Vazirlar Mahkamasining “Valyuta bozorini yanada erkinlashtirish va valyuta almashtirish operatsiyalarini kengaytirishga doir chora-tadbirlar toʻgʻrisida” 2000-yil 30-iyundagi 250-son qaroriga oʻzgartirishlar kiritish haqida (269-son)

13.07.2000

Oʻzbekiston Respublikasi Vazirlar Mahkamasining

qarori

Ichki valyuta bozorida valyuta almashtirish operatsiyalari hajmlarini kengaytirish va chet elga ketayotgan Oʻzbekiston Respublikasi rezidentlarining xorijiy valyutaga boʻlgan ehtiyojlarini yanada toʻliq qondirish maqsadida Vazirlar Mahkamasi qaror qiladi:

3. Oʻzbekiston Respublikasi Markaziy bankiga vakolatli banklarning almashtirish shoxobchalari orqali Oʻzbekiston Respublikasi rezidentlariga xorijiy valyuta sotishning cheklangan miqdorini, ichki valyuta bozorida naqd xorijiy valyutaga boʻlgan talab va takliflardan kelib chiqqan holda, mustaqil ravishda belgilash huquqi berilsin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari B.S. Hamidov va Oʻzbekiston Respublikasi Markaziy banki raisi F.M. Mullajonov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

2000-yil 13-iyul,

269-son