Notarius lavozimiga tayinlash boʻyicha tanlov oʻtkazish tartibi toʻgʻrisidagi nizomga oʻzgartirishlar va qoʻshimcha kiritish haqida (2165-9-son)

13.09.2017

Oʻzbekiston Respublikasi Adliya vazirining

buyrugʻi

[Oʻzbekiston Respublikasi Adliya vazirligi tomonidan 2017-yil 13-sentabrda roʻyxatdan oʻtkazildi, roʻyxat raqami 2165-9]

Oʻzbekiston Respublikasi Prezidentining 2011-yil 23-avgustdagi PQ-1602-son “Oʻzbekiston Respublikasi Adliya vazirligi faoliyatini yanada takomillashtirish chora-tadbirlari toʻgʻrisida”gi qaroriga muvofiq buyuraman:

1. Oʻzbekiston Respublikasi adliya vazirining 2010-yil 20-dekabrdagi 303-mh-son buyrugʻi (roʻyxat raqami 2165, 2010-yil 20-dekabr) (Oʻzbekiston Respublikasi qonun hujjatlari toʻplami, 2010-y., 51-son, 498-modda) bilan tasdiqlangan Notarius lavozimiga tayinlash boʻyicha tanlov oʻtkazish tartibi toʻgʻrisidagi nizomga ilovaga muvofiq oʻzgartirishlar va qoʻshimcha kiritilsin.

2. Mazkur buyruq davlat roʻyxatidan oʻtkazilsin va bu haqda Idoraviy normativ-huquqiy hujjatlarni davlat roʻyxatidan oʻtkazish boshqarmasi Idoraviy normativ-huquqiy hujjatlarning davlat reyestriga tegishli yozuv kiritsin.

3. Notariat, advokatura va FHDY organlari boshqarmasi hamda Huquqiy targʻibot va axborot boshqarmasi ushbu idoraviy normativ-huquqiy hujjatni barcha manfaatdor shaxslarga yetkazilishi va “Oʻzbekiston Respublikasi qonun hujjatlari toʻplami” — “Sobraniye zakonodatelstva Respubliki Uzbekistan”da nashr etilishini taʼminlasin.

4. Mazkur buyruq rasmiy eʼlon qilingan kundan eʼtiboran kuchga kiradi.

5. Mazkur buyruq ijrosini nazorat qilish vazir oʻrinbosari M. Istamov zimmasiga yuklansin.

Vazir R. DAVLETOV

Toshkent sh.,

2017-yil 13-sentabr,

300-mh-son

Oʻzbekiston Respublikasi adliya vazirining 2017-yil 13-sentabrdagi 300-mh-son buyrugʻiga ILOVA

Notarius lavozimiga tayinlash boʻyicha tanlov oʻtkazish tartibi toʻgʻrisidagi nizomga kiritilayotgan oʻzgartirishlar va qoʻshimcha

1. 4-bandda:

birinchi xatboshi quyidagi mazmundagi birinchi va ikkinchi xatboshilar bilan almashtirilsin:

“4. Qoraqalpogʻiston Respublikasi va viloyatlar boʻyicha notarius lavozimi boʻshagandan (vaqtincha boʻshagandan) keyin tegishlicha Qoraqalpogʻiston Respublikasi Adliya vazirligi va viloyatlar adliya boshqarmalari (bundan keyingi oʻrinlarda adliya boshqarmalari deb yuritiladi) bu haqda buyruq chiqarilgan kunning ertasidan kechiktirmay Oʻzbekiston Respublikasi Adliya vazirligini (buyruqni ilova qilgan holda) xabardor qiladi.

Toshkent shahri boʻyicha notarius lavozimi boʻshagandan (vaqtincha boʻshagandan) keyin Oʻzbekiston Respublikasi Adliya vazirligining Kadrlar boshqarmasi bu haqda buyruq chiqarilgan kunning ertasidan kechiktirmay Notariat, advokatura va FHDY organlari boshqarmasini (buyruqni ilova qilgan holda) xabardor qiladi.”;

ikkinchi — sakkizinchi xatboshilar tegishli ravishda uchinchi — toʻqqizinchi xatboshilar deb hisoblansin;

uchinchi xatboshidagi “Tegishli adliya boshqarmasining xabarnomasi olingan” degan soʻzlar “Xabarnoma olingan” degan soʻzlar bilan almashtirilsin.

2. 41-band oʻz kuchini yoʻqotgan deb topilsin.

3. 7-bandda:

birinchi xatboshidagi “tegishli adliya boshqarmasi orqali Oʻzbekiston Respublikasi Adliya vazirligiga” degan soʻzlar “Oʻzbekiston Respublikasi Adliya vazirligiga bevosita yoki tegishli adliya boshqarmasi orqali” degan soʻzlar bilan almashtirilsin;

oʻn birinchi xatboshi chiqarib tashlansin.

4. 8-bandda:

birinchi xatboshidan “adliya boshqarmasiga” degan soʻzlar chiqarib tashlansin;

ikkinchi xatboshidagi “toʻliq topshirilgandan keyin adliya boshqarmasi tomonidan ular qabul qilingan kunning ertasidan kechiktirilmay” degan soʻzlar “adliya boshqarmasiga topshirilgan taqdirda, ular qabul qilingan kunning ertasidan kechiktirilmay tegishli adliya boshqarmasi tomonidan” degan soʻzlar bilan almashtirilsin.

5. 14-bandning ikkinchi xatboshisidagi “bir hafta” degan soʻzlar “besh kun” degan soʻzlar bilan almashtirilsin.

6. 16-band quyidagi tahrirda bayon etilsin:

“16. Tanlov komissiya tomonidan talabgorlarning kasbiy bilimlarini aniqlash maqsadida yozma-ogʻzaki ravishda oʻtkaziladi.”.

7. 171 — 1711-bandlar oʻz kuchini yoʻqotgan deb topilsin.

8. 18-band quyidagi tahrirda bayon etilsin:

“18. Tanlov barcha talabgorlar uchun bir yoʻla bir xonada oʻtkaziladi.

Komissiya majlislarining xolisligi, odilligi va shaffofligini taʼminlash maqsadida tanlov jarayonida komissiya aʼzolari va talabgorlardan tashqari nodavlat notijorat tashkilotlari va fuqarolik jamiyatining boshqa institutlari vakillari (fuqarolarning oʻzini-oʻzi boshqarish organlari, Oʻzbekiston yoshlar ittifoqi va boshqalar) kuzatuvchi sifatida ishtirok etishi mumkin.”.

9. 19-bandda:

birinchi xatboshidagi “ularni test sinovi natijalari bilan birgalikda komissiyaning har bir aʼzosiga” degan soʻzlar “komissiya aʼzolariga” degan soʻzlar bilan almashtirilsin;

ikkinchi xatboshidan “va test sinovi natijalarini” degan soʻzlar chiqarib tashlansin.

10. 20-bandning birinchi xatboshisidagi “Tanlovning ikkinchi bosqichini oʻtkazishning qisqacha” degan soʻzlar “Tanlov oʻtkazish” degan soʻzlar bilan almashtirilsin.

11. 21-bandning birinchi xatboshisidagi “Tanlovning ikkinchi bosqichi” degan soʻzlar “Tanlov” degan soʻz bilan almashtirilsin.

12. 23-band quyidagi mazmundagi beshinchi xatboshi bilan toʻldirilsin:

“Talabgorning mazkur qoidaga amal qilmasligi uni tanlovda qatnashishdan chetlashtirish uchun asos boʻladi. Ushbu holat komissiya majlisining bayonnomasida aks ettiriladi.”.

13. 24-band quyidagi tahrirda bayon etilsin:

“24. Agar talabgor uzrli sabablarsiz oʻz tanlov varaqasini topshirgunga qadar tanlovda qatnashishni davom ettirishdan bosh tortsa, u olti oy davomida keyingi tanlovlarga qoʻyilmaydi. Ushbu holat komissiya majlisining bayonnomasida aks ettiriladi.”.

14. 26-bandda:

birinchi xatboshidan “va test sinovi natijalari bilan birgalikda tanlovning yakuniy natijalarini aniqlash” degan soʻzlar chiqarib tashlansin;

ikkinchi xatboshidan “test sinovi natijalari va” degan soʻzlar chiqarib tashlansin.

15. 29-bandda:

oltinchi xatboshi chiqarib tashlansin;

yettinchi — oʻn oltinchi xatboshilar tegishli ravishda oltinchi — oʻn beshinchi xatboshilar deb hisoblansin;

oltinchi xatboshidan “tanlovning ikkinchi bosqichida” degan soʻzlar chiqarib tashlansin;

sakkizinchi xatboshidagi “bergan javoblari mazmuni” degan soʻzlar “javob bergan yoki javob bera olmaganligi toʻgʻrisidagi maʼlumotlar” degan soʻzlar bilan almashtirilsin;

toʻqqizinchi xatboshidagi “tanlovning birinchi va ikkinchi bosqichlarida olingan” degan soʻzlar “baholash byulletenlaridagi” degan soʻzlar bilan almashtirilsin;

oʻn beshinchi xatboshidagi “Test sinovi natijalari,” degan soʻzlar chiqarib tashlansin.

16. 34-bandda:

birinchi xatboshidagi “adliya boshqarmasi uchun” degan soʻzlar chiqarib tashlansin;

ikkinchi xatboshidagi “adliya boshqarmasi tomonidan” degan soʻzlar chiqarib tashlansin.

17. 341-band oʻz kuchini yoʻqotgan deb topilsin.

18. 35-band quyidagi tahrirda bayon etilsin:

“35. Tanlov gʻolibi bilan mehnat shartnomasini tuzish va uni notarius lavozimiga tayinlash Toshkent shahri boʻyicha Oʻzbekiston Respublikasi Adliya vazirligining, Qoraqalpogʻiston Respublikasi va viloyatlar boʻyicha esa tegishli adliya boshqarmasining buyrugʻi bilan amalga oshiriladi.

Tanlov gʻolibi bilan mehnat shartnomasini tuzish va uni notarius lavozimiga tayinlash haqidagi buyruq komissiya bayonnomasidan koʻchirma olingan kundan boshlab uch kundan kechiktirmay chiqariladi.”.

19. 36-bandda:

birinchi xatboshi quyidagi tahrirda bayon etilsin:

“36. Talabgor tanlovning har qanday bosqichida, shuningdek notarius lavozimiga tayinlash toʻgʻrisidagi buyruq qabul qilingunga qadar tanlovda ishtirok etishdan yoki notarius lavozimiga tayinlanishdan voz kechishga haqli. Buning uchun talabgor bevosita Oʻzbekiston Respublikasi Adliya vazirligiga yoki tegishli adliya boshqarmasiga ariza bilan murojaat etishi lozim. Bunday talabgorlar olti oy davomida keyingi tanlovlarga qoʻyilmaydi.”;

ikkinchi xatboshidagi “tegishli adliya boshqarmasiga” degan soʻzlar “tegishlicha Oʻzbekiston Respublikasi Adliya vazirligiga yoki adliya boshqarmasiga” degan soʻzlar bilan almashtirilsin.

20. 37-banddagi “adliya boshqarmasining buyrugʻi” degan soʻzlar “buyruq” degan soʻz bilan almashtirilsin.

21. Quyidagi mazmundagi 411-band bilan toʻldirilsin:

“411. Tanlov oʻtkazish jarayoni videotasvirga olinishi va internet tarmogʻida toʻgʻridan-toʻgʻri uzatilishi mumkin.”.

22. 6-ilovadan “Test sinovi natijasi ‎(toʻgʻri javoblar soni va ball)‎‏” ustuni chiqarib tashlansin.