar Mahkamasining 2001-yil 6-iyuldagi 291-son qaroriga 4a-ILOVA

Oʻzbekiston Respublikasi Prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti va uning hududiy boʻlinmalari xodimlarining darajali

UNVONLARI

(4a-ilovaning matni Oʻzbekiston Respublikasi Vazirlar Mahkamasining 2013-yil 5-dekabrdagi 318-sonli qarori tahririda — OʻR QHT, 2013-y., 50-son, 647-modda)

Vazirlar Mahkamasining 2001-yil 6-iyuldagi 291-son qaroriga 6-ILOVA

Oʻzbekiston Respublikasi Prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentida xizmatni oʻtash toʻgʻrisida

NIZOM

I. Umumiy qoidalar

1. Mazkur Nizom Oʻzbekiston Respublikasi Prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentiga (keyingi oʻrinlarda “Departament” deb yuritiladi) qabul qilish tartibi va xizmatni oʻtash shart-sharoitlarini, Departament xodimlariga darajali unvonlar berish va ulardan mahrum qilish, ularni ragʻbatlantirish va intizomiy javobgarlikka tortish tartibini belgilaydi.

Departament organlarida xizmatni oʻtash, Departament organlari xodimlariga darajali unvonlar berish hamda ulardan mahrum etish, ularni ragʻbatlantirish va intizomiy javobgarlikka tortishning huquqiy asoslarini Oʻzbekiston Respublikasining Konstitutsiyasi, Oʻzbekiston Respublikasining “Prokuratura toʻgʻrisida”gi Qonuni, mazkur Nizom, Oʻzbekiston Respublikasi Bosh prokurorining buyruqlari hamda boshqa qonun hujjatlari tashkil qiladi.

Ushbu Nizomning amal qilishi Departamentning darajali unvonlarga ega boʻlgan barcha xodimlariga, shuningdek sinov muddatini oʻtayotgan shaxslarga tatbiq etiladi.

Departamentda xizmat qilish qonuniylik, inson va fuqaroning huquq va erkinliklarini hurmat qilish va ularga rioya etish, oshkoralik, nazorat qilinish va hisobot berish tamoyillariga muvofiq quriladi.

2. Departament xodimlariga Oʻzbekiston Respublikasi Bosh prokuratura tomonidan belgilangan shakl boʻyicha va tartibda xizmat guvohnomalari beriladi.

Guvohnoma lavozimga tayinlash toʻgʻrisidagi tegishli buyruq chiqarilgandan keyin prokuratura organi yoki Departament rahbarining, yoxud ularning oʻrinbosarlarining imzosi qoʻyilgan holda beriladi.

Departament boshligʻiga xizmat guvohnomasi Oʻzbekiston Respublikasi Prezidenti tomonidan beriladi.

Departament xodimi guvohnomadan egallab turgan lavozimda xizmatni oʻtashning butun muddati mobaynida foydalanadi. Lavozim yoki darajali unvon oʻzgargan taqdirda xodimga yangi guvohnoma beriladi.

Guvohnomaning Departament xodimining aybi bilan yoʻqotilishi lavozimdagi nojoʻya xatti-harakat hisoblanadi va intizomiy javobgarlikni keltirib chiqaradi. Guvohnoma yoʻqotilishining har bir holati boʻyicha xizmat tekshiruvi oʻtkaziladi.

II. Departamentga xizmatga qabul qilish va uni oʻtash

3. Departamentda xizmat qilish uchun oliy yuridik, iqtisodiy, axborot texnologiyalari maʼlumotiga ega boʻlgan hamda sogʻligʻiga koʻra xizmat majburiyatlarini bajarishga qodir boʻlgan zarur kasb-kor va maʼnaviy fazilatlarga ega boʻlgan Oʻzbekiston Respublikasi fuqarolari qabul qilinadilar.

Departament organlariga xizmatga qabul qilishda nomzodlarning ushbu Nizomda belgilangan talablarga muvofiqligini oʻrganish maqsadida tekshirish hamda maxsus komissiya tomonidan bilim saviyasi, zarur kasb malakasi va ishchanlik qobiliyatini aniqlashga qaratilgan majburiy suhbat oʻtkaziladi.

Departament organlariga xizmatga qabul qilishda zimmalariga yuklanadigan xizmat vazifalarini bajarishga sogʻligʻi imkon berishini aniqlash maqsadida nomzodlar majburiy tartibda tibbiy koʻrikdan oʻtkaziladi.

Departamentda xizmatni oʻtashning ichki tartibi Departament boshligʻi tomonidan tasdiqlanadi.

4. Departamentga birinchi marta xizmatga kiruvchi shaxslar uchun 3 oygacha boʻlgan sinov muddati belgilanadi.

Sinov muddati vaqti koʻp yillik xizmati uchun foiz ustamasi toʻlash va pensiya tayinlash huquqini beruvchi Departamentdagi ish stajiga qoʻshiladi.

Sinov muddatini oʻtayotgan shaxslar:

agar ularning qoʻyilayotgan talablarga nomuvofiqligi aniqlansa Departament boʻlinmalari rahbariyatining tashabbusi bilan;

xizmatga kirgan shaxsning tashabbusi bilan (oʻz xohishiga koʻra, oilaviy sharoitlar boʻyicha va boshqa uzrli sabablarga koʻra) Departamentdan xizmatdan boʻshatilishi mumkin.

5. Departament xodimini xizmatga qabul qilish va lavozimga tayinlash Oʻzbekiston Respublikasi Bosh prokurori yoki Departament boshligʻining vakolatlari doirasida ularning buyruqlari bilan rasmiylashtiriladi. Departamentning hududiy boshqarmalarida yordamchi shaxslar va texnik xodimlarni xizmatga qabul qilishni ushbu boshqarmalar boshliqlari amalga oshiradilar.

Xizmatga qabul qilish toʻgʻrisidagi buyruq xodimga imzo qoʻydirib eʼlon qilinadi.

6. Agar shaxs:

Oʻzbekiston Respublikasi fuqarosi boʻlmasa;

sudning qarori bilan huquqiy layoqatsiz yoki huquqiy layoqati cheklangan deb eʼtirof etilgan boʻlsa;

sudlangan boʻlsa;

nojoʻya xatti-harakatlar sodir etganligi uchun huquqni muhofaza qiluvchi, sud yoki boshqa davlat organlaridan hamda boshqa tashkilotlardan boʻshatilgan shaxslar boʻlsa Departamentga xizmatga qabul qilinishi mumkin emas.

Departament organlariga xizmatga qabul qilinganda Departament organlari xodimlari oʻz vakolatlari davrida siyosiy partiyalarga aʼzolikni toʻxtatib turadilar.

7. Prokuratura organlarida oʻzaro yaqin qarindoshlik yoki quda-andachilikda boʻlgan Departament organlari xodimlarining (ota-onalar, aka-ukalar, opa-singillar, oʻgʻil va qizlar, er-xotinlar, shuningdek, er-xotinlarning ota-onalari, aka-ukalari, opa-singillari va bolalari), basharti ulardan biri ikkinchisiga bevosita boʻysunib yoki uning nazorati ostida xizmat qiladigan boʻlsa, birgalikda xizmat qilishlari taqiqlanadi.

8. Departamentning attestatsiyadan oʻtkazilgan xodimlariga darajali unvonlar beriladi. Darajali unvonlar roʻyxati Oʻzbekiston Respublikasi Hukumati tomonidan belgilanadi.

9. Departament organlari xodimlari haq toʻlanadigan faoliyatning biror-bir turi bilan shugʻullanishi mumkin emas. Ilmiy, oʻqituvchilik va ijodiy faoliyat bilan ular faqat asosiy ish vaqtidan boʻsh paytda shugʻullanishlari mumkin.

10. Departament xodimlari lavozimlari roʻyxati Departament boshligʻi tomonidan tasdiqlanadigan shtat jadvali bilan belgilanadi.

Departament organlari faoliyatining ichki tizimli tashkil etilishi Oʻzbekiston Respublikasi Bosh prokurori tomonidan tasdiqlanadigan Departament Reglamenti hamda Departamentning Qoraqalpogʻiston Respublikasi, viloyatlar va Toshkent shahar boshqarmalarining Namunaviy reglamenti bilan belgilanadi.

11. Departament xodimi mazkur Nizomga 1-ilovaga muvofiq qasamyod qabul qiladi. Qasamyod Departamentning rahbarlari va mansabdor shaxslari hozirligida tantanali vaziyatda qabul qilinadi.

Qasamyod yakka tartibda qabul qilinadi. Qasamyod qabul qiluvchi shaxs qasamyod matnini ovoz chiqarib oʻqiydi va unga imzo chekadi.

Qasamyod matni yozilgan varaq imzolanib xodimning shaxsiy hujjatlari yigʻma jildida saqlanadi.

12. Departament organlarining xodimlari xizmatni oʻtash davrida Oʻzbekiston Respublikasi Bosh prokurori tomonidan tasdiqlanadigan Departament organlari xodimining kasb odobnomasiga rioya qilishlari shart.

Departament organlari xodimining kasb odobnomasi talablarini buzish qonunchilikda belgilangan javobgarlikni keltirib chiqaradi. Qayd etilgan qoidalar buzilishining har bir holati boʻyicha xizmat tekshiruvi oʻtkaziladi.

Xizmat tekshiruvi oʻtkazilishi davrida Departament xodimi vaqtinchalik, lekin bir oydan ortiq boʻlmagan muddatga xizmat vazifalarini bajarishdan ozod qilinishi mumkin.

Xizmat tekshiruvi oʻtkazish va Departament xodimini vaqtinchalik xizmat vazifalarini bajarishdan ozod qilish tartibi Oʻzbekiston Respublikasi Bosh prokurori tomonidan belgilanadi.

13. Departament organlari xodimlarining xizmat pogʻonalarida yuqorilab borishi ularning ishchanlik va shaxsiy sifatlari, topshirilgan sohada erishgan natijalari va professional tayyorgarligiga muvofiq ravishda amalga oshiriladi. Bunda xodimning yuqori lavozimga tayinlanishga roziligi talab qilinmaydi.

14. Poraxoʻrlik va boshqa suiisteʼmolchiliklarning oldini olish va ularga yoʻl qoʻymaslik, xodimning shaxsiy va ishchanlik fazilatlarini, uning faoliyati samaradorligini muntazam oʻrganish, shuningdek Departament organlari faoliyatining turli yoʻnalishlarida malaka va ish tajribasiga ega boʻlgan kadrlar zaxirasini shakllantirish maqsadida xodimlarning lavozimlarini oʻzgartirish (rotatsiya) oʻtkaziladi.

Departament xodimlarini rotatsiya qilish tartibi Oʻzbekiston Respublikasi Bosh prokurorining buyrugʻi bilan belgilanadi.

15. Departament xodimining egallab turgan lavozimiga xizmat boʻyicha muvofiqligini aniqlash maqsadida Oʻzbekiston Respublikasi Bosh prokurorining buyrugʻi bilan belgilangan tartibda va muddatlarda attestatsiya oʻtkaziladi.

Attestatsiya oʻtkazishda attestatsiyadan oʻtkazilayotgan mansabdor shaxsning kasb-kor boʻyicha yaroqliligi va egallab turgan lavozimiga muvofiqligi, shuningdek uning bundan buyon xizmat qilishiga va darajali unvon berishga doir takliflar koʻrib chiqiladi.

Lavozimiga Bosh prokurorning buyruqlari bilan tayinlanadigan xodimlar Oʻzbekiston Respublikasi Bosh prokurori huzuridagi maxsus inspeksiya tomonidan, Departament boshligʻining buyruqlari bilan lavozimga tayinlanadigan xodimlar esa — Departamentning attestatsiya komissiyasi tomonidan attestatsiyadan oʻtkaziladi.

III. Darajali unvonlar

16. Oʻzbekiston Respublikasi qonun hujjatlariga muvofiq ushbu Nizom Departament xodimlariga darajali unvonlar belgilash va berish tartibini belgilab beradi.

17. Darajali unvon berish xodimning ishchanlik va shaxsiy fazilatlarini hisobga olgan holda va egallab turgan lavozimi va ish stajiga muvofiq izchil tartibda amalga oshiriladi.

Ushbu Nizomning 641-bandida sanab oʻtilgan Departament xodimlariga darajali unvonlari ular egallab turgan lavozimdan qatʼi nazar, belgilangan muddatlarda beriladi.

Prokuratura organlarining amaldagi kadrlar zaxirasiga kiritilgan va unda boʻlgan Oʻzbekiston Respublikasi Prezidenti devoni xodimlariga darajali unvonlar Oʻzbekiston Respublikasi Bosh prokurori tomonidan Oʻzbekiston Respublikasi Prezidenti devonining tegishli tarkibiy boʻlinmasi rahbarining tavsiyanomasiga asosan beriladi.

18. Darajali unvonlar roʻyxati va ularning lavozimlarga muvofiqligi Oʻzbekiston Respublikasi Vazirlar Mahkamasi tomonidan belgilanadi.

19. Har bir darajali unvonda boʻlishning quyidagi muddatlari belgilanadi:

Oʻzbekiston Respublikasi Prezidenti devonining boshqaruv xodimi sifatida ishlangan davr darajali unvoni olish uchun zarur boʻlgan ish stajiga qoʻshiladi.

20. 2 va 3-darajali davlat adliya maslahatchisi darajali unvonlari Bosh prokurorning taqdimnomasiga koʻra Oʻzbekiston Respublikasi Prezidenti tomonidan beriladi.

Boshqa darajali unvonlar Departament boshligʻining taqdimnomasiga koʻra Oʻzbekiston Respublikasi Bosh prokurori tomonidan beriladi.

Departament organlariga birinchi marta xizmatga qabul qilingan va darajali unvonlarga ega boʻlmagan xodimlarga 3-darajali yurist unvoni, ular attestatsiyadan oʻtgandan soʻng beriladi.

21. Navbatdagi adliya katta maslahatchisi darajali unvoni, qoidaga koʻra, Oʻzbekiston Respublikasi Bosh prokuraturasi Akademiyasini rahbarlik lavozimlarini egallash uchun zaxirada turuvchi kadrlarni kasbiy qayta tayyorlash dasturi boʻyicha yoki Akademiya magistraturasini muvaffaqiyatli tamomlagan Departament xodimlariga beriladi.

Adliya katta maslahatchisining darajali unvoni, istisno tariqasida fidokorona mehnati va namuna koʻrsatgan Departament xodimlariga alohida xizmatlari uchun ham berilishi mumkin.

22. Boshqa huquqni muhofaza qiluvchi organlardan va oʻzga tashkilotlardan Departamentga ishga oʻtgan xodimlarga darajali unvonlar ularning Departamentda tayinlangan lavozimi, oldingi unvoni yoki ish tajribasi hisobga olingan holda beriladi, qonun hujjatlarida belgilangan holatlar bundan mustasno.

Ularga navbatdagi darajali unvon ushbu Nizomda nazarda tutilgan tartibda beriladi.

23. Oʻzbekiston Respublikasi Bosh prokurori, istisno tariqasida, quyidagi huquqlarga ega:

ayrim hollarda Departament xodimlariga xizmat majburiyatlarini namunali bajarganligi uchun Departament boshligʻining taqdimnomasiga koʻra navbatdagi darajali unvonlarni belgilangan muddat tugamasdan avval berish;

yuqoriroq lavozimga tayinlaganda Departament boshligʻining taqdimnomasiga koʻra unvonni navbatdan tashqari, lekin xodim egallab turgan unvondan koʻpi bilan ikki pogʻona yuqori unvon berish;

attestatsiyadan oʻtishi talab etilmaydigan xodimlarga ishda oʻrnak koʻrsatganligi uchun darajali unvonlar berish.

24. Departamentning darajali unvonlar berilgan xodimlari mazkur unvonga umrbod ega boʻlib qoladilar. Xodim oʻzini badnom qiladigan qilmishi uchun Departamentdan boʻshatilganda darajali unvondan mahrum etilishi mumkin. Departament xodimi oʻz xizmat burchini qoʻpol ravishda buzgan taqdirda yoki noloyiq xulq-atvori uchun uning unvoni pasaytirilishi mumkin.

25. Departament xodimlarini oliy darajali unvonlardan mahrum etish yoki ularning oliy darajali unvonlarini pasaytirish Oʻzbekiston Respublikasi Prezidenti tomonidan, boshqa darajali unvonlardan mahrum etish yoki unvonni pasaytirish Oʻzbekiston Respublikasi Bosh prokurori tomonidan amalga oshiriladi.

Departament xodimlarini darajali unvonlardan mahrum etish sudning hukmi boʻyicha amalga oshirilishi mumkin.

26. Departamentning darajali unvonlarga ega boʻlgan xodimlariga lavozim maoshlariga oylik pul ustamalari toʻlanadi.

27. Departamentning darajali unvonga ega boʻlgan xodimlari xizmat vazifalarini bajarish davrida alohida koʻrinishdagi belgilar taqilgan prokuratura organlari xodimlari uchun belgilangan xizmat kiyimi kiyadilar.

Departament xodimlarining xizmat kiyimini kiyib yurish tartibi Oʻzbekiston Respublikasi Bosh prokurori tomonidan belgilanadi.

Departamentning darajali unvonlarga ega boʻlib, pensiyaga chiqishi munosabati bilan xizmatdan boʻshagan shuningdek prokuratura organlarining amaldagi kadrlar zaxirasiga kiritilgan va unda boʻlgan xodimlari oʻtkaziladigan tantanalar va rasmiy tadbirlarda alohida belgili xizmat kiyimini kiyib yurish huquqini saqlab qoladi.

IV. Ragʻbatlantirish

28. Departament organlari xodimlari xizmatdagi tashabbuskorliklari va tezkorligi, xizmat vazifalarini vijdonan va namunali bajarganliklari uchun ragʻbatlantiriladilar.

29. Ragʻbatlantirishning quyidagi turlari mavjud:

tashakkurnoma;

pul mukofoti;

ilgari berilgan intizomiy jazoni amal qilish muddati tugashidan avval olib tashlash;

faxriy yorliq;

sovgʻa;

qimmatbaho sovgʻa;

navbatdan tashqari darajali unvon yoki navbatdagi darajali unvonni berish;

navbatdan tashqari darajali unvon yoki navbatdagi darajali unvonni belgilangan muddat tugagunga qadar yoxud egallab turgan lavozimidan qatʼi nazar berish;

I, II, III darajali “Aʼlo xizmatlari uchun” koʻkrak nishoni bilan taqdirlash;

“Oʻzbekiston Respublikasi prokuraturasining Faxriy xodimi” koʻkrak nishoni bilan taqdirlash.

Shuningdek, Oʻzbekiston Respublikasi Bosh prokurorining hamda Davlat muassasalari va ijtimoiy xizmat koʻrsatish xodimlari kasaba uyushmalari uyushmasi Respublika kengashining Faxriy yorligʻi bilan mukofotlash mumkin.

Departamentning xodimlari alohida xizmatlari uchun Oʻzbekiston Respublikasi davlat mukofotlariga taqdim etilishi mumkin.

Ish haqi, boshqa mukofotlar, mehnatga haq toʻlash tizimida nazarda tutilgan qoʻshimcha haq va ustamalar ragʻbatlantirish turlariga kirmaydi.

Departament boshligʻiga oʻzining shaxsiy farmoyishi bilan oddiy xodimdan boshlab Departament boshligʻi oʻrinbosarigacha xodimlarning lavozim maoshlariga bir yillik lavozim maoshi miqdorida ragʻbatlantirish shaklida mukofotlash ustamalari belgilash huquqi beriladi. Ushbu masala boʻyicha alohida Nizom Moliya vazirligi bilan kelishiladi.

Departament va uning hududiy boʻlinmalari xodimlarini ragʻbatlantirish Departament faoliyati natijasi va u tufayli Oʻzbekiston Respublikasi Davlat budjeti olgan mablagʻlar miqdoridan kelib chiqib amalga oshiriladi. Agar Departament tomonidan undirilgan va Oʻzbekiston Respublikasi Davlat budjetiga tushgan mablagʻlar Departamentning ish haqi fondi miqdoridan ortiq boʻlmasa va uning xodimlarining ish haqini qoplamasa xodimlarga mukofotlash ustamalari toʻlanmaydi.

30. Departamentning intizomiy jazo berilgan xodimlari oldin berilgan intizomiy jazo olib tashlanishi shaklida ragʻbatlantirilishi mumkin.

31. Ragʻbatlantirish quyidagi tartibda amalga oshiriladi:

tashakkurnoma eʼlon qilish, pul mukofoti yoki sovgʻa berish, muqaddam berilgan intizomiy jazoni amal qilish muddati tugagunga qadar olib tashlash Oʻzbekiston Respublikasi Bosh prokurori, Departament boshligʻi, Departamentning Qoraqalpogʻiston Respublikasi, viloyatlar va Toshkent shahar boshqarmalari boshliqlari tomonidan amalga oshiriladi;

qimmatbaho sovgʻa, Oʻzbekiston Respublikasi Bosh prokurorining Faxriy yorligʻi bilan taqdirlash, navbatdan tashqari darajali unvon yoki navbatdagi darajali unvonni belgilangan muddatdan oldin, yoxud egallab turgan lavozimidan qatʼi nazar, berish, “Oʻzbekiston Respublikasi prokuraturasining Faxriy xodimi”, “I, II, III darajali “Aʼlo xizmatlari uchun” koʻkrak nishonlari bilan taqdirlash, shuningdek Oʻzbekiston Respublikasi Bosh prokurori hamda Davlat muassasalari va ijtimoiy xizmat koʻrsatish xodimlari kasaba uyushmasi Respublika kengashining Faxriy yorligʻi bilan taqdirlash, Oʻzbekiston Respublikasining davlat mukofotlariga taqdim etish Oʻzbekiston Respublikasi Bosh prokurori tomonidan amalga oshiriladi.

32. Ragʻbatlantirish toʻgʻrisida buyruq chiqariladi va u Departamentning ragʻbatlantirilayotgan xodimiga eʼlon qilinadi. Zarur hollarda esa Departamentning barcha xodimlari eʼtiboriga yetkaziladi. Ragʻbatlantirish toʻgʻrisidagi buyruq nusxasi xodimning shaxsiy hujjatlari yigʻma jildiga tikib qoʻyiladi.

V. Intizomiy jazolar

33. Departament xodimlariga nisbatan intizomiy jazolar oʻz xizmat vazifasini bajarmaganligi yoki lozim darajada bajarmaganligi yoki Departament xodimi degan nomga dogʻ tushiradigan nojoʻya xatti-harakat sodir etganligi uchun qoʻllaniladi.

34. Quyidagilar intizomiy jazolar hisoblanadi:

hayfsan;

oʻrtacha oylik ish haqining ellik foizidan ortiq boʻlmagan miqdordagi jarima;

lavozimida pasaytirish;

darajali unvonni bir pogʻonaga pasaytirish;

xizmat majburiyatlarini muntazam yoki bir marta qoʻpol ravishda buzganligi uchun xizmatdan boʻshatish.

Quyidagilar xizmat vazifasini bir marta qoʻpol ravishda buzish hisoblanadi:

uzrli sabablarsiz progul (shu jumladan ish kuni mobaynida uch soatdan ortiq xizmatda boʻlmaslik);

xizmatga mast holda kelish, shuningdek ish joyida spirtli ichimliklar isteʼmol qilish;

jinoiy jazolanadigan qilmish yoki nojoʻya xatti-harakat sodir etish;

Departament xodimining Qasamyodini buzish.

35. Oʻzbekiston Respublikasi Bosh prokurori Departamentning xizmatga qabul qilish huquqi uning vakolatiga kiruvchi xodimlariga nisbatan intizomiy jazoning barcha turlarini qoʻllashga haqlidir. Departament boshligʻi va hududiy boshqarmalar boshliqlari Departament yoki hududiy boʻlinmalar xodimlariga nisbatan intizomiy jazolarni ushbu Nizomning 34-bandida nazarda tutilgan hayfsan va jarima shaklida qoʻllashlari mumkin. Bundan tashqari, ular xizmatga qabul qilish huquqi oʻz vakolatlariga kiruvchi xodimlarning lavozimini pasaytirishi yoxud ishdan boʻshatishi mumkin.

36. Intizomiy jazo qoʻllash toʻgʻrisidagi masalani hal etayotgan mansabdor shaxs sodir etilgan xatti-harakatni shaxsan oʻzi oʻrganib chiqishi shart. Zarur hollarda xizmat tekshiruvi tayinlanishi mumkin.

Intizomiy jazo qoʻllangungacha Departament xodimidan tushuntirish xati talab qilib olinishi lozim. Xodimning tushuntirish xati berishdan bosh tortishi uning sodir etgan nojoʻya xatti-harakati uchun jazo qoʻllashga toʻsiq boʻla olmaydi.

Har bir nojoʻya xatti-harakat uchun faqat bitta intizomiy jazo qoʻllanishi mumkin.

Intizomiy jazo bevosita aniqlangan nojoʻya xatti-harakat uchun, biroq qilmish aniqlangan kundan boshlab bir oydan kechikmay qoʻllaniladi, bu muddatga xodimning kasal yoki mehnat taʼtilida boʻlgan vaqti kirmaydi.

Intizomiy jazo qilmish sodir etilgan kundan boshlab olti oy oʻtgach, xizmat tekshiruvi natijalari boʻyicha esa — u sodir etilgan kundan boshlab ikki yildan keyin qoʻllanishi mumkin emas. Koʻrsatib oʻtilgan muddatlarga jinoiy ishni koʻrib chiqish vaqti kirmaydi.

Intizomiy jazo buyruq bilan beriladi va u Departament xodimiga maʼlum qilinib, tilxat olinadi hamda uning shaxsiy yigʻma jildiga qoʻshib qoʻyiladi. Xodimga nisbatan intizomiy jazo qoʻllash haqidagi buyruq Departamentning tegishli boʻlinmasi xodimlariga, zarur hollarda esa barcha xodimlarga ham eʼlon qilinishi mumkin.

Oʻzbekiston Respublikasi Bosh prokurori tomonidan lavozimga tayinlangan Departament xodimi intizomiy javobgarlikka tortilgan hollarda, intizomiy jazo qoʻllash haqidagi buyruq nusxasi Oʻzbekiston Respublikasi Bosh prokuraturasiga yuboriladi.

37. Oʻzbekiston Respublikasi Bosh prokurori va Departament boshligʻi, buyruqda oʻz qarorini asoslagan holda, jazoni bekor qilish, uni kuchaytirish yoki yengillashtirish huquqiga egadirlar. Agar intizomiy jazo chorasi sifatida ishdan boʻshatish qoʻllangan boʻlsa, u holda Oʻzbekiston Respublikasi Bosh prokurori yoki Departament boshligʻi ishdan boʻshatishni asossiz deb topib, xodimni ilgarigi lavozimiga tiklash va unga majburiy ishlanmagan vaqti uchun, biroq koʻpi bilan bir yil uchun oʻrtacha ish haqini toʻlash toʻgʻrisida buyruq chiqaradilar.

38. Agar xodim jazo qoʻllanilgan kundan boshlab bir yil mobaynida yangi intizomiy jazo olmagan boʻlsa, u intizomiy jazo olmagan deb hisoblanadi.

Qoʻllanilgan intizomiy jazo agar xodim xizmat vazifalarini bajarishda oʻzini vijdonli va namunali tutsa, bu haqdagi buyruq qabul qilingan kundan kamida olti oy oʻtgach, ushbu jazoni qoʻllagan mansabdor shaxs, Departament boshligʻi yoki Oʻzbekiston Respublikasi Bosh prokurori tomonidan olib tashlanishi mumkin

39. Intizomiy jazo mavjudligi Departament xodimining lavozim boʻyicha yuqori koʻtarilishiga yoki unga darajali unvon berilishiga, shuningdek rahbarlik lavozimlari uchun zaxiraga kiritilishiga (boʻlishiga) toʻsqinlik qiluvchi holat hisoblanadi.

40. Intizomiy jazolar qoʻllashda oʻzlariga berilgan vakolatlarni oshirib yuborgan yoki ularni Departament yoki hududiy boshqarmalar xodimlariga nisbatan zarur darajada qoʻllamagan Departament boshligʻi, hududiy boshqarmalar boshliqlari Oʻzbekiston Respublikasi Prokurori oldida javob beradilar.

41. Xodimga nisbatan qoʻllangan intizomiy jazo yuzasidan intizomiy jazo qoʻllanganligi toʻgʻrisidagi buyruq xodimga eʼlon qilingandan keyin ikki hafta muddatda Oʻzbekiston Respublikasi Bosh prokuroriga yoki Departament boshligʻiga shikoyat qilinishi mumkin.

Shikoyat u tushgan kundan boshlab oʻn besh kun muddatda, qoʻshimcha tekshiruv oʻtkazish zarur boʻlgan hollarda esa — u tushgan kundan boshlab bir oydan kechikmay koʻrib chiqiladi.

Shikoyat bilan murojaat qilish intizomiy jazo ijrosini toʻxtatmaydi.

42. Departament organlari xodimlari davlat himoyasida boʻladi.

Xizmat vazifasini bajarish vaqtida Departament organlari xodimini ushlab turishga, shaxsiy tintuv oʻtkazishga, uning narsalarini va foydalanayotgan transportini koʻzdan kechirishga yoʻl qoʻyilmaydi, qonunda nazarda tutilgan hollar bundan mustasno.

Departament organlarining xodimlariga, shuningdek Departament organlaridan xizmatdan boʻshatilgan shaxslarga nisbatan ularning Departament organlarida xizmat vazifalarini bajarish jarayonida sodir etgan qilmishlari uchun jinoyat ishi kuzatish masalasi hamda Departament organlari xodimlarining maʼmuriy huquqbuzarliklari uchun javobgarlik masalasi Oʻzbekiston Respublikasi Bosh prokurori, uning oʻrinbosarlari, Qoraqalpogʻiston Respublikasi prokurori, viloyatlar, Toshkent shahar prokurorlari va ularga tenglashtirilgan prokurorlar tomonidan vakolatlari doirasida qonun hujjatlarida belgilangan tartibda hal etiladi.

VI. Departament organlarining kadrlar zaxirasi

43. Departamentning kadrlar zaxirasi shakllantiriladi.

Departament organlarining kadrlar zaxirasini shakllantirishdan asosiy maqsad Departament organlariga zarur kasbiy fazilatlarga ega boʻlgan shaxslarning xizmatga qabul qilinishi, rahbarlik lavozimlariga yuklatilgan vazifalarni professional va samarali amalga oshirish uchun boshqaruvchilik qobiliyatiga ega xodimlar taqdim etilishini taʼminlash, shuningdek ularni tarbiyalash, oʻqitish va joy-joyiga qoʻyishdan iborat.

Departament organlarining kadrlar zaxirasini shakllantirish va u bilan ishlash kollegiallik va xolislik tamoyillariga asosan amalga oshiriladi.

44. Quyidagilar Departament organlarining kadrlar zaxirasini shakllantirish va u bilan ishlash faoliyatining ustuvor yoʻnalishlari hisoblanadi:

Departament organlariga ushbu Nizom bilan belgilangan talablarga javob beradigan shaxslarni xizmatga qabul qilish;

Departament xodimlarining nazariy bilimlari, amaliy va axborot-tahlil koʻnikmalarini yuksaltirish, ishchanlik va professional sifatlarini takomillashtirish, ularni axborot-kommunikatsiya texnologiyalari va tezkor-qidiruv faoliyatining zamonaviy yutuqlari bilan tanishtirish;

yuqori lavozimlar uchun masʼuliyatli, malakali hamda kasbiy tayyorgarlikka ega Departament organlari xodimlarini tanlab olish va ularni kadrlar zaxirasiga kiritish;

kadrlar zaxirasiga kiritilgan Departament organlari xodimlarini qayta tayyorlash va tarbiyalash, shuningdek ularda boshqaruvchilik qobiliyatlarini shakllantirish;

Departament organlari xodimlarining xizmat pogʻonalarida yuqorilab borishni tizimli rejalashtirish va tashkil etish.

Departament organlari tizimidagi yuqori lavozimlarga, qoida tariqasida, kadrlar zaxirasida turgan Departament organlari xodimlari tayinlanadi.

Kadrlar zaxirasi bilan ishlash jarayonida, ularni kelgusida Departamentning Qoraqalpogʻiston Respublikasi, viloyatlar va Toshkent shahar boshqarmalari boshliqlari lavozimiga koʻtarish maqsadida Departament organlari rahbar xodimlarini tanlash va tayyorlashga alohida eʼtibor qaratiladi.

45. Departament organlarining kadrlar zaxirasi quyidagilardan iborat:

Departament organlariga xizmatga qabul qilish uchun nomzodlar zaxirasi;

Departamentning Qoraqalpogʻiston Respublikasi, viloyatlar va Toshkent shahar boshqarmalari katta inspektorlari, inspektorlari, bosh surishtiruvchilari, katta surishtiruvchilari, katta taftishchilari, bosh taftishchilari, taftishchilari lavozimlariga koʻtarish uchun kadrlar zaxirasi;

Departamentning Qoraqalpogʻiston Respublikasi, viloyatlar va Toshkent shahar boshqarmalarida tarkibiy boʻlinmalar boshliqlari va boshliqlarining oʻrinbosarlari lavozimlariga, shuningdek ularga tenglashtirilgan lavozimlarga, tuman (shahar) boʻlimlari boshliqlari va ularning oʻrinbosarlari lavozimlarga koʻtarish uchun kadrlar zaxirasi;

Departament tarkibiy boʻlinmalarining bosh inspektorlari, katta inspektorlari, bosh surishtiruvchilari, katta surishtiruvchilari, bosh taftishchilari, katta taftishchilari va katta kriminalisti lavozimlariga koʻtarish uchun kadrlar zaxirasi;

Departament boshligʻi, Departament boshligʻining oʻrinbosarlari, Departamentning Qoraqalpogʻiston Respublikasi, viloyatlar va Toshkent shahar boshqarmalari boshliqlari va ularning oʻrinbosarlari, Departament tarkibiy boʻlinmalari boshliqlari va ularning oʻrinbosarlari, shuningdek ularga tenglashtirilgan lavozimlarga koʻtarish uchun kadrlar zaxirasi.

46. Rahbar kadrlar zaxirasiga kiritish uchun mezon boʻlib, Departament organlari tizimidagi rahbarlik lavozimlarida yuklatilgan vazifalarni bajara olish uchun zarur koʻnikma va sifatlarga egaligi hisoblanadi.

Bunda Departamentning Qoraqalpogʻiston Respublikasi, viloyatlar va Toshkent shahar boshqarmalari boshliqlari, shuningdek Departamentning tarkibiy boʻlinmalari rahbarlari lavozimlariga Departament organlari kadrlar zaxirasiga Departament va prokuratura organlarining oʻzlariga yuklangan xizmat vazifalarini vijdonan bajarayotgan, tegishli dunyoqarashga, nazariy bilimlarga, ijobiy shaxsiy va ishchanlik sifatlariga, turli lavozimlardagi amaliy ish tajribasiga, tashkiliy-tahliliy qobiliyatga, qatʼiy xarakter, prinsipiallik va masʼuliyatni his etishga ega boʻlgan xodimlari kiritiladi.

47. Kadrlar zaxirasiga nomzodlar Departament boshligʻi, Departament boshligʻining oʻrinbosarlari, Departamentning Qoraqalpogʻiston Respublikasi, viloyatlar va Toshkent shahar boshqarmalari boshliqlari, shuningdek Departamentning kadrlar boʻlimi va tarkibiy boʻlinmalari rahbarlari, shuningdek Bosh prokuratura va Departament organlarining boshqarmalari attestatsiya komissiyalari tomonidan taqdim etiladi.

Departamentning kadrlar boʻlimi tomonidan Departament organlarining shaxsiy tarkib boʻyicha inspeksiyasi va boshqa boʻlinmalar bilan birgalikda eng masʼuliyatli, malakali va tayyorlangan xodimlarni xizmat boʻyicha yuqoriga koʻtarishni taʼminlash maqsadida kadrlar zaxirasiga nomzodlarni xolisona tanlash, ularni oʻrganish hamda kasbga tizimli ravishda tayyorlash ishlari amalga oshiriladi.

48. Kadrlar zaxirasi bilan ishlash tizimli asosda mavjud vakansiyalardan qatʼi nazar, olib boriladi, rahbarlik lavozimlariga zaxira tarkibi yiliga kamida bir marotaba shakllantiriladi.

Departament boshligʻi, Departament boshligʻining oʻrinbosarlari, hududiy boshqarmalarning boshliqlari va ularning oʻrinbosarlari, shuningdek Departament markaziy apparati tarkibiy boʻlinmalarining rahbarlari lavozimlariga koʻtarish uchun kadrlar zaxirasi Bosh prokuraturaning kadrlar boshqarmasi bilan kelishilgan holda va Departamentning tezkor yigʻilishlarida tasdiqlanadi.

Departament organlarida qolgan lavozimlarga kadrlar zaxirasi, tegishli ravishda, Departamentning markaziy apparati va hududiy boshqarmalarining tezkor yigʻilishlarida tasdiqlanadi.

Departament organlariga xizmatga qabul qilish uchun nomzodlar zaxirasi Departamentning hamda Departamentning Qoraqalpogʻiston Respublikasi, viloyatlar va Toshkent shahar boshqarmalarining kadrlar boʻlimi tomonidan, ushbu Nizom talablariga javob beradigan oliy taʼlim muassasalari bitiruvchilari va Departament organlari ish yurituvchilari hamda mutaxassislaridan shakllantiriladi.

49. Kadrlar zaxirasini shakllantirishga masʼul boʻlgan Departament organlarining mansabdor shaxslari kadrlar zaxirasiga nomzodlarni taqdim etish boʻyicha ishlarning toʻgʻri tashkil etilishi va uning xolisona shakllantirilishi uchun toʻliq javobgardirlar.

50. Departament organlarining kadrlar zaxirasini shakllantirish va u bilan ishlash ushbu Nizom hamda Oʻzbekiston Respublikasi Bosh prokurorining sohaviy buyruqlarida belgilangan tartibda amalga oshiriladi.

VII. Departament xodimlarini moddiy va ijtimoiy taʼminlash

51. Departament xodimlarining pul taʼminoti mansab maoshi, darajali unvon uchun har oylik qoʻshimcha toʻlovlar, koʻp yillik xizmat uchun toʻlanadigan ustamalar, mehnatning alohida shart-sharoitlari uchun ustamalar, prokuratura organlari xodimlari uchun belgilangan tartibda va miqdorlarda belgilanadigan davlat xizmatchilarining lavozim maoshlariga ustamalardan (mehnatni ragʻbatlantirish koeffitsiyenti) iborat.

Departament xodimlariga Oʻzbekiston Respublikasi Prezidentining “Oʻzbekiston Respublikasi prokuraturasi organlari xodimlarini moddiy ragʻbatlantirish va ijtimoiy muhofaza qilishni kuchaytirish chora-tadbirlari toʻgʻrisida” 2013-yil 13-noyabrdagi PQ-2065-son qarori normalari tatbiq etiladi.

Yagona tarif setkasi boʻyicha mehnatga haq toʻlash razryadlari va Departament xodimlarining lavozim maoshlariga mehnatning alohida shart-sharoitlari uchun oylik ustamalar miqdorlari ushbu Nizomga 2 — 6-ilovalarga muvofiq belgilanadi.

Koʻp yillik xizmati uchun ustamani hisoblash huquqini beruvchi maxsus staj Bosh prokurorning buyrugʻi bilan tasdiqlangan va Oʻzbekiston Respublikasi Bandlik va mehnat munosabatlari vazirligi hamda Moliya vazirligi bilan kelishilgan Oʻzbekiston Respublikasi prokuratura organlarining xodimlariga koʻp yillik xizmati uchun ustamalar toʻlash tartibi toʻgʻrisidagi nizomda nazarda tutilgan qoidalar boʻyicha hisoblab chiqariladi.

52. Darajali unvonlar berilgan shaxslar bepul xizmat kiyimi bilan taʼminlanadi.

53. Departament xodimlariga 30 kalendar kunlik har yilgi haqi toʻlanadigan mehnat taʼtili beriladi. Departamentning 15 kalendar yildan ortiq ish stajiga ega boʻlgan xodimlarga ish staji:

15 kalendar yildan ortiq boʻlganda — 5 kun;

25 kalendar yildan ortiq boʻlganda — 10 kun haq toʻlanadigan qoʻshimcha mehnat taʼtili beriladi.

Xodimlarni har yilgi navbatdagi taʼtildan chaqirib olishga xizmat boʻyicha oʻta zarur hollarda, xodimning roziligi bilan yoʻl qoʻyiladi. Taʼtilning foydalanilmagan qismi kech muddatlarga oʻtkaziladi.

Departament organlaridan xodimlar soni yoki shtati qisqarganligi munosabati bilan (tashkiliy-shtat tadbirlari), kasalligi tufayli yoki pensiyaga chiqishi sababli ishdan boʻshatilgan xodimlarga ularning xohishiga koʻra, haq toʻlanadigan navbatdagi yillik mehnat taʼtili beriladi, undan foydalanilmagan taqdirda Oʻzbekiston Respublikasi qonunchiligi asosida pullik kompensatsiya toʻlanadi.

Xizmat oʻtashni tugatgan Departament organi xodimiga foydalanilmagan barcha yillik asosiy va qoʻshimcha taʼtillar uchun pullik kompensatsiya toʻlanadi.

54. Oilaviy holatlar, shuningdek boshqa uzrli sabablar boʻyicha Departament xodimlariga navbatdagi taʼtil hisobiga hisoblanmaydigan ish haqi saqlanmaydigan qisqa muddatli taʼtil berilishi mumkin.

55. Departament xodimlariga turar joy binolari qonun hujjatlariga muvofiq beriladi.

Yashash sharoitini yaxshilashga muhtoj boʻlgan Departament xodimlariga belgilangan tartibda ijtimoiy-moddiy yordam beriladi.

56. Departament xodimlari va ular oila aʼzolarining pensiya taʼminoti qonunda belgilangan tartibda amalga oshiriladi.

57. Xodimlar Oʻzbekiston Respublikasi Ichki ishlar vazirligi tibbiy muassasalarida tibbiy xizmatlardan bepul foydalanish huquqiga ega.

Departamentning pensiya oluvchi xodimlari va ularning oila aʼzolariga tibbiy xizmatlar koʻrsatish ular roʻyxatda turgan davolash muassasalarida amalga oshiriladi.

58. Departament xodimlari xizmat safarlariga yuborilganda barcha turdagi transport vositalariga yoʻl chiptalari va mehmonxonalarda joylarni band qilish va navbatsiz olish huquqidan foydalanadilar.

59. Departament xodimlarining hayoti va sogʻligʻining majburiy davlat sugʻurtasi, belgilangan tartibda, Oʻzbekiston Respublikasi respublika budjeti mablagʻlari hisobiga amalga oshiriladi.

VIII. Departamentda xizmat oʻtashni toʻxtatish

60. Departamentda xizmat oʻtash xodim ishdan boʻshatilganda tugatiladi.

Departamentda xizmatni oʻtash:

Oʻzbekiston Respublikasi Bosh prokurori va Departament boshligʻining tashabbusi bilan;

Departament xodimining tashabbusi bilan;

taraflarning ixtiyoriga bogʻliq boʻlmagan holatlarda tugatiladi.

Xizmatni oʻtashni taraflar ixtiyoriga bogʻliq boʻlmagan holatlar boʻyicha bekor qilinishiga quyidagilar asos boʻladi:

Departament xodimining boshqa ishga, shu jumladan saylab qoʻyiladigan lavozimga oʻtishi;

xodim harbiy xizmatga chaqirilishi;

shu ishni ilgari bajarib kelgan xodimning xizmatga tiklanishi;

xodimning vafot etishi, uning bedarak yoʻqolgan deb topilishi yoki vafot etgan deb eʼlon qilinishi;

qonun hujjatlarida nazarda tutilgan boshqa holatlar.

Oʻzbekiston Respublikasi Bosh prokurori va Departament boshligʻining tashabbusi bilan xizmat oʻtashni tugatish uchun quyidagilar asos boʻladi:

xizmatni tashkil etishdagi oʻzgarishlar, Departament organlari xodimlarining (shtatlar) soni qisqarishi yoki xizmat xususiyatining oʻzgarishi;

xodimning malakasi yetarli boʻlmaganligi yoki sogʻligʻiga koʻra bajarayotgan ishiga noloyiqligi sababli;

xodim tomonidan oʻz xizmat vazifalarini muntazam ravishda buzilishi. Xizmat vazifalarini muntazam ravishda buzish deb xodim ilgari sodir etgan xizmat vazifalarining buzganligi uchun intizomiy jazoga tortilgan kundan eʼtiboran bir yil mobaynida intizomiy qoidabuzarlikni takroran sodir etishi hisoblanadi (agar jazo muddatidan ilgari olib tashlangan boʻlmasa);

xodim tomonidan xizmat vazifalarini bir marta qoʻpol ravishda buzish;

xodimning unga taklif etilgan lavozimlarda xizmatni bundan keyin oʻtashni, shu jumladan yuqori turuvchi lavozimga oʻtishni rad etishi va rotatsiya tartibi sababi boʻyicha bir oy oʻtgandan keyin kadrlar boʻlimi ixtiyorida boʻlishi;

ushbu Nizomning 9-bandida koʻrsatilgan faoliyat xodimga ogohlantirish qilinganidan keyin ham davom ettirilishi;

xodimning prokuratura organlarida xizmatda boʻlish yoshi chegarasiga yetishi;

Departament organi xodimining Oʻzbekiston Respublikasi fuqaroligini yoʻqotishi;

Departament xodimining egallab turgan lavozimiga nomunosib nojoʻya xatti-harakat sodir etishi.

61. Departament xodimlarining xizmatda boʻlishlari uchun cheklangan yosh chegarasi — erkaklar uchun 60 va ayollar uchun — 55 yosh.

Departamentda xizmatda boʻlishning cheklangan yoshiga yetgan, yuksak kasbiy tayyorgarlikka va egallab turgan lavozimida katta amaliy ish tajribasiga ega boʻlgan, sogʻligʻiga koʻra unga yuklangan majburiyatlarni bajarishga qodir boʻlgan xodim Oʻzbekiston Respublikasi Bosh prokurorining roziligi bilan Departament organlarida xizmatni davom ettirishi mumkin.

62. Egallab turgan lavozimidan ozod qilingan xodim oxirgi xizmat joyidagi oʻrtacha oylik maoshi saqlangan holda kadrlar boʻlimi ixtiyorida qoladi. Uni kelgusidagi xizmat vazifasiga tayinlash masalasi egallab turgan lavozimdan ozod etish toʻgʻrisidagi buyruq chiqarilgan paytdan boshlab bir oydan kech boʻlmagan muddatda hal etilishi kerak (ushbu muddatga xodimning vaqtinchalik mehnatga layoqatsizlik davri kirmaydi).

63. Departament organlari xodimlarining mehnat nizolari Oʻzbekiston Respublikasi Bosh prokurori va Departament boshligʻi tomonidan koʻrib chiqiladi.

64. Departamentning pensiyaga chiqqan xodimlariga Oʻzbekiston Respublikasi Bosh prokurori tomonidan belgilanadigan shakl boʻyicha pensiya guvohnomasi beriladi.

641. Oʻzbekiston Respublikasi Oliy Majlisi Senati aʼzoligiga saylangan (tayinlangan) yoki Oʻzbekiston Respublikasi Oliy Majlisi Qonunchilik palatasi deputati etib saylangan, shuningdek Oʻzbekiston Respublikasi Prezidentining lavozimga tayinlash yoki tasdiqlash toʻgʻrisidagi qarori yoki taqdimnomasiga asosan davlat hokimiyati va boshqaruv organlariga oʻtgan yoxud Qoraqalpogʻiston Respublikasi Vazirlar Kengashi Raisi, Rais oʻrinbosari, viloyat, Toshkent shahri, tuman (shahar) hokimi yoki hokim oʻrinbosari lavozimiga tayinlangan va tasdiqlangan Departament xodimi Bosh prokurorning buyrugʻi bilan prokuratura organlarining amaldagi kadrlar zaxirasiga kiritilishi mumkin.

Alohida hollarda, boshqa ishga ishga oʻtgan Departament xodimi Bosh prokuraturaning attestatsiya komissiyasi taklifiga asosan Bosh prokurorning buyrugʻi bilan prokuratura organlarining amaldagi kadrlar zaxirasiga kiritilishi mumkin.

Xodimning ushbu bandda koʻrsatilgan faoliyat muddati navbatdagi darajali unvonni berish huquqini beruvchi, koʻp yillik xizmati uchun toʻlanadigan ustamani toʻlash, pullik taʼminot maoshini belgilash yoki pensiya tayinlash uchun Departament organlaridagi xizmat stajiga qoʻshiladi.

642. Ushbu Nizomning 641-bandida koʻrsatilgan prokuratura organlarining amaldagi kadrlar zaxirasiga kiritilgan va unda boʻlgan xodimlar, ular saylangan yoki tayinlangan organlardagi mehnat sharoitlarini hisobga olgan holda, prokuratura organlari xodimlari uchun belgilangan barcha imtiyozlar, moddiy va ijtimoiy muhofaza qilish choralaridan foydalanadilar.

Ushbu Nizomning 641-bandida koʻrsatilgan prokuratura organlarining amaldagi kadrlar zaxirasiga kiritilgan va unda boʻlgan xodimlarga ushbu Nizomning III boʻlimida belgilangan tartibda darajali unvonlar va harbiy unvonlar, shuningdek Oʻzbekiston Respublikasi Bosh prokurori tomonidan belgilangan shaklda prokuratura organlarining amaldagi kadrlar zaxirasi xodimi guvohnomasi beriladi.

Soliq imtiyozlari va moliyaviy imtiyozlarning, shuningdek, boshqa moddiy afzalliklarning qoʻllanilishi Departament xodimi saylangan yoki tayinlangan organ tomonidan unda amalda boʻlgan lavozim boʻyicha maoshi va boshqa toʻlovlar miqdori saqlangan holda amalga oshiriladi.

Shu bilan birga, bunday xodimlarga darajali unvonlar, koʻp yillik xizmati uchun ustamalar hamda Departament xodimlari uchun belgilangan mehnatning alohida sharoitlari uchun har oylik ustamaning oʻrtacha miqdori toʻlanadi.

643. Prokuratura organlarining amaldagi kadrlar zaxirasiga oʻtkazilgan xizmatni oʻtashni tugatgan xodimlar, shuningdek, ularning oila aʼzolari bevosita Departament organlarida xizmat oʻtashni tugatgan xodimlar va ularning oila aʼzolari kabi huquqlar, imtiyozlar va afzalliklardan foydalanadilar.

644. Ushbu Nizom 641 — 643-bandlarining amal qilishi Departamentdan ushbu Nizomning 641-bandida koʻrsatilgan organlarga avval saylangan yoki oʻtgan xodimlarga ham prokuratura organlarining amaldagi kadrlar zaxirasiga kiritilgan vaqtdan boshlab tatbiq etiladi

65. Amaldagi kadrlar zaxirasiga kiritilgan va unda boʻlgan Departament xodimlariga ularning boshqa davlat organlaridagi vakolat muddatlari tugaganidan soʻng, muqaddam Departament organlarida egallagan yoki unga teng lavozim berilishi kafolatlari taʼminlanadi, xodimning egallab turgan lavozimiga noloyiqligi yoki sogʻligʻi holatiga yoxud mehnat (xizmat) majburiyatlarini bajarmaganligi uchun mehnat faoliyati tugatilgan hollar bundan mustasno.

66. Departamentning ishdan noqonuniy boʻshatilgan, boshqa lavozimga oʻtkazilgan, darajali unvondan mahrum etilgan xodimlari muqaddam egallagan lavozimiga va darajali unvonida qayta tiklanadi yoki boshqa teng lavozimga tayinlanadi.

Departamentga ishga tiklangan xodimlarning majburiy progul vaqti ularga koʻp yillik xizmati uchun toʻlanadigan ustamani hisoblash hamda navbatdagi darajali unvonni berish uchun ish stajlarida hisobga olinadi.

Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentida xizmatni oʻtash toʻgʻrisidagi nizomga 1-ILOVA

Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentida xizmatni oʻtash toʻgʻrisidagi nizomga 2-ILOVA

Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti markaziy apparati xodimlarining Yagona tarif setkasi boʻyicha mehnatga haq toʻlash

razryadlari

Izoh: departament boshligʻi birinchi oʻrinbosarining razryadi Departament boshligʻi tarif stavkasidan 3% past;

Departament boshligʻi oʻrinbosarining razryadi Departament boshligʻi tarif stavkasidan 5% past;

boshqarmalar va boʻlimlar boshliqlari oʻrinbosarlarining razryadi boshqarmalar va boʻlimlar boshliqlarining tarif stavkasidan 5% past.

Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentida xizmatni oʻtash toʻgʻrisidagi nizomga 3-ILOVA

Departament hududiy boshqarmalari xodimlarining Yagona tarif setkasi boʻyicha mehnatga haq toʻlash

RAZRYaDLARI

Izoh: boshqarmalar, boʻlimlar boshliqlari oʻrinbosarlarining razryadi boshqarmalar va boʻlimlar boshliqlari tarif stavkasidan 5% past.

Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentida xizmatni oʻtash toʻgʻrisidagi nizomga 4-ILOVA

Departament shahar boʻlimlari xodimlarining Yagona tarif setkasi boʻyicha mehnatga haq toʻlash

RAZRYaDLARI

Izoh: boʻlim boshligʻi oʻrinbosarining razryadi boʻlim boshligʻi tarif stavkasidan 5 % past.

Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentida xizmatni oʻtash toʻgʻrisidagi nizomga 5-ILOVA

Departament tumanlar boʻlimlari xodimlarining Yagona tarif setkasi boʻyicha mehnatga haq toʻlash

RAZRYaDLARI

Izoh: boʻlim boshligʻi oʻrinbosarining razryadi boʻlim boshligʻi tarif stavkasidan 5% past.

Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentida xizmatni oʻtash toʻgʻrisidagi nizomga 6-ILOVA

Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentining xodimlari darajali unvonlariga ega boʻlgan xodimlari lavozim maoshlariga alohida mehnat sharoitlari uchun har oylik ustamalar

miqdorlari

Izoh: alohida mehnat sharoitlari uchun har oylik ustama qonun hujjatlarida belgilangan ragʻbatlantiruvchi qoʻshimcha haq va ustamalarni hisoblashda Departament xodimlarining lavozim maoshi tarkibiga kiritiladi.

Vazirlar Mahkamasining 2001-yil 6-iyuldagi 291-son qaroriga 7-ILOVA

Oʻzbekiston Respublikasi Vazirlar Mahkamasining ayrim qarorlariga kiritilayotgan oʻzgartirishlar va qoʻshimchalar

1. Vazirlar Mahkamasining “Davlat soliq organlari faoliyatini tashkil etishni takomillashtirish toʻgʻrisida” 2000-yil 13-martdagi 87-son qarorida:

qarorning 3-bandi va qarorga 3-ilova oʻz kuchini yoʻqotgan deb hisoblansin;

5-bandning ikkinchi xatboshidan “Soliq sohasida huquq buzilishlarga qarshi tezkor kurashish bosh boshqarmasi va uning hududiy boshqarmalari” soʻzlari chiqarib tashlansin;

7-banddan “Soliq sohasida huquq buzilishlarga qarshi tezkor kurashish bosh boshqarmasi va uning hududiy boshqarmalari” soʻzlari chiqarib tashlansin;

1, 2, va 2a-ilovalardan “Soliq sohasida huquq buzilishlarga qarshi tezkor kurashish bosh boshqarmasi va uning hududiy boshqarmalari” soʻzlari chiqarib tashlansin.