Oʻzbekiston standartlashtirish, metrologiya va sertifikatlashtirish agentligi hayʼat aʼzolarini tasdiqlash toʻgʻrisida (491-son)

12.07.2017

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Vazirlar Mahkamasining 2004-yil 5-avgustdagi 373-son qarori bilan tasdiqlangan Oʻzbekiston standartlashtirish, metrologiya va sertifikatlashtirish agentligi toʻgʻrisidagi nizomga muvofiq Vazirlar Mahkamasi qaror qiladi:

1. Oʻzbekiston standartlashtirish, metrologiya va sertifikatlashtirish agentligi hayʼati aʼzolarining soni 7 (yetti) kishidan iborat boʻlishi belgilab qoʻyilsin.

2. Oʻzbekiston standartlashtirish, metrologiya va sertifikatlashtirish agentligi hayʼati quyidagi tarkibda tasdiqlansin:

1. Xaitov Aktam Axmadovich — Bosh direktor 2. Mirsaidov Jamshid Gayratovich — Bosh direktor oʻrinbosari 3. Abdukayumov Abdurauf Abdurashidovich — Bosh metrolog 4. Shukurov Jasur Nigmatovich — “Respublika sinov va sertifikatlashtirish markazi” davlat korxonasi direktori 5. Alimov Shokir Babajanovich — “Oʻzbekiston muvofiqlikni baholash organlarini akkreditatsiya qilish markazi” davlat korxonasi direktori 6. Latipov Vafo Baxranovich — “Standartlashtirish, metrologiya va sertifikatlashtirish ilmiy-tadqiqot instituti” davlat muassasasi direktori 7. Xamdamov Azizbek Xusanboyevich — Ijro nazorati boʻlimi boshligʻi

3. Oʻzbekiston Respublikasi Vazirlar Mahkamasining “Oʻzbekiston standartlashtirish, metrologiya va sertifikatlashtirish agentligi hayʼat aʼzolarini tasdiqlash toʻgʻrisida”gi 2011-yil 17-yanvardagi 14-son qarori oʻz kuchini yoʻqotgan deb hisoblansin.

4. Mazkur qaror bajarilishini nazorat qilish Oʻzbekiston Respublikasi Bosh vazirining oʻrinbosari — “Oʻzavtosanoat” AJ boshqaruvi raisi U.U. Rozukulov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2017-yil 12-iyul,

491-son