Vazirlar Mahkamasining “Jamiyat salomatligi va sogʻliqni saqlashni tashkil etish ilmiy-tadqiqot instituti faoliyati toʻgʻrisida” 2017-yil 10-maydagi 266-son qaroriga qoʻshimcha kiritish haqida (735-son)

18.09.2017

Oʻzbekiston Respublikasi Vazirlar Mahkamasining

qarori

Jamiyat salomatligi va sogʻliqni saqlashni tashkil etish ilmiy-tadqiqot instituti va uning hududiy boʻlinmalari xodimlari mehnatiga haq toʻlash va ularni moddiy ragʻbatlantirish tizimini yanada tartibga solish maqsadida Vazirlar Mahkamasi qaror qiladi:

1. Vazirlar Mahkamasining “Jamiyat salomatligi va sogʻliqni saqlashni tashkil etish ilmiy-tadqiqot instituti faoliyati toʻgʻrisida” 2017-yil 10-maydagi 266-son qarorining (Oʻzbekiston Respublikasi QHT, 2017-y., 19-son, 342-modda) 6-bandiga quyidagi mazmundagi xatboshi qoʻshilsin:

“Belgilab qoʻyilsinki, Institut va uning hududiy boʻlinmalari xodimlariga Oʻzbekiston Respublikasi Fanlar akademiyasi ilmiy-tadqiqot muassasalarining tegishli lavozimlari uchun nazarda tutilgan mehnatga haq toʻlash va moddiy ragʻbatlantirish shartlari joriy etiladi”.

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov, Oʻzbekiston Respublikasi sogʻliqni saqlash vaziri A.K. Shadmanov zimmasiga va Oʻzbekiston Respublikasi Vazirlar Mahkamasining Sogʻliqni saqlash, ekologiya, atrof-muhitni muhofaza qilish, jismoniy tarbiya va sport masalalari axborot-tahlil departamentiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2017-yil 18-sentabr,

735-son