Tovar cheklarini berish boʻyicha asbob-uskunalar mavjud boʻlmagan yoki nosoz boʻlgan yoxud elektr energiyasi vaqtincha oʻchirilgan hollarda dori vositalari va tibbiy buyumlarni chakana sotishda foydalaniladigan tovar cheklari kitobining shaklini tasdiqlash toʻgʻrisida (2927-son)

11.09.2017

Oʻzbekiston Respublikasi Sogʻliqni saqlash vazirining

buyrugʻi

[Oʻzbekiston Respublikasi Adliya vazirligi tomonidan 2017-yil 11-sentabrda roʻyxatdan oʻtkazildi, roʻyxat raqami 2927]

Oʻzbekiston Respublikasi Prezidentining 2017-yil 17-iyuldagi PQ-3137-son “Aholini dori vositalari va tibbiyot buyumlari bilan taʼminlash tizimini takomillashtirish boʻyicha qoʻshimcha chora-tadbirlar toʻgʻrisida”gi qarorining 8-bandi ijrosini taʼminlash maqsadida buyuraman:

1. Tovar cheklarini berish boʻyicha asbob-uskunalar mavjud boʻlmagan yoki nosoz boʻlgan yoxud elektr energiyasi vaqtincha oʻchirilgan hollarda dori vositalari va tibbiy jihozlarni chakana sotishda foydalaniladigan tovar cheklari kitobining shakli ilovaga muvofiq tasdiqlansin.

2. Mazkur buyruq rasmiy eʼlon qilingan kundan eʼtiboran kuchga kiradi.

Vazir A. SHADMANOV

Toshkent sh.,

2017-yil 17-avgust,

106-son

Oʻzbekiston Respublikasi sogʻliqni saqlash vazirining 2017-yil 17avgustdagi 106-son buyrugʻiga ILOVA

Izoh:

Tovar cheklari kitobi titul varaq va varaqlarining tikish joyi boʻyicha tikiladi. Bunda tovar cheklari kitobining titul varagʻi kitobning birinchi varagʻi hisoblanadi.

Tovar cheklari kitobi 15 x 21 sm oʻlchamda boʻladi.

Ushbu shakl Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi hamda Savdo-sanoat palatasi bilan kelishilgan.

Xususiylashtirilgan korxonalarga koʻmaklashish va raqobatni rivojlantirish davlat qoʻmitasi raisi R. GULYAMOV

Toshkent sh.,

2017-yil 15-avgust

Savdo-sanoat palatasi raisi A. IKRAMOV

Toshkent sh.,

2017-yil 16-avgust