Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Toshkent shahar hokimiyati boshqaruv apparati tuzilmasini yanada takomillashtirish toʻgʻrisida” 2017-yil 12-iyundagi PQ-3050-son qarori) (709-son)
11.09.2017
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Prezidentining “Toshkent shahar hokimiyati boshqaruv apparati tuzilmasini yanada takomillashtirish toʻgʻrisida” 2017-yil 12-iyundagi PQ-3050-son qaroriga muvofiq Vazirlar Mahkamasi qaror qiladi:
1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirishlar kiritilsin.
2. Vazirlar Mahkamasining “Qoraqalpogʻiston Respublikasi Iqtisodiyot vazirligi, viloyatlar, Toshkent shahri, tumanlar va shaharlar hokimliklarining hududlarni kompleks rivojlantirish yigʻma boshqarmalari va boʻlimlari xodimlarini qayta tayyorlash va ularning malakasini oshirish toʻgʻrisida” 2016-yil 2-maydagi 133-son qarori oʻz kuchini yoʻqotgan deb hisoblansin (Oʻzbekiston Respublikasi QT, 2016-y., 5-son, 33-modda).
3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J. Ramatov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 11-sentabr,
709-son
Vazirlar Mahkamasining 2017-yil 11-sentabrdagi 709-son qaroriga ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirishlar
2. Vazirlar Mahkamasining 2015-yil 7-oktabrdagi 285-son qarori bilan tasdiqlangan Yuridik va jismoniy shaxslarga tadbirkorlik faoliyatini amalga oshirish uchun doimiy foydalanishga tanlov asosida yer uchastkalari berish tartibi toʻgʻrisidagi nizomda (Oʻzbekiston Respublikasi QT, 2015-y., 10-son, 89-modda):
a) 12-bandning toʻrtinchi xatboshidagi “tumanlar va shaharlar hokimliklarining hududlarni kompleks rivojlantirish boʻlimlarining” soʻzlari “tumanlar va shaharlar iqtisodiyot va hududlarni kompleks rivojlantirish boʻlimlarining” soʻzlari bilan almashtirilsin;
b) 13-bandning toʻrtinchi xatboshidagi “Toshkent shahar hokimligining hududni kompleks rivojlantirish yigʻma boshqarmasining” soʻzlari “Toshkent shahar iqtisodiyot va kompleks rivojlantirish bosh boshqarmasining” soʻzlari bilan almashtirilsin;
v) 1-ilovaning “Subyektlar” ustunidagi “tumanlar va shaharlar hokimliklarining hududlarni kompleks rivojlantirish boʻlimlari” soʻzlari “tumanlar va shaharlarning iqtisodiyot va hududlarni kompleks rivojlantirish boʻlimlari” bilan almashtirilsin;
g) 2-ilovada:
birinchi xatboshidagi “Toshkent shahri hokimlarining sanoatni rivojlantirish” soʻzlari “Toshkent shahar hokimlarining” soʻzlari bilan almashtirilsin;
ikkinchi xatboshidagi “Toshkent shahri hokimliklarining hududlarni kompleks rivojlantirish yigʻma boshqarmasi” soʻzlari “Toshkent shahar iqtisodiyot va kompleks rivojlantirish bosh boshqarmasi” soʻzlari bilan almashtirilsin.
3. Vazirlar Mahkamasining “Viloyatlar, shaharlar va tumanlar hokimliklari boshqaruv apparatlari toʻgʻrisidagi namunaviy nizomlarni tasdiqlash haqida” 2016-yil 27-apreldagi 123-son qarorida:
a) 1-ilovada:
9-bandning yettinchi xatboshisi quyidagi tahrirda bayon etilsin:
“Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qarori va Oʻzbekiston Respublikasi Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq ijro intizomi taʼminlanishi”;
10-bandning birinchi xatboshisi quyidagi tahrirda bayon etilsin:
“Boshqaruv apparatining tuzilmasi hokimning yordamchisi, tashkiliy-nazorat guruhi, huquqni muhofaza qiluvchi organlar faoliyatini muvofiqlashtiruvchi, harbiy safarbarlik va favqulodda vaziyatlar masalalari guruhi, voyaga yetmaganlar ishlari boʻyicha komissiyaning masʼul kotibi, yuridik xizmat, axborot-tahlil guruhi, ishlar boshqarmasi, hokim oʻrinbosarlarining kotibiyatlaridan iborat boʻladi”;
11-band quyidagi tahrirda bayon etilsin:
“Boshqaruv apparatining ishlari hokim tomonidan tasdiqlanadigan Boshqaruv apparati va xodimlarning funksional vazifalari toʻgʻrisidagi nizomga, ushbu Namunaviy nizomga, Ish yuritish boʻyicha yoʻriqnomaga, shuningdek, tashkiliy-nazorat guruhi, huquqni muhofaza qiluvchi organlar faoliyatini muvofiqlashtiruvchi, harbiy safarbarlik va favqulodda vaziyatlar masalalari guruhi, axborot-tahlil guruhi, yuridik xizmat, ishlar boshqarmasi, hokim oʻrinbosarlari kotibiyatlari toʻgʻrisidagi nizomlarga muvofiq tashkil etiladi”;
12-bandning birinchi xatboshisi quyidagi tahrirda bayon etilsin:
“Hokimning yordamchisi, tashkiliy-nazorat guruhi, huquqni muhofaza qiluvchi organlar faoliyatini muvofiqlashtiruvchi, harbiy safarbarlik va favqulodda vaziyatlar masalalari guruhi, voyaga yetmaganlar ishlari boʻyicha komissiyaning masʼul kotibi, yuridik xizmat, axborot-tahlil guruhi va ishlar boshqarmasi oʻz faoliyatida hokimga boʻysunadi”;
13 va 14-bandlar quyidagi tahrirda bayon etilsin:
“13. Tashkiliy-nazorat guruhi rahbari Oʻzbekiston Respublikasi Prezidenti devonining Tashkiliy-kadrlar xizmati bilan kelishgan holda hokimning qarori bilan lavozimga tayinlanadi va lavozimdan ozod etiladi.
Axborot-tahlil guruhi rahbari Oʻzbekiston Respublikasi Vazirlar Mahkamasining Hududlarni kompleks ijtimoiy-iqtisodiy rivojlantirish masalalari axborot-tahlil departamenti bilan kelishilgan holda hokimning qarori bilan lavozimga tayinlanadi va lavozimdan ozod etiladi.
Hokim oʻrinbosarining kotibiyati mudiri va mutaxassislari, shuningdek mutaxassislar hokimning tegishli oʻrinbosari taqdimnomasi boʻyicha hokimning qarori bilan lavozimga tayinlanadi va lavozimdan ozod etiladi.
Hokimning yordamchisi va boshqaruv apparatining boshqa xodimlari hokimning qarori bilan lavozimga tayinlanadi va lavozimdan ozod etiladi.
Yuridik xizmat xodimlari Oʻzbekiston Respublikasi Adliya vazirligi bilan kelishilgan holda hokimning qarori bilan lavozimga tayinlanadi va lavozimdan ozod etiladi.
14. Tashkiliy-nazorat guruhi, huquqni muhofaza qiluvchi organlar faoliyatini muvofiqlashtiruvchi, harbiy safarbarlik va favqulodda vaziyatlar masalalari guruhi hamda ishlar boshqarmasi, axborot-tahlil guruhi, yuridik xizmat, hokim oʻrinbosarlarining kotibiyatlari toʻgʻrisidagi nizomlar, shuningdek ular xodimlarining, hokim yordamchisining, voyaga yetmaganlar ishlari boʻyicha komissiya masʼul kotibining funksional vazifalari hokim tomonidan tasdiqlanadi”;
18-band oʻz kuchini yoʻqotgan deb hisoblansin;
20-bandning birinchi va yettinchi xatboshilaridagi “Harbiy safarbarlik va favqulodda vaziyatlar masalalari guruhi” soʻzlari “Huquqni muhofaza qiluvchi organlar faoliyatini muvofiqlashtiruvchi, harbiy safarbarlik va favqulodda vaziyatlar masalalari guruhi” soʻzlari bilan almashtirilsin;
22-band quyidagi tahrirda bayon etilsin:
“Yuridik xizmat faoliyati Oʻzbekiston Respublikasi Prezidentining 2017-yil 19-yanvardagi PQ-2733-son qarori bilan tasdiqlangan Davlat organlari va tashkilotlarining yuridik xizmati toʻgʻrisidagi nizom talablariga muvofiq tashkil etiladi”;
23-bandda:
birinchi xatboshisidagi “Axborot-tahlil xizmati” soʻzlari “Axborot-tahlil guruhi” soʻzlari bilan almashtirilsin;
toʻrtinchi xatboshidan “Hududni kompleks rivojlantirish yigʻma boshqarmasi bilan birgalikda” soʻzlari chiqarib tashlansin;
beshinchi xatboshidan “va hududni kompleks rivojlantirish yigʻma boshqarmasi boshligʻini” soʻzlari chiqarib tashlansin;
oʻn uchinchi xatboshisidagi “Axborot-tahlil xizmati” soʻzlari “Axborot-tahlil guruhi” soʻzlari bilan almashtirilsin;
b) 2-ilovada:
9-bandning yettinchi xatboshisi quyidagi tahrirda bayon etilsin:
“Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qarori va Oʻzbekiston Respublikasi Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq ijro intizomi taʼminlanishi”;
10-banddagi “hududni kompleks rivojlantirish boʻlimi” soʻzlari “iqtisodiyot va hududlarni kompleks rivojlantirish boʻlimi” soʻzlari bilan almashtirilsin;
11-banddagi “hududni kompleks rivojlantirish boʻlimi” soʻzlari chiqarib tashlansin;
12-bandning birinchi xatboshisidagi “hududni kompleks rivojlantirish boʻlimi” soʻzlari chiqarib tashlansin;
13-bandning birinchi xatboshisidagi “Hududni kompleks rivojlantirish boʻlimi boshligʻi Qoraqalpogʻiston Respublikasi Vazirlar Kengashi Raisi va tegishli viloyat va Toshkent shahri hokimlari bilan kelishgan holda hokimning qarori bilan lavozimga tayinlanadi va lavozimdan ozod etiladi” soʻzlari chiqarib tashlansin;
14-bandning birinchi xatboshisidagi “Hududni kompleks rivojlantirish boʻlimi toʻgʻrisidagi nizom Qoraqalpogʻiston Respublikasi Vazirlar Kengashi va tegishli viloyat hokimlari tomonidan tasdiqlanadi” soʻzlari chiqarib tashlansin;
16-band oʻz kuchini yoʻqotgan deb hisoblansin;
19-band quyidagi tahrirda bayon etilsin:
“19. Yuridik xizmat faoliyati Oʻzbekiston Respublikasi Prezidentining 2017-yil 19-yanvardagi PQ-2733-son qarori bilan tasdiqlangan Davlat organlari va tashkilotlarining yuridik xizmati toʻgʻrisidagi nizom talablariga muvofiq tashkil etiladi”;
v) 3-ilovada:
9-bandning yettinchi xatboshisi quyidagi tahrirda bayon etilsin:
“Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qarori va Oʻzbekiston Respublikasi Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq ijro intizomi taʼminlanishi”;
10-banddagi “hududni kompleks rivojlantirish boʻlimi” soʻzlari “iqtisodiyot va hududlarni kompleks rivojlantirish boʻlimi” soʻzlari bilan almashtirilsin;
11-banddan “hududni kompleks rivojlantirish boʻlimi” soʻzlari chiqarib tashlansin;
12-bandning birinchi xatboshisidagi “hududni kompleks rivojlantirish boʻlimi” soʻzlari chiqarib tashlansin;
13-bandning birinchi xatboshisidagi “Hududni kompleks rivojlantirish boʻlimi boshligʻi Qoraqalpogʻiston Respublikasi Vazirlar Kengashi Raisi va tegishli viloyat va Toshkent shahri hokimlari bilan kelishgan holda hokimning qarori bilan lavozimga tayinlanadi va lavozimdan ozod etiladi” soʻzlari chiqarib tashlansin;
14-bandning birinchi xatboshisidagi “Hududni kompleks rivojlantirish boʻlimi toʻgʻrisidagi nizom Qoraqalpogʻiston Respublikasi Vazirlar Kengashi va tegishli viloyat hokimlari tomonidan tasdiqlanadi” soʻzlari chiqarib tashlansin;
16-band oʻz kuchini yoʻqotgan deb hisoblansin;
19-band quyidagi tahrirda bayon etilsin:
“Yuridik xizmat faoliyati Oʻzbekiston Respublikasi Prezidentining 2017-yil 19-yanvardagi PQ-2733-son qarori bilan tasdiqlangan Davlat organlari va tashkilotlarining yuridik xizmati toʻgʻrisidagi nizom talablariga muvofiq tashkil etiladi”.