Oʻzbekiston Respublikasi Prezidentining ayrim hujjatlariga oʻzgartishlar kiritish toʻgʻrisida (Oʻzbekiston Respublikasi Prezidentining 2017-yil 24-maydagi “Qishloq va suv xoʻjaligi tarmoqlari uchun muhandis-texnik kadrlar tayyorlash tizimini tubdan takomillashtirish chora-tadbirlari toʻgʻrisida” PQ-3003-sonli qarori) (PF-5190-son)

12.09.2017

Oʻzbekiston Respublikasi Prezidentining

Farmoni

Oʻzbekiston Respublikasi Prezidentining “Qishloq va suv xoʻjaligi tarmoqlari uchun muhandis-texnik kadrlar tayyorlash tizimini tubdan takomillashtirish chora-tadbirlari toʻgʻrisida” 2017-yil 24-maydagi PQ-3003-sonli qaroriga muvofiq:

1. Oʻzbekiston Respublikasi Prezidentining baʼzi hujjatlariga ilovaga muvofiq oʻzgartishlar kiritilsin.

2. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Bosh vazirining oʻrinbosari — qishloq va suv xoʻjaligi vaziri Z.T. Mirzayev zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2017-yil 12-sentabr,

PF-5190-son

Oʻzbekiston Respublikasi Prezidentining 2017-yil 12-sentabrdagi PF-5190-son Farmoniga ILOVA

Oʻzbekiston Respublikasi Prezidentining ayrim hujjatlariga kiritilayotgan oʻzgartirishlar

1. Oʻzbekiston Respublikasi Prezidentining 2015-yil 12-iyundagi “Oliy taʼlim muassasalarining rahbar va pedagog kadrlarini qayta tayyorlash va malakasini oshirish tizimini yanada takomillashtirish chora-tadbirlari toʻgʻrisida”gi PF-4732-son Farmoni 1-ilovasida:

a) 4-pozitsiyasi quyidagi tahrirda bayon etilsin:

“ 4. Toshkent davlat agrar universiteti Agronomiya Agrokimyo va agrotuproqshunoslik Oʻsimliklar himoyasi va karantin Qishloq xoʻjaligi ekinlari seleksiyasi va urugʻchiligi Qishloq xoʻjaligi mahsulotlarini saqlash va dastlabki ishlov berish texnologiyasi Dorivor oʻsimliklarni yetishtirish texnologiyasi Zootexniya Ipakchilik Oʻrmonchilik va aholi yashash joylarini koʻkalamzorlashtirish Meva-sabzavotchilik va uzumchilik Vetenariya Qishloq xoʻjaligida menejment ”;

b) 14-pozitsiyasi quyidagi tahrirda bayon etilsin:

“ 14. Toshkent irrigatsiya va qishloq xoʻjaligini mexanizatsiyalash muhandislari instituti Irrigatsiya tizimlarida suv energiyasidan foydalanish Suv xoʻjaligi va melioratsiya Suv xoʻjaligi va melioratsiya ishlarini mexanizatsiyalashtirish Gidrotexnika inshootlari va nasos stansiyalarini ekspluatatsiya qilish Gidrotexnika inshootlari va nasos stansiyalaridan foydalanish Yer tuzish va yer kadastri Qishloq xoʻjaligini mexanizatsiyalash Qishloq xoʻjaligini elektrifikatsiya qilish va avtomatlashtirish ”.

2. Oʻzbekiston Respublikasi Prezidentining 2012-yil 28-maydagi “Malakali pedagog kadrlar tayyorlash hamda oʻrta maxsus, kasb-hunar taʼlimi muassasalarini shunday kadrlar bilan taʼminlash tizimini yanada takomillashtirishga oid chora-tadbirlar toʻgʻrisida” gi PQ-1761-son qarori 2-ilovasi rus tilidagi matni:

a) 28-pozitsiyasi quyidagi tahrirda bayon etilsin:

“ 28. Tashkentskiy gosudarstvenniy agrarniy universitet Fermerskoye xozyaystvo, agronomiya Tashkentskaya i Sirdarinskaya oblasti ”;

b) 34-pozitsiyasi quyidagi tahrirda bayon etilsin:

“ 34. Tashkentskiy institut injenerov irrigatsii i mexanizatsii selskogo xozyaystva Gidromelioratsiya, kadastr i ustroystvo zemledeliya Mexanizatsiya selskogo xozyaystva, elektrifikatsiya i avtomatizatsiya selskogo xozyaystva Respublika Karakalpakstan, oblasti i g. Tashkent Respublika Karakalpakstan, Buxarskaya, Djizakskaya, Kashkadarinskaya, Navoiyskaya, Samarkandskaya, Surxandarinskaya, Sirdarinskaya, Tashkentskaya, Xorezmskaya oblasti ”.

3. Oʻzbekiston Respublikasi Prezidentining 2017-yil 20-apreldagi “Oliy taʼlim tizimini yanada rivojlantirish chora-tadbirlari toʻgʻrisida”gi PQ-2909-son qarori 32, 32a, 32b, 32v, 32g, 47, 47a, 47b, 47v va 47g-ilovalarning nomlanishida “Toshkent irrigatsiya va meloratsiya instituti” soʻzlari “Toshkent irrigatsiya va qishloq xoʻjaligini mexanizatsiyalash muhandislari instituti” soʻzlari bilan almashtirilsin.