Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Maʼnaviy-maʼrifiy ishlar samaradorligini oshirish va sohani rivojlantirishni yangi bosqichga koʻtarish toʻgʻrisida” 2017-yil 28-iyuldagi PQ-3160-son qarori) (731-son)
16.09.2017
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Prezidentining “Maʼnaviy-maʼrifiy ishlar samaradorligini oshirish va sohani rivojlantirishni yangi bosqichga koʻtarish toʻgʻrisida” 2017-yil 28-iyuldagi PQ-3160-son qaroriga muvofiq Vazirlar Mahkamasi qaror qiladi:
1. Oʻzbekiston Respublikasi Hukumatining 1-ilovaga muvofiq ayrim qarorlariga oʻzgartirishlar kiritilsin.
2. Oʻzbekiston Respublikasi Hukumatining 2-ilovaga muvofiq baʼzi qarorlari oʻz kuchini yoʻqotgan deb hisoblansin.
3. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
4. Mazkur qarorning bajarilishini nazorat qilish Vazirlar Mahkamasining Taʼlim, ilm-fan va yoshlar siyosati masalalari axborot-tahlil departamentiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 16-sentabr,
731-son
Vazirlar Mahkamasining 2017-yil 16-sentabrdagi 731-son qaroriga 1-ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirishlar
5. Vazirlar Mahkamasining “Fuqarolarning oʻzini oʻzi boshqarish organlari faoliyatini yanada takomillashtirish chora-tadbirlari toʻgʻrisida” 2013-yil 7-oktabrdagi 274-son qaroriga (Oʻzbekiston Respublikasi QT, 2013-y., 10-son, 71-modda) 4-ilovaning 6-bandidagi “Respublika Maʼnaviyat targʻibot markazi” soʻzlari “Respublika Maʼnaviyat va maʼrifat markazi” soʻzlari bilan almashtirilsin.
6. Vazirlar Mahkamasining “Qoraqalpogʻiston Respublikasi, viloyatlar va Toshkent shahri hamda tumanlar va shaharlar fuqarolarning oʻzini oʻzi boshqarish organlari faoliyatini muvofiqlashtirish boʻyicha hududiy kengashlarining namunaviy nizomlarini va tarkiblarini tasdiqlash toʻgʻrisida” 2013-yil 14-dekabrdagi 329-son qarorida (Oʻzbekiston Respublikasi QT toʻplami, 2013-y., 12-son, 93-modda):
a) 1-ilovaning 34-bandidagi “Respublika Maʼnaviyat targʻibot markazi Qoraqalpogʻiston Respublikasi, viloyatlar va Toshkent shahar boʻlimlari raislari” soʻzlari “Respublika Maʼnaviyat va maʼrifat markazining Qoraqalpogʻiston Respublikasi, viloyatlar va Toshkent shahri boʻlimlari rahbarlari” soʻzlari bilan almashtirilsin;
b) 2-ilovaning 23-bandidagi “Maʼnaviyat targʻibot markazi tuman (shahar) boʻlimi rahbari” soʻzlari “Respublika Maʼnaviyat va maʼrifat markazining tuman (shahar) boʻlinmalari rahbarlari” soʻzlari bilan almashtirilsin.
7. Vazirlar Mahkamasining “Davriy bosma nashrlarning majburiy nusxalari yuboriladigan muassasa va tashkilotlarning roʻyxatini tasdiqlash toʻgʻrisida” 2014-yil 31-yanvardagi 21-son qaroriga (Oʻzbekiston Respublikasi QT, 2014-y., 6-son, 66-modda) ilovada:
a) 13-banddagi “Muassasa va tashkilotlar nomi” ustunidagi “Maʼnaviyat targʻibot markazi” soʻzlari “Respublika Maʼnaviyat va maʼrifat markazi” soʻzlari bilan almashtirilsin;
b) 14-band oʻz kuchini yoʻqotgan deb hisoblansin.
9. Vazirlar Mahkamasining “Oʻzbekiston Respublikasi aholisining sogʻlom ovqatlanishi sohasida amalga oshirilayotgan chora-tadbirlarni yanada takomillashtirish toʻgʻrisida” 2015-yil 25-apreldagi 102-son qaroriga (Oʻzbekiston Respublikasi QT, 2015-y., 17-son, 206-modda) 1-ilovada:
a) yigirma uchinchi xatboshi chiqarib tashlansin;
b) yigirma toʻrtinchi — oʻttizinchi xatboshilari tegishli ravishda yigirma uchinchi — yigirma toʻqqizinchi xatboshilar deb hisoblansin;
v) yigirma uchinchi xatboshisi quyidagi tahrirda bayon etilsin:
“A. Qodirov — Respublika Maʼnaviyat va maʼrifat markazi rahbari”.
10. Vazirlar Mahkamasining “Ota-onasining qaramogʻidan mahrum boʻlgan bolalarni ijtimoiy qoʻllab-quvvatlash tizimini takomillashtirish toʻgʻrisida” 2016-yil 12-avgustdagi 263-son qaroriga ilovada:
a) 3, 15 va 16-bandlarning “Masʼullar” ustunidagi “Milliy gʻoya va mafkura ilmiy-amaliy markazi” soʻzlari “Respublika Maʼnaviyat va maʼrifat markazi” soʻzlari bilan almashtirilsin;
b) 14 va 17-bandlarning “Masʼullar” ustunidagi “Respublika Maʼnaviyat targʻibot markazi” soʻzlari “Respublika Maʼnaviyat va maʼrifat markazi” soʻzlari bilan almashtirilsin.
11. Vazirlar Mahkamasining “Xorazm Maʼmun akademiyasining faoliyatini yanada rivojlantirish va takomillashtirishga doir qoʻshimcha chora-tadbirlar toʻgʻrisida” 2017-yil 14-apreldagi 211-son qarorining (Oʻzbekiston Respublikasi QT, 2017-y., 16-son, 275-modda) 12-bandidagi “Milliy gʻoya va mafkura ilmiy-amaliy markazi, Respublika Maʼnaviyat targʻibot markazi” soʻzlari “Respublika Maʼnaviyat va maʼrifat markazi” soʻzlari bilan almashtirilsin.
12. Vazirlar Mahkamasining “Namangan viloyati Toʻraqoʻrgʻon tumanida atoqli maʼrifatparvar Isʼhoqxon Ibrat nomidagi yodgorlik majmuasini tashkil etish toʻgʻrisida” 2017-yil 13-apreldagi 208-son qaroriga ilovada:
a) 13-band quyidagi tahrirda bayon etilsin:
“13. A. Qodirov — Respublika Maʼnaviyat va maʼrifat markazi rahbari”;
b) 14-band oʻz kuchini yoʻqotgan deb hisoblansin.
Vazirlar Mahkamasining 2017-yil 16-sentabrdagi 731-son qaroriga 2-ILOVA
Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan baʼzi qarorlari
ROʻYXATI
1. Vazirlar Mahkamasining “Respublika “Maʼnaviyat va maʼrifat” jamoatchilik markazining faoliyatini tashkil etish toʻgʻrisida” 1994-yil 8-iyundagi 288-son qarori.
2. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasi Prezidentining “Milliy gʻoya targʻiboti va maʼnaviy-maʼrifiy ishlar samaradorligini oshirish toʻgʻrisida” 2006-yil 25-avgustdagi PQ-451-son qarori)” 2006-yil 7-noyabrdagi 230-son qaroriga ilovaning 1-bandi.