Ilmiy unvonlar berish tartibi toʻgʻrisidagi nizomga oʻzgartirishlar kiritish haqida (2793-3-son)

12.09.2017

Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi rayosatining

Qarori

[Oʻzbekiston Respublikasi Adliya vazirligi tomonidan 2017-yil 12-sentabrda roʻyxatdan oʻtkazildi, roʻyxat raqami 2793-3]

Oʻzbekiston Respublikasi Vazirlar Mahkamasining 2017-yil 23-iyundagi 417-son “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻzbekiston Respublikasining Birinchi Prezidenti Islom Abdugʻaniyevich Karimovning xotirasini abadiylashtirish toʻgʻrisida” 2017-yil 25-yanvardagi PQ-2744-son qarori)”gi qaroriga asosan Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi Rayosati qaror qiladi:

1. Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi Rayosatining 2016-yil 28-apreldagi 224/8-son qarori (roʻyxat raqami 2793, 2016-yil 3-iyun) (Oʻzbekiston Respublikasi qonun hujjatlari toʻplami, 2016-y., 22-son, 260-modda) bilan tasdiqlangan Ilmiy unvonlar berish tartibi toʻgʻrisidagi nizomning 12-bandi “d” kichik bandidagi, 13-bandi “d” kichik bandidagi, 14-bandi “d” kichik bandidagi, 16-bandi “d” kichik bandidagi, 17-bandi “d” kichik bandidagi, 19-bandi “j” kichik bandidagi hamda 20-bandi “e” kichik bandidagi “davlat (nomli) stipendiyalar” degan soʻzlar “davlat stipendiyalari” degan soʻzlar bilan almashtirilsin.

2. Mazkur qaror Oʻzbekiston Respublikasi Oliy va oʻrta maxsus taʼlim vazirligi, Xalq taʼlimi vazirligi, Tashqi ishlar vazirligi, Sogʻliqni saqlash vazirligi, Madaniyat vazirligi, Fanlar akademiyasi, Jismoniy tarbiya va sport davlat qoʻmitasi, Fan va texnologiyalar agentligi hamda Qishloq va suv xoʻjaligi vazirligi bilan kelishilgan.

3. Mazkur qaror rasmiy eʼlon qilingan kundan eʼtiboran kuchga kiradi.

Oliy attestatsiya komissiyasi raisi A. YUSUPOV

Toshkent sh.,

2017-yil 29-avgust,

241/4-son

Kelishilgan:

Oliy va oʻrta maxsus taʼlim vaziri I. MADJIDOV

2017-yil 28-avgust

Xalq taʼlimi vaziri U. INOYATOV

2017-yil 28-avgust

Tashqi ishlar vaziri A. KAMILOV

2017-yil 28-avgust

Sogʻliqni saqlash vaziri A. ShADMANOV

2017-yil 25-avgust

Madaniyat vaziri B. SAYFULLAYEV

2017-yil 25-avgust

Fanlar akademiyasi prezidenti B. YULDASHEV

2017-yil 24-avgust

Jismoniy tarbiya va sport davlat qoʻmitasi raisi R. KURBANOV

2017-yil 24-avgust

Fan va texnologiyalar agentligi Bosh direktori M. BOLTABAYEV

2017-yil 24-avgust

Qishloq va suv xoʻjaligi vazirining birinchi oʻrinbosari A. VAXABOV

2017-yil 24-avgust